Amaliy ijrochilik mashg’ulotlari. Asarni fortepiano jo`rligida ijro etish - Musiqa - Referatlar

Amaliy ijrochilik mashg’ulotlari. Asarni fortepiano jo`rligida ijro etish

Yuklangan vaqt:

07.11.2022

Ko'chirishlar soni:

0

Hajmi:

302.6044921875 KB

Ko'chirib olish

Amaliy ijrochilik mashg’ulotlari. Asarni fortepiano jo`rligida ijro etish 1. Dastlab mashqlar bilan qo’llarni qizdirib olamiz. 1-mashq o’ng qo’lning tordan torga o’tish mahoratini takomillashtirish uchun: 2-mashq chap qo’l barmoqlari akkordlar, ayniqsa sekunda akkordini aniq olishni takomillashtiradi. Pardalarni barmoq uchi bilan aniq bosishga harakat qiling. 3-mashq esa zarblar tekisligini yaxshilash uchun. Bunda pastga-tepaga berilgan zarblar kuchini bir xil chiqishiga erishish zarur. 4-mashq tovush kuchini mustahkamlash uchun. Uchinchi torda tovushlarning tekis va aniq bo’lishi asosiy mezon hisoblanadi. Bunda mizrob birinchi va ikkinchi torlarga tegib ketmasligini oldini olish ustida ishlang. 2. Etyudlar ustida ishlashni davom ettiring. Etyudlarning yuqori notalarida tovushlar aniqligiga erishing. Pastga-tepaga zarblarning tekisligiga va chap qo’l barmoqlari harakatlarining aniqligiga e’tibor qarating. Akkordli qismlarda har ikki torda tovushlarning tekis jaranglashi ustida muntazam ishlab boring. 3. Avvalgi darslarda o’rgangan V.Asevedoning “Braziliyalik kichkintoy” asarining 1-19 taktlariga 20-68 taktlarni bog’lang.

Yuqorida ta’kidlanganidek, ushbu taktlar asrning ikkinchi, ya’ni, epizod qismi bo’lib, unda dastlabki mavzu rivojlana boshlaydi. Xromatik passajlar, aksentli sekvensiyalar gitara, banjo ijrochilik uslubiga xos sinkopali jumlalar qashqar rubobida tovushni boshqarish mahorati orqali yuzaga keltiriladi. Tovushlar turli intervallarga sakrayotgan bo’lsada, ulr tekis, ravon, silliq ijro etilishi kerak. Shundagina asar o’z xarakterida jaranglashi mumkin. 4. O’rganilgan qismlarga repriza, ya’ni, uchinchi qismni bog’lang. (69–137 taktlar) Tonallik o’zgarishi munosabati bilan qashqar rubobi dastasida notalar joylashuvi o’zgargan. Shuni inobatga olgan holda alohida applikatura qo’yib chiqing. Re major tonalligida uchraydigan tasodifiy alteratsiya belgilari tekstni yodlashni bir oz qiyinlashtiradi. Ayniqsa soxta reprizada tekstda chalkashliklar paydo bo’lishi mumkin. Shuning uchun nota matni ustida diqqat bilan ishlang. Fortepiano partiyasini eshitib borishni e’tibordan chetda qoldirmang. Sababi, barcha jumlalar takt oldi(zatak)dan boshlanganligi bois, fortepiano partiyasi muhim ahamiyat kasb etadi. (75-76, 83-84, 99-100-taktlar).

Ko’rib turganingizdek, ushbu taktlarda fortepiano partiyasida turli ritm, sinkopalar ijro etilmoqda. Aynan ana shu har-xillik diqqatni jamlashni talab etadi.Soxta reprizadan so’ng haqiqiy repriza lya major tonalligida takrorlanadi(100137-taktlar). Asar reprizaning so’nggi jumlasida yuqori dinamikada borgan sari crescendo qilib aksentli sf lar bilan asosiy tonallik akkordlari orqali ta’kidlanib yakun topadi. Oxirgi notalar sf dinamikasi qo’pol bo’lmasligiga harakat qiling. Ansambl ijrosiga alohida e’tibor bering. Sur’atga erishish kuyni to’liq yodlab olingach, fortepiano jo’rligida sekin sur’atlarda chalib o’zlashtiriladi. Avvalo nota matnini to’liq va xatosiz yodlang. Matnda uchraydigan tasodifiy alteratsiya belgilariga e’tibor bering. Asarni milliy xarakterini ochib berish uchun internet tarmoqlaridan magnit yozuvlarini topib tinglang. Ijroda agogika qoidalariga amal qilgan holda chalishga harakat qiling. O’noltitalik jumlalar pastga-tepaga zarblari to’liq va aniqligiga erishish lozim. Buning uchun ushbu qismlar alohida mashg’ulotda ishlab puxtalab borilsa ko’zlangan maqsadga erishiladi.

FOYDALANILGAN ADABIYOTLAR 1. Y.Rajabiy “O’zbek xalq musiqasi” I jild T., 1955 2. I.Rajabov “Maqomlar masalasiga doir” T., 1963 3. A.Fitrat “O’zbek klassik musiqasi va uning tarixi” “Fan”. T.,1993 4. A.Odilov “O’zbek cholg’ularida ijrochilik tarixi”. T. “O’qituvchi”, 1995. 5. Ne’matillo Mo’’jaziy “Tavorixi musiqiyn” Pekin millatlar nashriyoti. Pekin. 1982.

O'xshashlar

Amaliy ijrochilik mashg’ulotlari

Amaliy ijrochilik mashg’ulotlari. Tovush kuchini boshqarish (dinamika)

Qashqar rubobi tovush imkoniyatlari. Tovush hosil qilish va uni boshqarish. P.I. Chaykovskiy “kuz qo’shig’i”. Darslar-amaliy ijrochilik mashg`ulotlari

Cholg`u asarlarini tahlil qilish uchun “konsert” uslubiyoti. M.Otajonov. Qashqar rubob va orkestr

Cholg`u asarlari tahlili. Murakkab shakl. H. Xanmamedov. Tor va simfonik orkestr uchun