Нафақа таъминоти - Iqtisodiyot - Referatlar

Нафақа таъминоти

Yuklangan vaqt:

20.09.2019

Ko'chirishlar soni:

0

Hajmi:

131.5 KB

Ko'chirib olish

Нафақа таъминоти Режа: 1. Нафақа таъминотининг шарт-шароитлари 2. Нафақа тизимини такомиллаштириш имкониятлари 3. Нафақа таъминотини такомиллаштиришда бозор муносабатлари

Нафақа таъминотининг шарт-шароитлари Ўзбекистон нафақалар ва компенсация тўловлари ягона кенг тизимининг бир қисми бўлган нафақа тизимини мерос қилиб олди. Давлат нафака таъминоти тизими «Солидар авлодлар тамойили» га асосланган эди, бунда мавжуд нафакахурларга жорий нафака тўловлари, ишлаётганларнинг жорий нафака бадаллари ҳисобидан амалга оширилган. Режали иқтисодиёт шарт- шароитларида бундай тартибнинг амал қилиши етарли даражада самарадор бўлган. Хусусий мулкчиликнинг йўқлиги, қайд этилган нархлар ва ресурсларнинг давлат томонидан тақсимланишини нафакахурлар учун кафолатли яшаш манбаини таъминлаган. Бошқарувнинг маъмурий - буюруқбозлик шароитларида давлат суғурта улуши катта бўлган. Бозор иқтисодиётига ўтиши билан бу тизимнинг янги шароитга мослашмаганлиги ва ўз вазифасини бажара олмаётганлиги тобора кўзга ташланмоқда. Нархларни эркинлаштириш, корхоналарни давлат тассаруфидан чиқариш шунингдек, Ўзбекистоннинг демографик хусусиятлари (аҳолини сўнгги рўйхатга олиш бўйича, аҳолининг 51 фоизга яқинини 19 ёшгача бўлганлар ташкил этади) ва табиий шарт-шароитлар (кўпгина қишлоқ хўжалик ҳудудларида ер ва сувнинг тақчиллиги) иш билан банд бўлган, шунингдек тўлиқ бўлмаган иш кунида ишлайдиган аҳолининг кўпайишига олиб келди. Натижада бюджетга келиб тушадиган солиқ тушумлари ҳажми кескин камайиб кета бошлади. Ҳозирги вақтда умуман олганда Ўзбекистонда нафақа олиш хуқуқи умумий хаммага мансуб бўлиб, ёш бўйича тўланадиган нафакалардан ташқари, ижтимоий нафакалар, меҳнат шароитларига қараб, шунингдек давлат олдидаги алоҳида хизматлари учун белгиланадиган кўплаб имтиёзли нафакалар мавжуд. Амалдаги нафака тизими нафакахурларнинг ўсиб бораётган сонини молиялаштиради. Ривожланган мамлакатлардан фарқ қилувчи демографик вазиятга эга бўлган тақдирда ҳам, нафақа жамғармаси «Омонатчилар» сони

камайиб бориб, тақчилликнинг ўсаётганлиги туфайли нафақахўрни кексалик даврида узоқ вақт бекаму-кўст таъминлай олмайди. Шунингдек, собиқ нафака тизими янги омилларга мослашишига улгурмайди, бунинг натижасида уни ислоҳ қилиш зарурати туғилади. қарамлик ва ўрнини тўлдириш коффицентларининг ўзгариши нафақа таъминоти тизимини ислоҳ қилиш заруриятининг тобора ўсиб бораётганлигидан далолат беради. Бир қанча ривожланган хорижий давлатлар тажрибаси шуни кўрсатдики, ижтимоий ҳимоялашнинг самарали механизми бозор томони динамик силжишни кафолатлайди, тузилмавий қайта қуриш ва иқтисодиётни ислоҳ қилиш қисмини амалга оширишга ёрдам беради. Ижтимоий таъминотда давлат улуши билан жамғарма механизмининг оптимал биргаликда олиб борилиши фуқароларга ўз кексалиш молиявий таъминотни мустақил танлашга имкон беради. қуйидаги 28-жадвалда хорижий мамлакатларда, жумладан Ўзбекистонда нафақага чиқиш ёшлари келтирилган. 28-жадвал Айрим мамлакатларда нафақага чиқиш ёши Мамлакатлар Эркаклар Аёллар Австралия 65 60 Австрия 65 60 Буюк Британия 65 60 Дания 67 67 Испания 65 65 Канада 65 65 Нидерландия 65 65 Норвегия 65 65 АқШ 65 65 Португалия 65 62 Финландия 65 65 Франция 65 65 Германия 65 65 Швейцария 65 62 Швеция 65 65 Чили 65 60

Япония 65 65 Африка бўйича ўртача 58 56 Ўзбекистон 60 55 Манба: Давлатлараро МДҲ статистиқ қўмитаси, демографик йилнома. Жадвал маълумотларидан кўриниб турибдики, кўпгина ривожланган давлатларда нафақа ёши юқори. Масалан, АҚШ да эркаклар ва аёллар учун ҳам нафакага чиқиш ёши 65 ёш. 2003 йилдан нафакага чиқиш ёши 67 ёш қилиб белгиланади. Данияда нафақага чиқиш ёши аёллар ва эркаклар учун ҳам 67 ёш қилиб белгиланган. Африка бўйича ўртача нафақага чиқиш ёши эркаклар учун 58 ёш, аёллар учун 56 ёш. Бу ривожланган мамлакатларда нафақага чиқиш ёшининг баландлигига сабаб, биринчидан, аҳолининг ўртача ёши юқорилигидир, иккинчидан эркаклар ва аёлларни нафакага чиқиш ёши бир хиллиги уларни ўртача ёши бу мамлакатларда деярли бир ҳил. Юртимизда эса эркаклар учун 60 ёш, аёллар учун эса 55 ёш. Бунинг сабаби биринчидан, халқимизни ўртача ёшининг пастлигидир. Аёлларимизнинг ўртача умри эркакларникидан паст эмас, чунки аёллар юртимизда қадрланади. Мустақиллигимизнинг кейинги йилларида ҳалқимизнинг ўртача умри анча узайди. Уни қуйидаги 29-жадвал материалларидан кўриш мумкин.

29-жадвал 60 ёшдан ошган аҳолининг фоиз ҳисобидаги таркиби Мамлакатлар 1990 й. 2002 й. 2005 й. Қозоғистон 10% 17% 26% Қирғизистон 9% 12% 23% Ўзбекистон 6% 10% 22% Россия 17% 24% 28% Украина 19% 25% 28% Германия 20% 30% 33% Япония 17% 31% 34% АҚШ 17% 25% 29% Чили 9% 16% 26% Хитой 9% 16% 26% Африка бўйича ўртача 5% 6% 11% Манба: МДҲ давлатлараро статистиқ қўмитаси, демографик йилнома. 29-жадвалда 60 ёшдан ошган аҳолини фоиз ҳисобидаги таркиби айрим мамлакатлар бўйича 1990 йил, 2002 йил, 2005 йил бўйича акс эттирилган. Бу жадвал маълумотларидан кўриниб турибдики, 60 ёшдан ошганлар йил сайин ошиб боради. Бу нафақа тизимининг ишини такомиллаштиришни тезлаштиради. Масалан: АҚШ да кўрсаткич 1990 йилда 17 фоиз бўлиб, 2002 йилда 25 фоиз, 2005 йилда 29 фоиз бўлади. Японияда 1990 йилда 17 фоизни, 2002 йилда 31 фоизни, 2005йилда 34 фоизни бўлишини кузатилмоқда, Россияда бу натижа 1990 йил 17 фоиз, 2002 йилда 24 фоиз 2005 йилда 28 фоиз ўсиши кутилмоқда. Мамлакатимизда бу кўрсаткич 1990 йилда 6 фоизни, 2002 йилда 10 фоизни, 2005 йилда 22 фоизни кўпайиши мўлжалланган. Бу ўсиш нафақа тизими ислоҳотини тезлаштиришни талаб қилади. Қуйидаги маълумотлар 30-жадвал Марказий Осиё давлатлари бўйича ҳаётнинг ўртача давомийлиги 65 ёш ва ундан ошганлар учун ҳамда нафакахурларнинг ҳаёт давомийлигини ифодалайди.

30-жадвалда 65 ёш ва ундан ошганлар учун ҳаётнинг ўртача давомийлиги акс эттирилган. Бунга мисол сифатида бир қанча МДҲ давлатлари ва 3 та ривожланган мамлакатни мисол қилиб олдик. Россияда ҳаётни ўртача давомийлиги эркакларни 65 ёш ва ундан ошганлари 10.7 ёшни эркаклар бўйича, аёлларда эса 14.9 ёшни ташкил қилади. қозоғистонда эркаклар 12.4 ёшни, аёллар 16.2 ёшни ташкил қилади. Қирғизистон ва Туркманистонда ҳам натижа шунга яқин. АҚШ, Германия, Австралияда бу натижа юқоридир. Масалан, Германияда эркаклар ҳаётининг ўртача давомийлиги 65 ёш ва ундан ошганлар учун 13.8 ёшни, аёллар 17.8 ёшни ташкил қилади. Ўзбекистонда эркакларни ўртача давомийлиги 65 ёш ва ундан ошганлар учун 14,0, аёллар учун эса 16.9 ёшни ташкил қилади. Бу натижалардан турмуш даражаси анча ўсган. 30-жадвал Ҳаётнинг ўртача давомийлиги, 65 ёш ва ундан ошганлар учун МДҲ давлатлари Эркаклар Аёллар Нафака ёши эркак аёл Россия 10.7 14.9 60 55 Қозоғистон 12.4 16.2 63 58 Қирғизистон 12.3 15.7 60 55 Туркманистон 12.2 15.1 60 55 Ўзбекистон 14.0 16.9 60 55 Нафакахўрларнинг ҳаёт давомийлиги Америка 14.8 18.6 65/65 Австралия 13.0 16.8 65/60 Германия 13.8 17.8 65/65 Манбаа: МДҲ давлатлараро статистиқ қўмитаси, демографик йилнома Республикамиздаги нафақахўрлар сони 1995 йил 2773.1 минг киши бўлса, 2005 йил 3080,1 минг кишини, яъни 107фоиз ўсган. Кексалик бўйича нафақа олувчилар 10 фоизга, ногиронлик бўйича нафақа олувчилар 110 фоизга, боқувчисини йўқотганлик нафақасини олаётганлар 100.3 фоизга ўсган. Кўп йиллик ишлаган учун нафақа олувчилар 107 фоизга ўсган ва ижтимоий нафақа олувчилар 108.5 %га ўсган.

Иқтисодий фаол аҳоли билан меҳнат нафакаси олувчилар ўртасидаги нисбат 1995 йил 0.327 бўлганда 2005 йил бу кўрсаткич 0.333, яъни 102 фоизга ўсган. Ўртача ойлик иш ҳақи билан ўртача ойлик нафака ўртасидаги нисбат 1995 йилда 0.7351 бўлган ҳолда 2005 йилда 0.6765, яъни 92 фоизга пасайган. Республикамиз бўйича нафақа олган кам таъминланган оилаларнинг салмоғи ва оилага тўгри келган нафақанинг ўртача миқдори 2005 йил бўйича қуйидагича акс эттирилган. 2005 йилда республика бўйича нафақа олган оилаларнинг салмоғи 7.3 фоиз бўлиб, Бухоро вилоятида нафақа олган оилаларнинг салмоғи энг юқори бўлган Андижон вилоятида эса бу натижа паст бўлиб нафақа олаётган салмоғи атиги 5,4 фоиз ташкил этган. Нафақа тизимини такомиллаштириш имкониятлари Ўзбекистоннинг 1991 йилда тузилган нафақа жамғармаси бошиданоқ молиявий жиҳатдан қашшоқ бўлган, чунки унинг даромадлари харажатларини қоплай олмасди. Лекин, Ўзбекистон ҳукумати томонидан 1996 йилнинг охирги ва 1997 йилнинг бошларида кўрилган чоралар ёрдамида нафақа тизимининг молиявий ҳолатини барқарорлашитириш ва ўша пайтдаги нафақа тўловлари бўйича қарзларни бартараф этишга эришилди. Ҳозирги вақтда Ўзбекистон Ресупбликасининг бюджетдан ташқари нафақа жамғар масининг ўз мажбуриятларини ўташ бўйича қарзлари йўқ, бироқ ушбу нафақа тизимини молиявий жиҳатдан тўлиқ ишончли дейишга ҳали эрта. Бунга сабаб камида 3 ойлик нафақа тўловлари билан тминлаб турувчи резерв жамғармасининг йўқлиги, мажбурий нафақа бадаллари миқдорининг нисбатан юқорилиги, кишиларнинг бу бадалларини тўлашдан қочиши ва бунинг иқтисодий рақобатбардошликка салбий таъсиридир. Юқорида санаб ўтилган муаммоларнинг кўплиги нафақаларни белгилаш ва тўлашни бошқарувчи қонунларнинг мукаммал эмаслиги билан боғлиқдир. Бу нарса энг аввало, нафақа жамғармасига тўланадиган мажбурий бадаллар миқдори ва нафақанинг миқдори бир-бирига мос келмаслигида кўринади ва уларни сабаблари қуйидагилардир:

Биринчидан, жинси бўйича фуқароларнинг нафақа жамғармасининг даромадлар ва харажатлар қисмларининг ташкил топишидаги иштироки бўйича тафовут: аёлларга олиш ҳуқуқини қўлга киритиш учун 20 йил мобайнида нафақа жамғармасига бадалларни ўтказиб туриш кифоя бўлса, эркаклар учун бу муддат 25 йилни ташкил этади. Аёллар 55 ёшдан нафақага чиқиш ҳуқуқига эгалар, эркаклар эса 60 ёшдан. Аёллар ўртача 72 йил умр кўрадилар, эркаклар эса 67 йил. Демак, шуни айтиш мумкинки аёлларнинг нафақа жамғармасининг харажатлар қисмидаги улуши эркакларникига қараганда икки баробар кўпроқ, аммо уларнинг даромадлар қисмидаги улуши эркакларникидан сезиларли даражада камроқдир. 1 Иккинчидан, эркаклар ва аёлларни нафақа билан таъминлашдаги тафовут сабабли уларнинг нафақа жамғармасининг даромадлар қисмидаги иштирокининг ҳар йилги кўрсаткичи ҳам кескин фарқ қилади: аёллар учун бу кўрсаткич асосий нафақанинг 2,75 фоизини ташкил этса, эркаклар учун 2,2 фоизини ташкил этади. Ҳамма гап шундаки, ўртача иш ҳақининг 55 фоизига тенг бўлган асосий нафақани кўлга киритиш учун аёллар нафақа жамғармасида 20 йил мобайнида иштирок этишлари керак 55:20=2,75, эркаклар эса 25 йил (55%:25к=2,2%). Учинчидан республиканинг қонунларидан маълумки, бир қисми аҳолига категориялари ва гуруҳлари учун нафақа жамғармасининг даромадлар қисмида иштирок этмаслик ҳуқуқи берилган (масалан, харбий хизматчиларнинг барчаларига). Тўртинчидан, қонунларимиз ахолининг кўпгина категория ва гуруҳларига бир қатор имкониятлар яратади: иш стажини икки баробар кўпайтирилиши (масалан, харбийларнинг 1 йиллик хизмати 2 йил иш стажи деб саналади), ишчиларнинг турли хил сабабларга кўра ишламаган даври ҳам иш стажига қўшилиши (биринчи гуруҳ ногиронини парвалишласа, 16 ёшгача бўлган ногирон бола тарбияси билан шуғулланса, 3 ёшгача бўлган бола тарбияси билан шуғулланса ва бошқалар), нафақа жамғармасига бадал тўлаш билан ўз 1 Манба: «Нафақа тизимининг такомиллаштириш имконияти» Экономические обозрение, 2003 й. февраль.

ҳиссасини қўшмаган даври ҳам иш стажига қўшилиши (таълим олса, харбий хизматда бўлса, фарзандларига қараса), нафақага турли қўшимча тўловларнинг қўшиб борилиши ва ҳ.к. Нафақа тизимини такомиллаштиришда шу нарсани ҳисобга олиш керакки, республикамизда ишга лаёқатли аҳолининг атиги 42 фоизи нафақа жамғармасига тўловлар ўтказади. қолган 48 фоизи эса қонунларга мувофиқ ушбу тўловларни ўтказмасликка рухсат берилган. Кўриниб турибдики, агар нафақа жамғармасининг даромадлари қисмида иштирок этувчи ишга лаёқатлилар улушини кўтарадиган бўлсак, (имтиёзларни бекор қилиш, иш ҳақини бутунлай қонуний бўлишини таъминлаш ва ҳоказо орқали) нафақа жамғармасининг молиявий аҳволини яхшилаш, балки мажбурий нафақа тўловлари миқдорини камайтириш ҳам мумкин бўлади. Яна бир нафақа тизимини такомиллаштиришдан бири имтиёзларни бекор қилишдан иборат. Дунёдаги ҳар бир ривожланган давлатда биздаги каби имтиёзлар қўлланилмайди. Режа иқтисодиёт тизимида бундай имтиёзлар маълум бир ёмон шарт-шароитларда ишлайдиган ва иш ҳақи кам бўлган ишчиларга овунчоқ вазифасини ўтаган. Аммо бугунги кунда - бозор иқтисодиёти тизими ҳукумрон даврида, корхоналар ўз ишчилари учун, мавжуд шарт-шароитлардан клиб чиққан ҳолда, ўзлари иш ҳақи ҳажмини белгилаб турган пайтда, бундай имтиёзлар ўз моҳиятини йўқотади. Лекин ҳозирги кунда ҳам зарарли ва ёмон шарт-шароитларда ишловчилар маошларининг юқорилигига қарамасдан, бундай имтиёзларни беришини талаб қилаяптилар. Бундан ташқари бир неча йил аввал зарарли ҳисобланган вазифалар янги технологияларнинг тадбиқ этилиши ҳисобига ҳозир зарарли ҳисобланмайди. Агар корхона бундай технологияларни тадбиқ қилмас экан, у ўз ишчиларининг тезроқ нафақага чиқиб кетишини ўзи таъминлаши шарт. Нафақа тизимини такомиллаштиришда ахолишуносларнинг башоратларини хисобга олиш лозим. Уларнинг башоратларига қараганда 2002 йилга келиб Ўзбекистонда нафақа ёшидаги аҳоли сонининг ўсиш суръати ишга лаёқатли аҳолининг сонининг ўсиши суръатидан ошиб кетади.

Натижада 2025 йилга келиб, нафақахўрларнинг сони 2005 йилдагига нисбатан икки баробар кўп бўлади ва бу кўрсаткич ишга лаёқатли аҳолидан кўра тезроқ ўсади. Маълумки, бу нафақа жамғармасининг молиявий ҳолатига салбий таъсир кўрсатади. Чунки нафақа жамғармасининг харажат қисмини ўсиш даражаси даромадлар қисмининг ўсиш даражасидан юқорироқдир. Бунга йўл қўймаслик учун, ҳозирдан нафақа тизимини ислоҳ қилишни бошлаш керак. Чунки ҳозир демографик нуқтаи назардан, ушбу ислоҳотларни амалга ошириш учун энг қулай вақтдир. Ривожланган давлатларда нафақа жамғармасининг молиявий ҳолатини яхшилашга ишчиларнинг нафақага чиқиш ёшларини суриш орқали эришадилар. Улардан фарқли равишда Ўзбекистонда буни амалга оширишнинг бошқа механизмлари яъни имтиёзли нафақа олишни бекор қилиш мавжуд. Келажакда ушбу механизмни амалга ошириш орқали нафақа жамғармасининг харажатларини 25-30 фоизгача камайтириш мумкин. Бу эса нафақа жамғармасига тўланиши керак бўлган мажбурий бадаллар миқдорини 36 фоиздан 25-26 фоизларгача камайтиришни таъминлайди. Албатта, юқорида келтирилган нафақа таъминотини такомиллаштириш механизмини тўлалигича ва бир вақтда амалга ошириб бўлмайди. Чунки уларнинг самарали 10-12 йилдан кейин намоён бўлади. Бозор муносабатларига ўтиш даврида нафақа белгилаш хужжатларини расмийлаштириш ва уларни ишончли эканлигини текшириш билан боғлиқ қийинчиликларни бартараф этишга қаратилган йўллардан биридир. Бу йўл корхоналарни ўзгариш динамикасига (корхоналар номлари, мулкчилик шакллари ўзгармоқда, айримлари эса йўқ бўлиб кетмоқда) ва бир вақтнинг ўзида нечта корхонада ишловчи кишиларнинг миқдорининг ошиши билан боғлиқдир. Бундай ўзгаришлар ижтимоий таъминотнинг органлари фаолиятини ҳам мушкиллаштирмоқда, нафақаларни расмийлаштирш учун қўшимча меҳнатни талаб қилмоқда.

Нафақа таъминотини такомиллаштиришда бозор муносабатларига ўтишимиз сайин муаммолар сонининг кўпайишини ҳисобга оладиган бўлсак, иш стажини ва иш ҳақини замонавий компьютер технологиялар асосида ҳисобга олиш асосида ишлаб чиқаришга ҳозирданоқ киришиш керак ва президентимизнинг «компютерлаштиришни янада ривожлантириш ва ахборот-коммуникация технологияларини жорий этиш тўғрисидаги фармонда нафақа таъминотини интерактив хизматини шаклланишига кўмаклашиш, инновация бизнесни, шу жумладан ахборот коммуникация технологияларни жорий қилишни тушуний мумкин чириш керак. Бу борада Президентимизнинг «компютерлаштиришни янада ривожлантириш ва ахборот-коммуникация технологияларини жорий этиш тўғрисида»ги Фармонини нафақа таъминоти тизимига жорий қилиш қанчалик зарурлигини тушуниш мумкин. Нодавлат нафақа жамғармаларини ташкил этиш. Жаҳон тажрибаси шуни кўрсатадики, нафақа тизимини такомиллаштиришнинг энг самарали усулларидан бири бу жамғаришга асосланган нафақа тизимини шакллантиришдир. Лекин, бу тизим солидар жавобгарлик мавжул бўлган нафақа тизими ўрнини босиш керак эмас. Жамғаришга асосланган нафақа тизимини қўшимча, давлатга аҳолининг яшаш шароитини яхшилаш ва давлат нафақа тизими олдидаги мажбуриятларини бажаришда ёрдам берадиган тизим сифатида кўриш лозим. Масалан, жамғаришга асосланган нафақа тизими имтиёзларни бекор қилиш ўрнини қоплаши мумкин. Бундан ташқари жамғаришга асосланган нафақа жамғармалари давлат иқтисодиёти учун жуда самарали инвестиция манбаларидир. Буни жуда кўп давлатлар тажрибаси асосида қуриш мумкин. Мисол тариқасида юқорида таъкидланган Чилини келтириш мумкин. Бу ерда Жаҳон Банки мутахассисларининг фикрича, иқтисодиётнинг ривожи учун кетаётган

молиявий манбаларнинг асосий қисми айнан жамғаришга асосланган нафақа жамғармалари томонидан таъминланади. Шуни такидлаш керакки, жамғаришга асосланган нафақа жамғармаларини ташкил этиш, иштирок этиш бутунлай ихтиёрий бўлган нодавлат нафақа жамғармалари тармоғини яратиш орқали амалга оширилиши лозим. Албатта, бундай жамғармаларни ташкил этиш қоидаларини таъминловчи ва фаолият жараёнини бошқариб турувчи қонунлар талаб қилинади. Уларнинг инвестицион фаолиятини эса махсус бошқарувчи компаниялар орқали амалга ошириш мумкин. Бу эса маблағ қўйишнинг самарадорлигини ва унинг сақланиши кафолотини таъминловчи асосий шарт ҳисобланади. Бундай тизимни босқичма-босқич яратигш керак. Айни ҳолда, босқичма-босқич дейилганда қуйидаги чораларнинг кетма-кет амалга оширилиши тушунилади: - нафақа жамғармаларининг ҳимоясини таъминлаб берувчи ва нодавлат нафақа тизими иштирокчилари муносабатларини бошқариб турувчи қонунлар ва норматив актлар қабал қилиш; - давлат нафақа тизимига бўлган мажбурий механизмини мукаммаллаштириш ҳисобига иш берувчилар нодавлат нафақа тизимида иштирок этишига шарт-шаритлар яратиб бериш; - йирик корхоналар ишчилари учун нодавлат нафақа жамғармаларини шакллантириш. Давлат ушбу тизимларни яратиш бўйича ташаббускор ва улар фаолиятининг қонунийлигини таъминловчи кафил бўлиши керак. Масалан, жамғаришга асосланган нафақа жамғармаларида жуда кўп молиявий маблағлар йиғилади ва давлат томонидан белгиланадиган «ўйин коридори» молиявий перамидалар пайдо бўлишини олдини олиши ва улар фаолиятининг аниқ қонунларига асосланганлигини белгилаш, ҳамда маблағ қўйишдаги хавф-хатарларнинг минималлигини таъминлаб бериши лозим. Давлатнинг хусусий нафақа жамғармаларини бошқаришдаги асосий чоралари қуйидагилардир:

- бундай жамғармалар фаолиятини лицензияланиши; - уларнинг молиявий ҳолатини доимий мониторинг қилиш; - жамғармаларда мажбурий бухгалтерия ҳисоботи олиб боришини текшириш ва ҳар йили мустақил аудитнинг ўтказилиши; - молиявий хав-хатар даражаси катта бўлган лойиҳаларга капитал қўйишни олдини олиш мақсадида нафақа активларни саралаш устидан назорат қилиш. Нодавлат нафақа жамғармаси ўз мулки ва активлари билан барча иштирокчилар олдида маъсулиятни ва жавобгарликни олувчи мустақил юридик шахс бўлиши лозим. Давлат бундай нафақа жамғармалари қарзлари бўйича мажбуриятни ўз бўйнига олмаслиги керак. Ўз ўрнида, нафақа жамғармаси ҳам давлат мажбурияти учун жавобгар эмас. Нафақа жамғармаси томонидан бериладиган нафақалар миқдори нафақахўрнинг қўйган маблағи миқдори ва бу маблағларни инвестициялаш эвазига олинган даромад миқдори билан узвий боғлиқ бўлиши лозим. Ўтиш даврининг хусусиятларини ҳисобга олган ҳолда нодавлат нафақа жамғармалари, хеч бўлмаганда биринчи босқичларида, иқтисодий ва молиявий жиҳатдан қудратли корхоналар ёки тижорат банклари томонидан ташкил этилиши лозим. Бунда соҳа ҳудуд жиҳатдан бир нечта корхоналарнинг нафақа жамғармалари корпоратив бирлашишлари ҳам мумкин. Айтиш керакки баъзи бир иқтисодчилар ва халқаро мутахассислар нодавлат нафақа жамғармаларини алоҳида корхоналар томонидан яратишига қарши чиқадилар сабаб, бундай корхоналар томонидан жамғармаларни тузилиши ўз фаолиятини кенгайтириш учун маблағ тўплаш имкониятидир деб тушунтирадилар, ҳамда бундай фаолият инвестициядан бўладиган даромадлар кўламининг камайишига олиб келади деб ҳисоблайдилар. Аммо бундай жамғармалар активларининг бошқариш функциясини бошқа бир мустақил корхонага топшириш бундай хавф-хатарни олдини олади. Бундан ташқари, нодавлат нафақа ташкил этилиши қисқа муддат ичида иштирокчиларнинг етарли сонини таъминлаб бериш имкониятини беради.

АҚШ ва Россия ва Европа давлатларининг ижобий тажрибаси шуни кўрсатадики, маълум соҳа бўйича корпоратив тамойил асосида нодавлат нафақа жамғармаларини яратиш жуда ҳам фойдалидир. Аниқ айтиш керакки, нодавлат нафақа жамғармаларининг фаолияти нафақа бадалларини йиғишга, нафақа резервларини қайта жойлаштиришга нафақа мажбуриятларини ҳисоблашга ва нодавлат нафақа жамғармаси иштирокчиларига нафақа тўлашга қаратилиши лозим. Бундай фаолиятни юритиш учун давлатдан рухсат олиш мажбурий бўлиши керак. Нодавлат нафақа жамғармаларига бадаллар ўтказиш корпоратив шартномалар асосида иш берувчи ва ишчи томонидан бажарилиши зарур. Бундай жамғармалар фаолиятида иштирок этиш учун одамларни жалб қилишда солиққа тортишга алоқадор усуллардан фойдаланиш лозим. Нодавлат нафақа жамғармаларда ишчилар ва иш берувчилар иштирокининг ижобий томонлари шундан иборатки ишчиларнинг нодавлат нафақа жамғармаларида ихтиёрий иштирок этишига қуйидаги оамллар жалб қилинади: - қариганда ўзига давлат нафақасидан ташқари етарли маблағларни йиғиш имконияти; - йиғилган маблагларнинг жамғарма раҳбарияти ва махсус бошқарув компаниялари томонидан сифатли бошқарилиши натижасида уларнинг кўпайтирилиши; - қатнашчилар билан жамғарма ўртасидаги молиявий муносабатлар жараёнинг қулайлиги; - молиявий мажбуриятларнинг хусусий нафақа жамғармаси иштирокчилари ўртасида тасдиқланиши; - даромадларнинг солиққа тортиш базаси қисқариши ҳисобидан жорий солиқ тўловларининг камайиши; Нодавлат нафақа жамғармаларини яратишнинг хориж тажрибаси шуни кўрсатадики, иш берувчиларнинг ундаги иштироки бир қатор шартшароитлар билан боғлиқдир:

- корхонанинг малакали кадрлар салоҳиятини сақлаб қолишига ва уни мустаҳкамлашга уриниши (баъзи иш берувчилар ўз ишчилари учун нафақа жамғармасига тўловни амалга оширишда маълум имтиёзлар яратадилар); - хусусий нафақа жамғармаларида иштирок этаётган ишчилар учун бадал тўловини амалга ошириш эвазига фирмаларнинг солиқ тўловлари миқдорининг камайиши (АҚШ, Германия, Англия ва бошқа ғарбий Европа давлатларида корхоналарининг солиққа тортиладиган бадаллари уларнинг ўз ходимлари учун хусусий нафақа жамғармаларига ўтказган бадалларининг умумий миқдорига камайтирилади. Кейинчалик солиқлар нафақа жамғармаси иштирокчиси бўлган ходим томонидан қўшимча нафақа тўловлари олиниши пайтида ушлаб қолинади).

Қисқача хулосалар Амалдаги нафака тизими нафакахурларнинг ўсиб бораётган сонини молиялаштиради. Ривожланган мамлакатлардан фарқ қилувчи демографик вазиятга эга бўлган тақдирда ҳам, нафақа жамғармаси «Омонатчилар» сони камайиб бориб, тақчилликнинг ўсаётганлиги туфайли нафақахўрни кексалик даврида узоқ вақт бекаму-кўст таъминлай олмайди. Нафақа тизимини такомиллаштиришда ахолишуносларнинг башоратларини хисобга олиш лозим. Уларнинг башоратларига қараганда 2005 йилга келиб Ўзбекистонда нафақа ёшидаги аҳоли сонининг ўсиш суръати ишга лаёқатли аҳолининг сонининг ўсиши суръатидан ошиб кетади. Натижада 2025 йилга келиб, нафақахўрларнинг сони 2005 йилдагига нисбатан икки баробар кўп бўлади ва бу кўрсаткич ишга лаёқатли аҳолидан кўра тезроқ ўсади. Нафақа таъминотининг салидар авлодлар тамойилига асосланганлиги, айрим мамлакатларда нафақага чиқиш ёши, 60 ёшдан ошган аҳоли учун фоиз ҳисобида 2020 йил ва 2050 йил бўйича кўрсаткичлар, ҳаётнинг ўртача давомийлиги, нафақа тизимини такомиллаштириш имкониятлари ва нодавлат нафақа жамғармаларини ташкил этишнинг истиқболлари кўрсатилган.

Тавсия этилган адабиётлар: Ўзбекистон Республикаси Президенти И.А. Каримовнинг Олий Мажлис Қонунчилдик палатаси ва Сенатининг қўшма мажлисидаги маърузаси «Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир» Халқ сўзи 2005 йил, 29 январь. Ўзбекистон Республикаси Президенти И.А.Каримовнинг «Янгиланиш ва барқарор тараққиёт йўлидан янада изчил харакат қилиш, халқимиз учун фаровон турмуш шароити яратиш-асосий вазифамиздир» маърузаси. – «Халқ сўзи», 2007 йил, 13 февраль. Каримов И.А. Маъмурий ислоҳотларга бағишланган вазирлар махкамасининг 2003 йил 18 июлидаги мажлисидаги чиқиши. Халқ сўзи 2003й. 19 июль Ефимова М.Р., Багнова С.Г. «Социальная статистика» М.: Финансы и статистика, 2005. Ишмухамедов А.Э., Каланова М.З. «Ижтимоий соҳа иқтисодиёти» Маърузалар матни Т.: ТДИУ, 2005.

O'xshashlar

Нафақа таъминоти

Жамғариб бориладиган пенсия таъминоти

Маркетинг тизимида ахборот таъминоти

Пенсия таъминоти тизимининг шаклланиши

Ташқи иқтисодий фаолиятда ахборот таъминоти