Пулнинг моҳияти ва функциялари - Iqtisodiyot - Referatlar

Пулнинг моҳияти ва функциялари

Yuklangan vaqt:

20.09.2019

Ko'chirishlar soni:

0

Hajmi:

131.5 KB

Ko'chirib olish

www.arxiv.uz Режа: 1. Товар ишлаб чиқариш ва пулнинг зарурлиги. Пулнинг моҳияти ва хусусиятлари. 2. Бозор иқтисодиёти шароитида пулнинг аҳамиятини ошиши. 3. Пулнинг функциялари. 4. Иқтисодиётни ривожлантиришда пул барқарорлигини таъминлашни ўрни ва омиллари. 5. Пул тўғрисидаги назариялар.

www.arxiv.uz Товар ишлаб чиқариш ва пулнинг зарурлиги. Пулнинг моҳияти ва хусусиятлари Маълумки, пул товар ишлаб чиқариш ва айирбошлашнинг узоқ вақт ривожланиши натижасида вужудга келди. Р.Крузо таъкидлаганидек, фақат товар ишлаб чиқариш бор жойда пул керак, якка одамга пулни кераги йўқ. Пулни товар айирбошлашни ўзи яратди. Биринчи йирик меҳнат тақсимоти, яъни чорвачиликдан деҳқончиликни ажралиб чиқиши ва шу муносабат билан товар хўжалигининг ривожланиши туфайли маҳсулот қийматининг ифодаси бўлмиш пулни келтириб чиқарди. Ишлаб чиқаришнинг ривожланиши, товар турларининг кўпайиши алмашув жараёнининг янада ривожланишини тақозо қилди. Алмашув жараёнида товар эгалари ўзаро мулоқотда бўлиб, товарнинг эгаси ўз маҳсулотини (мулкини) баҳолаган. Шу баҳолаш жараёни бирор ўлчов бирлиги бўлишини тақозо қилган. Товар муомиласининг эквивалент ривожланиш жараёнида умумий эквивалент шаклини ҳар хил товарлар ўйнаган. Ҳар бир жамоа ўз товарини эквивалент сифатида ўртага қўйган. Лекин жамият тараққиёти шу товарлар ичидан пулни товарларнинг товари деб эътироф этган. Пул – бу махсус товар, умумий эквивалент бўлиб, абстракт меҳнат харажатларини ўзида акс эттиради ва товар хўжалигидаги ижтимоий ишлаб чиқариш муносабатларини ифодалайди. Бу таъриф пулни қуйидаги хусусиятларини ўзида ифодалайди: 1. Пулнинг бошқа товарлардан ажралиб турувчи махсус товарлиги. 2. Пул – бу умумий эквивалент – ягона товар бўлиб қолган товарлар қийматини ўзида ифода қилиши. 3. Пулнинг эквивалент сифатида товарни яратишга кетган меҳнат ва бошқа харажатларни ўзида ифода қилиши. 4. Пулнинг ҳар бир иқтисодий тизимда, товар ишлаб чиқаришда кишилар ўртасидаги юзага келадиган иқтисодий муносабатларни ифода қилиши ва бошқалар (пулда ифодаланувчи хусусий меҳнат ижтимоий меҳнат сифатида намоён бўлиши).

www.arxiv.uz Пулнинг муҳим хусусияти шундаки, у ҳам бошқа товарлар сингари қийматга ва истеъмол қийматга эга бўлиши билан бирга бошқа барча товарларга қарама-қарши туради. Бу бир томонда пул, иккинчи томонда бошқа товарлар. Пулнинг истеъмол қиймати шуки у ўз функциясини бажариб иқтисодиёт мушкулини осон қилади (воситачи сифатида). Пулнинг қиймати (қадр қиймати) деганда пул бирлигининг харид қилиш қобилияти, яъни унга қанча товар ва хизматлар харид этиш мумкинлиги тушунилади. Пулни қиймати метал пулни забт этиш ёки қоғоз пулни босиб чиқариш харажатларини билдирмайди. Бу харажатлар пул қиймати эмас, балки пулни муомилага киритиш сарфларидир. Пулни қиймати нархга боғлиқ, нархлар кўтарилиб, кетса, уни қиймати (қадри) пасаяди ва аксинча. Умуман пул инсоният кашфиётлари ичида энг оддий, энг тушунарли бўлиб ҳисобланади. Инсониятнинг бутун ютуқлари ҳам, фожиалари ҳам пул билан боғлиқдир. Инсон фаолиятини энг муҳим харакатга келтирувчи кучлардан бири пул бўлиб келган ва шундай бўлиб қолади. Таниқли давлат арбобларидан бири таъкидлаганидек, «Давлатни ўрни уни қанча солдати ёки пушкаларини қудрати билан эмас, балки миллий валютанинг мустаҳкамлиги билан белгиланади». Бунга шуни қўшимча қилиш мумкинки, корхонанинг мавқи унда неча кишини ишлаши, ишлаб чиқариладиган маҳсулот миқдори билан эмас, балки унинг молиявий барқарорлиги билан белгиланади. Яхши ишлаётган пул тизими жамиятнинг барча имкониятларидан тўлиқ фойдаланиш имкониятини беради, аксинча ёмон ишлаётган пул тизими пул муомиласини издан чиқариб ишлаб чиқариш даражасидаги кескин пасайишлар, иқтисоддаги бандликка ва баҳога, пулни сотиб олиш қобилиятини пасайишига салбий таъсир кўрсатади. Тарихий манбаларга кўра биринчи қоғоз пуллар ХII – асрда Хитойда чиқарилган. Шунинг билан бирга 700 йилларда кумуш тангалар чиқарилгунга қадар Бухоро давлатида қоғоздан пул сифатида фойдаланган.

www.arxiv.uz Умуман тарихда биринчи тангалар VII – асрда кичик Осиёдаги Лидия мамлакатида забт этилган. К.Маркс, А.Смит ва Д.Рекрдоларнинг тадқиқотларига таянган ҳода пулни вужудга келиш жарёнини қийматнинг қуйидаги шакллари билан боғлайди: Қийматни оддий ёки тасодифий шакли Бу товар ишлаб чиқаришнинг дастлабки даврига тўғри келиб товарлар пулсиз бир-бирига бевосита айирбошланган. Бунда маҳсулот айрибошлаш учун ишлаб чиқарилмаган, лекин уни ортикчаси тасодифий шаклда айирбошланган. Тасодифий айирбошлаш меҳнат маҳсулотининг товарга айланганлигини ифодалайди. Айрибошлаш натижасида товар маҳсулоти ўзига тенг қийматли эквивалент маҳсулотга айрибошланади. Айрибошлаш жараёнида истеъмолни қондириш биринчи даражали масала, товарлар қийматини таққослаш эса иккинчи даражали масала сифатида қаралган. Масалан, 1 болта қ 20 кг дон. Қийматнинг тўла ёки кенгайган шакли Товар айрибошлаш ривожланиши билан тасодифий қиймат шаклидан тўла ёки кенгайтирилган шаклига ўтилган. Бундай айрибошлашда бир товарга қарама-қарши фақат битта товар эмас, балки бир нечта товарлар иштирок этади. Масалан, Суданликларда 10-15 бош қўй 10 Қоп туз 20-30 бош эчки 2 бош буқага айирбошланган. Бунда ўз қийматини бошқа товарга айирбошланаётган туз нисбий қиймат шаклида, қолганлари, яъни қўй, эчки ва буқа эса қийматни ўзида ифода этувчи материал бўлиб хизмат қилади ва уларнинг қиймати эквивалент қиймат шаклида туради.

www.arxiv.uz Қийматнинг умумий (эквивалент) шакли Ишлаб чиқаришнинг ривожланиши билан айирбошланадиган маҳсулотлар сони ҳам ортиб боради ва айирбошлашда мураккаб ҳолат вужудга келади, бирор бир товар соҳиби ушбу товарни ўзининг истеъмолига зарур бўлган бошқа бир товарга айирбошланиши учун аввалом бор ўзининг товарига эҳтиёжи бўлган бошқа бир истеъмолчини топмоғи керак бўлади, айирбошлаш мураккаблашиб унинг ривожланишига тўсқинлик қилади. Аста-секин товарлар орасида ҳамма товарларга айирбошланаоладиган ва ҳамма товарлар қийматини ўзида ифода эта оладиган махсус товар ажралиб чиқади. Товарлар дунёсидан чиққан махсус товар қолган барча маҳсулотлар учун умумий эквивалентга айланади. Масалан: 1 қоп буғдой 10 кг чой 10 кг қахва 10 бош қўй 0.5 тонна темир 2 унция (35.6 грамм) олтин Бунда умумий эквавалент вазифасини 10 бош қўй бажарган. Қийматнинг пул шакли Маҳсулот ишлаб чиқариш ва айирбошлаш жараёнининг тобора ривожланиб бориши ҳудудлар, мамлакатлар ўртасида савдо-сотиқни, товар айирбошлашнинг заруриятини юзага келтиради. Турли мамлакатларда турли товарлар умумий эквивалент ҳисоблангангалиги бу жарённинг тараққий этишига тўсқинлик қилади. Натижада бутун товарлар дунёсидан шундай товарлар ажралиб чиқадики, у барча ҳудуд ва мамлакатларда умумий эквавалент сифатида қўлланила бошлади. Бу вазифани дастлаб қимматбаҳо металлар мис ва кумуш, кейинчалик олтин бажарадиган бўлди.

www.arxiv.uz Охир оқибатда оддий товар кўринишидаги умумий эквавалент ўрнига пул шаклидаги умумий эквавалент, яъни пул майдонга чиқди. Масалан: 1 қоп буғдой 10та қўй 10 кг чой 2 унция (35.6 грамм) олтин 40 кг қахва 0.5 тонна кўмир Бунда олтин оддий товар эмас, балки пул кўринишини олади. Умуман пул ўз тараққиётида қуйидаги 4 босқич ва 4 шаклга эга бўлган: 1. Товар шаклида - “қўйма” асримиздан олдинги VII – асргача 2. Танга пуллар – “танга” асримиздан олдинги VII-XIX - асрлар 3. қоғоз пуллар – “банкнот” XIX-XX асрлар 4. Электрон пуллар – “карточка” XX – аср ўрталаридан Шуни таъкидлаш лозимки узоқ йиллар давомида қимматли металлар пул вазифасини бажарган ва унинг асосий сабаблари бўлиб: 1. Уларни қиймати юқори, ҳажми кичик. 2. Улар бўлинувчан, улар бўлинганда сифатини йўқотмайди. 3. Уларнинг яхши сақланиши (масалан, кўмганда ҳам). 4. Уларни олиб юриш қулай 5. Бир оғирликдаги олтин бир-биридан деярли фарқ қилмайди (бир турдаги мўйна бир-биридан нимаси биландир фарқ қилинади) ва бошқалар. Айрим манбаларга кўра (“экономическая теория” под.ред.В.И.Виляпина, Добрянина А.И. Москва. 2001 й стр.141-166) дастлабки қоғоз пуллар XII-асрда Хитойда, 1571 йилда Францияда, 1690 йилда АҚШ да, XVIII- асрда Екатерини II- даврида Россияда пайдо бўлган. Қоғоз пуллар муомиласини ташкил этишда Джон Ло (Франция 1710-1720 йиллар), Дубасов И.И (1897-1987 йиллар Россия) каби айрим шахслар фаолиятини қайд этиш лозим.

www.arxiv.uz Джон Ло дуэлда қатнашгани учун Лондон турмасидан қочиб Голландияда, кейин Италияда яшаб анча бойлик ортирган ва 1710 йилда Франция давлат бюджети даромадини ошириш бўйича ҳукуматга қоғоз пуллар чиқариш бўйича таклиф билан чиққан. Ўша пайтда Франция Молия Вазири бўлган Джон Ло 1720 йилда пулни қадрсизлангани туфайли Францияни тарк этади. 1716-1720 йиллардаги қоғоз пуллар бўйича Джон Лонни “Машинник и пророка” дейилсада, у Европа халқига қоғоз пулларни ажойиб имкониятларидан воқиф этди. Бозор иқтисодиёти шароитида пулнинг аҳамиятини ошиши Мамлакат ривожланишининг асосий воситаларидан бири пул бўлиб, бозор иқтисодиётига ўтиш ва унда фаолият юритишда унинг ўрни ва аҳамияти янада ошиб боради. Дарҳақиқат, пул – “бозор тили” деб бежиз айтилмаган. Ҳар бир иқтисодий ахборот, товарлар ва хизматлар баҳоси, тўловлар, даромаду харажатлар, молиявий талаблар ва мажбуриятлар, иқтисодий алоқалар микро ва макро даражаларда фақат пулда ифода қилинади. Бозор иқтисодиётига ўтиш шароитида пул аҳамиятининг ортиб бориши жамиятимизда мавжуд ҳуқуқий ва жисмоний шахслар фаолияти ва унинг натижаси – даромади пул билан боғлиқ. Бозор иқтисодиётини муҳим омилини пул ташкил этади. Бозор иқтисодиёти пул билан тирик, чунки такрор ишлаб чиқариш жараёнининг барчасида пул воситачилик қилади. Бозор иқтисодиёти шароитида товарлар ва хизматларнинг ишлаб чиқаришдан бошлаб истеъмолчигача бўлган жараён пул воситасида амалга ошади. Пул – бозор алокаларининг хаммабоп ва универсал иктисодий воситасидир. Бозор иқтисодиёти шароитида пул муомиласини уюштириш, товарларни айирбошлаш, пулларни сақлаш ва тақсимлаш, бўш пулни қарзга бериш, корхоналар ўртасидаги иқтисодий алоқалар янада кучайиб, мураккаблашиб боради. Пул шаклидаги маблағлар бозор орқали ресурсга айланади ва улар иштирокида товарлар яратилади, товарлар сотилиб яна пулга айланади.

www.arxiv.uz Бозор иқтисодиёти шароитида нафақат пул, балки унинг эквивалентларидан – акция, облигация каби қимматли қоғозлар ва бошқалардан кенг фойдаланилади. Бозор иқтисодиёти шароитида илгари пулга айлантирилмаган айрим воситалар ҳам энди пулда ўз аксини топади (ер ва бошкалар). Умуман бозор иқтисодиёти шароитида корхоналар молиясини ташкил этиш, пулни айланиши, умуман хўжаликлар фаолиятини ташкил этилиши янги пул муносабатлари асосида ташкил этилади. Юқоридагилардан келиб чиқиб бозор иқтисодиёти шароитида пул иқтисодий қувват, иқтисодиётнинг ўзига хос ташриф қоғози бўлиб хизмат қилади, у бозор иктисодиётининг танию-жони хисобланади. Пулнинг функциялари Пул иқтисодий муносабатларни ўзида акс эттириб қуйидаги функцияларни бажаради: 1. Қиймат ўлчови – пул умумий эквивалент сифатида ўзида ижтимоий меҳнатни мужассамлаштиради ва шу сабабли товарлар қийматини ўлчай олади. Товарни қанча туриши пулда белгиланади. Буюмларни оғирлиги, эни ва бўйига қараб, килограмм ёки метр билан ўлчагандай товарларнинг нархи пул билан ўлчанади. Ҳар бир мамлакатнинг ўз пул бирлиги мавжуд бўлиб, бу Ўзбекистонда сўм, АҚШда доллар, Англияда фунт стерлинг, Туркияда лира, Германияда марка ва бошқалар. Бу вазифани узоқ йиллар ўз қийматига эга бўлган товар – олтин ёки олтинни ўзида ифодалайдиган пул бирликлари бажариб келган. Айрим адабиётларда (72) ушбу функцияни хисоб-китоб ва иктисодий улчов функцияси хам деб айтилган. Бунда иктисодий фаолиятнинг моддий ва пул-киймат улчамида умумлаштирилиши таъкидланган. 2. Муомила воситаси. Бу функция ёрдамида товар ўзининг пул қийматига айирбош қилинади. Пул ёрдамида товарни харид этиш, пулга товар айирбошлаш (П- Т) ёки товарни сотиш, яъни товарни пулга айирбошлаш (Т-П) юз беради. Бу жараёнда пул воситачилик қилади, пул муомила воситаси функциясини бажаради.

www.arxiv.uz Пул иштирокида товар айрибошлаш товар муомиласи шаклини олади. Бундан фарқлироқ бартер – товарни товарга бевосита алмаштириш бўлиб маълум келишилган нархни тақозо этсада пул иштирокисиз юз беради. Бартер пулсиз айрибошлаш бўлганидан бозор иқтисодиётига тўғри келмайди, шу сабабли у пул қадрсизланган, товар топиш мушкул бўлган пайтларда қўлланилади. Ўта тақчиллик юз бериб, бозор алоқалари бузилган шароитда талон ва купонлар товар айрибошлашда қўлланилган ҳоллари ҳам мавжуд. Бартер тараққий этган мамлакатлар учун хос эмас. Бу шунинг учунки айнан айрибошлаш учун минг йиллар олдин пул уйлаб топилган. Шунинг билан бирга ёш мамлакатлар ўзини тутиб олгунча, улар бозорларини хом-ашё ва ускуналар билан тўлдиришда бартерни маълум аҳамияти бор. Ўзбекистонда 1994 йилда умумий экспортни 17 фоизини бартер ташкил этган. 1995 йилда у икки баробардан кўпроқга камайди. 3. Тўлов воситаси. Айрим адабиётларда пулнинг тўлов воситаси унинг муомила воситаси билан қўшиб юборилади. Аслида улар ўртасида туб фарқлар мавжуд ва уларни асосийлари қуйидагилар: a) муомила функцияси товарни фақат нақд пулда сотилишини билдирса, тўлов функциясида товар ҳам нақд пулда ҳам нақд пулсиз ҳолда сотилади. b) муомила воситасида товар ва пул ҳаракати бир вақтда амалга оширилади деб тушинилади, тўловда эса у кечиктирилиши ҳам мумкин, кредитга амалга оширилиши ва тўлов муддатини кутилиши мумкин. c) муомила воситасида товарни сотувчи ва олувчи ўртасидаги муносабат бир йўла тугайди, тўловда эса узоқ давом этади ва у дебеторлик ва кредиторлик қарзларига сабаб бўлади. Пулни тўлов воситаси орқали давлат бюджетига ва кредит тизимига тўловлар амалга оширилади, аҳолига иш ҳақи, нафақа, коммунал ва бошқа хизматларга тўловлар амалга оширилади. Пулни тўлов функциясини тан олмаслик дебитор ва кредитор қарзларни ошишига, кредит бўйича ва бошқа молиявий

www.arxiv.uz мажбуриятларни бажарилмаслигига, хўжалик жараёнларининг меъёрида боришига салбий таъсир кўрсатиши мумкин. 2. Жамғарма воситаси. Бу пулнинг жамланган бойлик шаклига кириб ўз эгаси учун керак бўлганда харид этиш воситаси бўлиб хизмат қила олишидир. Пул қоғоз ёки танга бўлгани учун бойлик эмас, балки ўзида меҳнатни мужассамлаштиргани, унга ҳамма нарсани харид этиш ёки уни жамлаб сақлаш мумкин бўлгани учун бойлик ҳисобланади. Пул бойлик жамгаришнинг энг қулай усулидир, чунки пулда ликвидлик бор, яъни пул ҳамма ерда унга белгиланган номиналга (масалан 500 сўм) қараб тўлов учун қабул қилинади. Пул бошқа ликвидлик воситаларига нисбатан (ер, бино, акция, облигация, сертификат) барқарор восита ҳисобланади, унинг қадри инфляция бўлмаса барқарор сақланади, бошқа ликвидларни эса нархи-қадри ўзгариб туради. Бошкача айтганда пулнинг ликвидлиги унинг муомила воситаси сифатида хамма нарсага тез ва хеч бир тусиксиз айрибошланишидир. Пулни сифати ва сони мавжуд. Пулни сифати чексиз бўлиши, яъни пулга зарур бўлган вақтда хоҳлаган товарга айлантириш имконияти мавжуд, сони чекланган бўлиши мумкин, чунки унга чекланган миқдорда товар сотиб олиш мумкин. Пулни қимматбаҳо, ноёб буюмларга, санъат асарларига, уй-жой, ер, машина, асбоб-ускуна, акция, облигация ва бошқалар шаклида ҳам жамғариш мумкин. Адабиётларда пул хазина тўплаш вазифасини хам бажариши мумкинлиги қайд этилади. Уни фақат ўзининг реал қийматига эга бўлган пуллар (қимматбаҳо металлар) бажара олади. Қоғоз пуллар асосан муомила ва тўлов вазифасини бажаради. Ўтмишда пул жаҳон пули вазифасини хам бажарган. Бунда мамлакатлар ўртасидаги ҳисоб-китоблар, товар ва хизматлар учун тўловлардаги баҳо масштабини ҳар бир мамлакатнинг пул бирлигини маълум олтин таркиби бўлишлиги билан характерланади. Жумладан, 1961 йилдаги пул реформасидан кейин СССР рубли – 0.987412 граммга, 1 АҚШ$ қ 0,88 грамм олтинга тенглаштирилган. Ҳозир бундай тартиб йўқ, чунки ХВЖ нинг 1976 йил майдаги Ямайканинг Кенгстон шаҳридаги йиғилишида олтин бундан буён жаҳон пули вазифасини бажармаслиги эътироф

www.arxiv.uz этилган. Шу сабаб ҳозир ўзаро ҳисоб-китобларда жаҳон пули эмас, жаҳон пулларидан фойдаланилади ва бу вазифани обрўли пул бирликлари бажаради. Пулнинг функциялари ўзаро узвий боғлиқ ва улар бир-бирини тўлдирган ҳолда пулнинг моҳиятини тўлиқ ифода қилади. Пулнинг функциялари кетма- кетлигига эътибор бериш зарур. Пул қиймат ўлчови вазифаларини бажармасдан туриб муомила, жамғарма ва тўлов воситаси бўлаолмайди. Пулнинг қиймат ўлчови сифатида мустаҳкамлиги унинг муомила, тўлов, жамғарма функцияларидаги ўрни ва аҳамиятини оширади, халқаро миқёсда ҳам юқори обрўга эга бўлади. Иқтисодиётни ривожлантиришда пул барқарорлигини таъминлашни ўрни ва омиллари Бозор иқтисодиёти шароитида пул унга юклатилган вазифаларни бажаргандагина у иқтисодиётни барқарор ушлаб туришга ва тараққий эттиришга хизмат қилади. Республикамиз Президенти И.А. Каримов 1995 йил 21-декабрда Олий Мажлиснинг IV – сессиясида таъкидлаганидек – “Бугунги энг муҳим вазифа валютамиз бақувват, дунёда обрўли валютага айлантиришдир, у юксак қийматга ва катта кучга эга бўлиши лозим. Сўмни барқарорлигини таъминлаш ва қадрини ошириш умуммиллий вазифа. Республикамиздаги барча фуқароларнинг фаровонлиги ана шу вазифани ҳал этилишига боғлиқ. Аслини олганда бу иқтисодий вазифагина эмас, ҳозирги пайтда ижтимоий-сиёсий аҳамиятга молик вазифага айланмоқда, чунки иқтисодиётнинг юксалиши ҳам, аҳоли турмуш даражаси ҳам, давлатнинг обрў- эътибори ҳам шу вазифанинг бажарилишига боғлиқ. Ҳисоб-китобларимиз ҳамда бу вазифани ҳал этиш учун барпо қилинган ва тўплаган салоҳиятимиз ҳозир ўз олдимизга ана шундай вазифани қўйишимиз ва уни бажаришимиз мумкинлигини кўрсатмоқда. Буни учун нима қилмоқ керак?: Биринчи навбатда сўмнинг харид қувватини ошириш учун истеъмол бозорини керакли моллар билан тўлдириш, ахолини эҳтиёжларини қондирадиган ва хориждан

www.arxiv.uz келтириладиган моллар билан рақобат қила оладиган ўз маҳсулотимизни ишлаб чиқаришга зўр бериш зарур бўлади. Иккинчидан, янги йилда валюта захираларини кўпайтириш чораларини кўришимиз лозим. Бунинг учун республикамизнинг экспорт имкониятларини кенгайтириш, корхоналарнинг экспорт қилинадиган маҳсулот ишлаб чиқариш, жаҳон бозоридан мустаҳкам жой олиш жараёнларини чуқурлаштириш лозим. Экспорт қилинадиган молларни бутун чоралар билан кўпайтириш ва шу ҳисобдан валюта тушумини ошириш учун ўзимизга боғлиқ бўлган ҳамма ишимизни қилишимиз керак. Учинчидан, ёқилғи-энергия манбаларини, кўпгина ускуна ва озиқ-овқат маҳсулотларини четдан сотиб олишни камайтириш, уларни ўзимизда ишлаб чиқарилган маҳсулот билан алмаштириш, ташқи савдо балансини мустаҳкамлашнинг муҳим жиҳатидир. Бу жараён энергия манбалари ва асосий озиқ-овқат маҳсулотларини четдан сотиб олишни энг кам зарур миқдорга қадар камайтиришга олиб бориши лозим. Тўртинчидан, капитал бозорининг барча воситаларидан фойдаланган ҳолда Ўзбекистоннинг қимматли қоғозлар бозорини ривожлантирган ҳолда, аҳоли маблағларининг, шунингдек корхоналарнинг вақтинча эркин маблағларини жалб этиш бўйича амалга ошираётган ишларимизни тубдан қайта кўриб чиқишимиз зарур... Белгиланган тадбирларни амалга ошириш, алмашув курсини барқарорлаштириш, миллий валютани мустаҳкамлашда ўз самарасини кўрсатиши лозим. Миллий валютамизни мустаҳкамлаш ва унинг эркин муомиладаги қувватини ошириш иккинчи устивор вазифа – пул қадрсизланишининг кескин равишда камайтириш билан бевосита боғлиқдир”. Пулнинг барқарорлиги деганда пулнинг сотиб олиш қийматининг ўзгармаслиги ва валюта доимийлиги тушунилади. Шунга асосан уни сотиб олиш қобилияти унга тўғри келадиган товар ва хизматларнинг миқдори билан, пулга бўлган талаб ва таклифни мувозанати билан,

www.arxiv.uz давлат бюджети тақчиллигининг ҳолати билан, инфляцияга карши кўриладиган чораларга кўп жиҳатдан боғлиқ. Республикамиз ҳукумати томонидан пул барқарорлигини таъминлаш юзасидан олиб борилаётган пул-кредит ва монетар сиёсати кейинги йилларда иқтисодиётни янада барқарорлашувини таъминлашдаги ўрни қуйидаги асосий макроиқтисодий кўрсаткичлардан ҳам кўринади: Кўрсаткичлар 2003 й. 2005 й. 2006 й. 2007 й. Ялпи ички маҳсулот, млрд сўм 9664,1 15210 16320 17870 Ўтган йилга нисбатан, % 104,2 107,0 107,3 109,5 Давлат бюджети тақчиллиги, % -0,4 Қ0,1 Қ0,5 Қ1,1 Ташқи савдо балансини қолдиғи (ижобий) млн. $. 760,0 1317,5 1445,0 2000,0 Инфляция даражаси, % 3,8 7,8 6,8 6,8 Пул қадрсизланмаслиги учун- деган эди юртбошимиз И.А.Каримов – яна бир қоида доимо эсимизда бўлиши керак, яъни ҳар қандай маош, нафақа кўпайишидан олдин, бозоримиздаги мол ҳам шу даражада, балким ундан ҳам тезроқ кўпайиши шарт. Бу қоидага ҳаммамиз риоя қилишимиз зарур. Бу умумиқтисодиёт қонуни. Мутахассислар ҳисоб-китобига қараганда, агар қўшимча маҳсулот бозорга етказилмасдан нақд пул миқдори 1 фоизга кўпайса-нархлар миқдори 1,2-1,4 фоизга ошиб кетади. Агар бу йўлни танласак, Ўзбекистонда нафақат инфляцияга, яъни нарх ошишига, балки гиперинфляцияга, бошқача тил билан айтганда, оқибатда ҳеч қандай жиловланмайдиган офатга, нарх ошиб кетишига олиб келади. Бу эса гирдобга ўхшаган даҳшатли нарса-тушгандан кейин чиқиб кетишнинг иложи йўқ, десак бўлади. Унинг оқибати, яна такрорлайман табиий офатга тенгдир. Пул тўғрисидаги назариялар

www.arxiv.uz Пулнинг назарияси – пул табиати ва пулнинг ишлаб чиқаришни шакллантиришга таъсири ҳақидаги назариялардир. Иқтисодчиларнинг пулнинг моҳияти, унинг функциялари ва пул муомиласига бўлган қарашлари пул назарияларини келтириб чиқарди. Энг асосий пул назариялари сифатида металлик, номиналлик ва миқдорийлик пул назариялари илк тарихий пул назариялари сифатида эътироф этилади. Ҳозирги кунда монетаризм ва иқтисодни пул-кредит муносабатлари орқали туртиблаштириш назариялари мавжуд. Металлик назарияси – дастлаб XVI – асрнинг охири XVII – асрнинг бошларида капитализмнинг ривожланган мамлакати Англияда юзага келди. Бу назариянинг асосчиларидан бири У.Стеффард (1554-1612 й.) эди. У ўз қарашларини 1581 йилда Лондонда чоп этилган “Ватандошларимизнинг баъзи одатий аризаларининг қисқартмаси” номли пулнинг металлик назариясига оид асарида баён этди. Унинг давомчилари бўлиб Англияда Т.Мен (1571-1641 й.), Д.Норс (1641-1691 й.), Францияда А.Монкретьен (1575-1621 й.), Италияда Ф.Тамани (1528-1787 й.) ва бошкалар ҳисобланади. Ушбу назария намоёндалари: a) Факат кимматбаҳо металлар (олтин ва кумуш) пул вазифасини ўтайолади. b) Жамиятнинг бойлиги қимматли металларнинг мавжуд захираси билан ўлчанади. c) Бу бойликнингг манбаи савдодадир дейдилар. Европа давлатлари томонидан қимматли металларга бой бўлган ерларни босиб олиниши каби шарт-шароитлар ушбу назарияни келиб чиқишига асос бўлган. Ушбу назария асосчилари вақти келиб муомиладаги метал пуллар ўрнини қоғоз пуллар эгаллаши ва бу жараённинг қонунийлигини тушуниб етмаганлар.Улар савдо буржуазияси манфаатларини ҳимоя килган. Номиналлик назарияси XVII-XVIII-асрларда Англияда пайдо бўлган. Бу назариянинг намоёндалари бўлиб инглиз руҳонийси Дж.Беркли (1683-1775 й.) ва иқтисодчи Дж.Стюарт (1712-1780 й.) лар ҳисобланади. Кейинчалик бу назарияни

www.arxiv.uz Германиялик Г.Кнапи (1842-1926 й.), инглиз иқтисодчилари Ж.Стюарт ва Н.Барбоннилар давом эттиришган. Номиналистлар: a) Пулни давлат бунёдга келтиради, пулни қиймати давлат томонидан аниқланади. (шунинг учун уни давлат пул назарияси ҳам деб юритилади – Г.Кнапи). b) Пулни қиймати унда кўрсатилган номинали билан аниқланади. Улар тўла вазнга эга бўлган муомиладаги метал пуллар борган сари маълум қисми эскириб йўқолиб боришини унутадилар. Улар пулнинг барча товарлар қийматини ўзида акс эттирувчи умумий эквивалент сифатидаги табиатини тушунмадилар. Пулни таркиби ундаги олтин грамм билан белгиланишини унутдилар. Улар пулнинг ўзига хос қонуниятлар асосида ҳаракат қилиши ва бу қонуниятлар инсон томонидан бевосита бошкарилмаслигини англаб етмадилар. Миқдорийлик назарияси нинг бошловчиси бўлиб француз Ж.Боден (1530-1596 й.) ҳисобланади ва у XVI-XVIII –асрларни ўз ичига олади. XVIII – асрга келиб бу назарияни инглизлар Д.Юм (1711-1786 й.), Дж.Милль (1773-1836) ҳамда француз Шарль Монаскьё (1689-1755 й.) ривожлантиради. Бу назариянинг асосини янги қитъаларни кашф этилиши ва улардан Европага қимматли металларни оқиб келиши ва шу билан боғлиқ равишда нарх-навонинг кескин ошиб кетиши ташкил этади. Ушбу назария намоёндаларининг фикрича: - Пулнинг харид қобилияти бозорда ўрнатилади. - Муомилада эмиссия қилинган барча пуллар юради. - Пулнинг харид қуввати муомиладаги пул миқдорига тескари пропорционалдир. - Баҳолар даражаси пул миқдорига тўғри пропорционалдир. Бу назарияни миқдорийлик дейилишига сабаб Ж.Боден баҳоларни ўзгариши муомиладаги пул миқдори билан аниқланади деб тушунтирди. Бу назария пулни фақат муомила воситаси эканлигини кўра олади. Уларнинг таъкидлашича пул ва товар массаларининг тўқнашиши натижасида баҳолар белгиланади ва пулнинг қиймати аниқланади.

www.arxiv.uz Уларни яна бир хатоси шундаки, улар ҳамма пул массаси фақат муомилада бўлади деб қарашган. Аслида муомилага зарур бўлган пул миқдори пул муомиласи қонунига биноан аниқланади. Монитаризм назарияси ҳозирги замон назарияларидан бири бўлиб 1950 йиллар ўртасида пайдо бўлган. Бу назариянинг йирик намоёндаси бўлиб Чикаго Университетининг профессори, иқтисод соҳасида Нобель мукофоти лауриати М.Фредман ҳисобланади. Бу оқим тарафдорларига К.Бруннер, А.Мольцер, Д.Лейдлер, Ф.Кейген ва бошкалар киради. Бу назария ҳам аслида миқдорийлик назариясини тарғиб этгани ҳолда, миқдорийлик назарияси бўйича юқорида қайд этилган ғояларга қуйидагиларни қўшимча равишда тавсия этади:  Банк фоизи даражаси  Инфляция суръатлари муомиладаги пул миқдорига таъсир этади деб таъкидлашади. Уларга биноан: 1. фоиз даражаси пасайса қарзга олувчи кўпаяди, ишлаб чиқариш кенгайиб даромадлар ошади ва у пул миқдорини ошишига олиб келади ва аксинча. 2. инфляция пул миқдорини тўғридан-тўғри оширади. Уларнинг фикрича иқтисодиётни тартиблаш учун пул миқдорини ўзгартириб уни нормал ҳолга келтириш зарур, бу ишни Марказий банк амалга ошириши керак дейди. Улар иқтисодиётга амалий жиҳатдан ёндашиб пул массасини йилига ўртача 3 % оширишни тавсия этишади. Ўзбекистонда 2004-йилда инфляция даражаси 3,7 фоизни, 2005 йилда 7,8 фоизни, 2006 ва 2007 йилларда 6,8 фоизни ташкил этган. Бу кўрсаткич 2005 йилда Россияда 10,8 фоиз, Украинада 10,3 фоиз бўлган. XIX – асрнинг иккинчи ярмига келиб немис иқтисодчиси К.Кейнс (1821-1898 й.) металлик назариясини ҳимоя килиб чиқиб (Германия) уни янги шароитга мослади. У пул сифатида факатгина метални эмас, балки марказий банк банкноталарни ҳам эътироф этди. Кейнсни фикрича пул муомиласи метал билан таъминланган банкнот (Марказий банк томонидан векселларни ҳисобга олиш йўли билан чиқарилган – векселни бир тури) ва метал монетарларга асосланиши шарт.

www.arxiv.uz Бу назариялардан ташқари пулни меҳнат назариясининг мохияти пулни қиймати бошка товарлар каби сарфланган меҳнат харажати билан ўлчанади – умумий эквивалент сифатида. Булардан ташкари пулни олтин танга, қуйма олтин ва олтин девиз стандартлари каби оқимлари мавжуд. Олтин танга стандарти (олтин монометализми) XVII – асрда Англияда, XIХ – асрда бошка мамлакатларда жорий этилган. Бу металлик назариясининг бир йўналиши бўлиб инфляцияни инкор этади. Бу тизим биринчи жаҳон урушигача ҳукм сурди. Қўйма олтин стандарти – 1920 йилларга тўғри келиб у олтин тангадан фарқ қилиб, муомиладаги банкноталар 12-12,5 грамм олтин қўймаларига алмаштирилган. Унга айлантириш учун Англияда 1700 Ф.Стерлинг, Францияда 215 минг франк талаб килинган. Бу билан олтин муомиладан халқаро айланувга чиқарилди. Ички айланишда эса бундай имкониятга фақатгина йирик фирмалар ва пулдорлар эга бўлдилар. Олтин девиз стандарти. Қўйма олтин стандартига кирмаган мамлакатлар ўз кредит пулларини олтин стандартга кирувчи мамлакатларнинг валюталарига алмаштирилган. Бу бир мамлакат валютасини иккинчи мамлакат валютасига боғлиқликни келтириб чикариб олтин девиз номини олди. Бунинг шартларидан бири АҚШ долларигагина олтин билан алмаштирилиши бу стандартдан фойдаланиш ҳуқуқини фақатгина чет эл эмиссион банклари учунгина сақлаб қолинган эди. 1971 йил декабридан АҚШ долларини олтин паритети бекор қилиниши билан у ўз кучини йўқотди.

www.arxiv.uz Фойдаланилган адабиётлар : 1. Ўзбекистон Республикасининг Конституцияси, Тошкент, 2001й. 2. Банклар ва банк фаолияти тўғрисидаги қонун , Тошкент,1996й. 3. Марказий банк тўғрисидаги қонун , Тошкент, 2002й. 4. Фуқароларнинг давлат пенсия таъминоти тўғрисидаги қонун , Тошкент, 2007й. 5. Банк сири тўғрисидаги қонун , Тошкент, 2003й. 6. Валютани тартибга солиш тўғрисидаги қонун, Тошкент, 2003й. 7. Давлат бюджетининг ғазна ижроси тўғрисидаги қонун , Тошкент, 2007й. 8. Фуқароларни жамғариб бориладиган пенсия таъминоти тўғрисидаги қонун, Тошкент, 2004й. 9. Кредит уюшмалари тўғрисидаги қонун , Тошкент, 2006й. 10. Ташқи иқтисодий фаолият тўғрисидаги қонун , Тошкент, 2003-й. 11. Бюджет тизими тўғрисидаги қонун , Тошкент, 2007й. 12. Ўзбекистон Республикасининг Мехнат Кодекси, Тошкент, 1995й. 13. Фермер хўжалиги тўғрисидаги қонун , Тошкент, 2004й. 14. www.ziyonet.uz

O'xshashlar

Пулнинг мохияти ва функциялари

Пулнинг моҳияти ва зарурлиги. Пулнинг вазифалари

Пулнинг моҳияти, вазифалари ва иқтисодиётда тутган ўрни

Молиявий назоратнинг моҳияти ва функциялари

Молиянинг ижтимоий иқтисодий моҳияти ва функциялари