Moliyaviy barqarorlik tahlili - Iqtisodiyot - Referatlar

Moliyaviy barqarorlik tahlili

Yuklangan vaqt:

18.08.2023

Ko'chirishlar soni:

0

Hajmi:

838.16015625 KB

Ko'chirib olish

Mavzu: Moliyaviy barqarorlik tahlili Reja: 1. Moliyaviy barqarorlikning tahlili. 2. Moliyaviy koeffitsiyentlar tahlili. 3. Korxonaning to’lov qobiliyati tahlili. 1

Moliyaviy holat barqarorligini tahlili orqali ma’lum davr mobaynida moliyaviy resurslarni korxona qanday boshqarganligiga baho beriladi. Avvalo, moliyaviy resurslar holati bozor va korxona rivojlanishining talablariga mos kelishi kerak, chunki moliyaviy barqarorlikni talab darajasidan past bo’lishi korxonani to’lovga qobilligini zaiflashtiradi, ishlab chiqarishni rivojlanishi uchun mablag’lar yetishmasligiga olib keladi. Buning aksi bo’lgan holatlarda esa moliyaviy resurslarni ortiqchaligi ishlab chiqarishni rivojlanishiga to’sqinlik qiladi, ishlab chiqarish zaxiralari va rezervlarini me’yordan ortib ketishiga sabab bo’ladi, demak, moliyaviy resurslarni samarali shakllanishi, taqsimlanishi va ulardan foydalanishi moliyaviy barqarorlik mohiyatini ifodalaydi. Iqtisodiy adabiyotlarning ko’pchiligida moliyaviy mustahkamlikka (barqarorlikka) va balans likvidligiga bir xil ta’rif berishadi va aniqlanayotgan ko’rsatkichni moliyaviy mustahkamlik yoki balans likvidligi, ya’ni korxonalarning olingan qarzlarni qaytarib berish qobiliyatiga egalik deb tushuniladi. Moliyaviy mustahkamlik va balans likvidligi – bu o’z mazmuniga ega bo’lgan ikki xil moliyaviy ko’rsatkichlar bo’lib, korxonalar moliyaviy faoliyatini har xil nuqtayi nazardan ifodalaydi. Bu haqda respublikamizning eng yirik iqtisodchi olimlaridan biri E. Akromovning «Korxonalarning moliyaviy holatini tahlili» deb nomlangan o’quv qo’llanmasida shunday deyiladi: Moliyaviy mustahkamlik ko’rsatkichi kompleks sifatidagi ko’rsatkich bo’lib, u: Korxonalarning murakkab bozor munosabatlari davrida ishlab chiqarishni saqlanib qolish imkoniyatini; Korxona mablag’laridan erkin ravishda foydalanish imkoniyati borligini; Ishlab chiqarishni to’xtatmasdan, mahsulot sotish imkoniyati borligini; Korxonalar faoliyatining umumiy mustahkamliligini; Korxonalar faoliyatiga to’g’ri boshqaruchilik qilinayotganligini; Korxonalarda mavjud moliyaviy resurslarni bozor munosabatlarining talablariga javob berishligini; 2

Korxonalarning zaxira va xarajatlarga bo’lgan ehtiyojlarini qoplovchi manbalar borligi darajasini ko’rsatadi. Moliyaviy mustahkamlik korxonalar moliyaviy resurslarining shakllanishi va ulardan foydalanish bilan aniqlanadi. Korxonaning moliyaviy barqarorligiga korxonalarning butun xo’jalik ishlab chiqarish faoliyatining hamma yo’nalishlari ta’sir ko’rsatadi. Unga ham ichki, ham tashqi omillar, shart-sharoitlar ta’sir etadi. Ichki omillar sifatida quyidagilarni ko’rsatish mumkin: korxonada ishlab chiqarishning barqarorligi; ishlab chiqarishni tashkil qilish; ishlab chiqarishni boshqarish; korxona ustav jamg’armasining hajmi; korxona xarajatlari va daromadlarining nisbati; o’zlik mablag’larining manbalari va korxona majburiyatlarining nisbati; korxona aylanma mablag’lari tarkibi. Korxonalar o’z faoliyati davomida boshqa xo’jalik subyektlari bilan iqtisodiy aloqalarda bo’lar ekan, korxonalar moliyaviy barqarorligiga tashqi omillar ham ta’sir etadi. Bunday omillar tarkibiga quyidagilarni kiritish mumkin: korxonaning tovarlar bozoridagi holati; korxonaning eksport va import aloqalari; korxonaning boshqa korxonalar bilan ishga doir aloqalarda aktivligi; bank organlari, debitor va kreditor korxonalar bilan aloqalar; respublikada amalga oshirilayotgan iqtisodiy siyosat, soliq, narxnavo va moliya, bank siyosati, texnika, texnologiya siyosati. Moliyaviy mustahkamlikka korxona ichidagi va undan tashqaridagi vaziyat, omillar, shart-sharoitlar ta’sir ko’rsatadi, bundan ko’rinadiki, moliyaviy mustahkamlikning darajasi korxonalarning hozirgi va kelgusidagi faoliyatiga katta ta’sir ko’rsatadi. Yuqoridagi fikr-muloha zalardan kelib chiqib talabalar oldiga shunday muammoli savolni qo’yish mumkin. Korxonaning moliyaviy mustahkamlik (barqarorlik) ko’rsatkichlarining darajasiga binoan, korxonadagi qanday 3

muammolarni yechish mumkin bo’ladi? Bu savolga talabalarning munosabat qanday? Moliyaviy mustahkamlik bir qancha omillar, shart-sharoitlar ta’sirining yakuni bo’lib, u o’z navbatida, korxona faoliyatining ko’p tomonlariga ta’sirini ko’rsatadi. Moliyaviy mustahkamlik tahlilini boshlamasdan oldin yana bir muammoni hal qilish lozim. Bu moliyaviy mustahkamlik atamasining mazmuni haqidagi muammodir. Ushbu muammoli savolni yechish maqsadida quyida iqtisodchi olimlarning fikrlari bilan tanishish lozim. Moliyaviy mustahkamlikning mazmuni shundan iboratki, moliyaviy mustahkamlikni o’lchash, baholash uchun foydalaniladigan ko’rsatkichlar tizimini chegaralab olish lozim. Bunga ko’ra, V. G. Artemenko, M. V. Bellendirlarning fikricha moliyaviy mustahkamlik korxona moliyaviy resurslarini shakllanish, taqsimlanish va foydalanish samaradorligini ifodalaydi. Ma’lumki, korxonalar moliyaviy resurslarining shakllanish, taqsimlanish va foydalanish samaradorligi ularning umuman moliyaviy holati bo’lsa, moliyaviy mustahkamligi korxonalar faoliyatini faqat bir shaklini, yo’nalishini ifodalaydi. A. D. Sheremet, R. S. Sayfulinlarning fikricha moliyaviy mustahkamlik va to’lashga qodirlik bir mazmunga ega bo’lib, to’lashga qodirlik moliyaviy mustahkamlikning tashqari ko’rinishini ifodalaydi deb ta’kidlanadi. A. N. Li va S. I. Shevchenkolar ham xuddi shu fikrga ega. Ular o’z maqolalarida moliyaviy mustahkamlik koeffitsiyentining tahlili to’g’risida to’xtalib, to’lashga qodirlik ko’rsatkichini tahlil etganlar. Haqiqatda moliyaviy mustahkamlik va to’lashga qodirlik har xil mazmunga ega bo’lib, bu moliyaviy ko’rsatkichlar turli usulda aniqlanadi. Undan tashqari A.N. Li va S. I. Shevchenkolar moliyaviy mustahkamlikni moliyaviy barqarorlik deb qabul qilishgan. Bu ham bizning fikrimizcha notug’ri. Moliyaviy barqarorlik bu – korxonalarning moliyaviy holatini zaruriy bir xil darajada turishini, pasaymasligini ifodalaydi. Moliyaviy mustahkamlik to’g’risida gap borar ekan, yana ikkita narsaga e’tibor berish lozim. Bu moliyaviy mustahkamlikning kriteriyasi va moliyaviy mustahkamlikni ifodalovchi ko’rsatkichlar tizimi. A. N. Li va S. I. Shevchenkolarning fikricha, moliyaviy mustahkamlikning kriteriyasi 4

aniqlanishi lozim va bu kriteriya sifatida korxonalarning bankrot bo’lishi ehtimolligining past darajasi tavsiya etiladi. Bizningcha esa, avvalambor, moliyaviy mustahkamlikning darajasiga binoan korxonalarning bankrot bo’lish ehtimolligi aniqlanilmaydi. Moliyaviy ko’rsatkichlarni, shu jumladan, moliyaviy mustahkamlik bo’yicha ham kriteriyalar emas, optimal yoki me’yoriy darajalari tasdiqlanishi kerak. Iqtisodiy adabiyotlarda moliyaviy mustahkamlik darajasini o’lchash uchun har xil ko’rsatkich tizimlari tavsiya etiladi. A. N. Li va S.I. Shevchenkolar moliyaviy mustahkamlikni aniqlash uchun korxona kapitalining tarkibiy ko’rsatkichlari, V. G. Artemenko va M. V. Bellendirlar esa moliyaviy mustahkamlikni tahlil etishda nisbiy ko’rsatkichlar bilan birga absolut ko’rsatkichlardan ham foydalanishgan. Moliyaviy mustahkamlik albatta, nisbiy ko’rsatkichlar, zaxiralar va xarajatlar hamda ularni qoplovchi manbalar nisbati bilan aniqlanishi lozim. Zaxira va xarajatlar bilan ularni qoplovchi manbalar o’rtasidagi absolut farq esa – moliyaviy mustahkamlikni ko’rsatmaydi. Ulardan faqat moliyaviy mustahkamlikni aniqlash uchun axborot bazasi sifatida foydalaniladi. Shunday qilib, iqtisodiy adabiyotlarda moliyaviy mustahkamlikni tahlil qilishdagi eng asosiy muammo, uning iqtisodiy mazmuni bo’yicha iqtisodchi olimlar o’rtasida kelishuvchanlik hali mavjud emas ekan. Moliyaviy barqarorlik keng qamrovli ko’rsatkich bo’lib, korxona faoliyatining barcha tomonlari natijasi unda aks etadi. Moliyaviy barqarorlikka erishgan korxonalar quyidagi xususiyatlarga ega bo’ladi: - bozor munosabatlarini har xil sharoitlarida ham faoliyat yurita olishi; - korxona pul mablag’larini erkin harakat qilishi; -moliyaviy resurslarni bozor talablariga mos kelishi; -moliyaviy resurslar holati ishlab chiqarishni rivojlantirish va to’lov qobiliyati, kreditga layoqatligini ta’minlay olishi; -ishlab chiqarish zaxiralari va xarajatlarini manbalar bilan qoplanishi. Iqtisodiyotga oid adabiyotlarda moliyaviy barqarorlikka taalluqli ko’rsatkichlar, ularni hisoblash yo’llari va tahlili yetarlicha yoritilmagan. 5

Moliyaviy barqarorlik mazmun jihatidan turlicha ta’riflanadi. To’lov qobiliyati, balans likvidligi, korxonani bozor faolligi ko’rsatkichlari, moliyaviy barqarorlik ko’rsatkichlari sifatida ko’rilishi mutlaqo noto’g’ri. Tahlil davomida moliyaviy barqarorlikka ta’sir etuvchi ichki va tashqi omillarga e’tiborni qaratmoq lozim. Ichki omillarga quyidagilarni kiritish mumkin. - korxona faoliyatini tarmoq xususiyatiga mos kelishi; -ishlab chiqarilayotgan mahsulot, ko’rsatilayotgan xizmat tuzilishi (strukturasi); - ustav kapitaliga to’langan miqdor hajmi; - xarajatlar miqdori, ularni daromadlarga nisbati dinamikasi; - mol-mulk va moliyaviy resurslar holati, shu jumladan, zaxira va rezervlar, ular tarkibi va tuzilishi. Tashqi omillarga xo’jalikni yuritishning iqtisodiy shartlari, to’lovga qodirlik, xaridorlarning daromadlik darajasi, davlatning soliq va kredit bo’yicha siyosati, tashqi iqtisodiy aloqalar va boshqalar kiradi. Umumiy barqarorlik chegarasini yuqori yoki past bo’lishi turli xil sabablarga bog’liq (-chizmaga qarang). - «Barqarorlik zaxirasi» - bir necha yillar davomida shakllangan moliyaviy zaxiralar miqdori tasodifiy va keskin tashqi kutilmagan o’zgarishlarni oldini olishga qaratilgan. - texnik – iqtisodiy barqarorlik – investitsiya loyihalari samaradorligi, texnika bilan qurollanish darajasi, ishlab chiqarish, mehnat, boshqaruvni tashkillashtirish; pul oqimlarini harakati tufayli foydaga erishishni ifodalaydi. - moliyaviy barqarorlik – daromadni xarajatlarga nisbatan va resurslar 6

holatini yuqori bo’lishi, pul mablag’larining erkin harakatini ta’minlaydi, mablag’lardan samarali foydalanish ishlab chiqarish uzluksizligi, uni kengaytirish va yangilanishi uchun zamin yaratadi. Moliyaviy barqarorlik o’z va chetdan jalb etilgan kapitallar nisbati, joriy, investitsiya va moliyaviy faoliyat tufayli o’z kapitali jamg’armasini o’sish darajasi, harakatchan va immobilizatsiya qilingan resurslar nisbati, zaxiralarni o’z mablag’lari manbayi bilan ta’minlanishini ifodalaydi. Demak, moliyaviy barqarorlik moliyaviy resurslar holati birinchidan, bozor talabiga mos kelishi, ikkinchidan, ishlab chiqarishni rivojlanishini ta’minlashi lozim. Moliyaviy barqarorlik tuzilishini quyidagicha ifodalash mumkin -joriy – konkret (aniq) davr mobaynidagi moliyaviy barqarorlik; -imkon – tashqi sharoit o’zgarishini hisobga olgan holdagi moliyaviy barqarorlik; -yuzaki – davlat tomonidan qo’llab-quvvatlanadigan, chetdan beriladigan yordam tufayli moliyaviy barqarorlik; -real – raqobat sharoitida kengaygan takror ishlab chiqarish imkoniyatlarini hisobga olgan holdagi moliyaviy barqarorlik. Professional so’z boyligida «moliyaviy barqarorlik» terminini ishlatilishi bir xil ma’noni anglatmaydi. Chet el iqtisodiy adabiyotlari va jahon amaliyotida «moliyaviy barqarorlik» so’zini ifodalanishidagi farqlanish korxona balansi tahliliga ikki xildagi yondoshish, ya’ni balans likvidligini an’anaviy va zamonaviy funksional usullarini qo’llash orqali yuzaga keladi. Moliyaviy barqarorlikni balans likvidligi tahlilining an’anaviy usuli orqali aniqlash quyidagilarni o’z ichiga oladi: 7

- minimal moliyaviy tenglik qoidasi – ijobiy likvidlikka asoslangan bo’lib, bunda joriy aktivlar likvidligining o’sishi majburiyatlarga nisbatan yuqori bo’lishi shart; - maksimal qarzdorlik qoidasi – an’anaviy me’yorlarga muvofiq korxona qarzini o’z mablag’lari bilan qoplanish chegarasi: uzoq va o’rta muddatli qarzlar doimiy kapitalning yarmidan yuqori bo’lmasligi lozim. - maksimal moliyalashtirish qoidasi – oldingi qoidaga rioya qilingan holda qarz kapitali barcha qo’yilmalar uchun to’lanadigan foiz summalaridan ortib ketmasligi lozim. - Funksional balans likvidligini tahlili orqali moliyaviy barqarorlik quyidagi shartlarga rioya qilgan holda aniqlanadi: - moliyaviy muvozanatni saqlanishi uchun stabil resurslar – doimiy kapital va unga tenglashtirilgan mablag’lar stabil joylashtirilgan aktivlarni 100 % qoplashi lozim. Nisbatni 100 % dan past bo’lishi stabil joylashgan mablag’lar stabilga ega bo’lmagan resurslar bilan, ya’ni qisqa muddatli majburiyatlar shaklida moliyalashtirilganligini ifodalaydi. Oborot aktivlariga bo’lgan talab qisqa muddatli moliyalashtirish tufayli hisobot davri mobaynida o’zgarib turadi va bu o’zgarishlar quyidagilarga olib keladi: -oborot aktivlarini ortiqcha ta’minlanishiga, buning natijasida vaqtinchalik erkin harakatdagi oborot mablag’lari vujudga keladi; -oborot aktivlari bilan yetarli darajada ta’min etilmasligiga, buning natijasida chetdan qarz mablag’larini jalb etilishiga; - umumiy qarzdorlikni baholash – chetdan jalb etilgan qarz mablag’lari o’z mablag’lariga nisbat ko’rinishidagi ifodasidir. 8

Amaldagi iqtisodiy fan o’z tasarrufida moliyaviy ko’rsatkichlarni tahlil etishning ko’plab usullari va uslublarini jamlagan. Ular bozor munosabatlari sharoitida tahlil oldiga qo’yilgan yangi talablar tufayli o’zgarib boradi. Korxona moliyaviy barqarorligini tahlil etishning usullari chizmada keltirilgan. Korxona faoliyati murakkab tizim va tizilmalardan iborat bo’lib, shu tufayli uning barqarorligini baholash kompleks tarzda yondoshgan holda moliyaviy barqarorlik ko’rsatkichlari tizimidan foydalanish kerak. Ko’rsatkichlar ikki guruhga bo’linadi: mutlaq, nisbiy. Moliyaviy barqarorlikni mutlaq ko’rsatkichlar ishtirokida aniqlash uchun ishlab chiqarish zaxiralarini uni tashkil etuvchi manbalari, ya’ni o’z aylanma mablag’lari, bankdan olingan uzoq muddatli va qisqa muddatli kredit va qarzlar summalari bilan taqqoslanadi. Nisbiy ko’rsatkichlar foiz, koeffitsiyent, indekslar ko’rinishida ifodalanadi. Iqtisodiyotni modernizatsiya qilish sharoitida moliyaviy barqarorlik va to’lovga qobiliyatlilik korxonaning muhim iqtisodiy ko’rsatkichi hisoblanadi. Moliyaviy barqarorlik balansdagi ma’lumotlar asosida o’rganiladi. Undagi ko’rsatkichlarni bir-biri bilan taqqoslab, mablag’lar o’rtasidagi nisbat va o’zaro bog’lanish aniqlanadi. Korxonaning moliyaviy barqarorligini belgilovchi eng muhim ko’rsatkichlar quyidagilardan iboratdir: 9

1. Jami mablag’dagi korxonaning o’ziga qarashli mablag’ ulushini qanchaligini hisoblashdir yoki bu quyidagi tartibda topiladi: a) korxonaning o’ziga qarashli mablag’/jami mablag’ (balans jami) Bunda o’ziga qarashli mablag’ qanchalik ko’p bo’lsa, shunchalik moliyaviy barqarorlik yuqori bo’ladi. 2. Korxonadagi o’ziga qarashli mablag’ bilan qarzga olingan mablag’lar o’rtasidagi nisbat yoki bu quyidagi tartibda topiladi: b) qarzga olingan mablag’/o’ziga qarashli mablag’ O’ziga qarashli mablag’ ulushi ortgan sari moliyaviy barqarorlik kuchayib boradi. 3. Uzoq muddatli qarzlardan foydalanish koeffitsiyenti, ya’ni uzoq muddatli qarz mablag’larini korxonaning o’ziga qarashli va qarz mablag’lar summasining yig’indisiga bo’linadi yoki bu quyidagi tartibda aniqlanadi: d) uzoq muddatga olingan qarz mablag’/korxonaning o’ziga+uzoq muddatga olingan qarashli mablag’ qarz mablag’ 4. Korxonaning o’ziga qarashli mablag’larning chaqqon harakatchanlik koeffitsiyenti quyidagicha topiladi: e) o’ziga qarashli aylanma mablag’ o’ziga qarashli jami mablag’ 5. Eskirishning jamlanish koeffitsiyenti yoki bu quyidagicha topiladi: f) asosiy vositalarning eskirish summasi asosiy vositalar + nomaterial aktiv Bu ko’rsatkich balans ma’lumotlari bo’yicha topiladi: 6. Korxona mulki tarkibidagi asosiy vositalarning aniq qiymati koeffitsiyenti, bu ko’rsatkich balans ma’lumotlari asosida hisoblanadi va quyidagicha topiladi: j) asosiy vositalar (qoldiq bahoda) jami sof mulk 7. Korxonadagi jami mulkning harakatchanligi (chaqqonlik) koeffitsiyenti, buni hisoblash quyidagicha bo’ladi: k) aylanma mablag’lar (zaxira va pul mablag’lari) jami mulk (balans jami) Yuqorida keltirilgan ko’rsatkichlarni tahlil qilish korxonaning moliyaviy barqarorligini aniqlash va uning ahvolini baholashga yordam beradi. 10

Moliyaviy koeffitsiyentlar tahlili Korxonaning iqtisodiy salohiyati va undan foydalanish to’g’risida to’liq xulosa chiqarish uchun, albatta, ko’rsatkichlar tizimidan foydalanish lozim, ammo, ko’rsatkichlar sonining ko’pligi yoki ozligiga qarab o’rganilayotgan obyekt yoki kategoriyani baholash uchun yetarli yoki kam degan xulosa chiqarib bo’lmaydi. Shu tufayli ko’rsatkichlardan to’g’ri va oqilona foydalanish yo’llarini ishlab chiqish lozim. Ko’rsatkichlar to’g’risida to’g’ri xulosa chiqarish uchun, eng avvalo ularni ilmiy asoslangan holda tasniflash lozim. Xo’jalik yurituvchi subyektlarning moliyaviy holatini baholashda koeffitsiyentlardan foydalanish muhim ahamiyatga ega. Ayniqsa, moliyaviy koeffitsiyentlar orqali moliyaviy holatining ma’lum bir jihatlariga baho berish imkoni yuzaga keladi. Respublikamizdagi xo’jalik yurituvchi subyektlar amaliyotida eng ko’p qo’llaniladigan moliyaviy koeffitsiyentlarni quyidagi jadval misolida tahlil qilib chiqamiz. Yuqoridagi jadval ma’lumotlariga ko’ra, xo’jalik subyektining moliyaviy ahvoliga to’g’ri baho berish uchun buxgalteriya balansiga asoslangan holda moliyaviy koeffitsiyentlardan foydalanamiz. Shunga ko’ra, korxonaning moliyaviy mustaqillik koeffitsiyenti yil boshiga nisbatan 0,176 koeffitsiyentga yoki 17,6 % ga o’sgan. To’lov qobiliyati koeffitsiyenti yil boshiga nisbatan 2,162 koeffitsiyentga o’sgan. Mazkur koeffitsiyentlarning bunday tartibda o’zgarishi korxonaning moliyaviy holatini joriy yil boshiga nisbatan yil oxirida birmuncha yaxshilanib 11

borayotganligidan dalolat beradi. Bundan tashqari korxonada majburiyatlarning o’z mablag’lariga nisbatan ulushini pasayganligini ham ijobiy baholamoq lozim, ya’ni bu korxonaning majburiyatlarini qisqarganligidan dalolatdir. Mablag’lar harakatchanligi esa yil boshiga nisbatan yil oxirida 0,127 koeffitsiyentga o’sgan. Bu esa korxonada aylanma mablag’larga bo’lgan talabni yanada to’laroq qondirib borish imkonini beradi. Umuman olganda korxona ma’lumotlari asosida uning moliyaviy koeffitsiyentlari o’rganilganda, ushbu koeffitsiyentlarning o’zgarishi ijobiy bo’lgan. 12

Adabiyotlar ro’yxati 1.O’zbekiston Respublikasi Konstitutsiyasi. – T.: O’zbekiston, 1992. – 46-b. 2.O’zbekiston Respublikasining «Yer kodeksi». – T.: 1998-yil. 30-aprel. 3.O’zbekiston Respublikasining «Xususiy korxona to’g’risida»gi 2003- yil 11- dekabrdagi Qonuni // Soliq va bojxona xabarlari, 2004-yil 10-fevral, 6- son. 4.O’zbekiston Respublikasining «Xo’jalik jamiyatlari va qishloq xo’jaligi kooperativlari (shirkatlari) to’g’risida»gi Qonuni, 1998-yil 30-aprel. 5.O’zbekiston Respublikasining «Kichik va xususiy tadbirkorlikni rivojlantirishni rag’batlantirish to’g’risida»gi Qonuni, 1996-yil 26-aprel. 6.O’zbekiston Respublikasining «Mulkchilik to’g’risida»gi Qonuni, 1990- yil 31- oktyabr. 7.O’zbekiston Respublikasining «Davlat tasarrufidan chiqarish va xususiylashtirish to’g’risida»gi Qonuni, O’zbekiston Respublikasi: qonunlar va farmonlar. – T.: O’zbekiston. 1992.-383-b. 8.O’zbekiston Respublikasining «Tadbirkorlik to’g’risida»gi Qonuni, 1991- yil 15- fevral. 9.O’zbekiston Respublikasining «Fermer xo’jaligi to’g’risida»gi Qonuni, 1998-yil 30-aprel. 10. O’zbekiston Respublikasining «Dehqon xo’jaliklari to’g’risida»gi Qonuni, 1998-yil 30-aprel. 13

O'xshashlar

Moliyaviy barqarorlik tahlili

Moliyaviy barqarorlik tahlili

Korxona moliyaviy holatining tahlili

Moliyaviy barqarorlik tahlilning mazmuni maqsadi va vazifalari

Moliyaviy barqarorlik va uning tiplari - mutlaq va me’yoriy barqarorlik, nobarqaror va inqirozli holatlar