Коньяк ишлаб чиқаришнинг асосий жараёнлари - Oziq-ovqat texnologiyasi - Referatlar

Коньяк ишлаб чиқаришнинг асосий жараёнлари

Yuklangan vaqt:

20.09.2019

Ko'chirishlar soni:

0

Hajmi:

54.5 KB

Ko'chirib olish

Коньяк ишлаб чиқаришнинг асосий жараёнлари Режа: 1. Коньяк таркиби ва ҳусусияти. 2. Коньяк тайёрлаш классик технологияси.

“Таянч” сўз иборалар Коньяк, қайта хайдаш, коньяк хом шароби, қувватли ичимлик, эман бачка, эман ёғочинги паррахалари, сифатини ва типиклигини шакллантириш учун бериладиган склов ишлови “выдержка” оксидланиш ишлови, қиздириш ишлови, этирификация, “спирт сырец” хом спирт, классик технология. Коньяк - қувватли алкогол ичимлиги бўлиб, майларни қайта ҳайдаб олинган спиртдан ва уни узоқ муддат (20 йилгача) эман бочкаларида етилтириб тайёрланади. Тайёр ичимликни ранги қаҳрабо – тилла рангда, ёқимли ҳидли, ванилин ҳиди енгил сезилади ва ўзига хос таъмлидир. Коньяк қуввати 40-57 % га тенг. Коньякни ўзига хослиги, ноёб сифат кўрсатгичлари эман бочкаларида етилтириш жараёнида шаклланади. Коньяк сифатига майнинг таркиби, уни олиш технологияси ва асосан коньяк спиртини етилтириш шароити аҳамиятлидир. Янги ҳайдалган коньяк спитри юқори сифатли шаробдан олинган бўлса ҳам рангсиз, ёқимли ҳидсиз, қўпол, таъмида кескинлик сезилади. Фақат эман бочкаларда сақланиш, етилтириш даврида коньяк спирти тилла-жигар рангли, таъми юмшоқ ва нозик муаттарликка эга бўлади. Эман ёғочи нафақат коньякни айрим моддаларини манбаи ҳисобланади, шу билан бирга кимёвий жараёнларини катализатори ҳамдир. Коньяк спирти сақлаш давомида эман ёғочини 8-12 мм гача намлайди, чуқурликдаги қатламларга эса фақат спиртни буғлари ўтади. Коньяк спиртини етилтирганда оксидланиш - қайтарилиш реакциялари фақат эман бочкаларини ёғоч бўшлиқларидан ўтади деган фикр бор. Етилтириш жараёнида ёғочдан спиртга пирокатехин, пирокатехин эфирлари – изоэвгенол каби фенол моддалар ўтади, улар ҳаво кислороди таъсирида оксидланиб, коньякка тилла – жигар ранг берувчи моддалар хосил бўлади. Фенол моддалар каби эман ёғочидан коньяк спиртига экстракция жараёни натижасида чиққан моддалар, кейинча ванелин, этилванелин ва бошқа учувчан бирикмаларга айланади, коньякка ўзига хос хушбўйлик бахшида этади. Спирт таъсирида эман ёғочни лигнининг этанолизини

кузатамиз ва у оксидланишга мойил бўлиб қолади. Лигнин аста секин этанолиз жараёни натижасида лигниндан кониферил ёки сирен спирти ҳосил бўлади ва пироксидаза ферменти таъсирида ёки ноорганик каталтзаторлар ёрдамида ароматик альдегидларгача оксидланади ва ванилин, сиреневўй альдегид хосил бўлади. Коньяк спирти етилишида кечадиган кимёвий реакциялар кислород иштирокида ўтади. Кислород бочкалар оғзидан (50 %) ва ёғочни бўшлиқларидан (10 %) ўтади. Коньяк қувватли алкоголь ичимлиги, қаҳрабо тилла рангли: Коньяк спиртини маълум муддат эман бочкаларда сақлаш йўли билан тайёрланади. Коньяк спирти нордон узум шаробини дистилляциялаш (қайта хайдаш) маҳсулоти. Дастлаб коньяк Францияни Коньяк (Шарант департаменти) шахрида тайёрланган. Коньяк спиртини ароқга ишлатиладиган этил спиртидан фарқи шундаки - коньяк спиртини таркибида учувчан моддалар анча кўп миқдорда бўлади – альдегид, эфир, учувчан кислоталар, юқори спиртлар. Спиртни таркибидаги бу қўшимчалар эман ёғочининг моддалари билан реакцияга киришиб, коньякни органолептик сифатини шаклланишида асосий аҳамиятга эга. Узум шаробидан дистилляция билан спирт олиш ва уни асосида қувватли ичимликларни тайёрлаш Франция, Болгария, Югославия, Испания, Италия, США ва бошқа мамлакатларда йўлга қўйилган. Ичимликларни номини назорат қилиш қонунига кўра бу мамлакатларда коньяк номини бериш нотўғри, чунки амалда коньякни номида географик келиб чиқишини асорати ҳам қолмаган ва коньяк ичимликни бир тури деб тушунилади. Ўзбекистон ички бозорида коньяк номи сақланган, шу билан бирга янги этикеткаларда коньяк ишлаб чиқарувчи корхонанинг номи кўрсатилган ва унинг номи коньяк эмас, бренди деб номланган.

Шаранта коньягини классик технологиясида кубли аппаратларда (Шарант аппарати деб ном олган) шаробни икки маротаба қайта хайдаш йўли билан олинган спиртни эман бочкаларида сақлаш кўзда тутилган. Коньяк ишлаб чиқариш ноҳиясининг узумзорлари Бордо узумзорлардан жанубда жойлашган бўлиб, икки департаментини эгаллаган. Шаранта ва Примор Шарантаси коньяк ишлаб чиқариш ноҳиясига 7 зона киради. Энг яхшиларидан Гранд Шампан ёки (Гранд Фин Шампан) шаҳарлардан Коньяк, Сегонзак ва Ярнак. Узумзорнинг умумий майдони 90000 га яқин, шароб ишлаб чиқариш ҳажми 100 млн. дал. Коньяк ишлаб чиқариш абсолют спиртга ҳисоблаганда йилига 1÷2 млн. далга етиб қолади. Коньяк ишлаб чиқаришга асосан «Оқ Фол» ва «Коломбар» узум навлари ишлатилади. Семильон, Совиньон узум навларидан 10 % гача қўшиш мумкин. Коньяк хом шаробини тайёрлашда узум эзилади, горизонтал ёки гидравлик исканжаларда бир ёки бир неча маротаба исканжаланади. Шнекли исканжаларни қўллаш ман этилган. Оқим ва босим шарбати аралаштиради. Бижғитишдан олдин шарбат сульфитланмайди ва тинитилмайди. Кичик корхоналарда бижғиш бочкаларда, йирик корхоналарда эса 1000-2000 дал ҳажмли сиғимларда ўтказилади. Шарантада узумни октябрда узишади ва қайта ҳайдашни 1 декабрдан бошлашади. Шаробларни сақланиш давомийлиги олинадиган коньяк спирт сифатига нисбий таъсир кўрсатади. Чунки шароб металлдан ясалган сиғимларда сақланганда таркибидаги темир миқдори кўпайиши билан оксидланиш жараёни кескин кучаяди. Ёш хом шароб яхши тинмаган чўкма билан бирга хайдалади. Спирт-сырец олишда ачитқили хом шароблар қўлланилади (7-8 % ачитқи лойқа). Бу услуб коньяк спиртига энант эфирини ошиқча миқдорда берганлиги сабабли, унда машҳур француз коньякларига хос туслари пайдо бўлади.

Қ айта ҳайдаш – шарант аламбик 1 кубли даврийлик кўрсатувчи аппаратда олиб борилади. Шароб кубга қуйилади ва қайта ҳайдашдан чиққан спирт-спирт сырец дейилади. Бу жараён уч маротаба такрорланади. Олинган спирт-сырецни учта партияси ассамбляж қилинади, аралашма қайта қайнатилади ва спирт учта қисмга ажратиб олинади: бош, ўрта ва думли фракциялар. Коньяк тайёрлашда ўрта фракциялари олинади ва сақлашга берилади. Шарантада қўлланиладиган қайта ҳайдаш услублари турлидир. Айрим ҳолда, хушбўйлиги кучли коньяк спиртини тайёрлаш учун шаробга дистиллятни охирги (думли) фракцияси қўшилади ва у билан бирга қайта ҳайдалади. Аммо, бундай олинган спирт –сырецни қуввати баланд бўлганлиги учун, бу услуб кам ишлатилади. Спирт –сырецни қуввати 30 % дан баланд бўлса, ундан камдан кам яхши коньяк спиртини олиш мумкин. Нордон шаробни дастлабки қуввати 10-11 х % бўлган бўлса ундан олинган спирт-сырецни қуввати 30-32 хатто 35х % бўлиши мумкин. Унинг қуввати фақат тоза, юмшоқ сув билан суюлтирилиб 29х % га етказилади, лекин қўшиладиган сувнинг ҳажми 10 % дан кўп бўлмаслиги керак. Бошқа ҳолда спирт сырецга дастлабки қайта хайдашдаги бош ва охирги фракциялар қўшилади. Дистиллятни қуввати 58х % етиши билан, ўрта фракцияни олишни бошлаймиз. Спиртни қуввати 70,5- 71х % га етиши билан ўрта фракцияни олишни тўхтатишади. (≤57). Бу қоидага риоя қилмаслик қуўўати 58-60х % лик спиртда охирги фракциясига хос ёқимсиз тусларни келиб чиқишига олиб келади. Коньяк спирти ер юзасидаги хоналарда эман бочкаларда (ҳажми 220 л) сақланади. Эман бочкаларини ясашда фақат Лиму эманидан фойдаланилади. 40-50 ёшлик дубдан энг яхши клёнка ясалади; бочкаларни тўлғизганда 2 литр кам қуйилади.

Ўзбекистонда коньяк ишлаб чиқариш уруш йилларидан сўнг ривож топди. Коньяк ишлаб чиқариш учун қулай районлар: Тошкент, Сурхондарё, Самарқанд ва Бухоро вилоятларидир. Баян-Ширей, Бахтиори Паркент узум навларидан яхши коньяк хом шароби тайёрлаш мумкин. Тоифи, Нимранг, Ркацители, Кульджинский, Алиготе узумларидан хам коньяк хом шаробини олиш мумкин. (Самарқанд, КВ-Ўзбекистон, Халқобод). Коньяк технологияси коньяк хом шаробини тайёрлаш, коньяк спиртини олиш, уни сақлаш ва коньяк тайёрлашдан иборат. Коньяк хом шароби оқ, пушти, қизил узум навларидан оқ шаробларга узумни қайта ишлаш технологиясидан тайёрланади. қайта ишлашга фақат соғлом узум берилади. Шарбатни тиндирганда сульфитланмайди. Бижғиш ҳароратини 16-25 0 С сақлаш керак. Коньяк ишлаб чиқаришда қўлланадиган хом шаробни қуввати 8х %- кун, титрланадиган кислоталийлик 1,5 г/л дан аниқ, учувчан кислоталар 1,3 г/ л дан кам ва умумий SO 2 миқдори – 15 г/л кам. Уларнинг ранги оч-ҳашак ренгидан то пуштигача, бегона ҳидсиз ва таъмсиз. Хом шароблар яхши тинмаган, таркибида 2% гача ачитқи бўлиши керак. Кам қувватли хом шаробларни сақлаш қийин, коньяк спирти оладиган коньяк мосламасини унумдорлиги пасаяди ва сақлашга кўп сиғим талаб қилади. Коньяк хом шаробларини олишда SO 2 ни миқдорини чегараланишининг сабаби қайта хайдалганда SO 2 тиоэфир ҳосил қилади, у ёқимсиз ҳид беради ва амалда уни четлаш қийин. SO 2 оксидланиши натижасида кубда H 2 SO 4 пайдо бўлиб, кубни каррозияга (занглашига) олиб келади. Коньяк спиртида SO 2 учраса қатор бирикмалар ҳосил бўлади. Улар спирт таъмини ва хушбўйлигини бузади. SO 2 эмандан оксидлантирмайди, бу эса оксидланиш ўзгаришларига тўсиқ бўлади. Тўла SO 2 дан қутулиш қийин, чунки у бижғиш жараёнида ачитқи хам хосил қилади. Шунинг учун коньяк ишлаб чиқаришда SO 2 ни кам берувчи ачитқи расалари қўлланади.

Коньяк хом шаробини ва ундан олинган спиртни сифатини ошириш учун, шарбатни мезгада тинитиш, бандини ферментлаб бижғитиш ачитқида сақлаш тавсия этилади. Бу услублар хом шаробни терпеноид моддалари, учувчан феноллар, лактон ва бошқа бирикмалар билан бойитади. Уларни куб ичида қайта хайдаганда ўзгаришлари, янги бирикмаларни хосил бўлишида, уларни коньяк спиртини шаклланиш жараёнида иштирок қилиши мумкин. Ачитқили хом шаробни қайта хайдашда ишлатганда коньяк спирти энант эфирига ( уни таркибига этил каприлат, этил капринат, этил лаурат, этил маристат киради ) ўтишини таъминлайди. Француз коньякларига хос бўлган «совун» таъмини айнан шу энант эфири беради.

Абиётлар : 1.Н.И.Назаров и др. Общая технология пищевых производств.-М.: Легкая и пищевая промышленность, 1981.-360 с. 2.У.Х.Халимова. Ўсимлик ёғлари ишлаб чиқариш технологияси. –Т.: Ўқитувчи, 1982. -246 б. 3.М.Г.Васиев, М.А.Васиева. Нон, макарон ва қандолат махсулотлари ишлаб чиқариш технологияси. –Т.: 2002. 4.П.М.Мальцев. Технология бродильных производств. –М.: Пищевая промышленность, 1980. -360 с. 5.П.Я.Бачурин, В.А.Смирнов Технология ликеро-водочного производства. –М: Пищевая промышленносить, 1975.-256 с. 6.Т.Х.Икромов, Ў.Р.Қўчқоров. Чорва, парранда ва балиқ маҳсулотларини қайта ишлаш технологияси. –Т.: Шарқ, 2001. -285 б. 7.Руководство по методам исследования, технохимическому контролю и учёту производства. – Л.: ВНИИЖ, 1987, 1-том. 8.Л.И.Пучкова. Лабораторный практикум по технологии хлебопекарного производства. –М.: 1971, «Пищ.пром.» -192с. 9.Л.В.Муравицкая. Технохимический контроль пивоваренного и безалкогольного производств и основы управления качеством продукции. – М.: 1987, «Агропром», -256 с.

O'xshashlar

Коньяк ишлаб чиқаришнинг асосий жараёнлари.

Озиқ-овқат махсулотларини ишлаб чиқаришнинг хом ашёлари

Қанд ишлаб чикаришда асосий хомашё

Қуритиш тeхнологик жараёнлари

Лаззатли маҳсулотлар 2