Tadbirkorlik va uning motivasiyasi muammosini ijtimoiy tasavvurlar konsepsiyasi doirasida o’rganilishi - Psixologiya - Referatlar

Tadbirkorlik va uning motivasiyasi muammosini ijtimoiy tasavvurlar konsepsiyasi doirasida o’rganilishi

Yuklangan vaqt:

20.09.2019

Ko'chirishlar soni:

0

Hajmi:

82 KB

Ko'chirib olish

Tadbirkorlik va uning motivasiyasi muammosini ijtimoiy tasavvurlar konsepsiyasi doirasida o’rganilishi Ma’lumki, shaxs – ijtimoiy voqelik dir. Uning ijtimoiyligi kundalik xulq-atvorida, o’ziga o’xshash insonlar bilan bo’ladigan muloqotlarida, o’zidan-o’zi va o’zgalardan ijtimoiy ta’sir olishida namoyon bo’ladi. Hozirgi kunda tadbirkorlik faoliyatning ijtimoiy mohiyatini tushunish, tadbirkorning ijtimoiy xususiyatlarining shakllanish va o’zgarish mexanizmlarini bilish hamda ularni zamonaviy usullarda tadqiq etish ijtimoiy psixologiya sohasining dolzarb vazifalaridan biri hisoblanadi. Shaxsdagi eng muhim afzalliklardan biri u tashqi muhitni bilishi, turli vaziyatlarda unga moslashishi hamda barqaror xulq-atvor me’yorlarini o’zida tarbiyalay olishidadir. Chunki inson jamiyatning ijtimoiy-iqtisodiy yutuqlarini bilishi va qadrlashi, ularni aqlan his qila olishi kerak. Bu narsa unga o’z zamonasini to’g’ri idrok qilish va tushunish imkoniyatini berib, shaxs tasavvurlari dunyosini mazmunli qiladi. Bu esa tasavvurlar va ularning shakllanganlik darajasiga oid ilmiy-nazariy tushunchalarga ta’rif berishni taqozo etadi. Tadbirkorlik faoliyati haqidagi ijtimoiy tasavvurlarning ijtimoiy-psixologik hamda etnopsixologik mohiyatini ilmiy tadqiq etish, ularni fanda ilmiy fenomen sifatida o’rganilishiga diqqat qaratalishini talab qiladi. Bu hodisa oxirgi yillarda G’arb va rus ijtimoiy psixologlari S.Moscovici 1 , J.Jodelet 2 , A.Donsov 3 , T.Yemelyanova va boshqalar tomonidan o’rganila boshlangan ilmiy fenomendir. Biz xorijiy tadqiqotchilarning fikrlarini umumlashtirib, ijtimoiy tasavvurlarga quyidagicha ta’rif berishni ma’qul topdik. Ijtimoiy tasavvurlar – har bir shaxs tomonidan ijtimoiy borliqni o’ziga xos tarzda qayd etish vositasi bo’lib, subyektiv reallikni obyektivlik bilan bog’lovchi psixologik mexanizmdir. 4 Bu ta’rif orqali biz ijtimoiy tasavvurlarning quyidagi bir necha muhim

xususiyatlarini ajratishimiz mumkin: [ birinchidan], ijtimoiy tasavvurlar faol ijtimoiy muloqotlar mahsuli; [ ikkinchidan], ular shaxs uchun muhim bo’lgan ijtimoiy obyektlarga nisbatan, uning ongli munosabatlarini ta’minlaydi; [ uchinchidan], ijtimoiy tasavvurlar bilish vositasidir; [ to’rtinchidan], jamiyatda qabul qilingan turli ijtimoiy me’yorlar, xatti-harakat shakllari, qadriyatlar va baholarning interiorizasiyasini ta’minlaydi; [ beshinchidan], ijtimoiy tasavvurlar shaxs ijtimoiy tajribasining negizidir. Shunday qilib, tadbirkorlik bilan bog’liq tasavvurlarning shakllanishini tushunishimizda, G’arb mamlakatlarida, birinchi navbatda Fransiya hamda Rossiyada taklif etilgan ijtimoiy tasavvurlar va subyektiv obrazlar haqidagi nazariyalar asos qilib olinishi mumkin. Ijtimoiy tasavvurlar konsepsiyasining G’arbdagi asoschisi hisoblangan S.Moscovici , unga quyidagicha ta’rif bergan edi: “Ijtimoiy tasavvurlar – bixevioristlar ta’riflagan mexanik obraz ham, tashqi va ichki muhit o’rtasida ziddiyat tug’diradigan narsa ham bo’lmay, balki ... faol ravishda obyektiv borliqni ijtimoiy- psixologik tarzda qayta o’zlashtirish jarayonining mahsulidir”. 5 Fransiya mutaxassislarining yana bir yorqin vakili J.Jodelet esa, ijtimoiy tasavvurlarga shunday ta’rif beradi: “Ijtimoiy tasavvurlar qanchalik sodda yoki murakkab mazmunga ega bo’lmasin, ular doimo odamning kundalik hayot tarzini anglash va o’ziga xos tarzda bayon etish usulidir. Shuningdek, ijtimoiy bilimning ma’lum shakli sifatida individlar yoki guruhlar faolligini, ularning o’zlariga qarashli, ahamiyatli bo’lgan vaziyatlar, hodisalar, obyektlar va xabarlarga nisbatan tutgan mavqeini hamda munosabatini bildiradi”. 6 Ushbu nazariya tarafdorlaridagi umumiy fikrlar shundan iboratki, birinchidan , ular ijtimoiy tasavvurlarni ijtimoiy-psixologik jarayonlarni o’rganish, tahlil qilish usuli, vositasi, deb; ikkinchidan , ijtimoiy tasavvurlarning shakllanishi ijtimoiy hayotning psixologik zaruriyati, deb hisoblashlaridir. Demak, ijtimoiy tasavvurlar tufayli shaxs yoki yaxlit guruh hayotdagi o’zgaruvchan sharoitlarga tez moslashadi, bu narsaning zarurati, ayniqsa shaxsga 1

yetib kelayotgan ma’lumotlar noaniq yoki yetarli bo’lmaganda yaqqol bilinadi. Masalan, ishlab chiqaruvchi (tadbirkor) va iste’molchi (xaridor) o’rtasidagi o’zaro munosabatlarning aniq tavsifi jamiyat uchun noaniq bo’lganda, tadbirkor yoki xaridorning jamiyatga munosabatini aniq bilishda ehtiyoj sezadi. Ijtimoiy tasavvurlarning xususiyatidan kelib chiqib, biz ularning qanday usul bilan o’lchanishiga e’tibor qaratamiz. Bu o’rinda V.Karimova 7 va uning shogirdlari fikrlariga tayanamiz. Ularning ta’kidlashicha, ijtimoiy tasavvurlarning psixologik o’lchovi vazifasini, tasavvurlar subyektining u obyekti haqidagi ma’lumotlari, unga nisbatan baholari, tavsifi hamda xulq-atvorida bevosita namoyon bo’ladigan ijtimoiy ustanovkalarning shakllanganlik darajasida ko’rish mumkin ( 4.7-chizmaga qarang ). Bunday uch o’lchovli model bizning fikrimizcha, ijtimoiy tassavvurlarning dinamik strukturasiga mos keladi. Chunki ijtimoiy tasavvurlar, hayot mobaynida o’zgarib turadigan shunday dinamik tuzilmalarki, ularning shakllanish va o’zgarish mexanizmlari, tasavvurlar egasining ijtimoiy borliqni qanday idrok qilishidan tortib, shaxsiy ma’no kasb etgan obyektlarning bilimlar tizimida o’rnashish, xulq-atvorda namoyon bo’lish, shaxsiy tajribaga aylanish jarayonlarida ham muhim ahamiyat kasb etadi. Mazkur modelning Moscovici modelidan farqi shundaki, bunda ijtimoiy tasavvurlarni o’lchash uchun ma’lumot, tasavvur maydoni va ustanovkalar bir-biridan farqlanadi.Chunki, tasavvurlar maydoni, ma’lum obraz va ijtimoiy-iqtisodiy xususiyatlarga ega bo’lgan sifatiy tavsifnomalar sanalib, bu tub ma’noda empirik tadqiqotlarda aniqlanishi qiyin bo’lgan kattaliklardir. Shuning uchun ham baholar xarakterini o’rganish lozimligi ta’kidlanib, qabul qilingan ma’lumotlar asosida shaxsning subyektiv baholari (salbiy yoki ijobiy) ijtimoiy ustanovkalarga zamin bo’lishini ta’kidlash mumkin. Moscovici, Donsov va boshqalarning ta’kidlashicha, ijtimoiy tasavvurlar tizimidagi ma’lumot darajasi deganda, ular obyekti to’g’risidagi bilimlar yig’indisi nazarda tutiladi. 2

Ijtimoiy tasavvurlar tizimining uch o’lchovli modeli Vazifalar Xususiyatlar Ijtimoiy-psixologik natijaBilish; bayon etish; tushuntirish Tartibga solish, tabaqalash (klassifikasiya); moslashtirish Xulq-atvor vositachisi; ijtimoiy ko’nikmalar hosil qilishi Ijtimoiy obyekt haqidagi bilimlar yig’indisi – miqdoriy tomon Subyektiv ahamiyatga ega bo’lgan obyektga nisbatan ijobiy yoki salbiy munosabatning shakllanishi; “shaxsiy ma’noga” ega bo’lgan tizimining ajratilishi - sifatiylik tomoni Ijtimoiy obyektga nisbatan ijobiy yoki salbiy xatti- harakatlarni amalga oshirishga tayyorgarlik holati Ma’lumotlar to’plami: ma’lumotlilik, bilimdonlik, bilimlar, g’oyalar, fikr va tushunchalar Generalizasiya hamda individualizasiya natijasi-da ahamiyatli obyektlar xususida subyektiv obrazlar tizimining paydo bo’lishi Verbal yoki xatti-harakat bilan bog’liq ta’sirlar; ijtimoiy xulq-atvorO’lchovlar Ma’lumotlar darajasi Baholar tavsifi Ijtimoiy ustanovka 3

7-chizma. Ijtimoiy tasavvurlar tizimining uch o’lchovli modeli 4

Bizning yondashuv konsepsiyamizdagi ijtimoiy ustanovka esa, ijtimoiy tasavvurlar obyektiga nisbatan subyektning munosabatlarini bildiradi va u baholar tizimi bilan uzviy bog’liq bo’ladi. Ustanovkaning ijobiy yoki salbiy bo’lishi baholar xarakteridan kelib chiqadi. Xarakterli tomoni shundaki, ko’pincha baholar differensiasi, yoki ma’lumotlar darajasi yetarli bo’lmaganda, ustanovka u yoki bu tarzda ham namoyon bo’lishi mumkin. Masalan, korxonaning biror a’zosi, uning barcha qadriyatlari, munosabatlari, sir-asrorlarini to’liq bilmasada, korxona faoliyati haqida fikr bildirishga tayyor bo’lishi va hattoki, o’zini tadbirkorlik faoliyati munosabatlarini o’zlashtirgan qilib ko’rsatishi mumkin. Shunday qilib, yaxlit olinganda ijtimoiy tasavvurlar individning ongidagi kognitiv belgilar bilan xulq-atvor o’rtasida vositachi rolini bajaradi. Bu xususda biz yana bir fransuz olimi J.Codol fikriga qo’shilamiz. U shunday yozadi: “Obyekt haqidagi yangi ma’lumot subyektning kognitiv sohasida tabaqalanadi, aniqrog’i ana shu sohaning ma’lum tizimida, tasavvurlarga aylangan bo’lagida qayta ishlanib, o’ziga xos xulq-atvorni keltirib chiqaradi. Ma’lumotlar tanlovi ayni shu daqiqada uning individ uchun muhimlik, zarurlik (pregnantlik) tamoyilida amalga oshadi”. 8 Nihoyat, biz, ijtimoiy tasavvurlarning aniq vazifalari haqida fikr yuritishimiz mumkin. Uning asosiy vazifasi – bilimdir . Boshqacha aytganda, ijtimoiy tasavvurlarning bu vazifasi bayon etish, tartibga solish (tasnif etish) va tushuntirishdan iboratdir. Demak, tasavvurlar shunday nazariyalar rolini o’ynaydiki, ular tashqi muhitni ma’lum kognitiv tizimlar doirasida tushuntiradi. Inson ongida borliqning o’zi shunday tizimga solinadiki, u tasavvurlarga asoslanib turib – bo’layotgan hodisalar qanchalik real ekanligiga javob izlaydi. Boshqacha qilib aytganda, odam tashqi muhitni aynan qanday bo’lsa shundayligicha emas, balki o’z xohish, istaklari va tasavvurlari ta’sirida idrok etadi. Ikkinchi, muhim vazifasi – xulq-atvorning vositachisi ekanligidir. Ya’ni ijtimoiy tasavvurlar xulq- atvorni tashkil etishda va ijtimoiy muloqot jarayonida bevosita ishtirok etadi. Bu 5

fikr esa J.Sodol, I.Abris, M.Plon, V.Duaz va boshqalarning ilmiy tadqiqot ishlarida o’z isbotini topgan. Ularning ishlarida tasavvurlar xulq-atvorni ta’minlovchi o’zgarmas qiymatlar talqin qilingan. Turli muammoli vaziyatlarda qaror qabul qilishda (J.Codol) , ziddiyatlarni yechishda (I.Abric) , birlashmaning mahsuldorligini oshirish va boshqarish masalalarida tasavvurlarning bevosita roli o’rganilgan. Uchinchi – bu moslashtirish vazifasi. Na fan, na mafkura o’z holicha, bevosita insonning jamiyatdagi xulq-atvorini belgilab bera olmaydi. Ijtimoiy tasavvurlarning vazifasi shundan iboratki, ular bo’layotgan ijtimoiy-iqtisodiy, mafkuraviy, ilmiy, siyosiy hodisalarni bo’lib o’tgan, ilgaridan qabul qilingan fikrlar, qarashlar va baholarga taqqoslagan holda moslashtiradi, muvofiqlashtiradi. “Har bir guruh – deb yozadi bu haqda J.Jodelet – o’zining aynan shu guruhligini tasavvurlarida saqlangan ma’no-mazmunlar orqaligina anglaydi”. 9 Tadbirkorlardagi ijtimoiy tasavvurlarning dinamik tabiatini tahlil qilish jarayonida, ularning shakllanish bosqichlarini quyidagicha ajratish maqsadga muvofiqdir: (a) Idrok qilish bosqichi, unda ongda bevosita aks etadigan ma’lumotlarning qabul qilinishi va tadbirkor uchun ahamiyatliligi nuqtai nazaridan saralanishi ruy beradi. (b) Assosiativ bog’lanishlar bosqichi, bunda ongdagi yangi xabarlar eskilari bilan solishtirilib, assosiativ va ma’naviy bog’lanishlar o’rnatiladi. (c) Yuqoridagi ikki bosqich xususiyatlarining umumlashtirilishi – obyekt haqidagi tasavvurlarning generalizasiyasidir . (d) Keyingi bosqichlar ko’proq tafakkur va tushunchalar sohasiga taalluqli bo’lib, unda har bir ma’lumot yoki xabar differensial holda tadbirkor uchun ahamiyatlilik darajasida ajratiladi va shu asosda ma’lum ustanovkalar shaklida uning xulq-atvori yo’nalishini belgilaydi. Bizning mentalititimizda milliy qadriyatlarga bo’ysunish bilan bir qatorda, obro’-e’tiborga ega shaxslar va guruhlar fikriga ergashish, ularni tanqidsiz qabul qilishga bo’lgan moyillik kuchlidir. Shunday qilib, ijtimoiy tasavvurlarning o’zgarishi, avvalo, tashqi omillar ta’siriga bog’liq bo’lib, mutaxassislar bu jarayonni tushuntiruvchi qator 6

bosqichlarni ajratishadi. [ 1-bosqich]. Ma’lumotlar oqimining idrok qilinishi va ulardan shaxs uchun ahamiyatlisini ajratib olinishi. [ 2-bosqich]. Ajratib olingan ma’lumotlarning eskilari bilan solishtirilishi va ular orasida o’zaro bog’liqlikning o’rnatilishi. [ 3-bosqich]. Kognitiv tizimda yangi ma’lumotlarning tabaqalanishi va tasniflanishi. Har bir tabaqada eng ahamiyatli, ma’noli “mag’iz” ma’lumotlarning ajratilishi va unga ahamiyatsizlarini qarama-qarshi qo’yilishi, qiyoslanishi. [ 4- bosqich]. Tasavvurlar “yadrosi”, “mag’zi”ning tashkil topishi va uning xulq-atvor shakllarida mustahkamlanishi. Shunday qilib, tasavvurlarning shakllanish davrida tadbirkor noma’lum axborotlarni ma’lumlarga o’xshatib, odatdagi tasavvurlar qatoriga qo’shadi ( generalizasiya ) hamda subyektiv jihatdan, ularni o’ziga xos va yagona borliq ekanligini anglashga ( individualizasiya ) harakat qiladi. Ijtimoiy tasavvurlarning shakllanishi va dinamikasini tahlil qilish orqali, ularni quyidagi qator muhim xususiyatlarini ajratish imkoniyatiga ega bo’lamiz: (a) ijtimoiy tasavvurlar, uning subyekti hisoblangan shaxs, sinf, guruh yoki millatning atrofidagi ijtimoiy-iqtisodiy shart-sharoitlarga bog’liq tarzda shakllanadi; (b) ular ma’lum ma’noda umumlashtirilgan obrazlar bo’lib, bunda tasavvur subyektining obraz obyektini tushunishi va so’z bilan ifodalanishida muhim rol o’ynaydi; (c) doimo ijtimoiy tasavvurlar anglangan xarakterga ega; (d) ijtimoiy tasavvurlar o’zgaruvchan va dinamik tuzilmalardir; (e) bu tasavvurlar doimo reproduktiv obrazlar hisoblanib, ma’no va mazmun kasb etgan obrazlar xotirada saqlanib, har qanday ijtimoiy vaziyatda shaxs xulq-atvorida, nutqida, harakatlarida, ishlarida va muloqotida namoyon bo’ladi; (f) ijtimoiy tasavvurlardan turli guruhlar psixologiyasini o’rganishda foydalanish mumkin. Ijtimoiy tasavvurlar shaxs va guruh psixologiyasidagi turli sterotiplar asosini ham tashkil etadi. Chunki shaxs o’z hayoti mobaynida turli bilimlar, qarashlar hamda tushunchalarni “tayyor”, “o’zgarmas” ma’nolar sifatida qabul qiladi. Masalan, jamiyat, iqtisodiyot, ishlab chiqaruvchi-iste’molchi, bozor, sotuvchi- xaridor, tadbirkor-bozor munosabatlari. Turli jarayonlar haqidagi fikrlar 7

qaytarilishi va ularning avloddan-avlodga o’tishi tufayli ijtimoiy-iqtisodiy stereotip tasavvurlar hosil qiladi hamda ongda saqlanishiga sababchi bo’ladi. Shuningdek, ijtimoiy tasavvurlar stereotip qarashlarning jamiyatda ham saqlanishiga sababchi bo’ladi. Tasavvurlarning bu kabi ko’plab sifat xususiyatlari bir qator rus olimlari diqqatini ham jalb etgan. Jumladan, V.Ageyev, G.Andreyeva, A.Asmolov, A.Bodalev, A.Donsov, A.Leontyev va boshqalar tashqi dunyo obrazlari to’g’risidagi tasavvurlarning ijtimoiy va atributiv, ya’ni xulq-atvorga ta’sir etuvchi tavsifini alohida ta’kidlab o’tishgan. Ular xulq-atvorni shaxs ijtimoiy munosabatlari tizimida tutgan o’rni, mavqei, faoliyat maqsadlarining o’zgarishi hamda uni o’zgartirish yuzasidan mavhumliklarga uchrash mumkinligi haqida fikr yuritganlar. Shu bois shaxs ijtimoiy mavqeini o’zgartirishi munosabati bilan, uning o’zga obyektlar (birinchi navbatda ijtimoiy obyektlar) to’g’risidagi tasavvurlari ham o’zgaradi. Bunda predmetga nisbatan shakllangan, shaxsiy mazmun kasb etgan tasavvurlarda o’zgarish jarayon ro’y beradi. Bu holat turli yosh davrlari, faoliyat turlarini almashinuvi, bir milliy hududdan ikkinchisiga o’tib, uning ijtimoiy, iqtisodiy, mafkuraviy va ma’naviy qadriyatlarini qabul qilish jarayonlarida sezilarli bo’ladi. Shunday qilib, tadbirkorlarda bozor munosabatlariga bog’liq bo’lgan ijtimoiy tasavvurlarni o’rganish uchun nazariy va metodologik asos sifatida ijtimoiy tasavvurlar konsepsiyasining asosiy tamoyillarini o’rganib chiqdik. Ushbu konsepsiya va undagi asosiy tushunchalar va o’rganish qoidalari ilmiy izlanishimiz uchun nazariy manba bo’lib xizmat qiladi. Xulosa tarzida Garvard tadqiqotchilar markazi asoschisi, tadbirkorlik sohasini tadqiq qilish borasidagi mashhur mutaxassis A.Koul tadbirkorlikni aniqlashni quyidagicha ta’riflaydi: “Qarorlarni erkin qabul qilish imkonini beruvchi jamiyatni rivojlantirish, odatda, iqtisodiy, siyosiy va ijtimoiy shart-sharoitlar bilan o’zaro birdamlikda amalga oshiriladigan muvaffaqiyatli pullik harakatlar yoki foydaga eltuvchi resurslar, kapital, axborot va mehnatning yig’indisi hisoblangan, mo’ljallangan 8

foydani yaratish, saqlash hamda ko’paytirish maqsadida tuziladigan tashkiliy birlashmalar, assosiasialashgan individlarning maqsadga muvofiq faoliyatlari orqali yuzaga chiqariladi”. 10 9

1 Moscovisi S. Sur les representations jociles. – Paris. 1979. – V. 632. 2 Jodelet J. Reresentetion sociali; phenomenes, concert et theorei // Moscovici S. (ed) psychologie socialr. – Paris: 1984. – V. 360. 3 Donsov A.I. Konsepsiya sosialnix predstavleniy vo fransuzskoy sosialnoy psixologii. – M.: 1987. 4 Hayitov O.E. Tadbirkorlik faoliyati motivasiyasining ijtimoiy-psixologik xususiyatlari: psixol. fan. nom. ... dis. – T.: TDIU, 2005. – 145 b. 5 Moscovisi S. Sur les representations jociles. – Paris: 1979. – V. 632. 6 Jodelet J. Reresentetion sociali; phenomenes, concert et theorei // Moscovici S. (ed) psychologie socialr. – Paris: 1984. – V. 360. 7 Karimova V.M. O’ zbek yoshlarida oila to’g’risidagi ijtimoiy tasavvurlarning shakllanishi: psixol. fan. dok. ... dis.– F.: FarDU, 1994. – 312 b. 8 Jodelet J. Reresentetion sociali; phenomenes, concert et theorei // Moscovici S. (ed) psychologie socialr. – Paris: 1984. – V. 360. 9 O’sha manba . – B. 360. 10 Koul A., Maklin X. Rukovodstvo dlya lovsov snovideniy. The Dream Catchers Handbook: Learn to Understand the Personal Significance of Your Dreams. – Mn.: Izdatelstvo Sofiya, 2004. – 240 s. FOYDALANILGAN ADABIYOTLAR

1. O’zbekiston Respublikasi Prezidenti I.A. Karimovning “ Jahon moliyaviy-iqtisodiy inqirozi, O’zbekiston sharoitida uni bartaraf etishning yo’llari va choralari ” kitobidagi matreiallar, qoidalar va xulosalarni o’rganish yuzasidan chora-tadbirlar kompleksi to’g’risida: O’zbekiston Respublikasi Vazirlar Mahkamasining 2009 yil 20 martdagi 125-F sonli Farmoyishi. 2. Karimov I.A. Jahon moliyaviy-iqtisodiy inqirozi, o‘zbekiston sharoitida uni bartaraf etishning yo‘llari va choralari / I.A. Karimov. – T., 2009. Karimov I.A. Eng asosiy mezon – hayot haqiqatini aks ettirish / I.A. Karimov. – T., 2009. 3. Karimov I.A. Mamlakatimizni modernizasiya qilish va yangilashni izchil davom ettirish – davr talabi: 2008 yilda mamlakatimizni ijtimoiy-iqtisodiy rivojlanishtirish yakunlari va 2009 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasi majlisidagi ma’ruza // Xalq so’zi gazetasi. – 14.02.2009. – № 33-34 (4696-4697). 4. Abdullayeva Sh. Pul, kredit va banklar. – T., 2000. 5. Abdurahmonov Q., Mamarasulov F. Mehnat iqtisodi. O’quv-uslubiy materiallar. – T.,1996. 6. Abdurahmonov Q.X. Mehnat iqtisodiyoti (nazariya va amaliyot). Oliy o’quv yurtlari uchun darslik. – T., 2004. biye. – M., 2009. 7. www.ziyonet.uz

O'xshashlar

Tadbirkorlik faoliyati va uning ijtimoiy-psixologik xususiyatlarini mahalliy sharoitda o’rganilishi

Yakka iste’molchining motivasiyasi

Rossiyada tadbirkorlik fenomenining psixologik taraqqiyoti

Tadbirkorlik faoliyati motivasiyasiga oid ijtimoiy-psixologik nazariyalar va ularning tahlili

Tadbirkorlik faoliyati: Lokus nazorat va tavakkalchilikka munosabat psixologiyasi