logo
  1. Bosh sahifa
  2. Referatlar
  3. Mexanika
  4. MATERIALLAR QARSHILIGI

MATERIALLAR QARSHILIGI

Yuklangan vaqt:

20.09.2019

Ko'chirishlar soni:

0

Hajmi:

307.5 KB
Ko'chirib olish
MATERIALLAR QARSHILIGI Reja: 1. Materiallar qarshiligi fanining mohiyati va predmeti 2. Tashqi kuchlar va deformatsiyalar 3. Ichki kuchlar. Kuchlanishlar Barcha muhandislik konstruksiyasi (mashina yoki inshoot) va uning qismlari mustahkamlik, bikrlik hamda ustuvorlik kabi muhim konstruktiv talablarga javob berishi lozim. Muayyan miqdordagi tashqi yuklar ta`siridagi konstruksiya va ular qismlarining: — buzilmasdan (ikki qismga ajralib ketmasdan) qarshilik ko`rsata olishiga mustahkamlik; — geometrik o`lchami, shakli o`zgarsa-da, lekin «haddan tashqari katta» deformatsiyalar hosil qilmaslik yoki boshqacha aytganda deformatsiyalarga qarshilik ko`rsata olishiga bikrlik; — dastlabki (yuk qo`yilmagan paytdagi) elastik muvozanat holatini saqlay olishiga ustuvorlik deyiladi. Konstruksiya va konstruksiya qismlarining ko`ndalang kesim yuza o`lchamlari kattalashtirilsa bir vaqtning o`zida ularning mustahkamligi, bikrligi va ustuvorligi oshishi tabiiy. Ammo bunday hollarda faqat materiallargina emas, balki mehnat ham ko`proq sarflanadi. Shu bois muhandis-loyihachilar loyihalashning boshqa maqbul usullarini izlashlari — materiallarni mumkin qadar kam talab qilgan holda yuqorida zikr etilgan uchta muhim talablarga bir vaqtda javob bera oladiganini tanlashlari, aniqrog`i, materiallar qarshiligi faniga murojaat qilishlari zarur. Materiallar qarshiligi fanida yechiladigan masalalarning asosiy mazmuni quyidagilardan iborat: - konstruksiya elementlarining o`ziga xos, ayniqsa, xavfli kesimlaridagi ichki zo`riqish kuchlari, kuchlanishlar, deformatsiyalar va ko`chishlarni aniqlash; - konstruksiya elementlarining mustahkamlik, bikrlik, ustuvorlik kabi talablarni qanoatlantiruvchi zaruriy, ishonchli va foydalanishga qulayroq o`lchamlarini aniqlash; - berilgan o`lchamlar bo`yicha konstruksiya elementlarining xavf-xatarsiz ishlashni ta`minlovchi eng katta kuch (yuk)larni topish. Bu fanda barcha masala va muammolar nazariy jihatdan matematika, nazariy mexanika hamda amaliy jihatdan esa qattiq jismlar fizikasi, materialshunoslik kabi fanlarga tayanib yechiladi. Shuni alohida ta`kidlash zarurki, amaliy hisoblashlarda konstruksiya qismlarining hamma xossalarini bir vaqtda e`tiborga olish juda qiyin. Shu sababli materiallar qarshiligi fanini o`rganish jarayonida hamda uning barcha yechim va xulosalarini olishda quyidagi cheklanish (gipoteza)larga tayanish zarur: - jism materiali yaxlit (g`ovaksiz); - jism materiali bir jinsli; - jism materiali yaxlit (g`ovaksiz); - jism materiali bir jinsli; - jism materiali izotrop; - jism to`la elastik; - kuchlanish va deformatsiyalar o`zaro chiziqli bog`lanishda. Bundan tashqari yana ikkita tamoyil ishlatiladi: - kuchlar ta`sirining bir-birlariga xalal bermaslik tamoyili (mazmuni: jism nuqtalarida hosil bo`ladigan kuchlanish va deformatsiyalar tashqi kuch (yuk)larning ketma-ket yoki tartibsiz qo`yilishiga bog`liq bo`lmaydi, balki ikkala holda ham kuchlanish va deformatsiyalar bir xil bo`ladi); - Sen-Venan tamoyili (mazmuni: jismning birorta kichik bo`lagiga qo`yilgan muvozanatlashuvchi kuchlarning ta`siridan yuzaga kelgan kuchlanishlar «mahalliy» xarakterga ega bo`lib, ular kuchlar qo`yilgan qismdan uzoqlashgan sari juda tez so`na boshlaydi). Materiallar qarshiligida, asosan, brus va yupqa devorli sterjenlar o`rganiladi. Ko`ndalang kesim yuza o`lchamlari uzunlik o`lchamiga nisbatan juda kichik o`lgan jismlar brus deyiladi (2.1-shakl). Bruslar o`qlarining holatiga ko`ra to`g`ri yoki egri, ko`ndalang kesim yuzasiga ko`ra esa o`zgarmas yoki o`zgaruvchan kesim yuzali bo`lishi mumkin. Agar brus cho`zilish yoki siqilishga qarshilik ko`rsatsa yoki ishlasa sterjen sterjen sterjen sterjen sterjen (2.2- shakl, a), buralishiga qarshilik ko`rsatsa val val val val val (2.2- shakl, b) va egilishga qarshilik ko`rsatsa to`sin to`sin to`sin to`sin to`sin (2.2-shakl, d) deb ataladi. Bir qancha sterjenlarning sharnirlar vositasida tutashtirilishidan hosil bo`lgan geometrik o`zgarmas tuzilmaga ferma deyiladi (2.3-shakl). Bir qancha bruslarning o`zaro bikr qilib tutashtirilishi natijasida hosil bo`lgan tuzilmaga rama deyiladi (2.4-shakl). Ramaning vertikal sterjenlari ustun, gorizontal sterjenlari esa rigel deyiladi. Uchala o`lchamlari mos ravishda bir-birlaridan taxminan 8—10 martagacha farq qiluvchi jismlarga yupqa devorli sterjen deyiladi (2.5-shakl). Yupqa devorli sterjenlar garchi nisbatan yengil bo`lsa-da, yetarlicha mustahkamlik va bikrlikka ega; shu sababli ular mashinasozlikda, samolyotsozlikda, kemasozlikda va qurilish konstruksiyalarida keng ko`lamda ishlatiladi. Tashqi kuch (yuk)lar jismlarga qo`yilishiga qarab hajmiy va sirtqi kuchlarga ajratiladi. Hajmiy kuchlar jismlarning har bir ichki elementlari hajmiga ta`sir qilib, hajm birligiga to`g`ri keluvchi kuchning miqdori bilan tavsifladi va xalqaro birliklar sistemasi (SI)da kN/m3 , N/m3 kabi birliklarda o`lchanadi. Og`irlik kuchlari va inersiya kuchlari hajmiy kuchlarga misol bo`ladi. Sirtqi kuchlar tekshirilayotgan jismga qo`shni ikkinchi jismdan o`tadigan kuchlar natijasi bo`lib, to`plangan va yoyilgan (taqsimlangan) kuchlarga ajratiladi: — jismning o`lchamlariga nisbatan juda kichik sirtiga ta`sir ko`rsatuvchi kuchlar to`plangan kuchlar deb atalib, xalqaro birliklar sistemasi (SI)da kN yoki N lar bilan o`lchanadi (2.6-shakl, a). — aksincha, jism sirtidagi birorta yuzaga yoki undagi chiziqning biror qismiga ta`sir ko`rsatuvchi kuchlarga yoyilgan kuchlar deb ataladi (2.6-shakl, b); odatda, yuza bo`ylab taqsimlangan kuchlar kN/m2 , N/m2 lar, uzunlik bo`yicha taqsimlanganlari esa kN/m, N/m lar bilan o`lchanadi (2.6-shakl, d,e). Tashqi kuchlar ta`sir etish muddatiga ko`ra doimiy (masalan, konstruksiya yoki uning qismlarining xususiy og`irlik kuchlari) va vaqtinchalik (masalan, poezdning temir yo`lga ta`siri) kuchlarga bo`linadi. Bundan tashqari tashqi kuchlar jismlarga ta`sir etish tavsifiga ko`ra static va dinamik kuchlarga ham bo`linadi. Noldan boshlab o`zining oxirgi qiymatigacha sekin, bir tekisda oshib boruvchi, keyin esa o`zgarmasdan qoluvchi kuchlarga statik kuchlar deyiladi. Juda qisqa vaqt mobaynida o`z miqdori va qo`yilish nuqtalarini sezilarli darajada katta tezliklar bilan o`zgartiruvchi kuchlarga dinamik (zarbali) kuchlar deb ataladi. Tashqi kuchlar yoki haroratning o`zgarishi natijasida barcha real jismlar deformatsiyalanadi, boshqacha aytganda ularning geometrik shakli, o`lchamlari va hajmi o`zgaradi. Jismlarning deformatsiyalari ikki xil ko`rinishda namoyon bo`ladi: — elastik deformatsiya; — plastik deformatsiya. Agar tashqi kuchlar ta`siri tufayli deformatsiyalangan jismdan mazkur kuchlar olinganda, deformatsiyalar ham butunlay yo`qolib, jism o`zining dastlabki geometrik shaklini egallasa, u holda, bunday deformatsiyalarga elastic deformatsiyalar deyiladi. Aksincha, deformatsiyalangan jismdan tashqari kuchlar olingandan keyin ham u o`zining dastlabki geometrik shaklini egallay olmasa, bunday deformatsiyalarga plastik deformatsiyalar deyiladi. Materiallar qarshiligi fanida deformatsiyalar oddiy: cho`zilish yoki siqilish, siljish, buralish, egilish va murakkab (bir qancha oddiy deformatsiyalarning birgalikda paydo bo`lishi) deformatsiyalarga ajratilib, konstruksiya qismlarining bikrligiga oid muammolar hal etiladi. Real holatda barcha deformatsiyalanuvchi qattiq jismlarni o`zaro ta`sirlashib turuvchi zarrachalar yig`indisidan iborat deb qarash mumkin. Zarrachalarning o`zaro ta`sir kuchlari jismlarni bir butun holda tutib turib, ularning deformatsiyalanishiga qarshilik ko`rsatishi uchun xizmat qiladi. Jismlar deformatsiyalanganda ularning kesimlaridagi zarrachalar bir-birlaridan qochishga yoki o`zaro yaqinlashishga intiladilar; deformatsiyalangan jism zarrachalarining muvozanatini saqlovchi kuchlarga ichki zo`riqish kuchlari yoki ichki kuchlar deyiladi. Deformatsiyalanuvchi qattiq jismlarning ko`ndalang kesimlarida hosil bo`luvchi ichki kuchlarning teng ta`sir etuvchisini topish uchun kesish usuli qo`llaniladi. Kesish usulining mazmunini tushuntirish maqsadida ixtiyoriy tayanchlarda (tayanchlar shaklda ko`rsatilmagan) yotuvchi birorta brusning muvozanatini tekshiramiz (2.7-shakl, a). Brusga qo`yilgan tashqi kuchlar tizimi tayanchlarda reaksiya kuchlarini hosil qiladi. Natijada, brus muvozanat holatida bo`ladi. Brusning biror kesimidagi ichki kuchlarni aniqlash uchun quyidagi ishlarni navbat bilan bajaramiz: a) brusni ixtiyoriy V tekislik bilan fikran kesib, uni ikki qismga ajratamiz; b) ixtiyoriy tomonni, masalan chap tomonni tashlab yuborib, o`ng tomonni alohida ajratib olamiz; albatta, bunday holatda ajratilgan qismning muvozanati buzilishi tabiiy; d) ajratilgan qismning muvozanatini tiklash maqsadida tashlab yuborilgan tomonning ta`sirini kesim yuza bo`yicha ixtiyoriy ravishda taqsimlanuvchi va kesimning har bir nuqtasiga qo`yilgan kuchlar bilan almashtiramiz (2.7-shakl, b); e) quyidagi statika tenglamalari yordamida ajratilgan qismning muvozanatini tekshiramiz: M x , M y — eguvchi momentlar; T = M z — burovchi moment. Ichki kuchlar quyidagicha ta`riflanadi: — ajratilgan qismga qo`yilgan tashqi kuch va reaksiya kuchlaridan tekshirilayotgan kesim normaliga mos keluvchi o`qqa nisbatan olingan proyeksiyalarning algebraik yig`indisiga bo`ylama kuch deyiladi; — ajratilgan qismga qo`yilgan tashqi kuch va reaksiya kuchlaridan oõ va oy markaziy bosh inersiya o`qlariga* nisbatan olingan proyeksiyalarning algebraic yig`indisiga ko`ndalang (kesuvchi) kuch deyiladi; — ajratilgan qismga qo`yilgan tashqi kuch va reaksiya kuchlaridan tekshirilayotgan kesim og`irlik markazidan o`tuvchi ox va oy o`qlarga nisbatan olingan momentlarning algebraik yig`indisiga eguvchi moment deyiladi; — ajratilgan qismga qo`yilgan tashqi kuch va reaksiya kuchlaridan tekshirilayotgan kesim normaliga mos keluvchi o`qqa nisbatan olingan momentlarning algebraik yig`indisiga burovchi moment deyiladi. Tekshirilayotgan jismlarning istalgan kesimida yotuvchi nuqtadagi ichki kuchlar intensivligining o`lchovini bilish maqsadida kuchlanish tushunchasi kiritilgan. Faraz qilaylik, tekshirilayotgan kesimning biror nuqtasi atrofidan olingan DA elementar yuzachaga ichki kuchlarning teng ta`sir etuvchisi DR qo`yilgan bo`lsin (2.8-shakl, a). Ichki kuchlar teng ta`sir etuvchisining elementar yuzachaga nisbati o`rtacha kuchlanish deyilib, quyidagicha ifodalanadi: Demak, kuchlanish kesim yuza birligiga to`g`ri keluvchi ichki kuch bo`lib, yo`nalishi ∆A → 0 dagi ∆R ning chekli yo`nalishiga mos keluvchi vector kattalik ekan. To`la kuchlanish quyidagicha aniqlanadi: Kuchlanishlar Pa, MPa lar bilan o`lchanadi. To`la kuchlanish vektorini koordinata o`qlariga parallel bo`lgan uchta tuzuvchiga ajratamiz (2.8-shakl, b); bu tuzuvchilarning birinchisini σ normal va qolgan ikkitasini τ urinma kuchlanishlar deb ataymiz. Odatda, to`la kuchlanishning tashkil etuvchilari bir indeksli σ (bu yerda, indeks yuzaga o`tkazilgan normalning yo`nalishini ko`rsatadi) va qo`sh indeksli (bu yerda, birinchi indeks yuzaga o`tkazilgan normalning yo`nalishini, ikkinchisi esa urinma kuchlanish tashkil etuvchisining yo`nalishini ko`rsatadi) bilan belgilanadi. Yuqoridagi ifodadan foydalanib, normal va urinma kuchlanishlarni aniqlaymiz: Normal kuchlanishlar bo`ylama (chiziqli) deformatsiyalarni, urinma kuchlanishlar esa siljish (burchakli) deformatsiyalarni yuzaga keltiradi. To`la kuchlanish va uning tashkil etuvchilari orasida quyidagi munosabat mavjud:

O'xshashlar

1. Asosiy mulohazalar
Zamin gruntlari qismlaridagi kuchlanishlar
MEXАNIZM VА MАSHINАLАR NАZАRIYASI (MMN) FАNI, VАZIFАLАRI, UNING MАSHINАSOZLIKDАGI ROLI VА АSOSIY TUSHUNCHАLАR
BIR NUQTADA KESISHUVCHI KUCHLAR TIZIMI
FAZODAGI KUCHLAR TIZIMI