Мактабгача ёшдаги болаларни оилада маънавий-ахлокий тарбиялаш - Psixologiya - Referatlar

Мактабгача ёшдаги болаларни оилада маънавий-ахлокий тарбиялаш

Yuklangan vaqt:

23.09.2022

Ko'chirishlar soni:

0

Hajmi:

161.89453125 KB

Ko'chirib olish

Мактабгача ёшдаги болаларни оилада маънавий-ахлокий тарбиялаш Режа: 1. Жамиятни ривожлантиришнинг хозирги боскичида болаларни тарбиялашда оиланинг роли 2. Оилада болани тўгри тарбиялаш шарт-шароитлари 3. Оилада болаларни маънавий-ахлокий тарбиялаш омиллари

1. Фарзанд - оиланинг кувончи, ота-онанинг таянчи, жамиятнинг хаётбахш кучи. Болаларнинг шарофати билан хаёт янада ширин, ўлим эса у кадар дахшат солмайдигандек туйилади, - деган эди инглиз файласуфи Фрэнсис Бэкон. Фарзанд умр меваси, оила фахри, келажаги, бахтидир. Аммо тарбия нихоятда машаккатли иш бўлиб, ота-оналар болалар тарбиясида хар доим хам истаган натижаларига эришавермайдилар. Хаётнинг биринчи йилидан бошлаб бола шахсини шакллантириш, яъни унинг тарбияси б илан шугулланиш оиланинг асосий ваифасидир. Оила жамиятнинг бўлаги бўлиб, унда я нги инсон вужудга келади; бу кичик ижтимоий гурух бола учун дастлабки хаёт мактабидир. Ота-оналар боланинг биринчи ўкитувчиси ва тарбиячисидир. Бундан беш юз йил аввал яшаб ижод килган буюк ўзбек шоири ва мутафаккири Алишер Навоий болани «мехри анбар» - уйни ёритадиган ва оилага бахт-кувонч келтирадиган нур деб хисоблаган эди. Навоий болалар оилада ва мактабда интизомли бўлишлари ва ўзларининг одобли эканликларини кўрсатишлари кераклигини хам таъкидлаб ўтган эди. Навоий тарбия усули сифатида намуна кўрсатишга алохида эътибор берар ва кишиларни, айникса ёшларни яхши кишилардан ўрганишга, улардан ибрат олишга , уларнинг даврасида бўлиш, улар б илан тез-тез сухбатлашишга чакирар эди. У бола тарбиясида ота-оналарнинг ибрати тўгрисида шундай ёзади: Фарзанд ато куллугин чу одат килгай, Ул одат ила касби саодат килгай, Хар кимки атога кўп ривоят килгай, Ўглидан анга бу иш сироят килгай. Шарк мутафаккирларидан Насриддин Тусий ўзининг «Ахлоки Насрий» асарида яхши тарбиянинг мухимлигига кўп тўхталган. У ота-оналарнинг

хукук ва бурчлари, саховатлилик, бахт, инсонинг олижаноб хислатлари, кадр- киммат, садокат ва самимийлик, саломатлик тўгрисида жуда кимматли фикрларни берганки, орадан етти аср ўтиб хам, улар ўз ахамиятини йўкотмаган. Бола тарбиясида ота-онанинг вазифаси, ролини кўплаб халк макол ва маталлларида хам учратиш мумкин. Ота-онанинг тарбиячилик роли тўгрисида куйидаги халк маколини келтириш мумкин: Богинг бўлса, кура кил, Ўглинг бўлса, мулла кил. Дарахтдан мева оламан десанг, Нихолигидан парвариш кил. Сув билан экин ўсар, Тарбия билан – одам. Бола тарбиясида катталарнинг ибрати тўгрисида куйидагича маколлар мавжуд: Дарахтга кўра – меваси, Отагонасига кўра – боласи. Дарё чучук – арик чучук, Дарё аччик – арик аччик. Игна каёкка юрса, Ип хам шу ёкка юрар. Маданий ва макънавий меросимиз бўлган Хадисда тарбия, ахлок -одоб, ўзаро дўстона муносабатлар, кариндошлик, мехр-окибат, адолат, инсоф- тавфик билан бир каторда ота-она ва фарзандларнинг хак-хукуклари хам ўз ифодасини топган. Масалан, Хадисда “Фарзандларингизни иззат-икром килиш билан бирга ахлок-одобини хам яхшилангизлар”, дейилган.

Агар оила маъносиз хаёт кечирса, факат шахсий хузур-халовати билан машгул бўлса, агар оилада рахмсизлик ва худбинлик хукм сураётган бўлса, буларнинг хаммаси боланинг маънавий киёфасига салбий таъсир этмасдан колмайди, албатта. Шунинг учун ота-оналар учун оила тарбияси, аввало ўз- ўзини тарбиялашдан иборат бўлмоги керак. Ота-оналарнинг юксак ижтимоий онги болаларда хам шунга мос онг таркиб топишига ёрдам беради. Оилада катталарга хурмат, кичикларга авайлаш каби коидалар кундалик одатга айланиб бориши керак. Ота-она олдидаги масъулиятнинг накадар мухимлиги шундай иборатки, улар боланинг хар бири кадамини, хар бир хатти-харакатини зимдан кузатиб борадилар. Болалар хар кандай жанжални, ёмон ноўрин сўзни узок вакт эслаб юрадилар, ўрни келганда, вазият бўлганда амалда кўллашга харакат киладилар. “Куш уясида кўрганини килади”, дейди халкимиз. Айникса, боланинг иззат нафсига тегмаслик, уни камситиб гапирмаслик, хуллас, ота-онанингўзи маданиятсизлик, одобсизлик килмасликлари максадга мувофикдир. Хар бир ота-она ўз фарзандини севади. Хеч ким улардан ёмон ва бахтсиз инсонлар етишиб чикишини истамайди. Фарзандининг хар бир ютуги ота- онанинг юрагини тогдек кўтаради, фахр ва гурур туйгуларини вужудга келтиради. Лекин ота-онанинг максад ва ниятини фарзандлар кандай тушунадилар, бу максадларини амалга ошириш учун улар кандай йўл ва воситалардан фойдаланадилар, булар нихоятда мураккаб масалалардир. Ота-онанинг жамиятда тутган ўрни, нуфузи фарзанд тарбиясида катта ахамиятга эга. Бу нарса мансаб билан белгиланмайди. Энг яхши обрў ва эътибор халол мехнатдир. Халол мехнат билан жамиятда орттирилган обрў оилада фарзанд тарбиясига ижобий таъсир килади. Фарзанд хам ота- оналаридек бўлишга интилади. Мехмондўст оилада ўсган фарзандлар хам мехмондўст бўладилар. Ота-оналарини хор-зор киладиган дилларини огритадиган номард фарзандлар хам учрайди. Улар нима килаётганларини ўйлаб хам кўрмайдилар. Кадимдан бир накл бор: ота-она ўнта болани бокади-ю, ўнта

номард бола ота-онани бока олмайди. Бу наклнинг мазмунини жуда чукур. Уни хар бир фарзанд ёдидан чикакрмаслиги керак. Ота-оналар атокли педагоглардан бири айтган: “Болаларни тарбиялаш- хаётимизининг мухим сохаси... Тўгри тарбия – бизнинг бахтли келажагимиз, ёмон тарбия бизнинг келажакдаги кайгу –хасратимиз, кўз ёшларимиз бошка кишилар олдидаги, бутун жамият олдидаги, бутун мамлакат олдидаги айбимиздир”, деган фикрларни тушунишлари керак. Ўз боласини тарбиялашни шахсий иш деб караб бўлмайди, балки бутун жамият олдидаги фукоролик бурчини бажаришдир. 2. Ота-оналар ўз болаларидан кандай кишилар тарбиялаб етиштиришларини, унда кандай фазилатлар хосил килишларини аник тасаввур килишлари керак. Болани тўгри тарбиялаш учун уни яхши билиш ва тушуниш керак, бунинг учун эса педагогик билимлар зарур бўлади. Улар ота-оналарнинг бола хулкини тўгри тахлил килишга, унинг тарбияси учун тўгри йўлни танлашга ёрдам беради. Ота-оналар бола тарбиясида педагоглик одобига риоя килишлари зарур. Педагоглик одоби нима? Бу, болага бўладиган муносабатда меъёрга риоя килиш, яъни боланинг онгига, калбига, шахсига таъсир этадиган тарбиявий чораларни унинг ёш хусусиятларини, имкониятларини хисобга олиб мавжуд шароитга караб танлай билишдир. Педагоглик одоби - болани тарбиялашдаги мохирлик бўлиб, бунга тарбиячиларни ўргатгандек ота-оналарни хам ўргатиш керак. Ота-оналар ўз хулки, феъл-атворини ташкил эта билишлари, боланинг калбида, онгида нима кечаётганликларини сеза олишлари, шунга караб муомала кила билишлари лозим. Шу билан бир каторда болаларга талабчан муносабатда бўлишлари, уларда ирода, онг хулкни, ўз хатти-харакати учун бошкалар олдида жавоб беришни тарбиялашлари керак. Кейинчалик бориб ота-оналарнинг педагоглик одоби болаларда акс эта

бошлайди, бу аввал тахлид тарзида намоён бўлса, кейинчалик эса одатга айланади ва улар ўртогининг муваффаккиятсизлиги ёки табиий, жисмоний камчили устидан кулмайдиган, катталарнинг гапи ва ишига аралашмайдиган, ўзини батартиб тутиб юрадиган, ўз хулкидаги камчиликларни тузатишга уринадиган бўлиб коладилар. Оиланинг турмуш маданияти, оила аъзоларининг бир-бирига хурматли муносабати ва бутун оилавий хаётни тўгри ташкил этишни ўз ичига олади. Бундай бетартиб оилаларда тарбияланаётган болалар секин-аста катталарнинг хаёт тажрибаларини эгаллаб борадилар. Бола билан дилдан бегараз сухбатлашиш болани ота-оналарига якинлаштиради, улар ўртасида мехр-окибат кучаяди. Оилада кун тартибига риоя килинмаса, уйдаги юмушлар оила аъзолари ўртасида тўгри таксимланмаса, оилада аёлга нисбатан нотўгри муносабатда бўлинса, ичкиликбозлик ва бошка иллатлар хукм сурса, бундай оилада ўсган бола юкори таъсирчанлиги, хаётий тажрибаси кам бўлганлиги сабабли вокеаларни ўзи мустакил бахолай олмайди, шунинг учун натижасида у индамас, жахлдор, кўпол ва паришонхотир бўлиб колади. Боланинг тарбиясига оиладаги ташки шарт-шароит: уйнинг жихозланиши, гигиеник, умумий маданият ва эстетик дидга жавоб бериши учун хар бир оилада зарур шарт-шароит: боланинг ўйнаш ва шугулланиши учун алохида жой бўлиши керак. Болалар уйда саранжом –саришта бўлишлари, уй жихозлари ва ўз анжомларини эхтиёт килишлари зарур. Оиланинг умумий даромади оила аъзолари ўртасида хар бир оила эхтиёжини хисобга олиб, тўгри сарфланиши лозим. Болалар оилада ўйинчокларини йигиштириш, китобларни жой-жойига кўйиш, ўз ўрин- кўрпасини йигиштириш, уй хайвонларини парвариш килишда кўлидан келганича ёрдам бериш каби амалга оширадилар. Махсус педагогик билимларни эгаллаш болаларда синчковликни, кузатувчанликни, мантикий тафаккурнинг оддий формаларини ўстиришга, болалар мехнати ва ўйинига тўгри рахбарлик килишга, болалар хулкини тўгри тахлил килишга ёрдам беради.

Болаларда мустакилликни ўстириш, уларни кийинчиликларни енгишга ўргатиш, ундаги иродани мустахкамлаш мухим ахамият касб этади. Шу билан бирга болаларни тарбиялашга уларнинг ўзига хос хусусиятларини билиш ва уни эътиборга олиш зарур. Чунки хар бир бола ёши тенг бўлган иккинчи боладан ўзининг кизикиши, кобилияти, мижози ва феъл-атвори билан фарк килади. Бир хил вазиятда хар бир бола ўзини хар хил тутади: бири уятчан, тортинчок бошкаси эса дадил; бири бўшанг, пассив, яна бошкаси теварак – атрофда бўлаётган вокеаларга жудаям хушёр ва сезгирлик билан муносабатда бўладилар. Ш унинг учун, ота-она лар хар бир болага унинг ўзига хос, мос йўлни танлайдилар. Оила аъзолари ўртасидаги ўзаро хурмат, хамжихатлик, оиланинг яхши йўлга кўйилган ички хаёти тарбияда мухим ахамият касб этади. Оила аъзолари ўртасидаги самимий муносабатлар: мехрибонлик, ўзаро хурмат ва гамхўрлик, ватанпарварлик, мехнатсеварлик кайфияти, умумий тартиб ва оилавий анъаналар, болаларга катталар кўядиган талабларнинг ягоналиги мухим роль ўйнайди. Болани тўгри тарбиялашда унинг олдида ота-онанинг обрўси юкори бўлиши керак, бусиз тарбия бўлиши мумкин эмас. О та-она ларнинг фукоролик киёфаси, хаёти, ишлари, юриш-туришлари, жамият олдида ўз оиласи учун жавобгарлик туйгуси улар обрўсининг асосидир. Мехнат ва ижтимоий фаолиятни оилавий вазифалар билан кўшиб олиб борадиган, ўз болаларининг хаётига кизакадиган ва уларга мохирлик билан рахбарлик киладиган ота-она лар энг обрўли кишилар – буларнинг хаммаси хам онага, хам отага баравар таалуклидир. Болаларга кўйиладиган талабларда бирлик бўлиши умумпедагогик принцип хисобланади., мактабда хам, оилада хам бу принципга амал килиниши лозим. Оилада болаларни тарбиялашда куйидаги шартларга риоя килиниши зарур: а) болалар тарбияси учун жавобгарликни хис килиш; б) педагогик билимлардан хабардор бўлиш; в) болага бўлган мехр-мухаббатни унга талабчанлик килиш билан кўшиб

олиб бориш. Инсоннинг кандай киши бўлиб етишиши кўп жихатдан оиладаги тарбияга, ота-она нинг масъулиятига бола тарбиясининг умумий конуниятларини яхши билиб, хаётда уларга канчалик амал килинишига хам боглик. Жамиятда бола тарбияси ота-она ларнинг шахсий иши бўлмай, балки уларнинг ижтимоий вазифасидир. О та-она лар ўз болаларининг тарбияси учун жамият олдида жавобгардирлар. Шахснинг к а др-киммати унинг жамиятга келтирадиган фойдаси б илан бахоланади. О та-она лар ўз болаларининг асосий тарбиячилари хисобланадилар. Шунинг учун улар фарзандларини ўз халкининг энг яхши урф-одатлари ва оилавий анъаналари рухида олижанаоб фазилатли, билимдон, маданиятли шахс килиб тарбиялашлари керак. Тарбия кўп киррали, узок давом этадиган жараёндир. Болани ўраб олган мухитнинг хаммаси – одамлар, нарсалар, ходисалар, унинг онгида, хулк – атворида маълум из колдиради, уни ўзгартиради ва ривожлантиради. О та- она нинг бурчи мана шу ривожланишни зийраклик билан бошкариб боришдир. О та-она нинг мехри, муруввати, гамхурлиги болалар учун сув ва хаводек зарур. 2. Оилада шахсни ахлокий шакллантириш боланинг тугилишидан бошланади. У кўпгина омиллар таъсирида таркиб топади. Бу омиллар оилавий муносабатлар характери , ота-оналарнинг намунаси, улардаги умумтаълим даражаси, умуммаданий савияси хамда уларнинг педагогик маданияти ва нихоят оилавий ташкил этилишдан иборат. Бу омиллар оилада ахлокий тарбиялашнинг мазмунини ташкил этади ва улар бир катор педагогик хусусиятларни ўз ичига олади. Бу куйидагилардан иборат: 1. Айрим оилаларда болаларнинг тарбияси факат оналар зиммасида, ота эса бу ишдан ўзларини четга оладилар. Гўё фарзандларни богча, мактаб тарбиялаб беришлари шарт. Тарихий тажриба шундан далолат берадики, кадимдан ўгил болалар тарбияси

б илан оталар, киз бола тарбияси б илан оналар шугулланганлар, аммо улар асосан эркаклар назоратида бўлган. 2. ота-оналар болаларга бирдек муносабатда бўлишлари, бир хил мехрибон ва гамхўр, талабчан ва каттиккўл бўлсалар болалар хаёти бутун ва мукаммал бўлади. Бири талаб килганда, иккинчиси ёнини олса тарбия бузилади. Болаларга хаддан ташкари мехрибончилик килаётган ота-оналар уларни хурмат килишни ўргатишлари зарур. 3. К ў гина ота-оналар болаларини тарбиялаш борасида ўз вазифалар ва бурчларини тўла хис килмайдилар. Бошкачарок айтганда уларда педагогик тайёргарлик етишмайди. Зотан оилавий тарбия, аввало, ота- оналарнинг ўзларини-ўзлари тарбиялаш демакдир. Чунки бола а йни пайтда таъсир объекти ва субъектидир. Бирок ота-она бола ана шундай объект эканлигини сезмаслиги учун харакат килиши керак. Аммо барча ота-оналар хам буни тушуниб ета олмайдилар. 4. О ила ха ё тини тў г ри ташкил килиш, оилада соглом ахлокий мухитни яратиш лозим. Бу ишда хеч кандай майда-чуйдалар бўлмаслиги керак. Хар бир нарса болага таъсир килади. Анна шу таъсир натижасида салбий ёки ижобий одатлар, турлича хулк-атворлар пайдо бўлади. Ота- оналарнинг хар бир хатти-харакатини болалар кузатиб туради. Шунинг учун болага у ёки бу ишни кил ёки килма деб насихат кабиладаги ўргатиш й ўли б илан тарбиялайман, деб ўйламаслик керак. 5. Хар бир ота-она боласини баркамол инсон бўлишини истайди. Фарзандини ана шундай инсон бўлишидан нафакат уларнинг ўзи, балки жамият хам манфаатидир. Ота-онанинг фукоролик бурчи хам шуни такозо этади. Шунга кўра хар бир ота-она, энг аввало, мамлакат учун бўлажак фукорони тарбиялаётганини унутмаслиги лозим. 6. Ота-она шахсининг ўзи бола тарбиясида мухим роль ўйнайди. Уларнинг окилона ўгитлари, панд-насихатларининг хеч бири, уларнинг шахсий намунаси ўрнини боса олмайди. Болаларнинг ахлокий фазилатларини таркиб топишида, оиладаги ўзаро ахиллик, халоллик ва ростгўйлик, ўзаро ишончнинг мавжудлиги, умуман соглом ахлокий

мухит мухим ахамиятга эга. 7. Оилада болаларни севиш, уларнинг шахсиятини хурмат килиш ва хеч качон уларни иззат-нафсига т е гмаслиги зарур. Бундай жазолаш усули бола нафратини кучайтиради. Хар кандай гамхўрлик талабчанлик б илан олиб борилгани максадга мувофикдир. 8. Хар бир оилада унинг ўзига хос анъаналари мавжуд бу анъаналар бола онгига, унинг хулк-атворига жуда кучли таъсир килади. Масалан: оила аъзоларининг тугилган кунларини ўтказиш, кариндош уруглар холидан хабар олиш ва хакозолар. 9. Бола тарбиясида ота-онанинг ишхонасидаги, махалла ва к ў ни-кўшниси олдидаги обрўйи хам ка т та роль ўйнайди ва болаларида уларга нисбатан фахрланиш хиссини уйготади. Улар шу рухда тарбияланадилар. 10. Шундай килиб, оилавий тарбиянинг ўзига хос хусусиятлари ва таъсир килиш омиллари мавжуд. Буларни хисобга олмасдан туриб, бола тарбиясини оилада яхши кўйиш мумкин эмас. Бунинг учун, аввало, ота-оналарнинг ўзлари тарбияланган бўлишлари лозим. Ота-оналарнинг бутун хаёти, уларнинг фукоролик киёфаси, маънавий дунёси бола тарбиясининг негизини ташкил этади. Зотан, ота-она болалари учун азиз ва м у каддас кишилардир. Шу сабабли уларда таклид киладилар, уларга ўхшашга интиладилар. Оиладаги тарбияни юкоридаги хусусиятларини хисобга олиш, болани, ахлокий жихатдан тарбиялашда, миллий ахлокий кадриятлардан фойдаланишнинг мохиятига, уларнинг ўзига хослиги ва ахамиятини тахлил килишга ёрдам беради. Миллий мустакиллик шароитида жамиятнинг ижтимоий-сиёсий, иктисодий ва маънавий хаётида юз бераётган ўзгаришлар тарбиий равишда ва конуний тарзда халкнинг равнакига йўл очди, мустакилликни мустахкамлашга самарали таъсир кўрсатди. Натижада, бу тарихий жараёнлар оилада бола тарбиясида хам ўз аксини топа бошлади. Бунинг учу н ота- оналарнинг ўзида миллий кадриятларга нисбатан муносабат ўзгармоги

лозим. Улар болаларни ота-боболарининг панд-насихатлари, ўгитлари, тажрибалари асосида энг яхши ва олийжаноб анъаналар рухида тарбиялаб келганлар. Уларнинг дон о фикрлари, турмуш сабоклари даврлар галвиридан ўтиб, сараланиб бизгача етиб келган. Лекин хозирги кунда ўзбек оилаларида бола тарбияси борасида салбий холатларни учратиш мумкин. Масалан: айрим ота- оналар фарзандларни бемехрлигидан нолишади. Ёмон йўлга кириб кетган фарзандларини фарзандлари хусусида кўпчилик ота-оналарнинг фикрлари бир хил: « ўз билганидан колмайди, хурмат килишни билмайди». Хўш, ўша бемехр боланинг отаси ёки онасини тарбияли деса бўлармикин? Ишдан сўнг, дам олиш кунлари ота чойхонада, она мехмондорчиликда бўлса. Айникса, ота хам она хам «ишбилармонлик»га шўнгиб кетиб, гўё бола хакида тинмай кайгуриб, бошини хар эшикка ураётган бир пайтда, оилада бола тарбияси б илан к им ш у гулланади? Тарбияси огир болаларни кўпайиб бораётгани сир эмас. Буни келиб чикишини ички ва ташки сабаблари масжуд. Ота-онаси, кариндош-уруги бўла туриб, гохида болалар «болалар уйи» топширилмокда. Качондан бери бизнинг халкимиз «болалар уйи» деган атамани кўллай бошланди? «Ўнта бўлса ўрни бошка» дея бир этак фарзандни тарбиялаб вояга етказган ота-боболаримизнинг сири нимада экан? К ў п болали бўлиш, болажонлик килиш ўзбекларга хос миллий хусусият хисобланади. Бугунги кунда ана шу миллий хусусият келажак авлодни ахлокий жихатдан тарбиялашда жуда кўл келади. Негаки оилада ака-укасини, опа-сингилисини етаклаб катта килади, билганини ўргатади. Ўсиб улгайганлирида эса бир-бирини кўллаб-кувватлайди, бири-бирига ёрдам беради. Шахсда жамоатчилик хиссини шакллантириш ана шу кўп болали оилалардан бошланади кузатишлар шуни кўрсатмокдаки, кўп болали оилаларда кўпинча мехнатсевар, ўзаро инок ва аклли-хушли, ахлок-одобли фарзандлар ўсар экан. Кейинги вактларда жамиятимиз хаётида айрим салбий холатлар хам кўзга ташланмокда. Афсуски, бугунги бозор иксодиётига ўтаётган сергалва

шароитда аёлларимизнинг маълум кисми, тогни ўрса талкон килгудек эрлари уйларида туриб, “ишбилармонлик” бахонаси билан шахарма-шахар турли туман аёшларини сотиб юришмокда. Хато сарсон-саргардон бўлсалар хам айрим хорижий мамлакатларга хам “саёхат” килиб, бориб келаяптилар. Уларнинг айримлари енгил-елпи йўлларга кириб кетаяптилар. Бу билан ўзбек аёллари номига иснод келтирмокдалар. Айрим аёлларимиз “гап” ўйнашиб, тонггача маишатга берилиб кетаётганликлари, мехмонхона атрофидаги енгил оёк аёлларнинг килмишлари жамиятимизни маънавий-ахлокий мухитини бузмокда. Ана шундай енгил-елпи хаёт кечириш – “ишки” билан яшаётган бундай аёлларинингг уйларида колган фарзандларининг тарбияси нима бўлади? Мургак калби, жажжи вужудига нопоклик, харомхўрлик илк бор она сути билан бирга кирган бегунох гўдаклар келажакда соглом фикрли, маънавий- ахлокий инсон бўладилар деб хеч ким кафолат бера олмайди. Ана шундай “юмушлар” билан банд бўлган аёлларимиз касофати туфайли гулдай оилаларнинг бузилиб кетиши, гарибхона хамда етимхоналарнинг кўпайиши, аёлларнинг оналик хукукидан махрум бўлиши, майиб-мажрух, аклан ва жисмонан носоглом, ногирон фарзандларнинг дунёга келиши каби холлари содир бўлмокда. Бола тарбияси ўз холига ташлаб кўйиб бўлмайди. Агар шундай килинса унинг келажаги бардоб бўлади. Шахснинг маънавий тубанлашуви нафакат унинг бутун зурриётига, балки ён-атрофидаги носоглом мухитни пайдо бўлишига олиб келади. Чунки хар кандай одам ўз наслининг давом этиши кўп жихатдан фарзандларига хам боглик эканлигини яхши билади. Унда ижобий маънода катта ахамият берилиши эса фарзандларнинг салбий таъсирларга берилиб кетишининг олдини олади. Умуман, оилада болаларга ахлокий тарбия беришда миллий анъаналарни отагоналар тўгри тушуниб олишлари, кайси анъаналар кандай максад учун хурмат килишини яхши англаб етишлари жуда мухим. Чунки талкин этилган анъаналар, урф-одатлар мазмунини, аввало, ота-оналарнинг ўзлари яхши ўзлаштириб, кундалик хаётда кўллай олсаларгина, фарзандларига уни

таъсири самаралирок бўлади. Мана шу маънода оилаларда ўрнашиб колган, ўрганилган, Республикамиз турмуш тарзида энг кўп кўлланилаётган анъаналар билан бирга, бутун мустакиллик шароити талабларидан ижобий самара бериши мумкин бўлган анъаналардан ўз халки ва она Ватани билан фахрланиш, ўз Ватанига мехр-мухаббат билан караш, ўз Ватанининг ўтмиши ва тарихига чексиз хурмат, ўз халкининг миллий анъаналарини эъзозлаш, миллий онги шаклланган, миллий эътикоди ватанпарварларни тарбиялаш зарурдир. Умумин олган, тарбия сўзи айтилиши билан инсон кўз олдида оила намоён бўлади. Зеро, оила тарбия масканидир. Шундай экан, маънавий- ахлокий тарбия оиладан бошланади. Ўзбек оиласининг маънавияти ўзбекнинг миллий гуруридир.

O'xshashlar

Болалар жисмоний ривожланишининг ўзига хос ѐш хусусиятлари

Инсон шахсининг таркиби ва психик ривожланиши

Оилада муомала ва мулоқотни ташкил этиш психологияси

Yoshlarni oilayiy hayotga tayorlash

Суҳбат методи. Суҳбат методининг умумий характеристикаси. Турмушда ва касбий суҳбат