XVIII-XIX asrlarda psixologiyani rivojlanishi - Psixologiya - Referatlar

XVIII-XIX asrlarda psixologiyani rivojlanishi

Yuklangan vaqt:

20.02.2024

Ko'chirishlar soni:

0

Hajmi:

60.5 KB

Ko'chirib olish

XVIII-XIX asrlarda psixologiyani rivojlanishi Reja: 1. XVIII asr psixologiyasiga umumiy tavsif. 2. Assotsiativ psixologiyaning yuzaga kelishi va rivojlanishi. 3. XIX asrning 2-yarmida assotsiativ psixologiyaning rivojlanishi. 4. Eksperimental psixologiyaning rivojlanishi.

XIX va ayniqsa XX asrlarda psixologiya faqat empirik (tajribaga asoslangan) fan sifatida taraqqiy etadi. Bu davrda uning predmeti, ya’ni o’rganadigan voqyelik sohasi kuchli ravishda kengaydi, bu fanning alohida yangi sohalari paydo bo’ladi va shakllanadi, yangi, yanada samaraliroq tekshirish metodlari kashf qilinadi. Psixologiyaning bergan ma’lumotlaridan amaliy faoliyatning turli sohalarida foydalanila boshlaydi. Ayni vaqtda, XIX va XX asrlarda idealizm bilan materializm o’rtasidagi kurash yanada chuqurlashadi. Assosiativ psixologiya Bekon va Gobbsdan boshlab empirik psixologiyaning vazifalaridan biri psixik hodisalar tarkib topgan elementlarni aniqlashdan iborat edi. Yuqorida aytilganday, Bekon bilan Gobbs tasavvur hamda sezgini shunday elementlardir deb hisobladilar. Psixologlar psixik elementlar murakkab struktura (tarkib) va prosesslarga birikishida bo’ysunadigan qonunlarini topishga intiladilar. Masalan, Gobbs psixik hodisalar intilish va qochish qonuniga bo’ysunadi deb hisoblagan. XVIII asrning ikkinchi yarmida ingliz psixologlari Yum va Gartli har xil psixik hodisalar va elementlar g’oya – tasavvurlarning yaxlit bo’lib birlashishining asosiy qonuni sifatida assosiasiyalar haqidagi ta’limotni ilgari surdilar. Assosiasiyalar haqidagi bunday ta’limot bir vaqtda ham idealistik, ham materialistik yo’nalishda paydo bo’ldi. Idealistik yo’nalishning vakili (va umuman assosiativ oqimning asoschisi) David Yum (1711-1776 y.) edi. Uning ta’limotiga ko’ra, ongning barcha murakkab hodisa va mahsullari va o’zining «men» ekanligi (o’z-o’zini) anglash, o’zaro tashqi bog’lanishlar – assosiasiyalar bilan bog’langan «tasavvur birikmalari»dir, xolos. Materialistik oqimning vakillari David Gartli (1705-1757 y.) va uning shogirdi Djozef Pristli (1733-1804 y.) edilar. Ular assosiativ tasavvurlarni miyadagi fiziologik bog’lanishlarga tenglashtirib qo’ydilar. Gartli psixologiyaga ruhning fizikasi deb qaradi. Pristli barcha psixik prosesslar miyaning tebranishlaridir, deb jar soldi. U psixik va fizik hodisalar o’rtasidagi prinsipial farqni inkor qildi va psixologiyaga fiziologiyaning bir qismi deb qaradi.

Assosiasiyalar va ularning inson psixik faoliyati tarkibidagi muhim roli haqidagi ta’limot XIX asrda juda keng tarqaldi. Empirik psixologiyaning ichida «assosiativ psixologiyalar» deb atalgan alohida oqim paydo bo’ldi. Bu oqim XIX asrning uch choragi mobaynida hukmron mavqyeni egallab oldi. XIX asrda assosiativ psixologiyaning tarafdorlari Angliyada Djeyms Mil (1773-1836 y.), Djon Styuart Mil (1806-1837 y.), Aleksandr Ben (1818-1903 y.), Gerbert Spenser (1820-1903 y.) edilar. Bularga Fransiyada T. Ribo (1829-1916 y.), Germaniyada Teodor Sigen (1862-1950 y.) larni va qisman Yulius Ebbingauzni (1850-1909 y.) ham kiritish mumkin. Assosiativ psixologiyaning vakillari barcha murakkab psixik prosesslar (xotira, tafakkur va nutq, xayol va iroda) bir xil birlamchi psixik elementlar bo’lgan sezgilardan va ularning nusxasi bo’lgan tasavvurlardan hosil bo’ladilar deb da’vo qildilar. Ayrim-ayrim sezgi va tasavvurlar assosiasiyalarning qonunlariga binoan, o’zaro mexanik bog’lanishlar bilan birlashadilar. Masalan, xotira prosesslari assosiasiyalarga tenglashtirib qo’yiladi, ya’ni esda qoldirish yangi assosiasiyalar hosil qilishdir, esga tushirish esa avval mustahkamlangan assosiasiyalarning jonlanishidir. Assosia-nistlarning fikricha, tafakkur ruhning alohida bir qobiliyati yoki maxsus psixik qobiliyati emas: tafakkur ham faqat tasavvurlarning assosiasiyalar qonuniga binoan harakatlanishidir. Masalan, muhokama faqat ikkita tasavvurning assosiasiyaga bog’lanishidir. Bunda ongning boshqa momentlari yo’q. Xulosa chiqarish ikki yoki birqancha hukmlarning assosiasiyasi (bog’lanishi)dir, bulardan ham assosiasiya bo’yicha yangi hukm hosil qilinadi, ya’ni xulosa chiqari-ladi. Tushunchalar ham bir qancha so’zlarning o’zaro o’xshash tasavvurlar bilan bo’lgan assosiasiyasi (bog’lanishi)dir deb ta’riflanadi. Assosiativ psixologiya vakillarining fikricha, nutq ham tasavvurdir. Masalan, Ebbingauzning aytishicha, nutq – bu «ikki element»ning mustahkam assosiasiyalar bo’lib qo’shilishidir: bir tomondan, so’z va gaplarning ularning ma’nolari bilan, ikkinchi tomondan esa so’z va gaplarning narsalar bilan birikishidir. Gap va so’zlarning haqiqiy mohiyati nutq organlari faoliyati orqali hosil bo’ladigan,

«ohang va shovqinlar»dan va bu faoliyat natijasida harakat va holatni sezishdan, ya’ni eshitish va kinestetik yoki nutq ta’sirotlaridan iboratdir. Q ayd qilingan har ikkala so’z elementlari ham o’zaro mustahkam assosiasiyalar bilan bog’langan, deb ta’kidlaydi Ebbingauz. Nutq prosesslarida, ya’ni fikrning shakllanishida, fikrni o’zgalarga bayon qilishda va o’zgalarning fikrini o’zlashtirishda assosiativ prosess-lar, alohida tasavvurlar, xususan so’zlarning asosiy elementlari bo’lgan harakat (kinestetik) tasavvurlar bilan tovush tasavvurlari o’rtasida bog’lanishlar hosil bo’ladi. Nutq maxsus funksiya sifatida tafakkur bilan tashqi – assosiativ bog’lanishlardan tashqari hyech qanday munosabatda bo’lmaydi. Bu psixologlarning ta’limotiga ko’ra, diqqat ongimizda qolgan barcha tasavvurlarni siqib chiqargan, qandaydir bitta tasavvurlar gruppasining hukmron bo’lishi bilan izohlanadi, emosiyalar xush va noxush hislarni anglash bilan birlashgan sezgi hamda tasavvurlar yig’indisidir va hokazo. Assosianistlar inson shaxsining o’zini ham o’z tanasini sezishga va shunga mos keladigan tasavvurlarga («tasavvurlar birikmasi»ga) asoslangan ancha barqaror va doimiy psixik hodisalar komplekslari deb tushunadilar. Assosiativ psixologiya vakillarining xizmati shundan iboratki, ular ongning yuksak murakkab prosesslarini, ya’ni tafakkur, nutq va irodalarni tajriba asosida (asosan o’z-o’zini kuzatish yo’li bilan) o’rganishni diqqat markazida tutdilar. Biroq keyinchalik assosiativ psixologiya vakillari va boshqa psixologlarning bu ta’limoti amalda o’zining yaroqsizligini ko’rsatdi. Psixik hayotning murakkab hodisalarini faqat assosiativ prosesslarga tenglashtirib qo’yish mumkin emasligi ma’lum bo’ldi. Tafakkur prosessini har tomonlama analiz qilish shuni ko’rsatdiki, tafakkurda mavjud bo’lgan ba’zi momentlarni tafakkur-larning oddiy assosiasiya yo’li bilan oddiy bog’lanaverishlariga tenglashtirish mumkin emas va shu momentlar bilan tafakkur odddiy assosiativ prosesslardan tubdan farq qiladi. Biz assosiativ prosessda, avvalo, tasavvurlar harakatini ko’ramiz, bunda ongimizda hosil bo’lgan har qanday tasavvur avvalgi tasavvurlar yoki idrok tufayli

hosil bo’ladi. Lekin, bir xil turtki (idrok yoki tasavvur) orqali birin-ketin paydo bo’lgan tasavvurlar o’z yo’lida har xil yo’nalishlarga ega bo’lishlari mumkin. Birinchidan, tafakkurda ham, albatta, tasavvurlar yoki boshqa psixik mahsullar (hukm tushuncha)ning harakati sodir bo’ladi. Lekin bu yerda bu harakat avvalgi idrok va tasavvurlar turtkisi sodir bo’lmasdan, balki dastavval qo’yilgan maqsad va vazifa bilan belgilanadi va boshqariladi. Tafakkur maqsadga muvofiq yo’naltirilgan prosessdir. Tafakkur prosessi hamma vaqt birorta masalani hal qilishga yo’naltirilgan bo’ladi. Ikkinchidan, assosiativ prosesslar esa passiv prosesslardir. Assosiativ qonunga binoan tasavvurlar harakati go’yo o’z-o’zicha ro’y beradi, bu harakat oldindan belgilanmasdan, ongli kuch sarflanmagan holda boraveradi. Agar tasavvurlarning assosiativ oqimida aktivlik bo’lsa ham, u beixtiyor aktivlikdir. Bu o’rindagi beixtiyor aktivlik shaxsning emosional holati bilan mavjud tasavvurlar tufayli ro’y beradigan emosional momentlar bilan belgilanadi. Tafakkur esa, aksincha, oldindan ongli kuch (diqqat) sarflash yo’li bilan sodir bo’ladigan aktiv prosessdir. To’g’ri, tafakkur prosesslarida ham passiv momentlar bo’ladi, lekin ular bu o’rinda faqat qo’shimcha va yordamchi ahamiyatga ega bo’ladilar. Passiv momentlar tafakkur momentini belgilab bermaydilar, ular birlamchi emas, balki ikkilamchidir, ko’pincha aqliy taraqqiyotning yuksak bosqichlarida paydo bo’ladilar. Uchinchidan, assosiativ prosesslarda faqat esga tushirish, tajri-badan hosil bo’lgan, sezilgan va idrok qilingan narsalardan nusxa ko’chirishgina bordir. Tasavvurlar assosiasiyasi faqat reproduktiv (takrorlovchi) prosessdir. Bu prosesslarda ongimizda yangi mazmun hosil qilinmaydi. Tafakkur mahsuldor (produktiv) prosessdir. Bunda ongimiz yangi mazmunga, yangi mahsulotga ega bo’ladi. Bu yangi mahsulot obyektiv borliqning shunday momentlarini aks ettiradiki, bu momentlarni bevosita sezgi organlari orqali bilish mumkin emas, binobarin, tasavvurlarda ham takrorlash mumkin emas.

Eksperimental psixologiya Ma’lumki, XIX asr fizika, biologiya, fiziologiya, ximiya va boshqa tabiat fanlarning gurillab o’sishi bilan xarakterlanadi. Fanda paydo bo’lgan eksperimental metodning keng qo’llanilishi fanning bunday o’sishiga yordam berdi. XVIII asrning oxiri XIX asrning boshlaridayoq psixologlar o’rtasida psixik hodisalarni o’rgani щ da eksperimentni tadbiq qilish mumkin emasmikan degan masala maydonga chiqdi. Bu masala bo’yicha filosof Kant o’z fikrini aytdi. Uning fikricha, psixologiyada eksperimentning bo’lishi mumkin emas, ularga matematikani tadbiq qilish mumkin emas. Psixik hodisalarni o’lchashning mumkinligi, binobarin, psixologiyada eksperimetning bo’lishi mumkinligi haqida nemis psixologi I. Gerbart (1776- 1841 y.) ijobiy fikr aytgan. U «psixologiyada matematikani tadbiq etish mumkin va zarurligi haqida» shunday degan: «Mening tekshirishlarim amalda faqat psixologiyaning o’zi bilan cheklanib qolmasdan, balki fizikaga va umuman tabiat fanlariga ham qisman aloqadordir». Gerbartning fikricha, asosiy psixik element tasavvurdir, qolgan barcha prosesslar – hissiyot, iroda, tasavvurlar kombinasiyasidan va munosabatlaridan iboratdir. Ruhiy holatlar doimo o’zgarish prosessida bo’ladi. Tasavvurlarning bu doimiy o’zgarish va almashish prosessida ma’lum darajada doimiylik, qonuniyat bor. Bu doimiylikning miqdor tomonini o’lchash mumkin. Shuning uchun ham, Gerbartning fikricha, psixologiyaga matematikani tadbiq qilish mumkin. Gerbart, garchan psixologiyada eksperimentdan foydalanishning zarurligi va foydaliligini isbotlagan bo’lsa ham, lekin uning o’zi bu metoddan foydalanmagan. Veber va Fexner Psixologiyada eksperimentni tatbiq qilish bo’yicha dastlabki ishlarni fiziolog Veber (1796-1878 y.) va fizik Fexner (1801-1887 y.) lar amalga oshirdilar. Veber va Fexnerlarning maqsadi tashqi ta’sirotlar (fizik omillar) va ularning muvofiqi – sezgilarning o’zaro munosabatlari sohasidagi qonuniyatlarni topishdan iborat edi. Fexner eksperimental metodlar asosida sezgilarning ortib borishi bilan ularni

qo’zg’atuvchi ta’sirotlar o’rtasidagi qiyosiy munosabatni aniqlab, sezgi qo’zg’atgich logarifmasiga proporsionaldir degan psixo-fizik qonunni kashf etdi. Veber va Fexnerlar o’tkazgan tajribalar «Psixofizika» degan alohida fanning paydo bo’lishiga olib keldi. Veber va Fexner ishlarining ahamiyati, asosan, shundan iboratki, ular birinchi bo’lib psixologiyani, tabiat fanlari singari, eksperi-mental fanga aylantirish mumkin ekanligini isbotladilar. Shu vaqtgacha faqat kuzatish, asosan, o’z-o’zini kuzatishdan foydalanib kelinayotgan psixologiya endi aniq fanlardagi obyektiv metoddan foydalana boshlaydi. V. Vundt Eksperimental psixologiya taraqqiyotida ayniqsa nemis fiziologi va psixologi Vilgelm Vundt (1832-1920 y.) ning ishlari katta ahamiyatga ega bo’ldi. Vundtgacha faqat ichki tajribadan va o’z-o’zini kuzatishdan foydalanib kelgan psixologiya faqatgina tasviriy fan edi. Vundt eksperiment va o’lchash metodlarini zarur deb topib, psixologiyani izohli fanga aylantirishni maqsad qilib qo’ydi. Vundt psixologiya uchun klassik metodlar bo’lib qolgan bir qancha metodlarni, ya’ni qo’zg’atish metodi, ifodalash metodi va reaksiya metodlarini kashf etdi hamda rivojlantirdi. Vundt 1879 yili Leypsigda birinchi eksperimental psixologiya laboratoriyasini tashkil qildi. Oradan ko’p vaqt o’tmasdan (1881 y.) u Berlin universiteti huzurida eksperimental psixologiya institutini tashkil qildi. Vundt shug’ullangan masalalardan biri o’sha vaqtda astronomlar tomonidan ochilgan diqqatni bir vaqtda ikkita har xil qo’zg’atgichga to’plash mumkin emasligi haqidagi masala edi. Bu hodisani aniqlash uchun Vundt (laboratoriya tashkil qilingunga qadar) 1861 yilda alohida mayatnik ish o’ylab chiqardi (Vundt mayatnigi). Bu mayatnik graduslarga bo’lingan yoy atrofida harakatlanadi va har bir ma’lum vaqtdan keyin jing’irlaydi. Bu psixologik elementlar uchun kashf etilgan birinchi asbob edi.

Ilmiy (izohli) psixologiyani oyoqqa turg’izish uchun Vundt qo’shimcha vosita sifatida yondosh fanlar, ayniqsa fiziologiya, astronomiya, etnografiya, tarix, mifologiya va boshqa fanlardan olingan ma’lumotlardan foydalanish zaruriyatini ilgari surdi. Leypsig laboratoriyasi va institutidan namuna olib, Germaniyaning boshqa universitet shaharlarida ham, shuningdek boshqa mamlakatlarda ham, jumladan Fransiya, Angliya va Amerikada laboratoriya hamda institutlar tashkil qilindi. XIX asrning oxirida Rossiyada ham bir qancha eksperimental psixologiya laboratoriyalari tashkil qilindi: Moskvada Tokarskiy, qozonda Bexterev, Odessada N.N.Langerlar tomonidan shunday laboratoriyalar ochildi. 1911 yil Moskva universiteti huzurida, maxsus qurilgan binoda professor Chelpanov rahbarligida eksperimental psixologiya instituti tashkil qilindi. Hozirgi vaqtda bu institut RF Pedagogika fanlari akademiyasi sistemasiga kiradi. Professor A. F. Lazurskiy (1874-1917 y.) tomonidan eksperimen-tal metodning alohida turi – tabiiy eksperimental ishlab chiqaril-gan. Eksperimentning bu turidan bizda bolalar psixologiyasini o’rganishda, pedagogika masalalarini, ayniqsa, ta’lim psixologiyasi masalalarini shilab chiqarishda keng va unumli foydalanilmoqda. Eksperimental metodning tatbiq qilinishi psixologiya fani taraqqiyotiga juda unumli ta’sir ko’rsatdi. Bu metod yordamida oddiy kuzatish yoki o’z-o’zini kuzatish yo’li bilan aniqlash qiyin bo’lgan yoki butunlay mumkin bo’lmagan ko’p ma’lumotlar aniqlandi, ayrim psixik hodisalar o’rtasidagi bog’lanishlar aniqlangan, psixik prosesslardagi, ayniqsa, sezgilar, diqqat, idrok, xotira sohasidagi ba’zi bir qonuniyatlar ochilgan. Eksperimental analiz yo’li bilan murakkab psixik prosesslar (idrok, xotira, tafakkur) ning alohida komponentlari tarkibiy qismlari ajratilgan, psixik prosesslarning fiziologik hodisalar bilan, shuningdek, tashqi fizik muhit hamda ijtimoiy muhit bilan bo’lgan bog’lanishlari ochilgan.

Eksperimental tekshirishlarning yakunlari, shuningdek, eksperimental metodning usullaridan foydalanish praktik faoliyatning turli sohalarida – o’quv tarbiya ishlarida, medisinada, mehnatni tashkil qilish va rasionalizasiyalashtirishda, sud ishlarida, san’atda juda ko’p foyda keltiradi.

Adabiyotlar: 1. Karimova V. M. «Psixologiya» T.Sharq 2002y. 2. G’oziyev E. G’. «Umumiy psixologiya» 1-2 tom. Toshkent-2002y. 3. Ivanov P.I., Zufarova M. «Umumiy psixologiya» T.: O’zbekiston faylasuflar milliy jamiyati, 2008 yil 4. Xaydarov F.I., Xalilova N.I. «Umumiy psixologiya» T.: Fan va texnologiyalar 2010 yil 5. Davletshin M.G. «Umumiy psixologiya» T.: TDPU 2002 6. Klimov Ye.A «Psixologiya» Spb.: Rech 2000. 7. Shakirova G.M. “Obщaya psixologiya” T.: TGPU 2000. 8. Psychology as the Behaviorist Views it John B. Watson (1913) First published in Psychological Review, 20, 158-177

O'xshashlar

XIX-XX Asrlarda xorijda psixologiyaning rivojlanishi

XX Asrlarda psixologiyaning rivojlanishi

Psixologiyaning dastlabki va o’rta asrlarda rivojlanishi

O’zbekistonda psixodiagnostika va eksperimental psixologiyaning rivojlanishi

Psixologik fiziologiya paydo bo’lishining tarixiy shart-sharoitlari. German Geymgols psixofiziologiyaga qo’shgan hissasi