logo
  1. Bosh sahifa
  2. Referatlar
  3. Materialshunoslik
  4. Материаллар қаршилиги

Материаллар қаршилиги

Yuklangan vaqt:

20.09.2019

Ko'chirishlar soni:

0

Hajmi:

39.6328125 KB
Ko'chirib olish
Материаллар қаршилиги Режа: 1. Материаллар қаршилиги фани, унинг мақсади ва вазифалари. 2. Фаннинг умумтаълим, умуммухандислик фанлари билан боғликлиги. 3. Қисқача ривожланиш тарихи. 4. Деформацияланувчи қаттиқ жисм учун қабул қилинган асосий гипотезалар ва йўл кўйишлар. Материаллар қаршилиги фани иншоотлар ва машиналар элементларида ташқи кучлар таъсирдан хосил бўладиган ички кучларни, деформацияларни аниқлаш, кучланганлик холатларини текширишни хамда уларни мустахкамлика, бикрликка ва устиворликка хисоблаш усулларини урагатади. Иншоот ва машиналарни эксплуатация даврида нормал ишлашини таъминлаш учун уларнинг конструкция элементлари зарурий мустахкамлик, бикрлик ва устиворлик шартларини каноатлантириши зарур. Мустахкамлик деб конструкция ва унинг элементларини бузилмасдан маълум юкларни кўтариб туриш кобилиятига айтилади. Бикрлик деганда конструкция ва унинг элементларини ташқи кучлар таъсиридан деформацияланишга қаршилик кўрсатиш кобилияти тушунилади. Эксплуатация даврида конструкциялар ва уларнинг айрим элементлари ташқи кучлар таъсиридан катта деформациялар хосил килмаслиги керак. Устиворлик деб конструкция ва унинг элементларининг ташқи кучлар таъсиридан маълум эластик мувозанатни бошланғич формасини сақлаш қобилиятига айтилади. Материаллар қаршилиги фанини ўқитишдан мақсад талабаларга эксплуатация даврида иншоот ва машина конструкциялари элементларида ташқи кучлар таъсирида хосил бўладиган ички кучларни аниқлаш усулларини ўргатишдан, хамда уларда дастлабки мухандислик хисоб- лойиха ишларини бажариш бўйича кўникмалар хосил қилишдир. Материаллар қаршилиги фанининг вазифаси бино, иншоотлар ва машиналар элементларида хосил бўладиган кучланганлик холатини ва деформацияланишни мухандисона тахлил қилишни, конструкция учун хисобий схема танлашни уларнинг кўндаланг кесимларидаги ички кучларни аниқлаш учун керакли усулларни қўллай олишни, конструкция материалларининг физик - механик характеристикаларини аниқлаш усулларини талабаларга ургатишдан иборатдир. Материаллар қаршилиги фани умумтаълим фанлари бўлган физика, олий математика, назарий механика фанларига асосланиб, ўзининг хисоблаш усулларини яратади. Мухандисларни шакллантиришда асосий роль ўйнайдиган умуммухандислик фанларини ўрганишда материаллар қаршилиги фани асос бўлиб хизмат қилади. Қурилиш механикаси, қурилиш конструкциялари, иншоотлар зилзилабардошлиги, грунтлар механикаси, асос ва пойдеворлар фанларини урганишда материаллар қаршилиги фани қонунлари, хисоб формулалари асосида бутун яхлит иншоотларни хисоблаш усуллари ишлаб чикилади ва бевосита амалиет масалаларини ечишга тадбик этилади. Материаллар қаршилиги хақидаги дастлабки назарий ишлар ХУ11 асрда машхур италъян олими Галилео Галилей томонидан бажарилди. Галилейнинг баъзи назарий фикрлари хато бўлиб чикди. Масалан, у кўндаланг кесим юзаси Тўғри туртбурчакдан иборат бруснинг эгилишига қаршилиги кесим юзасининг баландлиги квадратига пропорционал эканлигини Тўғри аниқлаган бўлса хам, пропорционаллик коэффициентини нотўғри хисоблаган. 1676 йили Р.Гук чўзилишда куч билан ўзайиш орасидаги пропорционал боғланишни аниқлади; Бу боғланиш Гук қонуни номи билан машхур бўлиб, материаллар қаршилигида жуда мухим ахамиятга эга. Россияда материаллар қаршилиги фанига XVIII асрдан бошлаб асос солинди, Х1Хасрда эса рус олимларидан Д.И.Журавский, Г.С.Головин, Ф.С.Ясинский,А.В.Гадолин ва бошқаларнинг қилган ишлари жахонга машхур бўлди. ХХ асрнинг бошларида И.Г.Бубнов, Б.Г.Галеркин, А.Н.Крилов, С.П.Тимошенко, П.Ф.Папкович каби олимларнинг ишлари материаллар қаршилиги фанининг ривожланишига салмокли хисса кўшди. Совет олимларидан Н.М.Беляев, М.М.Филоненко-Бородич, В.А.Гастев, А.А.Ил p юшин, В.В.Соколовский, В.З.Власов ва бошкалар материаллар қаршилигининг айрим бўлимларидан мустакил фанлар яратдилар. Материаллар қаршилиги фанини ривожланишига ўзбек олимлари Х.А.Рахматуллин, М.Т.Уразбоев ва бошқалар катта хисса қўшдилар. Хар бир жисмда унга қўйилган кучлар таъсиридан унинг зарраларининг ўзаро жойлашуви ўзгаради, аммо унинг таркибидаги моддаларнинг умумий микдори ўзгармаганлиги туфайли унинг массаси ўзгармайди. Бундай холда жисм деформацияланди дейилади. Масалан, брус чўзилганида унинг узунлиги, эгилишда эса шакли, кўндаланг кесими доиравий бўлган валнинг буралишида - хажм улчамлари ва шакли ўзгармаса хам элементар зарраларнинг ўзаро жойлашиши ўзгаради. Деформация деганда, одатда, жисм улчамлари ва шаклининг ўзгаришига олиб келувчи жисм зарралари ўзаро жойлашиш холатининг ўзгариши тушунилади. Жисмларнинг куч остида деформацияланиб, куч таъсири йўқотилгач, ўзининг дастлабки холатига қайтиш хоссаси эластиклик дейилади. Куч олиниши билан деформацияни йўқоладиган кисми эластик деформация деб, йўколмай коладиган қисми эса қолдик деформация деб аталади. Колдик деформацияларнинг пайдо бўлиши жисмнинг пластиклиги билан боғликдир. Баъзи материалларнинг эластик хоссалари барча йўналишларда бир хил бўлади. Бундай жисмлар изотроп жисмлар деб аталади. Эластиклик хоссалари барча йўналишларда бир хил бўлмаган материаллар анизотроп материаллар дейилади. Материаллар қаршилиги фанини хисоблаш назариясини яратишда реал материалларнинг барча хоссаларини хисобга олиб бўлмайди, шунинг учун қатор фаразлар (гипотезалар) кабўл қилинади. хар гал хисоблаш формулаларини келтириб чикаришда қабул килинган фаразлар тушунтирилиб, асослаб берилади. Бу фаразларни кўриб утамиз: - материал жисм яхлит (говаксиз) деб хисобланади; - жисм материали бир жинсли ва изотроп деб олинади. Материал хар бир нуқтада, хар бир йўналишда бир хил хусусиятга эга деб хисобланади; - жисм юкланишидан олдин унда бошлангич зурикиш кучлари бўлмайди деб фараз килинади; - кучлар таъсирининг мустакиллик принципидан фойдаланилади, бу принципнинг мохияти кўйидагича: салкилик еки реакция кучининг бир неча куч таъсирида хосил бўладиган киймати хар кайси куч таъсирида хосил бўладиган кийматлар йигиндисига тенгдир; Сен-Венан принципи. Жисмга қўйилган кучнинг таъсир нуқтасидан етарлича узоқда жойлашган нуқталарида хосил бўладиган ички кучлар характери ташқи кучнинг таъсир характерига боғлик бўлмайди. Бу принцип асосида жисмга у қадар катта бўлмаган юзачаларда таксимланган кучлар шу кучларнинг тенг таъсир этувчисини ифодаловчи битта тупланган куч билан алмаштирилиши мумкин, бунинг натижасида хисоблаш иши осонлашади. Деформация кичиклиги принципи. Бунда деформация жисмнинг улчамларига нисбатан жуда кичик деб фараз килинади. Деформация натижасида куч кўйилган нуқталарнинг жисмнинг бирор нуқтасига нисбатан масофасини ўзгаришини хисобга олмаслик мумкин. Бу ўз навбатида материаллар қаршилиги фанида ички ва ташқи кучларни аниқлашда назарий механиканинг мувозанат тенгламаларидан фойдаланиш имкониятини беради. Иншоотларни хисоблаш учун аввало хисоб схемаси тўзилади, сунгра хисоблаш схемаси бўйича барча зарур хисоблашлар бажарилади. Хисоблаш схемаларида стерженлар схематик равишда идеаллаштирилган таянчлар билан бирга битта ўқ чизик кўринишида тасвирланади. Хисоб схемаларини тузишда конструкциянинг хакикий иш шароитидан баъзи чекинишларга рухсат этилади. Масалан: балка учларини махкамловчи шарнирларда ишкаланиш хисобга олинмайди, ташқи юклар эса стержен (балка) ўқига кўйилган деб хисобланади. Хисоблаш схемаларини тузишда назарий механиканинг баъзи коидаларидан фойдаланиб бўлмайди. Масалан: кучларни уларни таъсир чизиги бўйлаб бир нуқтадан иккинчи нуқтага кучириб бўлмайди, кучлар системасини уларнинг тенг таъсир этувчиси билан алмаштириб бўлмайди. Инженерлик практикасида учрайдиган конструкция турлари хилма хил бўлиб, улар, анчагина мураккабдир. Уларнинг элементлари геометрик нуктаи назаридан кўйидаги турларга бўлинади: a .Брус (стержен) - кўндаланг кесим улчамлари узунлик улчамига нисбатан жуда кичик бўлган элементга айтилади. b .Пластинка (плита) - калинлигига нисбатан колган икки улчамлари катта бўлган текис кесим сирт билан уралган жисмга айтилади. c . Кобик - калинлиги колган икки ўлчамига нисбатан жуда кичик бўлган, эгри сирт билан уралган жисмга айтилади. d . Массив - учта улчами бир хил тартибда бўлган жисмларга айтилади. 6. Айрим олинган элементларни бир-бири билан бириктириш натижасида иншоот конструкциялар хосил килинади. Масалан: Стерженларни бир-бири билан шарнирлар ердамида бириктиришдан хосил бўлган системага ферма деб айтилади. Шарнирлар чўзилиш ва сиқилиш кучларини бир стержендан иккинчиси ўтқазиб беради. Шарнирлар буралишга қаршилик кўрсатмайди. Стерженлар бир-бири билан бикр килиб богланиши мумкин. Бундай богланишлар чўзилиш, сиқилиш ва буралишга қаршилик кўрсатади. Бунга мисол килиб рамани кўрсатиш мумкин. Одатда эгилишга ишловчи стерженлар балкалар деб юритилади. Балка ташқи кучни қабóл қилиб уни асосга ўзатиши учун асосга таянч богланишлари билан бирлаштирилган бўлиши керак. Амалда уч хил кўринишдаги таянч богланишларидан фойдаланилади. Шарнирли кўзгалувчан таянч. Ушбу таянч вертикал йўналишда балка харакатини чеклайди. Балкани горизонтал харакатини ва С шарнир атрофида айланишини чекламайди.Уни хисоблаш схемасида тасвирланиши 4-расмда кўрсатилган. Бундай таянчда факат таянч богланиши бўйлаб йўналган реакция кучи хосил бўлади. Шарнирли қўзғалмас таянч. Бу таянч балкани факат шарнир атрофида айланишига имкон беради. Горизонтал ва вертикал йўналишларда балкани харакат қилишига йул кўймайди. Ташқи қучлар таъсиридан бундай таянчда таянч реакциясининг иккита ташқил этувчиси хосил бўлади. (5-расм) 3. Қистириб махкамланган таянч. Бундай таянч унга туташган балка кесимининг айланишига хамда икки йўналишда кучишига йўл қўймайди. Бундай таянчнинг схематик кўринишини 6-расмда кўрсатилган. Қистириб махкамланган таянчдаги реакция кучлари вертикал R , горизонтал p H кучлардан ва реактив момент M дан ташкил топади. Фойдаланилган адабиётлар: 1. Урозбоев “Материаллар қаршилиги кўрси”, Тошкент: “Ўқитувчи”, 1979, 510 б. 1. А.Ф.Смирнов тахрири остида “Материаллар қаршилиги”, Тошкент: “Ўқитувчи”, 1988, 464 б. 1. В.М.Феодосев “Сопротивление материалов”, М.1979. 1. В.И.Самул “Основ теории упругости и пластичности”, М., 1982. 1. Н.М.Беляев ва бошкалар “Материаллар қаршилигидан масалалар туплами” Тошкент, “Ўзбекистон”, 1993 й.

O'xshashlar

Нометалл материаллар
Ёғоч материаллар
Композицион материаллар Конструкциялашга мўлжаланган толали композицион материаллар
Материаллар аралаштирувчи машиналар
Ўтга чидамли материаллар