Jismoniy tayyorgarlik haqida tushuncha - Jismoniy tarbiya - Referatlar

Jismoniy tayyorgarlik haqida tushuncha

Yuklangan vaqt:

20.09.2019

Ko'chirishlar soni:

0

Hajmi:

89 KB

Ko'chirib olish

Jismoniy tayyorgarlik haqida tushuncha Reja: 1. Maxsus jismoniy tayyorgarlik 2. Jismoniy qobiliyatlarni rivojlantirish uslubiyati

Jismoniy tayyorgarlik - tashkillashtirilgan jarayon bo'lib, quyidagi maqsadlarga qaratilgan: -Shug'ullanuvchilar organizmini har tomonlama rivojlantirish (tayanch-harakat apparati, yurak-qon tomir va nafas olish tizimlarini mustahkamlash, vegetativ va markaziy nerv tizimlari faoliyatini takomillashtirish); -Salomatlikni mustahkamlash va mehnat layoqatini oshirish; -Badiiy gimnastika mashqlari texnikasini o'zlashtirish va ularni sifatli (talab darajasidagi amplituda (tebranish kengligi, holatlar orasidagi masofa), tezlik va kuch bilan) bajarish uchun zarur bo'lgan jismoniy hususiyatlarni rivojlantirish. Jismoniy tayyorgarlik badiiy gimnastikachilarni organizmini har tomonlama rivojlantirishga, ularni sog'ligini mustahkam- lashga, harakat sifatlarini takomillashtirishga qaratilgan. Jismoniy tayyorgarlik - umumiy jismoniy tayyorgarlik va maxsus jismoniy tayyorgarlikka bo'linadi. Umumiy jismoniy tayyorgarlik Umumiy jismoniy tayyorgarlik - bu inson faoliyatidan qat'iy nazar, umumiy tarzda amalga oshiriladigan jismoniy tayyorgarlikdir. U shug'ullanuvchilarning salomatligini mustah kamlash va har tomonlama rivojlantirishga, mehnat layoqatini oshirish hamda tanlangan sport turidan qat'iy nazar, jismoniy xususiyatlarini takomillashtirishga qaratilgan. Demak, umumiy jismoniy tayyorgarlik -jismoniy qobiliyat-lami, sifatlarni tarbiyalashga va badiiy gimnastikachi qizlarni ishchanligini ko'tarishga qaratilgan. Badiiy gimnastika mashq-lariga yo'naltirilmagan. Umumiy jisraoniy tayyorgarlikning vositalari bu - kross, qisqa masofaga yugurishlar, suzish, harakatli o'yinlar hamda turli xil mashqlar.

Maxsus jismoniy tayyorgarlik Maxsus jismoniy tayyorgarlik - maxsus tashkil etilgan ja-rayon bo'lib, jismoniy sifatlarni tarbiyalashga va mukammallash- tirishga hizmat qiladi hamda badiiy gimnastika mashqiarini tex- nikasini muvaffaqiyatli bajarishga va uni takomillashtirishga imkoniyat yaratadi. Hozirgi vaqtda 7 ta asosiy jismoniy qobiliyat ajratib ko'rsatiladi (ba'zida ularni harakat yoki psixomotor qobiliyatlar deb atashadi): 1. Koordinatsiya - mushak faoliyatini maqsadga muvofiq tarzda tashkil eta bilish qobiliyati va chaqqonlik - yangi harakatlarni o'zlashtirish hamda faoliyatni vaziyatga qarab o'zgartira bilish qobiliyatidir. 2. Egiluvchanlik - bo'g'imlardagi harakatchanlik - harakat larni katta amplituda bilan faol va sust tarzda bajarish qobi liyatidir. 3. Kuch - tashqi qarshilikni yengib o'tish yoki unga statik va dinamik harakatlardagi mushak qisqarishlari hisobiga qarshi tura olish qobiliyatidir. 4. Tezlik - ko'rsatilgan ta'sirga tezda javob berish (reaktsiya) va harakatlarni katta tezlik va chastota bilan bajara olish qobiliyati. 5. Sakrovchanlik - turfilish (biron nimaga tayanib itarilish) balandligida namoyon bo'ladigan tezlik-kuch qobiliyati. 6. Muvozanat - statik va dinamik mashqlarda muvozanatni saqlab turish qobiliyati. 7. Chidamlilik - charchashga qarshi tura bilish qobiliyati. Keyingi paytlarda badiiy gimnastika bo'yicha maxsus adabi- yotlarda jismoniy sifatlarni ahamiyati bo'yicha tasniflashga uri-nishlar uchramoqda. Bu maqsadga muvofiq emas, chunki badiiy gimnastika - ko'p qirrali sport turi bo'lib, undagi turli mashqlar har xil jismoniy qobiliyatlar va ularni namoyon qilishning turli darajalarini talab qiladi. Bular orasida faqat ikkita qobiliyat - koor dinatsiya va egiluvchanlikni alohida ajratib ko'rsatish mumkin, xolos. Badiiy gimnastika sohasi mutaxassislarining fikriga ko'ra, mazkur sport turidagi jismoniy tayyorgarlikning o'ziga xos jihati shundan iboratki, bunda

mashqlaming maqsadi harakatlarning mutloq uyg'unligiga erishishdan iborat bo'ladi. Yuksak natijalar yuqorida sanab o'tilgan jismoniy qobiliyatlardan birining mutloq ko'rsatkichlari bilan emas, balki harakatlarning turli tomonlari o'rtasidagi o'zaro mutanosib bog'liqlik bilan belgilanadi. Badiiy gimnastikadagi jismoniy tayyorgarlikning o'zagi kompleks o'zaro ta'sirdan iborat bo'lib, bunda har bir element -jonli harakatning uzviy davomiyligi bo'ladi. Mashqlarni tanlab olishda eng murakkab harakatlarni mukammal bajarish imkonini beruvchi mashg'ulotlarga e'tibor qaratish barobarida, ulardan foydalanganda barcha mushaklarni ishga solish va nerv markazlarini harakatga keltirishga urg'u berish maqsadga muvofiq bo'ladi. Badiiy gimnastika bilan shug'ullanuvchilarning maxsus jismoniy tayyorgarligiga doir asosiy tamoyillar quyidagilardan iborat: Mutanosiblik - jismoniy sifatlarning eng maqbul, mutanosib va muvozanatga solingan tarzda rivojlantirilishi; O'zaro bog'langanlik - tuzilishi bo'yicha badiiy gimnasti-kaning asosiy mashqlariga eng yaqin bo'lgan vositalarni qo'llash; O'zish - texnik tayyorgarlikka nisbatan jismoniy qobiliyatlar- ning tezroq rivojlanishini ta'minlashdan iborat. Badiiy gimnastikachilarning maxsus jismoniy tayyorgar-ligining asosiy vositalari quyidagilardan iborat: -Umumiy rivojlantiruvchi mashqlar; -Akrobatik mashqlar; -Klassik trenaj elementlari; -Badiiy gimnastika mashqlari; -Jismoniy qobiliyatlarni rivojlantirishga qaratilgan quyidagi mashqlar. Chaqqonlikka - murakkab koordinatsiyalangan harakatlar va buyumlar bilan mashqlarni o'z ichiga olgan topshiriqlar; Egiluvchanlikka - boldir suyagi bilan tovon suyagini birikti-ruvchi bo'g'in, tos suyagi bilan son suyagini biriktiruvchi bo'g'in, umurtqa va yelka bo'g'inlarining harakatchanliklarini rivojlan tirishga qaratilgan mashqlar - prujina kabi

cho'zilishlar, silkitishlar, tana holatlarini fiksatsiyalash (muayyan holatda qotirib qo'yish), bo'shatish; Kuchga - qo'l, oyoq va badan raushaklari kuchini oshirishga qaratilgan mashqlar: egish va bukishlar, silkitish, aylanma hara katlar, yugurish, sakrash, o'tirib turish va boshqalar; Tezlikka - asosiy mashqlarni bajarishda reaktsiya, harakatlar tezligi va chastotasini rivojlantirishga qaratilgan mashqlar; Muvozanat saqlashga - murakkablashtirilgan sharoitlarda barqaror holatni saqlab turish: dinamik harakatlar, vestibulyar apparat qo'zg'algandan keyin, ko'zlar yumilgan holatda, kichraytirilgan yoki kattalashtirilgan tayanch bilan bajariladi. Chidamlilikka - charchagan holiga turli mashqlarni bajarish. Gimnastikada maxsus jismoniy tayyorgarlikning asosiy us-lublari quyidagilardan iborat: -Qaytarish uslubi; -O'zgaruvchan; -Doiraviy; -O'yinli; -Musobaqalashuv uslublari. Gimnastikachilar maxsus jismoniy tayyorgarligini tashkil etish quyidagi shakllarda amalga oshiriladi: A) Maxsus mashqlar majmui; B) Doiraviy mashq ko'rinishida; V) Musobaqalar shaklida. Mashqlar majmui, doiraviy mashq va musobaqalarni o'tkazishda bir jismoniy xususiyatlarning boshqasiga (ijobiy va salbiy, bevosita va bilvosita, bir tomonlama va ko'p tomonlama) ta'sirini hisobga olish kerak. Shuni ham esda tutish kerakki, chaqqonlik, tezlik va sakrovchanlik charchoq holatida rivojlana olmaydi.Toliqish ta'sirida faol egiluvchanlik ta'siri ham kamayadi. Egiluvchanlik, sakrovchanlik va tezkorlikka mo'ljal-langan mashqlarni sifatli bajarish uchun esa oyoq-qo'l chigilini yozib olish darkor.

Yuqorida aytilganlarni liisobga olgan holda jismoniy husu-siyatlarni rivojlantirish va baholashga yo'naltirilgan vazifalar quyidagi tartibda berilishi tavsiya etiladi: 1) Qo'l oyoq chigilini yozib olish; 2) Egiluvchanlikka mo'ljallangan mashqlar; 3) Tezlikka; 4) Sakrovchanlikka; 5) Koordinatsiyaga; 6) Muvozanatga; 7) Kuchga;. 8) Chidamlilikka. Maxsus jismoniy tayyorgarlikni amalga oshirish va baholash paytida jismoniy xususiyatlarning rivojlanishiga oid maqbul ( sen - zitiv ) yosh davrlarini hisobga olish kerak : Maktabgacha va 6-10 yosh Koordinatsiya va kichik maktab yoshi chaqqonlik sust egiluvchanlik , tezlik O ' rta maktab yoshi 11-14 yosh Kuch , sakrovchanlik , faol egiluvchanlik , muvozanat . Katta maktab yoshi 14-17 yosh Kuch va chidamlilik Jismoniy qobiliyatlarni rivojlantirish uslubiyati Koordinatsiya - bu ishga faqat kerakli mushaklarni zarur tezlik va kuch bilan jalb etgan holda mushak faoliyatinii maqsadga muvofiq holda tashkil eta bilish qobiliyati . Koordinatsiya mezoni harakatlami zamon (vaqt), makon va mushak harakatlari parametrlariga ko'ra aniq bajarishdan iboratdir. Chaqqonlik - bu yangi harakatlarni tezda o'zlashtirish va harakat faoliyatini vaziyat talablariga binpan o'zgartirish qobi- liyatidir. Chaqqonlik yangi harakatlarni

o'zmshtirish yoki harakat larni qayta qurish uchun kerak bo'lgan vaqt bilan o'lchanadi. Koordinatsiya va chaqqonlikni rivojlantirish vositalari: • Mushaklarni bo'shashtirishga qaratilgan mashqlar; • Reaktsiya tezligiga qaratilgan mashqlar; • Tananing turli qismlari bilan amalga oshiriladigan hara katlarni muvofiqlashtirishga qaratilgan mashqlar; • Harakatlarni zamon, makon va kuch parametrlari bo'yicha aniq bajarishga qaratilgan mashqlar. • Buyumlar bilan bajariladigan mashqlar; • Akrobatik mashqlar; • G'ayrioddiy harakatlar bilan boyitilgan o'yinlar. Koordinatsiya va chaqqonlikni rivojlantirish uslublari: • Takroriy; • O'zgaruvchan; • G'ayrioddiy boshlang'ich holatidan; • Oynadagi aksga qarab bajariladigan; • O'yinli va musobaqali. Egiluvchanlik - bu harakatni katta amplituda bilan bajarish qobiliyatidir. Faol va sust egiluvchanlik farqlanadi. Faol egiluv chanlik mushak bo'g'inlari orqali o'tadigan zo'riqishlar hisobiga, sust egiluvchanlik esa tashqi kuchlarni jalb qilish orqali amalga oshiriladi. Egiluvchanlik qo'yidagi omillarga bog'liq bo'ladi: • Bo'g'inlarning tuzilishi, ularning shakli va o'lchamiga; • Paylar va mushaklarning uzunligi va elastikligiga; • Mushak tonusini boshqaruvchi nerv markazlarining funksional holatiga; • Muhit haroratiga - qanchalik yuqori bo'lsa, shuncha yaxshi; • Running qaysi vaqti ekanligiga, raasalan ertalab egiluv chanlik past bo'lishi kuzatiladi; Toliqish darajasiga - bunda passiv (sust) egiluvchanlik yaxshilanib, faol egiluvchanlik yomonlashadi;

• Irsiyatga, jins va yoshga - bolalar va ayollar egiluvchanroq bo'ladilar. Egiluvchanlikni rivojlantirish vositalari: -Bo'shashishga yo'naltirilgan mashqlar - 12-15 % ga oshiradi; -Katta amplitudaga ega ravon harakatlar; -Takrorlanuvchi prujinasimon harakatlar; -Maksimal amplitudani passiv ravishda saqlash; -Maksimal amplitudani faol ravishda saqlash; -Amplitudani asta sekin oshirish bilan bajariladigan siltashlar. Egiluvchanlikni rivojlantirish uslublari: -Takroriy; -Hamkor yordamida; -Og'irlashtirish va amartizatorlarni qo'llash; -O'yinli va musobaqali. Egiluvchanlikka qaratilgan mashqlarni dars davomida ikki marotaba: mashg'ulotning tayyorlov qismida, qo'1-oyoq chigili yozilgandan so'ng va mashg'ulotning eng oxirida, toliqish fonida bajarilsa eng ko'p samara beradi. Awal boshida egiluvchanlik mashqlarini kunora bajarish kerak bo'ladi. Chunki shunda mushaklar dam olishga ulguradi, keyinchalik esa ularni har kuni qilish kerak. Kuch - bu tashqi qarshilikni yengish yoki mushak harakatlari hisobiga unga qarshi tura olish qobiliyatidir. Statik, dinamik va portlovchi kuch turlari ajratib ko'rsatiladi. Statik kuch kam qimirlashli harakatlarda namoyon bo'ladi: tana yoki uning qismlari holatini ushlab turish, og'ir buyumlami ko'tarishda, qo'lga tiralib tanani ko'tarishda, turnikka osilishda, o'tirib turishda. Dinamik kuch katta harakatlarda: yugurish, suzish, chang'ida yurish va boshqalarda namoyon bo'ladi. Portlovchi kuch sakrash va otishlarda ko'rinadi. Kuchni baholashda quyidagilarni farqlash muhim: 1. Absolyut va nisbiy kuchni:

Absolyut kuch - ko'plab mushak guruhlarining qandaydur harakatdagi jamlama kuchidif. Nisbiy kuch - tana vaznining 1 kg ga to'g'ri keladigan kuchdir. 2. Bir harakatning maksimal kuchini va ma Mum vaqt oralig'idagi kuchni. Kuchni rivojlantirish vositalari qarshilikni yengish yoki unga qarshi turish kerak bo'lgan mashqlardan iboratdir. Qarshilik turlari: 1. O'z tanasi yoki uning qismlari vazni; 2. Hamkorning qarshiligi yoki o'ziga o'zi qarshilik ko'rsatish; 3. Buyumlar: og'ir toshlar, biror narsa to'ldirilgan koptoklar; 4. Cho'ziladigan buyumlar: rezina, espander va boshqalarning qarshiligi; 5. Aralash qarshiliklar. Kuchni rivojlantirish mashqlari anatomik belgiga ko'ra quyi-dagicha tasniflanadi: • Qo'l va yelka mushaklari kuchini; • Oyoq va gavda mushaklari kuchini; • Oyoq va tos belbog'i mushaklari kuchini rivojlantirishga. Kuchni rivojlantirish usldublari: • Takrorlanuvchi sa'y-harakatlar uslubi: a)mashqlarni ma'lum marotaba bajarish; b) «Kuch qolmaguncha» hisobsiz marotaba bajarish. • Dinamik sa'iy-harakatlar uslubi: ma'lum vaqt ichida imkon qadar ko'p marotaba. • Statik sa'iy-harakatlar uslubi: muayyan tana holatini ma'lum vaqtgacha ushlab turish; • Maksimal sa'iy-harakatlar uslubi: mashqlarni maksimal darajadagi og'riqlar bilan bajarish. Tezlik - bu mashqlarni imkon qadar qisqa vaqt ichida bajarish qobihyatidir. Tezkorlikning to'rtta elementar shaklini ajratib ko'rsatadilar:

l.Reaktsiya vaqti 2.Bir (yakka tartibdagi)harakat vaqti; 3.Keskinlik - tez boshlanish; 4.Harakatlar maromi. Sport mashqlarining aksariyati barcha tezlik shakllarining majmuini talab qiladi. Tezlikni rivojlantirish vositalari: 1. Tez reaktsiyani talab qiluvchi mashqlar: A) Harakatlanayotgan obyektga - to'xtatish, ilib olish- qaytarish yoki orqaga dumalatish. B) Tezda tanlish - nima qilish kerak? 2. Tezda bajarish zarur bo'lgan mashqlar, ya'ni predmet uchayotgan paytda bajariladigan harakatlar: dumalashlar, burilish- lar, aylanishlar va hokazolar; 3. Maksimal chastota bilan bajarish kerak bo'lgan mashqlar: yugurish, arqon aylantirish, obruch, cho'qmor, lenta aylantirish, . kichik doiralar, tegirmonlar, spirallar, ilonchalar, janglyorlik va boshqalar. Tezlikni rivojlantirish qoidalari: 1. Faqat yaxshi o'zlashtirilgan vazifalardan foydalanish; 2. Vazifalarni «yangi kuch» bilan, qisqa vaqtda bajarish; 3. Vazifaning murakkablik darajasini asta-sekin oshirish. Tezlikni rivojlantirish uslublari: 1. Shartlarni yengillashtirish - vazifalarni « tepalikdan pastga » tarzida bajarish , osib qo ' yilgan yoki uzatilayotgan buyumga reaktsiya . 2. Vazifalarni yetakchi ortidan bajarish; 3. Tezlik bo'yicha mo'ljal berish - hisob, chapak chalib turish, metronomdan foydalanish, musiqa; 4. Vazifalarni standart sharoitlarda turkum tarzda takror bajarish, bunda tezlik imkon chegarasida bo'lishi kerak. 5. Shartlarni murakkablashtirish - «tepalikka» «noqulay» tayanch bilan chiqish, kutilmaganda va noqulay tarzda uzatilgan buyumni ilish; 6. «Kim tezroq» va «kim ko'proq» tarzidagi vazifalar.

Sakrovchanlik - bu eng qisqa vaqt oralig'ida maksimal darajadagi quvvat bilan harakat qilish qobiliyati bo'lib, buning natijasi yerning tortishish kuchini yengish va biroz vaqt tayanchsiz holatda bo'lib turishdan iboratdir. Sakrovchanlikning mezoni (o'lchovi) tayanchsiz holatda bo'lish vaqti, bilvosita ko'rsatkichi esa - sakrash balandligi yoki itarilish uzunligidan iborat. Sakrovchanlikning o'zi va sakrashga chidamlilik qobiliyat-larini farqiash lozim. Sakrovchanlik tezkorlik va kuchga bog'liq hususiyat bo'lib, uning darajasini mushaklar qisqarishi tezligi, kuchi va elastikligini belgilaydi. Bundan tashqari, itarilish, uchish va qo'nish texnikasining samaradorligi ham katta ahamiyat kasb etadi. Shu munosabat bilan sakrovchanlikni rivojlantirish vositalari quyidagilardan iborat bo'ladi: l.Oyoq mushaklari elastikligini rivojlantirish mashqlari -cho'zilishlar. 2.0yoq mushaklari: oyoq yuzi, boldir, son kuchini rivojlantirish mashqlari; 3.Mushak qisqarishi tezligini rivojlantirish mashqlari; 4.Quyidagi harakatlar texnikasini o'rganish va takomil-lashtirishga qaratilgan mashqlar: a) qo'nish - tepalikdan tushish va sakrash; b) itarilish - prujinali harakatlar, qo'llar, gavda va boshqaning muvofiqlashtiruvchi tarzdagi harakatlari bilan birgalikda amalga oshiriladigan ikki va bir oyoqda sakrashlar; v) uchish fazasi - tananing sakrash paytidagi holatlar. 5. Chuqurlikka sakrashlar; 6. Itarilish balandligi yoki uzunligiga mo ' ljallangan mashqlar - tepalikka , to ' siqlar osha , mo ' ljalga qarab harakatlanish ; 7. Sakrashga chidamlilikni oshirishga qaratilgan mashqlar - ko ' pxakkalash , arqon bilan sakrashlar . Sakrovchanlikni rivojlantirish uslublari : - Takroriy - vazifalarni dam olish uchun yetarli tanaffus bilan takror bajarish - Tezlik bo ' yicha mo ' ljal olish ;

-Shartlarni raurakkablashtirish - yumshoq yoki sochiluvchan tayanchda, og'irlashtirish bilan birga; -O'yin va musobaqalashuv uslublari. Muvozanat - bu gavdaning barqaror holatini saqlay bilish qobiliyati. Statik muvozanat (tananing muayyan holati-pozalarida paydo bo'ladi) dinamik muvozanat (harakatlarda namoyon bo'ladi) farqlanadi. Muvozanatni saqlash davomiyligi - bu Markaziy nerv tizimining nafaqat rivojlanish darajasining, balki funtsional holatining ham ko'rsatkichidir. Shuningdek, ushbu ko'rsatkich gimnastikachilarning yaxshi mashq ko'rganligi va tayyorgarlik darajasini aks ettiruvchi mezon sifatida ham qo'llaniladi. Tana holatini boshqarishda harakatlanuvchi va vestibulyar tahlil apparati, shuningdek sezish va ko'rish qobiliyatining o'rni kattadir. Muvozanat funktsiyasini rivojlantirish vositalari: • Oyoq va gavda mushaklarining kuchini rivojlantirishga qaratilgan mashqlar; • Kichraytirilgan tayanchda (oyoqlar uchida, bir oyoq uchida) bajariladigan mashqlar; • Balandlashtirilgan tayanchda - skameykada, xodada baja riladigan mashqlar; • Ko'z bog'langan holda bajariladigan mashqlar; • Vestibulyar tahlil apparatini qo'zg'atish holatida bajari ladigan mashqlar - bosh harakatlari, egilishlar, aylanishlar, o'mbaloq oshishlar, burilishlar; • Harakatlarning yakuniy bosqichlari: aylanishlar, sakrashlar, to'lqinlarni fiksatsiyalash. Muvozanat funktsiyasini rivojlantirish uslublari: -Takroriy; -Mo'ljalga qaratilgan; -Shartlarni murakkablashtirish; -O'yin va musobaqalashuv Chidamlilik - bu toliqishga qarshi turish va uzoq vaqt mobaynida samaradorlikni pasaytirmagan holda ish bajarish qobiliyati. Umumiy va maxsus chidamlilik farqlanadi. Bunda umumiy o'rtacha faollikning

turli ko'rinishlarida namoyon bo'lsa, maxsus chidamlilik muayyan turda - tezkorlik, sakrovchanlik, muvozanat, buyum bilan ishlashga oid bo'lishi mumkin. Chidamlilik quyidagi omillarga bog'liq bo'ladi: • Nerv hujayralarining uzoq vaqt mobaynida qo'zg'alishini qo'llab-quvvatlab turish qobiliyatiga; • Nafas olish va qon ta'minoti organlarining ishchanligiga; • Quwat zahiralarining mavjudligi va almashinuv jarayon-larining tejamkorligiga; • Harakat ko'nikmalarining barkamollik darajasiga; • To'lqinlar yordamida charchoq hissiyotlariga qarshi turish qobiliyatiga. Chidamlilikni rivojlantirish vositalari: -Umumiy chidamlilikni - yugurish, kross, chang'ida yurish, suzish. -Maxsus chidamlilikni - faoliyatning asosiy turlari; -Umumiy va maxsus bardoshlilikni oshirish - arqon bilan sakrab, aerob mashqlar, raqs majmualari. Chidamlilikni rivojlantirish qoidalari: -Charchoq fonida ishlash; -Boshlanishida ish davomiyligini asta-sekin oshirib borish, so'ng ish jadalligini orttirish. Chidamlilikni rivojlantirish uslublari: • Bir maromdagi vazifani belgilangan vaqtda bajarish; • Takroriy - 1-5 daqiqadan bir necha bor 3-5 daqiqali tanaffus bilan; O'zgaruvchan - dam olish va ish davomiyligini bir necha bor o'zgartirgan holda

Foydalanilgan adabiyotlar 1. Achilov A . Badiiy gimnastika .: Т., G ' ofur G ' ulom nomidagi nashriyot - matbaa ijodiy uyi , 2010 2. Бирюкова Л. Хореографическая подготовка в спорте. Киев: КГИФК, 1990. 3. Бирюк Э.В., Ovchinnikova N . A . Хореографическая подготовка в спорте. Киев: КГИФК, 1990. 4. Борбова Г.А. Художественная гимнастика в школе.- М.: FIS , 1984. 5. Венгерова П.Н. Федорова О.С. Средства классического экзерсиса на уроках хореографической подготовки в сложно- координационных видах спорта. O'quv-uslubiy qo'llanma -SPb.:SPbGAFK,2000. 6. Вербова З.Д. искусство произвольных упражнений. -М.: FIS , 1967. 7. Гавердовский Ю. Техника гимнастических упраж нений- М: Terra - sport , 2002. 8. Karimov М.К. Xoreografiya mashqlari va badiiy gimnastika . O'quv qo'llanma. T.:2003. 9. Каримов М.К. Упражнения хореографии, художествен ной гимнастики и народные игры. O'quv qo'llanma. Т.:2005.

O'xshashlar

Jismoniy tayyorgarlik Voleybol

Kasbiy-amaliy jismoniy tayyorgarlik

Umumiy va maxsus jismoniy tayyorgarlik

Umumiy va maxsus jismoniy tayyorgarlik (Basketbol)

Jismoniy tayyorgarlik va лsmoniy sifatlarni tarbiyalash uslubiyati