Хом ашёни гидрометаллургик қайта ишлаш усуллари - Materialshunoslik - Referatlar

Хом ашёни гидрометаллургик қайта ишлаш усуллари

Yuklangan vaqt:

20.09.2019

Ko'chirishlar soni:

0

Hajmi:

48.5 KB

Ko'chirib olish

Х ом ашёни гидрометаллургик қайта ишлаш усуллари Режа: 1. Гидрометаллургик усулда қайта ишлашнинг пирометаллургик қайта ишлашга нисбатан афзаллиги. 2. Металл таркибли маҳсулотларни танлаб эритиш ва экстракциялаш.

Ҳозирги кунда олтин саралаш фабрикаларида олтин таркибли рудаларни қайта ишлашда руданинг хусусияти, уларнинг кимёвий ва минералогик таркиби, нодир металларни шакли ва корхонанинг техник-иқтисодий ишлаш шароитига боғлиқ ҳолда, ўзида бойитиш, гидрометаллургик, пирометаллургик жараёнларни мужассамлаштирган технологик схемалар қўлланилмоқда. Руда ва бойитмалардан майда олтинни ажратиб олиш учун кўпинча гидрометаллургик жараён – аралаштириш ёки сиздириб ўтказиб цианлаш ишлатилади. Замонавий корхоналарда бўтаналардан олтин ва кумушни танлаб эритиш учун аралаштириб цианлаш ва кейинчалик циан олтин таркибли эритмадан цементация усули билан металл ажратиб олиш қўлланилмоқда. Бўтаналарни анъанавий фильтрация – декантация усулида цианлаш жараёни бир қатор камчиликларга эга:  айрим хом ашё турларидан, мисол учун, таркибида табиий сорбентлар (металларнинг айрим оксид ва сулфидлари) бўлган рудалардан, олтин ва кумушни тўлиқ ажратиб олинмаслиги;  қийин фильтрланадиган ва қуюлтириладиган рудаларни қайта ишлашнинг қийинлиги;  фильтрация қурилмаларини ишлатишнинг қимматлиги ва кўп энергия сарфлаши;  катта ишлаб чиқариш майдонини талаб қиладиган фильтрация – қуюлтириш қурилмаларнинг йириклиги;  таркибида мис, мышьяк, сурьма ва сулфидли олтингугурт бўлган эритмалардан олтин ва кумушни рух билан цементациялашни қийинлашуви;  циан эритмаларида олтин ва кумуш миқдори кўп бўлганда кекдан эриган олтин ва кумушни ювиб олиш жараёнининг мураккаблашуви;  мураккаб технологик схема билан қайта ишлашни талаб қиладиган паст сифатли маҳсулот олиниши.

Санаб ўтилган камчиликларни бартараф этиш мақсадида сўнгги 30-35 йил давомида ишлаб чиқаришга цианлаш жараёни технологиясида янги йўналиш – сорбцияли танлаб эритиш татбиқ этилмоқда. Бу йўналиш уран гидрометаллургиясидаги сорбцияли технология ва бир қатор кимё саноатининг ишлаб чиқариш жараёнлари таъсири остида пайдо бўлди ва ўзлаштирилди. Олтинни сорбция усулида ажратиб олиш, асосини цианлаш жараёни ташкил этган гидрометаллургик жараёнлардан бири ҳисобланади. Унинг асосий моҳияти шундан иборатки, таркибида олтин бўлган янчилган рудали маҳсулот циан эритмаси билан таъсирлаштирилади, бу таъсир натижасида олтин руда таркибидан эритмага ўтади. Кислород иштирокида эриш қўйидаги реакция бўйича боради: 2 Au + 4 NaCN + O 2 + 2 H 2 O = 2 NaAu ( CN ) 2 + 2 NaOH + H 2 O 2 (1) Цианлаш жараёни тезлиги ва олтинни эритмага тўлиқ ўтказиш кўпгина омилларга, жумладан, эритмадаги кислород миқдорига боғлиқ. Цианлаш жараёни вақтида кислород сарф бўлиб бораверади, шунинг учун унинг эритмадаги миқдорини меъёрида сақлаб туриш учун эритма аралаштирилиб турилади. Бунинг натижасида эритма кислородга тўйинтирилади. Олтин ва кумушни сорбциялаш учун ионитлар ишлатилади. Ионитлар деб, эритма билан таъсирлашув натижасида эритмадаги мусбат ёки манфий ионларни ўзига ютиб, ўзидан ютган ионига тенг миқдорда ва ўшандай зарядли ион чиқарадиган қаттиқ эримайдиган юқори молекулярли бирикмаларга айтилади. Ионалмашинув хусусиятларга эга кўплаб табиий ва сунъий бирикмалар мавжуд. Бироқ, амалий аҳамият касб этадиганлари синтетик смола асосли – ионалмашинув смолалари ҳисобланади. Олтин ва кумушни сорбциялашда анионитлар ишлатилади, чунки олтин ва кумуш циан эритмаси таркибида Au ( CN ) 2 - , Ag ( CN ) 2 - кўринишида бўлади. ионоген

гуруҳлар диссоциаланиш даражасига кўра, кучли асосли ва кучсиз асосли анионитларга бўлинади. Цианлаш жараёнида ишлатиладиган анионитларга қўйидаги талаблар қўйилади:  нодир металлар бўйича юқори сиғимга эга бўлиш;  нодир металларни сорбцияли танлаб эритишда анионитнинг юқори танлаш қобилиятли бўлиши;  олтин ва кумушни осон десорбцияланиши ва анионитни регенерацияланиши;  анионитнинг юқори кимёвий ва механик қаттиқликка эга бўлиши. Цианлаш жараёнида ионалмашинув смолаларидан фойдаланиш бир неча хил усул билан амалга оширилиши мумкин: 1) олтинсизлантирилган рудали фаза (қаттиқ фаза) дан ажратилган циан эритмаларидан олтин ва кумушни сорбциялаш; 2) олтин ва кумушни цианлаш жараёнидан сўнг, циан бўтаналаридан сорбциялаш; 3) танлаб эритиш вақтида цианли бўтаналардан олтин ва кумушни ажратиш – сорбцияли танлаб эритиш. Биринчи усул энг оддий бўлиб, у циан эритмаларидан олтин ва кумушни чўктириб олиш учун рух ўрнига смолалардан фойдаланишни назарда тутади. Бироқ ионалмашинув смолалари нархи юқори бўлгани учун, ҳозирча арзон ва яхши ўзлаштирилган рух кукуни ёрдамида чўктириш усули билан рақобатлаша олмайди. Иккинчи усул бўйича эриган олтин ва кумушни аралаштириш қурилмаларида олиб борилган эриш жараёни тугагандан сўнг, цианли бўтаналардан тўғридан-тўғри сорбциялаш олиб борилади. Бу жараён ишлатилганда технологиядан энг қимматли ва кўп энергия сарф қиладиган фильтрация жараёни олиб ташланади. Камчилиги сифатида танлаб эритиш жараёнининг узоқ давом этиши ва шунга мувофиқ катта ҳажмли қурилмалар

ва катта ҳажмдаги капитал ва эксплуатация харажатларини келтириш мумкин. Учинчи усул қисман ёки айрим ҳолларда эритиш ва сорбциялаш жараёнларини тўлиқ бирлаштириш, яъни сорбцияли танлаб эритишдан иборат. Жараённинг афзалликларига: а) олтин таркибли эритмаларни ажратиб олиш учун кўп энергия ва харажат талаб қиладиган бўтаналарни фильтрлаш жараёнларининг бўлмаслиги; б) жараённинг кам вақт ичида бориши; в) қурилмаларнинг ихчам жойлаштирилиши; г) олтинни ажратиб олишнинг бироз ошиши. Умумий ҳолда сорбциялаш жараёни қўйидаги реакция орқали ифодаланади: R-OH + {Au (CN) 2 } -  R-Au (CN) 2 + OH - (3) Шунингдек циан эритмалари таркибидаги кўпгина қўшимча металлар ҳам сорбцияланади : 2 ROH + [Zn(CN) 4 ] 2- ↔ R 2 [Zn(CN) 4 ] +2OH - (4) 2 ROH + [Cu(CN) 3 ] 2- ↔ R 2 [Cu(CN) 3 ] +2OH - (5) 4 ROH + [Fe(CN) 6 ] 4- ↔ R 4 [Fe(CN) 6 ] +4OH - (6) 2 ROH + CNS - ↔ R 2 CNS +2OH - (7) Шуни алоҳида таъкидлаб ўтиш керакки , анионит иштирокида олтинни эриши тезлашади , бунинг натижасида асосий металлни рудалан ажратиб олиш коэффициенти ортади . Олтин билан тўйинган анионит регенерация жараёнига юборилади. Регенерация жараёнида олтин ва бошқа металлар эритма таркибига ўтказилиб, смола яна жараёнга қайтарилади.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й. 8.Arxiv.uz

O'xshashlar

Металлургик жараёнларни таснифланиши

Хом ашё материалларини металлургик қайта ишлашга тайёрлаш

Рангли металлар ишлаб чиқариш жараёнлари асослари

Хом ашё ва материалларни майдалаш усуллари ва жихозлари

Металлургик ишлаб чиқариш маҳсулотлари ва ярим маҳсулотлари