Nutq - insonlararo muloqotda muomala madaniyatining muhim vositasi - Madaniyatshunoslik - Referatlar

Nutq - insonlararo muloqotda muomala madaniyatining muhim vositasi

Yuklangan vaqt:

06.10.2022

Ko'chirishlar soni:

0

Hajmi:

100 KB

Ko'chirib olish

Nutq - insonlararo muloqotda muomala madaniyatining muhim vositasi Reja: 1. Yozma nutqda muomala madaniyatining ahamiyati va zaruriyati 2. Nutq madaniyati va notiqlik san ’ati

Yozma nutqda muomala madaniyatining ahamiyati va zaruriyati Jahonga Beruniy, Ibn Sino, Al-Xorazmiylarni bergan Mova- rounnahr allomalari orasida munosib o ’ringa ega bo’lgan Muhammad Abu Homid G’azzoliy o’zining «Ixyou ulumid-din» asarining «Hasad mazammati bayoni»da xat va noma orqali hasadning axloqiy illat ekanligini bir rivoyat misolida ko’rsatib bergan edi. Rivoyatda keltirilishicha, podshohning oldiga kelib yuradigan bir kishi doimo unga «Senga yaxshilik qilganga, yaxshilik qil, yomonlik qilguvchiga esa, yomonlik qilma, chunki qilgan yomonligi o’ziga qaytgusidir» der ekan. Bu kishining podshoh huzuridagi obro’-e’tiboriga bir kimsaning hasadi kelib, uni podshohga yomonlaydi: «U odamlar orasida «Podshohning og’zi badbo’y» degan gap tarqatib yuribdi: Agar so’zimga ishonmasangiz uni oldingizga chaqirib, yaqinroq gapiring, shunda u og’zini berkitadi» deb ig4vo qiladi. Hasadgo’yning gapiga ko’ra, podshoh uni huzuriga chorlaydi va unga yaqinroq turib gapiradi. Bir kun oldin to’yib sarimsoqpiyoz egan haligi odam, o’z og’zidan kelayotgan sassiq bo’ydan uyalib, og’zini berkitadi, podshoh ig’vogarning gapi «haqiqat» ekanligini anglaydi. Bu shohning shunday odati bor edi: birovga hadya yoki mukofot bermoqchi bo ’lsa, unga o’z qo4li bilan xat yozib berardi. Bu gal ham xuddi shunday qildi. Podshoh «Xatimni olib borgan kimsani so4yib, terisini shil va ichiga somon tiqib, mening oldimga jo’nat» degan mazmunda noma bitib, xatni u kishining qo’liga tutqazadi. Xat esa taqdir taqozosi bilan hasadgo’yga hadya qilinadi va yaxshi odam qoilb, hasadgo’yo’limgamahkumbo’ladi. Garchand qayg ’uli bo’lsa-da, ushbu rivoyatni keltirishimizdan maqsad shuki, noma va maktublar madaniy inson kashf etgan muloqotlarning eng go’zal, eng ta’sirchan va eng qulay vositasidir. Sharqda noma yozish Evropadagidek keng urfbo ’lmagan, lekin Sharq adabiyoti nomaning go’zal shakllarini yaratgan. 0’rta Osiyo adabiyotlarida nomalar garchi mustaqil janr sifatida shakllangan bo’lsa-da, lekin umuman yozishmalar oddiy xalq o’rtasida keng tarqalmadi. Noma, maktub va yozishmalarning jahon adabiyotida, xususan, Sharq adabiyotidagi mavqei xususida g’oyatda e’tiborli

fikrlarni ilgari surgan adabiyotshunos olim I.G’afurov deydiki, «Yozishmalar ham davrlar, ham davr odamlarining qiyofalarini kelajak nasllar oldida ravshan qiluvchi shahodatlardir. Xatlarda yozuvchi, ijodkor, uning shaxsi ichki dunyosi shakllanadi. Sharq adabiyotlari bu shahodatning inson hayotida qanchalar muhimligini hammadan ilgari angladi. Yozishmalarni asarlar ichiga turli shakllar va turli mundarija yo’nalishlarida olib kirdi». Maktub madaniyati - yozuv madaniyati, yozma madaniyatning bebaho bo ’lagi. Maktub madaniyati e’tiborsiz joylarda yozma adabiyot quloch yozib rivojlanmagan bo£ladi. Maktub, avvalo, fikrlashga, atrofga razm solib qarashga, yaxshi-yomonni tanishga, har narsaga mustaqil baho berishga, o’z flkriga ega bo’lishga, kuzatuvchanlikka o’rgatadi. Shular barobarida maktub yozish inson ijtimoiy faolligining eng yorqin ko’rinishlaridan biridir. Kamolot keltirmagan, saodatni yaqinlashtirmagan, marhamat tuyg ’usini uyg’otmagan har qanday so’z puch so’zdir. Puch so’zlarga o’rganib qolgan xalq qashshoqlik va razolatlardan qutulishda qiynaladi. Puch so’zlar har narsadan yomondir. Atrofimizga e’tibor bersak, o’zaro muloqotda siyqasi chiqqan, tuturuqsiz, bachkana so’zlar bilan to’lib-toshganligining guvohi bo’lamiz. Daholarning bir-birlari bilan bo ’lgan yozishmalariga nazar tashlasak. Ular mazmun va mohiyat jihatidan yuksak darajadagi insonparvarlik, vatanparvarlik, sadoqat tuyg’ularining go’zal madaniy namunasini ko’rishimiz mumkin. Bu borada Abu Rayhon Beruniyning Ibn Sino bilan yozishmalari, Ibn Sinoning Bahmanyor al-Ozorbayjoniyga bitgan maktublari va hokazo xiradmand va donishmand kishilarning bir-birlari bilan ilmiy, ma’rifiy va maishiy sohalarga doir maktublari xalqimizing madaniy yodgorligi sifatida qadrlidir. Ayniqsa, Hazrat Navoiyning «Munshaot» deb nomlangan asariga jamlangan maktublar o ’zining ijtimoiy-siyosiy, ma’naviy-ma’rifiy hamda jamoatchilik manfaatlariga ko’ra yuksak ahamiyatga ega. Navoiyning maktublari ko’proq saltanat valiahdlariga bitilganligi qayd qilinadi. Xususan, Badiuzzaraon Mirzoga yozgan insholaridan Navoiyning okz zamonasining fozil, hokisor va mehribon hukamo kishisi bo’lganligini ilg’ash qiyin emas. Navoiyning shahzodalarga maktublari bu -

shaxzodalarga maktublargina emas, ular o’sha davrning barcha yoshlariga, barcha el-yurt yo’lida xizmat qiluvchilarga qaratilgan pandlar, deb tushunmoq kerak. Navoiy o’z xatlarida davr nuqtai-nazaridan turib, bebosh shahzodalarni tartibga, shafqatga, adolatga va hamkorlikka chaqiradi: bu xatlar Navoiyning ijtimoiy va insoniyqarashlariniifodalaydi. Bu borada adabiyotshunos olim l.G ’afurovning yuqoridagi kitobiga murojaat etmoqchimiz. I.G’afurov Navoiy maktublarining mazmun-mohiyati, maqsadi va uning ahamiyatini atroflicha ko’rsatib bergan. Jumladan, Navoiyning Badiuzzamon Mirzoga bitgan xatidagi «Bu faqiri hoksor va hokivashi bee’tiborkim, bu davlatlig’ eshik ostonasig’a tufrog’dek tushib erdimu xayolimda bu erdikim, magar ajal sarsori tufrog’imni bo’sag’adin sovurg’ay va o’lim sayli hoshokimni bu eshikdin surgay va lekin xayol botil (bekorchi) ekandur va muddao otil (behuda)» so’zlardan Navoiy shoh xonadoni a’zolarining fe’l-atvorlari, xatti-harakatlari, el- yurtga, saltanatga munosabat va muomala yo’llarini juda yaxshi bilishi va xatda shahzoda Badiuzzamonga og’ir botmaydigan so’zlarni topib yozishga harakat qilgan: «0’zini davlatlik xonadon ostonasidagi tuproq deb tanitadi»1, shoh xona- doniga eng yaqin kishi ekardigini ta’kidlaydi. Bunday munosabat Navoiyning nafaqat buyuk shoir, so’z ustasi, balki kirn bilan qan-day muomala qilishni olrgatadigan, muomala madaniyatida o’ta no-zikshaxsekanligidandalolatdir. Buyuk aUoma Mahmudxo ’ja Behbudiyning asrimiz boshlarida yozft qoldirgan o’quvchilar uchun tuzilgan «Kitobal-ul atfol» darsligi va unda bayon etilgan xat yozish shartlari va maktub odoblarmi xalqimiz muomala madaniyatining ziynati sifatida qadrlashi mumkin. Chunonchi, mazkur darslikning «Xat yozmoq shartlari»da «Yozilaturgon so’zlar ichig’a har kim bilmayturgon lug’at mumkin qadarincha yozmasg ’a va inchunin, avomcha va ko’chagi iborat va ayb sanalaturgon kalima va laqablarni yozmas»likni aytadi. Shuningdek, «Maktubg’a haqorat, ta’na, hazil, fisq va gunohga taluq so’zlar aslo yozilmasun» deb uqtiradi. Behbudiy taklif etgan maktub odobining go’zalligini qo’yidagi matnlar orqali bilishimiz mumkin: Farzandning otaga yo ’llaydigan maktubida:

«Mehribon otajonim xizmatlarig’a! Tangrim soyai davlatingizni boshimdin eksik etmagay, aziz qiblagohiml Bu aqshom uyg ’a janobi xalifamni ziyoratg’a taklif qildim. Onajonim dedilarki , go’sht va birinjyo ‘qtur, marhamat aylab, taomg’a kerakli nimasalarni olib xizmatkordan yuborsalar, xursand bo ‘lur edim, afandim. qulingiz... » deya murojaat qilish kerakligi uqtiradi. Farzandning onaga yo ’llaydigan maktubida esa: «Sevikli onam huzuri sharifalarina! Parvardigorim doim sizni eson saqlasun. Onajon! Mehribon opamni uyig’a borganingizga o ft kun bo’ldi. Men sizni ko ‘b sog ’indim. Boray desam, maktabdan qolurman . Ani uchun iltimos qilarmanki, emdi uyg’a kelsangiz , yo’lingizg’a ko’z tutarman, volidajonimf Mushfiq opamg’a salom aytarmen. » degan samimiy fikrlar bildirilishimaqsadgamuvofiq. Shogirdning ustoziga yo’llaydigan maktubining odobi quyidagicha aks etishi talab etiladi: «Janobi ustodi kiromim huzuri anvorlarina! Parvardigorim fayzu muhabbatu mtodonalarini bizdin eksik etmagay. Boisi donish va saodatim, janobi mavlom! Hazrati vohib-al-atoyi о’tgan aqshom bandangizg’a bir o’g’ul birodar ato etdi. Shul sababli bukun janobi volidam xizmatlariga turmog ’im lozim bo’ldiki, maktabg’a borolmag’animga janobingizdan afu tilarman, afandim!» Mavlono Mahmudxo ’ja Behbudiyning mazkur qaydlari xalqimiz azaldan so’zga, matnga, matn mazmuniga jiddiy e’tibor bilan qaraganligidan dalolatdir. Afsuski, keyingi paytlarda, yozayotgan maktublarimizda poyintar-soyintar so’zlarning ko£pligi, bachkana, mantiqsiz iboralarning uchrashi, xato va savodsizlarcha qarashlarning mavjudligini ko’rib, yozma nutqda saviyamiz o£tmaslashib borayotganligidan taajjubga tushasan kishi. Vaholangki, nutqm yozma ravishda bayon etish qadimdan qo’llanib kelingan: munshiylar, kotiblar va

aUomalar bu san’atni yuqori darajaga ko’targanlar. Yozma va og’zaki nutqning yuksakligi tafakkurni go£zallashtirgan. Og’zaki va yozma nutqning uyg’unligi xususida so£z yuritib, adabiyotshunos olim Nusratullo Atoulloh o’g’li Jumaxo’ja yozadi: «Yozma nutq bilan shug£ullanmagan notiq nutqining rivoji sust, sayqal topishi qiyin kechadi. Uning so£z boyligi, ifoda imkoniyatlari cheklangan bo£ladi». Hozirgi kunda kompyuter taxnikasining imkoniyatlari qog’oz orqali maktublar yozish uchun deyarli ehtiyoj qoldirmadi. Endilikda bir-birimizga qiladigan yozma muloqotimiz elektron pochta, E.mail, SMS orqali amalga oshirilmoqda. Ammo texnikaning bunday imkoniyati insonning yozma nutq madaniyatini yuksaltirdi, desak biroz mubolag ’a qilgan bo’lamiz. Chunki bugungi kunga kelib, kundalik faoliyatimizda ishlatilayotgan so’z boyligimiz shunchalik nochorki, yozma matn haqida gapirmasa ham bo£ladi. Vaholangki, yozma nutq madaniyatimizga ta’sir ko’rsatuvchi vosita va omiUarning o’zi tahrirga muhtoj. Ko’chadalarda yoki OAV orqali aytilayotgan ayrim reklama roliklarining matni tushunarsiz va mantiqsiz. Hatto oilaviy, jamoaviy o’tkazadigan tadbirlarimiz uchun chiqaradigan taklifnomalarimizning matnidagi pala-partish so£zlarga e’tiborsiz bo`lib borayapmiz. Shuni ta ’kidlash lozimki, yozma matndan ommaviy axborot vositalari xodimlari, o’qituvchi-muaUimlar o’rinli foydalana bilishlari lozim. Qachon matnga qarash va qachon mustaqil gapirish mumkinligini yaxshi o ’zlashtirishlari zarur. Shu bois yozma nutqning samarali bo’lishi va uning og’zaki nutqda ifodali bayon etilishi uchun qo’yidagilarniinobatgaolish zarur: 1. Yozmoqchi bo ’lgan narsangizning maqsadini tushunib, aniqlab oling. Yo’qsa nimadan boshlashni bilmay, boshingiz qotadi. 2. Nomani imkon darajasida o ’zingiz yaxshi tushunadigan, layoqatingiz yetadigan tilda bayon eting. Zero, tushunmasdan qo’llangan bitta so’z ham qator noqulayliklar olib kelishi mumkin. 3. Tushunilishi qiyin va murakkab bo ’lgan so’zlardan kamroq foydalaning. Toki, xat borib yetadigan kishi nima demoqchi ekaningizni tushunishi oson bo’lsin.

4. Xatning mazmuni va kimga yo ’nalayotganligini his qiling. Sof ilmiy asosga qurilgan noma o’quvchini zeriktirib qo’yishi mumkin. 5. Xatda iloji boricha latif, chiroyli va madh etuvchi so ’zlardan foydalanishmaqsadgamuvofiq. 6. Xatni qisqa, lo ’nda va mazmunli yozishga harakat qiling. Bu sizning qanday saviyaga ega ekaningizni ko’rsatadi. 7. Maktubingizda haqorat, so ’kinish va jargon so’zlarni ish-latishdan tiyUing. Bu sizga nafaqat foyda keltiradi, balki bu dush-maningizni sizga bo’lgan munosabatini ijobiy tomonga o’zgartiri-shi ham mumkin. 8. Xatda fikringizni (agar o ’rni bo’lsa) hayotiy misollar orqali bayon eting. Shunda yozgan maktubingiz tushunarli bo’ladi. Nutq madaniyati va notiqlik san ’ati Bir vaqtlar nutq yuksak san ’atlar qatoriga ko’tarilgan, uning sirlarini maxsus maktablarda yillar mobaynida o’rganishgan. Notiqlik san’atining mashaqqati shu darajada bo’lganki, nutqidagi nuqsonni yo’qotish uchun, hatto quduqlarga tushib o’tirib nutqni mashq qilishgan. Buyuk notiqlar Demosfen va Sitseronning hayoti bunga misoldir. Ma ’lumki, madaniy meros, ya’ni o’tmish darvlar madaniyati keyingi avlodlar madaniyatiga asos bo’lib, uni rivojlantiradigan qismi hisoblanadi. Shu jihatdan olganda mustabid davrda qadrsizlantirib yuborilgan insonparvarlik axloqi xalqlarimizning adolatsizlarcha va takabburlarcha nazardan chetda qoldirilgan o’tmishi, ilg’or axloqiy merosining yutuqlari, qadriyatlari, afzalliklari bilan boyitilishi, ayniqsa, muhim. Zero, O ’rta Osiyo xalqlarining tarixdagi o’rni, o’ziga xosligi, ularni jahon madaniyati xazinasiga qo’shgan hissasi bag’oyat ulug’. Notiqlik va notiqlik san’ati borasida ham Sharq, xususan, Mavorounnahr va Xuroson maktabi namoyondalari jahon madaniyatining gultojisi sifatida ajralib turadi. Bu borada notiqlik san’atida o’ziga xos maktab yaratgan Husayn Voiz Koshifiy (1440- 1505) butun Xuroson diyorida Husayn Bayqaroning voizi, ta’birchisi, maslahatchisi sifatida

mashhur edi. U musulmon xalqlariing muqaddas kitobi Qur’oni Karimga oddiy xalq tushunadigan qilib, soddalashtirib, to’rt kitobdan iborat sharh yozgan. Koshifiy o’z zamondoshlaridan farqli o’laroq, yuzni o’qish san’ati bo’yicha ham ibratli fikrlarni bayon qilgan. Voiz Koshifiy insonning chehra, soch, quloq, tishiga qarab axloqini, fe’1-xuyini aytib berish iste’dodiga ega bo’lgan ajoyib xislat sohibi edi. lining nomi, ismi hozir ham tiUardan tushmaydi. Notiqlik san ’atining nodir namunalarini yaratishda yozuvchi, shoir, sanatkor va boshqa madaniy-ma’rifiy soha vakillarining xizmatlari katta. Hatto Abdulla Qodiriy, Abdulla Qahhor, Hamid Olimjon, G’afur G’ulom, Shayhzoda kabi aUomalarning ayrim nutqlari teran mazmuni, ijtimoiy salmog’i, emotsional ko’tarinkiligi bilan ma’naviyatimiz tarixida chuqur iz qoldirgan. G’afur G’ulomning qozon shahrida o’tgan Abdulla To’qay yubileyida so’zlagan nutqining dovrug’i Tataristonnning eng olis ovullarigacha borib yetgandi. Abdulla Qahhorning 60 yilliktavallud kunida so’zlagan nutqini eslaylik. Adibning «men partiyaning soldati emas, ongli a’zosiman, to’g’ri kelgan har bir kimsaga chest bermayman» degan so’zlari bir zumda «katta og’alarning» qulog’iga yetib borgan va katta idoralarda o’tirganlarni zir titratgandi. Shuni alohida aytish kerakki, notiqlik faqat chiroyli so ’zlarni qo’llay olishdangina iborat emas, balki notiq so’zning ta’siri, uning ijtimoiy ahamiyatiga ham katta e’tibor berishi kerak. Zero, notiqning saviyasi, iqtidori, salohiyati va insoniyligi u so£zlagan matnning nechog£li ahamiyatga ega ekanligi bilan belgilanadi. Ayrim nutqlar badiiy tafakkur rivojiga ta ’sir ko’rsatibgina qolmay, ijtimoiy taraqqiyotning ham muhim omiliga aylanishi mumkin. 0’zbekiston xalq yozuvchisi Odil Yoqubovning SSSR xalq deputatlari qumltoyining minbaridan turib aytilgan nutqida «...o’zbeklarga ham beqiyos baxtu saodat, farovonlik, to’qlik bahsh etgani, har chorrahada ayyuhannos urib maqtanuvchi kommunistik partiya va sho ’ro hukumatining riyokorligi, munoflqligi, tili boshqa- yu dili boshqa ekanligini ayovsiz fosh qilingan»ligi o’zbekning chinakam qahramonligi edi. Bu ba’zan katta-katta kitoblarqilolmagan ishni kichkina va qisqagina bir nutq qilishi mumkinligiga, minbardan turib aytilgan so’z yurakdan otilib chiqsa, boshqa odamlar qalbida ham unutilmas iz qoldirishi mumkinligini isbotlaydi Bu kabi nutqlar nafaqat badiiy

tafakkur rivojiga ta’sir ko’rsatadi. Ayni paytda, ijtimoiy taraqqiyotning ham muhim omiliga aylanishi mumkin. Kommunistik partiyaning munofiqligini, amalda avvalgilarning hammasidan mudhishroq va shafqatsizroq mustamlaka siyosati yurgizganini baralla aytgan Odil Yoqubov nutqini akademik Andrey Saxarov o’sha qurultoyda o’rnidan turib olqishlagan, qurultoy deputatlari o’zbeklar ichida haqgo’y, adolatparvar, erksevar odamlar borligidan, ularni yuksak darajada tafakkur qila olishlariga yana bir bor amin bo’lgandilar. «Xudo haqi, Odilning shu nutqidan keyin, - deya xotirlagan edi qahramon munaqqidimiz Ozod Sharafuddinov,- men olis-yaqin yurtlarga borganimda qaddimni g’oz tutib, bo’ynimni egmay, indamay, qisinmay «men o’zbek ziyolisiman» deydigan bo’ldim..., Odil o’sha nutqi bilan o’zbek publitsistikasini rekord yuksaklikka ko’tardi»‘. Sobiq Sho`rolar davrida majlislarda, katta-kichik yig4inlarda gapiriladigan nutqlarning ichki qurilishi muayyan qolipgatushib qolgandi. Nutqning muqaddimasi partiyaga hamdu sanodan boshlanishi, awalo partiyaga ta ’zim, shon- sharaf va qulluq qilinar, so’ng erishilgan yutuqlarning olamshumulligi haqida gapirish talab qilinar edi. Shulardan keyingina, agar vaqt qolsa, asosiy masalaga o’tilaredi. Nutq qaysi mavzu doirasida bo ’lishidan qat’iy nazar nutqda no-tiqning hayot yo’li, yillar mobaynida kechirgan jamiki murak-kabliklari, chekilgan iztiroblar aks etmog’i va shunga o’xshash hodisalar hayajon bilan bayon etilmog’i kerak. Shuning uchun ham odamlar yubileyini nishonlayotgan insonga oxirida so’z berganlarida uning so’zini butun vujudlari bilan eshitishga harakat qiladilar, nutqni gulduros qarsaklar bilan olqishlaydilar. Boisi, yubilyarning nutqida uning hayoti, hayajoni va samimiy mulohazasi aks etgan bo’ladi. Uzoq davrlardan buyon kishilaming o ’zaro munosabatlarida, ular bir-birlarini tushunishlarida, filer almashishlarida nutq, nutqiy munosabatlar hamisha muhim ahamiyat kasb etib kelgan. Bugun zamon talabiga mos ravishda tilning kommunikativ-funksional tamoyiliga, asosan, nutqiy faoliyatga e’tibor kuchaydi. Nutqiy fao liyat va nutq dialektikasiga

muvofiq tarzda ro’yobga chiquvchi ho- disa bo£lib, uning har qanday turi so’zlovchi va tinglovchi o’rtasi- dagi o£zaro munosabat vositasi hisoblanadi. Nutqning mohiyati uning madaniyligi, ommaviyligi va ijtimoiy qimmati bilan belgilanadi. «Madaniy nutq», «nutq madaniyati», «notiqlik» degan iboralar bor. Nutqning xarakteri ana shularning mohiyatini bilish bilan izohlanadi. Ularning lingvistik birlik sifatida o’z xususiyatlari mavjud bo£lib, ular insonlarning o£zaro flkr almashishdagi nutqiy jarayonning bosqichli shakllari deyish mumkin. Anashu shakllar to£g£ri nutq, nutq madaniyati - notiqlikdir. To ‘g’ri nutq - hozirgi adabiy til me’yorlariga rioya qilib tuzilgan nutqdir. Yuqori nutq madaniyati - fikrlarni til vositalari bilan to’g’ri, aniq va ta’sirchan qilib bera olish mahorati. Notiqlik esa og’zaki nutq madaniyatining yuqori darajasi, yetuk nutqiy san’atdir. Nutq madaniyati aslida, adabiy til mezonlari asosidagi, nutqiy faoliyat, nutqiy malaka, nutqiy ko’nikma birligidan iborat. Adabiy tilsiz nutq madaniyatini tasawur qilib bo’lmaydi. Adabiy til nutq mada niyatining to£g£ri so’zlash va yozishning o’lchovi va mezonidir. Nutq madaniyati, nutqiy mahorat va notiqlik san ’atiga doir qator ilmiy ishlar muallifi, zamonamizning ajoyib notig’i Rahimboy Jumaniyozov nutqiy faoliyatning bir-biri bilan uzviy bog’liqligi, o’ziga xos turlari hamda og’zaki nutq va yozma nutq haqida talaygina ijobiy fikrlarni bayon etadi1. Og` zaki nutq yozma nutqqa nisbatan ancha faol, jonli jarayon. Og’zaki nutq qo’llanish usuliga ko`ra ikki xil bo’ladi: 1. Oddiy so’zlashuv nutqi. Bu Bundalik hayotimizda o’zaro muomala jarayonida ishlatiladigan nutq. 2. Adabiy so ’zlashuv nutqi. Bu muayyan shaxslar doirasida tilning me’yoriy mezonlarini qo£llash orqali ro’yobga chiqadi. Og’zaki va yozma nutqning o ’zaro bog’liqligi ularning shaklla- nish jarayonidagina emas, balki taraqqiy etishida, sayqal topishida ham muqimdir. Notiq aytmoqchi bo ’lgan fikrini, maqsadini to’la-ligicha bo’lmasa-da, maqsadining xotnaki, qoralamasini, qog’ozga tushiradi, rejalashtiradi. Nimadan nimaga o’tish, qancha to’xtalish, nimalarni aytish yoki aytmaslik haqida chizgilar notiq

so’zlayotgan paytda ham uning ko’z oldida xuddi qog’ozdagidek xayoliy su’rati namoyon bo’lib turadi. Aks holda, nutq me’yori buzilib, vaqt cho’zilib ketishi, notiqni auditoriya yaxshi qabul etmasligi mumkin. Muloqot vositasi kommunikatsiya nutqiy (og ’zaki va yozma), paralingvistik (tovush ohangi, gap tezligi, ovoz tembri), kinetik (xatti-harakat, mimika, harakatning boshqa shakllari) va narsa belgili (haykal, rasmlar) vositalar tarzida amalga oshiriladi. Nutqiy malakaga, ko’nikmaga ega bo’lmagan o’qituvchi yoki talaba tilimizning sofligini ham, boyligini ham namoyish eta olmaydi. Chinakam notiq nutq texnikasi - ovoz, nafas, to’xtalish, ohang kabi nutqning ifoda vositalari, mashqiy jarayon bilan chegaralanib qolmasdan, balki nutqiy mahorat, nutqiy faoliyat qirralarini egallashga intilishi, nazariy ma’lumot va amaliy mashg’ulotni uyg’unlashtira olishi zarur. Ifodali o’qish matn mazmunini yetkazishga daxldor texnik va nazariy vositalarni bilish va unga amal qilish har doim ahamiyatlidir. Zamonamizning e ’tiborli notig’i Rahimboy Jumaniyozov notiq va voiz tushunchalari bir xil ma’noga ega emasligi, ular mohiyat e’tibori bilan alohida san’at ekani, ularning bir-biridan farq qiluvchi tomonlari haqida ta’kidlaydiki, «Notiqlik qo’llanish o’rni, mavzu doirasi va ma’no qamrovi jihatidan birmuncha keng. Voizlik ham nutqiy mahorat orqali o’z ro’yobini ko’rsatadi. Unda diniy, didaktik va hayotiy mazmun ustuvorlik qilgan, notiqlik dunyovilik bilan hamma davr va makonlarda har xil g’oya va maslaklarga xizmat qilgan. Shunday ekan, voizlik notiqlikning bir ko’rinishi degan fikr haqiqatgayaqin». Agar o ’xshatishimiz o’rinli bo’lsa, bugungi kunda voiz-va’zxon ataluvchi kishilar diniy bayramlar va marosimlar - Ramazon va Qurbon hayitlari, Amri ma’ruf, Mavlud an-nabiy, Xatmi Qur’on kabi islomiy marosimlarda diniylik bilan zamonaviylikni uyg’unlashtirgan holda ilm, ma’rifat, shariat va axloq masalalariga doir mavzular asosida suhbat quruvchilardir. Voizlik san ’atiga suxandonlik san’ati yaqin turadi. Suxandonlik mohiyatan so’z ustasi, so’zga chechan degan ma’nolarni anglatadi va u diktor so’zidan farq qiladi. Xalqimiz 0’zbekistonda xizmat ko’rsatgan artist 0’tkir Siddiqovni suxandon, so’z

ustasi sifatida qadrlaydi, 0’zbekistonda xizmat ko’rsatgan artist Nasiba Ibrohimovani esa mohir diktor sifatida yaxshi ko’radi. Amir Unsurulmaoniy Kaykovus «Qobusnoma» asarining Suxandonlik bila baland martabali bo’lmoq zikrida» deb nomlangan ettinchi bobida suxandonlikning mohiyati, zarurati, shartlari va xususiyatlari bilan bog’liq muhim fikrlarni ilgari suradi. Suxan donlikning muhim shartlari - rostgo’ylik hamda nomaqbul rostni aytishdan tiyilishda, so’zni g’oyatda ulug’ligini his qilish hamda so’zni uvol qilmaslikda, so’zning o’rnida qo’llay olish hamda undan oqilona foydalanishdadebbiladi. Kaykovusning fikridan xulosa qiladigan bo ’lsak, suxandon nafaqat chiroyh so’zlashi, balki ma’naviy-axloqiy jihatdan ham tarbiyali bo’lishi zarur. Nutqiy mahorat bu oddiy nutq emas, balki fikrni sodda va chiroyli ifoda eta olishdir. Shu bois nutq madaniyati notiqlik bilan bevosita aloqador bo ’lsa ham, ular aynan bir tushunchalar emas. San’at ma’nosidagi notiqlik nutq madaniyatining eng yuqori nuqtasidan boshlanadi. Xalq orasida «so’zga chechan», «gapni do’ndiradi», «gapni qotiradi, kiyvoradi» degan iboralar yuradi. Bu notiqlik alomatlari bor kishilarga nisbatan qo’llaniladi. Darhaqiqat, ular nutqiy mahoratning ilmiy asoslaridan, uning sir-asrorlaridan voqif emas. Muayyan ma’rifiy maqsad yoki mavzuni umumlashtirish, kompo-zitsion yaxlitlikda taqdim eta olish salohiyati ularda unchalik shakl- lanmagan bo’ladi. Biroq har qanday holatda - ulfatchilikda, gap- gashtaklarda, guzarlardagi suhbatlarda so’z, nazmga va askiyaga moyilligi yuksakligi bilan «uloqni» olib ketadi. Notiqlik tinglovchi e ’tiborini tortish asnosida chiroyli gapirish va mahliyo etish san’atidir. Ammo nutqning faqat chiroyli bo’lishi notiq uchun kifoya qilmaydi: bema’ni safsatalarni ham juda chiroyli qilib gapirish mumkin. Bu esa notiqlik emas, vaysaqilik sanaladi. Notiqlik nutq vositasida kishilarga muayyan g’oya va maqsadlarni yetkazishni, ularni ma’lum maqsadlaigayo’naltirishni nazarda tutadi. Notiq nutqi 1-2 kishi uchun emas, keng auditoriyaga qaratilgan bo ’ladi. Shu bilan birga, unda nutqning mazmuni, mantiiqiy asosla- riga, mundarijaviy tuzilishiga diqqat qilinadi. Notiqlikda notiq, oldin- dan qanday so’zlash, nimadan boshlab, nimada tugatish rejalarini tuzib olishi rasm emas. U go’yo tayyorgarlik ko’rilmagan nutqqa o’xshaydi. Unda badihago’ylik, hozirjavoblik ustunlik qiladi.

Nutq madaniyati tugal fikr, go’zal ifoda demakdir. Izchillik bilan bir-biriga mantiiqan bog’lanmagan tugal flkr va uning ta’sirli ifodasi bo’lma-sa, u kishi qalbi, ongiga sig’maydi, qabul qilinganda ham chuqur anglashilmaydi. Nutqning to ’g’riligi deganda, dastavval uning adabiy til me’yor-lariga mos kelishi tushuniladi. Busiz boshqa aloqaviy sifatlar bo’li-shi mumkin emas. Bir tilga xos xususiyatlarni yoki so ’zlarni ikkinchi tilga qo’shib so’zlash yoki adabiy til me’yorlariga mos bo’lmagan so’z va iboralar (jargon, ko’cha gaplari)ni qo’llash nutqning tozaligiga zid. Demak, nutqning tozaligi, uning adabiy til mezonlariga mos kelish-kelmasligi, g’ayriadabiy til unsurlaridan xoli bo’lishidir. Ba’zi hollarda kishilar muloqot mavzuini chuqur bilmasdan, fikr ifodalashda qiynaladilar va odatga aylangan «Xo’sh», «haligi», «anaqa», «o’sha», «nimaydi», «deyhk» kabi so’zlarni ishlatadilar. Bular tilshunoslikda «parazit so’zlar»deyiladi. Nutq tozaligiga salbiy ta ’sir etuvchi holatlardan biri vulgar (qo’pol) so’zlarni istifoda etishdir. Qarg’ish, haqorat ma’nolarini anglatuvchi bunday so’zlar oynai jahon orqali namoyish etiluvchi badiiy film va spektakllarda qahramon qiyofasini, saviyasini, ruhiyasini, ruhiy holatini ochishda ba’zan qo’llaniladi. Yuqorida ko ’rib o’tilgan nutqiy sifatlar bilan bevosita daxldor bo’lgan omiUardan biri nutqning ta’sirchanligidir. Nutq ta’sirchanligi, asosan, og’zaki nutq jarayoniga tegishli. So’zlayotganingizda eshituvchining ko’z o’ngida tasviriy manzara hosil qUa olsangiz, ob- razli fikr yuritsangiz, o’z so’zingizga ishontira olsangiz, qiziqtir-sangiz, nutqingiz ravon bo’ladi va ta’sir darajasi oshib boraveradi. 0 ’xshatish yuzasidan o’quvchilar ongiga singdirilgan bilim keyingi darslarda to’ldirilib, mustahkamlab boriladi. Eng muhimi esa, ifodali o ’qish jarayonida shoshilmaslik, o’qilayotgan matn mazmunini to’la ochib berish va tinglovchilarga etkazishni, darsda o’tilgan g’oyaviy-badiiy omillarga e’tibor berish lozim. Toki, bu o ’qish shunchaki tez o’qish, umuman o’qish yoki formalistik o’qishga aylanib ketmasin. Buning uchun esa har bir ifodali o’quvchini butun borlig’i bilan ana shu asarga mahliyo etish, unda ifodali o’qish uchun zavq va rag’bat uyg’ota olish lozim. Bu har bir o’quvchining mahoratiga bog’liq.

Biroq ifodali o’qish uchun ana shu katta ishtiyoq bo’lgandagina asarning estetik fazilati yaqqolroq ochilib borishi va adabiyot darslarining estetik badiiy yuqori bo’lishi har bir o’quvchining diqqat markazida turishi zarur. Shunday qilib, «nutqiy obraz» haqidagi tushunchani o’quvchilar ongida shakllantirishning prozaik asarni o’rganishda imkoniyat katta. Ammo «nutqiy obraz»ning poetik asarda roli katta ekanligini nazarda tutish kerak. Nutqiy obrazlar haqidagi tushunchani shakllantira borish orqali o’quvchida hayot to’g’risidagi tasawur o’stirib boriladi. 0’quvchilar istiora-o’xshatishni ongli ravishda tushunib yetmoqlari uchun poetik obraz orqali konkret predmet va hodisalarni yaxshi bilib oladilar. Nutqiy obraz mazmunini ochishda konkret misollardan foydalanish lozim, albatta. Bunda har bir shoir yoki yozuvchi ijodidagi originallikni yoritib berishga alohida e’tibor beriladi. 0’quvchilarni ifodali so’zlarga qiziqish va e’tibor uyg’otish uchun shu so’zlar mazmunini tushuntirish, so’zlayotgan kishi fikrini anglatishdagi buyoqdorligini anglatish lozim.’Badiiy nutq g’oyat ta’sirchan bo’ladi. Undan kirn qanday so’zlayotganini, uning g’azab yoki shodlik bilan, qayg’u yoki quvonch bilan fikr bildirayotganini payqab olish oson. Yuqorida qayd etilgan fikrlardan kelib chiqqan holda, nutq yorqin va ta ’sirchan bo’lishi uchun quyidagilarni unutmaslik tavsiya etiladi: - nutq yolg ’ondan yiroq bo’lishi, nutqqa yolg’on aralashmasligi zarur; - nutq kuchli mantiqqa asoslangan haqiqat asosiga qurilishi kerak; - nutq dalil-isbotli, faktlarga boy bo ’lishi lozim; - nutq mazmunidan kelib chiqib, fikr hayotiy misollar orqali yoritilishimaqsadgamuvofiq; - eshituvchi uchun noma ’lum bo’lgan ma’lumotlarni keltir- magan ma’qul; - nutq hayajon va jo ’shqinlik tuyg’ulari bilan yo’g’rilgan bo’lishi darkor; - nutqda har bir so ’zning salmog’iga e’tibor berish, uning ta’sirini ko’rabUish zarur; - nutqda zimmaga yuklangan mas ’uliyatni chuqur his qilish lozim; - har bir nutqda hayotning biror-bir dolzarb masalasi ko ’tarilishi kerak; - nutqda mavzu bilan bog ’liq biror rivoyat, latifa, xotira yoki obrazli iboralar

bo’lishi maqsadga muvofiq; - nutqda bildiriladigan muammo tinglovchi va jamoatchilikka tanish bo’lishi lozim. Fazilatlarni ikki turkumga bo’lar ekan, alloma Abu Nasr Forobiy uni «Nutqiya» va «xalqiya»ga ajratadi. Nutqiya fazilatlari - ruhning gapiruvchi quvvatiga taalluqli bo’lib, ular hikmat, aql, ajin (pe-shonadagi), fahm afzalligi va zakovatdan iborat. Bilish vositalari va omillarini esa qo’yidagilardan iborat, deb ko’rsatadi, - nutq, tasav-vur, his. Narsalar to’g’risidagi bilim nutq quvvati hamda tasawur orqali, shuningdek, his-tuyg’u vositasida paydo bo’ladi. Har vaqt bilim hosil qilishga iroda ko’rsatilsa, lining idroki nutq quwatining sha’nida, ya’ni markazidadir. Fozillar shahrining asoschisi bo’lgan birinchi Rais 12 ta xislatga ega bo’ladi. Uchinchi o’rinbosar bo’lgan shaxsga ushbu xislatlardan birinchi oltitasigina shart bo’ladi. Bu shartlarning biri - gapirayotgan gapining salmoqdor va kam bo’lsa ham, ta’sirchan bo’lishidir1. Til, nutq hamda yozuv o ’zaro bir butunlikni hosil etibgina qolmay, og’zaki va yozma nutqning asosiy manbai hamdir. Nutqiy bo’linishlar sirasidan o’rin olgan telenutq va radionutq ommaga muayyan tilning jozibasi va boyligini namoyon etuvchi, yetkazuvchi asosiy vositalardandir. Ma’lumki, so’z va nutq vositasida yakka shaxs va jamoa bilan muomalada bo’lishga qaratilgan Lxttsosliklar ibtidoiy ko’rinishlarda bo’lsa-da, qadimdan mavjud. Hozirda esa uning rang-barang, zamonaviy texnika vositalari orqali muloqotda bo’lish shakllari ommalashib bormoqda. Garchi shunday esa-da, so’z, nutq ijtimoiy til birliklariga munosabat hamma davrlarda bir xil bo’lgan. Ajdodlarimiz so’zni, nutqni ilohiy ne’mat, hikmat deb qarashgan. Uni to’gcri va o’rinli qo’llay bilish nozikta’b notiqlarga, suxanvarlaiga nasib etgani rost. Yurtboshimizning Oliy Majlis minbaridan turib, «0’z fikrini mutlaqo mustaqil, ona tilida ravon, go’zal va lo’nda ifoda eta olmaydi- an mutaxassisni, awalambor, rahbar kursisida o ’tirganlarnfbugun tushunish ham, oqlash ham qiyin»-deb ta’kidlashlari bejiz emas1. To’gTi ta’kidlanganidek, gap so’zning soni yoki sifatida emas, balki ularni bilish va o’z o’rnida qo’llay olishdadir.

Foydalanilgan adabiyotlar 1. AbduraufFitrat. Oila yoki oilani boshqarish tartiblari. Т.: Ma’naviyat, 2. Abu NasrFombiy. Fazilat, baxt, saodat va kamolot haqida. Т.: Yozuvchi, 3. Ahmadjon Bobomurod. Kamolot sari. Т.: Cho’lpon, 2000. 4. Bekmirzoyev Norqul. Notiqlik asoslari. Т.: Fan, 2006. 5. Donolar xazinasidan. Т.: 0’qituvchi, 1999. 6. Jubron Xalil. Donishmand hikmatlari. Т.: 0’zbekiston Faylasuflari milliy jamiyati, 2006. 7. Jumaniyozov R. Nutqiy mahorat. Т.: Adolat, 2005. 8. Ibratli hikmatlar. Т.: 0’zbekiston, 2006.

O'xshashlar

Muomala madaniyatining milliy xususiyatlari

Muomala madaniyatining diniy-axloqiy asoslari

Etiket muomala madaniyatining zamonaviy ko’rinishi sifatida

Muomala madaniyati jamiyat taraqqiyotining muhim omili sifatida

Shirin so’z va chiroyli muomala - inson ko’rki sifatida