Ta’lim tizimini tubdan isloh qilishni belgilovchi xujjatlar

Ta’lim tizimini tubdan isloh qilishni belgilovchi xujjatlar

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Ta’lim tizimini tubdan isloh qilishni belgilovchi xujjatlar Reja : 1. O’zbekiston Respublikasi ta’lim tizimini jahon standartlari talablariga muvofiqlashtirish vazifalari. 2. O’zbekiston Respublikasi Kadrlar tayyorlash milliy dasturi. 3. “Ta’lim to’g’risida”gi Qonun. 4. Kadrlar tayyorlash milliy dasturida ta’lim jarayonini ilg’or pedagogik texnologiyalar bilan ta’minlashning zarurligi.

K i r i sh O’zbekiston Respublikasi mustaqillikka erishgan davrda mamlakatimiz xalq xo’jaligining barcha tarmoqlari qatorida ta’lim tizimi, uni tarkibiy qismi bo’lgan Oliy va o’rta maxsus ta’limi ham tub islohotlarni boshdan kechirib, takomillashib bormoqda. Ayniqsa, O’zbekiston Respublikasi Kadrlar tayyorlash milliy dasturi va «Ta’lim to’g’risida» gi qonunning qabul qilinishi (1997 yil, 29 avgust) va ularda mamlakatimiz ta’lim tizimini isloh qilishning asoslari, tamoyillari va bosqichlarini belgilab berganligini alohida ta’kidlash lozim. Milliy mustaqillik g’oyalari singdirilgan bu tarixiy hujjatlar muvaffaqiyatli amalga oshirilmoqda. Buning natijasida rivojlangan mamlakatlar ta’lim tizimini o’rganishga ham keng yo’l ochildi, iqtidorli yosh olimlarimiz va talabalar «Ustoz» va «Umid» jamg’armalari orqali rivojlangan xorijiy mamlakatlarning nufuzli oliy o’quv yurtlarida ta’lim olishdek baxtga muyassar bo’lmoqdalar. O’z navbatida xorijiy mutaxassislar ham mamlakatimiz ta’lim tizimida ro’y berayotgan islohotlarni o’rganib, ularga ijobiy baho bermoqdalar. Bu kabi o’zaro aloqalar o’z navbatida mamlakatimiz ta’lim tizimiga rivojlangan mamlakatlardagi ilg’or pedagogik texnologiyalarni o’z milliy qadriyatlarimiz nuqtai nazaridan tahlil qilib, o’quv jarayoniga joriy etishni ham taqozo qilmoqda. Zero, bu kabi amaliy ishlar mamlakatimiz ta’lim tizimini jahon ta’lim standartlari bilan integrasiyalashuvining asosiy belgilaridan biri bo’lib hisoblanadi. Shuning uchun ham, O’zbekiston Respublikasi Kadrlar tayyorlash milliy dasturining ikkinchi bosqichida «o’quv-tarbiyaviy jarayonini ilg’or pedagogik texnologiyalar bilan ta’minlash» alohida ko’rsatib o’tilgan. Kasbiy ta’lim yo’nalishlari talabalarini ilg’or pedagogik texnologiya va uni o’quv jarayoniga joriy etish bo’yicha tizimli axborotlar bilan qurollantirish maqsadida yaratilgan. U uch bo’limdan iborat: I bo’lim - Pedagogik texnologiyaning nazariy asoslari, II bo’lim - Testshunoslik asoslari, III bo’lim -To’la o’zlashtirish texnologiyasi. Bo’limlar mazmunini yoritishda AQSHda yaratilgan va YUNESKO tomonidan ma’qullanib

30 ga yaqin rivojlangan mamlakatlar (Angliya, Yaponiya, Janubiy Koreya, Malaziya va h.k.) ta’lim tizimida muvaffaqiyatli qo’llanilayotgan pedagogik texnologiyaning mohiyati, uning odatdagi o’qitish usullaridan farq qiluvchi jihatlari, O’zbekiston ta’lim tizimiga uni joriy etishning ahamiyati, test topshiriqlari shakllari, ularni tuzish hamda pedagogik texnologiyaning tamoyillari va qoidalari, o’quv materialini to’la o’zlashtirish g’oyasini vujudga kelishi va uning amalga oshirish usullari bayon etilgan. Har bir mavzuga oid mustaqil ta’lim uchun topshiriqlar va turli shakldagi nazorat testlari berilgan. Tuzilgan test topshiriqlari faqatgina o’zlashtirishni nazorat qilibgina qolmay, balki o’rgatuvchi (o’qituvchi) funksiyani ham bajaradi. Chunki, bu test topshiriqlarini yechish jarayonida mavzularni mustaqil ravishda o’zlashtirishga ham erishiladi. 1. O’zbekiston Respublikasi ta’lim tizimini jahon standartlari talablariga muvofiqlashtirish vazifalari. Bizga ma’lumki, O’zbekiston hukumati, shaxsan muhtaram Prezidentimiz Islom Abdug’aniyevich Karimov Respublikamiz mustaqillikka erishgan dastlabki kunlardanoq, ayniqsa, so’ngi yillarda ma’naviyat va ma’rifat masalalariga, ta’lim tizimini takomillashtirib, uni jahon andozalariga muvofiqlashtirish bo’yicha ibratli ishlarni amalga oshirmoqdalar. O’zbekiston Respublikasi Oliy majlisi IX sessiyasida(1997 yil 29 avgust) Kadrlar tayyorlash milliy dasturi va «Ta’lim to’g’risida»gi qonunning qabul qilinishi fikrimizning yaqqol dalilidir. Bu muhim hujjatlar istiqboliy xarakterga ega bo’lib, ularning mamlakatimiz ta’lim tizimini takomillashtirishda qanday ahamiyatga ega ekanligi hammamizga ma’lum. «Kadrlar tayyorlash milliy dasturi» ning asosiy tarkibiy qismlarini shaxs, davlat va jamiyat, uzluksiz ta’lim, fan va ishlab chiqarish tashkil etib, ular o’zaro bog’liq holda namoyon bo’ladi. Mazkur qonun va dasturni ro’yobga chiqarish ta’lim tizimini tubdan qayta qurishni, ya’ni xalq ta’limi taraqqiyotining konseptual qoidalarini qayta ko’rib chiqishni va uni qisqa vaqt ichida ijobiy hal qilishni taqozo etadi. Bu vazifalarni hal etilishi ishlab chiqishi lozim bo’lgan dastlabki ma’lumotlar cheklangan bo’lib yoki boshlang’ich axborot juda katta hajmi bo’lgan holda ham iloji boricha maksimal aniqlikka erishish talab etilmoqda. Biroq

pedagogika ta’limiga yangi axborot texnologiyalarini joriy etishning hozirgi saviyasi zamon talablariga javob bermayapti va bu yo’nalishdagi ishlarni yanada kengroq davom ettirishni davr taqozo etmoqda. Buning ustiga, umumijtimoiy axborot almashinuvi muammosi pedagogik ta’limi amaliyotida o’z aksini hali yaxshi topmadiki, natijada ta’limning boshqa sohalari, jumladan umumiy o’rta ta’lim, kasb-hunar kollejlari, akademik liseylarni xalq xo’jaligi bilan integrasiyalashuvi qiyinlashmoqda. Xususan, pedagogika ta’limining rivojlanish yo’llarini prognoz qilish sohasida ishning aniq sharoitlariga moslashuvi dasturiy ta’minot komplekslarini yaratishga yordam beruvchi matematik apparatdan foydalaniladigan yangi metodlarni qo’llanilishi juda dolzarbdir. Hozirgi kunda juda ko’p metodist va pedagog olimlar «Yangi pedagogik texnologiya»lar o’quvchi talabalarga ta’lim-tarbiya berishda ko’zlangan maqsadga erishishni to’la kafolatlaydi deb qaralmoqda. To’g’ri yangi zamonaviy texnologiyalar yordamida ishlab chiqarishda boshqaruvchidan katta kuch talab qilinmaydi. Maxsus texnologiyani o’zi qo’yilgan maqsadga to’la erishishni kafolaydi. Lekin, bu nazariyani pedagogik texnologiyada to’laligicha qabul qilib bo’lmaydi, chunki bunda obyekt shaxs bo’lib, uning ongi taklif qilinayotgan texnologiyani to’laligicha qabul qila olmaydi, aksincha uni inkor qilishi mumkin. Shuning uchun zamonaviy pedagogik texnologiyalarni o’quv jarayoniga kiritishda uning boshqaruvchisi bo’lgan o’qituvchi ko’zlangan maqsadga erishishning bosh kafolatchisi bo’ladi. Agar shu nuqtai nazardan kelib chiqib qaraydigan bo’lsak, yangi pedagogik texnologiyalarni uning asosiy negizi bo’lgan axborotlar texnologiyasini ta’lim tizimiga joriy etishda uning boshqaruvchisi bo’lmish o’qituvchining tayyorgarlik darajasini birinchi navbatda hal qilish ham bugungi kun «Pedagogika» fanining eng dolzarb muammolaridan biriga aylandi. O’zbekiston Respublikasi ijtimoiy taraqqiyotning demokratik-huquqiy, fuqorolik jamiyati qurish yo’lidan dadil bormoqda. Iqtisodiy, madaniy-ma’rifiy, xalq ta’limi sohalarida islohotlar va yangilanish jarayonlari bosqichma-bosqich, izchillik bilan amalga oshirilmoqda. Xalqimiz siyosiy barqarorlik sharoitida

O’zbekistonni jahonning rivojlangan davlatlari darajasiga chiqarish maqsadida ahillik bilan mehnat qilmoqda. Davlatimiz istiqboli, bozor iqtisodiyoti qonunlariga asoslangan jamiyat qurish sohasidagi ishlarning masaradorligi yuqori malakali, yuksak ma’naviyatli, rivojlangan mamlakatlar darajasida, raqobatbardosh mutaxassislar tayyorlash, barkamol avlodni shakllantirish muammosi bilan uzviy bog’liq. Prezidentimiz I.A.Karimov tashabbusi bilan ishlab chiqilib, Oliy Majlisning IX sessiyasida qabul qilingan “Kadrlar tayyorlash milliy dasturi”, “Ta’lim to’g’risidagi qonun”, Vazirlar Mahkamasining umumiy o’rta ta’lim, akademik liseylar va kasb-hunar kollejlarini tashkil etish haqidagi va boshqa qarorlari ana shu maqsadlarni ro’yobga chiqarishga qaratilgan. Bu xujjatlarda kadrlar tayyorlash va uzluksiz ta’lim titzimida mustaqillik yillarida erishilgan yutuqlar bilan bir qatorda mavjud kamchilik va muammolar ham ko’rsatilgan. Jumladan: “maktablar va boshqa o’quv yurtlarida ta’lim jarayonining o’zidagi va o’qitish uslubiyotidagi kamchiliklar oqibatida o’quvchilarda mustaqil fikrlash qobiliyati rivojlanmay qolayotganligi; umumiy o’rta ta’limning amaliy yo’nalganligi, mehnat ko’nikmalari shakllanish, kasbga yo’naltirilganlik darajasi yetarli emasligi; o’quvchilarning bilish faoliyatini boshqarish va bilim darajasini baholash tizimida obyektivlik va tezkorlik ta’minlanmayotganligi; o’quchilar, pedagoglar va tarbiyachilarning kattagina qismi yaxshi tayyorgarlik ko’rmaganligi, bilim va kasb saviyasi pastligi” (“Barkamol avlod – O’zbekiston taraqqiyotining poydevori”. Toshkent, 1997, 36- 38-betlar) shular jumlasidandir. Kadrlar tayyorlash va ta’lim tizimidagi, o’quv-tarbiya ishlari sohasidagi muammolarni izchillik bilan, bosqichma-bosqich hal etish yo’llari va vositalari yuqorida tilga olingan davlat xujjatlarida belgilab berilgan, Prezidentimiz I.A.Karimovning asarlari, nutqlari, savol-javoblarida tobora oydinlashtirilmoqda. Chunonchi, “Kadrlar tayyorlash milliy dasturi”ni ro’yobga chiqarishning birinchi bosqichida (1997-2001 yillar) – “o’quv-uslubiy majmualarning xamda ta’lim jarayonini didaktik va axborot ta’minotining yangi avlodini ishlab chiqish va joriy

etish”; ikkinchi bosqich (2001-2005 yillar)da – “ta’lim muassasalarining moddiy- texnika va axborot bazasini mustaxkamlashni davom ettirish, o’quv-tarbiya jarayonini yuqori sifatli o’quv adabiyotlari va ilg’or pedagogik texnologiyalar (kursiv-muallifniki) bilan ta’minlash”; uchinchi bosqichi (2005 va undan keyingi yillar)da – “ta’lim muassasalarining resurs, kadrlar va axborot bazalarini yanada mustahkamlash, o’quv-tarbiya jarayoni yangi o’quv-uslubiy majmualar, ilg’or pedagogik texnologiyalar (kursiv-muallifniki) bilan to’liq ta’minlanishi” dolzarb vazifalar qatorida belgilangan. Milliy dasturni ro’yobga chiqarishning yuqori sifat ko’rsatkichini ta’minlash, ta’lim mazmunini Davlat ta’lim standartlari asosida takomillashtirishga kirishildi. Barcha o’quv fanlari bo’yicha Davlat ta’lim standartlarini o’quv jarayonida qo’llab va o’quv yili yakunida o’quvchilar tomonidan o’zlashtirilgan bilimlar shu standartlarga mosligini aniqlash bo’yicha maktab, tuman, shahar, respublika darajasida monitoring ishlari olib borilmoqda. Milliy dasturda ko’zda tutilgandek, zamonaviy axborot texnologiyalari va kompyuterlar tarmoqlari negizida ta’lim jarayonini axborot bilan ta’minlash rivojlanib boradi. Fan va ta’limning nashriyot bazasi rivojlanadi. O’quv, o’quv- uslubiy, ilmiy, innovasion, zamonaviy texnologiyalar mukaiiallashib, o’quv jarayoniga tatbiq etib boriladi. Ma’lumki, didaktikaning predmetini o’rgatish, o’rganish hamda ta’lim mazmunini tashkil qiladi. Bunda ishtirok etayotgan uchta komponent bir-biri bilan uzviy aloqada bo’lib, ulardan birortasini e’tibordan chetda qoldirish mumkin emas. Xo’sh, ishni ularning qaysi biridan boshlash zarur ? Ishni o’rganish yoki o’rgatishdan boshlasak, abiiy ravishda niani (qaysi mazmundagi o’quv materialini) o’rganmoqchimiz yoki o’rgatmoqchimiz, degan savol tug’iladi. O’rgatish xam, o’rganish xam, ularning oxirgi natijasi ham ta’lim mazmuniga bog’liq.

Har xil mazmundagi matnlarni o’ziga xos usullar bilan o’zlashtirish qabul qilinganligi uchun o’rgatishning qanday bo’lishi uning mazmunidan kelib chiqadi, bu esa o’rganishni tashkil etuvchi, ya’ni o’rgatuvchiga bog’liq. Xulosa qilib aytganda, didaktik tafakkur bu – o’rganish, o’rgatish va ta’lim mazmunining doimiy aloqalari, munosabatlarini izlash, aniqlash demakdir. O’qituvchi o’quvchilarni faollashtiradigan, o’zi va o’rganuvchi uchun qulay bo’lgan yo’llarni, usul va uslublarni, o’qitish shakllari, metod va vaziyatlarni izlaydi, zamonaviy pedagogik texnologiyaga suyanib, o’quv jarayoni samaradorligini oshiradi. O’quvchilarni mustaqil fikrlashga o’rgatib, o’quv jarayonining yuqori sifat va samaradorligiga erishadi. Shu boisdan ham, pedagogik texnologiya, didaktik texnologiya, ta’lim texnologiyalariga o’quv jarayonidagi eng samarali vositalar deb qaralmoqda. Ulardan dunyo pedagogik amaliyotida keng foydalanilmoqda. Hozirgi kundagi eng dolzarb masala va vazifa ta’lim standartlarini o’quv jarayoniga tatbiq etishdan iboratdir. Agar bu vazifa amalga oshirilmas ekan, ta’lim-tarbiya sohasida sifat va samaradorlikka erishish, o’quv jarayonini takomillashtirish masalalari hal qilinmay qoladi. Yangi pedagogik texnologiyani o’quv jarayoniga tatbiq etish uchun uning ilmiy-amaliy mexanizmini yaratish zarur. Shuni e’tirof etish kerakki, hali respublikamizda yangi pedagogik texnologiyalarni, ta’lim innovasiyalarini to’plash, ular ichidan faoliyatimiz uchun eng samaradorlarini tajriba-sinovlardan o’tkazish va o’quv jarayoniga joriy etishni yo’lga qo’yadigan tizim (mexanizm) shakllantirilmaganligi uchun, biz o’qituvchi amaliyotchilarimizning ijodiy faoliyatlariga yordam berish maqsadida shu qo’llanmani yaratishga qo’l urdik. Pedagogik texnologiyalarni o’quv jarayoniga olib kirishda quyidagi ishlarni amalga oshirish maqsadga muvofiq: - pedagogik texnologiya amaliyoti va nazariyasini o’qib o’rganishni tashkil etish;

- pedagogik texnologiyalarni o’rganish, kuzatish, nazorat qilish va amalda joriy etish kurslarini tashkil etish; - pedagogik texnologiyalarni o’quv jarayoniga tatbiq etish bo’yicha seminarlar, treninglar o’tkazish; - pedagogik texnologiyalarni to’plash, tanlash, qo’llash bo’yicha tegishli ma’lumotlar bankini yaratish, ularni tahlil qilish asosida o’quv jarayoniga tatbiq etish; - ilg’or pedagogik texnologiyalarni amalda qo’llash tajribalarini tahlil etish, umumlashtirish, ommalashtirish bo’yicha tavsiya, qo’llanmalar yaratib, ta’lim muassasalariga yetkazish. Pedagogik texnologiya hozirda barcha pedagogik kasblar hamda ta’lim- tarbiya jarayonini tashkil qilish, boshqarish, nazorat qilish bilan bog’liq kasblarning asosini tashkil qiladi. Zamonaviy pedagogik texnologiyalardan barcha pedagoglar xabardor bo’lishlari zarur. Ana shularni nazarda tutgan holda, ushbu qo’llanmada o’quvchiga bilim berishda zamonaviy pedagogik texnologiyalarni qo’llash va ularni o’quv jarayoniga joriy etish mexanizmini ochishga xarakat qildik. O’quv-uslubiy adabiyotlar majmualarini, yangi pedagogik texnologiyalarni yaratish va amaliyotga joriy etish, bir tomondan, davlat va jamoat muassasalari, ta’lim idoralari xodimlaridan, ikkinchi tomondan pedagog-olimlar, ilg’or o’qituvchilar, amaliyotchilar tomonidan katta ishlarni bajarishni, ta’lim-tarbiya, pedagogik texnologiyalar sohasida fundamental tadqiqotlar o’tkazish, yangi pedagogik texnologiyalar loyihalarini ishlab chiqish va ilmiy-tajribada sinovdan o’tkazish, ilmiy asoslangan tavsiyalar ishlab chiqishni taqozo etadi. Shuni ta’kidlash lozimki, ta’lim tizimini, kadrlar tayyorlashni yangilash vazifalarini mavjud o’qitish usullarini pedagogik texnologiya asosida qayta tashkil etish, auditoriyada, sinfda, darsda, darsdan tashqarida o’quv-tarbiyaviy ishlarni bajarishga kirishgandayoq pedagogik jarayonning natijasini kafolatlaydigan qilib loyihalash va amalga oshirish yo’li bilangina bajarish mumkin.

O’tgan davr ichida ta’limni isloh qilish bo’yicha amalga oshirilgan ishlar, ularning bajarilishi bo’yicha dastlabki yutuqlar ekanligini ta’kidlab o’tish lozim. Ta’lim mazmunini isloh qilib, uni jahon ta’lim standartlariga muvofiqlashtirishda ilg’or pedagogik texnologiyalarni joriy etishga alohida e’tibor berilgan. Xususan, Kadrlar tayyorlash milliy dasturida «o’quv jarayonini ilg’or pedagogik texnologiyalar bilan ta’minlash» zarurligi ham alohida ko’rsatib o’tilgan. O’zbekiston Respublikasi Vazirlar Mahkamasining 1993 yil 5 martdagi qaroriga binoan, respublikamiz oliy o’quv yurtlariga yoshlarni test usulida qabul qilishni joriy etilishi, O’zbekiston MDH mamlakatlari ichida birinchi marta jahon pedagogikasidagi ilg’or tajribalarni o’rganishga yo’l ochganligidan dalolat beradi. Respublikamizda test usulini Davlat ahamiyatidagi masala darajasiga ko’tarilganligi, pedagogik texnologiyani o’quv jarayoniga joriy etishga ham keng imkoniyat yaratdi. Xulosa qilib aytganda mustaqil O’zbekiston bugungi kunda kelib jahonga o’z nomini tanitdi. Iqtisodiy – siyosiy jihatdan yuksaldi. Shu bilan birga O’zbekistonning rivojlangan mamlakatlar qatoridan o’rin olishda bugun kelajak uchun zarur bo’lgan zamonaviy kadrlarga ham ehtiyoj sezila bordi. Mustaqil davlat o’zining muhim tarixiy hujjatlariga ega bo’ldiki, «Kadrlar tayyorlash milliy dasturi» alohida o’rin tutadi. Dasturda e’tirof etilgan kadrlar tayyorlash tizimini rivojlantirishning asosiy yo’nalishlaridan shu narsa alohida belgilandiki, ta’lim tizimining yaxlit axborot makonini vujudga keltirish ta’lim-tarbiya dasturlarining intelektuallashuvini ta’minlaydi. Demak, yangi asr-informasion texnologiyalar asri bo’ladi. Xulosa O’zbekiston Respublikasi Kadrlar tayyorlash milliy dasturi va «Ta’lim to’g’risida»gi qonunda o’quv jarayoniga ilg’or pedagogik texnologiyalarni joriy

etish mamlakatimiz ta’lim tizimini isloh qilishning asosiy ko’rsatkichlaridan biri sifatida e’tirof etilishi bejiz emas. Chunki, pedagogik texnologiya ta’lim jarayonini inqirozdan holi etish, uni bozor iqtisodi sharoitiga mos holda takomillashtirish va Davlat ta’lim standarti talablariga muvofiq kadrlar tayyorlashning muhim omillaridan biri bo’lib hisoblanadi. Mamlakatimiz Prezidenti Islom Karimov ta’kidlaganlaridek, «Yeng yangi zamonaviy o’quv vositalari bilan ta’minlangan kollejlarda eskidan qolgan o’qitish uslublarining davom etishiga mutlaqo yo’l qo’yib bo’lmaydi». Zero pedagogik texnologiyadan foydalanayotgan ko’pgina rivojlangan mamlakatlar o’quv jarayonini sifat jihatdan yangi bosqichga ko’tarishga erishayotganliklari hayotda o’z tasdig’ini topmoqda. Ushbu qo’llanmada bayon etilgan ma’lumotlar esa bu pedagogik texnologiyaning didaktik salohiyati to’g’risida fikr yuritishga asos bo’ladi. Ayniqsa, tashhizlanuvchan o’quv maqsadlarini belgilash, joriy va yakuniy mezoniy baholash, reproduktiv o’qtishni algoritm bo’yicha olib borish, talabalarni mustaqil bilim olishga undash, o’quv jarayonini doimo rivojlanib boruvchi dinamik tizim sifatida loyihalash kabi tashkiliy-uslubiy ishlarni amalga oshirishda pedagogik texnologiya katta imkoniyatlarga ega. Pedagogik texnologiyani joriy etish tajribasini o’rganish va unga ijodiy yondashish, o’quv jarayonini insonparvarlashtirish, bunda talabani sust obyektdan faol subyektga aylantirish, bilish faoliyatining aniq maqsadlarga yo’nalganligini hamda o’quv jarayonini ishlab chiqarish jarayoni kabi takrorlanuvchanligini ta’minlashda muhim ahamiyatga ega bo’ladi. Shuningdek, pedagoglarda turli shakldagi test topshiriqlari tuzish, ularni sinash malakalari shakllanadi va takomillashadi. Pedagogik texnologiya doirasida yaratilgan turli xil didaktik konstruksiyalarga murojaat qilish esa, o’quv jarayonini tashkil qilishga oqilona va ijodiy yondashishga, bunda o’qituvchi o’z erkinligiga ega bo’lishi, darsda qo’llanilgan turli shakl, uslub va vositalar samaradorligini o’zi baholashiga imkoniyat yaratadi. Shuni ta’kidlash lozimki, pedagogik texnologiya tamoyillari va

qoidalariga amal qilish, o’quv jarayoni mazmunini talaba shaxsiga, uning qiziqishlari, intilishlari, yosh davrlari xususiyatlariga va individual o’zlashtirish sur’atlariga muvofiq holda olib borilishini ta’minlaydi.

Foydalanilgan adabiyotlar a) asosiy adabiyotlar 1. Barkamol avlod-O’zbekiston taraqqiyotining poydevori T.:Sharq 1997. - 64 b. 2. Klarin M.V. Pedagogicheskaya texnologiya i uchebnom prosesse. Analiz zarubejnogo opo’ta. - M. : Znaniye. 1989. - 80 s. 3. Ishmatov q. Ilg’or pedagogik texnologiyalar fanidan ma’ruzalar matni. Namangan. NamMPI, 2000. - 84b b) qo’shimcha adabiyotlar 4 . Ishmatov Q . Pedagogik texnologiyaning nazariy asoslari // Ta’lim muammolari 1999. № 1-2, 54-57 b. 5 . Nishonaliyev U. Instrumentar n iy obucheniya, vospitaniye i razvitiye // Uchitel Uzbekistana, 7. 10. 1998, N 38 (14613). 6 . Sayidaxmedov N. Pedagogik texnologiya: tahlil, ta’rif, mulohaza. / Ma’rifat, 24. 06. 98, № 46 (7043).

O'xshashlar

Oliy ta'lim tizimini moliyalashtirish

Mustaqil O'zbekistonda ijtimoiy hayot, ta'lim-tarbiya va pedagogik fikrlar

Tarix darsligi matni va tarixiy xujjatlar bilan ishlash

O’quvchilarning ishlab chiqarish korxonalaridagi o’qishlari va ishlab chiqarish amaliyotlarini tashkil etish

1917-1991 yillarda O’zbekistonda ta’lim tizimi va pedagogik fikrlar rivoji. Mustaqil O’zbekiston ta’lim tizimi