«Таълим тўғрисида» ги қонун ва кадрлар тайёрлаш миллий дастурининг педагогика назарияси ва амалиёти ривожланишидаги ўрни

Yuklangan vaqt:

20.09.2019

Ko'chirishlar soni:

0

Hajmi:

111 KB

Ko'chirib olish

«Таълим тўғрисида» ги қонун ва кадрлар тайёрлаш миллий дастурининг педагогика назарияси ва амалиёти ривожланишидаги ўрни Режа : 1. «Таълим тўғрисидаги» қонун ва «Кадрлар тайёрлаш миллий дастур»нинг қабул қилиниши ва долзарблиги. 2. «Таълим тўғрисида» қонуннинг мазмуни. 3. «Кадрлар тайёрлаш миллий дастур»и, «Таълим тўғрисида» қонуннинг мантиқий давоми сифатида. 4. «Таълим тўғрисида»ги қонун ва «Кадрлар тайёрлаш миллий дастур»ининг назарий ва амалий қиймати .

Ўзбекистон Республикаси мустақилликни қўлга киритгандан сўнг жамият тараққиётида қонун устиворлигига алоҳида эътибор бериб бошланди. Демократия ва инсонпарварлик тамойилларига ҳар томонлама мос бўлган Конституция ишлаб чиқилди ва қабул қилинди. Унга суянган ҳолда 1997 йилнинг августида Олий Мажлиснинг IX сессиясида «Таълим тўғрисида»ги ва «Кадрлар тайёрлаш миллий дастур» тўғрисида қонунлари қабул қилинди. Бу ҳужжатлар бир қараганда мамлакатимизда маъориф ишларини тартибга солиш, маълум бир муддат давомида унинг ривожланишини таъминлаш мақсадига қаратилгандек туюлади. Аслида эса уларнинг моҳиятига чуқур ижтимоий –сиёсий, маънавий, маърифий мақсад ва вазифалар киритилган бўлиб, яқин келажакда Ўзбекистон Республикаси тараққиётининг ўзига хос модели ишлаб чиқилган. Мазкур қонунларнинг ҳаётга тадбиқ этилиши халқ хўжалигининг барча соҳаларини янги тараққиёт босқичига кўтариш учун хизмат қилади. Чунки бу қонунлар жамиятнинг ҳар бир аъзосига қобилияти, қизиқиш, ва интилишларига мос бўлган таълим –тарбия бериш, шахсий сифатларни тўла таркиб топтириш ҳамда намоён этиш имконини яратади. Узлуксиз таълим тизими барча кишиларга мос бўлган таълимни олиши, касб эгаллаши, уни такомиллаштириб боришларига тўла шароит яратишга мўлжалланган. «Таълим тўғрисида»ги қонун ва «Кадрлар тайёрлаш миллий дастур»и ўзаро мантиқан бир –бирига боғланган бўлиб, ҳозирги шароит учун энг мукаммал таълим тизими ва кадрлар тайёрлашнинг методологик асоси вазифасини ўтайдиган мазмунни касб этади. Бу ҳужжатлар ҳам назарий, ҳам амалий жиҳатдан ўта ҳаётий бўлиб, уни синчковлик билан ўрганишни, таълим –тарбиянинг илмий асосларини ишлаб чиқишда ва ҳаётга тадбиқ этишда унга амал қилишни тақозо этади.

$2. «Таълим тўғрисида» ги қонуннинг мазмуни: \ Ўзбекистон Республикаси Олий Мажлиси 1 - чақириқ 9 сессиясида 1997 йил 29 августида тасдиқланган қонун 5 бўлим, 34 моддадан иборат. 1. Умумий қоидалар /8 модда/. 2. Таълим тизими ва турлари /11 модда/. 3. Таълим жараёни иштирокчиларини ижтимоий ҳимоя қилиш 5 /модда/ 4. Таълим тизимини бошқариш /5модда/ 5. Якунловчи қоидалар /5модда/. Умумий қоидалар: Бу бўлимда мазкур қонуннинг мақсади, қонун ҳужжатлари, халқаро шартномага амал қилиш йўллари, давлат (сиёсатининг таълим соҳасида асосий тамойиллари принциплари), маълумот олиш ҳуқуқлари, педагогик фаолият юритиш ҳуқуқи, таълимий муассасаларнинг ҳуқуқий мақомлари, давлатнинг таълим тўғрисидаги стандартлари ва таълимни қандай тилда олиш каби ҳолатлар кўрсатилган. Қонун барча фуқароларнинг таълим, тарбия ва касб тайёргарлиги олишининг конституциявий асосларини белгилаб беради. Ўзбекистон Республикаси давлат сиёсатининг таълим соҳасидаги асосий тамойиллари қуйидагилардан иборат: -таълим ва тарбиянинг инсонпарварлик ва демократияга амал қилиши; -таълимнинг узлуксизлиги ва изчиллиги; -ўрта умумий, ўрта махсус ҳамда касб таълимининг мажбурийлиги; -ўрта махсус, касб таълими берувчи академик лицей ҳамда, касб-ҳунар$