Talabalarning yozma ish yozish orqali, ularning fikrlash qobiliyatlarini rivojlantiruvchi strategiyalar - Pedagogika - Referatlar

Talabalarning yozma ish yozish orqali, ularning fikrlash qobiliyatlarini rivojlantiruvchi strategiyalar

Yuklangan vaqt:

20.09.2019

Ko'chirishlar soni:

0

Hajmi:

50.5 KB

Ko'chirib olish

Talabalarning yozma ish yozish orqali, ularning fikrlash qobiliyatlarini rivojlantiruvchi strategiyalar Reja : 1. Tanqidiy tafakkurni o’stirishda yozma ishlarning ahamiyati. 2. Tafakkur jarayonining mohiyati 3. Tanqidiy fikrlashga o’rgatuvchi ish usullarining mazmuni. 4. Surilgan ma’ruza.

K i r i sh O’zbekiston Respublikasi mustaqillikka erishgan davrda mamlakatimiz xalq xo’jaligining barcha tarmoqlari qatorida ta’lim tizimi, uni tarkibiy qismi bo’lgan Oliy va o’rta maxsus ta’limi ham tub islohotlarni boshdan kechirib, takomillashib bormoqda. Ayniqsa, O’zbekiston Respublikasi Kadrlar tayyorlash milliy dasturi va «Ta’lim to’g’risida» gi qonunning qabul qilinishi (1997 yil, 29 avgust) va ularda mamlakatimiz ta’lim tizimini isloh qilishning asoslari, tamoyillari va bosqichlarini belgilab berganligini alohida ta’kidlash lozim. Milliy mustaqillik g’oyalari singdirilgan bu tarixiy hujjatlar muvaffaqiyatli amalga oshirilmoqda. Buning natijasida rivojlangan mamlakatlar ta’lim tizimini o’rganishga ham keng yo’l ochildi, iqtidorli yosh olimlarimiz va talabalar «Ustoz» va «Umid» jamg’armalari orqali rivojlangan xorijiy mamlakatlarning nufuzli oliy o’quv yurtlarida ta’lim olishdek baxtga muyassar bo’lmoqdalar. O’z navbatida xorijiy mutaxassislar ham mamlakatimiz ta’lim tizimida ro’y berayotgan islohotlarni o’rganib, ularga ijobiy baho bermoqdalar. Bu kabi o’zaro aloqalar o’z navbatida mamlakatimiz ta’lim tizimiga rivojlangan mamlakatlardagi ilg’or pedagogik texnologiyalarni o’z milliy qadriyatlarimiz nuqtai nazaridan tahlil qilib, o’quv jarayoniga joriy etishni ham taqozo qilmoqda. Zero, bu kabi amaliy ishlar mamlakatimiz ta’lim tizimini jahon ta’lim standartlari bilan integrasiyalashuvining asosiy belgilaridan biri bo’lib hisoblanadi. Shuning uchun ham, O’zbekiston Respublikasi Kadrlar tayyorlash milliy dasturining ikkinchi bosqichida «o’quv-tarbiyaviy jarayonini ilg’or pedagogik texnologiyalar bilan ta’minlash» alohida ko’rsatib o’tilgan. Kasbiy ta’lim yo’nalishlari talabalarini ilg’or pedagogik texnologiya va uni o’quv jarayoniga joriy etish bo’yicha tizimli axborotlar bilan qurollantirish maqsadida yaratilgan. U uch bo’limdan iborat: I bo’lim - Pedagogik texnologiyaning nazariy asoslari, II bo’lim - Testshunoslik asoslari, III bo’lim -To’la o’zlashtirish texnologiyasi. Bo’limlar mazmunini yoritishda AQSHda yaratilgan va YUNESKO tomonidan ma’qullanib

30 ga yaqin rivojlangan mamlakatlar (Angliya, Yaponiya, Janubiy Koreya, Malaziya va h.k.) ta’lim tizimida muvaffaqiyatli qo’llanilayotgan pedagogik texnologiyaning mohiyati, uning odatdagi o’qitish usullaridan farq qiluvchi jihatlari, O’zbekiston ta’lim tizimiga uni joriy etishning ahamiyati, test topshiriqlari shakllari, ularni tuzish hamda pedagogik texnologiyaning tamoyillari va qoidalari, o’quv materialini to’la o’zlashtirish g’oyasini vujudga kelishi va uning amalga oshirish usullari bayon etilgan. Har bir mavzuga oid mustaqil ta’lim uchun topshiriqlar va turli shakldagi nazorat testlari berilgan. Tuzilgan test topshiriqlari faqatgina o’zlashtirishni nazorat qilibgina qolmay, balki o’rgatuvchi (o’qituvchi) funksiyani ham bajaradi. Chunki, bu test topshiriqlarini yechish jarayonida mavzularni mustaqil ravishda o’zlashtirishga ham erishiladi. Tanqidiy tafakkur nutq bilan chambarchas bog’liq. Psixologiyada og’zaki, yozma, ichki, tashqi, aktiv va passiv nutq turlari mavjudligi ko’rsatiladi. Shaxsda nutqning barcha turlari rivojlangan bo’lishi kerak. Og’zaki nutqdan talaba “Aqliy xujum”, “Munozara o’tkazish”, o’qilgan material bo’yicha fikr bayon etish va boshqalarda foydalaniladi. Shu kungacha ta’lim jarayonida og’zaki nutqning rivojlanishiga ko’proq e’tibor berilgan. Yozma nutqning shakllanish va rivojlanishiga xam e’tibor berilgan. An’anaviy ta’lim usulida yozma nutqni shakllantirish va rivojlantirishga yetarli e’tibor berilgan. Yozma nutq inson hayotida keyinroq shakllanadi. Alohida e’tibor berib mashqlantirilmasa, u yetarli rivojlanmay qolishi mumkin. Yozma nutq talabaning fikrlanishi rivojlantirishda muhim o’rin tutadi. Yozma nutq fikrni keng va chuqur o’ylab bayon etishni, aniq ifodalashni, bayon etayotgan fikr bo’yicha o’ylashni talab etadi. Yozma nutq talabalarda quyidagi sifatlarni shakllantiradi va o’stiradi : 1. Yozma nutq talabada o’zining shaxsiy nuqtai nazarini shakllantirishga, o’z fikri va tajribasini kadrlashga o’rgatadi. 2. Yozma nutq talabani muammoni chuqurroq tushunishga majbur etadi: talaba ma’lum fikrni yozma fodalangandan so’ng, uni tahlil etadi. Yangi fikrlar tug’iladi. Yozma nutq tanqidiy tafakkurni o’stiradi.

3. Yozma nutq talabaning qiziquvchanligini o’stiradi, kuzatuvchanligini shakllantiradi. 4. Yozma nutq asosida fikr bayon etilganda talaba o’z kursdoshlarining bildiradigan fikrini o’ylab ish tutadi. Yozma ishda xamkorlik namoyon bo’ladi. 5. Yozma nutq talabadagi o’qish ko’nikmalarni rivojlanishiga ijobiy ta’sir etadi. Talaba o’qganda xar bir so’z, ibora va jumlalarga e’tibor berish imkoniyatiga ega bo’ladi. Ta’lim jarayonida yozma nutqning rivojlanishiga alohida e’tibor berish pedagogik texnologiyaning asosiy talabi hisoblanadi. Pedagogik texnologiya asosida dars o’tishda ta’limning barcha bosqichida (da’vat, anglash, fikrlash) yozma ishlardan foydalanish zarur. Tanqidiy tafakkurni rivojlantirishga oid maqola va kitoblarda yozma nutq turlariga katta e’tibor yerilgan. “Tanqidiy tafakkurni rivojlantirish vositalari” kitobida yozma nutqning quyidagi turlari ko’rsatilgan: Da’vat bosqichida – “Asosiy masalalar”, “Muammoli savollar”, «Yerkin maktub”, “Chalkashib ketgan mantiqiy zanjir” kabi ish turlari; Anglash bosqichida - “Muallifga savollar”, “Bilaman, bilishni hohlayman, bilib oldim” grafalarini to’ldirish, “Ikki qismli kundalik”lardan foydalanish; Fikrlash bosqichida - «Yerkin maktub”, «Yerkin esse”, “10 minutli esse”, “Uch bosqichli intervyu” va boshqalardan foydalanish tavsiya etilgan. Pedagogik texnologiyada o’qilgan matn haqida yozma fikr bildirishdan keng foydalanish kerak. Chunki bu jarayonda o’quvchi chuqur va atroflicha o’ylashga o’zini majbur etadi. Yozma fikr bildirish o’qituvchining tekshirishni maqsad qilib qo’ymasligi, talabaning o’qilgan matnga nisbatan shaxsiy munosabatni ifodalashga qaratilishi kerak. Bunda matn mazmuni qayta hikoya qilmay, unga o’z munosabatini bildirish shaxsiy bilim va tajriba asosida o’qilgan matnni taxlil etish matndagi asosiy g’oya haqida fikr bildirish muhimdir. Shunday qilinganda munozara kelib chiqishi fikrlar oydinlashtirilishi mumkin.

Har qanday yozma ishda mavzu bo’yicha ma’lumot to’plash ularni o’rganish va uni to’g’ri bayon etish haqida o’ylash zarur. So’ngra yoziladigan ishning dastlabki, (qaralama)nusxasi yoziladi va u qayta o’qib to’g’rilanadi. Yozma ishlarni yozishga o’rgatish boshlang’ich sinfdan boshlanib, ta’limning barcha bosqichlarida davom ettirilishi foydalidir. Bunda rasmga qarab hikoya tuzishdan tortib kurs (diplom) ishi va dissertasiyaga borib yetish mumkin. Xulosa shuki, yozma nutq tanqidiy fikrlashga o’rgatishda muhim vosita hisoblanadi. Ko’rinib turibdiki, bilim berish jarayonida an’anaviy va texnologik yondashuvlarining qiyosiy tahlili hozirgi kun talabiga texnologik yondoshuv mos ekanligini ko’rsatadi. Chunki ta’limga texnologik yondashuv talabalarni fikrlashga, mustaqil bilim olishga, o’qituvchi bilan xamkorlikda ishlash, faollik ko’rsatishga da’vat etadi. O’zaro faol muloqot jarayonida tanqidiy fikrlashish, dars jarayonini jonli muloqot va baxslar blan o’tkazish pedagogik texnololgiyaning asosiy talabidir. Bunda bir qator ish usullari mavjudki, ular gurux talabalarining faol ishlashiga mo’djallangan. Chuqur va atroflicha bilim egallanmagan, mustaqil bilim olishga odatlanmagan, bilimning hayotiy ahamiyatini tushunmagan talaba mustaqil O’zbekiston talaba etayotgan mutaxassis bo’lib yetisha olmaydi. Tanqidiy fikrlashga o’rgatuvchi usullar 1. Tanqidiy fikrlashga xos xususiyatlar. 2. Tafakkur jarayonining mohiyati. 3. Tanqidiy fikrlashga o’rgatuvchi ish usullarining mazmuni va tasnifi. Talaba quyidagi bilim va tushunchaga ega bo’ladi : - Fikrlash bilish jarayonining muhim bosqichi. - Fkrlash uchun shaxs keng bilimga ega bo’lishi bilan birga narsa 9 hodisalar 0 o’rtasidagi bog’liklikni tushunishga intiladi. - Tanqidiy tafakkurni maxsus usullar yordamida rivojlantirish mumkin. - Tanqidiy tafakkurni o’stiruvchi usullarni amalda qo’llay oladi.

Ta’lim jarayonida talaba fikrlashga o’rgansagina uning egallagan fikrlari mustaxkam bo’ladi va amalda qo’llash imkoniyati vujudga keladi. Pedagogik texnologiyada talabaning tanqidiy tafakkur yuritishi asosiy maqsad hisoblanadi. Umuman tafakkur jarayonining, ayniqsa, tanqidiy tafakkurning rivojlanishi xozirgi kunda talab etlmoqda. Fikr yuritish (tafakkur) ma’lum muammoli vaziyatda vujudga keladi. Muammoni yechish vaqtida bosh miyada chuqur analiz, sintez, taqqoslash, umumlashtirish, abstraksiya, xukum va xulosa chiqarish sodir bo’ladi. Tanqidiy tafakkur har bir holatni mohiyatiga tushunib aks ettirishda ifodalanadi. Yangi pedagogik texnologiyada darsning barcha qismlarida maxsus usullardan foydalanib tanqidiy tafakkurni o’stirish talab etiladi. Ta’lim jarayonida talabalarning faol ishlashi asosida bilim o’zlashtirib olishi, talabalar qiziqib ishlashi, zo’riqmasligi, o’z imkoniyatlaridan to’liq foydalanishi talab etiladi. Talaba mustaqil ishlasa bilimni puxta egallaydi. Talabada ilmiy izlanish ijod etish hissi shakllanib boradi. Surilgan ma’ruza bir necha qismni o’z ichiga oladi. Tayyorgarlik bosqichi. (Da’vat) Ma’ruzaning dastlabki qismida savol yoki topshiriq berilib, tinglovchilarning diqqati yangi o’rganiladigan ma’ruzaga tortiladi. Tinglovchilar ma’lum vaqt davomida (5 minut) o’zlarining mavjud bilimlarini yozadilar va juftliklarda muxokama etadilar. So’ngra har bir juftlikning 2-3ta ma’lumoti tinglanib, umumlashtiriladi. Bayon etilgan fikrlarning ro’yxatini tuzib qo’yish xam mumkin. Bu keyinchalik yangi o’rganimlgan ma’lumotlar bilan taqqoslashga kerak bo’ladi. Ma’ruzani birinchi qismini bayon etish (tushunish)dir. Da’vat bosqichida talabalarning mavzu haqidagi bilimiga asoslanib yangi bilim beriladi. Ma’ruza 15-20 minut davom etadi. Tekshirishlar shuni ko’rsatadiki, 15-20 minutdan so’ng tinglovchilarning diqqati keskin pasayadi va chalg’iy boshlaydi. Demak ish turini o’zgartirish talab etiladi. O’qilgan qismning dastlabki natijasi yakunlanadi (Fikrlash). O’qituvchi ma’ruzani bayon etilgan qismidagi ma’lumotlar talabalrning dastlabki ma’lumotiga qanchalik mos kelganligini, qanday yangi ma’lumotga ega bo’lganlikni qisqa muxokama etadi

Takroriy tayyorlov faoliyati (Da’vat). O’qituvchi maxsus topshiriq yoki qisqa izoh berib, talabalarga yangi informasiyaga ularnirning diqqatini tortadi. Talabalarda ma’ruzani tinglash maqsadi shakllanadi. Ma’ruza da’vat va fikrlash metodlarini hisobga olgan holda davom ettiriladi. Materialning ma’lum qismi insert usulini qo’llab o’qishga ham berilishi mumkin. Ma’ruzada tarqatma material, texnik vosita, maxsus yozish usuli, sinf yozuv taxtasidan keng foydalaniladi. Ma’ruzaning hajmi, murakkablik darajasini hisobga olib, to’xtash va muhokama bir nechta bo’lishi mumkin. Yakuniy topshirik (Fikrlash). O’qituvchi dars yakunida talabalar fikrini, o’rganilgan materialga munosabatini so’rashi, savollar berishi, qisqa «Yesse” yozdirishi, testdan foydalanishi mumkin. Dars oxirida : - Yozilgan esseni o’qishi ; - Juftliklarda esseni muhokama etish ; - Juftliklarda ma’ruzaning asosiy tushunchalarini muhokama etish mumkin. Demak ma’ruza oxirida erishilgan natija albatta tekshirilishi kerak. «Yesse” xar bir darsning oxirida talabalarga yozdiriladigan qisqacha fikrnomadir. Talaba ma’lumotdan nimani o’rganadi, mashg’ulotga munosabati, shu mavzuni chuqurroq o’zlashtirmoq uchun nimalar qilishi kerak va boshqalar xaqida qisqa yozadi. O’qituvchi “esse” yozishni odat tusiga kiritsa, talaba dars tdavomida e’tiborsiz o’tirmaydi. O’quv materialini muammolarini o’rganish. Maqsad: o’quvchilar fikrlashini faollashtirish, o’rganlayotgan qiziqishni kuchaytirish. Ta’lim jarayonida talabalar fikrlashini faollashtirish usullaridan biri ma’ruza jarayonida muammolarni bayon etish sanaladi. O’qituvchi mavzuga oid savol qo’yadi. Savolga talabalar javob bersa, u o’qituvchi tomonidan to’ldiriladi, bayon etilayotgan fikr va mulohazalar bilan bog’lanadi. Agar javob berilmasa, o’qituvchining tushuntirishiga qiziqish kuchayadi. Muammolar savol, matn, chizma, rasm shaklida qo’yilishi xam mumkin. Erkin yozuv.

O’qituvchi mavzuni bayon etgandan keyin «Yerkin yozuv” bilan shug’ullanishi tavsiya etadi. O’quvchilar ajratilgan vaqt ichida mavzu bo’yicha o’z fikr va mulohazalarini yozish bilan mashg’ul bo’ladilar. Keyin natijani jsftliklarda muxokama etish, uni baland ovoz bilan o’qib guruhda muhokama etish xam mumkin. Jusladan, tinglovchilarga “Yangi pedagogik texnologiyalar mohiyati, shakllanishi” mavzusi o’tilganda, shu mavzuga oid o’z bilimlarini, avval o’qigan kitoblarni, qanday muammoni tinglovchilarning avval muxokama etilganligini yozish tavsiya etiladi. Natijada muxokama etilib, kengaytiriladi. Zarur bo’lgan material tinglovchilarga yetkaziladi. Mualliflarga savollar. Kitodagi matnlarni o’qishda ayrim noaniq, tushunish qiyin bo’lgan qismlar uchrashi mumkin. Bunda qiziqish orttirish uchun “muallif savollar” usulidan foydalanish mumkin. Chunki bevosita muloqat chog’ida talabalar ayrim noaniqliklarn tushunish uchun savol beradi. Shunday ishni matnni o’qiyotganda xam o’tkazish mumkin. Muallif matnda qanday g’oyani ilgari surgan? Shu fikrni siz boshqacha qanday ifodalagan bo’lar edingiz? Muallif o’z fikrini nima maqsadda bayon etgan ? O’qiganimazni tushunish uchun avval nimalarni bilishimiz kerak edi , Bilaman, bilishni istayman, bildim. Har qanday mavzuni o’tishdan avval daftar varag’ining bir beti ustun shaklida teng uchga bo’linadi. Birinchi ustun tepasiga “Bilaman”, ikkinchi ustunga “Bilishni istayman” va uchinchi ustunga “Bildim” deb yozib qo’yiladi. Talaba birinchi o’rganilayotgan mavzu bo’yicha o’ziga ma’lum bo’lgan informasyani yozadi. U muxokama etilgandan so’ng gurux bo’lib ikkinchi ustun to’ldiriladi. Unga talabalar bilishni istagan muammolar yoziladi. Agar talabalar qiynalsa, o’qituvchi ko’maklashadi.

Yangi mavzu o’qituvchi tomonidan o’tiladi. Bunda mavzu qisqa tushuntirilib, materialni mustaqil o’qishga tavsiya etilishi, surilgan ma’ruza yoki ma’ruza va tajriba shaklida o’tilishi, tajriba ko’rsatilib tushuntirilishi mumkin. Yangi mavzu o’rganilgandan so’ng uchunchi ustun to’ldirilishi talab etiladi. Natija guruxda muxokama etiladi. Xamkorlikda o’qish. Uzoq vaqt o’qituvchi o’quvchini yakka tartibda o’qitishi foydali bo’ladi degan g’oya mavjud bo’lgan. Keyingi paytlarda kichik guruhlarda o’qitish yoki “talaba talabani o’qitishi” ham foydali ekanligi ko’zga tashlanmoqda. Xamkorlikda o’qishda materialni puxta o’zlashtirgan talaba o’z kursdoshiga o’rgatadi. Bunda bo’sh talabadagi tortinchoqlik yo’qoladi. Bilim o’zlashtirishdagi bo’sh talabaning qiyinchiligi birgalikdagi xarakat orqali bartaraf etiladi. Zarur bo’lganda o’qituvchining yordami mo’raladi. Xamkorlikda o’qish jarayonida kuchli talaba xam, bo’sh talaba xam bilim o’zlashtirishda foyda ko’radi. O’qilgan ma’ruza yuzasidan fikr bildirish. Taqdim etilgan matnni o’qish va fikr bildirish tanqidiy taxlilning asosi hisoblanadi. Matnni oddiy o’qish bilan cheklanmay, mulohaza yuritib o’qishga o’rganish zarur. An’anaviy ta’limda mulohaza yuritib o’qishga o’rgatmaslik asosiy kamchilik hisoblanadi. Talaba o’qib chiqilgan material mazmunini so’zlab berish bilan cheklansa materialni tushungan deb bo’lmaydi. Materialni tushunish deganda tekstda bayon etilgan g’oyani idrok etish, uni o’zida mavjud bo’lgan avvalgi bilimlar tarkibiga kiritish, yuzaga kelgan chalkashlik, tushunmovchilik yoki qarama-qarshiliklarni bartaraf etish, yangi g’oya yoki ma’lumotni o’zini xayotiga tadbiq eta olish kerak. O’ylab o’qishning eng muhim vositasi o’qilgan material bo’yicha yozma fikr bayon etish hisoblanadi.

O’ylab o’qish ko’nikmasini rivojlantirish uchun o’qituvchi quyida savollar bilan talabaga murojaat etishi mumkin. Tayanch so’z va iboralar: Esse, portfolio, taqriz, texnik, da’vat, anglash, fikrlashlar, yozma nutq turlari, erkin maktub, erkin esse, intervyu, tashqi, aktiv va passiv. Xulosa O’zbekiston Respublikasi Kadrlar tayyorlash milliy dasturi va «Ta’lim to’g’risida»gi qonunda o’quv jarayoniga ilg’or pedagogik texnologiyalarni joriy etish mamlakatimiz ta’lim tizimini isloh qilishning asosiy ko’rsatkichlaridan biri sifatida e’tirof etilishi bejiz emas. Chunki, pedagogik texnologiya ta’lim jarayonini inqirozdan holi etish, uni bozor iqtisodi sharoitiga mos holda takomillashtirish va Davlat ta’lim standarti talablariga muvofiq kadrlar tayyorlashning muhim omillaridan biri bo’lib hisoblanadi. Mamlakatimiz Prezidenti Islom Karimov ta’kidlaganlaridek, «Yeng yangi zamonaviy o’quv vositalari bilan ta’minlangan kollejlarda eskidan qolgan o’qitish uslublarining davom etishiga mutlaqo yo’l qo’yib bo’lmaydi». Zero pedagogik texnologiyadan foydalanayotgan ko’pgina rivojlangan mamlakatlar o’quv jarayonini sifat jihatdan yangi bosqichga ko’tarishga erishayotganliklari hayotda o’z tasdig’ini topmoqda. Ushbu qo’llanmada bayon etilgan ma’lumotlar esa bu pedagogik texnologiyaning didaktik salohiyati to’g’risida fikr yuritishga asos bo’ladi. Ayniqsa, tashhizlanuvchan o’quv maqsadlarini belgilash, joriy va yakuniy mezoniy baholash, reproduktiv o’qtishni algoritm bo’yicha olib borish, talabalarni mustaqil bilim olishga undash, o’quv jarayonini doimo rivojlanib boruvchi dinamik tizim sifatida loyihalash kabi tashkiliy-uslubiy ishlarni amalga oshirishda pedagogik texnologiya katta imkoniyatlarga ega.

Pedagogik texnologiyani joriy etish tajribasini o’rganish va unga ijodiy yondashish, o’quv jarayonini insonparvarlashtirish, bunda talabani sust obyektdan faol subyektga aylantirish, bilish faoliyatining aniq maqsadlarga yo’nalganligini hamda o’quv jarayonini ishlab chiqarish jarayoni kabi takrorlanuvchanligini ta’minlashda muhim ahamiyatga ega bo’ladi. Shuningdek, pedagoglarda turli shakldagi test topshiriqlari tuzish, ularni sinash malakalari shakllanadi va takomillashadi. Pedagogik texnologiya doirasida yaratilgan turli xil didaktik konstruksiyalarga murojaat qilish esa, o’quv jarayonini tashkil qilishga oqilona va ijodiy yondashishga, bunda o’qituvchi o’z erkinligiga ega bo’lishi, darsda qo’llanilgan turli shakl, uslub va vositalar samaradorligini o’zi baholashiga imkoniyat yaratadi. Shuni ta’kidlash lozimki, pedagogik texnologiya tamoyillari va qoidalariga amal qilish, o’quv jarayoni mazmunini talaba shaxsiga, uning qiziqishlari, intilishlari, yosh davrlari xususiyatlariga va individual o’zlashtirish sur’atlariga muvofiq holda olib borilishini ta’minlaydi.

Foydalanilgan adabiyotlar: 1. Tolipov O’.Q., Usmonboyeva M. “Pedagogik texnologiyalarning tatbiqiy asoslari” Toshkent. O’zbekiston Respublikasi Fanlar akademiyasi “Fan” nashriyoti. 2006. – 149-175b. 2. Shojalilov A., Abduraximov S.A., G’ofurov S.A., Yusupov F.M. “Injenerlik pedagogikasi va ilg’or pedagogik texnologiyalar” T.: 2004.-29-44b. 3. Farberman B. L. Ta’limda eng muhim yangilik. // Ma’rifat. 1995 yil. 24 may. www.ziyonet.uz www.pedagog.uz www.tdpu.uz

O'xshashlar

Bo’lajak ingliz tili o’qituvchilarida leksik kompetensiyani takomillashtirish mexanizmlari

Modda tuzilishi fanini о‘qitishdagi zamonaviy axborot texnologiyalar

O`quv, o`quv-metodik, ilmiy va tarbiyaviy ishlarni rejalashtirish

Rivojlantiruvchi ta’lim texnologiyalari

Tanqidiy fikrlashni o’stiruvchi faol mеtodlar