Пахтани йиғиб - териб олишга кўриш ва териш технологияси - Qishloq va o'rmon xo'jaligi - Referatlar

Пахтани йиғиб - териб олишга кўриш ва териш технологияси

Yuklangan vaqt:

20.09.2019

Ko'chirishlar soni:

0

Hajmi:

69 KB

Ko'chirib olish

Пахтани йиғиб - териб олишга кўриш ва териш технологияси Режа: 1.Терим олдидан пахта хосилини аниқлаш ва пахта терими. 2.Пахта Ўзбекистон республикасининг стандартлари ва эталонлар, пахтани қўлда териш 3.Дефолиация ва десикация 4.Далани машина теримига тайёрлаш ва хосилни машинада териш 5.Тўкилган пахтани машинада териш, тозалаш ва пахтани қоп-қанорсиз ташиш, юклаш воситалари

1.Терим олдидан пахта хосилини аниқлаш ва пахта терими. Терим олдидан кутилаётган пахта хосилини аниқлаш теримни яхши ўтказиш учун хамда хар гектар ердан неча центнердан хосил етиштиришни билиш учун жуда мухимдир. Хосилдорликни аниқлаш учун хар бир далада нечта кўчат борлиги (минг туп хисобида): хар бир тупдаги хосил берадиган кўсаклар сони ва хар кўсакдан чиқадиган чигитли пахта массасини (грамм хисобида) аниқланади. Хисобга олинадиган кўсакларнинг энг кичиги 20-25 кунлик бўлиши лозим. Буни нормал ривожланган кўсакка таққослаб тахминан айтиш мумкин. Кўсак морфологик жихатдан одатда 30 кунлик бўлганда деярли тўлиқ хажмга эга бўлади. Буларни аниқлаш учун далада диоганал бўйлаб юриб хар бир гектар ердан биттадан намуна олинади. Хар бир намуна узунлиги хар бир гектардаги хамма қаторлар умумий узунлигининг мингдан бир қисми хисобидан олинади. Агар 90 см га экилган бўлса 11,1 метр, 60 см га экилган бўлса, 16,6 метр.Кўчат қалинлиги ва кўсаклар сонини билиш учун намунадаги хамма ўсимлик сони ва шу намуна охиридаги 10 туп ўсимликдаги кўсак сони дафтарга ёзиб борилади. Майдон 10 гектарлик бўлган бўлса 10 та намуна олинади. Олинган намуналарнинг ўртачаси чиқарилиб у соннинг орқасига 3 та нул қўйилса 1 га ердаги тўп сони келиб чиқади. Кўсак сони бўйича хам 1 та ўсимликда ўртача нечта кўсак мавжудлиги аниқланади. Битта кўсакдан чиқадиган пахта массаси ўрта толали ғўзаларда 3,0-3,5-4,0 г деб хисобланади. Ингичка толалиларда эса 2,0- 2,5 г олинади. Мисол учун: 1га ерда 103,2 минг тўп ўсимлик: бир туп ғўзада эса 9,3 та кўсак мавжуд: битта кўсакдан чиқадиган пахта массасини 4,0 г деб олсак {103,2 x (9,3 x 4,0)}қ103,2 x 37,2қ 38,4 ц гектаридан олинади. Пахта йиғим терими пахтачиликда энг мураккаб ва оғир мехнат талаб қиладиган ишларидан хисобланади. Хисоб китобларга қараганда, пахта етиштиришга йил бўйи қилинган жами сарф-харажатларнинг 50-55% пахта тенримига кетади.

Кейинги йиллари асосий етиштирилган пахта машиналарида терилмоқда. Машина теримини сифатини ўтказиш учун далалалрни тўғри тайёрлаб бериш керак.: экишда сеялкалар қаторлар оралари бир хил, тўғри чизиқ бўйлаб экилган, сеялкаларнинг ўтиш қаторлари оралиғи (стèê) ùàì áèð хèë, îõèðãè æûÿê îëèø íèùîÿòäà òûғри ва жўяк ўртасидан олинган бўлиши керак. Далага ўғит бериш 1-5 июлгача тугалланиши керак. Бегона ўтлардан тозаланиши, ўқ ариқлар яхши текисланган бўлиши керак. Пахта терадиган, кўсак узадиган, тўкилган пахтани йиғадиган, кўсак чивийдиган, пахта ташийдиган тележка ва бошқа транспорт воситалари пахта теримига тахт бўлиши керак. 2.Пахта Ўзбекистон республикаси стандартлари, эталонлари пахтани қўлда териш. Давлатга топширилаётган пахта сифати давлат стандарти (Ўз РСТ) бўйича бахоланади. Пахтани қабул қилишда унинг ташқи кўриниши, етилганлик даражаси, толанинг кўпчиб укпарланиб туриши, тола пишиқлиги хисобга олинади ва 5 та сортга бўлиб қабул қилинади. Ингичка толали пахтанинг уруғликка териладиган далалари, ўрта толали пахтанинг элита ва 1 репродукция уруғлик машинада териламайди. Улар фақат қўлда терилади. Уруғлик чигит тайёрланадиган майдонлардаги ғўзани дефолиация қилиш учун фақат ўсимликка юмшоқ таъсир этадиган (дроппга ўхшаш) препаратлар ишлатилиши керак. Уруғлик пахта 70-75% очилганда, барги камида 80% тўкилганда икки ярусли пахта териш машиналари билан терилади. Бунда чигитнинг механик шикастланиши 1% дан ошмаслиги керак. Бу давлат стандартининг (ЎзРСТ 615-94) техника талаблари қуйидагилар 1.1.Пахта толасининг физик-механик кўрсатгичлари: штапел вазн узунлиги,чизиқли ва солиштирма узилиш кучи ( I ва П нав) меъёрларига мувофиқ тўққизта 1 а, 1б, 1,2,3,4,5,6 ва 7 типга бўлинади. Бунда пахтадаги пахта толасининг типи штапель вазн узунлиги ёки чизиқли зичликнинг энг

ёмон кўрсаткичи бўйича аниқланади. 1а, 1б, 1,2 ва 3 типдаги толаларга эга бўлган пахта узун толали? 4,5,6 ва 7 типдаги толаларга эга бўлган пахта эса ўрта толали пахта навларига киради. 1,2 Хар бир типдаги пахта ранги, ташқи кўриниши, пишиб етилганлик коэффициенти бўйича бешта навга бўлинади: I ,П,Ш, IV , V . 1.3.Пахта нави ифлос аралашмаларнинг миқдори ва намлигига қараб 3 та синфга бўлинади: а) 1, қўлда терилган: б) 2.машинада терилган: в) 3.ердан териб олинган 1.4.Топширилаётган пахтанинг кондицион (тоза, хисобли) вазнини аниқлаш учун ифлос аралашмалар хисоб меъёрининг вазний улуши -2,0 % ва намликнинг вазний нисбати -9,0 % деб олинади. Асосий пахта терими механизациялашган бўлса хам кичиқ пайкаллар, уруғлик пахтанинг ( I ва П терими) далалари қўлда терилмоқда Етиштирилган хосилни 4 мартагача қўлда териш тавсия этилади. Биринчи терим пахтани 20-25% (2-3та) кўсак очилганда, иккинчи теримга қолган хосилнинг 35-40% очилганда киришилади. Учинчи терим иккинчисидан 10-15 кун ўтгандан кейин. Тўртинчи терим кўсак терими. Пахта етиштириш қанчалик юқори агротехникада олиб борилса, теримга тайёргарлик ва терим қанчалик уюшқоқлик билан олиб борилса етиштирилган хосилнинг 85-90 %ни I сортга топшириш мумкин. Уруғлик далаларида аввал уруғликка яроқлилиги аниқланади ва кейин хар тупида 3-4 та кусак очилганда теримга тушилади. Терим 10-15 октябргача тамомланган бўлиши керак. 3.Дефолиация, десикация, далани машина теримига тайёрлаш ва хосилни машинада териш. Етиштирилган хосилни ўз вақтида териб олишда дефолиация ва десикация катта ахамиятга эга. Ғўзани дефолиация ва десикация қилиш пахтани тез очилтиришга, тезроқ ва тоза қилиб териб олишга, кузги ва қишги ишларни ўз вақтида ўтказишга имкон беради.

Дефолиация белгиланган муддатда ўтказилса, 8-10 кунда ғўза баргининг 80-90% тўкилади ва кўсакларнинг очилиши 10-15 кунга тезлашади. Дефолиация марказий пахтачилик туманларда ўртача 1 та тупда 2-3, жанубий туманларда 3-4, ингичка толали ғўзаларда 5-6 кўсак очилганда кейин ўтказиш яхши натижа берган. Кейинги вақтларда ўрта толалиларда хосилнинг 35-40%, ингичка толалиларда эса 50% очилганда ўтказилганда хосилга хам ва тола сифатига хам ижобий таъсир этиши аниқланди. Дефолиация даврида ғўзалар чанқаб қолмаган бўлиши керак. Дори сепиш нормаси ғўзанинг бўйи, хосил шохлари сони, ривожланганлиги, кўчат қалинлиги, ишлаш муддатлари, кузнинг келиши, хуллас барча шароитлар хисобга олинган холда аниқ белгиланиши керак. Дропп сепиш август ойи охирларида бошланиб сентябр ойининг 5-10 ларида тамомланади. Сепиш нормаси ғўзанинг авжига қараб 0,4-0,7 кгҒга . Дроп бутилкаптакс билан сепиш яхши самара беради (бутилкаптакс 4 кгҒга , дропп 0,2-0,3 кгҒга): магний хлорат 8-12 кгҒга; кальций хлорат-хлорид 20-25 кг,га; бутилкаптакс билан магний хлорат аралашмаси ( хар биридан 5 кг дан) 10 кг. Ингичка толали ғўза навлари учун: дропп 0,3-0,5 кгҒга; магний хлоратдан 15-17 гаҒкг; хлорат-хлорид кальцийдан эса 25-30 гаҒкг ишлатилади. Десикация қилиш нормаси Препаратлар Ўрта толали ғ ўза навлари Ингичка толали ғ ўза навлари Магний хлорат Кальций хлорат- хлорид 25-30 45-50 30-32 50-60 Ғўза баргини самарли тўкилишлари учун хаво харорати 18-21 градус бўлгани маъқул хисобланади. Агарда харорат 22 градусдан ортиб кетса, ишлатиш нормаси 10-15 % камайтирилади ёки аксинча харорат бирмунча пасайса (14-15 градус) 15-20 % оширилади. Трактор пуркагичларида

гектарига 400 л эритма сарфланади. Дефолиант ва десикантлар сепишда ОВХ-14 маркали чанглагич пуркагичлардан фойдаланилади. ОВХ-14 аппарати 60 қатор ораларини ишлаганда 20 қаторни (12 метрни), 90 см қатор ораларини ишлаганда эса 12 қаторни (10,8 метрни) қамраб олади. Қаторлардан адашмаслик учун қаторларнинг икки четига трактор кирадиган қаторига белги қўйилади. Дефолиант ва десикантлар захарли модда бўлганлиги учун хамма ишлаётган кишилар: техникалар, таъминотчилар, тракторчилар медицина кўригидан ўтказилади ва ишлаш давомида хамма эхтиёт чораларини кўришлари шарт, Ф-46 маркали респиратор, резина қўлқоплар, химоя кўзойнаклари, комбинезон кийишлари керак. Ишлаш олдидан 0,5 л сут бепул берилади. Дори сепилган далаларга 3 кунгача хеч ким кирмайди. Дефолиация қилиш бошланишидан бир неча кун илгари пахтаси машинада териладиган далаларнинг икки бошида 8-10 метр кенгликда трактор қайтадиган жой ажратилади ва ғўзалар десикация қилинади.Бу даланинг 8-10 % ни ташкил қилади. Машина теримига 3-4 кун қолганда пахтаси терилади, ғўзапояси кўсаклари билан ўрилиб хирмон жойга ёки дала четига чиқарилади. Хамма ўқ ариқлар текисланади. 7.Хосилни машинада териш Далада пайкаллар машинада теришга қулай қилиб етиштирилган, дала яхши тайёрланган, дефолиация яхши ўтказилган, пахта терим машиналари яхши таъмирланган бўлса, ростлаш яхши бўлса 75-85% пахтани машиналар ёрдамида териб олиш мумкин. Машинада пахта Тошкент, Сирдарё ва Жиззах вилоятларида кўплаб терилади. Шпиндель барабанлари орасидаги тирқиши дастлабки пахта теришда олдинги жуфтлариники 30-32 мм, баъзи холларда эса 34-36 мм, орқадагиларники эса 28-30, 32-34 мм бўлиши лозим. Иш жараёнида қаторнинг хар 10 метрида ўзилиб тушган кўсаклар сони 2-3 тадан ошмаслиги лозим. Иккинчи теримда олинган жуфт барабанлар тирқишининг кенглиги 28-30 мм, орқадагилариники эса 24-26 мм бўлиши мақсадга мувофиқдир.

Пахтани шпинделли машинада асосан 2 марта териб олинади: биринчиси 55-60 % хосил очилганда; иккинчиси 10-15 кун ўтгандан кейин. Ингичка толалилар уч марта терилади; кўрак терадиган машиналарда териш; тўқилган пахтани подборшик ёрдамида 2 марта териш СКО-2,4 ва СКО-3,6 кўрак териш машиналари кўрак, кўсак, ғўза тупларида чала қолиб кетган пахтани ёппасига теради. СКО-2,4 кўрак териш машинаси 3 хил технологик схемада ишлаш мумкин: 1.Терилганларни чувиб, ғўза пўчоқ, шох ва бошқа хас чўплардан тозалайди ва бункерга узатади; 2.Терилган кўрак ва кўсакларни чувиб бункерга узатади; 3. Терилган хосил (хом кўсак, хом кўрак ва пахта) ни тозаламай бункерга узатади. Куз иссиқ ва қуруқ келганда бунда 1 технологик схема бўйича ишлайди. Агар кўрак ва кўсакларнинг намлиги 25,0 % атрофида бўлса, кўрак териш машинаси иккинчи технологик схемада ишлаши керак. Бу схеманинг мухим томони шундаки, бунда кусак чақилиб қуритиш мосламаси асосида ишлайди ва кўсак тозалагичнинг фақат чиқиши барабанигагина тушади. Чақилган кўсак ва кўраклар эса тез қуриб яхши тозаланади. Кўрак ва кўсаклар ўрта нам (30%дан ортиқ) бўлганда тозалаш қурилмаси уни тозалай олмайди. Шунинг учун териб олинган аралашма тўғридан- тўғри бункерга тушади. Йўллар равон, текис ва кенг бўлган жойларда битта трактор 4-5 тагача тележкани юки билан пахта тайёрлаш пунктига тортиб бораолади. Пахтачилик хўжаликларида пахтани ортиш, тушириш, ташиш ишлари тўлиқ механизациялашган.

Адабиётлар: 1.И.А.Каримов «Қишлоқ хўжалиги тараққиёти тўкин сочин хаёт манбаи» Ўзбекистон Республикаси Президентининг 1997 йил 26 декабр куни Олий Мажлиснинг Х сессиясида сўзлаган нутқи.»Ватанпарвар» рўзномаси № 155, 27 декабр Тошкент, 1997й. 2.Ўзбекистон Республикасининг Вазирлар Махкамасининг «Қишлоқ хўжалигида ислохотларни чуқурлаштиришга доир қонун ва меъёрий хужжатлар тўплами» 1-2 томлар. Тошкент-1998 й 3. « Cotton » журнали Нью-Йорк-1998-1999 й. 4.Ўзбекистон Республикаси Вазирлар Махкамасининг «1999-2000 йилларда пахта навларини янгилаш ва жойлаштириш дастури тўғрисидаги» қарори «Ўзбекистон овози» рўзномаси, № 141, 26 ноябр Тошкент-1998 й. 5.Э. Т.Шайхов ва бошқалар «Пахтачилик», Тошкент 1990 й. 6.Муаллифлар жамоаси «Пахтачилик справочниги»Тошкент 1989 й. 7.М.Мухамеджанов,А.Зокиров «Ғўза агротехникаси» Тошкент 1995й. 8.А.И.Шлейхер ва бошқалар.Пахтачиликдан лаборатория маш-ғулотлари. Тошкент. «Ўқитувчи». 1980 й. 9.»Ўзбекистон худудида экишга тавсия этиладиган Қишлоқ хўжалиги экинлари реестри», Тошкент 1998 10.Пахтачилик комплекси алмашлаб экишда бошоқли дон экинларини жойлаштириш бўйича тавсиялар. Фан-техника тараққиётини тарғиб қилиш ва жорий этиш бош бошқармаси, Тошкент 1994 й. 11.Б.Алеев,О.И.Иброхимов.Истиқболли ғўза навлари агротехни- каси,Тошкент. 1988 й.

O'xshashlar

Пахтани йиғиб-териб олишга тайёргарлик кўриш ва териш. Пахтачиликда фан ютуқлари ва илқорлар тажрибасини қўллаш

Чигитли пахтани сақлаш технологияси

Чигитли пахтани қуритиш технологияси

Чигитли пахтани тозалаш технологияси

Чигитли пахтани тайёрлаш технологияси