Конвертерлаш жараёни асослари - Materialshunoslik - Referatlar

Конвертерлаш жараёни асослари

Yuklangan vaqt:

20.09.2019

Ko'chirishlar soni:

0

Hajmi:

39 KB

Ko'chirib olish

К онвертерлаш жараёни асослари Режа: 1. Конвертерлаш жараёни маҳсулотлари. 2. Конвертер печларини тузилиши ва ишлаш принципи. 3. Конвертерлаш жараёни кимёси.

Қўлланилаётган эритиш жараёнига боғлиқ ҳолда, дастлабки рудали хом ашё таркибидаги мис миқдори 10-12% дан 70-75% гача бўлган мис штейнлари конвертерлаш жараёни билан қайта ишланади. Конвертерлашга штейндан ташқари, эритма ёки қаттиқ ҳолда мисга бой қайтарилган маҳсулотлар, кварцли флюс ва бошқа маҳсулотлар юборилади. Мис штейнлари асосан мис ва темир сулфидларидан иборат бўлади. Конвертерлаш жараёнининг асосий мақсади – темир, олтингугурт ва бошқа айрим йўлдош компонентларни оксидланиши ҳисобига қорамтир мис олишдир. Нодир металлар деярли тўлиқ қорамтир металлда қолади. Кўпгина реакциялар экзотермик бўлганлиги сабабли конвертерлаш ёқилғи талаб этмайди, яъни конвертерлаш автоген жараён ҳисобланади. Мис штейнларини конвертерлаш икки босқичдан иборат. Биринчи босқич – сулфидли массани тўплаш. Унинг асосида темир сулфидларининг оксидланиш жараёни ва бунинг натижасида ҳосил бўлган оксидларни шлакка ўтказиш ётади. Биринчи босқичда темир сулфидларининг оксидланишига сабаб, темир мисга қараганда кислород билан тез таъсирлашади. Одатда мис штейнларини конвертерлаш 1200-1280 0 С ҳароратда олиб борилади. Жараённинг паст ҳароратда олиб борилиши эритмага FeO нинг қайта оксидланиши натижасида ҳосил бўлган магнетит билан тўйинишига олиб келади. Ўта юқори ҳароратда олиб бориш эса конвертернинг ҳимоя қатлами тез бузилишига олиб келади. Конвертер шлакларида мис миқдори одатда 1,5- 2,0% бўлади. конвертер шлакларида мис миқдори кўп бўлганлиги сабабли, улар жараёнга қайтарилади ёки алоҳида қайта ишлашга юборилади. Конвертерлаш жараёнининг биринчи босқичи циклик характерга эга. Ҳар бир цикл мисли суюқ штейн юклаш, кварцли флюс юклаш, эритмага ҳаво пуркаш, конвертерлаш шлакини чиқариш каби операциялардан иборат. Ҳар бир циклнинг давомийлиги 30-50 минут бўлиб, дастлабки штейннинг таркибига боғлиқ ҳолда давом этади. Ҳар бир ҳаво пуркаш операциясидан сўнг, конвертерда мис билан бойиган сулфидли маҳсулот қолади. Маҳсулот таркибида мис миқдори тоза мис сулфиди миқдори талабигача ошириб

борилади. Ҳар бир босқич давомийлиги, штейндаги мис миқдоридан ташқари, конвертер ҳолати ва ўлчамлари, ишни ташкил этишга боғлиқ ҳолда берилаётган ҳаво миқдори билан ҳам аниқланади. Бутун вақтнинг 70-80 фоизи конвертерга ҳаво бериш учун сарфланади. Қолган вақт эса шлакни тўкиш ва конвертерга юклаш учун кетади. Биринчи босқич тугаши ва шлакнинг охирги порцияси чиқариб юборилгандан сўнг, конвертерда деярли тоза мис сулфиди – оқ штейн (70-80% Cu ) қолади. Иккинчи босқич – оқ штейндан қорамтир мис олиш 2-3 соат давомида конвертерга узлуксиз равишда ҳаво бериш билан амалга оширилади. Жараённинг иккинчи босқичи қўйидаги реакция орқали ифодаланади: Cu 2 S + O 2 → 2 Cu + SO 2 Штейнни конвертерлаш учун горизонтал конвертерлардан фойдаланилади. Конвертер қувурсимон темир идиш бўлиб, у ички қисмидан хромомагнезитли ғишт билан қопланади. Конвертерга хизмат кўрсатиш корпуснинг марказида жойлашган туйнук орқали амалга оширилади. Конвертерлаш жараёнининг давомийлиги конвертерга пуркалаётган ҳаво ҳажмига боғлиқ бўлиб, унинг сарфи ўз навбатида фурмаларнинг ўлчами яъни фурма сони ва уларнинг диаметрига боғлиқ. Замонавий мис саноатида сиғими мис бўйича 40, 75, 100 тоннали, узунлиги 6-12 м, диаметри 3-4 м, фурмалар сони 32-62 тали конвертерлар ишлатилади. Горизонтал конвертерлар – даврий равишда ишлайдиган қурилмалар ҳисобланади. Конвертернинг асосий ишчи ҳолатлари горизонтал ўқ атрофида айланиш бурчагига боғлиқ ҳолда бўлиб у штейн юклаш, штейнни шамоллатиш, шлакни чиқариш, қорамтир мисни чиқариш кабилардан иборат. Штейнни шамоллатишда (продувка) ҳосил бўлган газлар туйнук орқали маҳкамланган конвертер устида жойлашган чанг тўплагичга, кейинчалик газ чиқариб юбориш системасига узатилади. Таркибида 4-4,5% SO 2 бўлган конвертерлаш жараёни газлари сульфат кислота ишлаб чиқариш учун ишлатилади.

Қорамтир мис таркибида мис ва унга йўлдош элементларнинг электр, механик ва бошқа хусусиятларни ёмонлаштирувчи қўшимчалар борлиги сабабли у истеъмолчилар томонидан тўғридан-тўғри ишлатилмайди. Ҳамма қорамтир мислар албатта тозаланиши лозим. Қорамтир мис иқтисодий самара олиш учун икки босқичда ўтказилади. Дастлаб мис бир қанча қўшимчалардан оловли тозалаш усули билан, сўнгра эса электр усули билан тозаланади.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й. 8.Arxiv.uz

O'xshashlar

Домна жараёни

Автоген жараёнлари асослари

Қиринди ҳосил бўлиш жараёни

Нодир металларни синиллаб эритиш жараёни кинетикаси

Оксидлаб куйдириш асослари