Металл кесиш станокларининг типавий деталлари ва механизмлари1 - Materialshunoslik - Referatlar

Металл кесиш станокларининг типавий деталлари ва механизмлари1

Yuklangan vaqt:

20.09.2019

Ko'chirishlar soni:

0

Hajmi:

40 KB

Ko'chirib olish

Металл кесиш станокларининг типавий деталлари ва механизмлари Режа: 1.Кривошип-шатунли ва кулисали механизмлар. 2.Станок механизмларини фойдали иш коэффицентлари. 3. Станокларнинг юритмалари.

Дарснинг мақсади: - Станокнинг типавий деталлари ва механизмлари ҳақида маълумот бериш. Кривошип-шатунли ва кулисали механизмлар – бу механизм айланма ҳаракатни узатиш билан бирга уни ўзгартириши мумкин.Тикув машинасининг кривошип-шатунли механизми илгариланма –қайтма ҳаракатни айланма ҳаракатга айлантиради.Айланма ҳаракатни илгариланма – қайтма ҳаракатга айлантиришга металл қирқадиган арранинг механик усулда ишлаши яққол мисол бўлади.Бунда арранинг механизми қўзғалмас асосга маҳкамланган.Вал айланма ҳаракатни электр двигателдан олади ва шатунга узатади, бу ҳаракат илгарилама-қайтма ҳаракатга айланиб, ползунга ўтади. Станок механизмларини фойдали иш коэффицентлари - Станок юритмасининг фойдали иш коэффициенти (ф. и. к.) деталь ишлаш учун зарур бўлган кесиш эффектив қувватининг белгиланган иш режимида станок оладиган умумий қувватга нисбати билан аниқланади: Ф.И.К. катталиги фойдали нагрузкага айланиш частотаси, юритманинг кинематикавий схемаси, юритма элементларининг конструкцияси ва тайёрланиш сифатига боғлиқ бўлади. Станок-нинг ижро этувчи механизмлари, кўпинча, электрик двигателдан узатиш механизми оралиқ звенолари ёрдамида ҳаракатга келтирилгани учун станокнинг Ф.И. К. станокнинг оралиқ звенолари Ф.И.К. га боғлиқ бўлади. Бош ҳаракати айланма ҳаракатдан иборат бўлган станоклар учун бир двигателли юритма бўлганда станокнингФ.И.К. 0,75 — 0,85 атрофида бўлади. Айрим кинематикавий занжирларнинг Ф.И.К. қиймати оралиқ кинематикавий жуфтлар Ф.И.К. лари кўпайтмасига тенг бўлади. Тўла қувват узатиладиган ҳолларда узатма юритмасининг Ф.И. К ана шу йўл билан ҳисоблаб топилади. Узатманинг бутун юритмаси қандай диапазондаги қувватлар учун ҳисобланса, айрим кине-матикавий жуфтларнинг Ф.И.К. ҳам шундай диапазондаги қувватлар учун ҳисобланади. Юритма Ф.И.К.

нинг қиймати узатманинг айланиш частотасига боғлиқ бўлади. Узатманинг айланиш частотаси оширилганда Ф.И.К. одатда, дастлаб ортади, шундан кейин эса пасая бошлайди. Бунинг сабаби шуки, тезлик ортганда ишқаланишга сарф бўладиган қувват ортади, узатмаларда зарблар, титрашлар ҳосил бўлиши, деформация ортиши мумкин ва хоказо. Бунда Ф.И.К. ни экспериментал йўл билан ёки эмпирик формулалар ёрдамида аниқлаш мум-кин. Станок юритмасининг Ф.И.К.ни оширишнинг асосий воситаси узатманинг мойланишини яхшилаш, аниқ узатмалар ишлатиш, кинематикавий занжирлар узунлигини камайтириш ва бошқалардир. Станокларда суришлар занжири Ф.И.коэффициентининг қиймати (бош ҳаракат ва суриш ҳаракати юритмаси умумий электрик двигателдан ҳаракат оладиган ҳолларда) муҳим аҳамиятга эга бўлмайди. Бунинг сабаби шуки, суриш ҳаракатига сарф бўладиган қувват бош ҳаракат юритмасига сарф бўладиган қувватга қараганда катта бўлмай, универсал станокларда 2 — 3% ни ташкил этади. СТАНОКЛАРНИНГ ЮРИТМАЛАРИ - Станокнинг ижро этувчи звеноларининг ҳаракатга келтирувчи механизмлар мажмуаси юритма деб аталади. Юритмага ҳаракат манбаи ҳам киради. Юритма станок ижро этувчи звенолар ҳаракатининг тезлигини ростлашга имкон бериши керак. Станокларнинг юритмалари поғанали ва поғанасиз юритмаларга бўлинади. Поғонали юритмалар шкивлари бўлган юритмалар, шестерня бўлган юритмалар ва кўп тезликли асинхрон элктрик даигателлар тарзидаги юритмалар киради. Юқорида келтирилган механизмлар комбинациясидан иборат поғонали юритмалар ҳам бўлиши мумкин. Поғонасиз юритмалар жумласига механикавий вариаторли юритмаларни, айланиш частотаси ростланадиган ўзгармас ток электрик двигателлари, гидравликавий юритмалар ва айланиш частотаси ростланадиган ўзгармас ток электрик двигателидан ё поғонали тезликлар

қутиси бор вариаторли юритма ёки, аксинча, кўп тезликли ўзгарувчан ток асинхрон электрик двигатели билан механикавий вариатордан иборат комбинацияланган юритмаларни киритиш мумкин. Ҳозирги замон металл кесиш станокларида индивидуал (айрим ҳаракат манбаидан ишлайдиган) юритмалар бўлади. Станокларда ҳаракат манбаи сифатида, одатда, электрик двигатель ишлатилади. Электрик двигатель станокнинг ёнига, ичига), устига ўрнатилган бўлиши ёки станокнинг олдинги бабкаси ичига жойлашган бўлиши мумкин ва ҳоказо. Айрим станокларда бош ҳаракат юритмаси, суриш ҳаракатлари, ботириш ҳаракати, ёрдамчи ҳаракатлар ва бошқа ҳаракатлар учун айрим двигателлар ишлатилади.Шестерняли тезликлар қутиси бўлган юритмалар ҳозирги вақтда металл кесиш станокларида бош ҳаракат юритмасининг энг кўп тарқалган типидир. Унинг афзаллиги ихчамлиги, бошқарилиши қулайлиги ва пухта ишлашидадир. Шестерняли тезликлар қутиси бўлган юритмаларнинг камчилиги шундан иборатки, уларда тезликни поғонасиз ростлаб бўлмайди, шунингдек, ростлашнинг кенг диапазонида айланиш частоталари юқори бўлганда уларнинг Ф.И.К.нисбатан паст бўлади.Тезликлар қутисининг жуда кўп хил конструкциялари мавжуд, аммо уларнинг ҳаммаси ҳам айрим типавий механизмлар бирикмасидан иборат. Тезликлар қутиси тезликларни қайта улаш усули ва компановкаси жиҳатидан бир-биридан фарқ қилади.Тезликларни қайта улаш усули жиҳатидан олганда тезликлар қутиси суриладиган (сирпанувчи) шестерняли, кулачокли муфтали, фрикцион муфтали, электромагнитавий муфтали, комбинацияланган тарзда қайта уланадиган ва алмаштириладиган шестерняли бўлади. Тезликлар қутиларида, тезликларни қайта улашнинг бирор усулининг қўлланилиши станокнинг вазифасига, қайта улаш такрорлигига ва иш юришларининг давом этиш вақтига боғлиқ.Сурилма шестернялар блоки бор узатмаларнинг афзаллиги шундаки, улар радиал ўлчамлари унча

катта бўлмагани ҳолда катта буровчи момент узата олади. Бундан ташқари, бу тезликлар қутисида шпинделга қувват узатувчи шестерняларгина илашишда бўлади. Одатда, сурилма блокларда тўғри тишли ғилдираклардан фойдаланилади. ПОҒОНАСИЗ ЮРИТМАЛАР - Поғонасиз юритмалар шпинделнинг айланиш частотасини ёки суриш қийматини бир текис ва узлуксиз ўзгартириш учун ишлатилади. Улар турли деталлар ишлашда кесишнинг ва суришнинг энг маъқул тезликларини ҳосил қилишга имкон беради. Бундан ташқари, бундай юритмалар станок ишлаб турган вақтда уни тўхтатмай туриб, бош ҳаракат ёки суриш ҳаракати йўналишини ўзгартиришга имкон беради. Станокларда бош ҳаракат ва суриш ҳаракати тезликларини погонасиз ростлашнинг қуйидаги усуллари қўл-ланилади: Электрик ростлаш усули ; бу усул электрик двигатель айланиш частотасини ўзгартириш йўли билан ростлашдан иборат, электрик двигатель эса станокнинг тегишли занжирини ҳаракатга келтиради. Гидравликавий ростлаш усули ; бу усул, асосан, тўғри чизиғий тезликларни (рандалаш, ўйиш, протяжкалаш станокларида),жуда камчилик ҳолларда эса айланма ҳаракат тезликларини ростлашда қўлланилади Механикавий вариаторлар ёрдами билан ростлаш . Станокларда ишлатиладиган механикавий вариаторларнинг кўп ч илиги фрикцион вариаторлардир. Қуйида станокларда фойдаланиладиган баъзи механикавий вариаторларнинг тавсифи келтириб ўтилади. Пешонавий (лобовой) вариатор кичик етакчи ролик дискга нисбатан сурилганда дискнинг иш радиуси ва бинобарин, етакчи ва етакланувчи валлар орасидаги узатиш нисбати ўзгаради. Керилувчи конуслари бор юритма ; бу юритма қуйидагича ишлайди. Валдаги шкивдан иккита етакчи конус айланма ҳаракат олади. Валда диаметрлари етакчи конусларнинг диаметрларига тенг иккита

етакланувчи конус бор. Валларнинг биридан иккинчисига ҳаракат ички томонида ёғоч қўймалар бўлган понасимон тасма воситасида ёки тегишли профилдаги кенг тасма воситасида узатилади. Вал II нинг айланиш частотасини О ва О нуқталар атрофида бурилувчи ричаглар ёрдамида ўзгартириш учун валдаги ана шу керилувчи конуслар бир- бирига яқинлаштирилади ёки керилади, шунга яраша валдаги конуслар ҳам шу даража керилади ёки бир-бирига яқинлашади. Ричаглар ўнақай ва чапақай резьбали винт орқали чамбарак воситасида бурилади. ЦНИИТМАШ системасидаги торавий вариатор 1М620 токарлик станогида бош ҳаракат юритмаси учун ишлатилади. Вариаторнинг узатиш нисбати роликларни қиялатиш йўли билан ўзгартирилади, роликлар бурилганда роликлар-нинг етакчи ва етакланувчи фрикцион косаларга уриниш радиуслари ўзгаради.

O'xshashlar

Металл кесиш станокларини сонли дастур билан бошкариш

Гидропроводлар ва станокларни гидропроводларини бошқариш аппаратлари

Кесиш назарияси ва асбоблар

Металларни механик ишлаш тўғрисида маълумот

Йўнишдаги ва рандалашдаги кесиш кучлари кесиш кучига таъсир этувчи шарт шароитлар