Металлургик жараёнларни таснифланиши - Materialshunoslik - Referatlar

Металлургик жараёнларни таснифланиши

Yuklangan vaqt:

20.09.2019

Ko'chirishlar soni:

0

Hajmi:

61 KB

Ko'chirib olish

М еталлургик жараёнларни таснифланиши Режа: 1. П ирометаллурги я жараёнларини қўлланилиши . 2. Рангли металлар ишлаб чиқаришда гидрометаллургик жараёнларнинг аҳамияти.

Металл ишлаб чиқаришда қўлланилаётган жараёнлар икки гуруҳга пирометаллургик ва гидрометаллургик жараёнларга бўлинади. Пирометаллургик жараёнлар – юқори ҳароратда, кўпчилик ҳолларда қайта ишланаётган материалнинг тўлиқ ёки қисман эриши билан олиб борилади. Гидрометаллургик жараёнлар – сувли муҳитда 300 0 С ҳароратгача бўлган шароитда олиб борилади. Айрим ҳолларда алоҳида гуруҳга ажратиладиган электрометаллургик жараёнлар пирометаллургик ёки гидрометаллургик бўлиши мумкин. Электрометаллургик жараёнларнинг бошқа жараёнлардан фарқи унинг амалга оширилиши учун ҳаракатлантирадиган энергетик куч сифатида электроэнергиянинг ишлатилишидир. Бундай жараёнларни алоҳида мустақил гуруҳга ажратиш бу нуқтаи назардан оқланмаган. Пирометаллургик жараёнлар. Пирометаллургик жараёнлар жараёнда қатнашаётган компонентларнинг ўзини тутиши ва уларни охирги натижаларига кўра уч гуруҳга: куйдириш, эритиш, дистилляция га бўлинади. Куйдириш – 500-1200 0 С ҳароратда қайта ишланаётган хом ашёни физик ва фазовий таркибини ўзгартириш мақсадида ўтказиладиган пирометаллургик жараён ҳисобланади. Куйдириб пиширишдан ташқари куйдириш жараёнлари қаттиқ фазали ҳисобланади. Рангли металлургияда кўпгина ҳолларда қўйидаги куйдириш турлари ишлатилади: 1. Калцинацияли (тоблаш) куйдири – у маълум ҳароратгача қиздириш йўли билан беқарор кимёвий бирикмаларни термик парчалаш (диссоциалаш) учун ишлатилади. Умумий ҳолда куйдиришни бу усули қўйидаги тенгликлар билан ифодаланади: Ме(ОН) 3 → Ме 2 О 3 + Н 2 О МеСО 3 → МеО + СО 2

2. Оксидлаб куйдириш – сулфидли руда ва бойитмаларга ишлов бериш, таркибидаги сулфидларни тўлиқ ёки қисман оксидларга айлантириш учун қўлланади: 2М eS + 3 O 2 = 2 MeO + 2 SO 2 Оксидлаб куйдиришнинг бошқа кўриниши сульфатли куйдириш ҳисобланади: MeS + 2 O 2 = MeSO 4 Оксидловчи жараёнларга сулфидли материалларни агломерацияли куйдириш ҳам таалуқли ҳисобланади. Куйдиришни бу тури бир вақтнинг ўзида оксидлаш билан бирга материални қовуштиришни назарда тутади. Қовуштириш совиш пайтида қийин эрийдиган майда бўлакларни оз миқдорда ҳосил бўлган суюқ фаза ёрдамида йирик ғовакли маҳсулотга – агломератга айлантириш ҳисобидан боради. 3) Хлорли куйдириш оксид ёки сулфидларни сувда эрувчан ёки учувчан хлоридларларга айлантириш учун ўтказилади. Рангли металлургияда кайтарувчи ва фторловчи куйдириш усуллари ҳам ўз ўрнини топмоқда. Эритиш – юқори ҳароратда, кўпчилик ҳолларда қайта ишланаётган материални тўлиқ эриши билан борадиган пирометаллургик жараён. Эритишнинг иккита усули мавжуд: рудали ва тозаловчи. Асосий кимёвий жараёнларни бориши бўйича рудали эритиш қўйидаги кўринишларга бўлининади: 1. Қайтарувчи эритиш – рудалардан металл олишнинг энг қадимги усули. Бу жараённинг бориши оксидли бирикмаларни углеродли қайтарувчилар билан қайтариб металл олиш ва кераксиз жинсни шлака ўтказишга асосланган. Умумий ҳолда эриш қўйидаги схема билан ифодаланади: ( МеО , SnO 2 , CaO, Fe 2 O 3 ) + C + O 2 , N 2 → Me + (SO 2 , CaO, FeO) + CO 2 , N 2 руда металл шлак газлар

Рангли металлургияда қайтариб эритиш қўрғошин ва қалай ишлаб чиқаришда қўлланилади . 2. Штейнга эритиш айрим оғир рангли металл рудаларини қайта ишлаганда, ажратиб олинаётган металлни штейн (сулфидлар аралашмаси) деб номланган яримтайёр маҳсулотга ўтказиш учун ишлатилади. Штейндан ташқари ўзида руда оксидлари ва флюсларни жамлаган, шлак олинади. Штейнга эритиш нейтрал, оксидлаб-қайтарувчи, оксидловчи муҳитда олиб борилиши мумкин. Оксидловчи шароитда эриш жараёни олиб борилганда темир сулфидининг бир қисми оксидланиши натижасида ва уни оксидларини шлакка ўтиши натижасида ажратиб олинаётган металл миқдори кўп бўлган штейн олинади. Бундай эритишни жамловчи эритиш ҳам деб аташади. Мис руда ва бойитмаларини штейнга эритиш қўйидаги схема бўйича боради: (CuFeS 2 , FeS 2 , SnO 2 , CaO) + (SиO 2 , CaO) + (O 2 ,N 2 ) → (Cu 2 S, FeS) + руда флюс ҳаво штейн (FeO, S и O 2 - руда ёки бойитма , СаО ) + (SO 2 , N 2 ) шлак газлар штейнга эритишнинг ҳамма кўриниши мис ва никел олишда кенг ишлатилади . 3. Қайта ишланаётган хом ашёни электролизёрда эритиш натижасида олинадиган оксид ёки хлорид эритмаларига ўзгармас ток таъсир қилганда ҳосил бўлган эриган тузларни электролиз қилиш . Эритмаларни электролиз қилиш қўйидаги схема бўйича ёзилади : Эритмани электролитик диссоциялаш МеО(МеС N 2 ) → Ме 2+ + О 2- (2С N ); Катодли жараён: Ме 2+ + 2е → Ме Анодли жараён: О 2- - 2е → О 2 ↑ ёки 2С N - - 2е → CN 2 ↑ Натижада катодда суюқ ёки қуюқ холда металл, анода эса газ ажралади.

Эриган тузларни электролиз қилиш жараёни деярли ҳамма металларни олиш учун қўлласа бўлади, бироқ бу усулнинг қимматлиги сабабли, бошқа эритиш усуллари ишлатиб бўлмайдиган пайтда қўлланилади. Эритмаларни электролиз қилиш усули алюминий, магний ва бошқа енгил ва ноёб металларни олишда ишлатилади. 4. Қийин қайтариладиган металлар олишда, металларга синувчанлик қобилияти берадиган углеродли қайтарувчилар ишлатилганда карбид Ме х С, ҳосил бўлиш мумкин бўлганда металлотермик эритиш ишлатилади. Бир қатор енгил ва ноёб металлар олишда металлотермик усулдан фойдаланилади. 5. Реакцияли эритиш қайта ишланаётган хом ашё таркибида бир вақтнинг ўзида сулфид ва оксидларнинг ўзаро таъсири натижасида металл олишга асосланган: 2МеО + Ме S → 3 Me + SO 2 . Реакцияли эритиш усули билан мис штейнларини конвертерлаш жараёнида қорамтир мис ва қўрғошин олинади. Тозаловчи эритиш олинган қорамтир металларни қўшимчалардан тозалаш мақсадида ўтказилади. Унинг асосида тозаланаётган металл ва қўшимча – элементнинг физик-кимёвий хоссаларининг фарқланиши ётади. Рангли металлургия амалиётида тозаловчи эритишнинг бир неча турлари учрайди. Кўпгина ҳолларда оксидловчи ва ликвацияли тозалаш усуллари қўлланилади. Оксидлаб (оловли) тозалаш усули, эритмага оксидлаб ишлов берилганда шлак таркибига асосий металлга қараганда кислород билан тез бирикадиган кераксиз қўшимчаларни ўтказишга асосланган. Бундай жараёнга мисол қилиб, мисни оловли тозалашни келтириш мумкин. Ликвацияли тозалаш бири тозаланаётган металл бўлган икки фаза ҳосил қилиш ва уни зичлиги (ликвация) бўйича бўлишга асосланган. Кераксиз қўшимчалар бу вақтда асосий металлда эримайдиган бошқа бир фазада жамланиши керак. Зичлигига боғлиқ ҳолда таркибида кераксиз қўшимчалар бўлган фаза юзага қалқиб чиқади ёки идиш тубига чўкади. Иккинчи фазанинг

ҳосил бўлишига сабаб, совутиш вақтида кераксиз қўшимчаларнинг тозаланаётган металлда эришининг пасайиши ҳисобланади. Ликвация вақтида фазалардан бири суюқ, иккинчиси эса қуюқ ёки қаттиқ бўлиши мумкин. Ликвацияли тозалаш усули қўрғошин металлургиясида кенг қўлланилади. Айрим металларни ўта тозалаганда зонали қаватда дурлаш – зонали тозалаш ва бошқа усуллардан фойдаланилади. Дистилляция – қайта ишланаётган металл компонентларини уларнинг учувчанлигига боғлиқ ҳолда қайнаш ҳароратидан бироз юқори ҳароратда буғлатиш (ҳайдаш) имконини берадиган жараён. Дистилляцияли жараёнлар рудали хом ашёни, шунингдек, металларни тозалашда тез учувчан қўшимчаларни ажратиш ёки метали қотишмаларни ажратишда ишлатилиши мумкин. Тозалаш мақсадида ўтказиладиган дистиляция ректификация дейилади. Дистилляция жараёнлар яқин вақтгача рух металлургиясида кенг қўлланиларди ва ҳозирда бир қатор ноёб ва енгил металлар олишда фойдаланилмоқда. Гидрометаллургик жараёнлар. Гидрометаллургик жараёнлар саноатда кўпгина рангли металлар ишлаб чиқаришда кенг қўлланилмоқда. Улар нисбатан паст (300 0 С дан юқори бўлмаган) ҳароратда суюқ, кўп ҳолларда сувли муҳитда ўтказилади. Гидрометаллургик жараёнларнинг асосий кўринишлари танлаб эритиш жараёни, эритмаларни кераксиз қўшимчалардан тозалаш ва эритмалардан металларни чўктириш ҳисобланади. Танлаб эритиш – қайта ишланаётган материалга кўп ҳолларда газсимон реагент – кислород, водород ва бошқалар иштирокида эритувчи таъсир эттириб, ажратиб олинаётган компонентни эритмага ўтказиш (эритиш) жараёнидир. Танлаб эритиш натижасида кераксиз қўшимчалар билан ифлосланган ажратиб олинаётган металл эритмаси ва асосан кераксиз жинс компонентлари ҳамда қийин қайтариладиган бирикмалардан иборат эримаган қолдиқ (кек) олинади.

Эритувчи сифатида сув, кислота, ишқор ёки туз эритмалари ишлатилади. Эритувчи арзон, қайта ишланаётган материалга нисбатан яхши таъсир киладиган, технологик жараён бораётганда қайта тикланиш имконига эга бўлиши керак. Эритмаларни кераксиз қўшимчалардан тозалашдан мақсад эритмалардан чўктириш вақтида ажратиб олинаётган металлга қўшимчаларни тушмаслиги ёки чўктириш жараёнига салбий таъсирни олдини олиш ҳисобланади. Танлаб эритиш эритмаларини кераксиз қўшимчалардан тозалаш учун кимёвий бирикмалар кўринишида ноорганик ва органик реагентлар ёрдамида чўктириш, гидролиз, дурлаш ёки цементация усуллари ишлатилади. Дурлаш вақтида эритмани тўйиниши мисол учун, ундан сув буғлатиб чиқарилиши натижасида кераксиз қўшимча чўкма кўринишида чўкади. Цементация усулида чўктириш эритмадан бир металлни унга нисбатан фаол бўлган металл билан сиқиб чиқаришга асосланган. Цементация усулида тозалашга сульфатли эритма таркибидан мисни рух ёки никель билан сиқиб чиқариш усули мисол бўла олади: CuSO 4 + Me → Cu + MeSO 4 Эритмалардан металларни эркин ҳолда чўктириш сувли эритмаларни электролиз, чўктириш ёки босим остида ёки кимёвий бирикмалар кўринишида газсимон қайтарувчилар ёрдамида амалга ошириш мумкин. Рангли металлар гидрометаллургиясида (айниқса ноёб ва нодир металлар металлургиясида) сорбция ва экстракция жараёнлари кенг қўлланилмоқда. Бу жараёнларни қўллашдан мақсад қўйидаги масалаларни ечиш ҳисобланади: - танлаб эритишда олинган эритмадан қимматли метални таркиби бўйича кейинги қайта ишлаш жараёнларига қулай бўлган бошқа эритмага ўтказиш; - суюлтирилган эритма ва бўтанадан металлни жамлаб олиш; - эритмалардан металлни самарали ажратиб олиш ва уни кераксиз қўшимчалардан тозалаш;

- сорбция билан бирлаштирилган танлаб эритиш. Ионалмашинув жараёнлари айрим қаттиқ бирикмаларни (ионитлар) эритмалар билан таъсирлашуви натижасида эритмадан ион ютиб олиш ва ионит таркибидан ўшандай зарядли ва ўшанча миқдордаги ионларни алмашишга асосланган. Ионит сифатида кўпинча юқори сиғимли, кимёвий барқарор, механик мустаҳкамликка эга, юқори молекулярли синтетик бирикмалар (смолалар) ишлатилади. Экстракция деб эриган металл кимёвий бирикмаларини сувли фазадан, сув билан аралашмайдиган бошқа суюқ органик фазага ўтказиш жараёнига айтилади. Экстрагент сифатида органик кислота ва уларнинг тузлари, амин ва аминли ишқорларни тузлари, спиртлар, эфирлар ишлатилади.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й.

O'xshashlar

Металлургик печлар

Металлургик ёқилғилар

Металларни таснифланиши ва техникада ишлатилиши

Металлургик ишлаб чиқариш маҳсулотлари ва ярим маҳсулотлари

Хом ашё материалларини металлургик қайта ишлашга тайёрлаш