Ўзбекистон Республикаси президенти И.А.Каримов таълим-тарбия жараёнида аждодлар меросидан самарали фойдаланишнинг аҳамияти ҳакида

Yuklangan vaqt:

20.09.2019

Ko'chirishlar soni:

0

Hajmi:

87.5 KB

Ko'chirib olish

Ўзбекистон Республикаси президенти И.А.Каримов таълим-тарбия жараёнида аждодлар меросидан самарали фойдаланишнинг аҳамияти ҳакида Режа: 1. Президент И.А.Каримовнинг тарихий меросимиздан фойдаланиш тўғрисидаги фикрлари. 2. Президент асарларида таълим-тарбия тўғрисида илгари сурилган ғоялар ва таълим тизимини ислоҳ қилиш масалалари. 3. И.А.Каримов маънавият ва маърифатни юксалтириш ҳақида. 4. И.А.Каримов баркамол инсон тарбияси ҳақида. 5. И.АКаримов ўзлигимизни англаш ва маънавий илдизларимиз .

Таянч сўз ва иборалар : Маънавият, маърифат, тарих, маданий мерос, қадрият, ўзликни англаш, маънавий илдиз, таълим, тарбия, таълим тизими, аждодлар мероси. Узоқ ва бой тарихга эга бўлган Марказий Осиё халқлари ўзининг таълим – тарбияга оид бой меросини яратиб , такомиллаштириб , инсониятнинг авлодларини инсонпарварлик , илмпарварлик , меҳр - оқибат , меҳнатсеварлик , дўстлик , сахийлик каби умуминсоний фазилатлар руҳида тарбиялаб келган . Халқимиз яратган маърифий фикр сарчашмалари қадим-қадимларга бориб тақалади. Лекин мустақилликка эришгунимизга қадар биз бу меросларнинг баридан бебаҳра эдик. Истиқлолимиз шарофати билан миллий-маданий меросимиз, қадриятларимиз, маънавиятимизни ўрганиш ва уни янада юксалтириш учун имкониятлар юзага келди. Юртбошимиз И.А.Каримов Ўзбекистон Республикаси Олий Мажлиси IX сессиясида сўзлаган-нутида таъкидлаганидек: «Мамлакатимизни истиқлол йўлидаги биринчи-қадамлариданоқ, буюк маънавиятимизни тиклаш ва янада юксалтириш, миллий- таълим-тарбия тизимини такомиллаштириш, унинг миллий заминини мустаҳкамлаш, замон талаблари билан уйғунлаштириш асосида жаҳон андозалари ва кўникмалари даражасига чиқариш мақсадига катта аҳамият бериб келинмоқда». Бу эса қадимий бой маърифий меросимизнинг қимматли манбаларини, бебаҳо хазинамизни юзага олиб чиқиш, уни ҳозирги илмий-педагогик тафаккур истеъмолига киритишни тақозо этади.

$Ўтмиш аждодларимиз қолдирган бой миллий қадриятларимизнинг аҳамиятини Президентимиз И.А.Каримов ўз асарларида алоҳида таъкидлаб дейди: «Халқимиз таянчи- аждодларимиз қолдирган маънавий мероснинг ўзи бир хазина. Бу хазинадан оқилона фойдаланишимиз лозим» 1 . Президентимиз жамиятимиз миллий мафкурасини яратишда ҳам ўтмиш мутафаккирларимиз меросини муҳим деб билади. У бу мафкурани яратишда «миллий тарихимиз ва умумбашарий тараққиёт ривожига унутилмас ҳисса қўшган олиму фузалоларнинг мафкура ва унинг жамият ҳаётидаги аҳамияти ҳақида қолдирган илмий мероси, фалсафий қарашларини ҳар томонлама ўрганиш даркор. Мен бу ўринда Абу Носир Форобий, Беруний, Ибн Сино, Аҳмад Яссавий, Алишер Навоий, Баҳовуддин Нақшбанд, Нажмиддин Кубро каби улуғ аждодларимизнинг шу мавзуга дахлдор асарларини назарда тутаяпман. Масалан, Форобийнинг «Фозил одамлар шаҳри» асарини эсга олайлик. Бунинг минг йилча илгари яратилганига қарамасдан, бугунги ўқувчи ҳам бу асардан ҳозирги ҳаётнинг мураккаб муаммоларини ҳал қилишда асқотадиган муҳим фикр ва йўл-йўриқларни топа олади» 2 -деб ёзади. И.А.Каримов «Тарихий хотирасиз келажак йўқ» рисоласида ҳам ўтмиш тарихимиз ва меросимиз аҳамиятини ёритувчи муҳим асардир. Президентимизнинг «Тарихий хотирасиз келажак йўқ» 1 И.А.Каримов. Буюк ма=сад ё`лидан о\ишмайлик. Т., «Ызбекитон», 1993 й, 8 б. 2 И.А.Каримов. Жамиятимиз мафкураси хал=ни-хал=, миллатни-миллат =илишга хизмат этсин. Баркамол авлод орзуси. Т. «Шар=», 1999 й. 36-37 б .$