Касбий маҳорат психологияси - Maktabgacha va boshlang'ich ta'lim - Referatlar

Касбий маҳорат психологияси

Yuklangan vaqt:

20.09.2019

Ko'chirishlar soni:

0

Hajmi:

184 KB

Ko'chirib olish

Касбий маҳорат психологияси Режа: 1.Педагогнинг касбий маҳорати. 2.Педагогнинг таълим муассасасидаги ўрни 3.Педагогнинг компетенцияси турлари

Педагогнинг касбий маҳорати. Маълумки, психологнинг касбий маҳорати педагогик маҳорати билан ўзаро боғлиқ тушунчадир. Шунинг учун, биз авволом бор-ки, педагогик маҳорати ўзи нималигини изоҳлаб беришимизнинг кераклигини топдик. Маҳорат (“маҳорат” – моҳирлик, усталик, эпчиллик) – бир иш ёки фаолиятни юксак даражада, ҳеч бир қийинчиликсиз, ўта моҳирлик билан бажариш. Педагогик маҳорат – педагогнинг педагогик жараённи ташкилий, методик, руҳий ва субъектив жиҳатдан ўта моҳирлик, усталик билан ташкил этиш ҳамда бошқариш қобилияти ва малакасига эгалиги. Педагогик маҳорат - бу педагог – тарбиячининг касбий фаолияти, моҳирлигини ўрганувчи ва уни такомиллаштириш тўғрисида маълумотлар берувчи фан ҳисобланади. Педагогик маҳоратнинг моҳият - мазмунини, касб малакаларини шакллантириш ва ривожлантиришнинг йўллари, воситалари, шакллари ташкил этади. Чунончи, педагогик маҳорат мазмунидан педагог – тарбиячига педагогик ижоди, педагогик техникаси, таълим – тарбия жараёнини ташкил этиш қобилияти педагог – бола ҳамкорлиги, муомаласи, касб маданияти, тафаккури, тарбиячининг маънавий – маърифий тарбия ишларини ташкил этиш маданияти ва уни амалга ошириши ва бу жараёнда ўз хулқ – атворини, ҳиссиётини тартибга солиш ва ривожлантириш каби масалалар ўрин олган. Шунингдек, мазкур фан таркибида мазмунидан касбга доир топшириқ ва вазифаларни ечиш учун ўқув – тарбия жараёнини бошқариш ҳамда унга раҳбарлик қилиш, педагогик – психологик таълимот нуқтаи – назаридан ёндошиш, таълим – тарбияни моделлаштириш, ўқув – тарбия жараёнига илғор педагогик технологияларни тадбиқ этиш тўғрисидаги маълумотлар ва уларни такомиллаштирувчи иш тизимлари мужассамлашган. Шундай қилиб, педагогик маҳорат эгаси бўлиш учун педагог ўз ўқув предметини давр талаблари асосида билиши, педагогика, психология, методика фанларини мукаммал ўзлаштириши ҳамда инсонийлик,

меҳнатсеварлик ва фидойилик каби маънавий – ахлоқий фазилатларни ўзида таркиб топтириши лозим. Шуни алоҳида қайд қилиб ўтмоқ зарурки, психолог касби мураккаб ва маъсулиятли касбдир. Ушбу касбнинг шарафлилиги ва мураккаблиги шу билан белгиланадики, у доимо онгнинг ягона соҳиби бўлган инсон билан мулоқотда бўлади. Онгли ва тирик жонзот эса ақлий, руҳий, ҳамда жисмоний жиҳатдан доимо ривожланишда бўлади. Шунинг учун, психолог билан доимо мулоқотда бўлганда, унга таъсир кўрсатиш учун мунтазам равишда психология, тарбия назарияси каби фанларни мукаммал ўрганиб, ўз касбий маҳорати устида муттасил иш олиб бориши керак. Бу психологдан педагогик – психологик ва методик тайёргарликни таъминлайди. Педагогнинг касбий маҳорати - педагогик жараёнда таркиб топади. Педагогик жараён эса касбий ва шахсий тайёргарликни йўлга қўйиб, бўлажак мутахассисни меҳнатга, ҳаётга тайёрлаш учун давлат, жамият, миллат ва келажак авлод олдида жавоб берадиган мутахассисларни тайёрлашга хизмат қилади. Шунинг учун, психолог шахсий ва касбий фазилатлар эгаси бўлиши лозим. Психологнинг шахсий фазилатлари сирасига иймон – эътиқоди, дунёқараши, ижтимоий эҳтиёж ва фаоллиги, одоб – ахлоқи, фуқаролик бурчларини ҳис қилиши, маънавияти, дилкашлиги, талабчанлиги, қатъийлиги ва мақсадга интилиши, инсонпарварлиги, ҳуқуқий билимдонлиги ва ҳ.к.лар киради. Булар психологга касбий хусусиятларни ўзида тарбиялаб боришга кўмаклашади. Юқорида қайд этиб ўтилган ва педагогик маҳоратга берилган таъриф, ҳамда педагог-тарбиячининг профессиограммаси хусусиятлари ва педагогга қўйиладиган ижтимоий–иқтисодий, сиёсий-маданий талаблардан келиб чиқиб педагогика назарияси педагогик маҳоратни қуйидаги асосий компонент (таркибий қисм)лардан иборат бўлиши лозимлигини ифодалайди. (1.1 жадвалга қаранг)

1.1-жадвал. Педагогик маҳоратнинг таркибий қисмлари Буларнинг барчаси хусусий моҳият-мазмун касб этсада, улар яхлит ҳолда психологнинг ҳам касбий малакаларининг мазмунини ифодалайди. Зеро, психологнинг фаолиятида педагогик техника – таъсир кўрсатиш, таълим тарбия олувчиларга ўз ҳис-туйғулари, билимлари, ахлоқий фазилатларини узатиш технологиясини ифодаласа, педагогик муомала – касбий фаоллигининг бир кўриниши бўлиб, таълим - тарбияда шу жараён иштирокчиларининг ўзаро таъсир ва ҳамкорлигини акс эттиради. Педагогик ижод – психологнинг маҳорат пилапояларидан кўтарилишида яратувчанликни, ташаббускорликни, педагогик уддабуронликни ва тадбиркорликка элтувчи йўлни, бу йўлдаги қийинчиликлардан қўрқмасликни англатади. Ўз навбатида бу соҳада психологнинг педагогик қобилияти ҳам муҳим аҳамият касб этади. Чунки у педагогик жараёнда психологнинг ақлий, эмоционал – иродавий жиҳатларини, ташкилотчилигини, билимдонлигини ва уларнинг бир-бирига боғлиқлигини ҳамда яхлит бир бутунлик касб этишини ифодалайди. Педагогик маданият касбий бурчи, масъулияти, қадр-қиммати, виждони, ахлоқий эътиқодини назарда тутиб, психологнинг талабчанлиги, адолати, комиллиги, ростгўйлиги, тўғрилигини англатади. Педагогик маҳорат тизимида педагогик назокат ( такт ) – психологнинг педагогик мақсадга

мувофиқ, фойдали, қимматли ҳаракатларининг ўлчови, меъёри ва таъсир воситасининг чегараси сифатида ҳарактерланади. Педагогик маҳоратнинг қайд қилинган таркибий қисмлари психологнинг касбий хусусиятларини бойитади ва уни моҳирлик сари етаклайди ва психологда педагогик маҳорат малакаларининг таркиб топишига ёрдам беради. Аммо, ўз касбининг моҳир устаси бўлиш учун фақатгина уларга таяниб, иш тутиш кутилган натижани бермаслиги мумкин. Бунинг учун мунтазам равишда педагогик фикрлаш, педагогик ўйлаш, педагогик иш тутиш лозим бўлади. Бу деганимиз, ўз фаолиятини педагогик ҳодисаларни, вазиятларни таҳлил қилиш, уларнинг ҳар бир боғланиш жойларини англашга интилиш, кунлик натижаларни мустақил равишда таҳлил қилиши ва янги таълим-тарбияга доир ғояларни аввалгилари билан таққослай олишга одатланиши ҳам лозим бўлади. Асосий педагогик-психологик муаммоларни топа олиш уларни ҳал этишнинг энг қулай йўлларини топиш устида ўйлаш ҳам керак. Психологнинг касбий маҳорати тизимида унинг асосий компонентларидан ташқари касбий хусусиятлар ҳам мавжуд. Психологнинг касбий хусусиятларига: ўз касбини, болаларни севиши, зийраклиги, ҳозиржавоблиги, вазминлиги, педагогик салоҳияти, тасаввури, иқтидори, ташкилотчилиги, чуқур ва кенг илмий савияси, касбий лаёқатлилиги, маънавий эҳтиёжи ва қизиқиши, интеллекти, янгиликни англай ва қўллай олиши, касбий маълумотни мунтазам оширишга интилиши ва бошқа фазилатлари киради. Юқорида қайд этилган фикрларга асосланиб, психологнинг касбий маҳоратни муайян тайёргарлик жараёнларидан иборат деб айтиш мумкин.

Бу тайёргарликни шартли равишда қуйидаги йўналишларга бўлиш мумкин: 1) Педагогнинг шахсий фазилатлар бўйича тайёргарлиги; 2) Педагогнинг руҳий – педагогик тайёргарлиги; 3) Педагогнинг ижтимоий - педагогик ва илмий – назарий тайёргарлиги; 4) Педагогнинг махсус ва ихтисосга оид услубий тайёргарлиги. Таърифда қайд этилганидек педагогик маҳорат – педагог – тарбиячининг шахсий ва касбий сифатлари йиғиндиси ҳисобланиб, у педагогик – психологик, методик билимлар мажмуасидан иборат бўлади. Бунинг учун психологлар, аввало: а) ихтисослик бўйича замон, илм – фан, техника тараққиёти даражасида мукаммал маълумотга эга бўлиши, ўз фаолиятида мактабдаги ўқув-табия жараёни билан боғлиқлигини таъминлаш малакасига эга бўлиши; б) ўқув – тарбия жараёнини аниқ ташкил қила олиш ва бунинг учун муайян педагогик – психологик, методик маълумотга эга бўлиши; в) болани, жамоани «кўра билиш», уларнинг қизиқиши, интилишларини тушуна олиш ва болалар фаолиятида учрайдиган қийинчиликларни тушуниш ва уларни ўз вақтида англай олиш, зукколик билан ҳар бир боланинг ҳарактер хусусияти, қобилияти, иродасини англай билиш ҳамда уларга тарбиявий таъсир кўрсатишнинг шакл, усул, воситаларидан хабардор бўлиш; г) ўз шахсий сифатлари (маданияти, ташкилотчилик қобилияти, бадиий эҳтиёжи, диди ва ҳ.к.) ни такомиллаштириш малакасига эга бўлиш керак. Педагогнинг компетенцияси турлари “Компетентлик” (ингл. “competence” – “қобилият”) – фаолиятда назарий билимлардан самарали фойдаланиш, юқори даражадаги касбий малака, маҳорат ва иқтидорни намоён эта олиш. “Компетентлик” тушунчаси таълим соҳасига психологик илмий изланишлар натижасида кириб келган. Психологик нуқтаи назардан компетентлик “ноанъанавий вазиятлар, кутилмаган ҳолларда мутахассиснинг

ўзини қандай тутиши, мулоқотга киришиши, рақиблар билан ўзаро муносабатларда янги йўл тутиши, ноаниқ вазифаларни бажаришда, зиддиятларга тўла маълумотлардан фойдаланишда, изчил ривожланиб борувчи ва мураккаб жараёнларда ҳаракатланиш режасига эгалик”ни англатади. Компетенция турлари Касбий компетенция - Педагогика ва психологияга доир билимларга эга бўлиш; - Ўз устида ишлаш; - Таълим жараёнини режалаштириш, баҳолаш ва қайта алоқани ўрната олиш; - Болаларда мотивацияни шакллантириш; - АКТни билиши; - Таълим муҳитига янгилик киритиши; - Ўз фанини мукаммал билиши; - Хорижий тиллардан бирини билиши. Касбий компетенцияни шаклланиш босқичлари: 1. Ўз-ўзини таҳлил қилиш ва зарур нарсаларни англаш; 2. Ўзини ривожлантиришни режалаштириш мақсад, вазифа белгилаш; 3. Ўзини намоён этиш ва камчиликларини тузатиш. Шахсий компетенция - Мулоқотчанлик; - Бағрикенглик; - Етакчилик; - Фаоллик ва ташаббускорлик; - Мослашувчанлик; - Соғлом турмуш тарзига амал қилиш; - Маъсулиятлилик; - Ишчанлик; - Инсонпарварлик.

Умуммаданий компетенцияси - Маълумотли; - Маданиятли; - Умуминсоний қадриятларга эгалик; - Миллий маданиятга эга бўлиш; - Мамлакатнинг ижтимоий ҳаётида иштирок этиш; - Бошқа миллатларнинг маданиятини ҳурмат қилиш. Махсус компетенцияси - Фаолиятига доир махсус методларни билиш; - Таълимни табақалаштириш; - Болалар эҳтиёжини билиш; - Турли ёш хусусиятларини билиш; А.В. Хуторский таълимда педагогнинг етти компетенциясини тафсифлайди: 1.Дунёқараш асносида яъни қадрият ва ўзини англаш- педагогнинг дунёқараши, тасаввури ва қадрияти билан боғлиқ равишда намоён бўлади. У атроф-муҳитдаги воқеа ва ҳодисаларни моҳиятини кўра англайди ва тушунади бунга ўзини йўналтиради, педагог сифатида ўз фикрини асослай олади. Муаммо ечимини топа олади. Бу компетенция- педагогнинг ўқув ва бошқа фаолиятларидаги ўз-ўзини англаш механизмини таъминлайди. 2. Умуммаданий– миллий ва умуминсоний қадриятларга эга бўлиш; мамлакатнинг ижтимоий ҳаётида иштирок этиш;оиласига, урф–одатларга ҳурмат; ижтимоий кўнималарга эга бўлиш. Илм фаннинг инсон ҳаётига ва дунё ривожига таъсирини ангалй олиши ва бола ёшларга тушунтира олиши. 3. Ўқув ва билиш жараёни- педагогнинг мустақил билиш фаолияти. Мантиқий фикрлаши. Ўқув-билув фаолиятини баҳолаши, билим ва кўникмасини таҳлил қила олиши. 4. Маълумотга эга бўлиш- педагогик фаолияти, ўз фанига доир маълумотларни эгаллаш кўникмаси.

5. Мулоқотчанлик- тил билиши, турли хил инсонлар билан мулоқотда бўлиши, жамоада ўзига хос ўринда туриши. 6.Ижтимоий- фойдали меҳнат- оилавий муносабатлар ва маъсулият, жамият ривожидаги иштироки, ижтимоий фойдали меҳнат қилиши. Иқтисодий ва ҳуқуқий кўникмаларга эга бўлиш. 7. Ўз устида ишлаши- жисмоний, маънавий, интеллектуал жиҳатдан ўзўзини ривожлантириб бориши. Ҳиссиётини бошқариш. Квалификация ва компетенциянинг ўзаро муносабати Квалификация- потенциал фаолиятда билим ва кўникманинг намоён бўлиш. Компетенция- билим, кўникма, малака, қадрият, бошқа шахсий сифатлар, ижобий натижаларни фаолиятда кўриниши. Компетенция кўринишлари 1.Умумий- турли хил ҳолатларда қўллаш мумкин. 2.Махсус- касбий фаолиятда бажариш лозим бўлган ҳаракатлар. 3.Дидактик компетенция. -Ўқитиш муҳитини яратиш. -Мавзу мазмунини ёритишни режалаштириш -Ўқув жараёни бошқариш -Болаларнинг ютуқлари ва ривожланишларини баҳолаш -Болаларга мотивация бериш ва ёрдам кўрсатиш -Болалар билимини англаш ва уларни ривожлантириш Касбий компетентлик – мутахассис томонидан касбий фаолиятни амалга ошириш учун зарур бўлган билим, кўникма ва малакаларнинг эгалланиши ва уларни амалда юқори даражада қўллай олиниши. Касбий компетентлик мутахассис томонидан алоҳида билим, малакаларнинг эгалланишини эмас, балки ҳар бир мустақил йўналиш бўйича интегратив билимлар ва ҳаракатларнинг ўзлаштирилишини назарда тутади. Шунингдек, компетенция мутахассислик билимларини доимо бойитиб боришни, янги ахборотларни ўрганишни, муҳим ижтимоий талабларни англай олишни, янги

маълумотларни излаб топиш, уларни қайта ишлаш ва ўз фаолиятида қўллай билишни тақозо этади. Касбий компетентлик қуйидаги ҳолатларда яққол намоён бўлади: - мураккаб жараѐнларда; - ноаниқ вазифаларни бажаришда; - бир-бирига зид маълумотлардан фойдаланишда; - кутилмаган вазиятда ҳаракат режасига эга бўла олишда; - касбий компетенцияга эга мутахассис: - ўз билимларини изчил бойитиб боради; - янги ахборотларни ўзлаштиради; - давр талабларини чуқур англайди; - янги билимларни излаб топади; - уларни қайта ишлайди ва ўз амалий фаолиятида самарали қўллайди Касбий компетентлик негизида акс этувчи сифатлар Ижтимоий компетентлик – ижтимоий муносабатларда фаоллик кўрсатиш кўникма, малакаларига эгалик, касбий фаолиятда субъектлар билан мулоқотга кириша олиш. Махсус компетентлик – касбий-педагогик фаолиятни ташкил этишга тайёрланиш, касбий-педагогик вазифаларни оқилона ҳал қилиш, фаолияти натижаларини реал баҳолаш, БКМни изчил ривожлантириб бориш бўлиб, ушбу компетентлик негизида психологик, методик, информацион, креатив, инновацион ва коммуникатив компетентлик кўзга ташланади. Улар ўзида қуйидаги мазмунни ифодалайди: Психологик компетентлик – педагогик жараѐнда соғлом психологик муҳитни ярата олиш, болалар ва таълим жараёнининг бошқа иштирокчилари билан ижобий мулоқотни ташкил этиш, турли салбий психологик зиддиятларни ўз вақтида англай олиш ва бартараф эта олиш; Методик компетентлик – педагогик жараѐнни методик жиҳатдан оқилона ташкил этиш, таълим ёки тарбиявий фаолият шаклларини тўғри белгилаш, метод ва воситаларни мақсадга

Информацион компетентлик – ахборот муҳитида зарур, муҳим, керакли, фойдали маълумотларни излаш, йиғиш, саралаш, қайта ишлаш ва улардан мақсадли, ўринли, самарали фойдаланиш; Креатив компетентлик – педагогик фаолиятга нисбатан танқидий ва ижодий ёндошиш, ўзининг ижодкорлик малакаларига эгалигини намойиш эта олиш; Инновацион компетентлик – педагогик жараённи такомиллаштириш, таълим сифатини яхшилаш, тарбия жараѐнининг самарадорлигини оширишга доир янги ғояларни илгари суриш, уларни амалиётга муваффақиятли татбиқ этиш; Коммуникатив компетентлик – таълим жараёнининг барча иштирокчилари, жумладан, болалар билан самимий мулоқотда бўлиш, уларни тинглай билиш, уларга ижобий таъсир кўрсата олиш. Шахсий компетентлик – изчил равишда касбий ўсишга эришиш, малака даражасини ошириб бориш, касбий фаолиятда ўз ички имкониятларини намоѐн қилиш. Технологик компетентлик – касбий-педагогик БКМни бойитадиган илғор технологияларни ўзлаштириш, замонавий восита, техника ва технологиялардан фойдалана олиш. Эктремал компетентлик – фавқулотда вазиятлар (табиий офатлар, технологик жараён ишдан чиққан)да, педагогик низолар юзага келганда оқилона қарор қабул қилиш, тўғри ҳаракатланиш малакасига эгалик.

Педагоглар малакаси ва компетенцияларига оид Умумевропа тамойиллари (ЎМКУЕТ) Педагоглар малакаси ва компетенцияларига оид Умумевропа тамойиллари (ЎМКУЕТ) педагогларнинг касбий фаолиятига қўйиладиган янги талабларнинг Европа даражасини жорий этиш бўйича дастлабки уриниш ҳисобланади. ЎМКУЕТ 2000 йилнинг бошларида Европа Иттифоқига кирувчи бир қатор мамлакатларнинг таълим соҳасидаги экспертларидан иборат ишчи гуруҳи томонидан ишлаб чиқилган. Улар таълимга аҳамиятли ҳисса қўшишлари учун педагогларга зарур бўлган 3та компетенция даражаларини белгилади: 1. билимини ва билим доирасини кўрсата олиш кўникмалари; 2. ўзига ишонч ва инсон ривожланиши ҳақидаги билимларини намойиш қила олиш кўникмалари; 3. турли даражадаги ижтимоий қатламлар билан ишлай олиш ва жамият ривожланиши билан боғлиқ таълим жараёнига ҳисса қўша олиш кўникмалари. Педагог компетенциясининг асосий омиллари Одамлар билан бола, касбдош, таълим бўйича ҳамкорлари билан иш- лагандек ишлай олиш кўникмаси; ўзига ишончни кўрсата олиш кўникмаси; касбий ўсиш ва ривожланиш ҳақидаги билимлар; болаларни алоҳида ва жамоасини жалб қилиш кўникмаси.  Ахборот, технологиялар билан ишлай олиш кўникмалари, асослаш ва фикрлаш бўйича билимлар; АКТни таълим жараѐнига фаол жорий эта олиш, самарали таълим бериш йўлларини танлаш.  Жамоада ва жамоа билан ҳудудий, маҳаллий, Европа ва бутун жаҳон миқѐсида ишлай олиш кўникмаси; жамият ривожланишида таълимга ҳисса қўшишни англаш; жамиятда болалар турлича эканлигини англаш.

Мамлакатлар мисолида: Франция Педагогга қўйиладиган стандарт, малакавий ва компетенциявий талабларида шахсий сифатлар ва коммуникация кўникмаларига алоҳида аҳамият берилади. (Les métiers.net, Institut Universitaire de Formation des Maîtres du Nord-Pas de Calais, Office National d'Information sur les Enseignements et les Professions, Université François Rabelais Tours 2012). Францияда педагогнинг асосий компетенциялари  Педагогик компетенция  Мулоқот кўникмалари  Ўзини тута билиши, ўзига ишонч  Обрў-эътибор, ҳурмат  Мослашувчанлик, очиқлик  Соғлик  Ташаббус, шижоат, сабр Ўрта маълумотли педагоглар 3 йиллик бакалавр даражасини ва яна 2 йиллик магистр даражасини олиш учун ўқийди. Кейинги 10 йилда мазкур йўналишда айрим ислоҳотлар амалга оширилди. 2008 йилдан бошлаб давлат барча педагоглар учун магистр даражасига эга бўлишни шарт қилиб қўйди. 2013 йилдан бошлаб педагоглар учун магистрлик курсларини Ecoles Supérieures du Professorat et de l’Education (ESPE) таклиф қила бошлади ва кейинчалик эса ушбу соҳада Instituts Universitaires de Formation des Maîtres (IUFM)нинг ўрнини мунтазам равишда эгаллади. ESPEда болалар Métiers de l’Enseignement, de l’Education et de la Formation (MEEF) деб номланган магистрлик дастурларига жалб этилади. ESPEда ўқиш давомида, болалар (тингловчилар) ўз соҳаси бўйича ўз университетларида таҳсил олишни давом эттираверадилар. Магистрлик астурининг биринчи йилини тугатганларидан кейин болалар педагог сертификатини танлов асосида олиш учун Concours du Certificat d’Aptitude au Professorat de l’Enseignement du second degré (CAPES) танловида иштирок этадилар.

Францияда педагогларнинг бошланғич маълумот олиш тизими Умумий ўрта таълимнинг тўлақонли педагогси MEEFда магистрлик таълимнинг иккинчи йили CAPES MEEFда магистрлик таълимнинг биринчи йили Бакалавр, 3 йил ESPEни ташкил қилишнинг асосий сабабларидан бири таълим соҳаси ходимлари ўртасида умумий таълим маданиятни шакллантирувчи, асосий ўқув режасига эга бўлган магистрлик дастурларининг яратилишидир. Педагогларни турли фанлардан асосий ўқув режасига кўра тайѐрлаш педагогларнинг турли гуруҳларига таълим тизимининг барча даражалари бўйича таклиф этилади. Асосий ўқув режаси қуйидаги соҳаларни қамраб олади (Ministère de l’Education Nationale, de l’Enseignement Supérieur et de la Recherche 2013):  Таълим фалсафаси  Француз мактаб таълим тизими ва Франция Республикасининг тарихи  Секуляризм (мактабни черковдан ажраб чиқиши)  Камситишнинг ҳар қандай шаклига қарши кураш  Таълим жараѐни  Болалар психологияси  Фуқаролик ҳуқуқи  Педагогиканинг асосий йўналишлари  Таълим бериш, ўқитиш ва баҳолашга ѐндашувлар  Жамиятшунослик  Турли ҳил бошқарув  Бирор муаммо ва масалалар бўйича касбий ѐрдам бериш  Тарбияси оғир болалар

 Ўқишни ташлаб кетганлар билан ишлаш  Инклюзив таълим, алоҳида эҳтиѐжи бор болалар билан ишлаш  Мактабларни ташкил этиш ва уларнинг таъсис ҳужжатлари  Касб маҳоратига оид комуникация жиҳатлари (вербал, новербал)  Гендер ҳилма-ҳилликлар билан ишлаш  Касбий ахлоқ нормалари (касб этикаси)  Ҳамкорликда ишлаш усуллари Танловдан ўтган болалар, муваффақиятли тарзда тўлиқ иш ставкаси ва синов муддати билан давлат хизматчисига айланади. Магистрлик даражасини тугатганидан кейин, педагог тўла қонли давлат ишчиси ҳисобланади ва тегишли педагоглик лавозимига эга бўлади. Касбга йўналтирилган махсус фанларга ихтисослашган мактабларнинг педагоглари ўз фанлари бўйича ўқишлари ва Concours du Certificat d'Aptitude au Professorat de Lycée Professionnel (CAPLP)га топширишлари керак бўлади.

Фойдаланилган адабиётлар: 1. Сайидаҳмедов Н. Педагогик маҳорат ва педагогик технология. – Т.: ОПИ, 2003. 2. Султонова Г.А. Педагогик маҳорат. – Т.: Низомий номидаги ТДПУ, 2005. Маркова А.К. Психология профессионализма. – М.: Знание, 1996. 3. Муслимов Н.А. Бўлажак касб таълими педагогларини касбий шакллантириш / Монография. – Т.: Фан, 2004. 4. Муслимов Н.А., ва бошқалар. Касб таълими педагог-ларининг касбий компетентлигини шакллантириш технологияси/ Монография. – Т.: “Фан ва технология” нашриѐти, 2013. 5. Муслимов Н.А., Усмонбоева М.Ҳ., Сайфуров Д.М., Тўраев А.Б. Педагогик компетентлик ва креативлик асослари – Тошкент, 2015.

O'xshashlar

Таълим психологияси

Оилавий муносабатлар психологияси

Педагогик қобилиятлар психологияси

Педагогнинг индивидуал фаолият услуби

Оила психологияси фанининг предмети вазифалари