Mexanik ishlov berish texnologik jarayonlarini loyihalash - Kimyo - Referatlar

Mexanik ishlov berish texnologik jarayonlarini loyihalash

Yuklangan vaqt:

08.11.2023

Ko'chirishlar soni:

0

Hajmi:

22.8642578125 KB

Ko'chirib olish

Mexanik ishlov berish texnologik jarayonlarini loyihalash Reja: 1. Mexanik ishlov berish texnologik jarayonlarini loyihalash uchun dastlabki ma’lumotlar. 2. Mexanik ishlov berish rejasi. 3. Metall kesish dastgohlari, moslamalar, kesuvchi va o’lchovchi asboblar tanlash. 4. Kesish ma’romlarini aniqlash.

Mexanik ishlov berish texnologik jarayonlari ishlab chiqarishni unumli tashkil qilgan holda metall kesish dastgohlari, kesuvchi asboblar, moslamalarning texnologik imkoniyatlari to’la foydalanilib, kam mehnat va vaqt sarflab mahsulotni minimal tannarxda tayyorlashga qaratilgan bo’lishi kerak. Mexanik ishlov berish texnologik jarayonlarini loyihalash uchun dastlabki ma’lumotlar. Mexanik ishlov berish texnologik jarayonlarini loyihalash uchun har bir detalning yillik ishlab-chiqarish dasturi asos bo’ladi. Xuddi shuningdek, detalningng ishchi chizmasi, uning tayyorlash bo’yicha texnik shartlari ham texnologik jarayon loyihalash uchun dastlabki ma’lumot bo’lib xizmat qiladi. Detalningng ishchi chizmasida quyidagi ma’lumotlar bo’lishi kerak: a) xomashyo turi; b) xomashyo materiali va markasi; v) ishlov beriladigan yuzalar; g) tozaligi to’g’risida ma’lumot (shartli belgilar yordamida); d) ishlov berish aniqligi va qo’yimlar maydoni; e) termik ishlov berish turi. Mexanik ishlov berish texnologik jarayonlarni loyihalashda quyidagi asosiy masalalar hal etiladi: a) texnologik jarayonni bajarish uchun ishlab-chiqarish turi va ishni tashkil qilish shakli belgilanadi; b) partiyadagi detallar soni aniqlanadi va ishlab-chiqarish takti o’rnatiladi; v) xomashyo turi va uni olish usuli va o’lchamlari aniqlanadi. g) detal yuzalariga mexanik ishlov berish ketma-ketligi, rejasi tuziladi. d) metall kesish dastgohi, kesuvchi asbob va moslamalarning turi texnik ko’rsatkichlari aniqlanib, belgilangan ishni bajarish uchun ularni soni topiladi; e) ishlov beriladigan yuzalarni o’lchamlari hisoblanadi (qo’yim miqdori hisoblanadi); j) kesish ma’romlari hisoblanadi; z) amalni bajarish uchun sarflangan vaqt me’yorlari belgilanadi;

i) ishchining malakasi aniqlanadi; k) loyihalangan texnologik jarayoni texnik-iqtisodiy ko’rsatkichlari aniqlanadi; l) texnolgik jarayoning xujjatlari rasmiylashtiriladi. Ko’rib chiqilgan masalalarning aksariyat qismini biz avvalgi mavzulardan o’rgandik. SHuning uchun ularni ayrimlari ustida to’xtab o’tamiz. Mexanik ishlov berish rejasi. Mashina detallari yuzalariga mexanik ishlov berish rejasi ularni tayyorlashning eng ma’qul variantini tuzishdan iborat. Reja mexanik ishlov berishni har-bir qismini o’zida mujassamlashtirishi zarur: amallar ketma-ketligi, ularning tarkibi va bajarish tartibi. Mexanik ishlov berish rejasini tuzishda quyidagilarga e’tibor berish zarur: 1) birinchi navbatda detalning shunday yuzalariga ishlov berish kerakki qaysiki ular boshqa amallarda o’rnatish bazasi bo’lib xizmat qiladi; 2) keyingi navbatda eng katta metall qatlami olib tashlanishini zarur bo’lgan qatlamli yuzalarga ishlov beriladi, chunki shu holda xomashyodagi mavjud ichki nuqsonlar aniqlanadi; 3) mexanik ishlov berishning murakkabligi yoki materialni xususiyatiga bog’liq ravishda nuqson kutilayotgan operatsilar bajariladi; 4) keyinchalik bajariladigan amallar talab etilayotgan aniqlik va yuza tozaligiga bog’liq ravishda olib boriladi. Shu nuqtai nazardan, yuza qancha aniq va toza bo’lsa shuncha kech ishlov beriladi. Agarda tozaligi yuqori yuzaga avval ishlov berib olinsa va bu yuza keyinchalik o’rnatish yoki mahkamlash yuzasi bo’lsa u holda yuzaning aniqligi va sifati buziladi. 5) eng yuqori aniqlik va yuza tozaligiga ega bo’lgan yuzalarga ishlov beriladi. Agar bunday yuzalarga avval ishlov berilgan bo’lsa yana qaytadan ishlov beriladi. 6) qora va toza ishlov berishni bitta dastgohda olib borilsa ishlov berish aniqligi pasayadi.

Metall kesish dastgohlari, moslamalar, kesuvchi va o’lchovchi asboblar tanlash. Mexanik ishlov berish rejasi tuzilganda amal qaysi dastgohda bajarilishi ko’rsatilib o’tiladi. Uning modeli va texnologik imkoniyatlari keltiriladi. Xuddi shuningdek o’lchamlari, quvvati, unumdorligi, narxi ham keltiriladi. Dastgohlarning modeli asosan ishlab-chiqarish turiga qarab belgilanadi. Masalan, donali ishlab chiqarishda universal, yalpi ishlabchiqarishda maxsus, avtomatlashtirilgan, agregat dastgohlardan foydalaniladi. Texnologik moslamalar ham dastgohlar kabi ish unumdorligini tapminlash maqsadida ishlab-chiqarish turiga qarab tanlanadi. Donali ishlab-chiqarishda dastgohni o’zidagi moslamalardan foydalanilsa yalpi ishlab-chiqarishda maxsus moslamalar qo’llaniladi. Kesuvchi asboblar ham o’z navbatida ishlab chiqarish dasturi ortishiga qarab maxsuslashib boradi. Buning asosiy sabablari bilan biz siz bilan avvalgi paragrafda tanishib chiqdik. Xuddi shu kabi o’lchov asboblarning standartlashgan universal turlari donali ishlab chiqarishda qo’llansa, yalpi ishlab-chiqarishda maxsus chegaraviy kalibrlar, indikatorli qurilmalar va moslamalardan foydalaniladi.

Kesish ma’romlarini aniqlash. Kesish ma’romlarini aniqlashga kirishishdan avval detalningng ishlov beriladigan yuzalarining o’lchamlarini hisoblab olish zarur. Bu o’lchamlardan kesish tezligi va vaqt me’yorini hisoblashda foydalaniladi. Kesish ma’romlarini hisoblash uchun dastlabki ma’lumotlar rolini quyidagilar bajaradi: 1. Ishlov beriladigan detal to’g’risidagi ma’lumotlar (ishchi chizmasi, ishlov berish bo’yicha texnik shartlar), xomashyo materiali, shakli, o’lchamlari, o’lchamning qo’yimlar maydoni, to’g’ri geometrik shakldan og’ishlar chegarasi (ovallilik, konussimonlik va h.k.), ishlov berilayotgan yuza tozaligi va aniqligi, yuzalarni o’zaro joylashish aniqligi; 2. Xomashyo to’g’risidagi ma’lumot: xomashyo turi va uni olish usuli, qo’yimlarni miqdori va turi: yuzaning holati; 3. Metall kesish dastgohining pasporti. Yuqoridagi ma’lumotlarga asoslangan holda kesish ma’romlarini hisoblash quyidagi tartibda olib boriladi: 1. Kesish chuqurligi - t tanlanadi, bu kattalik qo’yimlar hisobidan keltiriladi. 2. Kesuvchi asbob tanlab olinadi. Uning materiali geometrik va konstruktiv parametrlari va standarti (maxsus bo’lmasa) ko’rsatiladi. 3. Surishlar miqdori aniqlanadi. Surishlar miqdori – S detalningng o’lchamlari, turi va kesish chuqurligiga bog’liq ravishda qabul qilinadi. uzatishlar miqdorining qabul qilingan kattaligi dastgoh pasporti bilan moslashtiriladi, ya’ni dastgoh bo’yicha kichik va yaqin miqdori qabul qilinadi. 4. Kesuvchi asbobning turg’unlik davri tanlanadi. Kesuvchi asbobning turg’unlik davri- T uning turiga, o’lchamlariga va ishlov berish xarakteriga bog’liq bo’ladi. 5. Kesish tezligi aniqlanadi. Kesish tezligini aniqlashda ishlov berilayotgan material, ishlov berish xarakteri, kesish chuqurligi, kesuvchi asbobning turi, uzatishlar miqdori inobatga olinadi. Hisoblab topilgan yoki jadvallardan qabul

qilingan kesish tezligi asosida dastgoh shpindelining aylanishlar soni topiladi. Bu kattalik uzatishlar miqdori kabi dastgoh pasporti bo’yicha moslanadi. 6. Kesish kuchining tashkil etuvchisi yoki burovchi momenti aniqlanadi. 7. Kesish uchun ye tarli bo’lgan quvvatni aniqlanib, bu quvvat dastgohning F.I.K. orqali uning elektrodvigateli quvvati bilan solishtirilib ko’riladi. Agarda kesish uchun talab etilgan quvvat dastgoh quvvatidan katta bo’lsa, u holda kesish chuqurligi ikkiga bo’linib ikki o’tishda bajariladi yoki kesish tezligi pasaytiriladi. Ko’rib chiqilgan barcha ishlar texnologik jarayon loyihalash uchun zarur bo’lib, ularni bajarishda mashinasozlik texnologiyasi asoslarini chuqur bilish taqozo etiladi. Barcha loyihalash ishlari bajarilib bo’lgandan so’ng yangi ishlab chiqarilgan texnologik jarayonning texnik-iqtisodiy ko’rsatkichlari aniqlanadi. Loyihalangan texnologik jarayon standartlar asosida tuzilgan kartalarda rasmiylashtiriladi. Bunday kartalarga quyidagilar kiradi: a) marshrut kartasi (GOST 3.1404-71). Bu kartada texnologik jarayonni tashkil etuvchi barcha amallarni bajarish ketma-ketligi va tartibi ifodalanadi. Bundan tashqari, dastgoh, moslama, kesuvchi asbob va o’lchov asboblari to’g’risidagi ma’lumot mujassamlashtiriladi. b) eskizlar kartasi (GOST 3.1404-74). Bu kartada texnologik jarayon amalsining grafik tasviri aks ettiriladi. v) amallar kartasi (GOST 3.1404-71). Bu kartada texnologik jarayon amalsi to’la ifodalangan bo’lib, har bir texnologik o’tish, xolatlar ifodalanib, dastgoh, kesuvchi yoki yordamchi asboblar, o’lchov asboblari hamda kesish ma’romlari to’g’risidagi ma’lumotlar keltiriladi. Ushbu kartadan sovutish-moylash suyuqliklari to’g’risidagi ma’lumot ham ko’rsatiladi.

Adabiyotlar: 1. K.P.Abduraxmanov, O’.Egamov “Fizika kursi” darsligi, Toshkent.: Aloqachi 2013 y. 2. K.P.Abduraxmanov, O’.Egamov “Fizika kursi” darslik, Toshkent, “O’quv ta’lim metodikasi” 2015 y. 3. Савельев И. В. Курс физики. М.: Наука 1989 т. 1 4. Савельев И. В. Курс физики. М.: Наука 1989 т. 2 5. Савельев И. В. Курс физики. М.: Наука 1989 т. 3 6. Савельев И. В. Сборник вопросов и задач по общей физик е . М.: АСТ. Астрель. 2005. С.320. 7. К.П.Абдурахманов, Ў.Эгамов “ Физика курси” дарслиги, Тошкент, 2010 й. 8. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.496 (1том) 9. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.416 (2том) 10. Трофимова Т.И. Курс физики.М.Высшая щкола 1999.С.543

O'xshashlar

Detallarga mexanik ishlov berish aniqligi

Dеtаllаrni bаzаlаshdа, ishlоv bеrishdа dеtаllаrni dаstgоhlаrdа o’rnаtish

Ilgaklarni tayyorlash texnologiyasi

Detallari yuzalarining sifati

Qutisimon detallarni tayyorlash texnologiyasi