Усимликлар селекциясида полиплоидия ва гаплоидиядан фойдаланиш - Pedagogika - Referatlar

Усимликлар селекциясида полиплоидия ва гаплоидиядан фойдаланиш

Yuklangan vaqt:

20.09.2019

Ko'chirishlar soni:

0

Hajmi:

66.5 KB

Ko'chirib olish

Ўсимликлар селекциясида полиплоидия ва гаплоидиядан фойдаланиш. Ҳар бир тур ўсимликларга хос бўлган хужайра ядросининг таркибидаги хромосомаларининг сони аниқ миқдорда бўлади. Хромосомаларнинг миқдорини ўзгарувчанлиги, ўсимликлар эволюциясида муҳим ролни ўйнаган. Ёввойи ва маданий ўсимликларнинг хромосомалар таркибини ўрганиб чиққанда кўпчилик қишлоқ хўжалик ўсимликлар полиплоид эканлиги аниқланган. Булардан – донли экинлар, мевали, резавор, цитрус, техника ва бошқа экинлардир. Академик П.М.Жуковскийнинг тасвирий иборасича, инсоният кўпинча полиплоидлар махсулотини истеъмол қилади. Масалан, полиплоид маданий ўсимликлардан: сули (2п=42), картошка (2п=48), ўрта толали ва узун толали ғўза (2п=52), тамаки (2п=48) ва бошқалар. Аммо айрим экинларда полиплоид турлари учрамайди (масалан жавдарда (2п=14), арпада (2п=14) буларда фақат диплоид ўсимликлар (тур) мавжуд. Ҳар хил полиплоидлилигига эга бўлган маданий ўсимликларда хромосом сони кўпроқ бўлган турларининг махсулдорлиги юқорироқ бўлади. Масалан, гексаплоид юмшоқ буғдой – энг юқори ҳосилли ва ер юзида кўп тарқалган буғдой тури. Бу экиннинг (буғдойнинг) жахон умумий майдонининг 4/5 қисми юмшоқ буғдойга тўғри келади. Қаттиқ буғдойга (2п=28) буғдой экинининг умумий майдоннинг фақат 10-11% тўғри келади. Кўп экинларнинг табиатда тарқалган полиплоидлари аниқланган. Айримларининг полиплоид қаторлари ҳам аниқланиб тузилган. Масалан, картошкада 12, 24, 36, 48, 60, 72,

96, 108, 144. Ғўзада 26, 52. Отқулоқда 20, 40, 60, 80, 100, 120, 140. Атиргулда 14, 21, 28, 35, 42, 56. Буғдойда 14, 28, 42, 56. Сулида 14, 28. Систематик жихатдан яқин турларда хромосомалар асосий сонининг каррали ортиб бориши натижасида ҳосил бўлган қаторга полиплоид қатор дейилади. Хромосомалари гаплоид йиғиндисидаги генлар тўплами геном дейилади. Хромосомаларнинг асосий гаплоид сони Х бўлса, диплоид сони ХХ, триплоид сони ХХХ, тетроплоид сони ХХХХ бўлади. Полиплоидия деб маълум тур организмга хос бўлган хромосомаларнинг асосий миқдорини каррали ортиб бориш ходисасига айтилади. Одатда ўсимлик тана (соматик) хужайраларида хромосомаларнинг асосий миқдори – гаплоид ( n )га нисбатан икки хисса кўп бўлади. Бундай шакллар диплоид (2 n ) деб аталади. Ўсимликларнинг жинсий кўпайиш жараёнида диплоид хромосомали организмнинг гулидаги жинсий органларида урғочи гаметаси гаплоид ( n ) хромосомалар сонига эга ва эркак гаметаси ҳам гаплоид (n) хромосомалар тўпламига эга. Уруғланиш жараёнида гаплоид гаметалар ( n ) қўшилиб диплоид зиготасини ҳосил қилади, зиготадан ҳосил бўлган уруғ ва уруғидан униб чиққан ўсимлик яна диплоид ҳолатида бўлади. Урғочи гамета n + эркак гамета n зигота 2 n Агар ўсимлик ҳужайраларида хромосомаларнинг асосий миқдори икки хиссадан ортиқ бўлса, улар полиплоид ўсимлик деб хисобланади. Хужайрадаги хромосомалар миқдори диплоид йиғиндисидан икки марта ортиқ бўлган турларни – тетраплоид деб аталади, асосий йиғинди олти марта такрорланганда турлар-гексаплоид дейилади.

Полиплоидия натижасида ўсимликларнинг белги ва хусусиятларини ўзгариши аниқлангандан кейин селекцияда янги навларни ва дурагайларни хосил қилиниши бошланди ва керакли полиплоид шаклларни яратишнинг самарали усуллари ишлаб чиқилди. Полиплоид формаларини сунъий ҳосил қилишда турли химиявий моддалар колхицин, аценафтен, гемаксин, линдам, азот (1) оксиди ва бошқалар қўлланади. 1937 йилда А.Блексли ва А. Айвери олимлари колхицин алколоидининг полиплоид хосил қилиш қобилиятини аниқлаганлар. Колхицин – С22Н25О6 алколоиди колхикиум, савринжон (куз бойчечаги) ўсимлигининг уруғидан ва пиёзбошидан олинади. Колхицин тоза ҳолда сарғиш оқ рангли порошок (талқон) бўлиб, сувда, спиртда ва хлороформда яхши эрийди. Бўлиниш жараёнидаги хужайраларга колхицин таъсир қилганда хужайраларда хромосомалар сони кўпайиб полиплоидлар ҳосил бўлиши мумкин. Бу кашфиётдан кейин амалда экинларнинг полиплоидларини ҳосил қилиш селекция ишида кенг қўллана бошланди. Полиплоидлар келиб чиқишига қараб икки хил бўлади: автополиплоидлар ва аллополиплоидлар. Бир хил геномларни (ўхшаш хромосомалар асосида) бирикиши туфайли ҳосил бўладиган полиплоидлар автополиплоидлар дейилади. Ўсимлик турининг асосий хромосомалар тўплами n -гаплоид, унинг икки карра кўпайгани 2 n -диплоид, уч карраси – 3 n -триплоид, тўрт карраси 4 n - тетраплоид, беш карраси 5 n -пентаплоид, олти карраси 6 n -гексаплоид, саккиз карраси 8 n -октоплоид, кабилар автополиплоидлардир. Уларнинг гекомлари бир хил ва хромосомалари ўхшаш бўлади. Дастлаб организмнинг геноми гаплоид “А” бўлса, диплоиди “АА” бўлади, ҳосил бўлган полиплоидлар: триплоид “ААА”, тетроплоид “АААА” бўлади.

Автополиплоидия табиатда мутация сифатида вужудга келади ва ўзидан чангланадиган ҳамда вегетатив йўл билан кўпаядиган ўсимликларда яхши сақланади. Автополиплоидлар диплоид (нормал) ўсимликларга нисбатан катта: бўйчан, барги ва меваси (уруғи ҳам) йирик бўлади. Бу ўзгарувчанлик биринчи навбатда хужайралар ва тўқималарнинг катталашиши билан исботланади. Демак, автополиплоидия натижасида ўсимликларнинг белги ва хусусиятлари ўзгаради, бу ходиса селекцияда янги навлар яратишда фойдаланилади. Шу асосда триплоид қанд лавлаги яратилган. Бунинг учун дастлаб диплоид қанд лавлагининг (2 n =18) уруғи колхициннинг 0,2% сувдаги эритмасида ивитилиб экилади. Колхицин таъсири остида хромосомалар сони икки баробар кўпаяди ва (4 n =36) тетраплоид хосил бўлади. Тетраплоид ўсимлиги (2 n =36) диплоид ўсимлиги билан чатиштирилади, натижада триплоид ўсимлиги хосил бўлади: 2 n =18хр. Колхицин 4 n =36 х 2 n =18 3 n =27 триплоид 2 n =18 n =9 2 n + n =3 n Қанд лавлагининг триплоиди илдизмевасининг хосилдорлиги ва таркибидаги қанднинг миқдори бошқа навлардан (диплоидлардан) устун туради. Бундан ташқари илдиз мевасида кул модданинг миқдори кам бўлиб, саноатда қанд ажратишга кўп халақит қилмайди. Триплоид қанд лавлаги ҳосил қилиш билан бирга яна бир муҳим хусусиятли – бир майсали уруғли навлар яратиш имконияти туғилади. Триплоид қанд лавлагининг бир қанча қимматли навлари яратилган. Ҳар гектаридан 45-50 тонна илдиз мева ёки 7,5-9,0 тоннагача қанд хосили берадиган қанд лавлагининг Кубанский полигибрид, А.Н.Лутков рахбарлигида яратилган Белоцерковский полигибрид 1, Белоцерковский полигибрид 2 ҳамда Қирғиз 18 каби триплоид дурагайлари кенг майдонларда экилмоқда.

Япония генетиги ва селекционери Г.Кихара тарвузнинг диплоиди билан тетраплоидини чатиштириб, шу экиннинг уруғсиз триплоидини яратди: Диплоид тарвуз 2 n =22 колхицин 4 n =44 тетраплоид 4 n =44 х 2 n =22 3 n =33 триплоид 2 n =22 n =11 2 n + n =3 n Тарвузнинг триплоиди истеъмол учун жуда қулай, уруғсиз ва таркибида қанд моддасини кўпроқ сақлайди. Лавлагининг триплоиди ҳам тарвузнинг триплоиди стерил-пуштсиз. Улар уруғ ҳосил қилмайди, шунинг учун бу триплоид навларнинг уруғи хар йили махсус уруғчилик усуллари билан тайёрланади. Уруғсиз триплоид тарвузлар Япония, АҚШда ҳамда Хитойда экилмоқда. Ҳозирги вақтда триплоид уруғсиз тарвузни уруғини етиштириш Хитойда кенг равишда ривожланиб, триплоид тарвуз уруғининг кўп мамлакатларга тарқатиб келмоқда. Жавдарнинг биринчи тетраплоид Стил нави Швецияда 1951 йилда хосил қилинган. Унинг дони йирик ва яхши сифатлидир. Кейинчалик Германияда Тетра-Петкус, Белоруссияда – Белта, Полесская тетра, Украинская тетра, Старт тетраплоид навлари яратилган. Академик Н.Цицин жавдарнинг бошоғи шохланувчан юқори махсулдор тетраплоидини яратади. Белоруссия деҳқончилик илмий-тадқиқот институтида селекционер Н.Мухин жавдарнинг Польшадан келтирилган тетраплоид навини Петкус жавдар нави билан чатиштириб олинган дурагай популяциясидан танлаш йўли билан жавдарнинг Белта навини яратди.

Себарга, гречиха, олма, узум, чой, тут каби ўсимликларнинг автополиплоидлари яратилган ва кўпгина мамлакатларда кенг майдонларга тарқалган. Аллополиплоидия. Ҳар хил геномларнинг қўшилиши туфайли вужудга келадиган полиплоидия-аллополиплоидия (амфидиплоидия) дейилади. Булар ҳар хил тур ва туркумларга мансуб ўсимликларни (узоқ формаларни) чатиштириш асосида ҳосил бўлади. Масалан турлараро дурагайлашда АА х ВВ А + В АВ аллогоплоид дурагайи ҳосил бўлади. Бу узоқ формалар дурагайи (АВ)нинг геномлари 2 марта ортиб (ААВВ)- амфидиплоид ҳосил бўлади. Агар бир тур (туркумнинг) геноми АА-2 n =42 хромосомали бўлса, иккинчининг геноми ВВ-2 n =14 хромосома бўлса уларни чатиштириш натижасида АВ(2 n =28) дурагайи ҳосил бўлади. АА х ВВ АВ колхицин ААВВ 2 n =42 2 n =14 28 хр. 28+28=56хр. n =21 n =7 2 n Бу дурагайнинг уруғига колхицин таъсир қилинса хромосомалар сони икки баробар ошади 28+28=56 ва икки туркумнинг геномлари қўшилади. ААВВ-56 хромосомали амфидиплоид ҳосил бўлади. Бу янги амфидиплоид таркибида-42 хромосомаси буғдойники, 14 хромосомаси-жавдарникидир.

Демак, амфидиплоидларда хромосомалар сони иккала диплоид турларнинг (ўсимликларнинг) йиғиндисига тенг. Виктор Евграфович Писарев 1972 йилда юмшоқ буғдой билан жавдарни чатиштириб, 56 хромосомали амфидиплоид- тритикалени яратди. Юмшоқ буғдой 2 n =42 х жавдар 2 n =14 дурагай 2п=28 n =21 n =7 (Б21+Ж7)=28 Колхицин таъсир этиб хромосомалар сони икки баробар ошади. Натижада 2 n =28х2 2 n =56 хромосомали тритикале (буғдой билан жавдар диплоид хромосомалари қўшилган). Ҳосил қилинган тритикале ўсимлиги тез ва кучли ўсади, у йирик бошоқли, касалликларга ва совуққа чидамли, донида 19-23% оқсил ва кўп миқдорда лизин аминокислотаси мавжуд. Украина ўсимликшунослик, селекция ва генетика илмий тадқиқот институтида А.Ф.Шулындин қаттиқ буғдой билан (2п=28) жавдарни (2п=14) чатиштириб 42 хромосомали амфидиплоид-тритикалени яратди. Амфидиплоиднинг (тритикаленинг) 120 дан ортиқ навлари яратилиб, улардан Амфидиплоид 1, Амфидиплоид 196, Амфидиплоид 209 кабиларни ем- хашак экини сифатида (дони ва яшил озуқаси учун) экилмоқда. Ўзбекистонда тритикаленинг Баходир (Тожикистон деҳқончилик илмий тадқиқот институтида яратилган), Многозерный 2, Праг серебристый Узор навлари экилмоқда. Тритикале номи икки туркум (буғдой тритикум, жавдар секале) номидан келиб чиққан. Бу одам томонидан яратилган янги дон экинидир. Унинг катта ҳосилдорлик имкониятлари, таркибида кўп миқдорда оқсил ва лизин, триптофан аминокислоталарини сақланганлиги, касалликларга ва ноқулай

шароитларга чидамлилиги катта аҳамиятга эга эканлигини ва истиқболлигини кўрсатади. Тритикале донининг таркибидаги оқсил моддаси буғдой донидагига нисбатан 3-4% кўп, клейковина эса буғдойникидек, жавдарга нисбатан эса 2-4% кўп, лекин сифати пастроқ. Тритикаленинг дони нон тайёрлашда, кондитер саноатида, пиво пиширишда ва молларга ем сифатида фойдаланилади. Нон пишириш сифати буғдойга нисбатан пастроқ, лекин буғдой унини (70-80%) тритикале уни билан (20-30%) аралаштирилса, жуда яхши сифатли нон тайёрланади. Тритикаленинг кўк массаси ва силоси буғдой ва жавдарга нисбатан 0,5-1,0% кўпроқ ҳазм қилинадиган протеинга эга. Бир организмда буғдой билан жавдарни белги ва хусусиятларини бирлаштириш ғояси тахминан 1875 йилда Эденбургда Англия олими Уэлсоннинг буғдой-жавдар дурагайи ҳосил қилинганлиги тўғрисида мақоласи чоп этилгандан кейин вужудга келади. 1881 йил Германияда Римпау буғдой билан жавдар ўртасида (констант) барқарор оралик дурагайлари ажратиб олган бўлсада, у вақтда бунинг аҳамиятига эътибор берилмайди ва шунинг учун амалда қўлланилмайди. 1918 йилда Саратов қишлоқ хўжалик тажриба станциясида Г.К.Мейстер бундай дурагайларни (буғдой-жавдар) жавдар экин майдонида буғдой билан табиий дурагайланиш асосида ҳосил бўлганлигини кузатган. 1925 йил В.Н.Лебедев Белоцерков тажриба-селекцион станциясида табиий жавдар-буғдой дурагайларини топган. Биринчилар қаторида гексаплоид тритикалени ўрганган А.И.Державин ҳисобланади. У киши 1933 йилда буғдой билан жавдарни чатиштириб биринчи амфидиплоидни ҳосил қилди. Ундан кейин селекция ишида планли равишда кўп мамлакатларда жумладан Ўзбекистонда тритикале навларини яратиш ишлари авж олиб юборилди. Гаплоидия. Хромосомалар тўплами дастлабки миқдорга нисбатан 2 марта кам бўлган организмлар гаплоидлар ёки моноплоидлар дейилади.

Гаплоидлар битта тухум хужайра, синергид, антипод ёки чанг доначасининг ривожланишидан ҳосил бўлади. Гаплоид организмларнинг ўзига хос хусусиятлари бўлиб, улар қуйидагилардир: улар бир бирига ўхшаш, лекин ҳужайралари ва органлари кичик, кучсиз ривожланган ва ҳаётчанлиги паст. Улар тўлиқ наслсиз (стерил) бўлади, табиатда жуда кам вужудга келади. Масалан, маккажухорида-1000та донидан битта, ғўзада эса 3000та чигитдан битта ҳосил бўлиши мумкин. Гаплоид организмларнинг хромосомалари ўз жуфтига эга эмас (гомологик хромосомалар йўқ). Шунинг учун доминант белгилар рецессив белгиларни яширин холатга ўтказа олмайди, яъни рецессив белгилар очиқ ривожланади. Бу эса селекция учун янги белги ва хусусиятлар пайдо бўлиши манбаи бўлиб ҳисобланади. Амалда гаплоидлар редуциялашган партоногенез ёки андрогенез ёки редуциялашган апогаметий натижасида ҳосил бўлади. Партоногенезда (юнон тилида партенос-(девица) қиз дегани) муртак уруғланмаган тухум хужайрасидан ривожланади. Андрогенез (юнон тилида-андрос-эркак дегани) тухум хужайрасининг ядроси ривожланмай, унинг ўрнини спермийнинг ядроси эгаллайди. Натижада ҳосил бўлган ўсимлик фақат ота ўсимлиги хромосомалар тўплами борлиги туфайли- фақат ота ўсимлиги ирсиятига эга бўлади. Редуциялашган апогаметийда муртак халтачаси хужайралари-синергид ёки антиподлардан ҳосил бўлади. (Улар гаплоид ( n ) хромосомалар тўпламига эгадир). Бунда тухум хужайраси (гаплоид- n ) нормал холатда спермий (гаплоид- n ) билан уруғланади ва соматик хромосомалар тўпламига эга ( n + n =2 n ) муртак ҳосил қилади. Шу билан бир вақтда ўша уруғнинг таркибида яна битта муртак ҳосил бўлади (гаплоид хромосомалар тўпламли синергид ёки антиподдан).

Табиий шароитда гаплоидлар тур ичида ёки турлараро чангланиш (чатишиш) натижасида, ёки хароратни кескин ўзгариши, нурланиш ёки бошқа сабаблар натижасида ҳосил бўлади. Гаплоидларни сунъий яратиш учун қуйидаги усуллар қўлланиши мумкин. 1. Тур ичида чанглатиш. Маккажухорининг гаплоидини ҳосил қилишнинг ҳозирги якка усулидир. Маккажухорининг гаплоидини ҳосил қилиш тўғрисида биринчи бўлиб Л.Рандольф ва Л.Стадлар 1929 йилда ДеМойн шахрида (Айова штати) Америка илмий ассоциациясининг йиллик якуний йиғилишида оғзаки айтиб ўтадилар. Рандольфнинг айтишича маккажухорида ҳар бир минг ўсимликка ўртача 0,64 гаплоид тўғри келади. (0,11 дан 1,03 гача). 2. Турлараро чанглатиш. Бошқа тур ўсимлигининг чанги билан чанглатиш. Бу усул гаплоид партеногенезга асосланган бўлиб, маданий тур навларининг гуллари (оналиги) ёввойи тур ўсимлиги чанги билан чанглатилса гаплоид организмлар ҳосил бўлиши мумкин. Бу ерда уруғланмаган тухум хужайрадан муртак ўсиб, ривожланиб уруғнинг муртагини ҳосил қилади. Гаплоид хромосомалар сонига эга бўлган муртакнинг уруғидан-гаплоид ўсимлик ўсиб чиқади. 3. Рентген, гамма ва лазер нурлари билан таъсир эттирган чанглар билан чанглатиш. Бу нурлар таъсирида чанг доначаларининг ҳаётчанлиги пасайиб, улар тухум хужайрани нормал уруғлантираолмайди, лекин унинг партеногенетик ривожланишини тезлаштиради. Бу усул билан маккажухори, юмшоқ буғдой, қаттиқ буғдой, тамаки, помидор ва бошқа экинларнинг гаплоидлари олинган. 4. Эгизаклик усули. А.Мюнтцингнинг айтишича эгизак организмларнинг 0,5% гаплоид бўлиши аниқланган. Шу усул билан юмшоқ буғдой, жавдар, шоли, ғўза ва картошканинг гаплоидлари яратилган.

5. Ўсимлик гуллаганда чангланиш ва уруғланишга йўл қўймай, уни чўзиш. Бу усулдан фойдаланиб, ёввойи бир донли буғдойларнинг гаплоидлари яратилган. 6. Чангдонларни ўстириш усули. Бунда етилган чангдонлар таркибида стимуляторлар (ўстирувчи моддалар) бўлган, сунъий озуқа муҳитига жойланиб, муайян иссиқлик ва ёруғлик шароитида стерил ҳолда сақланади. Бир неча ҳафтадан кейин бу чангдонлар ёрилиб, улардан гаплоид хромосомали эмбрионлар (эмбрионга ўхшаш ўсимталар) пайдо бўлади. Сўнгра бу ўсимталар янги озуқа муҳитга кўчирилиб, улардан гаплоид ўсимликлар ҳосил қилинади. Шу усул билан бангидевона, тамаки, арпа каби экинларнинг гаплоидлари олинган. Умуман оммавий миқёсда гаплоидлар ҳосил қилишда чангдонларни ўстириш усули анча истиқболли усул ҳисобланади. Ҳозирги вақтда сунъий гаплоидлардан селекция ишида кенг фойдаланилади. Айниқса, бунда гомозиготали (турғун) формаларни тез ва қисқа муддатда яратиш имконияти мавжуд. Маълумки, инцухт (инбридинг) асосида гомозигота организмлар ҳосил қилиш учун ўсимликни камида 7-10 йил давомида мажбурий ўзидан чанглатиш лозим. Шундан кейин ҳам уларда гетерозиготалик маълум даражада сақланиб қолади. Гаплоид ўсимликлардаги хромосомалар сонини икки баробар ошириб, 2-3 йилда юқори даражадаги гомозигота организмларни яратиш мумкин. Бунда гаплоидлар нормал насл берадиган, яъни фертил ҳолатда бўлади. Гаплоидия узоқ формаларни дурагайлашда кенг қўлланади. Масалан, картошканинг маданий тетраплоид (2n=48) тури навлари ёввойи диплоид (2n=24) тури билан ёмон чатишади. Уларни осонлик билан чатиштириш учун маданий тетраплоид тури навларининг гаплоид ўсимликлари (дигаплоидлари 2 n =24) ҳосил қилиниб, кейин ёввойи диплоид (2n=24) тур ўсимлиги билан чатиштирилади. Маданий тур 2n=48 хромосома

Ёввойи тур 2 n =24 хромосома Маданий тур 2 n =48-гаплоидия дигаплоид 2п=24 Дигаплоид 2 n =24 х ёввойи тур 2 n =24 дурагай n =12 n =12 2 n =24 Ҳосил бўлган узоқ формали дурагай уруғига колхицин таъсир қилиб бу дурагай 48 хромосомалига айлантирилади. (2n=48). Гаплоидлар мутагенлар таъсир эттириб олингандан сўнг дархол рецессив мутацияларни танлаб олишда ҳам кенг қўлланилади. Гаплоидлардан буғдойнинг пакана бўйли, картошканинг касалликларга чидамли навларини яратишда кенг фойдаланилади. Гаплоидия усули билан Одессадаги селекция ва генетика илмий тадқиқот институтида арпанинг юқори ҳосилли Исток, Одесская 115 навлари яратилган. Айниқса картошка селекциясида турлараро дурагайлашда гаплоидия усули кенг қўлланиб, унинг асосида фитофторозга, вирус касалликларига, колорадо қўнғизига чидамли, таркибида кўп миқдорда оқсил, крахмал сақлайдиган картошка навларини яратишда катта муваффақиятларга эришилган. Бунга С.М.Букасов, А.Я. Камераз раҳбарлигида яратилган навлар яққол мисол бўлиши мумкин.

O'xshashlar

Сайёхатлар жарайёнида улкамиз усимликлар билан таништириш

ТЕСТ ШАКЛЛАРИ ВА УЛАРДАН ФОЙДАЛАНИШ

Ўқитишда курсатма кулланмалар ва техника воситаларидан фойдаланиш

Ўқитишда кўрсатма, қўлланмалар ва техника воситаларидан фойдаланиш

География дарсларида инновацион ва педагогик технологиялардан фойдаланиш