Эритувчининг регенерацияси ва рекуперацияси - Qishloq va o'rmon xo'jaligi - Referatlar

Эритувчининг регенерацияси ва рекуперацияси

Yuklangan vaqt:

20.09.2019

Ko'chirishlar soni:

0

Hajmi:

202.5 KB

Ko'chirib olish

Э ритувчининг регенерацияси ва рек у перацияси Режа: 1. Эритувчини регенерация қилиш усуллари 2. Эритувчи ва сув буғлари аралашмасини конденсациялаш 3. Тик ўрнатилган конденсатор 4. Эритувчининг рекуперацияси 5. Ҳаво-буғ аралашмасидаги эритувчи буғларини совитиб конденсатлаш. 6. Ҳаво-буғ аралашмасидаги эритувчи буғларини адсорбцион рекуперация қурилмаларида конденсатлаш. 7. Ҳаво буғ аралашмасидаги эритувчи буғларини суюқ-мойли абсорбент ёрдамида рекуперациялаш. 8. Ҳаво буғ аралашмасидаги эритувчи буғларини суюқ-мойли абсорбент ёрдамида рекуперациялаш. 9. Эритувчи ва сув аралашмасини ажратиш

Мой экстракция жараёнида мойни ажратиб олиш учун эритувчи бир неча марта ишлатилади. Эритувчининг асосий қисмини қайта ишлатиш учун шрот ва мисцелла таркибида буғлатиш ва кондициялаш усули билан ишлаб чиқаришга қайтарилади. Ҳосил бўлган аралашма (эритувчи билан сув) уларнинг зичлигидаги фарқига асосан сув ажратгичда иккита компонентга ажратилади.Эритувчи ўзлуксиз қайта ишлатиладиган эритувчига мўлжалланган резервуарга юборилади. Эритувчини қайтадан йиғиб олиш жараёни регенерация деб аталади. Бироқ юза конденсаторларида эритувчи тўла конденсацияланмайди ва ҳаво билан аралашма ҳосил қилади. Бундан ташқари таркибида кам миқдорда эритувчи буғи бор аралашмалар турли мисцелла йиғичларда, эритувчи учун резервуарларда ҳам ҳосил бўлади. Эритувчи буғи ҳаво билан ҳосил қилган аралашмадан (эритувчи концентрацяси 15-20 % гача) эритувчи ажратиб олиш жараёни рекўперация деб аталади. Бундан ташқари, мой экстракция заводларида эритувчини сув , мой, оқсил, фосфатид, углеводород ва бошқа моддалардан иборат эмульсияҳам ажратиб олинади. Эритувчини регенерация қилиш усуллари Ҳаво-эритувчи буғлари аралашмасидаги эритувчи буғларнинг концентрациясига кўра қуйидаги тутиб олиш усуллари қўлланилади. А) аралашмада эритувчи буғларининг концентрацияси кўп миқдорда бўлса совутиш йўли билан кондициялашдан фойдаланилади. Бунинг учун сув, ҳаво буғ аралашмасини эса намакоп ёки хладоагент ёрдамида совитилади. Б) Эритувчи буғларнинг концентрацияси ўрта ва кам миқдордаги аралашмалар учун эритувчини қаттиқ ёки суюқ сорбентлар билан адсорбция ёки абсорбция йўли билан эритувчини тутиб қолиш усулидан фойдаланилади.

Эритувчи ва сув буғлари аралашмасини конденсациялаш Эритувчи ва сув буғлари аралашмасини икки усул билан конденсациялаш мумкин: 1) юзали конденсаторларда. Бу ерда буғлар трубанинг ички ёки сиртқи юзаларида конденсацияланади. Трубаларнинг бошқа томонидан совуқ сув, намакоп ёки ҳаво берилади. Шу вақтда буғлар ўзининг иссиқлигини совутувчи агентга бериб, конденсацияланади. Бунда конденсат совитувчи сув ёки намакоп билан аралашмайди. 2) аралаштирувчи конденсаторларда буғлар совитувчи сув ёки намакоб билан аралаштирилади. Конденсациялаш атмосфера босими ёки вакуум остида ўтказилади. Вакуум ҳосил қилиш учун вакуум-насос ёки буғли эжекторлар ишлатилади. Трубкалар тўпламлари жойлашганига қараб юзали конденсаторлар ётиқ ёки тик турган бўлиши мумкин. Тик турган конденсаторлар кенг қўлланилади. Вертикаль конденсатор НД-1250 цилиндрик корпус (1), қопқоқ (3), конуссимон таглик(8)дан ташкил топган. Конденсаторнинг юқори қисмида трубани махкамлаш учун панжара (13) жойлашган. Бу панжарага диаметри 20/25 узунлиги 3000 мм 661 дона (латунли) трубка ўрнатилган. Трубкаларнинг пастки қисмига трубкали панжара ўрнатилган. Унинг пастки қисмида қум, чиқиндилар йиғилади. Трубчатка (11) цилиндрик корпусни тепа қисмида қобиқни ичида жойлашган панжарага осилиб туради ва трубчаткани тозалаш ва алмаштириш учун имконият яратадиган қопқоқ (3) билан ёпилади. Совитувчи сув патрубок (6) орқали киради, тўсқич (12)

орқали қопқоқ (3)дан икки марта ўтиб, патрубок (5) орқали чиқиб кетади. Конденсаторни умумий совитиш. Тик ўрнатилган конденсатор Конуссимон қисмда йиғилган чиқиндилар ювилган пайтда патрубок (10) орқали чиқариб юборилади. Краниқ (4) лар ҳавони чиқариб юбориш учун мўлжалланган. Эритувчи ва сув буғлари патрубок (2) орқали кондесаторнинг труба оралиғига берилади. Трубчатканинг ўзунлигида тўсқич (15) конденсацияланган буғлар учун иккита йўл ҳосил қилади. Трубали оралиқнинг бир қисми аксинча токчалар (14) билан бўлинган. Бу токчалар буғларни совутиш юзаси билан яхши контактда бўлиши мақсадида ўрнатилган. Конденсат конденсаторнинг конуссимон қисмида йиғилиб, патрубок (9) орқали чиқиб кетади. Конденсацияланмаган буғлар ҳаво билан аралашма ҳосил қилиб патрубок (7) орқали вакуум ёрдамида рекўперация қурилмасига юборилади. Сувли шрот тутгичлардан чиққан бензин ва сув буғларини конденсациялашда совутувчи сувнинг температураси конденсатордан чиқаётган 35 0 С дан юқори бўлмаслиги керак. А маркали бензин ишлатилганда конденсатнинг температураси 45 0 С дан юўлмаслиги керак. Ҳаво буғли аралашмани «Экстехник» линиясида конденсациялашни кўриб чиқамиз. Ҳаволи совутишда тостер ва дистилляциялнинг ҳамма босқичларидан чиққан ҳаво буғли аралашмалар учун конденсаторлар ишлатилади. Тостердан чиққан ҳаво-буғли аралашма сувли шроттутгичда қаттиқ заррачалардан тозаланади. Иссиқликни қайта ишлаш учун аралашма дистилляциянинг биринчи босқичига юборилади.У ерда мисцелладаги эритувчи бунсацияланади. Конденсат-эритувчи ва сув аралашмаси сув ва эритувчини ажратиш учун мўлжалланган сув ажратгичга келиб тушади.Т=62

градусли конденсацияланмаган буғлар ҳаво билан совутиладиган конденсатор (4) га боради. Конденсаторлар ишини енгиллатиш учун, температураси 62 0 С га яқин бўлган конденсацияланмаган буғларни ўтказувчи трубаларга насос ёрдамида харорат 40 0 С лди эритувчи ва сувли конденсат сачратилади. Шу билан бирга газопроводда буғларнинг бир қисми конденсацияланиб 62 0 С га қиздирилади. Бу операция буғларнинг конденсациясини енгиллаштириб янги эритувчини қиздиришга сув буғининг сарфини қисқартиради. Газопроводнинг пастки қисмидан конденсат сув ажратгич келиб тушади. Конденсатор (4) да эритувчи ва сув буғлари конденсацияланади. Конденсациянинг бошлангич температураси 61 0 С булиб, аралашманинг температураси киришда 61 0 С, чиқишда 50 0 С ни ташкил қилади. Дистилляциянинг ҳамма гурухларидан чиққан ҳаво-буғли аралашманинг юқори концентрацияли буғлари ҳаво билан совутиладиган, (1) ва (6)га вакуум-насослар ёрдамида ҳосил бўладиган вакуум остида ишлайдиган (3) ва (8) конденсаторларга юборилади. Конденсатор (3) да эритувчининг буғлари конденсацияланади. Конденсациянинг бошлагич Т-си 400 0 С, аралашманинг киридаги Т-си 50 0 С, чиқишда 40 0 С бўлади. Конденсатор (8) да эритувчи ва сувнинг буғлари конденсацияланади. Конденсациянинг болангич Т-си 50 0 С, аралашманинг киришдаги Т-си 80 0 С, чиқишда 40 0 С бўлади. (2),(5) ва (7) сепараторларда конденсат ҳаво-буғли аралашмадан ажралади. Эритувчини нг рек у перацияси Экстракция цехидаги турли аппаратлардан чиқаётган ҳаво таркибида озми-кўпми эритувчи буғи бўлади. Ҳаво-буғ (техник адабиётда ҳаво-газ аралашмаси деб ҳам юритилади) аралашмасидан эритувчини рекўперацион қурилмалар ёрдамида ажратиб олинади.

Рекўперацион қурилмаларда эритувчининг буғларини ажратиб олиш учун учта усулда фойдаланилади: 1)совутиш йўли билан конденсациялаш; (эритувчи буғларнинг концентрацияси 170-250 г/см) 2) қаттиқ адсорбентлар ёрдамида конденсациялаш (50-140 г/см) 3)суюқ абсорбентлар ёрдамида конденсациялаш (140-175 г/см) Ҳаво-буғ аралашмадаги эритувчи буғларини совутиш йўли билан конденсациялаш жараёнини кўриб чиқамиз . Бу жараёнда буғнинг асосий қисми суюқ агрегат ҳолатга ўтади. Сўнгра ҳосил бўлган конденсат махсус аппаратларда сув ажратгичларда таркибий қисмларга ажратилади, яъни эритувчи ва сувга. Ажралиб чиққан ҳаво эса оз миқдорда қолган буғ билан биргаликда атмосферага чиқариб юборилади. Аралашмани совутиш-дефлегматор деб аталадиган – рекўперацион аппаратларда амалга оширилади. Совутиш учун асосан совуқ сув (10-12 0 ) ёки баъзи тўзларнинг эритмалари (намакоп) дан (асосан кальций хлор) фойдаланилади. Ҳаво-буғ аралашмасидаги эритувчи буғларини совитиб конденсатлаш. Эритувчи ва сув буғларини ҳаво билан аралашмасини совитиш конденсатлаш жараёнига олиб келади, бунда буғларнинг кўп қисми суюқ ҳолатга ўтади. Кейин конденсат махсус аппарат – сув ажратгичда уни ташкил этувчи компонентлар (эритувчи ва сув)га ажратилади, ҳаво эса таркибидаги озгина эритувчи буғи қолдиғи билан бирга атмосферага чиқариб юборилади. Ҳаво-буғ аралашмасини совитиш дефлегматор деб аталувчи рекуперацион аппаратларда олиб борилади. Улар аралашадиган ёки юза конденсаторларидан иборат. Биринчисида ҳаво-буғ аралашмаси бирор-бир насадка (Рашиг ҳалқаси, кокс ва б.)да совитувчи агент билан бевосита тўқнашади. Юза дефлегматорларда совитиш трубалар системасида боради ва буғ конденсацияси трубанинг ички ёки ташқи юзасида содир боради. Бу икки хил дефлегматорлардан юза аппаратлар афзалроқ ҳисобланади. Чунки уларда

эритувчи конденсати аралаштирувчи дефлегматорлардаги каби совитувчи агент билан аралашмайди. Натижада кейинги ажратиш жараёнига эҳтиёж қолмайди. Иккала турдаги дефлегматорларда ҳам совитувчи агент сифатида 10- 12 0 С ҳароратли сув ёки намокоб (айрим тузларнинг эритмалари) ишлатилади. Бундай эритмалар сифатида -10 : -15 0 Сгача совитилган СаСl 2 эритмаси қўлланилиб, улар ҳаво-буғ аралашмасини энг паст ҳароратгача совитади ва буғни деярли тўлиқ конденсатлайди. Ёғ экстракциялаш заводларида рекуперацион қурилма сифатида юза дефлегматорларида намакоб билан совитиш кенг тарқалган. Бундай қурилмалар бизда вертикал шнекли экстрактор – НД-1250ни линиясида кўп қўлланилади. НД-1250 тизмасини рекуперация ускунаси қуйидагича ишлайди. НД-1250 экстракция тизмасини рекуперация ускунаси схемаси Таркибида эритувчи буғлари кўп бўлган, конденсатор ва мисцелла тозалагичлардан чиққан ҳаво-буғ аралашмаси совутгич (1) ва дефлегматор(3)ларга юборилади.

Таркибида камроқ эритувчи буғлари бўлган, мисцелла йиғгич, экстрактор ва бошқалардан чиққан ҳаво-буғ аралашмаси (2) совитгич ва (4) дефлнгматорларга юборилади. Дефлнгматор колонкалари намакоп билан совутилади. Дефлегматорларга қиздириш учун сувли буғ ҳам берилади. (3) дефлегматордаги ҳаво тўрли тўсқиндан (6) чиқиб кетади. (4) дефлегматорлардаги сув музлаб қолмаслиги учун узатилаётган намакобнинг ҳарорати насос олдида минус 5 0 Сдан паст бўлмаслиги дефлегматорда эса 0 0 С атрофида бўлиши керак. Дефлегматорлар ишини енгиллаштириш учун сув билан совитишдан фойдаланилади ва эритувчи – сув буғларининг бир қисмини ҳаво-буғ аралашмаси совиткичларида конденсатланади. Ҳаво-буғ аралашмаси патрубок (8) орқали эритувчи ва сув конденсатларини йиғувчи остки камера(9)га берилади. У ердан аралашма коллектор трубкалари (5) орқали юқорига кўтарилади ва юқориги йиғувчи камера(3)даги патрубка (1) орқали чиқиб кетади. Юқориги йиғиш камераси (3) конденсатланмаган буғлар учун мўлжалланган бўлиб, қалпоқ шаклида қурилган ва у трубкали коллекторни ёпиб туради. Аппарат корпуси(4)даги патрубка (6) орқали коллекторни пастки қисмидан трубалараро бўшлиққа совуқ сув берилади ва патрубка (13) орқали эса юқоридан чиқариб юборилади. Трубкали коллекторда диаметри 25/30 мм бўлган 61 дона трубкалар мавжуд. Унинг совитиш юзаси 7,2 м 2 ни ташкил этади. Пастки йиғиш камерасидаги эритувчи ва сув конденсатлари патрубка (10) орқали чиқариб олинади. Ҳаво-буғ аралашмаси кирадиган ва чиқадиган жойларга қайтаргич(2 ва7)лар ўрнатилган. Аппаратдаги совитувчи сувни тўлиқ

бўшатиб олиш патрубка (12) орқали амалга оширилади. Остки йиғиш камерасидаги эритувчи ва сув конденсатлари қатламини систематик кузатиб туриш учун сатҳ кўрсаткич (11) мавжуд. Совитиш учун ҳарорати 12 0 Сдан юқори бўлмаган сув тавсия этилади. Чиқаётган сув ҳарорати 17-18 0 С бўлиши лозим. Бундай параметрдаги айланма сувни бўлиши айниқса ёз кунларида анча қийин бўлади. Шунинг учун бундай совиткичларни совитиш юзаси катта бўлганларига алмаштириш тавсия этилади. Бунда совитиш юзаси 100-150 м 2 бўлган вертикал конденсаторлар қўлланилиб, улар айниқса эритувчи сифатида А маркали бензин ишлатилганда яхши самара беради. Юза орқали совитувчи дефлегматор – ичида трубкали батареяси (4) бўлган вертикал цилиндрик идиш (3) бўлиб, трубкали батарея диаметри 25/30 мм бўлган 37 дона трубкалардан ташкил топган. Аппаратнинг пастки қопқоғида совитувчи намакоб кирадиган патрубка (6), юқориги қопқоғида эса шу намакоб чиқадиган патрубка (1) мавжуд. Дефлегматорни ён юзасида ҳаво-буғ аралашмаси кирадиган патрубка (2) бўлиб, патрубка (7) эса уни чиқиши учун мўлжалланган. Эритувчи ва сув конденсатини бўшатиш учун патрубка (5) хизмат қилади. Ҳаво-буғ аралашмаси трубалараро бўшлиқда юқоридан пастга томон ҳаракатланиб, патрубка(2)дан кириб патрубка(7)дан чиқиб кетади. Аралашма трубкалар ичида қарама-қарши оқимда ҳаракатланаётган намакоб билан совийди. Аппаратнинг совитиш юзаси 18 м 2 га тенг. Ҳосил бўлган конденсат патрубка (5) орқали суважратгичга чиқиб кетади. Кетма-кет барча дефлегматорлардан ўтган ҳаво оловтўсқич орқали атмосферага чиқариб юборилади. Намакоб эса совитувчи компрессорли қурилмага қайтарилади. Дефлегматордан чиқаётган ҳавони таркибидаги эритувчи миқдорини аниқлаш билан назорат қилинади. Намакоб ҳарорати киришда 0 0 С ва чиқишда 5 0 С бўлади. Ҳаво-буғ аралашмасининг ҳарорати рекуперацион қурилмага кираётганда 40 0 Сдан ва чиқаётганда 0-10 0 С ошмайди.

Дефлегматор колонналари етарли даражада самарали ишлайди. Гарчи аралашма 0 0 Сгача совитилсада, дефлегматордан чиқиб кетаётган ҳаво ўзи билан маълум миқдордаги эритувчини илаштириб кетади. Дефлегматорлар яхши ишлаганда, ҳаво-буғ аралашмасидаги 60-70% бензинни ушлаб қолади. Ҳаво-буғ аралашмасидаги эритувчи буғларини адсорбцион рекуперация қурилмаларида конденсатлаш. Эритувчини рекуперациялашнинг адсорбцион усули айрим қаттиқ, ғовакли моддаларни (адсорбентларни) нормал ҳароратда оғир углеводородларни танлаб ютиши ва қиздирилганда уларни чиқариб юборишига асосланган. Газ заррачаларини қаттиқ модда юзасига шимилишини таъминлайдиган адсорбцион куч табиатига оид турли қарашлар мавжуд. Физик назариялардан қуюқ қатлам назарияси кенг тарқалган. Бу назарияга кўра қаттиқ материал юзасидаги атомларнинг адсорбцияланадиган молекулалар билан ўзаро таъсирлашуви молекуляр илашиш кучига асосланади. Адсорбент тўлиқ тўйинган вақтда унинг юзасидаги заррачалар орасида мувозанат юзага келади, яъни вақт бирлигида қанча заррача ютилса, шунча заррача юзадан чиқиб кетади. Адсорбцияланган модда миқдори адсорбент ва адсорбцияланадиган модда хоссаларига ва ҳароратга боғлиқ. Адсорбент ёки ютувчи модда сифатида солиштирма ютиш юзаси катта бўлган қаттиқ моддалар ишлатилади. Бу мақсадда кўпроқ активланган кўмир ишлатилиб, унинг солиштирма актив юзаси 1 г массада 600-1700 м 2 ни ташкил этади. Саноатда қўзғалмас қатламли адсорбентга эга бўлган даврий адсорбциялаш усули кенг қўлланилмоқда. “Олье” экстракция линиясида икки босқичли рекуперациялаш қурилмаси ишлатилади. Бунда босқичма-босқич икки усулдан фойдаланилади: 1) ҳаво-буғ аралашмасини ўта совитиш йўли билан эритувчи буғларини ушлаб қолиш;

2) қаттиқ адсорбентлардан фойдаланиб эритувчи буғларини ушлаб қолиш; Биринчи босқичда эритувчи буғларини ушлаб қолиш учун ҳаво-буғ аралашмаси пуркагичли конденсатордан ўтказилади, у ерда ҳарорати -15- 20 0 С бўлган кальций хлорид эритмаси билан бевосита контактда бўлиб, конденсатланади ёки юза орқали совитувчи конденсаторда совитувчи эритма орқали конденсатланади. Пуркагичли конденсатор вертикал цилиндр (4), пастки сферик таглик (8) ва юқориги олинадиган қопқоқ(1)дан ташкил топган. Конденсатор ичига оралиқ тўсиқ (5) ўрнатилган бўлиб, унга Рашиг керамик ҳалқаси жойлаштирилган. Конденсаторнинг юқори қисмида ҳалқали барботёр (3) бўлиб, унинг ёрдамида совитувчи намокоб конденсаторнинг бутун кўндаланг кесими бўйлаб тақсимланади. Ҳаво-буғ аралашмаси патрубка (9) орқали киради ва пастдан юқорига қараб ҳаракатланади. Унга қарши оқимда совитувчи намакоб оқиб тушади. Намакоб билан бевосита тўқнашган вақтда тўғридан- тўғри конденсатцияланиш натижасида буғнинг асосий миқдори конденсатланади. Намакоб ва бензин аралашмаси патрубка (7) орқали конденсатордан чиқиб кетади. Ҳаво буғ аралашмасидаги эритувчи буғларини суюқ-мойли абсорбент ёрдамида рекуперациялаш. Ҳаво-буғ аралашмадаги ҳамма углеводород компонентларни суюқ ютгичлар ёрдамида ушлаб қолиш мумкин. Ҳаво-буғ аралашмасидан эритувчининг буғларини абсорцион усулда ажратиб олишга уларнинг суюк минерал углеводородли маҳсулотларда эритувчини асос бўлади. Абсорбент сифатида ишлатиладиган маҳсулотлар қуйидаги талабларга жавоб бериши, яъни жараён давомида турғун бўлиши, десорбция вақтида яхши регенерацияланиши, аппаратларни зангламаслиги керак.

Ёғ экстракция саноатида нефть маҳсулотларидан вазелин ва ацетон мойлари кенг қўлланилади. «Экстехник» мой-абцорцион ускунасида абсорбенд сифатида қайнаш хароратининг бошланиши 325 о С ва сўнггиси 500 о С атрофида бўлган минерал мой ишлатилади. Ҳаво буғ аралашмасидаги эритувчи буғларини суюқ-мойли абсорбент ёрдамида рекуперациялаш. Ҳаво-буғ аралашмасидаги ҳамма углеводород компонентларини суюқ ютгичлар ёрдамида ушлаб қолиш мумкин. Ҳаво-буғ аралашмасидан эритувчининг буғларини абсорцион усулда ажратиб олишга, уларнинг суюқ минерал углеводородли маҳсулотларда эрувчанлиги асос бўлади. Абсорбент сифатида ишлатиладиган маҳсулотлар қуйидаги талабларга жавоб бериши, яъни жараён давомида турғун бўлиши, десорбция вақтида яхши регенерацияланиши, аппаратларни занглатмаслиги керак. «Экстехник» мой-абсорбцион ускунасида абсорбент сифатида қайнаш ҳароратининг бошланиши 325 о С ва сўнггиси 500 о С атрофида бўлган минерал мой ишлатилади. Ускуна кўрсатилган чизма бўйича ишлайди. Мой-абсорбция қурилмасининг схемаси

Ҳаво-буғли аралашма совитгич (1) орқали абсорбер(2)га боради. Абсорберга қарама-қарши йўналишда совуқ минерал мой пуркалади. Эритувчидан ажралган ҳаво вентилятор (3) ёрдамида атмосферага чиқариб юборилади. Таркибида эритувчи бор мой абсорберни йиғувчи камерасига оқиб тушиб, иссиқлик алмашгич (5), иситгич (6) орқали насос (10) ёрдамида насадкали десорбер(7)га узатилади. Десорбер(7)ни тузилиши абсорберга ўхшайди, лекин унда буғли ғилоф бўлиб, пастки қисмида буғ барботёри ўрнатилган. Десорберда мойни буғ билан қиздириб, ҳайдалган эритувчи буғи конденсацияга узатилади. Регенерацияланган мой эса десорбердан абсорбцион мой учун мўлжалланган бак(8)га оқиб тушади ва насос (9) ёрдамида иссиқлик алмаштиргич (5) ва сувли совутгич(4)га юборилади. Сўнгра, абсорбцион колонканинг юқори қисмига берилади ва цикл қайтарилади. Иссиқлик алмаштиргич(5)да абсорбцияланган мой қисман қиздирилади, кейин иссиқлик алмашгич(6)да буғ билан қўшимча қиздирилади. Регенерацияланган мой иссиқлигини қисман иссиқлик алмаштиргич(5)да камайтирилади, совутгич(4)да сув билан совутилади. Абсорберда абсорбцион мой оғирлигига нисбатан 5% миқдорида эритувчи ютилади. Десорбердан кейин 120 о С ҳароратда ҳам тўлиқ ҳайдаш жараёнига эришилмай 0,5% миқдордаги эритувчи регенерацияланган мойда қолади ва қайтадан циклга жўнатилади. Мой абсорбцион аппаратлар ҳаводаги бензин буғлари миқдорини 2%дан ошмаслигига кафолат беради ва бу аппаратлар рекуперацион аппаратларга нисбатан самарали ишлайди. Эритувчи ва сув аралашмасини ажратиш Зичлигида фарқи бўлган, бир-бири билан аралашмайдиган сероқликларни тиндириш усули билан ажратиш мумкин. Бунинг учун сув ажратгич аппаратлари ишлатилади. Уларга НД-1250 сув ажратгичи, мез сув ажратгичи, сув ажратгич сепарати аппаратлари киради.

НД-1250 сув ажратгичнинг сиғими 6,5 метр ташкил қилади. Аралашманинг харорати 40 о С дан юқори бўлмаслиги керак. Аппаратдан чиқаётган сувдаги бензин миқдори 0,01 % дан кўп бўлмаслиги керак. МЕЗ сув ажратгичи дастлабки (сиғими 5 м) охирги сиғими 3,5 м ва эритувчи учун мўлжалланган ишчи бак сиғими 0,5 м лардан ташкил топган. Суважратгич сепаратрнинг қуввати суткасига 1200 тонна чақилган пахта чигитлари учун мўлжалланган. Унинг сиғими 33,6 м сепаратордаги суюқликнинг харорати 40 о С бўлиши лозим. Ишлатилган сув буғ билан 90 о С гача иситилиб, эритувчини ажратиш учун ишлатилади.

Ф ойдаланилган адабиётлар : 1. В.М. Копейковский, С.И. Данильчук, Г.И. Гарбузова и др. Технология про изводства растительных масел. – М:, Легкая и пищевая промышленность, 1982. 2 . Руководство по технологии получения и переработки растительных масел и жиров. – Л.: ВНИИЖ, Т.1, кн.1, 1975-725 с.; кн.2, 1974-591 с.; Т. VI , кн.2, 1989-558 с. 3 . Голдовский А.М. «Теоретические основы производство растительных масел» М. Пищепромиздат. 1958 г. 5. Y . Q о dirov , Yog ’- moy mahsulotlari ishlab chiqarish texnologiyasi . Kasb - hunar kollejlari uchun o ’ quv qo ’ llanma . T .: “ Sharq ”, 2007-240 b . 6 . Б.Н. Чубинидзе, Х.В. Поронян, А.В. Луговой и др. Оборудование предприятий масло-жировой промышленности. – М:, Агропромиздат, 1985. 7 . У .Ҳ. Ҳалимова, Ўсимлик ёғлари ишлаб чиқариш технологияси. – Т.: “Ўқитувчи”, 1982. 8. Белобородов В.В. «Основные процессы производства растительных масел» М. Пиш. пром. 196 с. 478 9. Леонтьевский К.Е. «Производство растительных масел» М. Пишепромиздат 1956. 10. Гавриленко И.В. «Маслоэкстракционное производства» М. Пишепромиздат , 1960. с. 244

O'xshashlar

Материални экстракцияга тайёрлаш ва экстракциялаш

Мисцеллани қайта ишлаш

Шротдан эритувчини учириш

Ғўзанинг илдиз системаси ва поясининг тузилиши хамда ривожланиши

Филтрация ва калцинация бўлими. Филтрация ва калцинация жараёнининг физик-кимёвий асослари