Moliyaviy instrumentlarni hisobga oluvchi standartlarining tavsifi - Iqtisodiyot - Referatlar

Moliyaviy instrumentlarni hisobga oluvchi standartlarining tavsifi

Yuklangan vaqt:

02.10.2022

Ko'chirishlar soni:

0

Hajmi:

77.5478515625 KB

Ko'chirib olish

Moliyaviy instrumentlarni hisobga oluvchi standartlarining tavsifi Reja: 1. BHXS (IAS) 32 “Moliyaviy instrumentlar: taqdim etish” 2. BHXS (IAS) 39 “Moliyaviy instrumentlar: tan olish va baholash” 3. MHXS (IFRS) 7 “Moliyaviy instrumentlar: ma’lumotlarni ochib berish”

1. BHXS (IAS) 32 “Moliyaviy instrumentlar: taqdim etish” Mazkur Standartning maqsadi moliyaviy instrumentlarni majburiyatlar yoki kapital sifatida taqdim etish hamda moliyaviy aktivlar va moliyaviy majburiyatlarni o’zaro hisob-kitob qilish tamoyillarini belgilashdan iboratdir. U moliyaviy instrumentlarni, emitent nuqtai nazaridan, moliyaviy aktivlarga, moliyaviy majburiyatlarga va ulushli instrumentlarga tasniflanishiga; tegishli foiz, dividendlar, foyda va zararlarning tasniflanishiga; hamda moliyaviy aktivlar bilan moliyaviy majburiyatlar o’zaro hisob-kitob qilinishi kerak bo’lgan holatlarga nisbatan qo’llaniladi. Mazkur Standartdagi tamoyillar MHXS 9 “Moliyaviy instrumentlar”dagi moliyaviy aktivlar bilan moliyaviy majburiyatlarni tan olish va baholash hamda MHXS 7 “Moliyaviy instrumentlar: ma’lumotlarni ochib berish”dagi ular to’g’risidagi ma’lumotlarni ochib berish tamoyillarini to’ldiradi. Mazkur Standart barcha tashkilotlar tomonidan barcha turdagi moliyaviy instrumentlarga nisbatan qo’llanilishi lozim, bundan quyidagilar istisno: (a) BHXS 10 “Jamlangan moliyaviy hisobotlar”, BHXS 27 “Alohida moliyaviy hisobotlar” yoki BHXS 28 “Qaram tashkilotlardagi va va qo’shma korxonalardagi investitsiyalar”ga muvofiq hisobga olinadigan sho’’ba tashkilotlari, qaram tashkilotlar yoki qo’shma korxonalardagi ulushlar. Biroq, ayrim holatlarda BHXS 27 yoki BHXS 28 tashkilotga MHXS 9 dan foydalangan holda sho’’ba tashkilotlari, qaram tashkilotlar va qo’shma korxonalardagi ulushlarni hisobga olishga ruxsat beradi; bunday holatlarda, takshilotlar ushbu Standartning talablarini qo’llashi lozim. Tashkilotlar ushbu Standartni sho’’ba tashkilotlari, qaram tashkilotlar va qo’shma korxonalardagi ulushlarga bog’langan barcha derivativlarga nisbatan ham qo’llashi lozim. (b) BHXS 19 “Xodimlarning daromadlari” qo’llaniladigan xodimlarga haq to’lash tizimlariga asosan ish beruvchilarning huquqlari va majburiyatlari. (v) MHXS 4 “Sug’urta shartnomalari” da ta’riflangan sug’urta shartnomalari. Biroq, ushbu Standart sug’urta shartnomalariga singdirilgan derivativlarga nisbatan qo’llaniladi, agarda MHXS 9 tashkilotdan ularni alohida

hisobga olishni talab etsa. Bundan tashqari, emitent mazkur Standartni moliyaviy kafolat shartnomalari uchun qo’llashi lozim, agarda emitent shartnomalarni tan olishda va baholashda MHXS 9 ni qo’llasa, ammo MHXS 4 ni qo’llashi lozim, agarda tashkilot MHXS 4ga muvofiq ularni tan olishda va baholashda MHXS 4 ni tanlasa. (g) MHXS 4 ning qo’llash doirasidagi moliyaviy instrumentlar, chunki ular ixtiyoriy qatnashish xususiyatiga egadir. Biroq, ushbu instrumentlarga mazkur Standartning boshqa barcha talablari tegishlidir. Bundan tashqari, mazkur Standart ushbu instrumentlarga singdirilgan derivativlarga nisbatan qo’llaniladi (MHXS 9 ga qarang). (d) MHXS 2 “Aktsiyaga asoslangan to’lov” qo’llaniladigan aktsiyagaasoslangan to’lov operatsiyalari asosidagi moliyaviy instrumentlar, shartnomalar va majburiyatlar. Mazkur Standart pul mablag’ida yoki boshqa moliyaviy instrumentda netto yoki, xuddiki shartnomalar moliyaviy instrumentlar bo’lgani kabi, moliyaviy instrumentlarni ayirboshlash orqali hisob-kitobni amalga oshirish mumkin bo’lgan nomoliyaviy moddani sotib olish yoki sotish shartnomalari uchun qo’llanilishi lozim, bundan tashkilotning ko’zda tutgan xaridi, sotuvi yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilgan va saqlanayotgan shartnomalar mustasno. Nomoliyaviy moddani sotib olish yoki sotish shartnomalari pul mablag’ida yoki boshqa moliyaviy instrumentda netto yoki moliyaviy instrumentlarni ayirboshlash orqali hisob-kitob qilinishi mumkin bo’lgan bir necha usullar mavjud. Bular quyidagilarni o’z ichiga oladi: (a) qachonki shartnoma shartlari biror tomonga uni pul mablag’ida yoki boshqa moliyaviy instrumentda netto yoki moliyaviy instrumentlarni ayirboshlash orqali hisob-kitob qilishga ruxsat berganda; (b) qachonki pul mablag’ida yoki boshqa moliyaviy instrumentda netto yoki moliyaviy instrumentlarni ayirboshlash orqali hisob-kitob qilish imkoniyati shartnoma shartlarida aniq belgilanmagan, ammo tashkilot shunga o’xshash

shartnomalarni pul mablag’ida yoki boshqa moliyaviy instrumentda netto yoki moliyaviy instrumentlarni ayirboshlash orqali (bunda, kontragent bilan o’zaro hisob-kitob qilish shartnomalarini tuzish orqali yoki shartnoma bajarilishidan yoki muddati tugashidan oldin shartnomani sotish orqali) hisob-kitob qilish tajribasiga ega bo’lsa; (v) shunga o’xshash shartnomalar uchun, qachonki tashkilot tayanch aktivning yetkazib berilishini qabul qilish hamda yetkazib berilgandan so’ng qisqa muddat ichida narxdagi yoki diler marjasidagi qisqa muddatli tebranishlardan foyda olish maqsadida uni sotish tajribasiga ega bo’lganda; va (g) qachonki shartnoma predmeti bo’lgan nomoliyaviy modda pul mablag’iga osongina aylantirilsa. (b) yoki (v) qo’llaniladigan shartnomalar tashkilotning ko’zda tutgan xaridi, sotuvi yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilgan emas, va shu tufayli, u mazkur Standartning qo’llash doirasidadir. Tashkilotning ko’zda tutgan xaridi, sotuvi yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilganligini va saqlanayotganligini, va o’z navbatida, ular mazkur Standart qo’llash doirasidaligini aniqlash uchun baholanadi. Pul mablag’ida yoki boshqa moliyaviy instrumentda netto, yoki moliyaviy instrumentlarni ayirboshlash orqali, hisob-kitobni amalga oshirish mumkin bo’lgan nomoliyaviy moddani sotib olish yoki sotish bo’yicha chiqarilgan optsion mazkur Standartning qo’llash doirasidadir. Bunday shartnoma tashkilotning ko’zda tutgan xaridi, sotuvi yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilishi mumkin emas. • Moliyaviy aktiv yoki moliyaviy majburiyatning amortizatsiyalangan qiymati • hisobdan chiqarish • derivativ • effektiv foiz usuli • moliyaviy kafolat shartnomasi

• haqqoniy qiymatidagi o’zgarishlar foyda yoki zarardahisobga olinadigan moliyaviy majburiyat • qat’iy majburiyat • prognozlanadigan bitim • xej samaradorligi • xejlangan modda • xejlash instrumenti • savdo uchun mo’ljallangan • odatiy oldi-sotdi • bitimga oid xarajatlar. Mazkur Standartda “shartnoma” va “shartnomaviy” ikki yoki undan ortiq tomonlar o’rtasidagi iqtisodiy oqibatlarga ega kelishuvga tegishli bo’lib, bunda tomonlar ushbu oqibatlarni chetlab o’tish bo’yicha, agarda mavjud bo’lsa, juda kam ixtiyorga ega bo’ladilar, chunki odatda kelishuv qonun tomonidan amalga oshiriladigan bo’ladi. Shartnomalar, va demak moliyaviy instrumentlar, turli shaklda bo’ladi va yozma shaklda bo’lishi zarur emas. Mazkur Standartda tashkilot jismoniy shaxslarni, shirkatlarni, aktsioner jamiyatlarini, trast kompaniyalarini va davlat tashkilotlarini o’z ichiga oladi. Moliyaviy instrument emitenti dastlabki tan olishda instrumentni yoki uning tarkibiy qismlarini, shartnomaviy kelishuvning mohiyatiga hamda moliyaviy majburiyat, moliyaviy aktiv va ulushli instrument ta’riflariga muvofiq moliyaviy majburiyat, moliyaviy aktiv yoki ulushli instrument sifatida tasniflanishi lozim. Qachonki emitent moliyaviy instrument moliyaviy majburiyat emas, balki ulushli instrument ekanligini aniqlash uchun qo’llasa, instrument ulushli instrument bo’ladi, faqat va faqat, quyidagi ikkala (a) va (b) shartlar qanoatlantirilganda. (a) Instrument quyidagilar bo’yicha shartnomaviy majburiyatni o’z ichiga olmaydi: - boshqa tashkilotga pul mablag’i yoki boshqa moliyaviy aktivni yetkazib berish; yoki

- emitent uchun potentsial noqulay bo’lgan shartlarda boshqa tashkilot bilan moliyaviy aktivlarni yoki moliyaviy majburiyatlarni ayirboshlash. (b) agar instrument emitentning o’z ulushli instrumentlari bilan hisob-kitob qilinsa yoki qilinishi mumkin bo’lsa, u: - noderivativdir, qaysiki emitent uchun o’z ulushli instrumentlarining o’zgaruvchan miqdorini yetkazib berish bo’yicha shartnomaviy majburiyatni qamrab olmaydi; yoki - derivativdir, qaysiki faqat emitent tomonidan o’z ulushli instrumentlarining qat’iy belgilangan miqdoriga qat’iy belgilangan pul mablag’lari summasini yoki boshqa moliyaviy aktivni ayirboshlash orqali hisob-kitob qilinadi. Ushbu maqsad uchun, tashkilotning o’z ulushli instrumentlarining qat’iy belgilangan miqdorini har qanday valyutaning qat’iy belgilangan summasiga sotib olish bo’yicha huquqlar, optsionlar yoki varrantlar ulushli instrumentlardir, agarda tashkilot o’zining noderivativ ulushli instrumentlarining bir xil turkumining amaldagi barcha egalariga huquqlar, optsionlar yoki varrantlarni proportsional ravishda taqdim etsa. Emitentning o’z ulushli instrumentlarini kelgusida olish yoki yetkazib berishga olib keladigan yoki olib kelishi mumkin bo’lgan, ammo yuqoridagi (a) va (b) shartlarni qanoatlantirmaydigan shartnomaviy majburiyat, jumladan derivativ moliyaviy instrumentdan kelib chiqadigan majburiyat, ulushli instrument emas. Qayta sotiladigan instrument qayta sotish huquqidan foydalanganda emitentning ushbu instrumentni pul mablag’iga yoki boshqa moliyaviy aktivga qayta sotib olish yoki so’ndirish bo’yicha shartnomaviy majburiyatini o’z ichiga oladi. Moliyaviy majburiyat ta’rifiga istisno tariqasida, bunday majburiyatni o’z ichiga oladigan instrument ulushli instrument sifatida tasniflanadi, agarda u quyidagi barcha jihatlarga ega bo’lsa: (a) U egasiga tashkilotning likvidatsiyasi paytida tashkilot sof aktivlarining proportsional ulushiga huquq beradi. Tashkilotning sof aktivlari bu uning

aktivlariga nisbatan boshqa barcha talablarni chegirib tashlagandan so’ng qoladigan aktivlardir. Proportsional ulush quyidagicha aniqlanadi: - likvidatsiya jarayonidagi tashkilotning sof aktivlarini teng miqdordagi birliklarga bo’lgan holda; va - ushbu miqdorni moliyaviy instrument egasi egaligidagi birliklar soniga ko’paytirgan holda. (b) Instrument boshqa barcha instrumentlar turkumlariga subordinatsiya bo’lgan instrumentlar turkumiga kiradi. Bunday turkum tarkibida bo’lish uchun instrument: - likvidatsiya jarayonida tashkilotning aktivlariga nisbatan boshqa talablardan ustivorlikka ega emas va - boshqa barcha instrumentlar turkumlariga subordinatsiya bo’lgan instrument turkumi tarkibida bo’lishidan oldin instrument boshqa instrumentga aylantirilishi zarur bo’lmasligi kerak. (v) Boshqa barcha instrumentlar turkumlariga subordinatsiya bo’lgan instrumentlar turkumidagi barcha moliyaviy instrumentlar bir xil jihatlarga egadir. Masalan, ularning barchasi qayta sotiladigan bo’lishi shart hamda qayta sotib olish yoki so’ndirish narxini hisoblash bo’yicha formula yoki boshqa usul ushbu turkumdagi barcha instrumentlar uchun bir xildir. (g) Emitent tomonidan instrumentni pul mablag’iga yoki boshqa aktivga qayta sotib olish yoki so’ndirish bo’yicha shartnomaviy majburiyatdan tashqari, instrument boshqa tashkilotga pul mablag’i yoki boshqa aktiv yetkazib berish yoki tashkilot uchun potentsial noqulay bo’lgan shartlarda boshqa tashkilot bilan moliyaviy aktivlarni yoki moliyaviy majburiyatlarni ayirboshlash bo’yicha har qanday shartnomaviy majburiyatni o’z ichiga olmaydi, hamda u moliyaviy majburiyat ta’rifining (b) quyi bandida belgilanganidek tashkilotning o’z ulushli instrumentlari bilan hisob-kitob qilinadigan yoki qilinishi mumkin bo’lgan shartnoma emas. (d) Instrumentning muddati davomida unga tegishli bo’lgan jami kutilayotgan pul oqimlari sezilarli tarzda instrument muddati davomida foyda yoki

zararga, tashkilotning tan olingan sof aktivlardagi o’zgarishga yoki tan olingan va tan olinmagan sof aktivlarining haqqoniy qiymatidagi o’zgarishga asoslangan bo’ladi (bunda instrumentning har qanday ta’sirlarini istisno qilgan holda). Instrument ulushli instrument sifatida tasniflanishi uchun, yuqoridagi barcha jihatlarga ega bo’lgan instrumentga qo’shimcha tarzda, emitent quyidagilarga ega boshqa moliyaviy instrument yoki shartnomaga ega bo’lmasligi shart: (a) sezilarli tarzda foyda yoki zararga, tashkilotning tan olingan sof aktivlardagi o’zgarishga yoki tan olingan va tan olinmagan sof aktivlarining haqqoniy qiymatidagi o’zgarishga asoslangan jami pul oqimlari (bunda bunday instrument yoki shartnomaning har qanday ta’sirlarini istisno qilgan holda) va (b) qayta sotiladigan instrument egalari uchun qoldiq daromadni sezilarli tarzda chegaralaydigan yoki qat’iy belgilaydigan ta’sir. Mazkur shartni qo’llash maqsadlarida, tashkilot instrument egasi bilan tuzilgan nomoliyaviy shartnomalarni ko’rib chiqmasligi lozim, qaysiki instrument egasi bo’lmagan bilan emitent tashkilot o’rtasida sodir bo’lishi mumkin bo’lgan ekvivalent shartnomaning shartnomaviy shartlari va sharoitlariga o’xshash shartnomaviy shartlar va sharoitlarga ega. Agarda tashkilot mazkur shart bajarilganligini aniqlay olmasa, u qayta sotiladigan instrumentni ulushli instrument sifatida tasniflamasligi lozim. Faqat likvidatsiya jarayonida tashkilotga uning sof aktivlaridagi proportsional ulushni boshqa tomonga yetkazib berish majburiyatini yuklaydigan instrumentlar yoki instrumentning tarkibiy qismlari Ba’zi moliyaviy instrumentlar faqat likvidatsiya jarayonida emitent tashkilotning uning sof aktivlaridagi proportsional ulushni boshqa tomonga yetkazib berish bo’yicha shartnomaviy majburiyatini o’z ichiga oladi. Majburiyat yuzaga keladi, chunki likvidatsiyaning sodir bo’lishi aniq yoki tashkilot nazoratidan tashqarida bo’ladi (masalan, muddati cheklangan tashkilot) yoki sodir bo’lishi aniq emas, ammo instrument egasi ixtiyorida bo’ladi. Moliyaviy majburiyat ta’rifiga istisno tariqasida, bunday majburiyatni o’z ichiga oladigan

instrument ulushli instrument sifatida tasniflanadi, agar u quyidagi barcha jihatlarga ega bo’lsa: (a) U egasiga tashkilotning likvidatsiyasi paytida tashkilot sof aktivlarining proportsional ulushiga huquq beradi. Tashkilotning sof aktivlari bu uning aktivlariga nisbatan boshqa barcha talablarni chegirib tashlagandan so’ng qoladigan aktivlardir. Proportsional ulush quyidagicha aniqlanadi: - likvidatsiya jarayonidagi tashkilotning sof aktivlarini teng miqdordagi birliklarga bo’lgan holda; va - ushbu miqdorni moliyaviy instrument egasi egaligidagi birliklar soniga ko’paytirgan holda. (b) Instrument boshqa barcha instrumentlar turkumlariga subordinatsiya bo’lgan instrumentlar turkumiga kiradi. Bunday turkum tarkibida bo’lish uchun instrument: - likvidatsiya jarayonida tashkilotning aktivlariga nisbatan boshqa talablardan ustivorlikka ega emas va - boshqa barcha instrumentlar turkumlariga subordinatsiya bo’lgan instrument turkumi tarkibida bo’lishidan oldin instrument boshqa instrumentga aylantirilishi zarur bo’lmasligi kerak. (v) Boshqa barcha instrumentlar turkumlariga subordinatsiya bo’lgan instrumentlar turkumidagi barcha moliyaviy instrumentlar likvidatsiya jarayonida emitent tashkilotning uning sof aktivlaridagi proportsional ulushni yetkazib berish bo’yicha bir xil shartnomaviy majburiyatiga ega bo’lishlari shart. Instrument ulushli instrument sifatida tasniflanishi uchun, yuqoridagi barcha jihatlarga ega bo’lgan instrumentga qo’shimcha tarzda, emitent quyidagilarga ega boshqa moliyaviy instrument yoki shartnomaga ega bo’lmasligi shart: (a) sezilarli tarzda foyda yoki zararga, tashkilotning tan olingan sof aktivlardagi o’zgarishga yoki tan olingan va tan olinmagan sof aktivlarining haqqoniy qiymatidagi o’zgarishga asoslangan jami pul oqimlari (bunda bunday instrument yoki shartnomaning har qanday ta’sirlarini istisno qilgan holda) va

(b) instrument egalari uchun qoldiq daromadni sezilarli tarzda chegaralaydigan yoki qat’iy belgilaydigan ta’sir. Mazkur shartni qo’llash maqsadlarida, tashkilot instrument egasi bilan tuzilgan nomoliyaviy shartnomalarni ko’rib chiqmasligi lozim, qaysiki instrument egasi bo’lmagan bilan emitent tashkilot o’rtasida sodir bo’lishi mumkin bo’lgan ekvivalent shartnomaning shartnomaviy shartlari va sharoitlariga o’xshash shartnomaviy shartlar va sharoitlarga ega. Agar tashkilot mazkur shart bajarilganligini aniqlay olmasa, u instrumentni ulushli instrument sifatida tasniflamasligi lozim. Faqat likvidatsiya jarayonida tashkilotga uning sof aktivlaridagi proportsional ulushni boshqa tomonga yetkazib berish majburiyatini yuklaydigan instrumentlarni va qayta sotiladigan instrumentlarni qayta tasniflash Moliyaviy instrument mazkur bandlarda keltirilgan barcha jihatlarga ega bo’lishdan va ushbu bandlardagi shartlarni qanoatlantirishdan to’xtagan sanadan boshlab, tashkilot moliyaviy instrumentni qayta tasniflashi lozim. Tashkilot instrumentni qayta tasniflashni quyidagicha hisobga olishi lozim: (a) Ulushli instrument tashkilot ulushli instrumentni moliyaviy majburiyat sifatida qayta tasniflashi lozim. Moliyaviy majburiyat qayta tasniflangan sanadagi instrumentning haqqoniy qiytmatida baholanishi lozim. Tashkilot ulushli instrumentning balans qiymati bilan moliyaviy majburiyatning qayta tasniflangan sanadagi haqqoniy qiytmati o’rtasidagi har qanday farqni kapitalda tan olishi lozim. (b) Moliyaviy majburiyat tashkilot ushbu moliyaviy majburiyatni kapital sifatida qayta tasniflashi lozim. Ulushli instrument qayta tasniflanadigan sanadagi moliyaviy majburiyatning balans qiytmatida baholanishi lozim. Pul mablag’ini yoki boshqa moliyaviy aktivni yetkazib berish bo’yicha shartnomaviy majburiyatning mavjud emasligi. Moliyaviy majburiyatning ulushli instrumentdan farqlashning muhim jihati shundaki, moliyaviy instrument bo’yicha bir tomonning (emitent) boshqa tomonga (instrument egasi) pul mablag’ini yoki boshqa moliyaviy aktivni yetkazib berish

bo’yicha yoki emitent uchun potentsial noqulay bo’lgan shartlarda instrument egasi bilan moliyaviy aktivlarni yoki moliyaviy majburiyatlarni ayirboshlash bo’yicha shartnomaviy majburiyatining mavjudligidir. Ulushli instrument egasi har qanday dividendlarning yoki boshqa kapital taqsimotlarning proportsional ulushini olish huquqiga ega bo’lishi mumkinligiga qaramasdan, emitent bunday taqsimotlarni amalga oshirish bo’yicha shartnomaviy majburiyatga ega emas chunki undan boshqa tomonga pul mablag’ini yoki boshqa moliyaviy aktivni yetkazib berishni talab qilib bo’lmaydi. Moliyaviy instrumentning yuridik maqomi emas, balki uning mohiyati tashkilotning moliyaviy holati to’g’risidagi hisobotida uning tasniflanishini ta’kidlaydi. Mohiyat odatda yuridik maqomga mutanosibdir, ammo har doim ham emas. Ba’zi moliyaviy instrumentlar kapitalning yuridik maqomini oladi, ammo ular mohiyatan majburiyatlardir va boshqalari esa ulushli instrumentlar bilan bog’liq jihatlarni hamda moliyaviy majburiyatlar bilan bog’liq jihatlarni qamrab olishi mumkin. Masalan: (a) qat’iy belgilangan yoki aniqlanadigan kelgusi sanada qat’iy belgilangan yoki aniqlanadigan summasida emitent tomonidan majburiy so’ndirishni ta’minlaydigan, yoki egasiga emitentdan ma’lum sanada yoki undan keyin qat’iy belgilangan yoki aniqlanadigan summasida instrumentni so’ndirish bo’yicha talab etish huquqini beradigan, imtiyozli aktsiyalar moliyaviy majburiyat hisoblanadi. (b) Egasi uchun moliyaviy instrumentni emitentga pul mablag’i yoki boshqa moliyaviy aktiv evaziga qaytarish huquqini beradigan moliyaviy instrument (qayta sotiladigan instrument) moliyaviy majburiyatdir. Pul mablag’i yoki boshqa moliyaviy aktivlar summasi indeks yoki boshqa ko’tarilishi yoki pasayishi mumkin bo’lgan modda asosida aniqlanganda ham, moliyaviy instrument moliyaviy majburiyat bo’ladi. Egasida instrumentni pul mablag’i yoki boshqa moliyaviy aktiv evaziga qaytarish ixtiyori mavjudligi shuni anglatadiki, qayta sotiladigan instrument moliyaviy majburiyat ta’rifini qanoatlantiradi. Masalan, ochiq o’zaro fondlari, birlik trastlari, shirkatlar hamda ba’zi kooperativ

xo’jalik sub’ektlari o’zlarining birlik egalarini yoki a’zolarini har qanday vaqtda emitentdagi o’z ulushlarini pul mablag’iga so’ndirish huquqlari bilan ta’minlashlari mumkin, qaysiki birlik egalari yoki a’zolar ulushlarini moliyaviy majburiyat sifatida tasniflashga olib keladi. Biroq, moliyaviy majburiyat sifatida tasniflash qo’yilgan kapitalga ega bo’lmagan tashkilot moliyaviy hisobotlarida “birlik egalariga tegishli sof aktiv qiymati” va “birlik egalariga tegishli sof aktiv qiymatidagi o’zgarish” ga o’xshash izohlardan foydalanishni yoki jami a’zolar ulushlari kapital ta’rifini qanoatlantiradigan rezervlar va qanoatlantirmaydigan qayta sotiladigan instrumentlariga o’xshash moddalarni qamrab olishini ko’rsatish bo’yicha qo’shimcha ma’lumotlar ochib berilishini taqiqlamaydi. Agar tashkilot shartnomaviy majburiyatni hisob-kitob qilishda pul mablag’i yoki boshqa moliyaviy aktivni yetkazib berishdan qochish bo’yicha shartsiz huquqga ega bo’lmasa, majburiyat moliyaviy majburiyat ta’rifini qanoatlantiradi. Masalan: (a) Tashkilotning shartnomaviy majburiyatni bajarish qobiliyatiga cheklov, masalan, xorijiy valyutaga ega bo’lish huquqining mavjud emasligi yoki nazorat organlaridan to’lov uchun ruxsat olish zarurligi, tashkilotning shartnomaviy majburiyatlarini yoki ushbu instrument bo’yicha egasining shartnomaviy huquqlarini inkor etmaydi. (b) Kontragent so’ndirish bo’yicha o’z huquqini amalga oshirishi sharti asosida bo’lgan shartnomaviy majburiyat moliyaviy majburiyat hisoblanadi, chunki tashkilot pul mablag’i yoki boshqa moliyaviy aktivni yetkazib berishdan qochish bo’yicha shartsiz huquqga ega emas. Pul mablag’i yoki boshqa moliyaviy aktivni yetkazib berish bo’yicha shartnomaviy majburiyatni aniq belgilamaydigan moliyaviy instrument o’zining shartlari va sharoitlari orqali majburiyatni bilvosita belgilashi mumkin. Masalan: (a) moliyaviy instrument faqatgina tashkilot taqsimotlarni amalga oshira olmaganda yoki instrumentni so’ndira olmaganda hisob-kitob qilinadigan nomoliyaviy majburiyatni o’z ichiga olishi mumkin. Agar tashkilot faqatgina nomoliyaviy majburiyatni hisob-kitob qilish orqali pul mablag’i yoki boshqa

moliyaviy aktivning o’tkazilishiga yo’l qo’ymaslik imkoniyati bo’lsa, moliyaviy instrument moliyaviy majburiyat hisoblanadi. (b) moliyaviy instrument moliyaviy majburiyat hisoblanadi, agarda u hisobkitobda tashkilot tomonidan quyidagilardan birining yetkazib berilishini ta’minlasa: - yoki pul mablag’i yoki boshqa moliyaviy aktiv; yoki - qiymati sezilarli tarzda pul mablag’i yoki boshqa moliyaviy aktiv qiymatidan oshishi aniq bo’lgan o’z aktsiyalari. Tashkilot pul mablag’i yoki boshqa moliyaviy aktivni yetkazib berish bo’yicha aniq shartnomaviy majburiyatga ega emasligiga qaramasdan, aktsiya bilan hisob-kitob qilish muqobilining qiymati tashkilot pul mablag’ida hisob-kitob qilganidek bo’ladi. Har qanday holatda, instrument egasi mohiyatan kamida pul mablag’ida hisob-kitob qilish imkoniga teng summani olishi kafolatlangan. Shartnoma faqat tashkilotning o’z ulushli instrumentlarini olish yoki yetkazib berish natijasiga olib kelishi bilan ulushli instrument bo’lib qolmaydi. Tashkilot o’z aktsiyalarining yoki boshqa ulushli instrumentlarning o’zgaruvchan miqdorini olish yoki yetkazib berish bo’yicha shartnomaviy huquq yoki majburiyatga ega bo’lishi mumkin, bunda olinishi yoki yetkazib berilishi kerak bo’lgan tashkilotning o’z ulushli instrumentlarining haqqoniy qiymati shartnomaviy huquq yoki majburiyatning qiymatiga teng bo’ladi. Bunday shartnomaviy huquq yoki majburiyat qat’iy belgilangan qiymatda yoki tashkilotning o’z ulushli instrumentlarining bozor narxidan tashqari o’zgaruvchining o’zgarishlariga bog’liq tarzda qisman yoki to’liq tebranadidan qiymatda bo’lish mumkin (masalan, foiz stavkasi, tovar narxi yoki moliyaviy instrument narxi). Ikkita misol: (a) 100VB qiymatiga teng miqdorda tashkilotning o’z ulushli instrumentlarini yetkazib berish bo’yicha shartnoma; va (b) 100 untsiya oltin qiymatiga teng miqdorda tashkilotning o’z ulushli instrumentlarini yetkazib berish bo’yicha shartnoma. Tashkilot bundan shartnomani o’zining ulushli instrumentlarini yetkazib berish orqali bajarishi shartligiga yoki bajara olishiga qaramasdan, bunday shartnoma tashkilotning moliyaviy majburiyati hisoblanadi. U

ulushli instrument emas, chunki tashkilot shartnomani bajarishda o’z ulushli instrumentlarining o’zgaruvchan miqdoridan shartnomani hisob-kitob qilish vositalari sifatida foydalanadi. Shu tufayli, shartnoma tashkilotning barcha majburiyatlari chegirilgandan so’ng uning aktividagi qoldiq ulushni tasdiqlamaydi. Tashkilot tomonidan o’z ulushli instrumentlarining qat’iy belgilangan miqdorini pul mablag’i yoki boshqa moliyaviy aktivning qat’iy belgilangan qiymati evaziga (olish yoki) yetkazib berish orqali bajariladigan shartnoma ulushli instrument hisoblanadi. Masalan, kontragentga o’rnatilgan narxda yoki obligatsiyaning o’rnatilgan asosiy summasida tashkilot aktsiyalarining qat’iy belgilangan miqdorini sotib olish huquqini beradigan chiqarilgan aktsiya optsioni ulushli instrument hisoblanadi. Shartnomani bajarishda to’lanadigan yoki olinadigan pul mablag’i yoki boshqa moliyaviy aktivning qiymatiga yoki olinadigan yoki yetkazib beriladigan ulushli instrumentlarning miqdoriga ta’sir qilmagan holda, bozor foiz stavkasining tebranishlari natijasida yuzaga keladigan shartnomaning haqqoniy qiymatidagi o’zgarishlar shartnomaning ulushli instrument bo’lishidan to’smaydi. Har qanday olingan badal (masalan, chiqarilgan optsion uchun olingan mukofot yoki tashkilotning o’z aktsiyalariga varrant) bevosita kapitalga qo’shiladi. Har qanday to’langan badal (masalan, sotib olingan optsion uchun to’langan mukofot) bevosita kapitaldan chegiriladi. Ulushli instrumentning haqqoniy qiymatidagi o’zgarishlar moliyaviy hisobotlarda tan olinmaydi. Tashkilot uchun o’z ulushli instrumentlarini pul mablag’i yoki boshqa moliyaviy aktivga sotib olish majburiyatini qamrab oladigan shartnoma so’ndirish summasining keltirilgan qiymatiga teng bo’lgan (masalan, forvardni qayta sotib olish qiymatining, optsionni bajarish qiymatining yoki boshqa so’ndirish summasining keltirilgan qiymatiga teng) moliyaviy majburiyat yuzaga kelishiga sabab bo’ladi. Hattoki shartnomaning o’zi ulushli instrument bo’lsa ham bu holat sodir bo’ladi. Bunga misol sifatida, forvard shartnomasi bo’yicha tashkilotning o’z ulushli instrumentlarini pul mablag’iga sotib olish majburiyatni keltirishi mumkin. Moliyaviy majburiyat dastlab so’ndirish summasining keltirilgan qiymatida tan

olinadi va u kapital tarkibidan majburiyatlarga o’tkaziladi (qayta tasniflanadi). So’ngra, moliyaviy majburiyat MHXS 9 ga muvofiq baholanadi. Agar shartnomaning muddati ushbu majburiyat bajarilmasdan tugasa, moliyaviy majburiyatning balans qiymati kapital tarkibiga qayta tasniflanadi. Tashkilotning o’z ulushli instrumentlarini sotib olish bo’yicha shartnomaviy majburiyati so’ndirish summasining keltirilgan qiymatiga teng moliyaviy majburiyat yuzaga kelishiga sabab bo’ladi, agarda sotib olish bo’yicha majburiyat kontragent tomonidan so’ndirish huquqi amalga oshirilishiga shartli ravishda bog’liq bo’lsa ham (masalan, kontragentga tashkilotning o’z ulushli instrumentlarini belgilangan narxda tashkilotga sotish huquqini beradigan chiqarilgan “put” optsioni). Tashkilot tomonidan pul mablag’i yoki boshqa moliyaviy aktivning o’zgaruvchan qiymati evaziga o’z ulushli instrumentlarining qat’iy belgilangan miqdorini yetkazib berish yoki olish orqali bajariladigan shartnoma moliyaviy aktiv yoki moliyaviy majburiyat bo’lib hisoblanadi. Misol tariqasida, tashkilot uchun 100 ta o’z ulushli instrumentlarini 100 untsiya oltin qiymatiga teng qiymatdagi pul mablag’i evaziga yetkazib berish shartnomasini keltirish mumkin. Moliyaviy instrument tashkilotdan emitent bilan instrument egasining nazoratidan tashqarida bo’lgan noaniq kelgusi hodisalarning, masalan fond birjasi indeksi, iste’mol narx indeksi, foiz stavkasi yoki soliq talablari yoki emitentning kelgusi daromadlari, sof foyda yoki qarzni-kapitalga koeffitsientidagi o’zgarish, sodir bo’lishi yoki sodir bo’lmasligi paytida (yoki noaniq holatlar oqibatida) pul mablag’lari yoki boshqa moliyaviy aktivni yetkazib berish bilan hisoblashish yoki ushbu moliyaviy instrument moliyaviy majburiyat sifatida tan olinishiga olib keladigan boshqa yo’l bilan hisoblashishni talab etishi mumkin. Bunday instrumentning emitenti pul mablag’i yoki boshqa moliyaviy aktivni yetkazib berishdan (yoki moliyaviy instrumentni moliyaviy majburiyat sifatida tan olinishiga olib keladigan boshqa yo’l bilan hisoblashishdan ) qochish bo’yicha shartsiz huquqqa ega emas. Shuning uchun u moliyaviy majburiyat bo’lib hisoblanadi, bundan quyidagi holatlar istisno:

(a) pul mablag’lari yoki boshqa moliyaviy aktiv bilan hisoblashish (yoki moliyaviy majburiyatga olib keladigan boshqa yo’l bilan hisoblashish)ni talab qilishi mumkin bo’lgan shartli hisoblashish sharti sharnomaning yagona qismi emas; (b) faqat emitentning likvidatsiya holatida emitentdan majburiyatni pul mablag’lari to’lanishi yoki boshqa moliyaviy aktiv berililishi (yoki moliyaviy instrumentni moliyaviy majburiyat sifatida tan olinishiga olib keladigan boshqa yo’l bilan hisoblashish) orqali bajarish talab qilinishi mumkin. Qachonki derivativ tusidagi moliyaviy instrument shartnomaning bir tomoniga u bo’yicha hisob-kitoblar qanday tarzda amalga oshirilishi yuzasidan tanlash imkonini bersa (masalan, emitent yoki instrument egasi hisob-kitobdagi farqni sof asosda pul mablag’lari bilan to’lashni yoki aktsiyalarni pul mablag’lariga ayirboshlash orqali hisob-kitob qilishni tanlashi mumkin), barcha hisob-kitob muqobillari ushbu instrumentni ulushli instrument bo’lishiga olib kelmaguncha, u moliyaviy aktiv yoki moliyaviy majburiyat bo’lib hisoblanadi. Moliyaviy majburiyat bo’lgan hisob-kitob imkoniga ega derivativ moliyaviy instrumentga misol sifatida, emitent hisob-kitobdagi farqni sof asosda pul mablag’lari bilan to’lashni yoki o’zining aktsiyalarini pul mablag’iga ayirboshlash orqali hisobkitob qilishni tanlay oladigan aktsiya optsionini keltirish mumkin. Xuddi shuningdek, nomoliyaviy moddani tashkilotning ulushli instrumentlari evaziga sotib olish yoki sotish bo’yicha ba’zi shartnomalar mazkur Standartning qo’llash doirasidadir, chunki ular nomoliyaviy moddani yetkazib berish orqali yoki pul mablag’larida sof asosda hisoblashish yoki boshqa moliyaviy instrumentni berish orqali hisob-kitob qilinishi mumkin. Bunday shartnomalar moliyaviy aktivlar yoki moliyaviy majburiyatlar hisoblanadi va ulushli instrument hisoblanmaydi. Noderivativ moliyaviy instrument emitenti moliyaviy instrument ham majburiyat ham kapital tarkibiy qismini qamrab olishini aniqlash uchun uning shartlarini baholashi lozim. Bunday tarkibiy qismlar alohida moliyaviy

majburiyatlar, moliyaviy aktivlar yoki ulushli instrumentlar sifatida tasniflanish lozim. Tashkilot moliyaviy instrumentning shunday tarkibiy qismlarini alohida tan oladiki, qaysiki (a) tashkilotning moliyaviy majburiyatini vujudga keltiradi va (b) instrument egasiga uni tashkilotning ulushli instrumentiga aylantirish imkonini beradi. Maasalan, egasi tomonidan tashkilotning oddiy aktsiyalarining qat’iy belgilangan miqdoriga aylantiriladigan obligatsiya yoki shunga o’xshash instrument murakkab moliyaviy instrument hisoblanadi. Tashkilot nuqtai nazaridan, bunday instrument ikkita tarkibiy qismni qamrab oladi: moliyaviy majburiyat (pul mablag’i yoki boshqa moliyaviy instrumentni yetkazib berish bo’yicha shartnomaviy kelishuv) va ulushli instrument (egasiga uni, belgilangan davr mobaynida, tashkilotning oddiy aktsiyalarining qat’iy belgilangan miqdoriga aylantirish huquqini beradigan “koll” optsioni). Bunday instrument chiqarishning iqtisodiy natijasi muddatidan oldin hisobkitob qilinish mumkin bo’lgan qarz instrumenti hamda oddiy aktsiyalarni sotib olish varrantlarini bir vaqtni o’zida chiqarish, yoki ajraladigan aktsiya sotib olish varrantlariga ega qarz instrumentini chiqarish bilan sezilarli tarzda bir xildir. Demak, barcha holatlarda, tashkilot o’zining moliyaviy holat to’g’risidagi hisobotida majburiyat va kapital tarkibiy qismlarini alohida taqdim etadi. Konvertatsiya qilinadigan instrumentning majburiyat va kapital tarkibiy qismlarining tasniflanishi konvertatsiya optsioni amalga oshirilishining ehtimolidagi o’zgarish natijasida qayta ko’rib chiqilmaydi, bunda hattoki optsionni amalga oshirish ba’zi instrument egalariga iqtisodiy jihatdan afzalroq bo’lib ko’rinishi mumkin bo’lganda ham. Instrument egalari doimo kutilishi mumkin bo’lgan yo’nalishda harakat qilmasliklari mumkin, chunki, masalan, konvertatsiyadan yuzaga keladigan soliq oqibatlari instrument egalari orasida turlicha bo’lishi mumkin. Bundan tashqari, konvertatsiya ehtimoli vaqtdan vaqtga o’zgarib turadi. Tashkilotning kelgusi to’lovlarni amalga oshirish bo’yicha shartnomaviy majburiyati, u konvertatsiya orqali so’ndirilmaguncha,

instrumentning muddati kelmaguncha, yoki ayrim boshqa operatsiya amalga oshirilmaguncha, amalda qolaveradi. MHXS 9 da moliyaviy aktivlar va moliyaviy majburiyatlarning baholanishi ko’rib chiqiladi. Ulushli instrumentlar tashkilotning barcha majburiyatlari chegirilgandan so’ng uning aktividagi qoldiq ulushni tasdiqlovchi instrumentlardir. Shu tufayli, qachon murakkab moliyaviy instrumentning dastlabki balans qiymati uning kapital bilan majburiyat tarkibiy qismlarga taqsimlanayotganda, kapital tarkibiy qism butun instrumentning haqqoniy qiymatidan majburiyat tarkibiy qism uchun alohida aniqlangan qiymatni chegirilgandan so’nggi qoldiq qiymatga teng bo’ladi. Kapital tarkibiy qismdan (masalan, kapital konvertatsiyasi optsioni) tashqari murakkab moliyaviy instrumentga singdirilgan har qanday derivativ jihatlarning (masalan, “koll” optsioni) qiymati majburiyat tarkibiy qismga kiritiladi. Majburiyat va kapital tarkibiy qismlarga tegishli dastlabki tan olishdagi balans qiymatlarining yig’indisi doimo instrument butun bir instrument bo’lgandagi haqqoniy qiymatga teng bo’ladi. Instrumentning tarkibiy qismlarini alohida dastlabki tan olishda hech qanday foyda yoki zarar vujudga kelmaydi. Oddiy aktsiyalarga konvertatsiya bo’ladigan obligatsiya emitenti avval majburiyat tarkibiy qismning balans qiymatini birlashgan kapital tarkibiy qismga ega bo’lmagan o’xshash majburiyatning (jumladan har qanday singdirilgan no- kapital derivativ jihattlar) haqqoniy qiymatini baholash orqali aniqlaydi. So’ngra, instrumentni oddiy aktsiyalarga konvertatsiya qilish optsioni ko’rinishidagi ulushli instrumentning balans qiymati butun bir murakkab moliyaviy instrumentning haqqoniy qiymatidan moliyaviy majburiyatning haqqoniy qiymatini chegirgan holda aniqlanadi. Agar tashkilot o’z ulushli instrumentlarini qayta sotib olsa, ushbu instrumentlar (“qayta sotib olingan o’z aktsiyalari”) kapitaldan chegirilishi lozim. Tashkilotning o’z ulushli instrumentlarini sotib olishda, sotishda, chiqarishda yoki bekor qilishda foyda yoki zarar tarkibida hech qanday foyda yoki zarar tan olinmasligi lozim. Bunday qayta sotib olingan o’z aktsiyalari tashkilot yoki jamlangan guruhning boshqa a’zolari tomonidan sotib olinishi va egalik qilinishi

mumkin. To’langan yoki olingan tovon (qoplash qiymati) bevosita kapitalda tan olinishi lozim. Saqlanayotgan qayta sotib olingan o’z aktsiyalari miqdori BHXS 1 “Moliyaviy hisobotlarni taqdim etish” ga muvofiq alohida moliyaviy holat to’g’risidagi hisobotda yoki izohlarda ochib beriladi. Agar tashkilot o’z ulushli instrumentlarini o’zaro bog’liq shaxslardan qayta sotib olsa, u BHXS 24 “O’zaro bog’liq shaxslarga tegishli ma’lumotlarni ochib berish”ga muvofiq ma’lumotlar ochib berilishini ta’minlaydi. Moliyaviy instrumentga yoki moliyaviy majburiyat bo’lgan tarkibiy qismga tegishli foiz, dividendlar, foyda va zararlar daromad yoki xarajat sifatida foyda yoki zarar tarkibida tan olinishi lozim. Ulushli instrument egalariga taqsimlanadigan summalar tashkilot tomonidan bevosita kapitalda tan olinishi lozim. Kapitalga tegishli operatsiya bo’yicha bitimga oid xarajatlar kapitaldan kamayish sifatida hisobga olinishi lozim. Ulushli instrument egalariga taqsimlanadigan summalarga va kapital operatsiya bo’yicha bitimga oid xarajatlariga tegishli foyda solig’i BHXS 12 “Foyda soliqlari” ga muvofiq hisobga olinishi lozim. Moliyaviy instrumentning moliyaviy majburiyat yoki ulushli instrument sifatida tasniflanishi ushbu instrumentga tegishli foiz, dividendlar, foyda va zararlar daromad yoki xarajat sifatida foyda yoki zarar tarkibida tan olinishini belgilaydi. Shunday ekan, butunligicha majburiyat sifatida tan olingan aktsiyalar bo’yicha dividend to’lovlari obligatsiya bo’yicha foiz to’lovlaridek xarajat sifatida tan olinadi. Shuningdek, ulushli instrumentlarning so’ndirilishlari yoki qayta moliyalashtirilishlari kapitaldagi o’zgarishlar sifatida tan olinsa, moliyaviy majburiyatlarning so’ndirilishlari yoki qayta moliyalashtirilishlari bilan bog’liq foyda yoki zararlar foyda yoki zarar tarkibida tan olinadi. Ulushli instrumentning haqqoniy qiymatidagi o’zgarishlar moliyaviy hisobotlarda tan olinmaydi. Tashkilot odatda o’z ulushli instrumentlarini chiqarishda yoki sotib olishda turli xil xarajatlarni amalga oshiradi. Ushbu xarajatlar ro’yxatga olish va boshqa majburiy yig’imlari, yuridik, buxgalteriya va boshqa professional maslahatchilarga

to’langan to’lovlar, chop etish xarajatlari va muhr yig’imlarini qamrab olishi mumkin. Kapitalga tegishli operatsiya bo’yicha bitimga oid xarajatlar kapitaldan kamayish sifatida shunday darajada hisobga olinadiki, bunda ular kapital operatsiyaga bevosita tegishli qo’shimcha xarajatlar bo’lib, agarda bunday operatsiya bo’lmaganda vujudga kelmaydigan xarajatlar hisoblanadi. Natijasiz tugatilgan kapitalga tegishli operatsiya bo’yicha xarajatlar xarajat sifatida tan olinadi. Murakkab moliyaviy instrumentni chiqarish bilan bog’liq bitimga oid xarajatlar tushumlarning taqsimlanishiga proportsional ravishda instrumentning majburiyat va kapital tarkibiy qismlariga taqsimlanadi. Bittadan ortiq bo’lgan operatsiyalarga (masalan, bir vaqtni o’zida ayrim aktsiyalarni chiqarish xarajatlari va boshqa aktsiyalarning birja listingi xarajatlari) tegishli birlashgan bitimga oid xarajatlar ushbu operatsiyalarga oqilona va ularga o’xshash operatsiyalarga mutanosib tarzda bo’lgan taqsimot asosida taqsimlanadi. Davr mobaynida kapitaldan kamayish sifatida hisobga olingan bitimga oid xarajatlarining qiymati BHXS 1 ga muvofiq alohida ochib beriladi. Xarajatlar sifatida tasniflangan dividendlar foyda yoki zarar va boshqa umumlashgan daromad to’g’risidagi hisobot(lar)ida boshqa majburiyatlar bo’yicha foizli xarajatlar bilan birga yoki alohida modda sifatida aks ettirilishi mumkin. Mazkur Standartning talablariga qo’shimcha tarzda, foizli xarajatlar va dividendlarning ochib berilishiga nisbatan BHXS 1 va MHXS 7 ning talablari qo’llaniladi. Ba’zi holatlarda, soliq chegirmalari kabi masalalarga nisbatan foizli xarajatlar bilan dividendlar o’rtasidagi farq tufayli, ularni foyda yoki zarar va boshqa umumlashgan daromad to’g’risidagi hisobot(lar)ida alohida ochib berish ma’quldir. Soliq oqibatlarini ochib berish BHXS 12 ga muvofiq amalga oshiriladi. Moliyaviy majburiyatning balans qiymatidagi o’zgarishlarga tegishli foyda va zararlar foyda yoki zarar tarkibida daromad yoki xarajat sifatida tan olinadi, bunda hattoki ular pul mablag’i yoki boshqa moliyaviy aktiv evaziga tashkilotning aktivlaridagi qoldiq ulushga nisbatan huquqni o’z ichiga olgan instrumentga tegishli bo’lsa ham. BHXS 1 ga asosan tashkilot bunday instrumentni qayta

baholashdan vujudga keladigan har qanday foyda yoki zararni umumlashgan daromad to’g’risidagi hisobotda alohida taqdim etadi, qachonki u tashkilotning faoliyat natijasini tushuntirishda o’rinli bo’lsa. Moliyaviy aktiv va moliyaviy majburiyat o’zaro hisob-kitob qilinishi va buning natijasida sof farq moliyaviy holat to’g’risidagi hisobotda aks ettirilishi lozim, faqatgina qachonki tashkilot: (a) joriy paytda tan olingan qiymatlarni hisobga olish uchun yuridik biriktirgan huquqqa ega bo’lganda; va (b) yoki netto asosda hisob-kitobni amalga oshirishni yoki aktivni sotish va bir vaqtni o’zida majburiyatni hisob-kitob qilishni ko’zlaganda. Hisobdan chiqarish mezoniga to’g’ri kelmaydigan moliyaviy aktivning o’tkazilishini hisobga olishda, tashkilot o’tkazilgan aktiv va unga bog’langan majburiyatni o’zaro hisob-kitob qilmasligi lozim. Mazkur Standart moliyaviy aktivlar va moliyaviy majburiyatlarni netto (sof) asosda aks ettirishni talab etadi, qachonki ushbu hisob-kitobni amalga oshirish tashkilot tomonidan ikki yoki undan ortiq alohida moliyaviy instrumentlarni hisobkitob qilishdan kutilgan kelgusi pul oqimlarini aks ettirsa. Qachonki tashkilot yagona sof qiymatni olish yoki to’lash huquqiga ega bo’lsa va buni amalga oshirishni ko’zlasa, tashkilot mohiyatan faqat yagona moliyaviy aktivga yoki moliyaviy majburiyatga ega bo’ladi. Boshqa holatlarda, moliyaviy aktivlar va moliyaviy majburiyatlar bir biridan alohida tarzda tashkilotning resurslari yoki majburiyatlari sifatidagi ularning xususiyatlariga muvofiq taqdim etiladi. Tan olingan moliyaviy aktiv bilan tan olingan moliyaviy majburiyatni o’zaro hisob- kitob qilish va sof qiymatni aks ettirish moliyaviy aktivni yoki moliyaviy majburiyatni hisobdan chiqarishdan farq qiladi. O’zaro hisob-kitob foyda yoki zararni tan olishga olib kelmasa ham, moliyaviy instrumentning hisobdan chiqarilishi nafaqat moliyaviy holat to’g’risidagi hisobotdan oldin tan olingan moddani chiqarib tashlashga, balki foyda yoki zararni tan olinishiga ham olib kelishi mumkin.

O’zaro hisob-kitob qilish huquqi – shartnoma asosida yoki boshqa o’rnatilgan tartibda, kreditorga to’lanishi lozim bo’lgan qiymatning bir qismiga yoki barchasiga nisbatan kreditordan olinishi lozim bo’lgan qiymat orqali qoplash yoki boshqa hollarda bekor qilish bo’yicha qarzdorning yuridik huquqi hisoblanadi. Odatdan tashqari holatlarda, qarzdor kreditorga to’lanishi lozim bo’lgan qiymatga nisbatan uchinchi tomondan olinishi lozim bo’lgan qiymatdan foydalanish bo’yicha yuridik huquqqa ega bo’lishi mumkin, agarda uchchala tomon o’rtasida qarzdorning o’zaro hisob-kitob qilish huquqini belgilaydigan kelishuv mavjud bo’lsa. O’zaro hisob-kitob qilish huquqini yuridik huquq bo’lganligi tufayli, huquqni tasdiqlovchi shartlar bir yuridik yurisdiktsiyadan boshqasiga qarab o’zgarishi mumkin va tomonlar o’rtasidagi munosabatlarga nisbatan qo’llaniladigan qonunlar e’tiborga olinishi zarur. Moliyaviy aktiv bilan moliyaviy majburiyatning o’zaro hisob-kitobi bo’yicha yuridik huquqning mavjudligi moliyaviy aktiv va moliyaviy majburiyat bilan bog’liq huquqlar va majburiyatlarga ta’sir qiladi hamda tashkilotning kredit va likvidlilik riskiga duchorligiga ta’sir etishi mumkin. Biroq, huquq mavjudligining o’zi hisobga olish uchun yetarli asos emas. Huquqdan foylanish va ayni paytda hisob-kitobni amalga oshirish ko’zda tutilmasa, tashkilotning kelgusi pul oqimlarining qiymati va muddatiga ta’sir etilmagan bo’ladi. Qachonki tashkilot huquqdan foylanish va ayni paytda hisob-kitobni amalga oshirishni ko’zda tutsa, aktiv va majburiyatning netto asosda taqdim etilishi kutilgan kelgusi pul oqimlarining qiymati va muddatini hamda ushbu pul oqimlari duchor bo’lgan risklarni aniqroq aks ettiradi. Netto asosda hisobkitob qilishning yuridik huquqisiz bir yoki ikkala tomonning buni amalga oshirish hohishi o’zaro hisob-kitob qilishni tasdiqlash uchun yetarli emas, chunki alohida moliyaviy aktiv va moliyaviy majburiyat bilan bog’liq huquqlar va majburiyatlar o’zgarmasdan qoladi. Ma’lum aktivlar va majburiyatlarni hisob-kitob qilishga nisbatan tashkilotning hohishi uning odatiy biznes amaliyoti, moliyaviy bozorlar talablari hamda netto hisobkitob qilish yoki bir vaqtni o’zida hisob-kitob qilish imkoniyatini chegaralaydigan boshqa holatlar ta’siri ostida bo’lishi mumkin.

Ikkita moliyaviy instrumentlarning bir vaqtni o’zida hisob-kitob qilinishi, masalan, tartibli moliyaviy bozorda kliring markazining faoliyat ko’rsatishi orqali yoki yuzma-yuz ayirboshlash orqali sodir bo’lishi mumkin. Bunday holatlarda, pul oqimlari natijada yagona sof qiymatga teng bo’ladi va bunda kredit yoki likvidlilik riskiga duchorlik mavjud bo’lmaydi. Boshqa holatlarda, aktivning to’liq qiymati uchun kredit riskiga yoki majburiyatning to’liq qiymati uchun likvidlilik riskiga duchor bo’lgan holda, tashkilot ikkita moliyaviy instrumentlarni alohida miqdorlarni olish va to’lash orqali hisob-kitob qilishi mumkin. Bunday risk duchorlari nisbatan qisqa muddatli bo’lishiga qaramasdan sezilarli bo’lishi mumkin. Demak, faqatgina qachon operatsiyalar bir paytda sodir bo’lganda, moliyaviy aktivning sotilishi va moliyaviy majburiyatning hisob-kitob qilinishi bir vaqtda amalga oshirilgan deb hisoblanadi. Bir qancha moliyaviy instrumentlarni bitta kontragent bilan amalga oshiradigan tashkilot ushbu kontragent bilan “bosh hisob-kitob kelishuvi” ni tuzishi mumkin. Bunday kelishuv, har qanday bir shartnomaning defolt holatida yoki to’xtatilganida, kelishuvda qamrab olingan barcha moliyaviy instrumentlarning yagona netto hisobkitobini ta’minlaydi. Ushbu kelishuvlar odatda moliyaviy institutlar tomonidan kasod holatidagi zararga qarshi yoki kontragentning o’z majburiyatlarini bajara olmaslikka olib keladigan boshqa holatlardan himoyani ta’minlash uchun foydalaniladi. Bosh hisob-kitob kelishuvi odatda hisobga olish huquqini yuzaga keltiradi, qaysiki yuridik kuchga ega bo’ladi hamda faqat defoltning belgilangan holati yoki oddiy biznes faoliyatida sodir bo’lishi kutilmagan boshqa holatlar sodir bo’lgandan so’ng alohida moliyaviy aktivlar va moliyaviy majburiyatlarning sotilishiga yoki hisob-kitob qilinishiga ta’sir ko’rsatadi. Valyuta (pul mablag’i) moliyaviy aktivdir, chunki u o’zida ayirboshlash vositasini aks ettiradi va shu tufayli moliyaviy hisobotlarda barcha operatsiyalar baholanishi va tan olinishi uchun asos hisoblanadi. Bankdagi yoki shunga o’xshash moliyaviy tashkilotdagi pul mablag’i depoziti moliyaviy aktiv hisoblanadi, chunki

u depozitorning tashkilotdan pul mablag’i olishi yoki chek yozib berishi bo’yicha shartnomaviy huquqini yoki shunga o’xshash moliyaviy instrumentni, ya’ni moliyaviy majburiyatni to’lashda kreditor manfaati uchun hisobdagi mablag’ga nisbatan moliyaviy instrumentni, aks ettiradi. Kelgusida pul mablag’i olish bo’yicha shartnomaviy huquqni aks ettiradigan moliyaviy aktivlarga va mos ravishda kelgusida pul mablag’i yetkazib berish bo’yicha shartnomaviy majburiyatni aks ettiradigan moliyaviy majburiyatlarga quyidagilar oddiy misol bo’ladi: (a) savdo bo’yicha debitorlik va kreditorlik qarzlari; (b) olinishi yoki to’lanishi lozim bo’lgan veksellar; (v) olinishi yoki to’lanishi lozim bo’lgan kreditlar; va (g) olinishi yoki to’lanishi lozim bo’lgan obligatsilar. Har bir holatda, bir tomonning pul mablag’ini olish bo’yicha shartnomaviy huquqi (yoki to’lash bo’yicha majburiyati) boshqa tomonning pul mablag’ini to’lash bo’yicha mos shartnomaviy majburiyatiga (yoki olish bo’yicha huquqiga) to’g’ri keladi. Moliyaviy instrumentning boshqa turi shundayki, u uchun olinadigan yoki taqdim etiladigan iqtisodiy manfaat puldan tashqari moliyaviy aktiv hisoblanadi. Masalan, davlat obligatsiyalarida to’lanadigan veksel o’z egasiga pul mablag’ini emas, balki davlat obligatsiyalarini olish bo’yicha shartnomaviy huquqni, emitentga esa ularni yetkazib berish bo’yicha shartnomaviy majburiyatni taqdim etadi. Obligatsiyalar moliyaviy aktivlar hisoblanadi, chunki ular emitent hukumatning pul mablag’ini to’lash majburiyatlarini aks ettiradi. Shu tufayli, veksel egalik qiluvchi tashkilot uchun moliyaviy aktiv va veksel emitenti uchun moliyaviy majburiyat hisoblanadi. “Muddatsiz” qarz instrumentlari (masalan, muddatsiz obligatsiyalar, ta’minlanmagan qarz majburiyatlari va kapital veksellari) odatda noaniq kelajakka cho’zilgan holda belgilangan sanalarda foiz hisobida to’lovlarni olish bo’yicha shartnomaviy huquqni beradi, bunda u asosiy (nominal) qarzni qaytarib olish huquqisiz yoki kelajakda asosiy (nominal) qarzni qaytarib olish ehtimoli juda kam

yoki uzoq kelajakka cho’ziladigan shartlar asosidagi huquq bilan birga bo’lishi mumkin. Masalan, tashkilot muddatsiz davrda 1000VB nominal qiymatidagi asosiy qarzga nisbatan oldindan belgilangan 8 foizlik yillik to’lovni ta’minlaydigan moliyaviy instrument chiqarishi mumkin. Instrument chiqarilgan paytda bozor foiz stavkasi 8 foiz deb faraz qilib, emitent dastlabki tan olishda haqqoniy qiymati (keltirilgan qiymati) 1000VB ga teng bo’lgan bir qator kelgusi foiz to’lovlarini amalga oshirish bo’yicha shartnomaviy majburiyatni qabul qiladi. Instrument egasi va emitenti muvofiq tarzda moliyaviy aktivga va moliyaviy majburiyatga ega bo’ladi. Moliyaviy instrumentlarni olish, yetkazib berish yoki ayirboshlash bo’yicha shartnomaviy huquq yoki shartnomaviy majburiyatning o’zi moliyaviy instrumentdir. Shartnomaviy huquqlar yoki shartnomaviy majburiyatlar zanjiri moliyaviy instrument ta’rifini qanoatlantiradi, agarda u oxirgi natijada pul mablag’i olish yoki to’lash yoki ulushli instrument sotib olish yoki chiqarishga olib kelsa. Shartnomaviy huquqdan foydalanish imkoniyati yoki shartnomaviy majburiyatni bajarish talabi aniq bo’lishi mumkin yoki shartli ravishda kelgusi hodisaning sodir bo’lishiga bog’liq bo’lishi mumkin. Masalan, agar qarzdor qarzni to’lay olmasa, moliyaviy kafolat kreditorning kafolatchidan pul mablag’i olish bo’yicha shartnomaviy huquqini va mos ravishda kafolatchining kreditorga to’lash bo’yicha shartnomaviy majburiyatini anglatadi. Kreditorning huquqdan foydalanish imkoniyati yoki kafolatchining o’z majburiyatini bajarishiga talab, ikkalasi ham shartli ravishda qarzdorning kelgusida qarzni to’lay olmasligiga bog’liq bo’lishiga qaramasdan, oldingi operatsiya yoki hodisa (kafolat farazida) tufayli shartnomaviy huquq va majburiyat mavjud. Moliyaviy aktivlar va moliyaviy majburiyatlar har doim ham moliyaviy hisobotlarda tan olinmasligidan qat’iy nazar, shartli huquq va majburiyat moliyaviy aktiv va moliyaviy majburiyat ta’rifini qanoatlantiradi. Ushbu shartli huquqlar va majburiyatlarning ayrimlari MHXS 4 ning qo’llash doirasidagi sug’urta shartnomalari bo’lishi mumkin. BHXS 17 “Ijara” asosidagi moliyaviy ijara, avvalo, bir qator to’lovlar bo’yicha ijaraga beruvchining olish huquqi va ijaraga oluvchining to’lash

majburiyati hisoblanadi, bunda ushbu to’lovlar kredit shartnomasidagi asosiy qarz va foizlarning birlashgan to’lovlari bilan deyarli bir xildir. Ijaraga beruvchi o’z investitsiyasini, ijaraga berilgan aktivni o’zini emas, balki ijara shartnomasi asosida olinishi lozim bo’lgan to’lovlar qiymatida hisobga oladi. Operatsion ijara esa, xizmatlarga to’lanadigan haqqa o’xshash to’lovlar evaziga ijaraga beruvchi tomonidan aktivni kelusi davrlar uchun foydalanishga topshirish majburiyatini yuklaydigan tugallanmagan shartnoma hisoblanadi. Ijaraga beruvchi o’z investitsiyasini, ijara shartnomasi asosida kelgusida olinadigan har qanday qiymatda emas, balki ijaraga berilgan aktivni hisobga oladi. Demak, moliyaviy ijara moliyaviy instrument hisoblanadi va operatsion ijara moliyaviy instrument hisoblanmaydi (joriy va kelgusida to’lanadigan alohida to’lovlardan tashqari). Moddiy aktivlar (masalan, asosiy vositalar), ijaraga berilgan aktivlar va nomoddiy aktivlar (masalan, patentlar va savdo belgilari) moliyaviy aktiv hisoblanmaydi. Bunday moddiy va nomoddiy aktivlarni nazorat qilish pul oqimini yoki boshqa moliyaviy aktivni yuzaga keltirish imkoniyatini yaratadi, ammo u pul mablag’i yoki boshqa moliyaviy aktivni olishning joriy paytdagi huquqini yuzaga keltirmaydi. Kelgusi iqtisodiy manfaati pul mablag’i yoki boshqa moliyaviy aktivni olish emas, balki tovarlar yoki xizmatlarni qabul qilish hisoblangan aktivlar (masalan, oldindan to’langan xarajatlar) moliyaviy aktivlar hisoblanmaydi. Shuningdek, muddati uzaytirilgan daromad va ko’pgina varrant majburiyatlariga o’xshash moddalar moliyaviy majburiyat hisoblanmaydi, chunki ular bilan bog’liq iqtisodiy manfaatlarning chiqimi pul mablag’i yoki boshqa moliyaviy aktivni to’lash bo’yicha shartnomaviy majburiyat emas, balki tovarlar yoki xizmatlarni yetkazib berish hisoblanadi. Shartnomaviy bo’lmagan majburiyatlar yoki aktivlar (masalan, hukumat tomonidan o’rnatiladigan qonuniy talablar natijasida yuzaga keladigan daromad soliqlari) moliyaviy majburiyatlar yoki moliyaviy aktivlar hisoblanmaydi. Daromad soliqlarini hisobga olish BHXS 12 orqali amalga oshiriladi. Shuningdek, BHXS 37 “Rezervlar, shartli majburiyatlar va shartli aktivlar” da

ta’riflanganidek, bilvosita majburiyatlar shartnomalardan kelib chiqmaydi va ular moliyaviy majburiyatlar hisoblanmaydi. Ulushli instrumentlarga misollar qayta sotilmaydigan oddiy aktsiyalarni, ba’zi qayta sotiladigan instrumentlarni, likvidatsiya jarayonida tashkilotga uning sof aktivlaridagi proportsional ulushni boshqa tomonga yetkazib berish majburiyatini yuklaydigan ba’zi instrumentlarni, imtiyozli aktsiyalarning ayrim turlarini, o’z egasiga pul mablag’i yoki boshqa moliyaviy aktivning qat’iy belgilangan qiymati evaziga emitent tashkilotning qayta sotilmaydigan aktsiyalarining qat’iy belgilangan miqdorini sotib olish yoki sotib olishga a’zo bo’lish huquqini beradigan varrantlar yoki chiqarilgan “koll” optsionlarni o’z ichiga oladi. Tashkilotning pul mablag’i yoki boshqa moliyaviy aktivning qat’iy belgilangan qiymati evaziga o’z ulushli instrumentlarining qat’iy belgilangan miqdorini chiqarish yoki sotib olish majburiyati tashkilotning ulushli instrumenti hisoblanadi. Biroq, agar bunday shartnoma tashkilotning pul mablag’i yoki boshqa moliyaviy aktivni to’lash majburiyatini qamrab olsa, u so’ndirish summasining keltirilgan qiymatiga teng majburiyatni ham yuzaga keltiradi. Qayta sotilmaydigan oddiy aktsiyalar emitenti majburiyatni hisobga oladi, qachonki u rasman taqsimotni amalga oshirayotganda va aktsiyadorlar oldida ushbu taqsimotni amalga oshirish bo’yicha yuridik jihatdan majbur bo’lganda. Bu dividend e’lon qilingandan so’ng yuzaga keladigan holat bo’lishi yoki qachon tashkilot likvidatsiya qilinganda va majburiyatlar bajarilgandan so’ng qoladigan har qanday aktivlar aktsiyadorlar o’rtasida taqsimlangandagi holat bo’lishi mumkin. Tashkilotga pul mablag’i yoki boshqa moliyaviy aktivning qat’iy belgilangan qiymatini yetkazib berish evaziga o’z ulushli instrumentlarining qat’iy belgilangan miqdorini qayta sotib olish huquqini beradigan xarid qilingan “koll” optsioni yoki u tomonidan sotib olingan boshqa shunga o’xshash shartnoma tashkilotning moliyaviy aktivi hisoblanmaydi. Aksincha, bunday shartnoma uchun to’langan har qanday to’lov kapitaldan chegiriladi. Moliyaviy instrument subordinatsiya turkumiga kirishini aniqlashda, tashkilot instrumentning likvidatsiya jarayonidagi da’vosini xuddi u instrumentni

tasniflash sanasida likvidatsiya jarayonida bo’lgandek baholaydi. Agar tegishli holatlarda o’zgarish bo’lsa, tashkilot tasniflashni qayta baholashi lozim. Masalan, tashkilot boshqa moliyaviy instrumentni chiqarsa yoki so’ndirsa, bu instrument boshqa barcha instrumentlar turkumlariga subordinatsiya bo’lgan instrumentlar turkumiga kirish yoki kirmasligiga ta’sir qilishi mumkin. Tashkilot likvidatsiyasida imtiyozli huquqqa ega bo’lgan instrument tashkilotning sof aktivlarining proportsional ulushiga huquqi mavjud instrument emas. Masalan, likvidatsiya jarayonida instrument imtiyozli huquqqa ega bo’ladi, agarda u egasiga likvidatsiya jarayonida, tashkilotning sof aktivlarining ulushiga qo’shimcha tarzda, qat’iy belgilangan dividend miqdoriga egalik qilish huquqini ta’minlasa, qachonki tashkilot sof aktivlarining proportsional ulushiga nisbatan huquqqa ega subordinatsiya turkumidagi boshqa instrumentlar likvidatsiya jarayonida aynan shu huquqqa ega bo’lmaganda. Agar tashkilot faqat bir turkumdagi moliyaviy instrumentlarga ega bo’lsa, ushbu turkum xuddiki u boshqa barcha turkumlarga subordinatsiya bo’lgandek inobatga olinishi lozim. Instrumentning muddati davomida instrumentning jami kutilgan pul oqimlari sezilarli tarzda instrument muddati davomida foyda yoki zararga, tashkilotning tan olingan sof aktivlardagi o’zgarishga yoki tan olingan va tan olinmagan sof aktivlarining haqqoniy qiymatidagi o’zgarishga asoslanishi shart. Foyda yoki zarar va tan olingan sof aktivlardagi o’zgarish tegishli MHXSlarga muvofiq baholanishi lozim. Tashkilotning mulk egasi sifatida emas, balki instrument egasi tomonidan tuzilgan bitimlar Qayta sotiladigan moliyaviy instrument yoki likvidatsiya jarayonida tashkilotga uning sof aktivlaridagi proportsional ulushni boshqa tomonga yetkazib berish majburiyatini yuklaydigan instrument egasi tashkilot bilan tashkilotning mulk egasi sifatidan tashqari boshqa rolda bitim tuzishi mumkin. Masalan, instrument egasi tashkilot xodimi bo’lishi mumkin.

Misol tariqasida, mas’uliyati cheklangan va bosh hamkorlarga ega mas’uliyati cheklangan shirkatni keltirish mumkin. Ayrim bosh hamkorlar tashkilotni kafolat bilan ta’minlashi mumkin va ushbu kafolat uchun haq olishi mumkin. Bunday holatlarda, kafolat va u bilan bog’liq pul oqimlari instrument egalariga tashkilotning mulk egasi sifatidagi roliga emas, balki ularning kafolatchi sifatidagi roliga tegishlidir. Shu tufayli, bunday kafolat va u bilan bog’liq pul oqimlari bosh hamkorlarning mas’uliyati cheklangan hamkorlarga nisbatan subordinatsiya bo’lib qolishiga olib kelmaydi hamda mas’uliyati cheklangan shirkat instrumentlari va bosh shirkat instrumentlari bir xilligini baholashda e’tiborga olinmaydi. Boshqa misol sifatida foyda yoki zararni taqsimlash kelishuvini keltirish mumkin, qaysiki joriy va oldingi yillar mobaynida ko’rsatilgan xizmatlar yoki amalga oshirilgan faoliyatlar asosida foyda yoki zararni instrument egalari o’rtasida taqsimlaydi. Bunday kelishuvlar instrument egalari bilan ular tashkilotning mulk egasi sifatida bo’lmagan operatsiyalar hisoblanadi hamda bunday kelishuvlar e’tiborga olinmasligi kerak. Biroq, turkumdagi boshqalarga nisbatan foyda yoki zararni instrument egalari o’rtasida ular instrumentlarining nominal qiymati bo’yicha taqsimlaydigan foyda yoki zararni taqsimlash kelishuvlari instrument egalari bilan ular tashkilotning mulk egasi sifatida bo’lgan operatsiyalarni aks ettiradi. Instrument egasi (tashkilotning mulk egasi sifatida bo’lmagan) bilan emitent tashkilot o’rtasidagi operatsiyaning pul oqimlari va shartnomaviy shartlari va sharoitlari instrument egasi bo’lmagan tomon va emitent tashkilot o’rtasida amalga oshirilishi mumkin bo’lgan ekvivalent operatsiyaga o’xshash bo’lishi shart. Instrument egasi uchun qoldiq daromadni sezilarli darajada qat’iy belgilaydigan yoki chegaralaydigan jami pul oqimlariga ega boshqa moliyaviy instrument yoki shartnomaning mavjud emasligi. Moliyaviy instrumentni kapital sifatida tasniflash sharti shuki, tashkilot boshqa moliyaviy instrument yoki shartnomaga ega emas, qaysiki (a) sezilarli darajada tashkilotning foyda yoki zarariga yoki tan olingan sof aktivlarining

o’zgarishiga yoki tan olingan va tan olinmagan sof aktivlarining haqqoniy qiymatidagi o’zgarishga asoslangan jami pul oqimlariga ega va (b) qoldiq daromadni sezilarli darajada chegaralash yoki qat’iy belgilash ta’siriga ega. Moliyaviy instrumentlar asosiy instrumentlarni (masalan, debitorlik qarzlari, kreditorlik qarzlari va ulushli instrumentlar) hamda derivativ moliyaviy instrumentlarni (masalan, moliyaviy optsionlar, fyucherslar va forvardlar, foiz stavkasi svoplari va valyuta svoplari) qamrab oladi. Derivativ moliyaviy instrumentlar moliyaviy instrument ta’rifini qanoatlantiradi va demak, ular mazkur Standartning qo’llash doirasidadir. Derivativ moliyaviy instrumentlar instrument tomonlari o’rtasida tayanch asosiy moliyaviy instrumentga taalluqli bir yoki bir necha moliyaviy risklarni o’tkazish ta’siriga ega huquqlar va majburiyatlarni vujudga keltiradi. Boshlang’ich bosqichda, derivativ moliyaviy instrumentlar bir tomonga qulay bo’lgan shartlarda boshqa tomon bilan moliyaviy aktivlar yoki moliyaviy majburiyatlarni ayirboshlash bo’yicha shartnomaviy huquqni, yoki qulay bo’lmagan shartlarda boshqa tomon bilan moliyaviy aktivlar yoki moliyaviy majburiyatlar ayirboshlash bo’yicha shartnomaviy majburiyatni taqdim etadi. Biroq, ular umuman olganda shartnoma asosidagi tayanch moliyaviy instrumentning o’tkazilishiiga olib kelmaydi va bunday o’tkazmaning shartnoma muddati tugashida amalga oshirilishi shart ham emas. Ba’zi instrumentlar ayirboshlashni amalga oshirish bo’yicha ham huquq ham majburiyatni qamrab olishi mumkin. Ayirboshlash shartlari derivativ instrumentning boshlanishida aniqlanishi tufayli, moliya bozorlarida narxlar o’zgarishi bilan ushbu shartlar qulay yoki noqulay bo’lishi mumkin. Moliyaviy aktivlar va moliyaviy majburiyatlarni (tashkilot o’z ulushli instrumentlaridan tashqari moliyaviy instrumentlar) ayirboshlash bo’yicha sotish “put” yoki “koll” optsion o’z egasiga shartnoma asosida bo’lgan moliyaviy instrumentning haqqoniy qiymatidagi o’zgarishlar bilan bog’liq potentsial kelgusi iqtisodiy manfaatlarga ega bo’lish huquqini beradi. Aksincha, optsion sotuvchi tayanch moliyaviy instrumentning haqqoniy qiymatidagi o’zgarishlar bilan bog’liq potentsial kelgusi iqtisodiy manfaatlardan voz kechish yoki iqtisodiy

manfaatlarning potentsial zararlarini tan olish majburiyatini oladi. Optsion egasining shartnomaviy huquqlari va sotuvchining shartnomaviy majburiyatlari mos ravishda moliyaviy aktiv va moliyaviy majburiyat ta’rifini qanoatlantiradi. Optsion shartnomasi asosidagi moliyaviy instrument har qanday moliyaviy aktiv, masalan, boshqa tashkilotlardagi ulushlar va foizli instrumentlar, bo’lishi mumkin. Optsion uning sotuvchisidan moliyaviy aktiv o’tkazmasi o’rniga qarz instrumenti chiqarishni talab etishi mumkin, ammo optsion asosidadagi instrument optsion egasi ixtiyoriga o’tishi mumkin, agarda optsion amalga oshirilsa. Optsion egasining qulay bo’lgan shartlarda moliyaviy aktivni ayirboshlash huquqi va optsion sotuvchisining qulay bo’lmagan shartlarda moliyaviy aktivni ayirboshlash majburiyati optsion amalga oshirilganda ayirboshlanadigan tayanch moliyaviy aktivdan ajralib turadi. Optsion egasi huquqining va optsion sotuvchisi majburiyatining xususiyatiga optsionning amalga oshirilish ehtimoli ta’sir etmaydi. Derivativ moliyaviy instrumentlarga yana bir misol olti oylik davrda bajariladigan forvard shartnomasi hisoblanib, bunda bir tomon (xaridor) nominal qiymati 1,000,000VB bo’lgan qat’iy belgilangan foizli davlat obligatsiyalari evaziga 1,000,000VB pul mablag’i yetkazib berishni va’da beradi va boshqa tomon (sotuvchi) 1,000,000VB pul mablag’i evaziga nominal qiymati 1,000,000VB bo’lgan qat’iy belgilangan foizli davlat obligatsiyalari yetkazib berishni va’da beradi. Olti oy mobaynida, ikkala tomon moliyaviy instrumentlarni ayirboshlash bo’yicha shartnomaviy huquq va shartnomaviy majburiyatga ega bo’ladilar. Agarda davlat obligatsiyalarining bozor narxi 1,000,000VB dan oshsa, shartlar xaridorga qulay bo’ladi va sotuvchiga noqulay bo’ladi; agar davlat obligatsiyalarining bozor narxi 1,000,000VB dan pastga tushsa, teskari holat bo’ladi. Xaridor “koll” optsiondagi huquq kabi shartnomaviy huquqqa (moliyaviy aktivga) va “put” optsiondagi majburiyat kabi shartnomaviy majburiyatga (moliyaviy majburiyatga) ega bo’ladi; sotuvchi “put” optsiondagi huquq kabi shartnomaviy huquqqa (moliyaviy aktivga) va “koll” optsiondagi majburiyat kabi shartnomaviy majburiyatga (moliyaviy majburiyatga) ega bo’ladi. Optsionlardagidek, ushbu shartnomaviy huquqlar va

majburiyatlar tayanch moliyaviy instrumentlardan alohida va farqli moliyaviy aktivlarni va moliyaviy majburiyatlarni (ayirboshlanadigan obligatsiyalar va pul mablag’larini) tashkil etadi. Forvard shartnomasida ikkala tomon belgilangan sanada uni amalga oshirish bo’yicha majburiyatga ega bo’lsa, optsion shartnomasida agar va qachonki optsion egasi uni amalga oshirishni tanlasa, optsion shartnomasining bajarilishi yuz beradi. Derivativ instrumentlarning boshqa ko’pgina turlari o’zlarida kelgusi ayirboshlashni amalga oshirish bo’yicha huquq va majburiyatni aks ettirishi mumkin, jumladan, foiz va valyuta svoplari, foizli “kep”, “kollar” va “flor” shartnomalari, qarz majburiyatlari, veksel chiqarish dasturlari va akkreditivlar. Foiz svop shartnomasi forvard shartnomasining bir turi sifatida inobatga olinishi mumkin, bunda tomonlar biri so’zib yuruvchi foiz stavkasi orqali hisoblangan boshqasi esa qat’iy belgilangan foiz stavkasi orqali hisoblangan pul mablag’i qiymatlarining bir qator kelgusi ayirboshlashlarini amalga oshirishga kelishadilar. F’yuchers shartnomalari esa forvard shartnomasining boshqa bir turi bo’lib, asosan ular standartlashganligi va savdolari birjada amalga oshirilishi bilan farqlanadilar. Nomoliyaviy moddalarni sotib olish va sotish shartnomalari moliyaviy instrument ta’rifini qanoatlantirmaydilar, chunki bir tomonning nomoliyaviy moddani yoki xizmatni qabul qilish bo’yicha shartnomaviy huquqi va boshqa bir tomonning mos ravishdagi majburiyati hech qaysi bir tomonning moliyaviy aktivni olish, yetkazib berish yoki ayirboshlash bo’yicha joriy paytdagi huquq yoki majburiyatini yuzaga keltirmaydi. Masalan, faqat nomoliyaviy moddani qabul qilish yoki yetkazib berish orqali bajariladigan shartnomalar (masalan, kumush bo’yicha optsion, fyuchers yoki forvard shartnomasi) moliyaviy instrumentlar hisoblanmaydi. Ko’pchilik mahsulot shartnomalari ushbu turga tegishlidir. Ba’zilari shakl jihatdan standartlashgan bo’ladi hamda tartibli bozorda ayrim derivativ moliyaviy instrumentlar savdosi kabi savdo qilinadi. Masalan, mahsulot fyuchers shartnomasi pulda erkin oldi-sotdi qilinishi mumkin, chunki u birjada savdo uchun listing qilingan va bir necha bor quldan qulga o’tishi mumkin. Biroq, shartnomalarni xarid qilayotgan va sotayotgan tomonlar aslida tayanch mahsulotni

savdo qiladilar. Mahsulot shartnomasining pulda oldi-sotdisi yengil bo’lib, uni pulda sotib olish yoki sotish qobiliyati va mahsulotni qabul qilish yoki yetkazib berish majburiyatini pulda hisob-kitob qilishga kelishish imkoniyati shartnomaning fundametal jihatlarini moliyaviy instrument vujudga keladigan darajada o’zgartirmaydi. Shunga qaramasdan, ba’zi nomoliyaviy moddalarni sotib olish va sotish shartnomalari, qaysiki netto yoki moliyaviy instrumentlarni ayirboshlash orqali yoki nomoliyaviy moddani pul mablag’iga erkin aylantirish orqali hisob- kitob qilinadigan shartnomalar, xuddiki ular moliyaviy instrumentlardek mazkur Standartning qo’llash doirasidadir. Moddiy aktivlarni qabul qilish yoki yetkazib berishni qamrab oladigan shartnoma, u bilan bog’liq har qanday to’lov moddiy aktivlarning o’tkazma sanasidan keyin kechiktirilmaguncha, bir tomonning moliyaviy aktivi va boshqa tomonning moliyaviy majburiyati ko’payishiga olib kelmaydi. Bu savdo kreditida tovarlarni sotib olish yoki sotish bilan bog’liq holatda bo’lishi mumkin. Ba’zi shartnomalar mahsulotga-bog’langan bo’ladi, ammo mahsulotni moddiy ko’rinishda qabul qilish yoki yetkazib berish orqali hisob-kitob qilishni qamrab olmaydi. Ular qat’iy belgilangan qiymatlar orqali to’lovni hisob-kitob qilish o’rniga, shartnomadagi formulaga asosan aniqlanadigan pul mablag’i to’lovlari orqali hisobkitob qilishni belgilaydi. Masalan, obligatsiyaning nominal qiymati uning so’ndirish sanasida mavjud bo’lgan qat’iy belgilangan miqdordagi neftning bozor narxini qo’llash orqali hisoblanishi mumkin. Nominal mahsulotning narxiga tegishli tarzda indeksatsiya qilinadi, ammo faqat pulda hisob-kitob qilinadi. Bunday shartnoma moliyaviy instrumentni tashkil etadi. Moliyaviy instrumentning ta’rifi shunday shartnomani ham qamrab oladiki, qaysiki moliyaviy aktiv yoki moliyaviy majburiyatga qo’shimcha tarzda, nomoliyaviy aktiv yoki nomoliyaviy majburiyatning ko’payishiga olib keladi. Bunday moliyaviy instrumentlar bir tomonga moliyaviy aktivni nomoliyaviy aktivga ayirboshlash imkonini beradi. Masalan, neftga-bog’langan obligatsiya o’z egasiga nominal qiymatni neftning qat’iy belgilangan miqdoriga ayirboshlash optsioni bilan birga, bir qator davriy qat’iy belgilangan foiz to’lovlarini va

so’ndirish sanasida pulda qat’iy belgilangan qiymatni olish huquqini berishi mumkin. Ushbu optsionni amalga oshirishning afzalligi vaqti vaqti bilan obligatsiyaga xos pul mablag’ini neftga ayirboshlash koeffitsientiga (ayirboshlash narxi) nisbatan neftning haqqoniy qiymatiga bog’liq holda o’zgarib turadi. Obligatsiya egasining optsionni amalga oshirish bilan bog’liq maqsadi tarkibiy qism aktivlarining mohiyatiga ta’sir etmaydi. Aktivlar va majburiyatlarning boshqa turlari vujudga kelishiga qaramasdan, obligatsiya egasining moliyaviy aktivi va emitentning moliyaviy majburiyati obligatsiyani moliyaviy instrument bo’lishini ta’minlaydi. Imtiyozli aktsiyalar turli xil huquqlar bilan chiqarilishi mumkin. Imtiyozli aktsiya moliyaviy majburiyat yoki ulushli instrument ekanligini aniqlashda, emitent imtiyozli aktsiya moliyaviy majburiyatning fundamental jihatini aks ettirishini aniqlash uchun aktsiyaga biriktirilgan ma’lum huquqlarni baholaydi. Masalan, belgilangan sanada yoki aktsiya egasining hohishiga ko’ra so’ndiriladigan imtiyozli aktsiyalar moliyaviy majburiyatni tashkil etadi, chunki emitent aktsiya egasi ixtiyoriga moliyaviy aktivlarni o’tkazish majburiyatiga ega. Shartnomaviy tarzda talab etilgan paytda emitentning imtiyozli aktsiyalarni so’ndirish majburiyatini bajarish imkonsizligi, masalan, mablag’ yetishmasligi, qonuniy cheklov yoki foyda yoki zahiraning yetarsizligi majburiyatni inkor etmaydi. Emitentning aktsiyalarni pul mablag’iga so’ndirish (optsioni) imkoni moliyaviy majburiyat ta’rifini qanoatlantirmaydi, chunki emitent aktsiyadorlar ixtiyoriga moliyaviy aktivlarni o’tkazish bo’yicha joriy paytdagi majburiyatiga ega emas. Bunday holatda, aktsiyalarni so’ndirish to’laligicha emitent ixtiyoridadir. Biroq, majburiyat vujudga keladi, qachonki emitent, odatda aktsiyalarni so’ndirish rejasi aktsiyadorlarga rasman e’lon qilingan holda, so’ndirish (optsioni) imkonidan foydalansa. Imtiyozli aktsiyalar qayta so’ndirilmaydigan bo’lganda, o’rinli tasniflash ularga biriktirilgan boshqa huquqlar orqali aniqlanadi. Tasniflash shartnomaviy kelishuvlarning mohiyatini va moliyaviy majburiyat va ulushli instrument ta’riflarini baholanishiga asoslanadi. Qachonki kumulyativ yoki nokumulyativ

imtiyozli aktsiyalar egalariga taqsimotlar emitent ixtiyorida bo’lsa, aktsiyalar ulushli instrumentlardir. Quyidagilar, masalan, imtiyozli aktsiyani ulushli instrument yoki moliyaviy majburiyat sifatida tasniflashga ta’sir etmaydi: (a) taqsimotlarni amalga oshirish tarixi; (b) kelajakda taqsimotlarni amalga oshirishni ko’zlash; (v) agar taqsimotlar amalga oshirilmasa, emitentning oddiy aktsiyalari narxiga salbiy ta’sir ehtimoli (oddiy aktsiyalar bo’yicha dividendlar to’lash cheklovlari tufayli, agarda imtiyozli aktsiyalar bo’yicha dividendlar to’lanmasa); (g) emitentning zahiralar miqdori; (d) emitent tomonidan davr uchun foyda yoki zarar kutilishlari; yoki (e) emitentning davr uchun foyda yoki zararlar miqdoriga ta’sir ko’rsatish qobiliyati va qobiliyatsizligi. Quyidagi misollar tashkilotning o’z ulushli instrumentlari bo’yicha turli xil shartnomalarni qanday tasniflashni aks ettiradi: (a) Tashkilot tomonidan hech qanday kelgusidagi qiymatni qoplashsiz, yoki o’z ulushli instrumentlarining qat’iy belgilangan miqdorini pul mablag’i yoki boshqa moliyaviy aktivning qat’iy belgilangan qiymatiga ayirboshlash orqali, o’z ulushli instrumentlarining qat’iy belgilangan miqdorini olish yoki yetkazib berish orqali hisob-kitob qilinadigan shartnoma ulushli instrument hisoblanadi. O’z navbatida, bunday shartnoma uchun olingan yoki to’langan har qanday qiymatni qoplash bevosita kapitalga qo’shiladi yoki undan chegiriladi. Misol tariqasida, chiqarilgan aktsiya optsionini keltirish mumkin, qaysiki kontragentga tashkilotning belgilangan miqdordagi aktsiyalarini belgilangan qiymatdagi pul mablag’iga sotib olish huquqini beradi. Biroq, agar shartnoma belgilangan yoki aniqlanadigan sanada yoki talab qilinganda tashkilotdan o’z aktsiyalarini pul mablag’i yoki boshqa moliyaviy aktivga sotib olishni (so’ndirishni) talab etsa, tashkilot so’ndirish summasining keltirilgan qiymati miqdorida moliyaviy majburiyatni ham tan oladi. Yana bir misol sifatida, tashkilotning forvard shartnomasiga asosan belgilangan miqdordagi o’z aktsiyalarini belgilangan qiymatdagi pul mablag’iga qayta sotib olish majburiyatini keltirish mumkin.

(b) Tashkilotning pul mablag’iga o’z aktsiyalarini sotib olish majburiyati so’ndirish summasining keltirilgan qiymatiga teng moliyaviy majburiyatni ko’payishiga olib keladi, hattoki agarda tashkilot qayta sotib olishga majbur bo’lgan aktsiyalar miqdori belgilanmagan bo’lsa ham yoki majburiyat kontragentning o’z so’ndirish huquqidan foydalanishiga shartli ravishda bog’liq bo’lsa ham . Shartli majburiyatga misol sifatida, agar kontragent optsionni amalga oshirganda, tashkilotdan o’z aktsiyalarini pul mablag’iga qayta sotib olishni talab etadigan chiqarilgan optsionni keltirish mumkin. (v) Pul mablag’i yoki boshqa moliyaviy aktiv orqali hisob-kitob qilinadigan shartnoma moliyaviy aktiv yoki moliyaviy majburiyat hisoblanadi, hattoki agarda olinadigan yoki yetkazib beriladigan pul mablag’i yoki boshqa moliyaviy aktivning qiymati tashkilot o’z aktsiyasining bozor narxidagi o’zgarishlariga asoslangan bo’lsa ham. Misol tariqasida, pul mablag’ida netto hisob-kitob qilinadigan aktsiya optsionini keltirish mumkin. (g) Qiymati qat’iy belgilangan summaga yoki tayanch o’zgaruvchining (masalan, mahsulot narxi) o’zgarishlariga asoslangan summaga teng bo’lgan holda, tashkilot o’z aktsiyalarining o’zgaruvchan miqdori bilan hisob-kitob qilinadigan shartnoma moliyaviy aktiv yoki moliyaviy majburiyat hisoblanadi. Misol tariqasida, oltin sotib olishga chiqarilgan optsionni keltirish mumkin, qaysiki amalga oshirilishida tashkilotning o’z instrumentlari bilan netto hisob-kitob qilinadi va bunda tashkilot tomonidan ushbu instrumentlar optsion shartnomasi qiymatiga teng miqdorda yetkazib beriladi. Bunday shartnoma moliyaviy aktiv yoki moliyaviy majburiyat hisoblanadi, hattoki agarda tayanch o’zgaruvchi oltin bo’lmasdan tashkilotning o’z aktsiyasi narxi bo’lsa ham. Shuningdek, tashkilot o’z aktsiyalarining qat’iy belgilangan miqdorida hisob-kitob qilinadigan, ammo ushbu aktsiyalarga biriktirilgan huquqlar shunday o’zgaradiki, natijada hisob-kitob qiymati qat’iy belgilangan qiymatga yoki tayanch o’zgaruvchining o’zgarishlariga asoslangan qiymatga teng bo’ladigan, shartnoma moliyaviy aktiv yoki moliyaviy majburiyat hisoblanadi.

Agar pul mablag’i yoki boshqa moliyaviy aktiv orqali hisob-kitob qilishni talab qilishi mumkin bo’lgan (yoki boshqa usulda instrumentni moliyaviy majburiyat bo’lishiga olib kelishi mumkin bo’lgan) shartli hisob-kitob shartining bir qismi mavhum bo’lsa, hisob-kitob qilish sharti moliyaviy instrumentning tasniflanishiga ta’sir etmaydi. Shunday ekan, faqt juda kamdan-kam, yuqori darajada g’ayrioddiy va sodir bo’lish ehtimoli judayam past holat yuz bergan paytda pulda yoki tashkilot o’z aktsiyalarining o’zgaruvchan miqdorida hisob-kitob qilishni talab etadigan shartnoma ulushli instrument hisoblanadi. Shuningdek, tashkilotning nazoratidan tashqari holatlarda tashkilot o’z aktsiyalarining qat’iy belgilangan miqdorida hisob-kitob qilish shartnomaviy tarzda taqiqlanishi mumkin, lekin ushbu holatlarning sodir bo’lish ehtimoli haqiqatdan yiroq bo’lsa, ulushli instrument siftada tasniflash o’rinlidir. BHXS 1 va BHXS 10 ga muvofiq, tashkilot jamlangan moliyaviy hisobotlarda nazorat qilinmaydigan ulushlarni – kapitaldagi va o’z bo’linmalarining daromadlaridagi boshqa tomonlarning ulushlarini – aks ettiradi. Moliyaviy instrumentni (yoki uning tarkibiy qismini) jamlangan moliyaviy hisobotlarda tasniflashda, butun bir guruhni instrument bo’yicha pul mablag’i yoki boshqa aktivni yetkazib berish yoki majburiyat tasnifiga olib keladigan tarzda hisob-kitob qilish majburiyatiga ega bo’lishini aniqlash uchun, tashkilot guruh a’zolari bilan instrument egalari o’rtasida kelishilgan barcha shartlar va sharoitlarni e’tiborga oladi. Qachonki guruhdagi sho’’ba tashkilot moliyaviy instrument chiqarsa va bosh tashkilot yoki guruhning boshqa tashkiloti bevosita instrument (masalan, kafolat) egasi bilan qo’shimcha shartlarni kelishib olsa, guruh taqsimot yoki so’ndirish bo’yicha ixtiyorga ega bo’lmasligi mumkin. Sho’’ba tashkiloti o’zining alohida moliyaviy hisobotlarida ushbu qo’shimcha shartlarni e’tiborga olmasdan instrumentni tegishli tartibda tasniflashi mumkin bo’lsa ham, jamlangan moliyaviy hisobotlarda butun bir guruh tomonidan tuzilgan shartnomalar va bitimlarni aks ettirishni ta’minlash maqsadida guruh a’zolari bilan instrument egalari o’rtasidagi boshqa kelishuvlar ta’siri inobatga olinadi. Bunday majburiyat yoki hisob-kitob qilish sharti mavjud bo’lganda, instrument (yoki uning

majburiyatga tegishli tarkibiy qismi) jamlangan moliyaviy hisobotlarda moliyaviy majburiyat sifatida tasniflanadi. 2. BHXS (IAS) 39 “Moliyaviy instrumentlar: tan olish va baholash” Mazkur Standart barcha tadbirkorlik sub’ektlari tomonidan moliyaviy instrumentlarning barcha turlariga nisbatan qo’llanilishi lozim, quyidagilar bundan mustasno: (a) BHXS 10 “Jamlangan moliyaviy hisobotlar”, BHXS 27 “Alohida moliyaviy hisobotlar” yoki BHXS 28 “Qaram tadbirkorlik sub’ektlaridagi va qo’shma korxonalardagi investitsiyalar” ga muvofiq hisobga olinadigan shu’ba tadbirkorlik sub’ektlaridagi, qaram tadbirkorlik sub’ektlaridagi va qo’shma korxonalardagi ulushlar. Biroq, tadbirkorlik sub’ektlari BHXS 27 yoki BHXS 28 ga muvofiq mazkur Standart bo’yicha hisobga olinadigan shu’ba tadbirkorlik sub’ektidagi, qaram tadbirkorlik sub’ektidagi yoki qo’shma korxonadagi ulushga nisbatan ushbu Standartni qo’llashi lozim. Tadbirkorlik sub’ektlari shu’ba tadbirkorlik sub’ektidagi, qaram tadbirkorlik sub’ektidagi yoki qo’shma korxonadagi ulush bo’yicha derivativlarga nisbatan ham ushbu Standartni qo’llashi lozim, bunda derivativlar BHXS 32 “Moliyaviy instrumentlar: taqdim etish” dagi tadbirkorlik sub’ektining ulushli instrumenti ta’rifini qanoatlantirmaguncha. (b) BHXS 17 “Ijara” qo’llaniladigan ijara kelishuvlari bo’yicha huquqlar va majburiyatlar. Biroq: - ijaraga beruvchi tomonidan tan olingan ijara bo’yicha debitorlik qarzlariga nisbatan mazkur Standartning hisobdan chiqarish va qadrsizlanishga tegishli shartlari qo’llaniladi; - ijaraga oluvchi tomonidan tan olingan moliyaviy ijara bo’yicha majburiyatlarga nisbatan mazkur Standartning hisobdan chiqarishga tegishli shartlari qo’llaniladi; va - ijaralarga singdirilgan derivativlarga nisbatan mazkur Standartning singdirilgan derivativlar shartlari qo’llaniladi.

(v) BHXS 19 “Xodimlarning daromadlari” qo’llaniladigan xodimlarga haq (va nafaqa) to’lash tizimlariga asosan xodimlar huquqlari va majburiyatlari. (g) tadbirkorlik sub’ekti tomonidan chiqarilgan moliyaviy instrumentlar, qaysiki BHXS 32 dagi ulushli instrumentning ta’rifini qanoatlantiradi. Biroq, bunday ulushli instrumentlarning egasi ushbu instrumentlarga nisbatan ushbu Standartni qo’llashi lozim, bunda ular yuqoridagi (a) da keltirilgan istisnoni qanoatlantirmaguncha. (d) huquqlar va majburiyatlar, qaysiki - MHXS 4 “Sug’urta shartnomalari” da ta’riflangan sug’urta shartnomasi asosida yuzaga keladi, bunda MHXS 9 “Moliyaviy instrumentlar” ning A-ilovasida keltirilgan moliyaviy kafolat shartnomasi ta’rifini qanoatlantiradigan sug’urta shartnomasi asosida yuzaga keladigan huquqlar va majburiyatlardan tashqari, yoki - MHXS 4 qo’llash doirasidagi shartnoma asosida yuzaga keladi, chunki u ixtiyoriy ishtirok etish imkoniyatini o’z ichiga oladi. Biroq, mazkur Standart MHXS 4 qo’llash doirasidagi shartnomaga singdirilgan derivativga nisbatan qo’llaniladi, agarda derivativning o’zi MHXS 4 qo’llash doirasida alohida shartnoma bo’lmasa. Bundan tashqari, agarda moliyaviy kafolat shartnomalarining emitenti bunday shartnomalarni sug’urta shartnomalari sifatida inobatga olganini va sug’urta shartnomalariga xos ravishda hisobga olganini oldinroq aniq tarzda tasdiqlagan bo’lsa, emitent bunday moliyaviy kafolat shartnomalariga nisbatan mazkur Standartni yoki MHXS 4 ni qo’llashni tanlashi mumkin. Emitent ushbu tanlovni shartnomaga qarab amalga oshirishi mumkin, ammo har bir shartnoma uchun tanlangan yondashuv keyinchalik o’zgartirilmaydi. (e) sotib oluvchi va sotuvchi aktsiyador o’rtasidagi sotib olinuvchini sotib olish yoki sotish bo’yicha har qanday forvard shartnomasi, qaysiki kelgusi xarid sanasida biznes birlashuviga olib keladi. Forvard shartnomasining muddati odatda talab etilgan har qanday tasdiqlashlar va operatsiyani tugatish uchun zarur bo’lgan o’rinli muddatdan oshmasligi kerak. (j) Kredit majburiyatlarning emitenti ushbu Standartning qo’llash doirasida bo’lmagan kredit majburiyatlari uchun BHXS 37 “Rezervlar, shartli majburiyatlar

va shartli aktivlar” ni qo’llashi lozim. Biroq, barcha kredit majburiyatlariga nisbatan mazkur Standartning hisobdan chiqarishga tegishli shartlari qo’llaniladi. (z) MHXS 2 “Aktsiyaga asoslangan to’lov” qo’llaniladigan aktsiyaga asoslangan to’lov operatsiyalaridagi moliyaviy instrumentlar, shartnomalar va majburiyatlar. (i) shunday majburiyatni hisob-kitob qilishni amalga oshirish uchun tadbirkorlik sub’ektidan talab etilgan sarflarni qoplash bo’yicha to’lovlarni olish huquqlariki, bunda tadbirkorlik sub’ekti ushbu majburiyatni BHXS 37 ga muvofiq rezerv sifatida tan oladi yoki ushbu majburiyat uchun oldingi davrda BHXS 37 ga muvofiq rezervni tan olgan. Quyidagi kredit majburiyatlari ushbu Standartning qo’llash doirasidadir: (a) Tadbirkorlik sub’ekti haqqoniy qiymatidagi o’zgarishlar foyda yoki zararda hisobga olinadigan moliyaviy majburiyatlar sifatida belgilaydigan kredit majburiyatlari. Kredit majburiyatlaridan yuzaga keladigan aktivlarni ularni shakllantirishdan qisqa muddatdan so’ng sotish bo’yicha oldingi amaliyotlarga ega bo’lgan tadbirkorlik sub’ekti aynan shu turkumdagi o’zining barcha kredit majburiyatlariga nisbatan ushbu Standartni qo’llashi lozim. (b) Hisoblashishdagi farqi sof asosda pul mablag’lari bilan to’lanishi yoki boshqa moliyaviy instrumentni yetkazib berish yoki emissiya qilish orqali hisob- kitob qilinishi mumkin bo’lgan kredit mujburiyatlari. Ushbu kredit mujburiyatlari derivativlardir. Kredit majburiyati kredit bo’lib-bo’lib to’langanligi tufayligina sof holda hisob-kitob qilindi deb hisoblanmaydi (masalan, qurilishni amalga oshirish davomida qismlarga bo’lib-bo’lib to’lab boriladigan qurilish ipoteka krediti). (v) Bozor foiz stavkasidan past darajada kredit ajratish bo’yicha majburiyatlari. Mazkur Standart pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali, xuddiki shartnomalar moliyaviy instrumentlar bo’lganidek, hisob-kitob qilinishi mumkin bo’lgan nomoliyaviy moddani sotib olish yoki sotish shartnomalari uchun qo’llanilishi lozim, bundan tadbirkorlik sub’ekti ko’zda tutgan xarid, sotuv yoki foydalanish

talablariga muvofiq nomoliyaviy moddani qabul qilish yoki yetkazib berish maqsadida tuzilgan va saqlanayotgan shartnomalar mustasno. Bir necha usullar mavjudki, bunda nomoliyaviy moddani sotib olish yoki sotish shartnomasi pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali, hisob-kitob qilinishi mumkin. Ular quyidagilarni o’z ichiga oladi: (a) qachonki shartnoma shartlari biror tomonga pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali, hisob-kitob qilishga imkon berganida; (b) qachonki pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali hisob-kitob qilish imkoniyati shartnoma shartlarida aniq belgilanmagan, ammo tadbirkorlik sub’ekti shunga o’xshash shartnomalarni pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali hisob-kitob qilish amaliyotiga ega bo’lganida (kontragent bilan o’zaro hisob-kitob shartnomalarini tuzish orqali yoki shartnomaning hisob-kitob qilinishidan yoki muddati tugashidan oldin shartnomani sotish orqali); (v) o’xshash shartnomalar bo’yicha, qachonki tadbirkorlik sub’ekti asosdagi aktivning yetkazib berilishini qabul qilish va yetkazib berilgandan so’ng qisqa muddat ichida narxdagi qisqa muddatli tebranishlar yoki diler marjasidan foydaga erishish maqsadida uni sotish tajribasiga ega bo’lganda; va (g) qachonki shartnoma predmeti bo’lgan nomoliyaviy modda pul mablag’iga tezda aylantirilganda. (b) yoki (v) qo’llaniladigan shartnomalar tadbirkorlik sub’ekti ko’zda tutgan xarid, sotuv yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilgan shartnomalar emas, va shu tufayli, u mazkur Standartning qo’llash doirasidadir. (a) yoki (g) bandga muvofiq pul mablag’lari yoki boshqa moliyaviy instrument bilan sof asosda, yoki moliyaviy instrumentlarni ayirboshlash orqali hisob-kitob qilish mumkin bo’lgan nomoliyaviy moddani sotib olish yoki sotish

bo’yicha chiqarilgan optsion mazkur Standartning qo’llash doirasidadir. Bunday shartnoma tadbirkorlik sub’ekti ko’zda tutgan xarid, sotuv yoki foydalanish talablariga muvofiq nomoliyaviy moddani qabul qilish yoki yetkazib berish maqsadida tuzilmaydi. MHXS 9 va BHXS 32 da ta’riflangan atamalar ushbu standartda MHXS 9da belgilangan ma’nolarda foydalaniladi: MHXS 9 va BHXS 32 quyidagi atamalarni ta’riflaydi: • hisobdan chiqarish • derivativ • ulushli instrument • haqqoniy qiymat • moliyaviy aktiv • moliyaviy kafolat shartnomasi • moliyaviy instrument • moliyaviy majburiyat va ushbu ta’riflarni qo’llash bo’yicha qo’llanmani ta’minlaydi. Ushbu standartda quyidagi belgilangan ma’nodagi atamalardan foydalaniladi: Moliyaviy aktiv yoki moliyaviy majburiyatning amortizatsiyalangan qiymati bu moliyaviy aktiv yoki moliyaviy majburiyatning dastlab tan olinganda baholangan qiymati minus asosiy qarz to’lovlari, plyus yoki minus effektiv foiz stavkasini qo’llagan holda boshlang’ich qiymat bilan so’ndirish qiymati orasidagi aniqlangan har qanday farqning yig’ilgan amortizatsiyasi hamda minus qadrsizlanish yoki umidsiz qarzlar bo’yicha har qanday kamayish summasi (bevosita yoki rezerv schyotidan foydalangan holda). Effektiv foiz usuli - bu moliyaviy aktiv yoki moliyaviy majburiyatning (yoki moliyaviy aktivlar yoki moliyaviy majburiyatlar guruhining) amortizatsiyalangan qiymatini hisoblash va foizli daromad yoki foizli xarajatni tegishli davrda taqsimlash usulidir. Effektiv foiz stavkasi - bu moliyaviy instrumentning kutilgan xizmat muddati, yoki o’rinli bo’lganda, qisqaroq muddat davomida baholangan kelgusi

pul to’lovlari yoki tushumlarini moliyaviy aktiv yoki moliyaviy majburiyatning sof balans qiymatigacha mutlaqo to’g’ri diskontlaydigan foiz stavkasidir. Effektiv foiz stavkasini hisoblashda, tadbirkorlik sub’ekti moliyaviy instrument shartnomasining barcha shartlarini (masalan, oldindan to’lov, “koll” va shunga o’xshash optsioplarni) inobatga olgan holda pul oqimlarini baholashi lozim, ammo kelgusi kreditzararlarini e’tiborga olmasligi lozim. Hisoblash shartnoma tomonlari o’rtasida to’langan yoki olingan hamda effektiv foiz stavkasining ajralmas qismi hisoblanadigan barcha haqlar va yig’imlarni (BHXS 18 “Daromad” ga qarang), bitimga doir xarajatlarni va boshqa barcha mukofotlar yoki diskontlarni qamrab oladi. Bunda shunday faraz mavjudki, pul oqimlari va o’xshash moliyaviy instrumentlar guruhining kutilgan xizmat muddati ishonchli baholanadi. Biroq, pul oqimlarini yoki moliyaviy instrumentning (moliyaviy instrumentlar guruhining) kutilgan xizmat muddatini ishonchli baholash imkoni bo’lmagan ayrim holatlarda, tadbirkorlik sub’ekti moliyaviy instrumentning (moliyaviy instrumentlar guruhining) to’liq shartnomaviy muddati davomidagi shartnomaviy pul oqimlaridan foydalanishi lozim. Bitimga oid xarajatlar - bu moliyaviy aktiv yoki moliyaviy majburiyatning xaridi, emissiyasi yoki chiqib ketishi bilan bevosita bog’liq qo’shimcha xarajatlardir. Qo’shimcha xarajat bu shunday xarajatki, qaysiki sarflanmagan bo’lar edi, agarda tadbirkorlik sub’ekti moliyaviy instrumentni sotib olmaganda, emissiya qilmaganda yoki chiqib ketishini amalga oshirmaganda edi. Qat’iy kelishuv - bu belgilangan kelgusi sana yoki sanalarda belgilangan narxda resurslarning belgilangan miqdorining almashinuvi bo’yicha majburiyat yuklaydigan kelishuvdir. Rejalashtirilgan operatsiya - bu majburiy bo’lmagan, ammo kutilgan kelgusi operatsiyadir. Xejlash instrumenti - bu belgilangan derivativ yoki (faqat xorijiy valyuta kursidagi o’zgarish riskining xedji uchun) belgilangan no-derivativ moliyaviy aktiv yoki belgilangan no-derivativ moliyaviy majburiyat bo’lib, ularning haqqoniy

qiymati va pul oqimlari belgilangan xejlangan moddaning haqqoniy qiymatidagi yoki pul oqimlaridagi o’zgarishlarni qoplashi kutiladi. Xejlangan modda - bu aktiv, majburiyat, qat’iy kelishuv, yuqori ehtimolli rejalashtirilgan operatsiya yoki xorijdagi bo’linmaga sof investitsiya bo’lib, bunda u (a) tadbirkorlik sub’ektini hakqoniy qiymatdagi yoki pul oqimlaridagi o’zgarishlar riskiga duchor etadi va (b) xejlanadigan sifatida belgilanadi. Xej samaradorligi - bu xejlangan riskga tegishli bo’lgan xejlangan moddaning haqqoniy qiymatidagi yoki pul oqimlaridagi o’zgarishlarning xejlash instrumentining haqqoniy qiymatidagi yoki pul oqimlaridagi o’zgarishlar bilan qoplanish darajasidir. Amortizatsiyalangan qiymatda baholangan moliyaviy aktivlar bo’yicha qadrsizlanish va umidsiz qarzlar. Tadbirkorlik sub’ekti har bir hisobot davri oxirida amortizatsiyalangan qiymatda baholangan moliyaviy aktivning yoki moliyaviy aktivlar guruhining qadrsizlanganligini tasdiqlovchi har qanday ob’ektiv dalil mavjud yoki mavjud emasligini baholashi lozim. Agar bunday dalil mavjud bo’lsa, tadbirkorlik sub’ekti har qanday qadrsizlanish zarari summasini aniqlash uchun qo’llashi lozim. Moliyaviy aktiv yoki moliyaviy aktivlar guruhi qadrsizlangan bo’ladi va qadrsizlanish zararlari hisobga olinadi, faqatgina agarda aktiv dastlab tan olingandan so’ng sodir bo’lgan bir yoki bir necha hodisalar (“zararli hodisa”) natijasida qadrsizlanishning ob’ektiv dalili mavjud bo’lsa va zararli hodisa (yoki hodisalar) ishonchli baholanishi mumkin bo’lgan moliyaviy aktiv yoki moliyaviy aktivlar guruhining baholangan kelgusi pul oqimlariga nisbatan ta’sirga ega bo’lsa. Qadrsizlanishga sabab bo’lgan yagona, aniq bir hodisani aniqlash imkoni bo’lmasligi mumkin. Balki bir necha hodisalarning umumlashgan ta’siri qadrsizlanishga sabab bo’lishi mumkin. Kelgusi hodisalar natijasida kutilayotgan zararlar, ehtimoli qanchalik bo’lishidan qat’iy nazar, tan olinmaydi. Moliyaviy aktiv yoki moliyaviy aktivlar guruhi qadrsizlanganligini bildiradigan ob’ektiv dalil

quyidagi zararli hodisalar to’g’risida aktiv egasining e’tiboridagi kuzatiladigan ma’lumotlarni o’z ichiga oladi: (a) emitent yoki kredidorning sezilarli moliyaviy qiyinchiligi; (b) shartnomaning buzilishi, masalan, asosiy qarz yoki foiz bo’yicha defolt yoki to’lash muddatining chuzilishi; (v) qarzdorning moliyaviy qiyinchiligiga bog’liq iqtisodiy yoki yuridik sabablar tufayli, kreditor tomondan qarzdorga boshqa holatlarda taqdim etilmaydigan imtiyoz taqdim etilishi; (g) qarzdorning bankrot bo’lishi yoki moliyaviy qayta tashkil etilishining ehtimoli yuzaga kelishi; (d) moliyaviy qiyinchiliklar tufayli ushbu moliyaviy aktiv bo’yicha faol bozorning yo’q bo’lishi; yoki (e) moliyaviy aktivlar guruhining baholangan kelgusi pul oqimlarida, ular dastlab tan olingandan buyon, sezilarli kamayish mavjudligini namoyon etayotgan kuzatiladigan ma’lumot, bunda kamayish guruhdagi alohida moliyaviy aktivlar orqali aniqlanmasa ham, jumladan: - guruhdagi qarzdorlarning to’lov qobiliyatida salbiy o’zgarishlar (masalan, kechiktirilgan to’lovlarning ko’paygan miqdori yoki o’zlarining kredit limitiga erishgan va oylik minimum summasini to’layotgan kredit karta qarzdorlarining ko’paygan miqdori); yoki - guruhdagi aktivlar bo’yicha defoltlar bilan bog’liq milliy yoki mahalliy iqtisodiy holatlar (masalan, qarzdorlarning geografik joyida ishsizlik darajasining o’sishi, tegishli joydagi ipotekalar uchun ko’chmas mulk narxlarida kamayish, neft qazib chiqaruvchilarga berilgan kredit aktivlar uchun neft narxlarida kamayish yoki guruhdagi qarzdorlarga ta’sir etadigan soha holatlaridagi salbiy o’zgarishlar). Tadbirkorlik sub’ektining moliyaviy instrumentlarining bundan buyon ochiq bozorda savdo qilinmasligi tufayli faol bozorning yo’q bo’lishi qadrsizlanishning dalili hisoblanmaydi. Tadbirkorlik sub’ektining kredit reytingining pasayishi, boshqa mavjud ma’lumotlar bilan ko’rilganda qadrsizlanish dalili bo’lsa ham, o’zi

alohida qadrsizlanishning dalili bo’lib hisoblanmaydi. Moliyaviy aktivning haqqoniy qiymati uning tannarxidan yoki amortizatsiyalangan qiymatidan past darajada kamayishi qadrsizlanish dalili bo’lishi shart emas (masalan, riskdan-holi foiz stavkasining ko’tarilishi natijasida qarz instrumentidagi investitsiyaning haqqoniy qiymatida kamayish). Ayrim holatlarda, moliyaviy aktiv bo’yicha qadrsizlanish zarari summasini baholashda talab etilgan kuzatiladigan ma’lumotlar cheklangan bo’lishi yoki bundan buyon joriy shart-sharoitlar uchun to’liq o’rinli bo’lmasligi mumkin. Masalan, bunday holat qarzdor moliyaviy qiyinchiliklarda bo’lganda va o’xshash qarzdorlarga tegishli kam tarixiy ma’lumotlar mavjud bo’lganda sodir bo’lishi mumkin. Bunday holatlarda, tadbirkorlik sub’ekti qadrsizlanish zarari summasini baholashda o’zining tajribasi asosida mulohaza qilib hukm chiqaradi. Xuddi shuningdek, tadbirkorlik sub’ekti joriy shart-sharoitlarni aks ettirish uchun moliyaviy aktivlar bo’yicha kuzatiladigan ma’lumotlarni to’g’rilashda o’zining tajribasi asosida mulohaza qilib hukm chiqaradi. O’rinli taxminiy baholashlardan foydalanish moliyaviy hisobotlarning asosiy qismi bo’lib, ularning ishonchliligiga putur yetkazmaydi. Agarda amortizatsiyalangan qiymatda baholangan moliyaviy aktivlar bo’yicha qadrsizlanish zarari yetkazilganligi to’g’risida ob’ektiv dalil mavjud bo’lsa, zarar summasi aktivning balans qiymati bilan moliyaviy aktivning dastlabki effektiv foiz stavkasida (ya’ni dastlab tan olishda hisoblangan effektiv foiz stavkasida) diskontlangan holda baholangan kelgusi pul oqimlarining keltirilgan qiymati o’rtasidagi farq sifatida baholanadi. Aktivning balans qiymati bevosita yoki rezerv schyotidan foydalangan holda kamaytirilishi lozim. Zarar summasi foyda yoki zararda tan olinishi lozim. Tadbirkorlik sub’ekti dastlab qadrsizlanishning ob’ektiv dalili alohida muhim bo’lgan moliyaviy aktivlar uchun alohida tarzda mavjudligini va alohida muhim bo’lmagan moliyaviy aktivlar uchun alohida yoki birlashgan tarzda mavjudligini baholaydi. Agarda tadbirkorlik sub’ekti qadrsizlanishning hech qanday ob’ektiv dalili alohida baholangan moliyaviy aktiv uchun, aktiv muhim

yoki muhim emas bo’lishidan qat’iy nazar, mavjud emasligini aniqlasa, u aktivni o’xshash kredit riskining xususiyatlariga ega moliyaviy aktivlar guruhiga kiritadi va ularning qadrsizlanishini birlashgan tarzda baholaydi. Qadrsizlanishi alohida baholangan va qadrsizlanish zarari tan olingan yoki tan olinishi davom etadigan aktivlar qadrsizlanishning birlashgan tarzda baholanishiga kiritilmaydi. Keyingi davrda, agarda qadrsizlanish zararining summasi kamaysa va kamayish qadrsizlanish tan olingandan so’ng sodir bo’ladigan hodisaga ob’ektiv tarzda tegishli bo’lishi mumkin bo’lsa (masalan, qarzdor kredit reytingida yaxshilanish), oldin tan olingan qadrsizlanish zarari bevosita yoki rezerv schyotini to’g’rilash orqali qayta tiklanishi lozim. Qayta tiklanish natijasida moliyaviy aktivning balans qiymatiagarda qadrsizlanish u qayta tiklangan sanada tan olinmaganda bo’lishi mumkin bo’lgan amortizatsiyalangan qiymatdan oshmasligi kerak. Qayta tiklash qiymati foyda yoki zararda tan olinishi lozim. Mazkur Standart derivativ xejlash instrumenti sifatida belgilanishi mumkin bo’lgan holatlarni cheklamaydi. Biroq, noderivativ moliyaviy aktiv yoki noderivativ moliyaviy majburiyat faqatgina xorijiy valyuta riskining xejida xejlash instrumenti sifatida belgilanishi mumkin. Xej hisobi maqsadlarida, faqatgina hisobot beradigan tadbirkorlik sub’ektiga (ya’ni, guruhga yoki faoliyati bo’yicha hisobot beriladigan alohida tadbirkorlik sub’ektiga) nisbatan tashqi tomonni o’z ichiga oladigan instrumentlar xejlash instrumentlari sifatida belgilanishi mumkin. Jamlangan guruh ichidagi alohida tadbirkorlik sub’ektlari yoki tadbirkorlik sub’ekti ichidagi bo’linmalar boshqa guruh ichidagi tadbirkorlik sub’ektlari yoki tadbirkorlik sub’ekti ichidagi bo’linmalar bilan xejlash operatsiyalarni amalga oshirishi mumkin bo’lsada, bunday guruh ichidagi operatsiyalar jamlashda chiqarib tashlanadi. Shu tufayli, bunday xejlash operatsiyalari guruhning jamlangan moliyaviy hisobotlaridagi xej hisobi sifatida tasniflanmaydi. Biroq, ular guruh ichidagi alohida tadbirkorlik sub’ektlarining alohida yoki ajratilgan moliyaviy hisobotlaridagi xej hisobi sifatida tasniflanishi mumkin, agarda ular faoliyati bo’yicha hisobot beriladigan alohida tadbirkorlik sub’ektiga nisbatan tashqi tomon bo’lsa.

Odatda butun xejlash instrumenti uchun yagona haqqoniy qiymat mavjud bo’ladi va haqqoniy qiymatdagi o’zgarishlarga sabab bo’ladigan omillar bir biriga bog’liqdir. Shu tufayli, xejlash aloqasi tadbirkorlik sub’ekti tomonidan butun xejlash instrumenti uchun belgilanadi. Bunda ruxsat etilgan istisnolar quyidagilardir: (a) optsion shartnomasining ichki qiymatini va muddatdagi qiymatini ajratish va xejlash instrumenti sifatida faqatgina optsionning ichki qiymatidagi o’zgarishni belgilash va uning muddatdagi qiymatidagi o’zgarishni istisno etish; va (b) forvard shartnomasining foiz jihati bilan spot narxini ajratish. Optsionning ichki qiymati va forvard bo’yicha mukofot umuman olganda alohida baholanishi mumkinligi sababli, ushbu istisnolarga ruxsat etiladi. Optsion shartnomasining ham ichki qiymatini ham muddatdagi qiymatini baholaydigan dinamik xejlash strategiyasi xej hisobi sifatida tasniflanishi mumkin. Butun xejlash instrumentining qismi, masalan nominal qiymatning 50 foizi, xejlash aloqasida xejlash instrumenti sifatida belgilanishi mumkin. Biroq, xejlash aloqasi xejlash instrumenti amalda bo’lgan muddatning faqatgina ma’lum qismi uchun belgilanishi mumkin emas. Yagona xejlash instrumenti birdan ortiq risk turining xeji sifatida belgilanishi mumkin, agarda (a) xejlangan risklar aniq aniqlanishi mumkin bo’lsa; (b) xej samaradorligini namoyon etishi mumkin bo’lsa; va (v) xejlash instrumentining va turli risk holatlarining muayyan belgilanishi mavjud bo’lishini ta’minlash imkoni bo’lsa. Ikki yoki undan ortiq derivativlar, yoki ularning qismlarlari (yoki valyuta riskining xeji holatida, ikki yoki undan ortiq noderivativlar yoki ularning qismlarlari, yoki derivativlar va noderivtivlar birlashmasi yoki ularning qismlari), birgalikda inobatga olinishi va xejlash instrumenti sifatida birgalikda belgilanishi mumkin, masalan ayrim derivativlardan yuzaga keladigan risk(lar) boshqa derivativlardan yuzaga keladigan risk(lar)ni o’zaro qoplaydigan holat shu jumladandir. Biroq, foiz stavkasi «kollar»i yoki chiqarilgan optsion bilan sotib

olingan optsionni birlashtiradigan boshqa derivativ instrument xejlash instrumenti sifatida tasniflanmaydi, agarda u haqiqatda sof chiqarilgan optsion (sof mukofot olinadigan optsion) bo’lsa. Xuddi shuningdek, ikki yoki undan ortiq instrumentlar (yoki ularning qismlarlari) xejlash instrumenti sifatida birgalikda belgilanishi mumkin, faqatgina agarda ularning hech biri chiqarilgan optsion yoki sof chiqarilgan optsion bo’lmasa. Xejlangan modda tan olingan aktiv yoki majburiyat, tan olinmagan qat’iy kelishuv, yuqori ehtimolli rejalashtirilgan operatsiya yoki xorijdagi bo’linmaga sof investitsiya bo’lishi mumkin. Xejlangan modda (a) yagona aktiv, majburiyat, qat’iy kelishuv, yuqori ehtimolli rejalashtirilgan operatsiya yoki xorijdagi bo’linmaga sof investitsiya, (b) o’xshash risk xususiyatlariga ega aktivlar, majburiyatlar, qat’iy kelishuvlar, yuqori ehtimolli rejalashtirilgan operatsiyalar yoki xorijdagi bo’linmaga sof investitsiyalar guruhi yoki (s) faqat foiz stavkasi riski bo’yicha portfel xejida, xejlanadigan risk taqsimlangan moliyaviy aktivlar yoki moliyaviy majburiyatlar portfelining qismi bo’lishi mumkin. Xej hisobi maqsadlarida, faqatgina tadbirkorlik sub’ektiga nisbatan tashqi tomonni o’z ichiga oladigan aktivlar, majburiyatlar, qat’iy kelishuvlar yoki yuqori ehtimolli rejalashtirilgan operatsiyalar xejlangan moddalar sifatida belgilanishi mumkin. Bundan kelib chiqadiki, xej hisobi aynan bir guruhdagi tadbirkorlik sub’ektlari o’rtasidagi operatsiyalarga nisbatan guruhning jamlangan moliyaviy hisobotlarida emas, balki faqatgina ushbu tadbirkorlik sub’ektlarining alohida yoki ajratilgan moliyaviy hisobotlarida qo’llaniladi, bundan BHXS 10 da ta’riflangan investitsion tadbirkorlik sub’ektining jamlangan moliyaviy hisobotlari mustasno bo’lib, BHXS 10 ga muvofiq investitsion tadbirkorlik sub’ekti bilan haqqoniy qiymatidagi o’zgarishlar foyda yoki zararda hisobga olinadigan uning shu’balari o’rtasidagi operatsiyalar jamlangan moliyaviy hisobotlardan chiqarib tashlanmaydi. Istisno tariqasida, guruh ichidagi monetar moddaga tegishli (masalan, ikkita shu’ba tadbirkorlik sub’ektlari o’rtasidagi debitorlik/kreditorlik qarzi) xorijiy valyuta riski jamlangan moliyaviy hisobotlarda xejlangan modda sifatida tasniflanishi mumkin, agarda u hisobotlarni jamlashda BHXS 21 « Valyuta

kurslaridagi o’zgarishlarning ta’sirlari» ga muvofiq to’liq chiqarib tashlanmaydigan valyuta kursi oshishi yoki kamayishi ta’siriga duchor bo’lishga olib kelsa. BHXS 21 ga muvofiq, guruh ichidagi monetar moddalar bo’yicha valyuta kursi o’zgarishidan olinadigan foyda yoki zararlar jamlashda to’liq chiqarib tashlanmaydi, qachonki guruh ichidagi monetar modda bo’yicha operatsiya turli funktsional valyutalarga ega guruhning ikki tadbirkorlik sub’ektlari o’rtasida amalga oshirilganda. Shu bilan birga, yuqori ehtimolli rejalashtirilgan guruh ichidagi operatsiya bo’yicha xorijiy valyuta riski jamlangan moliyaviy hisobotlarda xejlangan modda sifatida tasniflanishi mumkin, agarda operatsiya operatsiyani amalga oshirayotgan tadbirkorlik sub’ektining funktsional valyutasidan boshqa valyutada ifodalangan bo’lsa va xorijiy valyuta riski jamlangan foyda yoki zararga ta’sir qilsa. Agarda xejlangan modda moliyaviy aktiv yoki moliyaviy majburiyat bo’lsa, u faqatgina uning pul oqimlarining yoki haqqoniy qiymatining qismi (masalan, bir yoki undan ortiq tanlangan shartnomaviy pul oqimlari yoki ularning qismlari yoki haqqoniy qiymatning ulushi) bilan bog’liq risklarga nisbatan xejlangan modda bo’lishi mumkin, agarda xejlashning samaradorligini baholash mumkin bo’lsa. Masalan, foizli aktiv yoki foizli majburiyat bo’yicha foiz stavkasi riskining aniqlanadigan va alohida baholanadigan qismi xejlangan risk sifatida belgilanishi mumkin (masalan, riskdanholi foiz stavkasi yoki xejlangan moliyaviy instrument bo’yicha jami foiz stavkasi riskining tayanch foiz stavkasi qismi). Moliyaviy aktivlar yoki moliyaviy majburiyatlar portfeli bo’yicha foiz stavkasi riskining haqqoniy qiymat xejida (va faqatgina bunday xejda), xejlangan qism alohida aktivlar (yoki majburiyatlar) sifatida emas, balki valyuta summasi sifatida (masalan, dollar, yevro, funt sterling yoki rend summasida) belgilanishi mumkin. Portfel, riskni boshqarish maqsadlarida, aktivlarni va majburiyatlarni o’z ichiga olishi mumkin bo’lsada, belgilangan summa aktivlar summasi yoki majburiyatlar summasiga teng bo’ladi. Aktivlar bilan majburiyatlar o’rtasidagi farqqa teng bo’lgan sof summani xejlangan modda sifatida belgilashga ruxsat etilmaydi. Tadbirkorlik sub’ekti ushbu belgilangan summa bilan bog’liq foiz

stavkasi riskining qismini xejlashi mumkin. Masalan, oldindan to’lanadigan aktivlarni qamrab oladigan portfel xeji holatida, tadbirkorlik sub’ekti, shartnomaviy emas, balki kutilgan qayta narxlash sanalari asosida xejlangan foiz stavkasidagi o’zgarishga tegishli bo’lgan haqqoniy qiymatdagi o’zgarishni xejlashi mumkin. Qachonki xejlangan qism kutilgan qayta narxlash sanalariga asoslansa, xejlangan foiz stavkasidagi o’zgarishlarning ushbu kutilgan qayta narxlash sanalariga nisbatan ta’siri xejlangan moddaning haqqoniy qiymatidagi o’zgarishni aniqlashda inobatga olinishi lozim. O’z navbatida, agarda oldindan to’lanadigan moddalarni qamrab oladigan portfel oldindan to’lanmaydigan derivativ bilan xejlangan bo’lsa, samaradorsizlik yuzaga keladi agarda xejlangan portfeldagi moddalarning oldindan to’lanishi kutilgan sanalar o’zgartirilsa, yoki haqiqiy oldindan to’lov sanalari kutilgan sanalardan farq qilsa. Nomoliyaviy moddalarni xejlangan moddalar sifatida belgilash Agarda xejlangan modda nomoliyaviy aktiv yoki nomoliyaviy majburiyat bo’lsa, u quyidagilar uchun xejlangan modda sifatida belgilanishi lozim: (a) xorijiy valyuta risklari uchun; yoki (b), xorijiy valyuta risklaridan boshqa muayyan risklarga tegishli bo’lgan pul oqimlarining yoki haqqoniy qiymatdagi o’zgarishlarning o’rinli qismini ajratish va baholash qiyin bo’lgani sababli, xejlangan moddaning butun holatida u biln bog’liq bo’lgan barcha risklar uchun. Moddalar guruhlarini xejlangan moddalar sifatida belgilash O’xshash aktivlar yoki o’xshash majburiyatlar umumlashtirilishi va guruh sifatida xejlanishi lozim, faqatgina agarda guruhdagi alohida aktivlar yoki alohida majburiyatlar o’rtasida xejlanadigan sifatida belgilangan risk taqsimlansa. Bundan tashqari, guruhdagi har bir alohida modda bo’yicha xejlangan riskga tegishli haqqoniy qiymatdagi o’zgarish moddalar guruhining xejlangan riskiga tegishli haqqoniy qiymatdagi umumiy o’zgarishga taxminan proportsional bo’lishi ko’zda tutilishi lozim. Tadbirkorlik sub’ekti xej samaradorligini xejlash instrumentining haqqoniy qiymatidagi yoki pul oqimidagi o’zgarishni xejlangan modda bilan qiyoslash orqali baholashi tufayli, xejlash instrumentini muayyan xejlangan modda bilan emas,

balki umumiy sof pozitsiya (masalan o’xshash so’ndirish muddatlariga ega barcha foizlari qat’yi belgilangan aktivlar bilan foizlari qat’iy belgilangan majburiyatlar o’rtasidagi farqqa teng sof pozitsiya) bilan qiyoslash xej hisobi sifatida tasniflanmaydi. Xejni hisobga olishda xejlash instrumenti bilan xejlangan moddaning haqqoniy qiymatlaridagi o’zgarishlarning o’zaro hisob-kitob qilinishi natijasida foyda yoki zararga bo’lgan ta’sir tan olinadi. Xejlash aloqalari uch xil bo’ladi: (a) haqqoniy qiymat xeji : tan olingan aktivning yoki majburiyatning yoki tan olinmagan qat’iy kelishuvning, yoki bunday aktivning, majburiyatning yoki qat’iy kelishuvning aniqlanadigan qismining, haqqoniy qiymatidagi o’zgarishlarga duchorlik riskining xeji bo’lib, u muayyan riskga tegishli bo’ladi va foyda yoki zararga ta’sir etishi mumkin. (b) pul oqimi xeji : pul oqimlaridagi o’zgaruvchanlikka duchorlik riskining xeji bo’lib, u - tan olingan aktiv yoki majburiyat (masalan o’zgaruvchan foizli qarz bo’yicha barcha yoki ayrim kelgusi foiz to’lovlari) yoki yuqori ehtimolli rejalashtirilgan operatsiya bilan bog’liq muayyan riskga tegishli bo’ladi va - foyda yoki zararga ta’sir etishi mumkin. (v) xorijdagi bo’linmaga sof investitsiyaning xeji, bunda BHXS 21 da ta’riflangandek. Qat’iy kelishuv bo’yicha xorijiy valyuta riskining xeji haqqoniy qiymat xeji sifatida yoki pul oqimi xeji sifatida hisobga olinishi mumkin. Xejlash aloqasi xej hisobi sifatida tasniflanadi, faqatgina agarda quyidagi barcha shartlar qanoatlantirilsa. (a) xej boshlanishida, xejlash aloqasining va tadbirkorlik sub’ektining xejni amalga oshirish bo’yicha riskni boshqarish maqsadi va strategiyasining rasmiy belgilangan va hujjatlashtirilgan bo’lsa. Ushbu hujjatlashtirish xejlash instrumentini, xejlangan modda yoki operatsiyani, xejlanadigan risk xususiyatini va tadbirkorlik sub’ekti xejlangan moddaning haqqoniy qiymatidagi yoki xejlangan riskga tegishli pul oqimlaridagi o’zgarishlarga duchorlikni o’zaro

qoplash bo’yicha xejlash instrumentining samaradorligini qanday baholashini aniqlashni o’z ichiga oladi. (b) Muayyan xejlash aloqasi bo’yicha dastlabki hujjatlashtirilgan riskni boshqarish strategiyasiga mos tarzda, xej xejlangan riskga tegishli haqqoniy qiymatdagi yoki pul oqimlaridagi o’zgarishlarni o’zaro qoplashga erishishda yuqori samarador bo’lishi kutiladi. (v) Pul oqimi xejlarida, xejning predmeti bo’lgan rejalashtirilgan operatsiya yuqori ehtimolli bo’lishi shart va yakuniy bosqichda foyda yoki zararga ta’sir etishi mumkin bo’lgan pul oqimlarining o’zgarishiga nisbatan duchorlikni aks ettirishi shart. (g) Xejning samaradorligi ishonchli baholanishi mumkin, ya’ni xejlangan riskga tegishli xejlangan moddaning haqqoniy qiymati yoki pul oqimlari bilan xejlash instrumentining haqqoniy qiymati ishonchli baholanishi mumkin. (d) Xej ukluksiz baholanib, u xej belgilangan moliyaviy hisobot davrlari mobaynida yuqori samarador bo’lgani uchun aniqlanadi. Haqqoniy qiymat xejlari Agarda haqqoniy qiymat xeji davr mobaynida u quyidagicha hisobga olinishi lozim: (a) xejlash instrumentini haqqoniy qiymatda (derivativ xejlash instrumenti uchun) yoki BHXS 21 ga muvofiq baholangan uning balans qiymatining xorijiy valyuta qismini (noderivativ xejlash instrumenti uchun) qayta baholashdan yuzaga keladigan foyda yoki zarar foyda yoki zarar tarkibida tan olinishi lozim; va (b) xejlangan riskga tegishli xejlangan modda bo’yicha foyda yoki zarar xejlangan moddaning balans qiymatini to’g’rilashi va foyda yoki zarar tarkibida tan olinishi lozim. Bu qo’llaniladi, agarda xejlangan modda tannarxda baholangan bo’lsa. Moliyaviy aktivlar yoki moliyaviy majburiyatlar portfelining qismi bo’yicha foiz stavkasi riskining haqqoniy qiymat xejida foyda yoki zararni quyidagicha aks ettirish orqali qanoatlantirilishi mumkin:

(a) xejlangan modda aktiv bo’lgan qayta narxlash davrlari uchun, aktivlar ichidagi bitta ajratilgan qator moddasi; yoki (b) xejlangan modda majburiyat bo’lgan qayta narxlash davrlari uchun, majburiyatlar ichidagi bitta ajratilgan qator moddasi. (a) va (b) da keltirilgan ajratilgan qator moddalari moliyaviy aktivlar yoki moliyaviy majburiyatlar aks ettirilgan qatorlar tagida aks ettirilishi lozim. Ushbu qator moddalarida kiritilgan summalar moliyaviy holat to’g’risidagi hisobotdan chiqarib tashlanishi lozim, qachonki ular tegishli bo’lgan aktivlar yoki majburiyatlar hisobdan chiqarilsa. Agarda faqatgina xejlangan moddaga tegishli muayyan risklar xejlangan bo’lsa, xejlangan riskga tegishli bo’lmagan xejlangan moddaning haqqoniy qiymatidagi tan olingan o’zgarishlar MHXS 9 da belgilangandek tan olinadi. Tadbirkorlik sub’ekti xej hisobini prospektiv tarzda to’xtatishi lozim, agarda: (a) xejlash instrumentining muddati tugasa yoki u sotilsa, bekor qilinsa yoki amalga oshirilsa (ushbu maqsad uchun, xejlash instrumentini boshqa xejlash instrumenti orqali almashtirish yoki muddatini uzaytirish xejlash instrumentining muddati tugashini yoki u bekor qilinishini anglatmaydi, agarda bunday almashtirish yoki muddatini uzaytirish tadbirkorlik sub’ektining hujjatlashtirilgan xejlash strategiyasining qismi bo’lsa); (b) xej hisobining mezonlarini bundan buyon qanoatlantirmasa; yoki (v) tadbirkorlik sub’ekti belgilashni bekor qiladi. Effektiv foiz usuli qo’llanilgan xejlangan moliyaviy instrumentning balans qiymatiga (yoki foiz stavkasi riski bo’yicha portfel xeji holatida, yuzaga keladigan har qanday tuzatish amortizatsiya qilish orqali foyda yoki zararga olib borilishi lozim. Amortizatsiyalash tuzatish paydobo’lishi bilan boshlanishi mumkin va xejlangan moddaning xejlanadigan riskga tegishli uning haqqoniy qiymatidagi o’zgarishlarga tuzatilishi to’xtatilishidan kechiktirmasdan boshlanishi lozim. Tuzatish amortizatsiyalash boshlanadigan sanadagi qayta hisoblangan effektiv foiz stavkasiga asoslanadi. Biroq, moliyaviy aktivlar yoki moliyaviy majburiyatlar

portfeli bo’yicha foiz stavkasi riskining haqqoniy qiymat xeji holatida (va faqat bunday xejda), agarda qayta hisoblangan effektiv foiz stavkasi orqali amortizatsiyalash amaliy imkonsiz bo’lsa, tuzatish bir tekis maromda amortizatsiyalanishi lozim. Tuzatish moliyaviy instrumentning so’ndirilishiga qadar yoki, foiz stavkasi riski bo’yicha portfel xeji holatida, tegishli qayta narxlash davrining tugashiga qadar to’liq amortizatsiyalanishi lozim. Qachonki tan olinmagan qat’iy kelishuv xejlangan modda sifatida belgilansa, xejlangan riskga tegishli qat’iy kelshuvning haqqoniy qiymatidagi keyingi yig’ilgan o’zgarish foyda yoki zararda tan olingan mos ravishdagi foyda yoki zarar bilan birga aktiv yoki majburiyat sifatida tan olinadi. Xejlash instrumentining haqqoniy qiymatidagi o’zgarishlar ham foyda yoki zararda tan olinadi. Qachonki tadbirkorlik sub’ekti haqqoniy qiymat xejida xejlangan modda bo’lgan aktiv sotib olish yoki majburiyatni tan olish bo’yicha qat’iy kelishuvni imzolasa, tadbirkorlik sub’ekti qat’iy kelishuvni bajarishi natijasida yuzaga keladigan aktiv yoki majburiyatning dastlabki balans qiymati shunday maqsadda to’g’rilanadiki, bunda u moliyaviy holat to’g’risidagi hisobotda tan olingan xejlangan riskga tegishli qat’iy kelishuvning haqqoniy qiymatidagi yig’ilgan o’zgarishni o’z ichiga oladi. Agarda pul oqimi xeji davr mobaynida quyidagicha hisobga olinishi lozim: (a) samarali xej deb aniqlangan xejlash instrumenti bo’yicha foyda yoki zararning qismi boshqa umumlashgan daromadda tan olinishi lozim; va (b) xejlash instrumenti bo’yicha foyda yoki zararning samarasiz qismi foyda yoki zararda tan olinishi lozim. Yanada aniqroq qilib, pul oqimi xeji quyidagicha hisobga olinadi: (a) kapitalning xejlangan modda bilan bog’liq alohida qismi quyidagilarning kamrog’ida to’g’rilanadi (mutlaq summalarda): - xej boshlanishidan buyon xejlash instrumenti bo’yicha yig’ilgan foyda yoki zarar; va

- xej boshlanishidan buyon xejlangan modda bo’yicha kutilgan kelgusi pul oqimlarining haqqoniy qiymatidagi (keltirilgan qiymatidagi) yig’ilgan o’zgarish; (b) xejlash instrumenti yoki uning belgilangan qismi (qaysiki samarasiz xej) bo’yicha har qanday qoldiq foyda yoki zarar foyda yoki zarar tarkibida tan olinishi lozim; va (v) agarda tadbirkorlik sub’ektining muayyan xejlash aloqasi bo’yicha hujjatlashtirilgan riskni boshqarish strategiyasi xej samaradorligini baholashda xejlash instrumenti bo’yicha foyda yoki zararning yoki tegishli pul oqimlarining ma’lum qismini inobatga olmasa foyda yoki zararning ushbu inobatga olinmagan qismi MHXS 9 ga muvofiq tan olinadi. Agarda rejalashtirilgan operatsiyaning xeji keyinchalik moliyaviy aktiv yoki moliyaviy majburiyatni tan olinishiga olib kelsa, umumlashgan daromadda tan olingan tegishli foyda yoki zararlar qayta tasniflashning to’g’rilanishi sifatida kapitaldan foyda yoki zararga shunday davrda yoki davrlarda olib borilishi (qayta tasniflanishi) lozimki, bunda ushbu davr yoki davrlar mobaynida xejlangan rejalashtirilgan pul oqimlari foyda yoki zararga ta’sir etadi (masalan, foizli daromad yoki foizli xarajat tan olingan davrlar). Biroq, agarda tadbirkorlik sub’ekti boshqa umumlashgan daromadda tan olingan zararning barchasi yoki qismi bir yoki undan ortiq kelgusi davrlarda tiklanmasligini ko’zda tutsa, u foyda yoki zararda qayta tasniflashning to’g’rilanishi sifatida tiklanishi kutilmagan summani qayta tasniflashi lozim. Agarda rejalashtirilgan operatsiyaning xeji keyinchalik nomoliyaviy aktiv yoki nomoliyaviy majburiyatni tan olinishiga olib kelsa, yoki rejalashtirilgan operatsiya nomoliyaviy aktiv yoki nomoliyaviy majburiyat uchun haqqoniy qiymat xeji hisobi qo’llaniladigan qat’iy kelishuvga aylansa, tadbirkorlik sub’ekti quyidagi (a) yoki (b) ni qabul qilishi lozim: (a) umumlashgan daromadda tan olingan tegishli foyda yoki zararlarni qayta tasniflashning to’g’rilanishi sifatida foyda yoki zararga shunday davrda yoki davrlarda olib borilishi (qayta tasniflashi) lozimki, bunda ushbu davr yoki davrlar

mobaynida xejlangan rejalashtirilgan pul oqimlari foyda yoki zararga ta’sir etadi (masalan, eskirish xarajati yoki sotuvlar tannarxi tan olingan davrlar). Biroq, agarda tadbirkorlik sub’ekti boshqa umumlashgan daromadda tan olingan zararning barchasi yoki qismi bir yoki undan ortiq kelgusi davrlarda tiklanmasligini ko’zda tutsa, u foyda yoki zararda qayta tasniflashning to’g’rilanishi sifatida tiklanishi kutilmagan summani qayta tasniflashi lozim. (b) u umumlashgan daromadda tan olingan tegishli foyda yoki zararlarni chiqarib tashlaydi va ularni aktivning yoki majburiyatning dastlabki tannarxiga yoki boshqa balans qiymatiga kiritadi. Tadbirkorlik sub’ekti (a) yoki (b) ni o’zining hisob siyosati sifatida qabul qilishi lozim va uni bir me’yorda barcha xejlarga nisbatan qo’llashi lozim. Pul oqimi xejlaridan boshqa pul oqimi xejlarida, boshqa umumlashgan daromadda tan olingan summalar qayta tasniflashning to’g’rilanishi sifatida kapitaldan foyda yoki zararga shunday davrda yoki davrlarda qayta tasniflanishi lozimki, bunda ushbu davr yoki davrlar mobaynida xejlangan rejalashtirilgan pul oqimlari foyda yoki zararga ta’sir etadi (masalan, rejalashtirilgan sotuv sodir bo’lganda). Quyidagi holatlarning birortasida tadbirkorlik xej hisobini prospektiv tarzda to’xtatishi lozim: (a) Xejlash instrumenting muddati tugasa yoki u sotilsa, bekor qilinsa yoki amalga oshirilsa (ushbu maqsad uchun, xejlash instrumentini boshqa xejlash instrumenti orqali almashtirish yoki muddatini uzaytirish muddat tugashini yoki xejlash instrumetining bekor qilinishini anglatmaydi, agarda bunday almashtirish yoki muddatini uzaytirish tadbirkorlik sub’ektining hujjatlashtirilgan xejlash strategiyasining qismi bo’lsa). Bunday holatda, xej amalda bo’lgan davrdan boshlab boshqa umumlashgan daromadda tan olingan xejlash instrumenti bo’yicha yig’ilgan foyda yoki zarar rejalashtirilgan operatsiya sodir bo’lgunga qadar kapital tarkibida ajratilgan holda qolishi lozim. (b) Xej bundan buyon xej hisobining mezonlarini qanoatlantirmaydi. Bunday holatda, xej amalda bo’lgan davrdan boshlab boshqa umumlashgan daromadda tan olingan xejlash instrumenti bo’yicha

yig’ilgan foyda yoki zarar rejalashtirilgan operatsiya sodir bo’lgunga qadar kapital tarkibida ajratilgan holda qolishi lozim. (v) Rejalashtirilgan operatsiyaning bundan buyon sodir bo’lishi kutilmaydi va bunday holatda xej amalda bo’lgan davrdan boshlab boshqa umumlashgan daromadda tan olingan xejlash instrumenti bo’yicha har qanday tegishli yig’ilgan foyda yoki zarar qayta tasniflashning to’g’rilanishi sifatida kapitaldan foyda yoki zararga olib borilishi (qayta tasniflanishi) lozim. (g) Tadbirkorlik sub’ekti xejni belgilashni bekor qiladi. Rejalashtirilgan operatsiya xejlarida, xej amalda bo’lgan davrdan boshlab boshqa umumlashgan daromadda tan olingan xejlash instrumenti bo’yicha yig’ilgan foyda yoki zarar rejalashtirilgan operatsiya sodir bo’lgunga qadar yoki uning sodir bo’lishi bundan buyon kutilmasligiga qadar kapital tarkibida alohida modda bo’lib qolishi lozim. Agarda operatsiyaning sodir bo’lishi bundan buyon kutilmasa, boshqa umumlashgan daromadda tan olingan yig’ilgan foyda yoki zarar qayta tasniflashning to’g’rilanishi sifatida kapitaldan foyda yoki zararga olib borilishi (qayta tasniflanishi) lozim. Xorijdagi bo’linmaga sof investitsiyaning xejlari, jumladan sof investtsiyaning qismi sifatida hisobga olingan monetar modda (BHXS 21) xeji, pul oqimi xejlariga o’xshash tarzda hisobga olinishi lozim: (a) samarali xej deb aniqlangan xejlash instrumenti bo’yicha foyda yoki zararning qismi boshqa umumlashgan daromadda tan olinishi lozim; va (b) samarasiz qism foyda yoki zararda tan olinishi lozim. Boshqa umumlashgan daromadda tan olingan xejning samarali qismiga tegishli bo’lgan xejlash instrumenti bo’yicha foyda yoki zarar qayta tasniflashning to’g’rilanishi ifatida kapitaldan foyda yoki zararga BHXS 21 ga muvofiq xorijdagi bo’linmaning chiqib ketishida yoki qisman chiqib ketishida qayta tasniflanishi lozim. 3. MHXS (IFRS) 7 “Moliyaviy instrumentlar: ma’lumotlarni ochib berish”

MHXS (IFRS) 7 “Moliyaviy instrumentlar: ma’lumotlarni ochib berish” nomli standartning maqsadi bo’lib quyidagilar hisoblanadi: (a) tadbirkorlik sub’ektining moliyaviy holati va moliyaviy natijalariga moliyaviy instrumentlarning ta’siri qanchalik katta ekanligini; va (b) tadbirkorlik sub’ekti hisobot davri mobaynida va oxirida duchor bo’lgan va moliyaviy instrumentlardan yuzaga keladigan risklarning xususiyati va darajasini hamda tadbirkorlik sub’ekti ushbu risklarni qanday qilib boshqarishini baholashi uchun imkon beradigan ma’lumotlar tadbirkorlik sub’ektlari tomonidan ularning moliyaviy hisobotlarida ochib berilishini talab etish hisoblanadi. Ushbu MHXSdagi tamoyillar BHXS 32 “Moliyaviy instrumentlar: taqdim etish” va MHXS 9 “Moliyaviy instrumentlar” dagi moliyaviy aktivlar va moliyaviy majburiyatlarni tan olish, baholash va taqdim etish bo’yicha tamoyillarni to’ldiradi. Ushbu MHXS barcha tadbirkorlik sub’ektlari tomonidan quyidagilardan tashqari barcha turdagi moliyaviy instrumentlarga nisbatan qo’llanilishi kerak: (a) MHXS 10 «Jamlangan moliyaviy hisobotlar”, BHXS 27 “Alohida moliyaviy hisobotlar” yoki BHXS 28 “Qaram tadbirkorlik sub’ektlaridagi va qo’shma korxonalardagi investitsiyalar” ga muvofiq hisobga olinadigan shu’ba tadbirkorlik sub’ektlari, qaram tadbirkorlik sub’ektlari yoki qo’shma korxonalarga investitsiyalar. Biroq, ayrim holatlarda, BHXS 27 yoki BHXS 28 shu’ba tadbirkorlik sub’ektlari, qaram tadbirkorlik sub’ektlari yoki qo’shma korxonalarga investitsiyalarning MHXS 9 ga muvofiq hisobga olinishiga ruxsat beradi; bunday holatlarda, tadbirkorlik sub’ektlari ushbu MHXSning talablarini qo’llashi kerak hamda haqqoniy qiymatda baholanadigan bunday investitsiyalarga nisbatan MHXS 13 “Haqqoniy qiymatni baholash” ning talablarini qo’llashi kerak. Shuningdek, tadbirkorlik sub’ektlari ushbu MHXSni shu’ba tadbirkorlik sub’ektlari, qaram tadbirkorlik sub’ektlari yoki qo’shma korxonalarga investitsiyalar bilan bog’liq barcha derivativlarga nisbatan, ushbu derivativ BHXS 32 dagi ulushli instrumentning ta’rifiga mos kelgan holatlardan tashqari holatlarda, qo’llashi kerak.

(b) BHXS 19 “Hodimlarning daromadlari” qo’llaniladigan hodimlarning daromadlari bo’yicha ish beruvchilarning huquqlari va majburiyatlari. (v) MHXS 4 “Sug’urta shartnomalari” da ta’riflangan sug’urta shartnomalari. Biroq, ushbu Standart bunday sug’urta shartnomalarida singdirilgan derivativlarga nisbatan qo’llaniladi, agar MHXS 9 ularning alohida hisobga olinishini talab etsa. Bundan tashqari, emitent ushbu MHXSni moliyaviy kafolat shartnomalariga nisbatan qo’llashi kerak, agar u ushbu shartnomalarni tan olishda va baholashda MHXS 9 ni qo’llasa. Biroq, emitent MHXS 4 ga muvofiq bunday shartnomalarni tan olish va baholash uchun MHXS 4 ni tanlaganida (qaror qilganida), u bu shartnomalarga nisbatan MHXS 4 ni qo’llashi kerak. (g) MHXS 2 “Aktsiyaga-asoslangan to’lov” qo’llaniladigan aktsiyaga asoslangan to’lovlar bo’yicha operatsiyalardan yuzaga keladigan moliyaviy instrumentlar, shartnomalar va majburiyatlar. Biroq MHXS 9 ning qo’llash doirasidagi shartnomalarga nisbatan ushbu MHXS qo’llaniladi. (d) ulushli instrumentlar sifatida tasniflanishi talab etiladigan instrumentlar. Ushbu MHXS tan olingan va tan olinmagan moliyaviy instrumentlarga nisbatan qo’llaniladi. Tan olingan moliyaviy instrumentlar o’z ichiga MHXS 9 ning qo’llash doirasidagi moliyaviy aktivlar va moliyaviy majburiyatlarni oladi. Tan olinmagan moliyaviy instrumentlar, MHXS 9 ning qo’llash doirasidan tashqarida bo’lishidan qat’iy nazar, ushbu MHXS ning qo’llash doirasiga kiradigan ba’zi moliyaviy instrumentlar (masalan, ayrim kredit majburiyatlarini) oladi. MHXS 9 ning qo’llash doirasidagi nomoliyaviy moddalarni xarid qilish yoki sotish bo’yicha shartnomalarga nisbatan ushbu MHXS qo’llaniladi. Ushbu MHXSda moliyaviy instrumentlar ma’lumotlarni ochib berish talab etilganida, tadbirkorlik sub’ekti moliyaviy instrumentlarni ochib beriladigan ma’lumotning xususiyatiga xos bo’lgan va mazkur moliyaviy instrumentlarning xususiyatlarini hisobga oladigan turkumlarga guruhlashi kerak. Tadbirkorlik sub’ekti moliyaviy holat to’g’risidagi hisobotda aks ettiriladigan moddalarning solishtirmasini shakllantirish uchun yetarli bo’lgan ma’lumotlarni ta’minlashi kerak.

Tadbirkorlik sub’ekti moliyaviy hisobotlardan foydalanuvchilar uning moliyaviy holati va moliyaviy natijalariga moliyaviy instrumentlarning ta’siri qanchalik katta ekanligini baholash ikonini beradigan ma’lumotlarni ochib berishi kerak. Moliyaviy aktivlar va moliyaviy majburiyatlarning toifalari Moliyaviy instrumentlarning MHXS 9 da belgilangan quyidagi toifalarining har birisi bo’yicha ularning balans qiymatlari moliyaviy holat to’g’risidagi hisobotda yoki izohlarda ochib berilishi kerak: (a) haqqoniy qiymatidagi o’zgarishlar foyda yoki zararda hisobga olinadigan moliyaviy aktivlar. Bunda ushbu aktivlarning qo’yidagi turlari alohida ko’rsatilishi kerak: - dastlabki tan olishda bunday aktivlar sifatida belgilangan moliyaviy aktivlar, va - MHXS 9 ga muvofiq majburiy ravishda haqqoniy qiymat bo’yicha baholanadigan moliyaviy aktivlar. (b) haqqoniy qiymatidagi o’zgarishlar foyda yoki zararda hisobga olinadigan moliyaviy majburiyatlar. Bunda ushbu majburiyatlarning qo’yidagi turlari alohida ko’rsatilishi kerak: - dastlabki tan olishda bunday majburiyatlar sifatida belgilangan moliyaviy majburiyatlar, va - MHXS 9 ga muvofiq oldi-sotdi uchun mo’ljallangan moliyaviy majburiyatlar ta’rifiga mos keladigan moliyaviy majburiyatlar. (e) amortizatsiyalangan qiymat bo’yicha baholanadigan moliyaviy aktivlar. (yo) amortizatsiyalangan qiymat bo’yicha baholanadigan moliyaviy majburiyatlar. (j) haqqoniy qiymatidagi o’zgarishlar boshqa umumlashgan daromadda hisobga olinadigan moliyaviy aktivlar. Haqqoniy qiymatidagi o’zgarishlar foyda va zararda hisobga olinadigan moliyaviy aktivlar va moliyaviy majburiyatlar Tadbirkorlik sub’ekti moliyaviy aktiv (yoki moliyaviy aktivlarning guruhini) haqqoniy qiymat bo’yicha baholanadigan sifatida belgilaganida (ular boshqa holatda amortizatsiyalangan qiymatda hisobga olinadigan bo’lganida), quyidagilarni ochib berishi kerak:

(a) hisobot davri oxirida moliyaviy aktiv. (b) ushbu maksimal kredit riskni kamaytiradigan va ushbu moliyaviy aktivga (yoki moliyaviy aktivlar guruhiga) bog’liq bo’lgan har qanday kredit derivativlari yoki shunga o’xshash instrumentlarning summasi. (v) moliyaviy aktiv bo’yicha kredit riskining o’zgarishi tufayli ushbu moliyaviy aktivning (yoki moliyaviy aktivlar guruhining) haqqoniy qiymatidagi davr mobaynidagi yoki jamg’arilgan o’zgarish summasi. Ushbu summa quyidagicha aniqlanadi: - bozor riskini yuzaga keltiradigan bozor sharoitlarining o’zgarishiga bog’liq bo’lmagan haqqoniy qiymatning o’zgarishi summasi sifatida; yoki - tadbirkorlik sub’ektining fikri bo’yicha kredit riskidagi o’zgarishlar tufayli haqqoniy qiymatning o’zgarishini to’g’riroq ko’rsatadigan muqobil usuldan foydalangan holda. Bozor riskini yuzaga keltiradigan bozor sharoitlaridagi o’zgarishlar kuzatiladigan (tayanch asos bo’ladigan) foiz stavkasining o’zgarishi hamda tovarlarning narxlaridagi, valyuta kurslaridagi yoki narxlar yohud kurslar indekslaridagi o’zgarishlarni qamrab oladi. (g) har qanday bog’liq bo’lgan kredit derivativining yoki shunga o’xshash instrumentlarning haqqoniy qiymatidagi moliyaviy aktivning hisobga olinishi belgilanganidan keyin jamg’arilgan yoki davr mobaynida sodir bo’lgan o’zgarish summasi. Tadbirkorlik sub’ekti MHXS 9ga muvofiq moliyaviy majburiyatni haqqoniy qiymatidagi o’zgarishlar foyda yoki zararda hisobga olinadigan moliyaviy majburiyat sifatida belgilaganida va ushbu majburiyat bo’yicha kredit riskidagi o’zgarishlar ta’sirini boshqa umumlashgan daromadda aks ettirishi talab etilganida, u quyidagilarni ochib berishi kerak: (a) moliyaviy majburiyat bo’yicha kredit risk tufayli moliyaviy majburiyatning haqqoniy qiymatidagi jamg’arilgan o’zgarish summasini.

(b) moliyaviy majburiyatning balans qiymati va bu majburiyatning so’ndirish muddati oxirida ushbu majburiyat shartnomasi bo’yicha tadbirkorlik sub’ekti to’lashi kerak bo’lgan summa orasidagi farq. (v) jamg’arilgan foyda yoki zararning davr mobaynida kapital ichidagi har qanday bir moddadan boshqa moddaga o’tkazilishi va bunday o’tkazishning sababi. (g) majburiyat davr mobaynida hisobdan chiqarilgan bo’lsa, hisobdan chiqarishda o’zlashtirilgan va boshqa umumlashgan daromadda aks ettirilgan summa (agar mavjud bo’lsa). Tadbirkorlik sub’ekti MHXS 9 ga muvofiq moliyaviy majburiyatni haqqony qiymatidagi o’zgarishlar foyda yoki zararda hisobga olinadigan moliyaviy majburiyat siftiad belgilaganida va ushbu majburiyatning haqqoniy qiymatidagi hamma o’zgarishlarni (shu jumladan, majburiyatning kredit riskidagi o’zgarishlarning ta’sirini) foyda yoki zararda aks ettirishi talab etilganida, u quyidagilarni ochib berishi kerak: (a) moliyaviy majburiyat bo’yicha kredit riskdagi o’zgarishlar tufayli moliyaviy majburiyatning haqqoniy qiymatidagi davr mobaynidagi va jamg’arilgan o’zgarishlar sumasi; va (b) moliyaviy majburiyatning balans qiymati va bu majburiyatning so’ndirish muddati oxirida ushbu majburiyat shartnomasi bo’yicha tadbirkorlik sub’ekti to’lashi kerak bo’lgan summa orasidagi farq. Shuningdek, tadbirkorlik sub’ekti quyidagilarni ochib berishi lozim: (a) MHXS 9 ga rioya etish uchun qo’llanilgan usullarning batafsil bayoni, shu jumladan ushbu usul nima uchun to’g’ri ekanligining tushuntirilishi. (b) tadbirkorlik sub’ektining fikricha, moliyaviy holat to’g’risidagi hisobotda hamda MHXS 9ga rioya etish uchun ochib berilgan ma’lumotlar moliyaviy aktiv yoki moliyaviy majburiyatning haqqoniy qiymatidagi ushbu aktiv yoki majburiyat bo’yicha kredit riskining o’zgarishlariga bog’liq bo’lgan

o’zgarishlarni to’g’ri ko’rsatmasa, bunday fikrga nima uchun kelgani sabablari va uning fikricha o’rinli bo’lgan omillar. (v) majburiyat bo’yicha kredit riskidagi o’zgarishlar ta’sirini boshqa umumlashgan daromadda ko’rsatish foyda yoki zararda hisobdagi nomuvofiqlikni yaratishi yoki ko’paytirishini aniqlash uchun qo’llanilgan metodologiya yoki metodologiyalarning batafsil bayoni. Tadbirkorlik sub’ekti majburiyat bo’yicha kerdit riskidagi o’zgarishlarni foyda yoki zararda aks ettirishi talab etilganida, ochib beriladigan ma’lumotlar o’z ichiga MHXS 9 da tavsiflangan iqtisodiy bog’liqlikning batafsil bayonini olishi kerak. Haqqoniy qiymatidagi o’zgarishlar boshqa umumlashgan daromadda hisobga olinadigan moliyaviy aktivlar Tadbirkorlik sub’ekti ulushli instrumentlarga investitsiyalarni haqqoniy qiymatidagi o’zgarishlar boshqa umumlashgan daromadda hisobga olinadigan instrumentlar sifatida, MHXS 9da ruxsat etilganidek, belgilaganida, u quyidagilarni ochib berishi kerak: (a) qaysi ulushli instrumentlarga investitsiyalar haqqoniy qiymatidagi o’zgarishlar boshqa umumlashgan daromadda hisobga olinadigan instrumentlar sifatida belgilangan. (b) instrumentlarni bunday taqdim etish muqobilini tanlashning sabablari. (v) bunday har bir investitsiyaning hisobot davri oxiridagi haqqoniy qiymati. (g) davr mobaynida tan olingan dividendlar, bunda hisobot davri mobaynida hisobdan chiqarilgan hamda hisobot davri oxirida saqlab turilgan investitsiyalarga tegishli bo’lgan dividendlarni alohida ko’rsatgan holda. (d) jamg’arilgan foyda yoki zararning davr mobaynida kapital ichidagi har qanday bir moddadan boshqa moddaga o’tkazilishi va bunday o’tkazishning sababi. Tadbirkorlik sub’ekti haqqoniy qiymatidagi o’zgarishlar boshqa umumlashgan daromadda hisobga olinadigan ulushli instrumentlarga

investitsiyalarni hisobot davri mobaynida hisobdan chiqarganida, u quyidagilarni ochib berishi kerak: (a) investitsiyalarning chiqib ketishi sabablari. (b) investitsiya hisobdan chiqarilgan sanadagi uning haqqoniy qiymati. (v) investitsiya chiqib ketishidagi jamg’arilgan foyda yoki zarar. Tadbirkorlik sub’ekti joriy yoki oldingi hisobot davrlarida qandaydir moliyaviy aktivlarni MHXS 9 ga muvofiq qayta tasniflaganini ochib berishi kerak. Bunday har bir qayta tasniflash bo’yicha tadbirkorlik sub’ekti quyidagilarni ochib berishi kerak: (a) qayta tasniflash sanasi. (b) biznes modelning o’zgarishi to’g’risida batafsil tushuntirish va bu o’zgarishning tadbirkorlik sub’ekti moliyaviy hisobotlariga ta’sirini tavsiflaydigan sifatiy ma’lumotlar. (v) har bir toifaga va toifadan qayta tasniflangan moddaning summasi. Qayta tasniflashdan keyin hisobdan chiqarishgacha har bir hisobot davri uchun, tadbirkorlik sub’ekti MHXS 9 ga muvofiq amortizatsiyalangan qiymat bo’yicha baholanadigan aktivlar sifatida qayta tasniflagan aktivlar bo’yicha quyidagilarni ochib berishi kerak: (a) qayta tasniflash sanasida aniqlangan effektiv foiz stavkasi; va (b) tan olingan foizli daromad yoki xarajat. Tadbirkorlik sub’ekti moliyaviy aktivlarni ular amortizatsiyalangan qiymat bo’yicha baholanadigan aktivlar sifatida oxirgi yillik hisobot sanasidan keyin qayta tasniflaganida, u quyidagilarni ochib berishi kerak: (a) moliyaviy aktivlarning hisobot davri oxiridagi haqqoniy qiymati; va (b) moliyaviy aktivlar qayta tasniflanmaganida hisobot davri mobaynida foyda yoki zararda tan olingan bo’lgan haqqoniy qiymatning o’zgarishidan foyda va zararlar. MHXSdagi ochib berilishi talab etiladigan boshqa ma’lumotlarni to’ldiradi hamda BHXS 32 ga muvofiq o’zaro hisob-kitob qilinadigan va tan olinadigan barcha moliyaviy instrumentlar bo’yicha ochib berilishi talab etiladi. Ushbu

ma’lumotlarni ochib berish sof asosda hisoblashishni ko’zda tutadigan asosiy kelishuv yoki shunga o’xshash kelishuv doirasida bo’lgan va tan olingan moliyaviy instrumentlarga ham, ular BHXS ga muvofiq o’zaro hisob-kitob qilinishidan qat’iy nazar, tegishlidir. Tadbirkorlik sub’ekti moliyaviy hisobotlardan foydalanuvchilar sof asosda hisoblashishni ko’zda tutadigan kelishuvlarning tadbirkorlik sub’ekti moliyaviy holatiga bo’lgan ta’sirini yoki potentsial ta’sirini baholashga imkon beradigan ma’lumotlarni ochib berishi kerak. Bu esa tadbirkorlik sub’ekti tomonidan tan olingan va moliyaviy aktivlar va tan olingan moliyaviy majburiyatlar bilan bog’liq o’zaro hisob-kitob qilish huquqlarining ta’sirini yoki potentsial ta’sirini qamrab oladi. Tadbirkorlik sub’ekti hisobot davrining oxirida moliyaviy aktivlar va tan olingan moliyaviy majburiyatlar bo’yicha quyidagi miqdoriy ma’lumotlarni alohida ochib berishi kerak: (a) ushbu tan olingan moliyaviy aktivlar va tan olingan moliyaviy majburiyatlarning yalpi balans qiymatini; (b) moliyaviy holat to’g’risidagi hisobotda aks ettirilgan sof summalarni aniqlashda BHXS 32 mezonlariga muvofiq o’zaro hisob-kitob qilingan summalarni; (v) moliyaviy holat to’g’risidagi hisobotda aks ettirilgan sof summalarni; (g) sof asosda hisoblashishni ko’zda tutadigan asosiy kelishuv yoki shunga o’xshash kelishuvlarning doirasida bo’lgan, shu jumladan: - BHXS 32 dagi o’zaro hisob-kitob qilish mezonlarning hammasiga yoki ayrimlariga mos kelmaydigan va tan olinadigan moliyaviy instrumentlarga tegishli summalar; va - moliyaviy aktivlar ko’rinishidagi garovga tegishli bo’lgan summalar (shu jumladan, pul mablag’lari garovi); va (d) yuqoridagi (g) dan (v) dagi summalarni chegirgandan keyin qolgan sof summa.

Ushbu bandda talab etilgan ma’lumotlar alohida moliyaviy aktivlar va moliyaviy majburiyatlar bo’yicha jadval shaklida, boshqa shakl o’rinliroq bo’lmaganida, keltirilishi kerak. Tadbirkorlik sub’ekti quyidagilarni ochib berishi kerak: (a) majburiyatlar yoki shartli majburiyatlar bo’yicha garovga qo’yilgan moliyaviy aktivlarning balans summasini, shu jumladan MHXS 9 ga muvofiq qayta tasniflangan summalarni; va (b) bunday garovning shartlari va muddatlarini. Tadbirkorlik sub’ekti (moliyaviy yoki nomoliyaviy aktivlarni) garovga olgan bo’lsa va unga garov egasi to’lovlarni kechiktirmaganda ham ushbu garovni sotishga yoki qaytadan garovga qo’yishiga ruxsat etilsa, u quyidagilarni ochib berishi kerak: (a) garovning haqqoniy qiymatini; (b) har qanday bunday garov sotilganida yoki qayta garovga qo’yilganida uning haqqoniy qiymatini hamda tadbirkorlik sub’ekti bu garovni qaytarib berish majburiyatiga ega ekanligini; va (v) garovdan foydalanish shartlari va muddatlarini. Kredit zararlari tufayli moliyaviy aktivlar qadrsizlanganida va tadbirkorlik sub’ekti qadrsizlanishni, aktivning balans qiymatini to’g’ridan-to’g’ri kamaytirmasdan,alohida schetda aks ettirganida (masalan, alohida aktivning qadrsizlanishi aks ettirish uchun ishlatiladigan rezerv schetida yoki aktivlar guruhinining birgalikdagi qadrsizlanishini aks ettirish uchun ishlatiladigan rezerv schetida), u moliyaviy aktivlarning har bir toifasi bo’yicha ushbu schetdagi hisobot davridagi o’zgarishlarning solishtirmasini ochib berishi kerak. Tadbirkorlik sub’ekti kapital va majburiyat tarkibiy qismlariga ega bo’lgan instrumentni chiqarganida va instrument bir nechta singdirilgan derivativlarga ega bo’lib, bu derivativlarning qiymatlari bir biriga bog’liq bo’lganida (masalan, qayta sotib olinishi mumkin konvertatsiya qilinadigan qarz instrumenti), u ushbu xususiyatlarning mavjudligini ochib berishi kerak.

Hisobot davri oxirida tan olingan to’lanadigan kreditlar bo’yicha, tadbirkorlik sub’ekti quyidagilarni ochib berishi kerak: (a) ushbu to’lanadigan kreditlarning so’ndirish shartlari, qarzni uzish fondi, asosiy qarz summasi, foizlarni to’lash shartlarini har qanday buzish holatining tafsilotlari; (b) hisobot davri oxirida shartlari buzilgan to’lanadigan kreditlarning balans qiymati; va (v) moliyaviy hisobotlar e’lon qilish uchun tasdiqlanishidan oldin shartlari buzilgan kredit bo’yicha zararni kamaytirishga qaratilgan choralar qabul qilinganligi yoki to’lanadigan kreditlarning shartlari o’zgartilganligini. Tadbirkorlik sub’ekti umumlashgan daromad to’g’risidagi hisobotda yoki izohlarda quyidagi daromadlar, xarajatlar, foyda yoki zararlar moddalarini ochib berishi kerak: (a) quyidagilar bo’yicha sof foyda yoki sof zararlar: - haqqoniy qiymatidagi o’zgarishlar foyda yoki zararda hisobga olinadigan moliyaviy aktivlar yoki moliyaviy majburiyatlar. Bunda dastlabki tan olishda bunday moliyaviy aktivlar yoki moliyaviy majburiyatlar sifatida belgilanganlar va MHXS 9 ga muvofiq majburiy ravishda haqqoniy qiymat bo’yicha baholanadigan moliyaviy aktivlar yoki moliyaviy majburiyatlar (masalan, MHXS 9 bo’yicha oldi-sotdi uchun mo’ljallangan ta’rifiga mos keladigan moliyaviy majburiyatlar) bo’yicha ma’lumotlar alohida ochib beriladi. Haqqoniy qiymatidagi o’zgarishlar foyda yoki zararda hisobga olinadigan moliyaviy majburiyatlar bo’yicha, tadbirkorlik sub’ekti boshqa umumlashgan daromadda tan olinadigan summani va foyda yoki zararda tan olinadigan summani alohida ko’rsatishi kerak. - amortizatsiyalangan qiymat bo’yicha baholanadigan moliyaviy majburiyatlar. - amortizatsiyalangan qiymat bo’yicha baholanadigan moliyaviy aktivlar.

- haqqoniy qiymatidagi o’zgarishlar boshqa umumlashgan daromadda hisobga olinadigan moliyaviy aktivlar. (b) amortizatsiyalangan qiymat (effektiv foiz usuli asosida hisoblangan) bo’yicha baholanadigan moliyaviy aktivlar yoki haqqoniy qiymatidagi o’zgarishlari foyda yoki zararda hisobga olinmaydigan moliyaviy majburiyatlar bo’yicha jami foizli daromadlar va jami foizli xarajatlar. (v) quyidagilardan yuzaga keladigan komission daromadlar va xarajatlar (effektiv foiz stavkasini aniqlashda hisobga olingan summalardan tashqari): - amortizatsiyalangan qiymat bo’yicha baholanadigan moliyaviy aktivlar yoki haqqoniy qiymatidagi o’zgarishlari foyda yoki zararda hisobga olinmaydigan moliyaviy majburiyatlar; va - alohida shaxslar, trastlar, pension tizimlar va boshqa tashkilotlar nomidan aktivlarni investitsiya qilish yoki saqlab turishga olib keladigan ishonch va boshqa fidutsiar operatsiyalar. (g) qadrsizlangan moliyaviy aktivlar bo’yicha BHXS 39 “Moliyaviy Instrumentlar: tan olish va baholash”ga muvofiq hisoblangan foizli daromadlar (d) moliyaviy aktivlarning har bir toifasi bo’ycha har qanday qadrsizlanish zararining summasi. Tadbirkorlik sub’ekti umumlashgan daromad to’g’risidagi hisobotda tan olingan va amortizatsiyalangan qiymat bo’yicha baholanadigan moliyaviy aktivlarni hisobdan chiqarishdan yuzaga keladigan foyda yoki zararning tahilini ochib berishi kerak, bunda u ushbu moliyaviy aktivlarning hisobdan chiqarilishidan olingan foyda va zararlarni alohida ko’rsatishi kerak. Ushbu ochib beriladigan ma’lumotlar moliyaviy aktivlarning hisobdan chiqarilishining sabablarini qamrab olishi kerak. BHXS 1 “Moliyaviy hisobotlarni taqdim etish”ga muvofiq, tadbirkorlik sub’ekti muhim hisob siyosatlarning qisqacha bayonida moliyaviy hisobotlarni tayyorlashda foydalanilgan baholash asosini (yoki asoslarini) va moliyaviy hisobotlarni tushunish uchun o’rinli bo’lgan boshqa qo’llanilgan hisob siyosatlarini ochib berishi kerak.

Tadbirkorlik sub’ekti BHXS 39 da tavsiflangan xejlarning har bir turi bo’yicha quyidagilarni alohida ochib berishi kerak (ya’ni, haqqoniy qiymat xejlari, pul oqimlari xejlari, xorijiy bo’linmaga sof investitsiyalar xejlari): (a) har bir turdagi xejning tavsifi; (b) xejlash instrumentlari sifatida belgilangan moliyaviy instrumentlarning tavsifini va ularning hisobot davri oxiridagi haqqoniy qiymatlarini; va (v) xejlangan risklarning xususiyatini. Pul oqimlarining xeji bo’yicha, tadbirkorlik sub’ekti quyidagilarni ochib berishi kerak: (a) pul oqimlari yuzaga kelishi kutilgan davrlar va ushbu pul oqimlari foyda yoki zararga ta’sir etishi kutilgan davrlar; (b) oldin xej hisobi qo’llanilgan, lekin boshqa sodir bo’lishi kutilmaydigan har qanday prognoz qilinadigan operatsiyaning tavsifi; (v) davr mobaynida boshqa umumlashgan daromadda tan olingan summa; (g) davr davomida kapitaldan foyda yoki zararga o’tkazilgan (qayta tasniflangan) summa, bunda umumlashgan daromad to’g’risidagi hisobotning har bir satrda ko’rsatiladigan moddasiga kiritilgan summani alohida ochib bergan holda; va (d) davr davomida kapitaldan chiqarib tashlangan va sotib olinishi yoki sodir bo’lishi xejlangan eqori ehtimolga ega va prognoz qilinadigan operatsiya bo’lgan nomoliyaviy aktivning yoki nomoliyaviy majburiyatning boshlang’ich qiymatiga yoki boshqa balans qiymatiga kiritilgan summa. Tadbirkorlik sub’ekti quyidagilarni alohida ochib berishi kerak: (a) haqqoniy qiymatning xejlarida, quyidagilar bo’yicha foyda yoki zararlarni: - xejlash instrumenti; va - xejlangan riskka tegishli xejlangan modda. (b) pul oqimlarining xeji bo’yicha kelib chiqqan va foyda yoki zararda tan olingan samarasizlik.

(v) xorijiy bo’linmaga sof investitsiyadan kelib chiqqan va foyda yoki zararda tan olingan samarasizlik. Tadbirkorlik sub’ekti, moliyaviy aktivlar va moliyaviy majburiyatlarning har bir turkumi bo’yicha, ushbu aktivlar va majburiyatlar turkumining haqqoniy qiymatini ularning balans qiymati bilan solishtirib bo’ladigan tarzda ochib berishi kerak. Haqqoniy qiymat to’g’risidagi ma’lumotlarni ochib berganda, tadbirkorlik sub’ekti moliyaviy aktivlar va moliyaviy majburiyatlarni turkumlarga guruhlashi kerak, lekin ularning balans qiymatlari moliyaviy holat to’g’risidagi hisobotda o’zaro hisob-kitob qilingan darajadagina ularni o’zaro hisob-kitob qilishi kerak. Ba’zi holatlarda, moliyaviy aktiv yoki moliyaviy majburiyatning haqqoniy qiymati u bilan bir xil aktivning yoki majburiyatning faol bozordagi kotirovka qilinadigan bahosi (ya’ni haqqoniy qiymat ierarxiyasining 1-chi darajasi) bilan tasdiqlanmaganligi yoki faqat kuzatiladigan bozorlardan olingan ma’lumotlar asosidagi baholash usullariga asoslanmaganligi tufayli tadbirkorlik sub’ekti moliyaviy aktiv yoki moliyaviy majburiyatning dastlabki tan olishda foyda yoki zararni tan olmaydi. Bunday holatlarda, tadbirkorlik sub’ekti moliyaviy aktivlar yoki moliyaviy majburiyatlarning turkumlari bo’yicha quyidagilarni ochib berishi kerak: (a) bozor ishtirokchilari mazkur aktiv yoki majburiyatlarning narxini belgilashda hisobga olgan bo’lgan omillarning (shu jumladan, vaqtning) o’zgarishini aks ettirish maqsadida dastlabki tan olishdagi haqqoniy qiymat va operatsiya bahosi o’rtasidagi farqni foyda yoki zararda tan olish bo’yicha hisob siyosatini. (b) davr boshi va oxirida foyda yoki zararda hali tan olinishi kerak bo’lgan umumiy farqni va ushbu farq qoldig’idagi o’zgarishlarning solishtirmasini. (v) tadbirkorlik sub’ekti operatsiya bahosi haqqoniy qiymatning eng yaxshi dalili emas degan xulosaga kelganligining sababini, shu jumladan haqqoniy qiymatni isbotlaydigan dalilning tavsifini.

Haqqoniy qiymat bo’yicha ma’lumotlar quyidagi holatlarda ochib berilishi talab etilmaydi: (a) balans qiymati haqqoniy qiymatning oqilona tahmini bo’lganida, masalan, savdoga oid qisqa muddatli debitorlik qarzlari va kreditorlik qarzlari kabi moliyaviy instrumentlar bo’yicha; (b) ihtiyoriy ishtirok imkonini beradigan xususiyatga ega shartnoma (MHXS 4 da tavsiflangandek) holatida, agar ushbu xususiyatning haqqoniy qiymati ishonchli darajada baholana olmasa. Tadbirkorlik sub’ekti moliyaviy hisobotlardan foydalanuvchilar bunday shartnomalarning balans qiymati va haqqoniy qiymati o’rtasidagi mumkin bo’lgan farqlar summasi to’g’risida o’z mulohazalarini chiqarishi uchun imkon beradigan ma’lumotlarni ochib berishi kerak, shu jumladan: (a) ushbu instrumentlar bo’yicha haqqoniy qiymat ishonchli darajada bahola olinmaganligi tufayli ushbu haqqoniy qiymat ochib berilmaganligi faktini; (b) moliyaviy instrumentlarning tavsifini, ularning balans qiymatini, va haqqoniy qiymat nima sabablarga ko’ra ishonchli darajada baholana olinmaganiligi bo’yicha tushuntirishni; (v) ushbu instrumentlar bo’yicha bozorning mavjudligi to’g’risidagi ma’lumotlar; (g) tadbirkorlik sub’ekti moliyaviy instrumentlarning chiqib ketishini rejalashtirganligi va qanday qilib chiqib ketishini rejalatirayotganini; va (d) agar oldin haqqoniy qiymatini ishonchli baholab bo’lmagan moliyaviy instrumentlar hisobdan chiqarilsa, ushbu hisobdan chiqarish to’g’risidagi fakt, hisob chiqarish paytida instrumentlarning balans qiymati, va tan olingan foyda yoki zarar. Tadbirkorlik sub’ekti moliyaviy hisobotlardan foydalanuvchilarga moliyaviy instrumentlar bo’yicha yuzaga keladigan va tadbirkorlik sub’ekti davr ohirida duchor bo’ladigan risklarning xususiyatini va darajasini baholashga imkon beradigan ma’lumotlarni ochib berishi kerak.

Miqdoriy ma’lumotlar ochib berilganida ularga tegishli sifatiy ma’lumotlarni ham ochib berish foydalanuvchilarga tegishli ma’lumotlarni o’zaro bog’lash va shu tariqa moliyaviy instrumentlardan yuzaga keladigan risklarning xususiyati va darajasi to’g’risida to’liq tasavvurni shakllantirishga yordam beradi. Ochib beriladigan miqdoriy va sifatiy ma’lumotlarning o’zaro bog’liqligi foydalanuvchilarga tadbirkorlik sub’ektining risklarga duchorligini yaxshiroq baholashga imkon beradi. Moliyaviy instrumentlardan yuzaga keladigan riskning har bir turi bo’yicha, tadbirkorlik sub’ekti quyidagilarni ochib berishi kerak: (a) riskka duchorlikni va risklar qanday qilib paydo bo’lishini; (b) risklarni boshqarish maqsadlari, siyosatlari va jarayonlarini hamda riskni baholash uchun qo’llanilgan usullar; va (v) oldingi davrga nisbatan (a) yoki (b) dagi har qanday o’zgarish. Moliyaviy instrumentlardan yuzaga keladigan riskning har bir turi bo’yicha, tadbirkorlik sub’ekti quyidagilarni ochib berishi kerak: - hisobot davrining oxirida ushbu riskka duchorlik bo’yicha yig’ma miqdoriy ma’lumotlar. Ushbu ochib beriladigan ma’lumotlar tadbirkorlik sub’ektining asosiy rahbariyatiga (BHXS 24 “O’zaro bog’liq tomonlar to’g’risidagi ma’lumotlarni ochib berish” da ta’riflangan), masalan, tadbirkorlik sub’ektining boshqaruvi yoki bosh ijrochi direktoriga, taqdim qilinadigan ichki ma’lumotlarga asoslanishi kerak. Agar hisobot davri oxirida ochib berilgan miqdoriy ma’lumotlar tadbirkorlik sub’ektining davr mobaynida risklarga duchorligi bo’yicha to’g’ri tasavvurni bermasa, tadbirkorlik sub’ekti bunday to’g’ri tasavvurni shakllantiradigan qo’shimcha ma’lumotlarni ta’minlashi kerak. Tadbirkorlik sub’ekti moliyaviy instrumentlarning turkumlari bo’yicha quyidagilarni ochib berishi kerak: (a) ushbu tadbirkorlik sub’ektining hisobot davri oxirida kredit riskiga duchorligining maksimal darajasini eng aniq ko’rsatadigan summani, bunda har qanday olingan garov yoki kredit sifatini oshiradigan boshqa mexanizmlar hisobga olinmaydi (masalan BHXS 32 ga muvofiq o’zaro hisob-kitob shartlariga mos

kelmaydigan va sof asosda hisoblashishni ko’zda tutadigan shartnomalar). Bunday ma’lumotlarni ochib berish, agar moliyaviy instrumentning balans qiymati kredit riskiga duchorlikning maksimal darajasini eng aniq qilib ko’rsatadigan bo’lsa, bunday moliyaviy instrumentlar bo’yicha talab etilmaydi. (b) ta’minot sifatida olingan garov va kredit sifatini oshiradigan boshqa mexanizmlarni hamda ularning kredit riskiga duchorlikning maksimal darajasini eng aniq ko’rsatadigan summaga ((a) bandga muvofiq ochib beriladigan summaga yoki moliyaviy instrumentining balans qiymatiga) moliyaviy ta’sirini (masalan, garov va kredit sifatini oshiradigan boshqa mexanizmlar kredit riskini qay darajada pasaytirishi miqdori). (v) muddati o’tgan bo’lib ham qadrsizlangan bo’lib ham hisoblanmaydigan moliyaviy aktivlarning kredit sifati to’g’risida ma’lumotlar. Tadbirkorlik sub’ekti moliyaviy aktivlarning turkumlari bo’yicha quyidagilarni ochib berishi kerak: (a) hisobot davri oxirida muddati o’tgan lekin qadrsizlanmagan moliyaviy aktivlar bo’yicha to’lovlarni kechiktirish muddatlarining tahlili; va (b) hisobot davri oxirida qadrsizlanishi alohida aktiv bo’yicha aniqlangan moliyaviy aktivlarlarning tahlili, shu jumladan tadbirkorlik sub’ekti tomonidan ularning qadrsizlanishi aniqlanganida hisobga olingan omillar. Tadbirkorlik sub’ekti ta’minot sifatida olingan garovni yoki kredit sifatini oshiradigan boshqa mexanizmlarni (masalan, kafolatlarni) o’ndirish orqali moliyaviy yoki nomoliyaviy aktivlarni davr mobaynida olganida hamda bunday aktivlar boshqa MHXSlardagi tan olish mezonlariga mos kelganida, tadbirkorlik sub’ekti hisobot sanasida bunday egalik qilinayotgan aktivlar bo’yicha quyidagilarni ochib berishi kerak: (a) aktivlarning xususiyati va balans qiymati; va (b) aktivlar pul mablag’lariga oson aylantira olinmaganida, bunday aktivlar chiqib ketishi yoki ulardan faoliyat davomida foydalanish bo’yicha ushbu tadbirkorlik sub’ektining siyosatlari. Tadbirkorlik sub’ekti quyidagilarni ochib berishi kerak:

(a) noderivativ moliyaviy majburiyatlar bo’yicha (shu jumladan, chiqarilgan moliyaviy kafolat shartnomalar bo’yicha) so’ndirish muddatlarining tahlili, qaysiki ularning shartnoma bo’yicha qolgan muddatlarini ko’rsatadi. (b) derivativ moliyaviy majburiyatlar bo’yicha so’ndirish muddatlarining tahlili. So’ndirish muddatlarning tahlili pul oqimlari yuzaga kelishi paytini tushunish uchun shartnoma bo’yicha so’ndirish muddatini bilish muhim bo’lgan derivativ moliyaviy majburiyatlarning so’ndirish muddatlarini qamrab olishi kerak. (v) (a) va (b) dagi moliyaviy majburiyatlarga xos likvidlilik darajasi tadbirkorlik sub’ekti tomonidan qay tarzda boshqarilishining tavsifi. Tadbirkorlik sub’ekti yuqoridagi talablarga rioya qilmaganida, u quyidagilarni ochib berishi kerak: (a) tadbirkorlik sub’ekti hisobot davri oxirida duchor bo’lgan bozor riskining har bir turi bo’yicha sezuvchanlik tahlili. Bunda risk darajasi bog’liq bo’lgan tegishli o’zgaruvchan ko’rsatkichning hisobot sanasida oqilona ravishda kutilishi mumkin bo’lgan o’zgarishlari foyda yoki zararga va kapitalga qanday ta’sir qilishi mumkinligini ko’rsatish lozim; (b) sezuvchanlik tahlilini tayyorlashda foydalalanilgan usullar va tahminlar; va (v) foydalalanilgan usullar va tahminlarning oldingi davrga nisbatan o’zgarishi, va bunday o’zgarishlarning sabablari. Tadbirkorlik sub’ekti risk-ostidagi-qiymat kabi sezuvchanlik tahlilini tayyorlaganida, va bunday tahlil risk darajasi bog’liq bo’lgan o’zgaruvchan ko’rsatkichlar (masalan, foiz stavkalari, valyuta kurslari) o’rtasidagi o’zaro bog’liqliklarni aks ettirib, ushbu tadbirkorlik sub’ekti undan moliyaviy risklarni boshqarish uchun foydalanganida, u mazkur sezuvchanlik tahlilidan foydalanishi kerak. Tadbirkorlik sub’ekti, shuningdek, quyidagilarni ochib berishi kerak: (a) bunday sezuvchanlik tahlilini tayyorlashda foydalanilgan usulning tushuntirilishi, hamda taqdim etilgan ma’lumotlarni asoslovchi asosiy ko’rsatkichlar va tahminlar; va

(b) qo’llanilgan usulning maqsadini tushuntirish hamda bunday tahlil bilan bog’liq aktivlar va majburiyatlarning haqqoniy qiymatini to’liq aks ettirmaydigan ma’lumotlar taqdim qilinishiga olib kelishi mumkin bo’lgan cheklovlar. Tadbirkorlik sub’ekti moliyaviy hisobotlardan foydalanuvchilarga quyidagilarga imkon beradigan ma’lumotlarni ochib berishi kerak: (a) o’tkazilgan, lekin to’liq hisobdan chiqarilmagan moliyaviy aktivlar va ular bilan bog’liq majburiyatlar o’rtasidagi bog’liqlikni tushunishga; va (b) hisobdan chiqarilgan moliyaviy aktivlarda tadbirkorlik sub’ektining davom qilayotgan ishtirok darajasi xususiyatini va bu ishtirok bilan bog’liq risklarni baholashga. Tadbirkorlik sub’ekti o’tkazilgan moliyaviy aktivda davom qilayotgan ishtirok darajasiga ega deb hisoblanadi, agar tadbirkorlik sub’ekti, o’tkazishning bir qismi sifatida, o’tkazilgan moliyaviy aktivga tegishli har qanday shartnomaviy huquqlarni yoki majburiyatlarni saqlab qolsa yoki o’tkazilgan moliyaviy aktivga tegishli har qanday yangi shartnomaviy huquqlarni yoki majburiyatlarni olsa, quyidagilar davom qilayotgan ishtirok darajasini anglatmaydi: (a) firibgarlik bilan amalga oshirilgan o’tkazishlarga nisbatan odatiy bildirishlar va kafolatlar hamda o’tkazishni sud jarayoni natijasida bekor qilishi mumkin bo’lgan asoslanganlik, holis niyatlar, operatsiyalarni halol amalga oshirish kabi tushunchalar; (b) o’tkazilgan moliyaviy aktivni qayta sotib olish bo’yicha forvard, optsion va boshqa shartnomalar, bunda shartnomaning bahosi (yoki operatsiyani amalga oshirish bahosi) bo’lib o’tkazilgan moliyaviy aktivning haqqoniy qiymati xizmat qilganida; yoki (v) tadbirkorlik sub’ekti shartnoma bo’yicha moliyaviy aktivdan pul oqimlarini olish huquqlarini saqlab qoladigan, lekin bir yoki undan ortiq tadbirkorlik sub’ektlariga ushbu pul oqimlarini to’lash majburiyatini oladigan, hamda bunda MHXS 9dagi shartlar bajariladigan kelishuv.

Tadbirkorlik sub’ekti moliyaviy aktivlarni shunday o’tkazishi mumkinki, bunda o’tkazilgan moliyaviy aktivlarning butun yoki qandaydir qismi uni hisobdan chiqarish shartlariga mos kelmasligi mumkin. Tadbirkorlik sub’ekti o’tkazilgan, lekin to’liq hisobdan chiqarilmagan moliyaviy aktivlarning xar bir turkumi bo’yicha har hisobot sanasida quyidagilarni ochib berishi kerak: (a) o’tkazilgan aktivlarning xususiyatini, (b) tadbirkorlik sub’ekti duchor bo’lgan va egalik huquqi bilan bog’liq bo’lgan risklar va mukofotlarning xususiyatini, (v) o’tkazilgan aktivlar va ular bilan bog’liq bo’lgan majburiyatlar o’rtasidagi bog’liqlik xususiyatining tavsifi, shu jumladan hisobot beradigan tadbirkorlik sub’ekti o’tkazilgan aktivlardan foydalanishining cheklovlarini, (g) bog’liq bo’lgan majburiyatlar bo’yicha shartnoma tomoni (tomonlari) faqat o’tkazilgan aktivlarga da’vo qilishi mumkin bo’lganda, o’tkazilgan aktivlarning haqqoniy qiymatlarni aks ettiradigan jadval, bog’liq bo’lgan majburiyatlarning haqqoniy qiymatini va sof pozitsiyani (o’tkazilgan aktivlar va ular bilan bog’liq bo’lgan majburiyatlarning haqqoniy qiymatlari o’rtasidagi farqni). (d) tadbirkorlik sub’ekti barcha o’tkazilgan aktivlarni tan olishni davom qilganida, u o’tkazilgan aktivlarning va ular bilan bog’liq majburiyatlarning balans qiymatlarini. (e) tadbirkorlik sub’ekti uning davom qilayotgan ishtiroki darajasida aktivlarni tan olishni davom qilganida aktivlarning o’tkazishdan oldingi jami balans qiymatini, aktivlarning tadbirkorlik sub’ekti tomonidan tan olinishi davom qilayotgan balans qiymatini hamda ular bilan bog’liq majburiyatlarning balans qiymatini. Tadbirkorlik sub’ekti moliyaviy aktivlarni butunligicha hisobdan chiqarganida, lekin ularda davom qiladigan ishtirok darajasini saqlab qolganida, tadbirkorlik sub’ekti davom qilayotgan ishtirokning har bir turi bo’yicha kamida quyidagilarni har hisobot sanasida ochib berishi kerak:

(a) tadbirkorlik sub’ektining moliyaviy holat to’g’risidagi hisobotida tan olingan va uning hisobdan chiqarilgan moliyaviy aktivlarda davom qilayotgan ishtirok darajasini aks ettiradigan aktivlar va majburiyatlarning balans qiymatlarini, hamda ushbu aktivlar va majburiyatlarning balans qiymatlari tan olingan (hisobotning) satr moddalarini. (b) tadbirkorlik sub’ektining hisobdan chiqarilgan moliyaviy aktivlarda davom qilayotgan ishtirokini aks ettiradigan aktivlar va majburiyatlarning haqqoniy qiymatini. (v) tadbirkorlik sub’ektining hisobdan chiqarilgan moliyaviy aktivlarda davom qilayotgan ishtirokidan olinadigan maksimal zararni eng aniq qo’rsatadigan summani, va ushbu maksimal zarar summasi qanday qilib aniqlanganligi ko’rsatadigan ma’lumotlarni. (g) o’tkazilgan va hisobdan chiqarilgan moliyaviy aktivlarni qayta sotib olish uchun talab qilinishi mumkin bo’lgan yoki talab etiladigan diskontlanmagan pul chiqimlarini (masalan, optsion shartnomasida strayk-narxni) yoki o’tkazilgan aktivlar bo’yicha o’tkazilayotgan tomonga to’lanishi lozim bo’lga boshqa summalarni. Agar pul chiqimi o’zgaruvchan ko’rsatkich bo’lsa, ochib beriladigan summa har hisobot sanasida mavjud bo’lgan shart-sharoitlarga asoslanishi kerak. (d) o’tkazilgan va hisobdan chiqarilgan moliyaviy aktivlarni qayta sotib olish uchun talab qilinishi mumkin bo’lgan yoki talab etiladigan diskontlanmagan pul chiqimlari yoki o’tkazilgan aktivlar bo’yicha o’tkazilayotgan tomonga to’lanishi lozim bo’lgan boshqa summalar bo’yicha so’ndirish muddatlarining tahlili, bunda tadbirkorlik sub’ektining bu aktivlarda davom qilayotgan ishtirok darajasi bo’yicha qolgan so’ndirish muddatini alohida ko’rsatgan holda. (e) (a)–(d) bandlarda talab etilgan miqdoriy ma’lumotlarni tushuntiradigan va asoslaydigan sifatiy ma’lumotlar. Tadbirkorlik sub’ekti muayyan hisobdan chiqarilgan moliyaviy aktivda birdan ortiq davom qilayotgan ishtirok darajasining turiga ega bo’lganida, u aktiv bo’yicha talab etilgan ma’lumotlarni umumlashtirishi va ularni davom qilayotgan ishtirok darajasining bir turi bo’yicha aks ettirishi mumkin.

Bundan tashqari, tadbirkorlik sub’ekti davom qilayotgan ishtirok darajasining har bir turi bo’yicha quyidagilarni ochib berishi kerak: (a) aktivlar o’tkazilishi sanasida tan olingan foyda yoki zararni. (b) hisobdan chiqarilgan moliyaviy aktivlarda tadbirkorlik sub’ektining davom qilayotgan ishtirokidan hisobot davrida va jamg’arilgan holda tan olingan daromadlar va xarajatlarni (masalan, derivativ instrumentlar haqqoniy qiymatining o’zgarishlari). (v) agar (hisobdan chiqarish shartlariga javob beradigan) aktivlarni o’tkazish operatsiyalardan hisobot davridagi jami tushimlarning summasi hisobot davri davomida bir tekis taqsimlangan bo’lmasa (masalan, o’tkazish bo’yicha operatsiyaning jami summasining katta qismi hisobot davrining yopilishi kunlariga to’g’ri kelsa), quyidagilarni ochib berishi kerak: - ushbu hisobot davri davomida o’tkazish bo’yicha eng katta operatsiyaning sodir bo’lishi paytini (masalan, hisobot davri oxiridan besh kun avval), - hisobot davrining o’sha qismida o’tkazish bo’yicha operatsiyadan tan olingan summani (masalan, tegishli foyda yoki zararlarni), va - hisobot davrining o’sha qismida o’tkazish bo’yicha operatsiyadan jami tushimlar summasini. Tadbirkorlik sub’ekti ushbu ma’lumotlarni umumlashgan daromad to’g’risidagi hisobot taqdim qilinadigan har bir davr uchun ta’minlashi kerak. Tayanch so’zlar Moliyaviy instrument - bu bir tashkilotning moliyaviy aktivini va boshqa tashkilotning moliyaviy majburiyati yoki ulushli instrumentini ko’payishiga olib keladigan shartnomadir. Moliyaviy aktiv – shunday aktivki, bunda u: (a) pul mablag’idir;

(b) boshqa tashkilotning ulushli instrumentidir; Moliyaviy majburiyat – shunday majburiyatki, bunda u: (a) quyidagilar bo’yicha shartnomaviy majburiyatdir: - boshqa tashkilotga pul mablag’i yoki boshqa moliyaviy aktivni yetkazib berish; yoki - tashkilot uchun potentsial noqulay bo’lgan shartlarda boshqa tashkilot bilan moliyaviy aktivlarni yoki moliyaviy majburiyatlarni ayirboshlash; yoki (b) tashkilotning o’z ulushli instrumentlari bilan hisob-kitob qilinadigan yoki qilinishi mumkin bo’lgan shartnoma va u: - shunday noderivativdirki, bunda u bo’yicha tashkilotga o’z ulushli instrumentlarining o’zgaruvchan miqdorini qabul qilish majburiyati yuklatiladi yoki yuklatilishi mumkin; yoki - derivativdir, qaysiki tashkilotning o’z ulushli instrumentlarining qat’iy belgilangan miqdoriga qat’iy belgilangan pul mablag’lari summasini yoki boshqa moliyaviy aktivni almashishdan tashqari boshqa usulda hisob-kitob qilinadi yoki qilinishi mumkin. Ulushli instrument - bu tashkilotning barcha majburiyatlari chegirilgandan so’ng uning aktividagi qoldiq ulushni tasdiqlovchi har qanday shartnomadir. Haqqoniy qiymat - bu baholash sanasida bozor ishtirokchilari o’rtasidagi odatdagi operatsiyada aktivni sotishda olinishi mumkin bo’lgan yoki majburiyatni o’tkazishda to’lanishi mumkin bo’lgan narxdir (MHXS 13 “Haqqoniy qiymatni baholash” ga qarang). Qayta sotiladigan (qayta sotish huquqini beradigan) instrument - bu moliyaviy instrument egasiga uni emitentga pul mablag’iga yoki boshqa moliyaviy aktivga qayta sotish huquqini beradigan, yoki noaniq kelgusi hodisa sodir bo’lganda yoki instrument egasining vafoti yoki nafaqaga chiqishi bilan emitentga avtomatik tarzda qayta sotiladigan moliyaviy instrumentdir. Derivativ instrument – bu moliyaviy aktiv:

(a) qiymati foiz stavkasining, qimmatli qog’ozlar kursi, tovarlar narxi, valyuta kursi, narx indeksi yoki kredit reytingining stavkasi o’zgarishi natijasida o’zgaradigan; (b) xarid qilish uchun hech qanday boshlang’ich investitsiya yoki boshqa shartnomalarga nisbatan salmoqli bo’lmagan boshlang’ich investitsiyalarni talab etadigan va uning kursi moliya kon’yunkturasining o’zgarishigi bog’liq bo’lgan instrumentlar; (v) ularni to’lash kelgusida amalga oshiriladigan

Adabiyotlar 1. Xalqaro moliyaviy hisobot standartlari asosida banklarda buxgalteriya hisobi. O‘quv qo‘llanma. Hammuallif – T.: “MOLIYa”, 2010 – 272 b. 2. M.Bonham.Generally accepted accounting practice under IFRS. Ernst & Young. USA, 2010. 3. Buxgalteriya hisobining xalqaro standartlari. Tarjima. A. Rizaqulov, B.Xasanov, A.Usanov, Z.Mamatov. T.: - 2004. 4. Jalolova D. Buxgalteriya hisobining xalqaro standartlari - T.: Moliya instituti, 2004. - 25 b. 5. Mejdunarodnie standarti buxgalterskogo ucheta. I tom. - Tashkent, 2000. 6. Mejdunarodnie standarti buxgalterskogo ucheta. II tom. - Tashkent, 2000.

O'xshashlar

Tushumlarni hisobga oluvchi standartlarining tavsifi

Baholashni hisobga oluvchi standartlarining tavsifi

Nomoliyaviy aktivlarni hisobga oluvchi standartlarining tavsifi

Nomoliyaviy majburiyatlarni hisobga oluvchi standartlarining tavsifi

Konsolidatsiyalash asoslarini hisobga oluvchi standartlarining tavsifi