Turizmda maxsus turlar - Pedagogika - Referatlar

Turizmda maxsus turlar

Yuklangan vaqt:

20.09.2019

Ko'chirishlar soni:

0

Hajmi:

78.5 KB

Ko'chirib olish

Turizmda maxsus turlar Reja: 1. Turizmdagi asosiy va maxsus turlar 2. Turizmdagi asosiy turlarning tarifi 3. Turizmdagi maxsus turlarning tarifi 4. Maxsus turlarni turizmda shakllantirish

Turizmdagi asosiy va maxsus turlar Turizmning barcha turlari ishlab chiqarish va insoniyatning ijodi va yaratuvchilik sohalaridan kelib chiqgan. Ziyoratgoh joylar, tarixiy obidalar, diniy rahnomalarning dahmalari jahonning mashhur kishilari hayotidir. Faqatgina ekologik turizm turlari tabiat mahsuli hisoblanadi. Ishlab chiqarish sohalarining, insoniyatni yoki insonlar guruhining mo‘jizakor, mukammal va chiroyli yoki kerakliligi tufayli hayratomuz ko‘rinishga ega bo‘lgan mahsulotlari, inshootlari insonlar oqimini o‘ziga jalb qilishi turizm sohasini keltirib chiqardi, sohadagi turlarning ko‘payib borayotganligi ham ana shu omillarga bog‘liq. Dunyoning 7 mo‘jizasini ko‘rish, ularning siru-asrorlari bilan tanishishga qiziqish qadim sivilizatsiyada turistlar oqimini tashkil qilganligi malum. Bu yerda birgina «turizm» so‘zi hali kashf qilinmagan, tarifi berilmagan edi. O‘zga yerlardagi odamlarni, tabiatni ko‘rishga qiziqish, asosiy hollarda boylik izlash uchun chiqgan kishilar hozirda buyuk geografik kashfiyotchilar nomini olgan. Bu davr ham jahonda turizmning rivojlanishida alohida bosqich hisoblanadi. Hozirga kelib inson o‘zining qiziqishi sohalarini ko‘rib ulgurish, qoniqish olish, o‘rganish, tanlash xususiyatlari va imkoniyat darajalaridan to‘g‘ri foydalanish uchun ishlab chiqarish sohalarini, tabiiy biologik resurslarni, insonlarning yashash tarzlarini alohida-alohida turizm sohasiga aylantirdi. Dastlab inson o‘zida paydo bo‘lgan e’tiqod hissi nuqtai-nazaridan o‘z dinidagi barkamol insonlar, avliyo va shayxlarga, keyinchalik ularning qabriga sig‘indi, bu harakatlari unga xotirjamlik, osoyishtalik, keltirishini sezdi. Bunday harakatlar turizmda ziyoratgoh yoki diniy turizm nomini oldi. Keyinchalik o‘tmishdagi o‘z ajdodlari qurgan mo‘’jizakor, mahobatli qurilish inshootlariga, insoniyatning mashhur sarkardalari qurdirgan qasrlarni ko‘rishga intildi. Bu harakatlar hozirda tarixiy obidalar turizmi deb nomlangan. Shu tariqa turizmning turlari ro‘yxati to‘lib bordi. Hozirgi rossiyalik mutaxassislarning yozishicha jahonda turizmning asosiy turlari 20-22 yo‘nalishdan iborat.

Qayd qilingan fikr, mulohazalar shuning uchun ham keltirildiki, turizmdagi maxsus turlar ro‘yxatini tuzishdan oldin turizmdagi asosiy turlarning mohiyatiga to‘xtalish zarurati bor. Asosiy turlar bilan maxsus turlar mohiyatini, mazmunini taqqoslash bu turlarni bir-biridan ajratish xususiyatlarini, sabablarini tushuntira oladi. 1. Turizmdagi asosiy turlarning tarifi Talabalardan turizmning turlarini sanab bering degan savolga talaba - ichki turizm, xalqaro turizm, kiruvchi turizm, chiquvchi turizm, avtoturizm deb keyinchalik ziyoratgoh turizmi, ekologik turizm, sport turizmi deb davom etadi. Javobdan malum bo‘ladiki, talaba turizmning turlarini statistika uchun kerak bo‘ladigan turistlar oqimini hisobga oladigan ichki, xalqaro, kirish va chiqish turistlar harakatiga qo‘shib yubormoqda. Ichki, xalqaro, kirish va chiqish turizmi deganda turistlarning sonini hisobga olish va o‘sish yoki kamayishga qarab rejalashtirish ishlarini amalga oshirish tushuniladi. Bu ko‘rsatgichlar turizmdagi tur emas. Turizmdagi tur turistning malum bir qiziqish obekti-turistik resurs – makonni anglatadi. Turizm rivojlangan mamlakatlarda qaysi turlar ro‘yxatga olingan va qaysi belgilar asosida turni nomlashganligini bilmaganimiz pand bermoqda. Aleksandrova A.Yu. ma’lumotlari bo‘yicha turizmdagi maxsus turlar qo‘yidagilar iborat: 1. Shahar turizmi. 2. Ishchanlik turizmi. 3. Qishloq turizmi. 4. Ekologik turizm. 5. Sport turizmi.

6. Ziyoratgoh turizmi. Bu turlarni tahlil qilganimizda sport turizmi to‘rtta turga ajratilgan:  tog‘ sport chang‘i turizmi;  golf turizmi;  dayv turizmi;  ekstremal holatlardagi turizm. Yuqoridagi turizm turlarini maxsus yoki asosiy deb ajratish xususiyatlarini topish qiyin. Ekologik, ziyoratgoh va sport turizmlari jahonda eng katta turistlar oqimini tashkil qiladigan turlar hisoblanadi. Golf, Dayv turizmi va eksterimal turizm turlarini diniy, tarixiy, ekologik va sport turizmi turlariga tenglashtirib bo‘lmaydi. Demak Rossiya davlati turizmida turizmdagi turlar darajalarga ajratilgan emas. Tur – ma’lum marshrutda, ma’lum muddatda taqdim etiladigan, turli xizmatlar (joylashtirish, ovqatlantirish, transport xizmati, maishiy, turistik ekskursiya va boshqa xizmatlar to‘plamidir). Butunjahon turizm tashkilotining (VTO) – ma’lumotlari bo‘yicha turizmda beshta (turini) istiqbolli yo‘nalish deb e’lon qilgan. 1. Sarguzasht turizmi. Bu tur asosan tog‘ cho‘qqilariga chiqish, suv osti kemalarida sayohat qilish va «erning oxiri» ga sayohat yo‘nalishlarida rivojlanib bormoqda. O‘zbekistonda bu turni tog‘ so‘qmoqlari, cho‘llar bo‘ylab va Orol dengizi havzasiga sayohat marshrutlari bo‘yicha rivojlantirish mumkin. 2. Dengiz va suv havzalari bo‘ylab sayohat turizmi. 3. Madaniyatni o‘rganish turizmi. a. diniy ziyoratgoh turizmi. b. Madaniy-tarixiy turizm. 4. Ekoturizm. 5. Mavzuli turizm. a. iqlimni o‘rganish. b. hayvonot olamini o‘rganish.

c. o‘simlik dunyosini o‘rganish. d. paleontologiyani o‘rganish. Qayd qilingan ro‘yxatda bizning fikrimizcha katta turistlar oqimini tashkil qiluvchi turlar jamlangan. Turizmning shakllari va turlari deyilganda xalqaro statistika sayohatlarining yo‘nalishlari bo‘yicha qo‘yidagi shakllarni ajratish mumkin. 1. Ichki turizm – o‘z davlati chegarasida sayohat. Ekspertlar xulosasiga ko‘ra sayoh 80-100 km dan oshgan masofaga sayohat qilsa, turizm sayyohi deyiladi. 2. Kirish turizmi - O‘zbekistonga boshqa davlatlardan turistlarning kelishi. 3. Chiqish turizmi – agar O‘zbekistonlik Malayziyaga sayohat qilsa, chiqish turizmi (turist) bo‘ladi. Malayziyaga borgandan keyin, u turist Malayziya uchun kirish turizmiga kiradi. 4. Milliy turizm – ichki va chiqish turizm shakllarini birlashtiradi. 5. Xalqaro turizm – kirish va chiqish turizmlaridan tashkil topadi. Shuning uchun ham rossiyalik mutaxassislar adabiyotidagi chalkash tasniflardan foydalanib O‘zbekistonda turizmning qaysi turlarini rivojlantirish istiqbollari borligiga to‘xtalish fikrimizcha to‘g‘ri bo‘ladi. Umuman olganda turizmning turlarini belgilashda O‘zbekiston uchun qulay bo‘lgan usulni qo‘llashimizni hech kim taqiqlamaydi. Respublikamizda turizmni rivojlantirishga jadal kirishilayotgan ekan, turizmdagi turlarni salohiyatiga qarab, ularga keladigan turistik oqimlarga qarab ma’lum bir guruhlarga ajratishimiz mumkin. Turistik resurslar salohiyatiga qarab Respublikamizda turizmdagi quyidagi asosiy turlarni rivojlantirish mumkin va bu turlarni asosiy turlar deb qabul qilish lozim. Diniy turizm - Islom dini olamidagi mashhur kishilarning qabrlarini ziyorat qilish. Makkaga, Madinaga haj va umra safarlari. Buxoro, Samarqand, Shaxrisabz shaharlariga kelib masjidlarda «juma» namozlarini o‘qish.

Tarixiy obidalar turizmi - Buxoro, Xiva, Samarqand, Shaxrisabz, Toshkent shaharlaridagi va Respublikamiz tumanlaridagi tarixiy obidalarni ko‘rishga qiziqish. Ekologik turizm - Vatanimizning go‘zal tabiat mintaqalariga, noyob o‘simliklar olami va hayvonot dunyosiga, 4 faslning iqlimiy xususiyatlarini ko‘rishga qiziqish. Arxeologik turizm - Samarqand, Buxoro, Xorazm shaharlarining qoldiqlari, qadimiy qalalar harobalari, ko‘hna qadimiy Markaziy Osiyo xalqlari hayoti haqidagi arxeologik topilmalarga qiziqish. Sport turizmi - Xalqimizning hozirda jahon bo‘yicha ommaviylashib borayotgan milliy kurash, tennis, futbol, chang‘i sporti, boks va boshqa musobaqalariga qiziqish. Sog‘lomlashtirish turizmi - Vatanimizning sog‘lomlashtirish markazlarida, kurort va sanatoriyalarida, mineral, shifobaxsh suvlari maskanlarida, shifobaxsh qum- balchiqlarida, ma’danli suvlari manzillarida davolanishga qiziqish. Rekreatsion turizm - Tabiat bag‘ridagi mo‘jizakor go‘shalarda, tog‘ o‘rmonlaridagi shifobaxsh daraxtlar ichida, tabiiy sharsharalar, zilol buloqlar yonida vaqtinchalik dam olishga qiziqish. Ovchilik turizmi- Respublikamizda ov qilishning huquqiy-qonuniy me’yorlari yaratilganligi, ovchilik maydonlarining katta hududlarni egallashi, ovchilik obektlarining aniqligi, ovda harakatlanishning erkinligidan qurol va qurolsiz ovchilikka qiziqish. Kasbiy faoliyat turizmi - kasbiy faoliyat yuzasidan chet davlatlarga borishga, chet elliklarning respublikamizga kelishiga, tijoratchilar, tadbirkorlar, savdogarlar, qo‘shma korxonalar tuzuvchilarning mamlakatlardagi o‘z kasbi faoliyati doirasida malakalar oshirish, mahsulotlar, asbob-uskunalar va zamonaviy texnologiyalarni sotib olishga yoki tanishishga qiziqish. Ilmiy turizm - Vatanimizda va xorijda talim olish, xalqaro ilmiy markazlarda o‘qish, xalqaro yirik Universitetlarda ilmiy-amaliy malakalarini oshirish, xalqaro ilmiy-amaliy konferensiyalar, simpoziumlarga qatnashish, xalqaro ilmiy grant

loyihalarni bajarishga, magistratura, aspirantura va doktoranturani xorij mamlakatlarda , vatanimizda o‘tkazishga qiziqish. Savdo turizmi - Vatanimizda va xorijda faqat savdogarchilik masalalariga, mol olib kelish va olib ketish, ayriboshlash, savdo markazlari ochish, narx-navo o‘zgarishiga, valyutalar bahosiga, yangi bozorlarga, haridor talab mollar savdosiga qiziqish. Ijtimoiy turizm - Davlat tomonidan yoki shaxs ishlab turgan korxona hisobidan sayohatga chiqish, sog‘lomlashtirish, dam olish maskanlariga, kurort va sanatoriyalarga borishga qiziqish.O‘zbekistonda bunday imtiyozlarni O‘zbekiston kasabachilar uyushmasi federatsiyasi ishlab chiqadi. Ekskursiya (tanishuv, ko‘rish) turizmi- bu tur asosan mamlakat ichkarisida ko‘proq rivojlanadi. Yakka shax syoki guruh bo‘lib tashabbuskor (o‘qituvchi, ekolog, injener, mutaxassis) boshliq rahbarligida qisqa muddatlarda o‘lkashunoslik, tarixiy, madaniyat muzeylarini botanika bog‘larini, zavod, fabrikalarning ish faoliyatlarini, yaqin masofalardagi oromgohlar, tabiiy landshaftlarni, hayvonot bog‘lari, suv va daryo havzalarini ko‘rishga qiziqish. Shaharsozlik turizmi - O‘z vatanida va xorij davlatlaridagi zamonaviy shaharlarni ko‘rishga qiziqish. Toshkent, Samarkand, Buxoro, Xiva, Shaxrisabz shaharlaridagi yangi obidalar va yangi tipda kengaytirilgan shaharlar, ayniqsa cho‘llarimizda bunyod etilgan Navoiy, Zarafshon, Uchquduq shaharlariga qiziqish ichki turizmda ham xalqaro turizmda ham o‘zining turistik bozorini topishni taminlashimiz lozim. Qayd qilingan 14 ta turizm turi Respublikamizda talablar darajasida rivojlanishi mumkin. Chunki bu turizm turlariga (ichki va tashqi turizmda) turistlarning qiziqishlari haqida batafsil malumotlar bor. Ikkinchidan, qayd qilingan turlarning turistik resurslari - obektlari xilma-xilligi, mazmundorligi, diqqatga sazovorligi, ulug‘vorligi, muqaddasligi, noyobligi, betakrorligi jihatlari, ko‘rinishlari tariflari shiddatli ravishda televideniye, internet axborotlar tizimida reklama qilinmoqda.

Shuningdek, turizm rivojlangan davlatlardagi tajribalardan malumki bu turlarga turistlarning oqimi juda katta masshtablarda bo‘ladi. Shuning uchun ham qayd qilingan turlar turizmdagi asosiy turlar deb kelinmoqda va shunday nomlash ham to‘g‘ri bo‘ladi. 3.Turizmdagi maxsus turlarning tarifi Turizmning maxsus turlari haqida Respublikamizda birinchi so‘zni aytgan va bu turlarning dastlabki ro‘yxatini tuzgan M.T.Aliyeva hisoblanadi. M.T.Aliyeva turizmdagi maxsus turlarni quyidagicha qayd qilgan: 1. Madaniyatga qiziqish turizmi. 2. Tabiatga qiziqish turizmi. 3. Qishloq turizmi. 4. Fermerlar hayoti turizmi. 5. Piyoda va vilosepidda harakatlanish turizmi. 6. Ixtisoslashgan motivlardagi turizm. 7. Etnik turizm. 8. Diniy ziyoratgoh turizmi 9. Kasbiy faoliyat turizmi. 10. Sog‘inish turizmi. 11. Sarguzasht turizmi. 12. Ekologik turizm. M.T.Aliyeva o‘zining malumotlarida turizmning maxsus turlarini quyidagi tarif bo‘yicha ajratadi - «Turizmning ushbu turlariga biror rayonning o‘ziga xos, farq qiluvchi xususiyatlari bilan tanishish maqsadidagi sayohati kiradi. Bu sayohatlar turistlarda shakllangan (havaskorlik va professional)qiziqishlardan kelib chiqadi. Maxsus turlarga turizmning kichik ko‘lamli noananaviy turlari ham kiradi.» Mazkur tarif bo‘yicha ekologik turizm, diniy ziyoratgoh turizm va tabiatga qiziqish turizmlari kichik ko‘lamli emas balki, eng ommaviy turistik oqimni tashkil

qiladigan turizm turlari hisoblanadi. Shuning uchun ham turizmdagi bu uchala tur turizmning asosiy turlari ro‘yxatiga turishi bizningcha to‘g‘ri bo‘ladi. Shuningdek, piyoda va velosipedda harakatlanish turizmning turi emas balki, turistning xohish - istagi bilan o‘zi tanlagan harakatlanish vositasidir. Agar turistning bu kabi harakatlarini tur deb qabul qilsak avtoturizm, samolyot turizmi, temir yo‘l turizmi yoki tuya va eshak turizmi degan mazmunsiz turistik atamalar paydo bo‘ladiki, bu atamalarni yaratish aslo mumkin emas. Turistning transport turlaridan foydalanishi turizmda transport xizmatlariga kirishini bilish unchalik murakkab tushuncha emas. Ro‘yxatdagi ixtisoslashgan motivlardagi turizm turi turizmdagi aniq turni anglatmaydi. Chunki turizmdagi hozirgi turlarning barchasi malum bir turistik resursga - obektga qiziqish natijasida xuddi, aynan shu turistik resursning – obektning yoki resurslarning – obektlarning nomiga ixtisoslashgan, nomlangan. Masalan: arxeologik turizmi - qadimiy shaharlar, obidalar, sivilizatsiya qoldiqlarining ochilib hozirgi ko‘rinishini olishi; ekologik turizmi – betakror tabiat va uning resurslari, biologik xilma-xillik, tabiiy mintaqalar landshafti; ovchilik turizmi - ovchilik obektlari - qushlar, hayvonlar, baliqlar. Ikkinchidan ixtisoslashgan motivlardagi turizm turlari hali malum emas. Ro‘yxatdagi etnik turizmi va sog‘inish turizmlarini va qishloq turizmi va fermerlar hayoti turizmlarini mazmuni va mohiyati jihatidan etnik va sog‘inish turizmi, qishloq va fermerlar hayoti turizmini agroturizm deb atasak to‘g‘ri bo‘ladi. Turizmdagi maxsus turlarni aniqlashda M.T.Aliyevaning – «kichik ko‘lamli, noananaviy turlar» tarifi asosiy mezon qilib olindi. Shuningdek turizmdagi barcha asosiy (katta ko‘lamli, ananaviy) turlar insonning ishlab chiqarish, bunyodkorlik, izlanuvchanlik, tarixga, tabiatga, o‘tmishga qiziqishdan kelib chiqganligini hisobga olsak, kichik ko‘lmali noananaviy turizm turlarini ham ushbu ishning o‘rganish obektlari – xalqimizning qadimdan hayot kechirishi davomida hozirgacha saqlab kelgan va yanada rivojlanib borayotgan ijodkorlik, yaratuvchanlik mehnati, kasbkorlik yo‘nalishlari sohalari, milliy urf-odatlari, milliy o‘yinlari, milliy

madaniyati va sanati, shuningdek, betakror tabiatimizning tarixiy-ekologik iqlim jarayonlari tasirida hosil bo‘lgan mo‘jizakor, hayratomuz ko‘rinishlaridir. Shu jumaladan muzeylarimizni zooparklarni va xotira bog‘larini, maydonlarini ham maxsus turlarga kiritishimiz mumkin. 4. Maxsus turlarni turizmda shakllantirish Turizm resurslarini ro‘yxatga olishda va malum bir obektning turizm resursi bo‘la olishligi o‘rganilgandan keyin bu obektga yoki tabiiy makonga yoki ishlab chiqarish sohasiga «turizmi» so‘zini qo‘shish bilan hal qilinmaydi. Masalan: hunarmandchilik sohasini «hunarmandchilik turizmi» kabilar. Ishlab chiqarish resurslarini turizm resurslariga aylantirishdagi dastlabki talab mamlakatda ichki va tashqi turistlarni birinchi navbatda qiziqtira oladigan soha yoki obektni o‘rganish to‘g‘ri bo‘ladi deb hisoblaymiz. O‘rganiladigan obekt oddiy istemolda emasligi xalqimizning o‘ziga xos bo‘lgan bejirim buyumlarining boshqa davlatlarda ishlab chiqarmasligi, urf-odatlarning milliyligi yoki milliy o‘yinlarning boshqa davlatlardagi xalqlar hayotida umuman yo‘qligi, milliy sanatkorlik ijodlari mujassam bo‘lishi birinchi navbatda chet ellik turistlarni jalb qiladi. Bunday obektlarga masalan hunurmandchilik, yoki ustachilikni olganimizda dastlab dunyoning barcha davlatlarida yashayotgan xalqlarning ham o‘ziga xos milliy hunarmandchilik va milliy ustachilik sohalari albatta bor. Biz ishlab chiqarishdagi milliy hunarmandchilik yoki ustachilikda o‘zimizning hunarmandchilik yoki ustachilik sohalari buyumlarining noyobligi, go‘zal- bejirimligi, mustahkamligi, bu buyumlarda sanatkorlikning, kishilarni hayratga soladigan ijod namunalarining ko‘pligidan, boshqa davlatlardagi xuddi shunday buyumlar, mahsulotlardan ancha ustunligiga e’tibor berishimiz lozim bo‘ladi. Masalan, kashtachilikdagi ikki yo‘nalish: oddiy kashtachilik va zardo‘zli kashtachilikning boshqa davlatlarda yashayotgan xalqlarning kashtachiligidan ustunligi shundan iboratki so‘nggi vaqtlarda O‘zbekistonga kelib ketayotgan davlat rahbarlari, Bosh vazirlar, mashhur adiblarga, xalqaro miqiyosdagi taniqli rahbarlar,

sport va san’at yulduzlariga maxsus marosimlarda zardo‘zli to‘n va do‘ppi kiydirilmoqda. Ikkala buyum ham faqat o‘zbekistonliklar uchun milliy buyum xillari hisoblanadi. E’tibor qilsak qozoq, qirg‘iz, turkmanistonliklarning ham to‘nlari, do‘ppilari, o‘zlarining milliyligini ko‘rsatib turadi. Binobarin, Markaziy Osiyo xalqlarining kelib chiqishlari deyarli bir, yashash manzillarining yaqin-qo‘shni ekanligidan bizdagi do‘ppi va zardo‘zi to‘n tikish ularda ham bo‘lishi mumkin edi. Lekin qadimiy tub joy aholining buyumlar yaratishdagi milliy urf-odatlari va iqlim xususiyatlari, bayram tantanalarda kiyish odatlari va xush ko‘rishlari nuqtai – nazaridan Markaziy Osiyo xalqlarida qayd qilingan ikala buyumni tikishda turli uslub, tanlash va yo‘nalish hosil bo‘lgan. Demak, bizdagi milliy do‘ppichilik va zardo‘zi to‘n tikish qo‘shni davlatlarda rivojlanmagan ekan dunyoning boshqa bironta davlatlarida bizdagidek usullari umuman yo‘q hisoblanadi. (Xitoy xalq respublikasidagi uyg‘ur xalqida ham zardo‘zi kashtachilik rivojlangan). Bu xulosalardan milliy qo‘l hunarmandchiligidagi do‘ppichilik va zardo‘zi to‘n tikishni xalqaro turizm obekt – resursi sifatida maxsus turlar ro‘yxatiga qo‘shsa to‘g‘ri bo‘ladi. Xalqimizning milliy o‘yinlaridan turizm sohasida foydalanishning juda katta imkoniyatlari borligini ilg‘ash qiyin emas. Masalan, qushlarni urishtirish o‘yini yoki musobaqasi dunyoning juda ko‘p mamlakatlarida bor. Bizda qushlarning xo‘roz urishtirish va bedana urishtirish o‘yinlari bor. Bu qushlarni urishtirish musobaqalari O‘zbekiston Respublikasida juda ommalashagan. Xo‘roz urishtirishning jahon birinchiligi ham o‘tkaziladi. Endi, ichki turizmda bu o‘yinlar hozir ham shaharlar, tumanlarning bozor maydonlarida o‘tkaziladi. Xalqaro turizmda albatta bu «urishtirish» o‘yinlari ommaviylashmaydi. Chet ellarda juda kam sonli ishqibozlar bu o‘yinlarga qiziqib kelishi mumkin. Bozorlarda esa asosan vaqti bor va to‘satdan nigohi tushgan, bozorga kelgan kishilar bu o‘yinlarni tomosha qilishadi. Bu o‘yindan turizm maqsadlarida foydalanilsa ham «kichik ko‘lamli, noananaviy tur» bo‘lib qolaveradi. Bu o‘yinlarni turizmga jalb qilishning eng zarur tomoni shundan iboratki, ichki turizmda ham tashqi - xalqaro turizmda hams qayd qilingan «yangi

turdan» yo‘l-yo‘lakay, turistlarning ko‘ngil ochar o‘yinlarni, dam olishni xoxlagan vaqtlarida foydalanish, turistdlarga taklif qilish mumkin. Albatta bunday taklif xizmatlar pullik bo‘ladi. Turizmdagi maxsus turlarni aniqlish va ro‘yxatga olish, kuzatish, ustaxonalardagi hunarmandlar va ustalarning faoliyat va ishlab chiqargan buyumlarini tomosha qilib shunday xulosaga kelish mumkinki, turizmda foydalanish uchun ro‘yxatga olayotgan aksariyat turlardan ichki turizmda ekskursiya- tanishuv turizmida xalqaro turizmda esa qo‘shimcha tur manbalari sifatida (turistga taklif qilish, bo‘sh vaqtini mazmunli o‘tkazish, suratga yoki videoga olish va hakozolar) foydalanish mumkin. Tayanch iboralar: Turizmdagi asosiy turlar, turizmdagi maxsus turlar, milliy hunarmandchilik va milliy ustachilik, milliy o‘yinlar.

O'xshashlar

Maxsus fanlarni o’qitishni metodlari

Turizmdagi maxsus turlarning tasnifi, tavsifi va geografiyasi

Maxsus fanlarni o'qitishning tashkiliy shakllari

Maxsus muassasalarga bolalarni saralash ishlarining mazmuni

Maxsus fanlardan tajriba - amaliy mashg’ulotlarini o’tkazish metodikasi