Milliy iqtisodiyotning raqobatbardoshlik omillari va uni oshirish strategiyasi - Iqtisodiyot - Referatlar

Milliy iqtisodiyotning raqobatbardoshlik omillari va uni oshirish strategiyasi

Yuklangan vaqt:

20.09.2019

Ko'chirishlar soni:

0

Hajmi:

174 KB

Ko'chirib olish

Milliy iqtisodiyotning raqobatbardoshlik omillari va uni oshirish strategiyasi Reja: 1. Milliy iqtisodiyot raqobatbardoshligining davlat tomonidan tartibga solinishi 2. Milliy iqtisodiyotning raqobat ustunliklarini ng shakllanishi milliy iqtisodiyotda raqobatning muhitini shakllantirishning institusional asoslari 4. Milliy iqtisodiyot barqaror rivojlanishining muvaffaqiyatli strategiyasi

Davlatning asosiy vazifasi - resurslardan foydalanish samaradorligiga, shuningdek, davlat boshqaruvining samaradorligiga erishishdan iborat. Buning uchun esa sog‘lom raqobat muhitini yaratish zarur. Raqobat muhitini shakllantirish va milliy iqtisodiyotning raqobatbardoshligini oshirish vazifasi davlatning tartibga soluvchi funksiyalari alohida ahamiyat kasb etadi. Sog‘lom raqobat muhitini shakllantirishning davlat tomonidan tartibga solinishi respublika bozorlarida raqobatni rivojlantirish uchun zarur tashkiliyhuquqiy va iqtisodiy sharoitlarni yaratish, bozorlarning monopollashtirishga urinishlarga yo‘l qo‘ymaslik, bozor iqtisodiyoti talablariga javob beruvchi monopoliyaga qarshi tartibga solish mexanizmlarini takomillashtirish, shuningdek, iste’molchilar huquqlarini himoyalash chora- tadbirlarini o‘z ichiga oladi. Monopoliyaga qarshi siyosatni amalga oshirish mas’uliyati O‘zbekiston Respublikasi Monopoliyadan chiqarish va raqobatni rivojlantirish Davlat qo‘mitasining zimmasiga yuklatilgan bo‘lib, uning asosiy vazifalari quyidagilardan iborat: - respublikada sog‘lom raqobat muhitini yaratish uchun zarur tashkiliy, iqtisodiy va moliyaviy shart-sharoitlarni, mustahkam huquqiy bazani shakllantiruvchi va muvofiqlashtiruvchi markaz funksiyalarini amalga oshirish; - insofsiz raqobatchilar tomonidan tovar va moliya bozorlarini, birinchi navbatda, iste’mol tovarlari bozorlarini monopollashtirish yuzasidan har qanday urinishlarning oldini olish, ularni cheklash va ularga barham berish; - monopoliyaga qarshi qonunchilik hujjatlariga rioya qilinishi, shuningdek, o‘z vakolati doirasida tabiiy monopoliyalar sub’ektlari faoliyati ustidan nazoratni amalga oshirish; - iste’mol tovarlari narxlari monitoringini o‘tkazish, iste’molchilar huquqlarini himoya qilish jamiyatlari bilan birgalikda narxlarning asossiz ravishda o‘sib ketishiga, ichki bozorda sifatsiz iste’mol tovarlari sotilishi va xizmatlar ko`rsatilishiga olib keluvchi insofsiz raqobatning oldini olish chora-tadbirlarini ko‘rish.

Davlat tomonidan tartibga solish tizimini shakllantirishning asosiy tamoyilini o‘zgartirish - bozor iqtisodiyotiga o‘tishning asosiy dastlabki shartlaridan biri hisoblanadi. O‘tish bosqichida mazkur tizim ikkita hal qiluvchi tendensiya bilan tavsiflanadi. Bir tomondan, iqtisodiy jarayonlarning davlat tomonidan tartibga solinishi bu yerda keng qamrovli xususiyatni yo‘qotadi. Iqtisodiyotga davlatning aralashuvi darajasi pasayadi. Ikkinchi tomondan, davlat tomonidan tartibga solish shakllari va usullarining o‘zgarishi yuz beradi. Bozorga o‘tish bosqichida davlat tomonidan tartibga solishning roli shakllangan bozor xo‘jaligidagiga qaraganda katta ahamiyatga ega. Bunga ikkita asosiy sabab bor. Birinchidan, o‘tish bosqichida bozor shakllanish bosqichida bo‘ladi va uning tartibga soluvchi imkoniyatlari unchalik yuqori emas, bu davlatning iqtisodiy jarayonlarga jadal aralashuvi zaruratini belgilab beradi. Ikkinchidan, rejali xo‘jalikdan bozorga o‘tish avtomatik tarzda va stixiyali kechadi. Davlat o`tish jarayonini tartibga solishga, bozor infratuzilmasining barpo etilishini rag‘batlantirishga, uning normal faoliyat ko‘rsatishi uchun sharoitlar yaratishga da’vat etilgan. Davlatning iqtisodiyotdagi roli uning funksiyalarida muayyanlashadi. Davlatning o‘tish iqtisodiyotidagi barcha funksiyalari bozor munosabatlarini shakllantirish va rivojlantirish bilan bog‘liq. Ushbu bog‘liqlikning hususiyatiga qarab davlatning tartibga soluvchi funksiyalarining ikkita guruhini ajratish mumkin. Birinchidan, bu bozorning samarali faoliyat ko‘rsatishi uchun shart- sharoitlar yaratish funksiyasi. Ikkinchidan, bu bozorning o‘z tartibga soluvchilarini ta’sirini to‘ldirish va unga tuzatishlar kiritish. Birinchi guruhga bozor xo‘jaligi faoliyat ko‘rsatishining huquqiy bazasini ta’minlash funksiyasi hamda bozor muhitida asosiy harakatlantiruvchi kuch sifatida raqobatni rag‘batlantirish va himoyalash funksiyasi kiradi. Ikkinchi guruhga esa daromadlarni qayta taqsimlash, resurslarni taqsimlashga tuzatishlar kiritish, iqtisodiy barqarorlikni ta’minlash va iqtisodiy o‘sishni rag‘batlantirish funksiyalari kiradi.

Yuqorida sanab o‘tilgan funksiyalar o‘tish iqtisodiyoti uchun ham, rivojlangan bozor iqtisodiyoti uchun ham xos xususiyatdir, biroq bozorga o‘tish bosqichida ushbu funksiyalarning har birining amalga oshirilishi qator xususiyatlar bilan tavsiflanadi. Agar shakllangan bozor xo‘jaligida iqtisodiyot faoliyat ko‘rsatishining huquqiy bazasini ta’minlash asosan amaldagi xo‘jalik to‘g‘risidagi qonun hujjatlarining qo‘llanilishini nazorat qilish va unga qisman tuzatishlarni kiritish yo‘li bilan amalga oshirilsa, o‘tish bosqichida esa xo‘jalik yuritishning butun huquqiy bazasini yangidan tashkil etish talab etiladi. O‘tish davridagi iqtisodiyotga xos bo‘lgan raqobatning rivojlanmaganligi va bozorni monopollashtirishning haddan ziyod yuqori darajasi tufayli mazkur funksiyani amalga oshirish bu yerda o‘ta muhim ahamiyat kasb etadi. Hozirgi zamonda davlat - milliy iqtisodiyotning raqobatbardoshligini oshirish siyosati bilan shug‘ullanishi mumkin va lozim bo‘lgan yagona institutdir. Makro va mikrodarajadagi raqobatbardoshlik ajratiladi. Milliy raqobatbardoshlikni mutaxassislar aholi turmush darajasini oshirishda va xalqaro iqtisodiy andozalarga amal qilishda milliy iqtisodiyotning boshqa mamlakatlarda ishlab chiqariladigan tovarlar va xizmatlar bilan raqobat sharoitida tovarlar va xizmatlarni ishlab chiqarish hamda iste’mol qilish qobiliyati sifatida ta’riflashadi. Mikrodarajadagi raqobatbardoshlik omillarning ikkita guruhi bilan aniqlanadi: milliy kompaniyalarning rivojlanish darajasi, shuningdek, makroiqtisodiy biznesmuhitning sifati bilan. Forum ma’ruzasining mualliflari firmalar darajasidagi raqobatbardoshlikni to‘rtta asosiy omil bilan bog‘laydilar: resurslar, tashqi raqobat, talab, tarmoqlararo aloqalar. Bunda firma ichidagi menejment, marketing, harakat strategiyasi («tadbirkorlik muhitining sifati») ham muhim hisoblanadi. Jahon iqtisodiy forumining ma’lumotlariga asoslangan hisob-kitoblar shuni ko‘rsatmoqdaki, tadbirkorlik muhitining omillari umuman mamlakatlar bo‘yicha iqtisodiy o‘sish dinamikasiga eng katta ta’sir ko‘rsatdi (60 foiz) 1 . 1 Кудров В. За высокую конкурентоспособность. « Мировая экономика и международние отношения » , №2, 2002.

Janubi-Sharqiy Osiyo YaSM (yangi sanoatlashgan mamlakatlari)ning tajribasi shuni ko‘rsatmoqdaki, ularning jadal iqtisodiy o`sishining muhim shartlaridan biri bo‘lib aynan davlat - biznes aloqasining mavjudligi hisoblanadi. M.Porterning ta’kidlashicha, firmalarning raqobat jihatdan ustunliklari va mamlakatning iqtisodiy o‘sishi darajasi o‘rtasida bog‘liqlik mavjud. Tadbirkorlik muhiti tomonidan raqobatbardoshlikning eng muhim omillari bo‘lib quyidagilar hisoblanadi: ichki bozorda raqobatning jadalligi, axborot infratuzilmasining rivojlanishi, talab hususiyatlarining murakkablashuvi va ichki taklifning miqdor va sifat bo‘yicha talabga mosligi. Raqobatbardoshlik ko‘rsatkichlari va bozor institutlarini shakllantirish hamda rivojlantirish jarayonlari bo‘yicha orqada qolish O‘zbekistonda ham kuzatilmoqda. Bunga barham berishda innovatsion tadbirkorlikni tashkil etish va rivojlantirishga davlat tomonidan ko‘rsatiladigan ko‘mak asosiy rolni o‘ynashi mumkin. Resurslar va daromadlarga bo‘lgan mulkchilikning nodavlat huquqlari institutini rivojlantirish uchun davlat har xil ma’muriy, byurokratik. to‘siqlarga barham berish ishlarini kuchaytirish lozim, bu mayda va o‘rta biznesni shakllantirish va rivojlantirish yo‘lidagi byurokratik renta hajmini qisqartirish, tadbirkor insonlar muammolari va qiyinchiliklariga katta e’tibor qaratish, zarur moliyaviy va axborot muhitini yaratishni anglatadi. Aksariyat rivojlanayotgan davlatlardagi kabi respublikamizda ham hukumat tomonidan o‘rnatiladigan firmalarning bozorga kirib borishiga ruxsat berish va unda chiqish qoidalari ichki raqobat uchun asosiy institusional to‘siq hisoblanadi. Hukumatning me’yordan ortiq va qimmat turuvchi qoidalari ham korrupsiyaga ko‘maklashadi va resurslarni taqsimlash sohasida noqulay oqibatlarga olib keladi, chunki ular xodimlar va firmani norasmiy bozor sohasiga o‘tishga yoki mamlakatdan chiqib ketishga majbur qiladi. Uning o‘rniga bozorlarda raqobatni rivojlantirish zarur, bu uning barcha ishtirokchilari uchun imkoniyatlar tengligiga erishishga ko‘maklashadi. Davlat iqtisodiy o‘sish uchun mas’uliyatni to‘g‘ridan-to‘g‘ri o‘z zimmasiga olmasligi kerak - bu biznesning ishi. Davlat faqat xususiy investisiyaga ko‘maklashadi. Davlat yordami o‘zini o‘zi moliyalash asosida yoki loyihalarni

amalga oshirish uchun biznesning javobgarligini nazarda tutuvchi boshqa shakllarda nisbatan katta bo‘lmagan miqdorda ko‘rsatiladi. Bunda moliyaviy yordam faqat har yili Rossiya korxonalarida ishlab chiqarilgan yuzlab eng yaxshi mahsulotni tanlab oluvchi tanlov singari oshkora tashkil etilgan tanlovda g‘olib chiqqan da’vogarlarga ko‘rsatilishi kerak. Milliy iqtisodiyotning raqobatbardoshligini oshirish vazifalarini hal etish uchun uzoq muddatli rejada, jahon tajribasi ko‘rsatib turganidek, kadrlarni tayyorlash va ular malakasini oshirishga, bilimlarni baham ko‘rish va ITTKIni qo‘llab-quvvatlashga hamda infratuzilmani rivojlantirishga investisiyalar davlat tomonidan tartibga solishning eng samarali choralari hisoblanadi. Shu bilan birga, davlat siyosatida ustuvor yo‘nalishlarni tanlab olish juda muhim. XX asrning 50-60-yillaridan farqli o‘laroq davlat hozirgi sharoitda rivojlanishning uzoq muddatli ustuvor yo`nalishlarini o‘zi belgilay olmaydi - tashqi muhitning ta’siri juda katta. Ustuvor yo‘nalishlarni bozor shakllantiradi, davlatning vazifasi esa rivojlanishning bunday ustuvor yo‘nalishlarini tezroq aniqlashga ko‘maklashishdan iborat. Buni faqat biznes va o‘z mintaqalarining rivojlanishidan manfaatdor bo‘lgan mahalliy hokimiyatlar timsolida iqtisodiy agentlar bilan o‘zaro hamkorlikda hal etishi mumkin. Biroq bunday o‘zaro hamkorlik faqat ustuvor yo‘nalishlarni tanlash bilan chegaralanmasligi, balki tegishli ustuvor yo‘nalishlar bo‘yicha muayyan loyihalarni amalga oshirish doirasida davom ettirilishi lozim, chunki iqtisodiy agentlar birgalikda markaziy hukumatga qaraganda kattaroq hajmdagi resurslarga ega. Buning uchun o‘zaro hamkorlik qilish va loyihalarni birgalikda qo‘llab- quvvatlash mexanizmlari va vositalarini ishlab chiqish talab etiladi. 2. Milliy iqtisodiyotning raqobat ustunliklarini shakllanishi Har qanday mamlakatda ichki bozorda raqobatning mavjudligi bozor xo‘jaligi muvaffaqiyatli faoliyat ko‘rsatishining asosiy ko‘rsatkichi hisoblanadi, jahonning ko‘plab mamlakatlarida, shu jumladan, o‘tish iqtisodiyotiga ega bo‘lgan mamlakatlarda raqobat to‘g‘risida qonunlarning qabul qilinganligi va mazkur

masalalar bilan shug‘ullanuvchi milliy tashkilotlarning tashkil etilganligi ushbu holatni tasdiqlab turibdi. Xususan O‘zbekistonda Monopoliyadan chiqarish va raqobatni rivojlantirish davlat qo‘mitasi (Monopoliyaga qarshi qo‘mita) tashkil etilgan bo‘lib, uning faoliyati respublika iqtisodiyotida raqobat muhitini yaratish, mulkchilikning turli shakllaridagi korxonalar va firmalar, shu jumladan, mulkchilikning turli shakllaridagi korxonalar va firmalar xo`jalik faoliyatini yuritish uchun teng raqobat imkoniyatlarini barpo etishga yo‘naltirilgan. Milliy iqtisodiyotning raqobatbardoshligi - bu iqtisodiyotning muhim ko‘rsatkichlari holatini tashqi parametrlarga nisbatan yalpi baholashni o‘zida mujassam etgan qiyosiy tavsif hisoblanadi, shu sababli milliy iqtisodiyotning raqobatbardoshligi xalqaro raqobatda namoyon bo‘ladi. Iqtisodiyotning raqobatbardoshligi namoyon bo‘lishning ko‘p darajali shakllariga ega: - tovarning raqobatbardoshligi; - xodimning raqobatbardoshligi; - tovar ishlab chiqaruvchisining raqobatbardoshligi; - tarmoqning raqobatbardoshligi; - mamlakatning raqobatbardoshligi (yoki milliy iqtisodiyotning raqobatbardoshligi). Bunda raqobatbardoshlikning barcha darajalari o‘rtasida jips ichki va tashqi o‘zaro bog‘liqlik mavjud. Mamlakat va tarmoqning raqobatbardoshligi pirovardida muayyan tovar ishlab chiqaruvchining raqobatbardosh tovar ishlab chiqarish qobiliyatiga bog‘liq. Raqobatbardoshlikni barpo etish va rivojlantirishning M.Porter konsepsiyasiga asoslangan zamonaviy modeli mamlakatning umumiy xususiyatga ega bo‘lgan va unda ishlab chiqaruvchilar raqobatlashadigan raqobat muhitini shakllantiruvchi to‘rtta xususiyatidan iborat. Ushbu muhit raqobat ustunliklarini shakllantirishga ko‘maklashishi ham yoki unga to‘sqinlik qilishi ham mumkin.

chizma Mamlakatning raqobat jihatdan ustunliklari determinantlari 2 Mamlakat raqobat ustunliklariga erishishi uchun barcha ushbu determinantlar o‘zaro hamkorlik qilishi lozim (M.Porterning ta’riflashicha - milliy romb). Faqatgina o‘zaro hamkorlik qiluvchi va bir-birini kuchaytiruvchi determinantlarning butun tizimi bo‘yicha ustunlik milliy iqtisodiyotda milliy ishlab chiqaruvchilarning muvaffaqiyati uchun zamin hisoblangan va undan xorijiy raqobatchilar nusxa ko‘chirishi yoki uni yo‘q qilishi qiyin bo‘lgan (yohud hatto mumkin bo`lmagan) muhitni shakllantiradi. Agar «Omillar uchun shart-sharoitlar» determinantini ko‘rib chiqadigan bo‘lsak, shuni ta’kidlash lozimki, ishlab chiqarish omillari nazariyasi bo‘yicha tovar aylanishining oqimi ishlab chiqarishning mehnat, yer, tabiiy resurslar, sarmoya, infratuzilma kabi omillarini belgilab beradi. Xususan, mamlakat jahon bozoriga ularni ishlab chiqarishning ortiqcha omillariga asoslangan tovarlarni yetkazib beradi. Biroq zamonaviy rivojlangan milliy iqtisodiyotning tarkibiy qismi hisoblangan texnologik jihatdan murakkab tarmoqlarda mamlakat yuqori malakali ishchi kuchi yoki sanoat ishlab chiqarishning ilmiy-texnika bazasi kabi ishlab chiqarishning eng muhim omillari shakllantiriladi. Jahon iqtisodiyoti rivojlanishining hozirgi bosqichida mamlakatda ishlab chiqarishning u yoki bu omillarining mavjudligi milliy iqtisodiyotni rivojlantirish uchun hal qiluvchi rol o‘ynamaydi. Jahon iqtisodiyotidagi tendensiyalarni, jumladan, globallashuv, 2 Портер М. Конкуренция.: Пер. с англ. - М.: Издательский дом "Вильямс", 2002. С . 176. Barqa ror strategiya, Strategiya va raqobatchilik Omillar uchun shart - sharoitlar Talab hajmi Turdosh va qo’llab - quvvatlovchi tarmoqlar

yuqori axborotlashuv va hokazolarni hisobga olgan holda ishlab chiqarish omillarini shakllantirish va yangilashning tezligi va samaradorligi hamda iqtisodiyotning ma’lum tarmoqlarida oqilona qo‘llash muhim ahamiyat kasb etmoqda. Shuni ta’kidlash lozimki, mamlakat ega bo‘lgan mehnat resurslari yoki tabiiy resurslar kabi qiyosiy ustunliklar sanoatning ko‘p ilm talab qiluvchi tarmoqlarida ustunlikni ta’minlamaydi.Shu munosabat bilan ishlab chiqarish omili mazkur tarmoqning muayyan talabiga nisbatan yuqori darajada ixtisoslashgan bo‘lishi kerak, chunki zamonaviy xalqaro raqobatda ishlab chiqarishning tayanch omili raqobat jihatdan ustunlikni ta’minlamaydi, Masalan,O‘zbekistondamehnat resurslari - ishlab chiqarishning ortiqcha hajmli, boshqacha aytganda, tayanch omili, mehnat resurslari tarkibida oliy ma’lumotga ega bo‘lgan ishchi kuchining ortiq bo`lishi respublika raqobat jihatdan ustunlikka ega bo‘lishining asosi hisoblanmaydi. Mamlakat faqat ishlab chiqarish omillarini shakllantirish uchun foydali bo‘lgan ishlab chiqarish tarmoqlarida muvaffaqiyatga erishishi mumkin. Biroq ishlab chiqarishning ortiqcha hajmli omilining mavjud bo‘lishi innovatsiya uchun qo‘lga kiritilgan raqobat jihatdan ustunlikni shakllantirish uchun asos bo‘lishi mumkin, chunki resurslarning yetishmasligi ular qiymatining yuqori bo‘lishiga olib keladi. Aynan ushbu holat ishlab chiqarish harajatlarini pasaytirish maqsadida texnika yangiliklari va innovatsiyalarni joriy etish uchun asos bo‘lishi mumkin, buning natijasida kompaniyalar, tarmoqlar va umuman milliy iqtisodiyotning yuqori darajadagi raqobatbardoshligiga erishiladi. Bunda faqat ma’lum bir shartlarga amal qilish, birinchidan, innovatsiyalarni xorijiy raqobatchilardan oldin joriy etishni rag‘batlantirish lozim. Masalan, ishchi kuchi yetishmagan holarda - mehnat unumdorligini oshirish, ishchi kuchi ortiqcha bo‘lgan hollarda undan ekstensiv, ya’ni past qiymat hisobidan foydalaniladi. Ikkinchidan, faol raqobat muhiti bo‘lishi kerak. Raqobatchilar tomonidan bosim o‘tkazilishi xarajatlarni pasaytirish yo‘llarini qidirishga va mahsulot raqobatbardoshligining oshishiga olib keladi. Uchinchidan, kompaniyalar va

umuman tarmoq rivojlanishiga investisiyalarni rag‘batlantirish, bu doimiy texnologik yangilanishga va innovasiyalarning joriy etilishiga olib keladi. To‘rtinchidan, ichki bozorda talabning bozordan xolisona axborot olinishni ta’minlovchi tegishli holati bo‘lishi kerak. Milliy iqtisodiyotning «Barqaror strategiya, tuzilma va raqobatchilik» sifatida belgilangan raqobat jihatdan ustunligini shakllantirishning eng muhim omilini ko‘rib chiqamiz.Demak, mamlakatda kompaniyani tashkil etish va boshqarish tendensiyalariga ta’sir ko‘rsatuvchi ma’lum sharoitlarning mavjudligi ham ichki raqobatning xususiyatini belgilab beradi. Agar, jahon tajribasidan kelib chiqadigan bo‘lsak, (so‘nggi o‘n yil mobaynida boshqaruvning yaponcha usulidan keng foydalanilayotgan bo‘lsada) kompaniyani boshqarishning universal tizimi mavjud emas.Mazkur holatda tarmoqning raqobatbardoshligi aynan ushbu mamlakat uchun va raqobat jihatdan ustunliklardan kelib chiqib ishlab chiqarishning ma’lum tarmog`i uchun yuzaga kelgan boshqaruv amaliyoti hamda tashkil etish modellarini uyg‘unlashtirishning natijasi sifatida ishtirok etadi. Ta’kidlash joizki, raqobat jihatdan ustunliklarni shakllantirish uchun mehnatga va xodimlarning kasbiy ko‘nikmalarini oshirishga shaxsiy qiziqtirish ham muhim rol o‘ynaydi. So‘nggi o‘n yilliklar iqtisodiy amaliyoti shuni isbotlamoqdaki, buyuk iqtidor va qobiliyat sohiblari millat uchun eng katta va ahamiyatli resurs hisoblanadi, chunki mamlakat erishayotgan yutuqlar ko‘p jihatdan ushbu iqtidor sohiblari tanlaydigan ta’limning darajasi va xiliga, qayerda ishlashni afzal ko‘rishiga, ularning ishlashiga va harakat qilishiga bog‘liq. Shuning uchun mamlakatlar insonlar nuqtai nazaridan nufuzli yoki undan milliy qahramonlar yetishib chiqadigan iqtisodiy faoliyatni raqobatbardosh qilishga intiladi. Shunday qilib, sanoatning muayyan tarmoqlarining raqobatbardoshligiga ta’sir etish maqsadida davlat sanoatning ma’lum tarmoqlarini nufuz doirasi bilan ajratib olishi hamda boyliklarni alohida fuqarolar va kompaniyalarga taklif etishi maqsadga muvofiq, bu, o‘z navbatida, sarmoya va inson resurslarini harakatga keltiradi. Misol uchun, xalqaro darajadagi muvaffaqiyat sanoatning muayyan

tarmog‘ini nufuzli qilishi va uning raqobat jihatdan ustunliklarini kuchaytirishi mumkin. Kuchli mahalliy raqobat ustunliklarini shakllantirish va qo‘llab-quvvatlashga undovchi muhim omil hisoblanadi. Mamlakatning barcha raqobat ustunliklari ichida ichki bozordagi raqobat eng muhim hisoblanadi, chunki u yuqorida keltirilgan rombning qolgan elementlariga kuchli rag`batlantiruvchi ta’sirga ega. Ichki raqobat ishlab chiqarishning dinamik takomillashuvini rag‘batlantiradi, chunki u kompaniyani texnika yangiliklarini kiritishga va takomillashishga majbur qiladi. Aynan mamlakatdagi raqobatchilar narxlarni pasaytiradi, sifatni va xizmat ko‘rsatishni yaxshilaydi va yangi mahsulotni barpo etadi. Xorijiy kompaniyalar bilan raqobatlashish mamlakat kompaniyalari uchun unchalik samarali va amaliy emas, chunki ko‘pincha har qanday mamlakat iqtisodiyotida chet el kompaniyalari uchun "alohida" sharoitlar yaratiladi. U holda mamlakat kompaniyalarining raqobati nafaqat bozorni bo‘lish uchun, balki insonlar va texnik takomillashuv uchun ham kurashishga olib keladi, shuningdek, mamlakat kompaniyalaridan birining yutuqlari boshqalariga mazkur sohadagi muvaffaqiyat haqiqat ekanligini isbotlaydi, bu hol sanoatning ushbu tarmog‘iga yangi ishtirokchilarning jalb etilishiga olib keladi. Shuni ta’kidlash lozimki, mamlakat kompaniyalarini geografik nuqtai nazardan jamlash faqat ichki raqobatni kuchaytiradi, ya’ni mahalliy raqobatchilar doirasi qanchalik tor bo‘lsa ular o‘rtasidagi raqobat shunchalik keskin bo‘ladi, bu esa, o‘z navbatida, ishlab chiqarish uchun ijobiy holat hisoblanadi. Mamlakat kompaniyalari mamlakatning raqobat jihatdan ustunliklari manbalarini doimiy ravishda takomillashtirish uchun asos yaratadi, chunki mahalliy kompaniyalar uchun xorijiy raqobatchilar ega bo‘lgan ustunliklar: omiliy xarajatlar, mahalliy bozorga kirib borish yoki mahalliy bozorga import qiluvchi xorijiy ishlab chiqaruvchilar uchun xarajatlar mavjud emas. Natijada ushbu holat ko‘proq barqaror ustunliklarga ega bo‘ladigan va hukumatdan tashqi bozorni o‘zlashtirishdagi ko‘mak, ma’lum ta’lim tuzilmalariga investisiyalar yoki boshqa

maxsus omillar kabi yordamni olishga katta mas’uliyat bilan yondashuvchi kompaniyaga ijobiy ta’sir ko‘rsatadi. Shunday qilib, aynan juda kuchli ichki raqobat mamlakat kompaniyalarini jahon bozoriga chiqish va uni o‘zlashtirishga undaydi, modomiki, mahalliy raqobat kompaniyani o‘z e’tiborini tashqi bozorga qaratish hamda o‘z faoliyatining samaradorligini va ishlab chiqarish rentabelligini oshirishga majbur etadi. Aynan qat’iy ichki raqobat mamlakat kompaniyalarining kuchli va chet el bozorlarida muvaffaqiyatga erishishga qodir bo‘lishiga olib keladi. Milliy iqtisodiyotning raqobat jihatdan ustunliklarining navbatdagi muhim determinanti bo‘lib mamlakatda jahon iqtisodiyoti darajasida raqobatbardosh bo‘lgan turdosh va qo‘llab-quvvatlovchi tarmoqlarning mavjud bo‘lishi hisoblanadi. Asosiy ishlab chiqarish uchun material va mahsulot yetkazib beruvchi kompaniyalar xalqaro miqyosda raqobatbardosh bo‘lishi kerak, shunda ular, birinchidan, xarajatlar nuqtai nazaridan yanada samarali ishlab chiqarish omillarini ta’minlagan holda ustunliklarni hosil qiladi. Ikkinchidan, turdosh va qo‘llab-quvvatlovchi tarmoqlar innovasiya va ishlab chiqarishni modernizasiyalashni ta’minlaydi, chunki mazkur ustunlik kompaniyalar o‘rtasida axborotning tez va doimiy oqimini ta’minlash, g‘oyalar va innovasiyalar bilan almashish, texnik takomillashuv yo‘nalishlariga ta’sir ko‘rsatish imkoniyatlariga asoslanadi. Shuni ta’kidlash kerakki, yetkazib beruvchi kompaniyalar mamlakat sanoatiga to‘liq bog‘liq bo‘lishi va xorijiy raqobatchilarga xizmat ko‘rsatmasligi maqsadga muvofiq. Ushbu holatda raqobat jihatdan ustunliklarni qo‘lga kiritish uchun mamlakat sanoatining barcha yetkazib beruvchi tarmoqlarida raqobatbardosh bo‘lmasligi mumkin, ya’ni kompaniyalar innovatsiyalar yoki tarmoq mahsulotini tayyorlashga salbiy oqibatlarsiz xorijiy materiallar yoki texnologiyalardan foydalanishi mumkin. Shunday qilib, sanoatning turdosh tarmoqlari guruhi har biri jahon darajasida raqobatbardosh bo‘lgan o`zaro bog‘liq tarmoqlar uchun raqobat jihatdan ustunliklarni yaratadi. Tabiiyki, bunday hamkorlik o‘zaro foydali bo`ladi, chunki

bunga joylashuvdagi geografik yaqinlik ham yordam beradi, shuningdek, ishlab chiqaruvchi kompaniyalar va yetkazib beruvchi kompaniyalar o‘zaro bog‘langan. Bundan tashqari, turdosh tarmoqlar ichidagi raqobat axborot hamda innovasiyalarni joriy etish va ishlab chiqarishni modernizasiyalashni jadallashtiruvchi texnik almashuvdagi ustunlikni ta’minlaydi. «Talab holati» determinantiga kelsak, shuni ta’kidlash joizki, raqobatni globallashtirish jarayoni milliy iqtisodiyot ichki talabining muhimligi roli va darajasini oshirdi. Biroq ushbu holatda ularning ichki talabi kompaniyalarga xaridorlar ehtiyojlarining yuzaga kelishi haqidagi aniq yoki ilgarigi axborotni ta’minlovchi tarmoqlarda raqobat jihatdan ustunlikka ega bo‘lishi mumkin.Shunday qilib, iste’molchilar kompaniyani innovatsiyani joriy etishga va raqobat jihatdan ustunliklarni xorijiy raqobatchilarga qaraganda tezroq qo‘lga kiritishga majbur qiladi. Bunda asosiysi ichki talabning hajmi emas, balki uning xususiyati muhim hisoblanadi. Ta’kidlash joizki, ichki talabning holati tarmoqning muayyan segmenti ichki bozorda tashqi bozorlardagiga qaraganda ko‘zga ko‘rinarli bo`lgan sharoitda raqobat jihatdan ustunliklarni yaratishning asosi bo‘lishi mumkin, modomiki, ichki bozorning yirik segmenti kompaniya uchun ancha ustuvorli. Bundan tashqari, ichki bozor iste’molchilarining mohiyati ham muhim hisoblanadi, chunki rivojlangan va talabchan xaridorlar kompaniyalarni yuqori standartni ushlab turish, takomillashish va yangiliklarni joriy etishga majbur etgan holda ular uchun buyurtmachilar ehtiyojlarini oldindan ko`ra olishni ta’minlaydi. Shunday qilib, ishlab chiqarish omillari uchun shartsharoitlar kabi talabning holati ham raqobat jihatdan ustunliklarni ta’minlaydi, chunki u kompaniyalarga ishlab chiqarishni yaxshilash, xarajatlarni pasaytirish va mahsulot sifatini oshirish uchun turtki beradi. Jahon iqtisodiyotining rivojlanishi turli bosqichlarda iqtisodiyot raqobatbardoshligining turli omillarini dastlabki o‘ringa chiqaradi. Iqtisodiyotning u yoki bu tarixiy davrda raqobatbardoshligini belgilab beruvchi u yoki bu omillarning ta’siriga ko‘ra quyidagi bosqichlarni ajratish mumkin:

- omillar bosqichi; - investitsiyalar bosqichi; - innovatsiyalar bosqichi. Omillar bosqichida mamlakatning barcha raqobatbardosh tarmoqlari ishlab chiqarishning asosiy omillari: tabiiy resurslar, arzon ishchi kuchi va mamlakatning mavqei va hududi bilan belgilanadigan foydalar hisobidan o‘z mavqelariga erishadi. Raqobat jihatdan ustunliklar omillarning qiymati bilan belgilanadi, bunda texnologik rivojlanish ko‘pincha chet eldan xarid qilish yo‘li bilan keltirilgan texnologiyalarga asoslanadi. Raqobatbardoshlikning yanada yuqori bosqichi - bu investitsiyalar asosidagi raqobatbardoshlik. Ushbu bosqichda mamlakatlarning raqobat jihatdan ustunliklari faol investisiya siyosatiga asoslanadi. Bunda ham texnologik rivojlanish chetdan keltirilgan texnologiyalarga asoslanadi, biroq bu o‘zlashtirish birinchi bosqichdagi kabi passiv hisoblanmaydi. Firmalar eng yaxshi texnologiyalar, litsenziya, nou-xauga investitsiya qilishadi, bunda texnologiyalar mamlakat ichida doimiy ravishda takomillashib boradi. Iqtisodiyot ichida sarmoyaning kuchli safarbar qilinishi sodir bo‘ladi, kapital qo‘yilmalarning o‘sishi omillarning takomillashuviga (infratuzilmaning rivojlanishiga, mehnat resurslari sifatining oshishiga) olib keladi, shu bilan birga, u ularning qimmatlashuvini ham keltirib chiqaradi. Rivojlanishning eksportga yo‘naltirilgan strategiyasi ishlab chiqiladi, chunki ichki bozor hali unchalik katta va talabchan emas va shuning uchun mahsulot sifatini takomillashtirishga undamaydi. Innovatsiyalar bosqichi iqtisodiyot raqobatbardoshligining ichki salohiyati to‘liq ishga tushishi bilan tavsiflanadi. Mazkur bosqichda firmalar nafaqat xorijiy texnologiyalarni qo‘llashadi va takomillashtiradi, balki o‘z texnologiyalarini barpo etishadi. Daromadlarning yuqori bo‘lishi, ta’lim darajasining oshishi va jadal ichki raqobat tufayli ichki bozor sig‘imli va talabchan bo‘ladi. Ushbu bosqichda firmalar global strategiyalarni ishlab chiqishadi va chet elda keng ko‘lamli investitsiyalarni amalga oshiradi.

Mamlakatning raqobatbardoshligini mamlakatning erkin va halol raqobat sharoitida jahon bozori talablarini qondiruvchi tovarlar ishlab chiqarish va xizmatlar ko‘rsatish qobiliyati sifatida ta’riflash mumkin. Milliy iqtisodiyotning raqobatbardoshligi-iqtisodiyotning muhim ko‘rsatkichlarini tashqi omillarga nisbatan yalpi baholashni o‘zida mujassamlantirgan qiyosiy tavsif, shu sababli milliy iqtisodiyotning raqobatbardoshligi xalqaro raqobatda namoyon bo‘ladi. Tarixan mamlakatlarning raqobatbardoshligi konsepsiyasi milliy iqtisodiyotning xalqaro mehnat taqsimoti va har bir mamlakatning xalqaro savdodagi rolini asoslab beruvchi qiyosiy ustunliklari (arzon mehnat, boy tabiiy resurslar, qulay geografik, iqlim, infratuzilma omillari va h.k.) nazariyasiga asoslangan. Qiyosiy ustunliklar mamlakatga tabiatdan berilgan, ular turg‘un, abadiy emas va takror ishlab chiqilmaydi, lekin jahon iqtisodiyotining rivojlanish tarixi ko‘rsatib turganidek, bozor muhitida yangi raqobat sharoitlari shakllanadi. Ushbu raqobat jihatdan ustunliklar tezkor va o‘zgaruvchan, o‘z navbatida, ular fan va texnikaning rivojlanishiga va ularning ishlab chiqarish bilan integratsiyalashuviga, shuningdek, ishlab chiqarish darajasida globallashuvga va rivojlanishga, tovarni barpo etishdan tortib to uni ishlab chiqaruvchidan iste’molchiga yetkazib berishgacha bo‘lgan barcha bosqichlarda innovatsiyalarga asoslangan. Shunday qilib, raqobat jihatdan ustunliklar o‘zgaruvchan va insoniy kapital rivojlanishi, innovasion texnologiyalar, intellekt bilan bog‘liq va o‘z navbatida o‘z tabiatiga ko‘ra cheksiz. Mamlakatning qiyosiy ustunliklari va raqobat jihatdan ustunliklarini aniq farqlash lozim. Iqtisodiyotning globallashuvi va global raqobat. Tashqi omillar. Sifat ko‘rsatkichlari. Ishlab chiqarishning internatsionallashuvi. Yagona jahon bozorini shakllanishi. Mamlakatlarning raqobatbardoshligi. «Raqobatbardoshlikning milliy rombi»: determinantlari, mamlakat raqobatbardoshligini aniqlovchi omillar.

Milliy iqtisodiyotni raqobatbardoshligini oshirish strategiyasi. Ishlab chivarish omillari asosida raqobat tavsifnomasi. Investitsiyalash asosidagi raqabat. Yangilik kiritish bo‘yicha raqobatlashish. Boyliklar asosida raqobatlashish. 3. Milliy iqtisodiyotda raqobatning muhitini shakllantirishning institutsional asoslari Nazariy izlanishlar va ko‘p sonli empirik ma’lumotlar shuni ko‘rsatadiki, yangi institutlarning paydo bo‘lishi va, demak, xo‘jalik birliklarining yangicha o‘zaro ta’siri hamda ularni yangicha tashkil qilish shakllarining yuzaga kelishi bir- biriga chambarchas bog‘liq. Chunonchi, xo‘jalik sub’ektlarining o‘zaro ta’sir qilish tamoyillari va qoidalari o‘zgarganda ularni tashkil qilish shakllari ham transformatsiyalanadi (umuman iqtisodiyotning tashkiliy tuzilmasida va, xususan, uning alohida sektorlarida ham o‘zgarishlar kuzatiladi). Institutlarning tarkibiy o‘zgarishlardagi roli, avvalambor, shunda ko‘rinadiki, u yoki bu transaksiya (bitim) ishtirokchisi o‘zining maqsad va manfaatlariga ega bo‘ladi, tashkiliy shakllar esa ayni paytdagi jamoat manfaatlaridan kelib chiqqan holda ularni bir-biri bilan uyg‘unlashtiradi. Mavjud iqtisodiy tuzilmalar ichida mulkchilik instituti, ya’ni xo‘jalik faoliyatining muayyan natijalariga egalik qilish, ulardan foydalanish va tasarruf etish me’yorlari va qoidalari yig‘indisi alohida o‘rin tutadi. Buning sababi shundan iboratki, u samaradorlik mezonlari tizimini belgilaydi. Mulkchilik institutiga xos me’yor va qoidalar bilan birga, ularning bajarilishini ta’minlaydigan tashkilotlarning ham zarurligi haqidagi xulosa mulkchilik huquqi nazariyasining muhim xulosasidir. Bunday tashkilotlarga davlat va uning boshqaruv organlari tizimi kiradi. Davlatning boshqa nazorat tuzilmalaridan farqi shundaki, u mulkchilik huquqlarining amalga oshirilishida tenglikni ko‘proq ta’minlaydi. Xo‘jalik yurituvchi tuzilmalarning yig‘indisi u yoki bu iqtisodiy tizimning institutsional muhitini shakllantiradi. Qanday iqtisodiy institutlar tashkil qilingani, ularning xo‘jalik faoliyatida qabul qilingan qonun-qoidalar va tuzilmaviy

chegaralar, oxir oqibat sub’ektlar o‘rtasidagi aloqalar va munosabatlarning qanday tusga egaligini belgilaydi. Ular o‘rtasidagi o‘zaro ta’sir shakllarining turli- tumanligi muayyan iqtisodiy tizimning institutsional tuzilmasini tashkil qiladi, u esa, o`z navbatida, xo‘jalik sub’ektlari o‘rtasidagi aloqa va munosabatlarni belgilab, iqtisodiy tuzilma shaklini yuzaga keltiradi. Ya’ni, xo‘jalik birliklari o‘rtasidagi xo‘jalik faoliyatining qoidalari va tuzilmaviy chegaralari tashkiliy tuzilmani: o‘`zaro ta’sir qanday shartlarda va shakllarda amal qilishini belgilab beradi. Shunday qilib, iqtisodiyotning institutsional tuzilmasi yoki uning alohida tarmog‘i har qanday davr oralig‘ida quyidagi uchlik bilan ta’riflanadi: institutsional muhit (iqtisodiy institutlar yig‘indisi) - institutsional qurilma (o‘zaro ta’sir shakllari) - tashkiliy tuzilma (tashkiliy shakllar yig‘indisi). Bunda mazkur uchlik doirasidagi sabab-oqibati aloqalari teskari yo‘nalishga ham ega. Institutsional nazariya asosiy qoidalarining qisqacha tahlili ko‘rilayotgan muammoga nisbatan muhim ilmiy ahamiyatga ega bo‘lgan qator xulosalarni keltirib chiqardi, ya’ni: - iqtisodiy institutlar, xo‘jalik birliklarining o‘zaro ta’sir shakllari va ularning tuzilmasi o‘rtasida ancha mustahkam o‘zaro aloqa va o‘zaro bog‘liqlik mavjud; - mazkur nazariya doirasida alohida iqtisodiy tashkilotlarning aktivlari va ular bilan bog‘liq ishlab chiqarish chiqimlari tavsifini to‘ldirish hisobiga ularning chegaralarini belgilovchi sabab va omillarni tushuntirib berish mumkin; - davlatning iqtisodiy jarayonlardagi roli va o‘rni bozorning yechilmagan muammolarini bartaraf qilishdangina emas, balki jamiyat uchun eng kam transaksiyaviy talafotlar bilan uning me’yor va qoidalarining bajarilishini ta’minlashdan ham iboratdir. Boshqaruvning doimiy o‘zgarib boruvchi tashkiliy shakllariga qarab, odatda, birinchi galda institusional muhitning alohida elementlari transformatsiyasi bashorat qilinadi. U ko‘pincha ob’ektiv tusga ega va jamiyat (davlat)dagi afzalliklar tizimidagi o‘zgarishlar bilan yoki narxlarning o‘zgarishi bilan belgilanadi. Shu bois, odatda, institutlarning va demak, institusional muxitning

ob’ektiv dinamikasi sharoitida maqsadli rejalashtirish doirasi juda tor bo`lib, davlat me’yoriy-huquqiy hujjatlarini tayyorlash va ularni qabul qilish jarayonida alohida me’yor va qoidalarni tayyorlashni o‘z ichiga oladi. Bunda quyidagi holatlar alohida ahamiyat kasb etadi: - alohida davlat tashkilotlarining institusional muxitni ijtimoiy farovonlikning pasayishiga va «rentaga yo‘naltirilgan» deb atalmish xulq-atvorning kuchayishi uchun sharoit vujudga kelishi tomon o‘zgarishiga olib keluvchi kuchi va ta’sirini cheklashga intilishi; - u yoki bu me’yoriy hujjat ta’siriga bog‘liq transaksiyaviy chiqimlarni hisobga olish va baholash hamda ularning alohida tashkilotlar tomonidan ham, davlat tomonidan ham sarf-xarajatlarni o‘z ichiga oladigan umumiy miqdorini kamaytirishga intilish. Ob’ektiv umumiqtisodiy dinamikadan keng ko‘lamli ijtimoiy-iqtisodiy o‘zgarishlarni amalga oshirish bilan bog‘liq bo‘lgan diskret dinamikaga o‘tishda vaziyat tubdan o‘zgaradi. Ushbu o‘zgarishlar asosiy iqtisodiy institutlar, birinchi galda, mulkchilik institutining o‘zgarishiga bog‘liq. Bunday sharoitda nafaqat institutsional muhitda, balki iqtisodiyotning butun tashkiliy tuzilmasi doirasida ham o‘zgarishlar yuz beradi. Diskret o‘zgarishlar muammosining murakkabligi, uning ko‘p qirrali tusi ularni amalga oshirishni bashoratlash zaruratini keltirib chiqaradi. Bunda zarur boshlang‘ich institutsional tuzilmaning shakllanishini ta’minlovchi omillar va shart-sharoitlarni to‘liq hisobga olish ham, ushbu o‘zgarishlarni amalga oshirishning vaqtinchalik doiralari ham alohida ahamiyat kasb etadi. Xususiy mulkchilik institutining qaror topishi nazorat organlarining tegishli tizimi shakllanishi bilan uzviy bog‘liqdir. Shubhasiz, yuqorida qayd etilgan shartsharoitlarni qoniqtiradigan yetarlicha to`liq va samarali institutsional muhitni yaratish uchun ancha vaqt kerak bo‘ladi. Diskret o‘zgarishlar jarayonida yangi institutlarning paydo bo‘lishi, oxir oqibat, iqtisodiy o‘sish va jamoat farovonligining o‘sishi uchun sharoit yaratilishiga olib kelishi lozim. Institutsional tuzilmaning shakllanishi muvaffaqiyatsizlikka uchrasa - iqtisodiy o‘sish va jamoat

farovonligini ta’minlashga emas, balki oldin yaratilgan va to‘plangan ijtimoiy boylikning qayta taqsimlanishiga yo‘naltirilgan institutlar paydo bo`ladi. Institutlar va institutsional o‘zgarishlarning samarasiz tizimi shakllanishining sabablari nafaqat shakllangan tizimning to‘liq emasligida, balki uning elementlari shakllanishi ketma-ketligining vaqt o‘lchamida buzilishida hamdir. Iqtisodiy islohotlar esa ko‘p jihatdan institutsional muhitdagi o‘zgarishlar bilan belgilanadigan yangi imkoniyatlarni ro‘yobga chiqarishga bog‘liq. Milliy iqtisodiyotning bozor munosabatlariga o‘tishi sharoitida ishlab chiqarishni tarkibiy qayta qurish va yirik xo‘jalik majmualarini boshqarish muammosi alohida ahamiyat kasb etadi. Mazkur muammoning yechimi umumrespublika bozorining muvaffaqiyatli qaror topishi uchun zarur sharoit yaratish bilan birga talay mintaqaviy vazifalarni amalga oshirish uchun ham zarur zamin yaratadi. Bunda mintaqalar ikki tomonlama rol o‘ynaydi: ular bozor munosabatlari shakllanadigan va amal qiladigan bo‘shliq vazifasini o‘taydi va, shu bilan birga nisbatan mustaqil ijtimoiy-iqtisodiy tizimlar sifatida maydonga chiqadi, ushbu tizimlarning rivojlanishi esa hududlar manfaatiga bo‘ysundiriladi. Shundan kelib chiqqan holda ishlab chiqarishni rivojlantirish hamda tarmoqli hududiy majmualarni boshqarish konsepsiyasini ishlab chiqish zarur va u bozorning shakl- lanishi va faoliyatini, shuningdek, mintaqaning kompleks rivojlanishini ko‘zda tutishi kerak. Umuman olganda, moddiy ishlab chiqarishni ishlab chiqarish bo‘g‘inlari - korxonalar yig‘indisi sifatida qarash mumkin, bu korxonalar yirik xo‘jalik tuzilmalari (birlashmalar, tarmoqlar, hududiy majmualar va hokazolar)ni tashkil qiladi. Korxonalar iqtisodiy aloqalarning turli-tumanligi va maqsadlarning bir xil emasligi oqibatida turli xo‘jalik tuzilmalari (ham tarmoqli, ham hududiy) tarkibiga. kirishi mumkin. Bunday tashkiliy va iqtisodiy alohida ajralgan kichik xo‘jalik tizimlarining yoki turli darajadagi bo‘g‘inlarning jami, shuningdek, ular o‘rtasidagi murakkab tashkiliy va boshqa aloqalar xo‘jalik sub’ektlarining tashkiliy tarkibini hamda ularning ierarxiyasi darajasini aks ettiradi va moddiy

ishlab chiqarishning tashkiliy tuzilmasini tashkil qiladi. U qator muhim jihatlarni o‘z ichiga olib, bu jihatlar ishlab chiqarishni boshqarish jarayonini va umuman xo‘jalik mexanizmini tahlil qilishda hal qiluvchi ahamiyatga ega. Ishlab chiqarish ixtisoslashuvining chuqurlashishi, kooperatsiya aloqalari rivojlangan alohida korxonalarning ajralib chiqishi xo‘jalik faoliyati differensiatsiyasini keltirib chiqaradi.Shu bilan bir vaqtda, barqaror ilmiytexnikaviy, ishlab chiqarish va xo‘jalik aloqalari negizida oxirgi maqsadga erishishni ta’minlaydigan turli faoliyat turlarining integrasiyasi ham kuzatiladi. Natijada iqtisodiy va boshqaruv funksiyalarining integrasiyasi hisobiga yuqori ishlab chiqarish samaradorligiga erishayotgan xo‘jalik majmualari paydo bo‘ladi. Bunday majmualar turli tashkiliy shakllarda birlamchi bo‘g‘inlarni birlashtiradi va yuqoriroq darajadagi xo‘jalik sub’ektini tashkil qiladi. Xo‘jalik tizimlari (tarkibiy bo‘g‘inlar)ning xarakteri va shakllari, shuningdek, zamonaviy sharoitlardagi ular o‘rtasidagi aloqalar ancha murakkablashdi. Bozor iqtisodiyotiga o‘tishda bir nechta iqtisodiy ukladli ko‘p darajali xo‘jalik tizimlari shakllanadi, qaror topayotgan barqaror ishlab chiqarish, texnikaviy va iqtisodiy aloqalar esa maqsadlar mushtarakligi bilan ham, tashkiliy birlik bilan ham ta’minlanadi. Ushbu munosabatlarga integrasiyalangan birlamchi bo‘g‘inlar yig‘indisining kiritilishi endi mutlaq emas, balki birlamchi bo‘g‘inning xususiy iqtisodiy va, demak, tashkiliy o‘ziga xosligini belgilaydi. Asosiy bo‘g‘in tashkiliy shakllarining rivojlanishi tarmoqli boshqaruv tizimini qayta qurish bilan bevosita bog‘liq. Mazkur muammo ustida ishlayotgan aksariyat mualliflarning fikrini umumlashtirib, quyidagilarni qayd etishni lozim topdik: 1. Yirik ishlab chiqarish-xo‘jalik majmualari, shuningdek, tarmoqlararo majmualar (sanoat korporasiyalari, konsernlar, xo‘jalik uyushmalari, konsorsiumlar va hokazolar)ning paydo bo‘lishi ishlab chiqarishdagi ob’ektiv integrasiyaviy jarayonlarni aks ettiradi, ishlab chiqarish resurslaridan oqilona foydalanish va ishchanlik faolligini oshirish asnosida ilmiy-texnikaviy taraqqiyotni jadallashtirishga ko‘maklashadi.

2. Mamlakat uchun yangi bo‘lgan tuzilmalar, asosan, bevosita davlat ta’sirida bo‘lmasdan, tijorat asosida faoliyat yuritadi. Bu amalda o‘zini-o‘zi boshqarish uchun sharoit yaratadi. 3. Bozor munosabatlari sharoitida ittifoq yoki uyushmaga birlashgan korxonalarning kelishilgan qaroriga muvofiq, shartnomada ko‘rsatilgan ishlab chiqarish-xo‘jalik vazifalarini markazlashtirilgan bajarilishi, shuningdek, moliyaviy, mehnat, moddiy va boshqa resurslarning ulushli asosda birlashtirilishi ittifoq yoki uyushmalar zimmasiga yuklatilishi mumkin. 4. Konsernlar, xo‘jalik uyushmalarining yuqori darajadagi funksional xizmatlarining aksariyati «xizmat ko‘rsatuvchi» tashkilotlar sifatida faoliyat yuritadi va bu prinsipial ahamiyatga ega. Ular ishlab chiqaruvchi firmalar bilan shartnoma asosida o‘zini o‘zi moliyalash va o`zini o‘zi qoplash sharoitida ishlaydi. 5. Natijada o‘z mustaqil iqtisodiy manfaatlariga ega bo‘lgan mustaqil tashkilotlarning o‘zaro bog‘liq va bir-birini to‘ldiradigan yagona zanjiri amal qiladi. 4. Milliy iqtisodiyot barqaror rivojlanishining muvaffaqiyatli strategiyasi Strategiyaning uch umumiy varianti raqobat kuchlariga qarshi tura olishning turli hil yondashuvlarini o‘zida namoyon etadi. Boshqa tomondan esa, tahlil natijalari shuni ko‘rsatadiki, agar firma o‘z faoliyatida hech qanday strategiyaga tayanmagan holda ish olib borsa, ya’ni «o‘rta pog‘onada turib qolsa», juda mushkul strategik vaziyatga tushib qolishi mumkin. Aslida strategiyaning asosiy variantlarini amalga oshirish ikki turdagi xavf bilan kuzatiladi: birinchidan, strategiyani muvaffaqiyatsiz tanlanishi va uni saqlab qola olish xavfi; ikkinchidan soha rivoji natijasida yuzaga keluvchi raqobat borasidagi ustunlikni buzilishi xavfi. Torroq nuqtai nazar bilan qaraydigan bo‘lsak strategiyaning 3 turi raqobat kuchlaridan himoyalanishning turli hil ko‘rinishlariga asoslanadi va shuning uchun ular turli hildagi xavflarga duch keladi.

Raqobatni rivojlantirishning muhim strategik maqsadi iste’molchiga iqtisodiy maqbul narxlarda sifatli va ishonchli ijtimoiy xizmatlardan foydalanish va boshqariladigan tarmoqlardagi raqobatni rag‘batlantirish imkonini ta’minlash bo‘lishi kerak. Raqobatni rivojlantirish choralarining ko‘rilishi natijasida iqtisodiy agentlar faoliyatini boshqarishning bozor mexanizmlarining roli ortishi va bozorga chiqish yo‘lidagi ma’muriy to‘siqlarning ta’siri pasayishi kerak. Bu borada O‘zbekistonda raqobat munosabatlarini shakllantirishning quyidagi iqtisodiy institutlari qaror topgan: 1. Davlat korxonalarini xususiylashtirish va monopoliyadan chiqarish. Mulkchilik munosabatlari va tarkibini o‘zgartirish muammosi - o‘tish iqtisodiyoti xos bo‘lgan har bir mamlakat uchun muhim masaladir. Mulkchilikning xo‘jalik tizimi sifatidagi rolining o‘ziyoq mazkur sohadagi o‘zgarishlarning ham, umuman o‘tish iqtisodiyoti doirasidagi islohotlarning ham tizimli xususiyatini ko‘rsatadi. Sobiq sotsialistik mamlakatlardagi xususiylashtirish jarayoni mana shu sifati bilan g‘arb davlatlari va rivojlanayotgan mamlakatlarda xususiylashtirish sohasida amalga oshirilayotgan tadbirlardan tubdan farq qiladi. Xususiylashtirish - davlat korxonalari mulki (aktivlari)ning to‘liq yoki qisman xususiy sektor (jismoniy va nodavlat yuridik shaxslar)ga sotish (o‘tkazish) jarayoni degan ta’rif mavjud. Ma’lum bir ma’noda xususiylashtirishning bunday talqinini «milliysizlashtirish» tushunchasi bilan almashtirish mumkin. Ayrim tadqiqotchilar ushbu ta’rifga davlat korxonasini boshqarish modelini mulkchilik huquqlarini begonalashtirmasdan modifikatsiyalash jarayonini kiritadilar, ya’ni bu pudrat, ijara, shartnoma asosida davlat korxonasining yuridik yoki moliyaviy maqomini to‘liq yoki qisman o‘zgartirishdir. Bunday talqinni «davlat tasarrufidan chiqarish» tushunchasi bilan almashtirish mumkin. Xususiylashtirish o‘tish iqtisodiyotidagi tizimli o‘zgarishlarning nihoyatda muhim qismi sifatida qaraladigan bo‘lsa, bunday ta’rifni to‘ldirish zarurati tug‘iladi. Fikrimizcha, xususiylashtirishga ikkita parallel jarayonlarda yuz beradigan nisbatan uzoq muddatli tizim hosil qiluvchi hodisa sifatida tizimli ta’rif berilishi kerak.

Bir tomondan, davlatning bozor va raqobat xo‘jaligi tizimida unga xos bo‘lmagan mulkiy munosabatlar sub’ekti (tartibga soluvchi) vazifalarini asta-sekin o‘zidan chetlashtirishi yuz beradi, ya’ni ushbu sohadagi nomutanosibliklarni astasekin to‘g‘rilanishi jarayoni kechadi. Shunga muvofiq davlatning tegishli huquqlarni iqtisodiy ro‘yobga chiqarish bo‘yicha mulkiy munosabatlar sub’ekti sifatidagi imkoniyatlari cheklana boradi. Bu jarayonni tizimli o‘tish doirasidagi bosqichsizlashtirish deb atash mumkin. Ko‘p sonli empirik tadqiqotlar natijalari shuni ko‘rsatmoqdaki, zamonaviy bozor munosabatlari sharoitida mamlakatni iqtisodiy rivojlantirishda foydalanilayotgan yangi ishlab chiqarish omillari massasining o‘zgarishi emas, balki ulardan boshqacha foydalanish, ya’ni keng ma’noda innovatsiyalar hal qiluvchi rol o‘ynaydi. Alohida e’tibor texnik innovatsiyalarga qaratiladi, chunki texnika va iqtisodiyotning rivojlanishi bir-biri bilan uzviy bog‘liq. Demak, texnik o‘zgarishlarga moslashish sur’atlari mintaqa raqobatbar-doshligini oshirishning muhim omili hisoblanadi. Bugungi kun sharoitlarida texnologiyalar qanchalik mintaqaviy rivojlanish siyosatini namoyon etishi va raqobatbardoshlikni oshirish vositasi sifatida texnologiyalarni rag‘batlantirishning mintaqaviy investitsiya-innovatsiya strategiyasini qanday qilib shakllantirish kerakligi muammosi dolzarb ilmiy- amaliy muammo bo‘lib qolmoqda. Bu masalaning dolzarbligi quyidagilar bilan izohlanadi: Birinchidan, texnologik taraqqiyot turli sohalarga, ayniqsa, ustuvor sohalarga (masalan, elektroenergetika va quyosh energiyasidan foydalanish, kommunikasiyalar, rangli metallurgiya, nano va biotexnologiyalar, mikroelektronika) shiddat bilan kirib bormoqda. Ikkinchidan, texnologiyalarni rag‘batlantirish iqtisodiyotning endogen salohiyatiga qaratilgan bo‘lib, u ishlab chiqarish mobilligini oshirish strategiyasidan voz kechgan holda mintaqaviy rivojlanish siyosatiga tayanadi. Zamonaviy mintaqaviy siyosatning boshqa strategiyasi xizmatlar sohasini rivojlantirishga turtki berishi mumkin. Masalaning dolzarbligi shu bilan

belgilanadiki, sanoati rivojlangan mamlakatlarda ularni «postindustrial jamiyat»ga aylantirish haqida qizg‘in bahslar ketmoqda. Umumiy ijobiy natijalarga erishilgan bo‘lsada, xizmatlar sohasida bandlikning o‘sishi bandlik muammosini butunlay hal qiladi, degan optimistik taxminlar o‘zini oqlamadi. Xalqaro va mahalliy tajriba shuni ko‘rsatadiki, iqtisodiy o‘sish sur’atlari sekinlashayotgan mintaqalarda moddiy ishlab chiqarishda juda ko‘p ish o‘rinlari yo‘qolib boradi, shuningdek, xizmatlar sohasi ham nisbatan sust rivojlanadi. Demak, bundan muhim xulosaga kelish mumkin: moddiy ishlab chiqarishning rivojlanishi xizmatlar sohasining o‘sishiga olib keladi, ammo buning teskarisi emas. Mazkur sohalar o‘rtasidagi aloqalar uyg‘un emas, ya’ni xizmatlar sohasini rivojlantirish moddiy ishlab chiqarishning pasayishini qoplay olmaydi. O‘zbekiston uchun buning ma’nosi - qishloq xo‘jaligi va iqtisodiyotning boshqa tarmoqlarida ishchi kuchining bo‘shashi xizmatlar sohasidagi bandlikning tegishlicha ortishiga olib kelmaydi. Fikrimizcha, mintaqa korxonalarining aynan shunday raqobatbardoshligini oshirish istiqbollidir (texnologik maslahat, texnologiyalar transferti, moliyalash, marketing, biznesni tashkil qilish va reinjiniring bo‘yicha xizmatlar). Mintaqani rivojlantirish, jumladan, investisiya-innovatsion rivojlantirish strategiyasi tajovuzkorlik darajasi bo‘yicha farq qilishi yoki mudofaa tusiga ega bo‘lishi mumkin. Tajovuzkorlik tushunchasi mintaqaviy strategiya nuqtai nazaridan strategiyalar, marketing, mahsulot va texnologiyalar turlarining o‘zgarishidagi keskinlik darajasini anglatadi. Investitsiya-innovatsiya strategiyasi tajovuzkorligi ishlab chiqilayotgan va joriy etilayotgan yangiliklarning keskinligi darajasi bilan bog‘liq. Bunda joriy etish tezligi, investitsiya-innovatsiya faoliyatini moliyalash ko‘lamlari, bozorda yangiliklarni marketing qo‘llab-quvvatlash jadalligi ham muhim omillar sirasiga kiradi. Moddiy-texnologik innovatsiyalar investitsiyaviy jarayon vositasida joriy etilishi bois, mintaqani rivojlantirish investitsiyaviy strategiyasining quyidagi turlarini ajratib ko‘rsatish mumkin:

- taqlidiy, texnologik yetakchilar yutuqlarini uyg‘un takror ishlab chiqarish va bozorning bo‘sh bo‘g‘inlarini samarali o‘zlashtirishga yo‘naltirilgan; - innovatsion, yuqori keskinlik darajasiga ega yangiliklarni mustaqil ishlab chiqish va joriy etish orqali texnologik yetakchilikni ta’minlaydi; - asosiy mahsuloti innovasiya bo‘lgan kompaniyalar, firmalar va bo‘linmalar xizmatlaridan foydalanishning venchur strategiyasi. Investisiya strategiyasining taqlidiy modeli texnologik yetakchilar tomonidan foydalanilgan yoki ishlab chiqarilgan texnologiyalar va mahsulotlarning xuddi o‘sha turini yoki modifikatsiyasini investitsiyalashning joriy etilishini nazarda tutadi. Taqlidiy modeldan foydalanish bozorni sust o‘zlashtirilishiga asoslanishi mumkin. Buning sabablari turlicha, ammo aksariyat hollarda mintaqalarning moliyaviy ojizligiga borib taqaladi. Investitsiyalashning ushbu modelining ancha keng tarqalganligi shu bilan belgilanadiki, taqlidiy strategiyadan foydalanishda innovatsion tavakkalchilik yo‘qoladi, texnologik tavakkalchilik esa eng past darajaga tushadi, moliyaviy tavakkalchilik ham ancha kamayadi. Ayrim tadqiqotchilar taqlidiy strategiyaning quyidagi ko‘rinishlarini ajratadi: 1) jahon bozorlariga chiqish maqsadida ilg‘or ilmiy-texnik ishlanmalarga tayanib texnologik olg‘a siljishga qaratilgan «pionercha» modernizatsiya; 2) ikki turdagi «yetib oluvchi» modernizatsiya. Ular xalqaro miqyosda raqobatbardoshlikka erishishga qaratilmagan. Taqlidiy strategiyaning samaradorligi, amaliy ahamiyatga egaligi va davomiyligidan dalolat beruvchi jihat shuki, u «yaponcha iqtisodiy mo‘jiza» ning asosiy shartlaridan biri bo‘lgan. Mintaqani rivojlantirishning innovatsion strategiyasi bozorlar va texnologiyalarni shakllantirish maqsadida yuqori keskinlik darajasiga ega innovatsiyalarni ishlab chiqish va joriy etishni nazarda tutadi.

Innovatsiya-investitsiya strategiyasi murakkab tashkiliy jarayon bo‘lib, har tomonlama tavakkalchilik bilan bog‘liqdir. Mintaqaning investitsiya-innovatsiya strategiyasini amalga oshirishda ilmiy tadqiqot firmalari va bo‘linmalarining xizmatlaridan foydalanishning turli variantlari, shuningdek, tashkiliy aloqalar va ularni moliyalash usullari venchur strategiya deb ataladi. Ushbu usulning o‘ziga xosligi shundan iboratki, u kapitalning turli shakllari: aksionerlik, ssuda, tadbirkorlikning uyg‘unligidan iborat. Bozor iqtisodiyoti sharoitida davlatning bevosita innovatsion jarayondagi investitsiyaviy ishtiroki cheklangan. Innovatsion loyihalarni davlat tomonidan imtiyozli boshlang‘ich kreditlash va davlat kafolatlari, jumladan, bu investitsiyalarni sug‘urtalash kafolatlari muayyan rol o‘ynashi mumkin. Shu bilan birga, davlatning innovatsion jarayonga ta’sirining eng yuqori samarasi davlatning innovatsion jarayonni rag‘batlantiruvchi uzoq muddatli moliyaviy-iqtisodiy siyosatini ishlab chiqish va amalga oshirish bilan erishiladi. Ushbu siyosat amortizatsiya va soliq tartiblarini, tadqiqot biznesi uchun imtiyozlar va huquqiy himoya tizimini, qimmatli qog‘ozlar bozorini rivojlantirish va mamlakatda umumiy investitsiyaviy muhitni yaxshilash choralarini o‘z ichiga olishi mumkin. Yangi texnologiyalar markazdan (yirik agromeratsiyalar yadrosidan) tarqaladi va oxir-oqibat qishloq joylarga yetib boradi, degan fikr qaror topgan (ayniqsa, mintaqashunoslik bo‘yicha adabiyotlarda). Bunda diffuziya jarayonining «ierarxik», izchillik tusini va uning tegishli ijobiy tomonlari va kamchiliklarini oqlash uchun yangi texnologiyalarni o‘zlashtirishga bog‘liq bo‘lgan axborot va malaka (umumiy salohiyat)ning mavjudligi ahamiyatini ta’kidlab o`tish kerak. O‘zbekistonga nisbatan olinganda bu - differensiatsiya, bir tomondan, Toshkent shahri va Toshkent viloyati salohiyati rivojlanishi darajalari o‘rtasidagi, boshqa tomondan, respublikaning boshqa mintaqalari bilan farqi. Bunda, axborot va salohiyatning mintaqalar ierarxiyasi bosqichining pasayishi bilan kamayib borishi nazarda tutiladi. Bu yerda gap, avvalambor, yangi texnikani joriy etishga bog‘liq qiyinchiliklar va qayta tashkil qilish muammolari haqida bormoqda.

Shubhasiz, joriy etilishi talab qilinayotgan yangi texnika, ishchi kuchi malakasi, umuman olganda investitsiya salohiyati ham hududlar bo‘yicha bir tekis taqsimlanmagan. Bu qator sabablarga bog‘liq. Birinchidan, mintaqaviy mehnat bozorlari zarur malakali ishchi kuchi bilan turlicha to‘ldirilgan. Ikkinchidan, funksional-hududiy mehnat taqsimoti yuqori bo‘lgan joylardagi korxonalar yangi texnikani joriy etishda qulayroq imkoniyatlarga ega, chunki yuqori malakali xodimlarning soni ham yuqori. Sanab o‘tilgan omillar eksportga yo‘naltirilgan ishlab chiqarishlarning innovatsion-investitsiyaviy faoliyatiga va rivojiga qay darajada ta’sir ko‘rsatsa, bunday joylashtirishning diffuziya jarayoniga ta’siri texnika xususiyatiga ham, «ko‘lam samarasi»ga ham shunchalik bog‘liq bo‘ladi. Joylashtirish o‘rnining korxona tomonidan texnik yangiliklarni joriy etish tezligiga va eksportga yo`naltirilgan ishlab chiqarishlarning rivojiga ta’siri kompleks texnologiyalarda ancha yaqqol ko‘rinadi, chunki aynan shular uchun korxonalar teztez tashqi resurslardan foydalanadilar. Mayda korxonalar yangi texnika munosabati bilan tashqi resurslardan qanchalik ko`p foydalansa, ko`lam samarasi shunchalik yuqori ahamiyatga ega bo`ladi. Demak, joylashtirishning ta’siri ko`proq bir zavoddan iborat mayda korxonalar guruhida namoyon bo`ladi, bunday korxonalar joylashishdagi kamchilikni ichki ishlab chiqarish resurslarini safarbar etish yo‘li bilan qoplashga juda past darajada moslashgan. Bunday tahlil shuni ko‘rsatadiki, alohida mintaqalar o‘rtasida innovatsion salohiyatdan foydalanish jadalligidagi farqlar ko‘pincha muayyan korxonalarning texnikadan samarali foydalanish imkoniyatlari o‘rtasidagi tegishli farqlarga borib taqaladi. Shuning uchun markazda chetga nisbatan joriy etish sur’atlarining yuqoriligini qishloq joylarini kamsitish sifatida qarash noto‘g‘ri. Korxonalar mahsulotlariga bozor talabi yangi texnikani joriy qilish uchun asos vazifasini o‘taydi. Bunda, agar ular mahsulot sifati ko‘rsatkichlari bo‘yicha kuchli raqobatlashsa, sifatni oshirish imkoniyati muhim rol o‘ynaydi; agar bozorda narx raqobati hukmron bo‘lsa, investitsiyaviy yechim uchun asos chiqimlarni

kamaytirish bo‘ladi. Agar xaridorlar qisqa ta’minot muddatlariga ko‘proq e’tibor bersa, u holda texnika ishlab chiqarish va muomala siklini qisqartirish maqsadida joriy etiladi. Ko‘p sonli tadqiqotlar natijalari shuni ko‘rsatadiki, rivojlanish siyosati sifatida texnologiyalarni rag‘batlantirish uchun umuman yangi texnikani tarqatishni qo‘llabquvvatlashdan ko‘ra mintaqada mavjud yangi va «eski" texnikadan samarali foydalanish ko‘proq muhimdir. Texnologiyalarni mintaqaviy siyosat strategiyasi sifatida qo‘llab-quvvatlashning maqsadlari va vositalari bo‘yicha boshqa muxim xulosalar quyidagilardir:

Foydalanilgan adabiyotlar 1. Рубин Ю. Б. Конкуренция: упорядоченное взаимодействие в профециональном бизнесе. Учебник.-М.: Маркет ДС, 2010.-464стр. 2. Рубин Ю. Б.Теория и практика предпринимательской конкуренции: Учебник. 4-е изд. Переработанное и дополненное.-М.: ООО «Маркет ДС корпорейшн», 2008.-608 стр. 3. Носов Н.С. Конкурентная стратегия кампании, или маркетинговые методы конкурентной борьбы. Учебник.-М.: Издательско –торговая корпорация «Дашков и К»; «Саратов»: ООО «Англейс», 2009.- 256 стр. 4 Портер, Майкл Э. Конкурентная стратегия: Методика анализа отраслей и конкурентов / Пер. с анг. Учебник.-2-изд.- М.: Альпина Бизнес Букс, 2009.- 516 стр. 4. Тарануха Ю. В. Конкуренцие и конкурентные стратегии (в структурно – логических схемах): учеб.- метод. Пособие.М.:Издательство «Дело и сервис». 2008.-272 стр. 5. Ясин Е.Г. Конкурентоспособнсть модернизация экономики. Учеб. Пособие.- М.: Издательский дом ГУ ВШЭ, 2008.-456 стр. 6.Майкл Х ., Бест М. Новая Конкуренция. Институты промышленного развития. Учеб. Пособие.-М.:ТЕИС,2007,- 356 стр.

O'xshashlar

Mehnat unumdorligini oshirish omillari va imkoniyatlari

Bank likvidligi va uni ta’minlash omillari

Muhandislik faoliyatni me’yorlashtirish -raqobatbardoshlik darajasini oshirish asosidir

Raqobatli ustunliklar va uni egallash konsepsiyasi

Sanoat - milliy iqtisodiyotning yetakchi tarmog’i