Синфдан ва мактабдан ташқари тарбиявий ишларни режалаштириш методикаси - Pedagogika - Referatlar

Синфдан ва мактабдан ташқари тарбиявий ишларни режалаштириш методикаси

Yuklangan vaqt:

20.09.2019

Ko'chirishlar soni:

0

Hajmi:

78 KB

Ko'chirib olish

Синфдан ва мактабдан ташқари тарбиявий ишларни режалаштириш методикаси Режа : Маънавият ва бурч тарбияси Ватанни севмоқ иймондандир. Байналмилал тарбия Билим олишда онгли муносабатни тарбиялаш Экологик тарбия Жисмоний тарбия

Тарбия жараёнининг моҳиятини чуқур билиб, уни ташкил этишда ташаббус кўрсатиш, ишбилармонлик ва эпчиллик, барча янги ва илғор нарсаларни амалда самарали қўллай билиш мактаб ўқувчиси шахсини ривожлантириш жараёнига раҳбарлик қилиш принципларидан биридир. Самарали раҳбарлик услубини мактаб ҳаёти ва фаолиятига татбиқ, этишишшг намунаси бўлган коллегиал ва якка раҳбарликнинг бирга қўшиб олиб борилиши болалар такдири, уларнинг тарбиясига педагоглар жамоаси жавобгарлигини ва директорнинг шахсий жавобгарлигини таъминлайди. Раҳбарликнинг зарур принципи режалилик бўлиб, унинг ёрдамида педагогик таъсирлар тизими ва тарбиявий ишда изчилликка эришилади. Режалилик директорга тарбиянинг барча масалаларини аниқ амалга ошириш истиқболларини намоён қилади. Мазкур таълимотга асосан мактабдан ташқари ишларни режалаштириш ва унинг амалга оширилишига раҳбарлик ҳамда назоратни уюштириб бориш мактаб ички бошқарув тизимида муҳим аҳамият касб этади. Синфдан ва мактабдан ташқари ишларнинг умуммактаб режасини маънавий ва маърифат бўйича директор ўринбосари раҳбарлигида, синф раҳбарлари, методик бирлашмаси, тажрибали ўқитувчилар, мактаб кутубхонаси, ўқувчи-ёшлар ташкилоти, ўқувчилар уюшмаси, ота-оналар комитети ҳамда тўгарак раҳбарларининг фаол иштирокида тузиш ҳамда уни мактабнинг йиғилишида муҳокамадан ўтказиб тасдиқлаш мақсадга мувофиқдир. Республикамиздаги қатор мактаблар илғор директорларининг иш тажрибаларида ўқитувчилар ва синф раҳбарларининг тарбиявий ишига педагогик раҳбарликнинг яхшиланишини таъминлайдиган комплекс тизим таркиб топмоқда. Директор ўқитувчилар, синф раҳбарлари, тарбиячилар ва ўқувчиларга нисбатан тутган принципиал йўли ва фаолиятида бирлик бўлишига эришади, мактабнинг оила, катталарнинг меҳнат жамоалари, жамоат, ташкилотчилари билан узвий ҳамкорлик қилишга интилади.

Мактабнинг тарбиявий жараёнига раҳбарлик қилишда директор бошланғич ва ўқув синфлар тарбиявий ишида изчилликка риоя қилишга алоҳида эътибор беради, бу билан таълим жараёнида ҳам, шунингдек, дарсдан ташқари вақтда ҳам тарбиянинг узлуксизлик ва приципини амалга оширади. ШАКЛЛАРИ Синф раҳбари томонидан ўтказиладиган барча тарбиявий тадбирлар шу бўлимга киритилиб, синф тарбиявий соатлари деб юритилади (йил давомида 30-34 соат дарс жадвалига киритилади), у соддалаштирилган, барча синфлар учун қулай қуйидаги андозага туширилиши мумкин. Аввалги адабиётларда берилган режалаштириш чизмасига "Бажарилиш тури" қўшимча сифатида киритилди. Мақсад, режалаштирилган мавзу масалан, "Ота-онам - суянган тоғим" юзасидан суҳбат, кеча, конференция учрашув, экскурсия ва ҳоказолар ўтказиш мумкин. Албатта, бу тадбирларнинг барчасини бир ўқув йилида ўтказиб, синф раҳбарининг тарбиявий иш режасида бу мавзу ҳар йили такрорланиб, бажарилиш тури ўзгартириб борилади. Синф раҳбари меҳнатининг унумли бўлишида бу усул анча самара беради. № Тарбиявий тад- бирлар номи Бажариш тури Вақти Масъул киши Ижроси ҳақида 1. Ота-онам суянган тоғим Учрашув Март ойининг 1-хафтаси Синф ота- оналар қуми- таси раиси Тадбирга ...о та- она, ...ўқувчи иштирок этди Синф тарбиявий соатларнинг мавзулари тубандаги таркибий қисмларни ўз ичига олади ва юқоридага андозага тартиб билан жамланади. I. Маънавият ва бурч тарбияси

Маънавиятимизнинг кадимийлиги, мазмун ва моҳияти, ўзига хос хусусиятлари, асосий тамойиллари, унинг жамиятимиз тарақиётидаги роли ва аҳамияти, Президентимиз асарлари ва нутқларида инсонни жонли мавжудодлардан ажратиб турадиган онг ва тил, ақл-идрок ва тафаккур, одамгарчилик, мурувват ва саҳоват, раҳм-шавқат, меҳр-оқибат, иймон- эътиқод, меҳнатсеварлик, ватанпарварлик, ҳалоллик, поклик, табиатни эъзозлаш, илм ва фанни, адабиёт ва санъатни, маданиятни севиб ардоқлаш, миллий ва умуминсоний қадриятларга садоқат, ўзи ва ўзга миллат кишиларини, уларнинг тили, тарихи, маданияти, урф-одатлари ва анъаналарини ҳурмат қилиш ва қадрлаш хислатларини тарбиялаш асосий мақсад қилиб олинади. Тарбиявий соат мавзулари: 1. Маънавият инсонга хаводек, сувдек зарур. 2. Инсонни ҳаётини безайдиган, гўзаллаштирадиган омил маънавиятдир. 3. Давлат ва миллат маънавияти билан кўркамдир. 4. Маънавий баркамол кишилар ҳаёти биз учун намуна. 5. Халоллик ва ростгуйлик - инсон фазилати. 6. Бугун ният - эртанги ҳақиқат. 7. Чин ва ёлғон дустлик. 8. Ҳақиқий ва қалбаки қахрамонлик. 9. Ёмон одатдан сақлан. 3. Иймонсизда Ватан туйғуси бўлмайди. 10. Ўз ғурурингни ҳимоя қила оласанми? 11. Қурьони карим ва Ҳадиси шарифдан парчаларни ўқиш ва муҳокама қилиш. Эслатма . Юқоридаги ва энди тавсия қилинадиган мавзуларни синф ўқувчиларининг қабул қилиш даражасига қараб соддалаштиршп, мураккаблаштириш мумкин.

II.Ватанни севмоқ иймондандир. “Унинг бахт-саодати, ёруғ истиқболи, фаровон келажаги учун яшаш, курашиш, керак булса, жонини фидо қилиш шу муқаддас заминда яшаётган ҳар бир инсон учун бахтдир”. И. А. Каримов Инсон учун ота-она, ака-ука, дўст-биродар қанчалик зарур бўлса, ҳам Ватан ҳам шунчалик муътабардир. Уни асраб-авайлаш бизнинг бурчимиздир. Чунки "Шу азиз Ватан барчамизники", эканлиги ўқувчиларга тушунтирилиб, Аллоҳ таоолоҳ, тилу-забон, онгу-тафаккур берган инсон учун Ватандан ортиқ меҳригиё ва улуғ неъмат берган инсон учун Ватандан ортиқ мехригиё ва улуғ неъмат йўқлигини исботловчи мавзулар бу бўлимга киритилиши мумкин. 1. Ватан - Сен суйган одамлар манзили. 2. Ватан - бу туғилган жой. 3. Ватан - бу инсонлар яшайдиган муқаддас замин. 4. "Давлат", "Ҳукумат", "Халқ" тушунчалари нима? 5. Уруш ва меҳнат фахрийларини эъзозлаймиз. 6. Ғалаба ва мустақиллик кунини шарафлаймиз. 7. Ҳарбий ўйинларда иштирок этиш. 8. Ватанимга хизмат қиламан. 9. Чин Ватанпарварлик ўз улкасини севишдан бошланади. 10. Ҳадисдан мавзуга овд парчаларни ўқиш ва муҳокама қилиш. 11. Республикамиз истикдолини мустаҳкамлашда фаолмиз. 12. Ўзингиз яшаб турган маҳалла, қишлоқ, туман, вилоят тарихини биласизми? 13. Менинг ватандошим - замондошим. 14. "Биздан озод, обод ватан қолсин". 15. Ёв қочса, ботир кўпаяр. 16. Мустақиллик учун курашган аждодларимиз - фахримиз. 17. Ўзбекистон - Ватаним маним.

III . Байналмилал тарбия 1. Байналмилал бирлик нима? 2. Сен ҳамдўстлик мамлакатлари ва уларнинг болалари ҳақида нималарни биласан? Бу мавзуга тайёргарлик тубандагича ташкил этилиши мумкин. Ҳамдустлик мамлакатларидан бири танланиб, унинг ташкил топган вақти географик жиҳатдан жойлашиши, аҳолиси, табиий бойликлари, иқтисоди, адабиёти-санъати, чет мамлакатлар билан алоқаси каби саволлар ўқувчиларга бўлиб берилади. Навбатдаги тарбиявий соатга география, тарих ва адабиёт ўқитувчилари таклиф қилиниб, ўқувчилар тингланади. Фан ўқитувчиларининг суҳбати билан машғулот якунланади. 3. Бизнинг маҳалла, қишлоқ. ва туманда неча хил миллат вакиллари яшайди ва улар қандай алоқадалар? 4. Туман ва вилоятлардаги қўшма корхона вакиллари билан учрашув уюштириш, экскурсия ташкил этиш. 5. Чет тилларни ўрганиш - иқтисодий мустақиллик пойдевори. 6. Чет тили ўқитувчиси билан хорижий тилда маълум темага аталган кеча ўтказиш. 7. Ҳамдўстлик мамлакатлари ҳамда чет эллик ўқувчилар билан алоқа боғлаш. 8. Чет мамлакатларда таълим олаётган юртдошларимиз билан алоқа ўрнатиш, улар орқали у мамлакат ҳақида маълумот тўплаб, муҳокама қилиш. IV . Эстетик (нафосат) таркиби 1. Мусиқани қандай тинглаш керак? 2. Бадиий асар қандай ўқилади?

Афсуски, ҳозирги кунда ўқувчиларимиз китоб мутолаасига қизиқмай қуйдилар. Зероки, машҳур татар олими Ризоуддин ибн Фаҳруддиннинг "Насийҳат" китобидан олинган ушбу парча ўқувчилар билан ишлаб чиқилса, ўқувчиларнинг бу касаллигига шифо бўлса ажаб эмас. Китоб ва мутолаа 1. Гўзал китоблар ажиб нарсаларни кўрувчи кў, авлоқда сирдош, ёлгизликда дўст, ожизлик вақтларда ёрдамчи, ҳасратда шодлик келтирувчи, фикрларни нурлантирувчи, у замон аҳволидан сўзловчи, умматлар воқиотини ҳикоя этувчи, ақлли кимсаларнинг ақлларини кўрсатувчи, оз ҳақли - кўп фойдали нарсалардир. Шунинг учун китоб олмақда бахиллик этмангиз, китоблардан айрилмангиз. 2. Лекин китоблар орасида йўқ, нарсалар ёзилмиш - маъносиз нарсалар ила тўлганлари-да бордир, бўларни ўқимоқ, қийматли умрни зоиъ этмакдир. Шунинг учун фикрларни нурлантиражак, ҳулқи покларга ёрдам беражак, аклни ортиражак китобларни ихтиёр этиб, бошқалардан йироқ бўлингиз. Фойдали китобларни ўқимак кунглига шодлик келтирур, фикрга озиқ бўлур, зеҳнга қувват берур... 3. Баъзи кимсалар бўладики, “китоби кўб” деб халқ орасида ном чиқармоқ учунгина китоб йиғиб, ўзлари ҳечда фойда олмаслар. Бошқаларга- да» фойда олдирмаслар, ҳатто ичларида нималар борлигинида билмаслар. Булар йуқ ташувчилар мисолидадир. Шунинг учун сизлар ўзингиз фойда олажак бўлган китобларни ўзингаз фойда олмоқ учун ихтиёр этингиз. 4. Мутолаа инсоннинг юзига нур, кунглига шоддик келтирур. Ушбу сабаб учун зеҳн хизмати ила машғул бўлувчилар ҳарнақадар ориқ бўлсалар- да, ақллари семиз ва ё муҳаббатли булур. 5. Мусиқанинг ажойиб саҳифалари - мусиқали соат ўтказиш. Ўқувчиларга мумтоз ашулалардан бирининг номи айтилади. Топшириқ: шеър муаллифи, бастакори ҳақида маълумот тўплаб келиш, грампластинка ёки

магнит тасмасига ёзилган қўшиқни топиш ва биргаликда эшитиб, муҳокама қилиш, Болалар ўзларига топширилган вазифани мусиқа ўқитувчиси ёрдамида синф тарбиявий соатида муҳокама қилади. 6. Сен меҳмони қандай кутасан, меҳмонда ўзингни қандай тутасан? (Меҳмон бўлиш ва кутиш адаби ҳақида). 7. "Санъаткор дунёсида", "Улуғ рассом" мавзуларида суҳбат, учрашув, экскурсия ўтказиш, альбом ёки стенд тайерлаш. V . Билим олишда онгли муносабатни тарбиялаш Бу тарбиявий тадбирни юқоридаги китобдан олинган қуйидаги парчаларни синф тарбиявий соатида ишлаб чиқилса, мақсадга мувофиқ бўлади. 1. Илм кўнгил кўзини очур, нодонлик қоронғуликни келтирур, улуғ даражалар еткурур, душманларга қурол бўлур, тирикликни сақлар, дунё кутмак сабабларини билдирур, йурт ичида ва умумхалқлар ила қандай сувратда бўлмак керак эканини ўргатур. Илм олимларнинг хурмати бў, уғрилардан қурқусиз давлат ва ҳеч битмайтурган бойликдир. 2. Олимлар пайғамбарларнинг ворислари, дунёнинг нурлари бўлиб, нодонларда дунёда турганлари ҳолда ўликлар хукмидадирлар, чунки улар Оллоҳ таолонинг ажиб нарсаларига керак вақтидагина кўз солурлар, лекин ибрат ола билмаслар. Керак вақтида сув ичадилар, аммо сувнинг нимадан ҳосил бўлгани, чашмаларнинг қаердан келиб, қаерга кетганларидан хабар бўлмас. 3. Илми кўб кимсаларга қараганда оз илмли бўлмакдан уялмангиз, балки билмақ қўлингиздан келажак нарсаларни билмай қолувингиздан уялингиз, чунки буниси айбдир. 4. Илм ахлларига нафс ортидан йўрмак ҳеч келишилган иш эмас, шунинг учун шарийъат ўлчовидан ташқари мол севмангиз шаҳватларга асир бўлмангиз.

2. Ҳар вақт илмга муҳаббат қўйингиз, ўргатилмиш нарсаларни ихлос ила тинглангиз, керакликлардан сўнг керакликларни ўрганингиз ва ҳар бир илмдан кўркам бў билингиз, хеч вақт илмга такаббурлик кўрсатмангиз. 6. Илм ўрганмак ҳарнақадар гўзал иш бўлса-да, бузук, ният ила бўлганида гўзаллиги йўқ олур. Шунинг учун "Биздан Оллоҳ таоло ризо бўлсин ҳам яхши ишларга сабаб бўлсин", деб нийат этингиз. Бу эса яхши ниятдир. "Имом, муаззин, охунд, қозий ёки муаллим, мударрис ва нима бўлса-да, бир мартабага эришсак эди", деб ниййат этмангиз, кўнглингизда бу каби нарсалар бў, чиқарингиз, чунки бў йахши ниййат эмасдир. Зеро илмдан мақсад даража эмас, балки фойдали одам бўлмакдир. 7. Хазинангизда бўлган илмдан ортиқни даъво этмангиз, ўз-ўзингизга улуғлик ила ҳукм айламангиз. Билурсизми, донолари кў ва йирик бўлган бошокдар ҳар вақт бошларини қўйи солиб турурлар. Донсиз ёки донли бошоқлар бошларини йўқори кўтариб турурлар, озгина ҳаво силкинса, силкина бошлайдилар, ҳолбуки, ўзларининг ўтга ёндирмакдан бошқа фойдалари бўлмас. 1. "Сўнгги ахборот" минути ўтказиш. Ўқувчиларга навбат билан ҳафта мобайнида Ватанимиз ва чет эл янгиликларидан тўплаб, муҳокома қилинади. Материаллар газета, радио ва телевидениядан тўпланади. Бунинг учун ҳар тарбиявий соатда 3-4 минут вақт ажратилади. давомида ҳар бир ўқувчи бу тадбирда бир марта қатнашади. 2. Ўқувчиларни мактабдаги фан тўгаракларга қатнашишини этиш ва кузатиш. 3. "Ўйлаб кўр", "Баҳс", "Билиб қўйган яхши", "Янгиликлар", мавзуларда синфнинг мунозара бурчагини ташкил этиш. 4. Газета ва журналларга обуна бўлишини таъминлаш. 5. Радио ва телевиденияларда ўтадиган ўқувчиларбоп эшиттириш кўрсатувларни эшитиш ва кўриш, уни муҳокома қилиш. 6. Фан хафталикларида иштирок этиш. 7. Фанга оид мактабда ташкил этиладиган кўргазма, кеча, бадиий

олимпиадаларда қатнашиш. VI. Экологик тарбия Инсон самарали меҳнати, табиат ноз-неъметларидан оқилона фойдаланиши ва унинг гўзалликларидан баҳраманд бўлиши туфайли фаровон ҳаёт кечиради. Ўқувчиларда бу тушунчани шакллантиришда экологик тарбия муҳим ўрин тутади. Экологик тарбия – бу ўқувчиларда атроф-муҳитга нисбатан бепарво бўлмаслик, табиат, инсон, ҳайвонот ва ўсимликлар дунёсини эъзозлашни шакллантириш демакдир. Бу жараён дарс ва синфдан ташқари машғулотларда амалга оширилади. 1. Яшаб турган туман, вилоят табиатини ўрганиш. 3. "Сувсиз ҳаёт бўлмас", "Ер хазина, сув олтин", "Табиат учинчи - акамиз мавзуларида тил адабиёт ўқитувчиси ҳамкорлигида иншо ўтказиш, муҳокама қилиш, намунали иншолар кўргазмасини ташкил этиш. 3. "Табиат бойликлари деганда нимани тушунасиз?", "Табиатни учун асраш учун нималар килиш керак?", "Қандай заводлар ҳавони ифлослайди?", "Орол денгизи ҳақида нималарни биласиз?", "Қандай дарахт ва гулларни севасиз?" мавзуларида мунозара ташкил этиш. VII. Соғлиқни сақлаш. Соғлом авлодни тарбиялаш тадбирлари 1 . Тиббиёт ходимларининг "Тозалик ва соғлик," ҳақидаги суҳбатларини уюштириш. 2. "Соғлом танда – соғлом ақл", "Соғлиқ - туман бойлик" мавзуларида мунозара ўтказиш. 3. Буюк алломаларнинг соғлик-саломатлик ҳақидаги ўгитларини муҳокама қилиш. 4. Газета, журнал ва бадиий асарлар қандай ўқилади? Мавзусида

мунозара. 5. Жинсий тарбия борасида уғил ва қиз болаларга алоҳида-маълумот бериш. Шунингдек, "Насийҳат" китобидан "Овқатланмак" ва "Ичмак" одоблари ҳақидаги ибратли парчани ишлаб чиқилса мақсадга мувофик, бўлади. VIII. Жисмоний тарбия "Бадан тарбия билан муътадил ва узоқ вақт шуғулланувчи киши табибларнинг давосига муҳтож бўлмайди". Абу Али ибн Сино Келажак авлодни ҳар жихатдан етук қилиб тарбиялаш, ўқувчиларни жисмоний бақувват, ҳар қандай мухитга, меҳнатга қодир ва чидамли қилиб тарбиялаш мақсадида синф тарбиявий соат дарслари ва бошқа тарбиявий тадбирларда тубандаги мавзулардан фойдаланиш 1. Саломатликни сақлаш ва тиклаш учун жисмоний машқлардан фойдаланиш (Мактабдага дарсдан олдинги бадан тарбия машқларига қатнашишларини таъминлаш). 2. Ўқувчиларни мактаб ва мактабдан ташқаридаги спорт мусобақаларига қатнашишларини таъминлаш. 3. "Ёшлик-чакқонлик" мавзусида суҳбат. 4. "Улар билан фахрланамиз" мавзусида учрашув ўтказиш, альбом ёки стенд тайёрлаш (мактаб, туман ёки вилоятдан чиққан спорт машъаллари ҳақида). 5. "Аграр юрсанг пиёда, умринг бўлар зиёда" мавзусида таътил вақтларида экскурсияларга чиқиш. 6. Спорт мусобақаларига жалб қилиш. 7. Ватандош буюк алломаларимизнинг жисмоний тарбия ҳақидаги фикрларини муҳокама қилиш. Тарбиянинг муҳим соҳаси саналмиш жисмоний тарбия ҳақидаги ўзбек

мутафаккир олими, етук педагог Абдулла Авлонийнинг "Туркий гулистон ёхуд ахлоқ" китобидан олинган ушбу парчани ўрганиш ўринлидир. "Баданнинг саломат ва қувватли бўлмоғи инсонга энг керакли нарсадир. Чунки, ўқимок, ўқутмок.. ўрганмоқ, ва ўргатмоқ; учун инсонга кучлик, касалсиз жасад лозимдур. Соғ баданга булган инсонлар амалларида, ишларинда, ибодатларинда камчилик қилурлар. Бадан тарбиянинг фикр тарбиясига ҳам ёрдами бордур. Жисм ила руҳ, иккиси бир чопоннинг ўнг ила терси кабидур. Агар жисм тозалик ила зийнатланмаса, ёмон хулқлардан сақланмаса, чопонни устини қуюб, астарини ювуб, овора бўлмоқ кабидурки, ҳар вақт устидаги кири ичига урадур. Фикр тарбияси учун малхам ва соғлом бир вужуд керакдур” IX. Энг янги янгиликлар ва тарихий саналарни нишонлаш тадбирлари Мустақиллик туфайли ҳаётимиз кундан-кунга фаровонлашиб бориши шубхасиз. Албатта бунинг негизида Президентимиз ва ҳукуматимизнинг янги-янги фармон, буйруқ ва кўрсатмалари ётади. Буни биз шартли равишда режага “Энг янги янгиликлар” деб киритдик. Бу бўлим режанинг энг охирги тадбирларидан ҳисобланади ва режанинг охирига киритилади. Тарихий саналардан сўнг қайд қилинади. Тарбиявий тадбирларда уларни ўрганиш ва ҳаётга тадбиқ этиш зарур, яъни замон талабларига кўра чиқарилган янгиликлар режа тузилгандан сўнг эълон қилинса, синф раҳбари белгилаган тарбиявий тадбирни ўқув йилининг қайси ярим йиллигидан қатъий назар, тарихий саналардан кейин мавзуни қайд этади ва тегишли тадбир ўтказади. Мактаб раҳбарлари режани тасдиқлаётган вақтларида бу бўлимнинг қай тарзда акс этганлигига аҳамият беришлари зарур. Тарбиявий папкада нималар бўлиши керак? Синф тарбиявий папкаси синф раҳбарининг тарбиявий соҳасида олиб бориладиган ишлар тўпламидир. Бунда фақат ўқувчиларнинг ёш

хусусиятларига қараб тарбия борасида керак бўладиган материаллар бўлиши керак. Юқоридаги тажрибалардан келиб чиқиб, синф раҳбарининг тарбиявий иш режаси бир катта дафтарда бўлиши мақсадга мувофиқ, деб топган эдик. Синф раҳбари меҳнатини ихчамлаштириш, назоратни ва бошқарувни илмий асосда ташкил этиш учун режа мундарижаси тубандаги бўлишини тавсия этамиз. 1. Синфга қисқача тавсифнома. 2. Тарбиявий вазифалар. 3. Ўқувчиларга тарбия беришнинг асосий турлари ва шакллари (Эслатма: мундарижа мазмуни 1-3 булимларда тавсия этилганидек ёритилади ва дафтар бўлим ҳажмига кўра мундарижаланади). 4. Ўқувчи, ўқитувчи, ота-оналар билан суҳбатлар алоҳида-алоҳида бетларда қайд этилади. 5. Тарбиявий соатларни ҳисобга олиш (Тарбиявий соатга бир соат дарсга қандай тайёрланса, бу тадбир учун дам шундай ҳозирлик кўриш талаб этилади). Мундарижанинг бу қисмида хар ҳафта ўтказилган тарбиявий соатнинг мавзуси, бажарилиш тури, вақти, ким томонидан бажарилганлиги (ҳақидаги қисқача баённома қайд этилади. Демак тарбивий папкада: - тарбиявий ишлар режаси; - режалаштирилган мавзуга оид рисолалар; - йўл ҳаракати хавфсизлиги ва ёнғиндан сақланиш қоидалари юзасидан дастур ва кўрсатмалар ҳамда тарбия борасида керак бўладиган зарур материалларгина булса бас. Хафталик тарбиявий тадбирни режалаштиришда синф раҳбари мавсумни, тарихий санани, энг янги янгиликларни ҳисобга олиши керак. Раҳбарнинг эса, тарбиявий соатни тўлақонлик ва қизиқарли ўтишида юқоридагилар унинг назаридан четда қолмаслиги зарур.

O'xshashlar

Меҳнат таълимидан синфдан ва мактабдан ташқари ишларни олиб бориш методикаси

Синфдан ва мактабдан ташқари тарбиявий ишларда оила ва маҳалла хамкорлиги

Синфдан ва мактабдан ташкари тарбиявий ишлар курсининг предмети максади ва вазифалари

Бошланғич синфларда тарбиявий ишларни режалаштириш методикаси. Тарбия натижаларни ўрганиш ва таълил қилиш

Дарсдан ташқари вақтдаги тарбиявий ишларни ташкил этиш шакллари