Психологияда ижтимоий таъсир масалалари - Psixologiya - Referatlar

Психологияда ижтимоий таъсир масалалари

Yuklangan vaqt:

20.09.2019

Ko'chirishlar soni:

0

Hajmi:

56.5 KB

Ko'chirib olish

Психологияда ижтимоий таъсир масалалари Режа: 1. Шахс ва гуру ҳ масаласи, ўзаро муносабатларни ўлчаш муаммоси. 2. Таъсирланиш – оммавий таъсир ходисаси сифатида. 1. Ишонтириш ва унинг воситалари. 2. Тақлид қилиш механизмлари. Тақлид ва эътиқод.

Мулоқот жараёнининг, ҳам гуруҳий жараёнларининг ҳам эгаси субъекти ҳамда объекти аслида алоҳида шахс, конкрет одамдир. Шунинг учун ҳам психологияда шахс муаммосини ўрганишда уни турли ижтимоий жараёнларнинг иштирокчиси ва фаол амалга оширувчиси деган нуқтаи назардан, психологик фаолиятнинг маҳсули, алохида психик жараёнларнинг эгаси деб текширади. Шахс муаммосига ижтимоий–психологик ёндошишнинг ўзига хослиги шундаки, у турли гуруҳлар билан бўладиган турли шаклдаги ўзаро муносабатларнинг оқибати сифатида қаралган. Яъни, гуруҳ аъзоси ҳисобланган шахс хулқ–атвори қандай қонуниятларга бўйсунишини, шахснинг мулоқотлар системасида олган таъсирлари унинг онгида қандай акс топишини ўрганади. Шунингдек шахсда шаклланаётган фазилатлар ва уларнинг турли типдаги шахсларда намоён бўлишини аниқлаган холда, шахс хулқ–атворини бошқариш механизмларини ишлаб чиқиш психология фанидан асосий вазифалардан ҳисобланади. Хулоса қилиб аётганда, шахсга социал–психологик ёндошиш уни маълум гуруҳларнинг аъзоси, конкрет шароитида ўзига ўхшаган шахслар билан мулоқотга киришувчи конкрет одам деб тушунишдир. Ҳар бир шахс ўз фаолиятини турли гуруҳлар шароитида ёки турли гуруҳлар таъсири остида амалга оширади, чунки жамиятда четда қолган ёки инсонлар гуруҳига умуман қўшилмайдиган индивиднинг ўзи йўқ, киши жамиятда яшар экан, у доимо турли инсонлар билан мулоқотда, ўзаро таъсирда бўлади, бу мулоқот жараёнлари эса доимо кишилар гуруҳида рўй беради. Шунинг учун ҳам шахс ва гуруҳ муаммосини қаратаётганда гуруҳни ҳам психологияда ўрганиш асосий муаммолардан ҳисобланади. Психологик маънода гуруҳ бу умумий белгилар, умумий фаолият, мулоқот ҳамда умумий мақсад асосида бирланган кишилар уюшмасидир. Демак, одамлар гуруҳи ташкил топиши учун умумий нарсалар кўп (ўқув фаолияти, билим олиш, ёшларга хос бирликлар, маълум ўқув юртида таълим олиш истаги ва х.к.). Кўчада бирор тасодифий рўй бергани учун тўпланган

кишилар учун ҳам умумий бўлган нарса бор – бу қизиқувчанлик бўлиб ўтган ходисага гувохлик, унга умумий муносабатдир. Гуруҳни алохида шахслар ташкил этади, лекин ҳар бир гурух психологияси уни ташкил этувчи алохида шахслар психологиясидан фарқ қилади ва ўзига хос қонуниятларига бўйсинади. Айни шу қонуниятларни билиш эса турли типли гуруҳларни бошқариш ва ана шу гуруҳларни ташкил этувчиларни тарбиялашнинг асосий мезонидир. Гуруҳларнинг турлари кўп, шунинг учун ҳам уларни турли олимлар турлича классификация қиладилар. Г.М.Андреевага кўра гуруҳлар шарли ва реал гуруҳларга бўлинади. Реал гуруҳлар аниқ тадқиқот мақсадларга тўпланган лаборатория типидаги ва табиий гуруҳларга бўлинади. Конкрет фаолият ва одамларнинг табиий эхтиёжлари асосида ташкил бўладиган бундай табиий гурухларнинг ўзи кишиларнинг сонига қараб катта, кичик гуруҳларга бўлинади. Катта гуруҳлар уни ташкил этувчиларнинг мақсадлари, фазовий жойлашишлари, психологик ҳусусиятларига қараб уюшган ва уюшмаган турларга, кичик гуруҳлар эса ўз навбатида энди шаклланаётган – диффуз ҳамда тараққиётнинг юксак поғонасига кўтарила олган жамоа турларига бўлинади. Катта гуруҳлар кишиларнинг шундай бирлашмаларики, ундаги одамлар сони аввало кўпчиликни ташкил этиб, маълум синфий, илмий, ирқий, профессионал белгилар уларнинг шу гуруҳга мансублигини таъминлайди. Катта гуруҳларни ташкил этувчилар кўп сонли бўлганлиги ва улар хулқ – атворини белгиловчи механизмларнинг ўзига хослигини ҳисобга олиб, ижтимоий психологияда олимлар кўпинча кичик гуруҳларда иш олиб борадилар. Лекин катта гуруҳлар психологиясини билиш жуда катта тарбиявий ва сиёсий–мафкура ахамиятига эга. Шунинг учун ҳам ҳар бир катта гуруҳга таалуқли бўлган асосий, етакчи сифатни топиш ва шу асосда унинг психологиясини ўрганиш хозирча ижтимоий психологиядаги асосий методик йўлланма ҳисобланади. Қолаверса, катта гуруҳлар жамият тараққиёти ва шаклланган гуруҳлар бўлгани учун ҳар қандай гуруҳ

психологиясини ўрганишдан олдин унинг ҳаёт тарзи, унга хос бўлган одатлар, удумлар, анъаналар ўрганилади. Яъни у ёки бу гуруҳга таалуқли бўлган кишилар ўртасида амалга оширадиган мулоқот типлар, ўзаро муносабатларда устун бўлган психологик омиллар, қизиқишлар, қадриятлар, эхтиёжлар ва бошқалар назарда тутилади. Ана шуларнинг умумийлиги туфайли ҳар бир шахсда типик хислатлар шаклланади. Кичик гуруҳлар муаммоси нисбатан тўлиқ ўрганилган бўлиб, ўрганиш асосида уларга хос ушбу қонуниятларни келтириш мумкин. Биринчидан, кичик гуруҳларнинг хажми икки кишидан тортиб то мактаб шароитида 30-40 кишигача деб қабул қилинади. Лекин самарали ўзаро таъсир назарда тутилса, гуруҳ сони 7-2 киши бўлиши керак. Бундай гуруҳ тадқиқотлар учун ҳам, тренинглар учун ҳам қулай бўлади. Иккинчидан, гуруҳ ўлчами қанчалик катта бўлса, унинг алохида олинган шахслар учун қадрсизланиб бориш хавфи кучаяди. Яъни, шахснинг купчиликдан иборат гуруҳдан ўзини тортиши ва унинг нормаларини бузишга иборат гуруҳдан ўзини тортиши ва унинг нормаларини бузишга мойиллиги ортиб боради. Учинчидан, гуруҳнинг хажми кичиклашиб борган сари шахслараро ўзаро муносабатлар таранглашиб боради, чунки шахсларнинг бир–бирлари мослашиш маъносини англатади. Бу ходисанинг мохияти шундаки, у индивиднинг гурухда қабул қилинадиган нормалар, фикрлар, хулқ–атвор стандартларини қанчалик қабул қилиш ёки қилмаслик билан боғлиқ. Гуруҳ фикрини қанчалик тез қабул қилиш, унинг таъсирига берилиши индивид билан гуруҳнинг зиддиятларини олдини олиш мумкин. Шунинг учун ҳам индивид ана шундай хатти–ҳаракатлар қилишга интилади. Лекин гуруҳ фикрига қўшилиш уч турли бўлади: Ташқи конформлилик – индивид гуруҳ фикрига номигагина қўшилади аслида рухан у гуруҳ фикрига қарши туради;

ички конформлилик – индивид гуруҳ фикрига тўлиғича қўшилади ва рухан қабул қилади. Бу холатда индивид билан бошқалар ўртасида зиддиятлар пайдо бўлмайди; негативизм – индивид ҳар қандай шароитда ҳам гуруҳ фикрига қарши туради. Ўз мустақил фикри ва мавқеини намоёиш этади; уюшқоқлик – гуруҳ аъзоларининг бир–бирларини яхши билишлари, дунёқараш, ҳаётий принциплари ва қадриятларини яхши англашлари. Шахс ва гуруҳ муносабатларини ўрганишда қуйидаги жихатларни аниқлаш мухим: 1. Жамоа аъзолари ўртасидаги вертикал ўзаро муносабатларни ўрганиш, яъни рахбарлик масалалари, раҳбарнинг жамоа аъзолари томонидан идрок қилиниши, ҳар бир аъзонинг раҳбарликдан қониқиши ва бошқалар. 2. Жамоа аъзолари ўртасида горизонтал ўзаро муносабатларни ўрганиш, яъни жамоанинг уюшганлигини, шахслараро муносабатларнинг ўзига хослиги, зиддиятлар ва уларнинг типлари, уларни олдини олиш чоралари. 3. Меҳнатга муносабатга муносабат, меҳнатдан жамоа аъзоларининг қанчалик қониқиши ва унинг меҳнат унумдорлигига таъсири, иш мотивлари ва х.к.

Адабиётлар: 1. Каримова В.М. Ижтимоий психология асослари.-Т.: Ўқитувчи, 1994-98 б. 2. М ы живем среди людей: Кодексповедения / А-т.-сост. И.В. Дубровина.–М. Политиздат, 1989. – 319 с. 3. Гримак Л.П. Резервы человеческой психики: Введение в психологию активности. – М.: Политиздат, 1989. 383 с. 4. Андреева Г.М. Социальная психология. Учеб. – М.: ЮНИИТИ. 1997. 5. Курбатов В.И. Искуство управлять обшением. – Ростов на Дон 1997, 352 с. 6.Каримова В.М. “Ижтимоий психология асослари” Т. 2004й. 7.Ғозиев Э. “Шахс психологияси” Т. 2004й. 8. www.ziyonet.uz

O'xshashlar

Психологияда “шахс–жамияти ўз–ўзини бошқариш” масалалари

Илмий назариянинг моҳияти (Психологияда)

Коррекцион психологияда психодинамик йўналиш

Педагогик психологияда ривожланиш муаммоси

Шахс психологияси психологияда шахс тушунчаси