Кондитер цехи ишини ташкил этиш - Iqtisodiyot - Referatlar

Кондитер цехи ишини ташкил этиш

Yuklangan vaqt:

27.04.2023

Ko'chirishlar soni:

0

Hajmi:

91 KB

Ko'chirib olish

Кондитер цехи ишини ташкил этиш Режа: 1. Кондитер цехи ва унда тайёрланадиган маҳсулотлар 2. Ресторанларда кондитер цехи ишини ташкил этиш

Кондитер цехи ва унда тайёрланадиган маҳсулотлар Кондитер цехи асосий ошхоналарда, ресторанларда ва кондитер маҳсулотлари ишлаб чиқаришга ихтисослашган кафеларда ташкил этилади. Бу цех мустақил пиширув цехига боғлиқ бўлмаган ҳолда иш олиб боради. Цех ўз кондитер маҳсулотлари билан фақат асосий ошхоналарнинг филиалларинигина эмас, балки ярим тайёр масалликларни пиширадиган ошхоналарни ва таом тарқатиладиган жойни ҳам таъминлайди. Бу цех яна матлубот кооперациясининг чакана савдо корхоналарини ҳам таъминлаши мумкин. Кондитер цехининг тайёрлайдиган маҳсулотлари: оширилган ва оширилмаган хамирдан духовкада ёки қовуриб пиширилган бўлочкалар, ватрушкалар, пирожкилар, пироглар, растегайлар, кулебкалар, пирожнийлар, тортлар, печенийлардан иборат. Ресторанларда кондитер цехи ишини ташкил этиш Кондитер цехини айрим блокка жойлаштириш мақсадга мувофиқдир, бунда, хом ашё сақлаш, ишлаб чиқариш жараёншш уюштириш ва тайёр маҳсулотларяи жўнатиш учун айрим хона ажратилади. Хоналар ўртасидаги алоқа бир-бирларига халал бермаслиги, технологик иш жараёнлари бир- бирига қарама-қарши ёки бир неча томонлама бўлмаслиги керак (7-расмга қаранг). Цехнинг ишлаб чиқариш қуввати доналар ҳисобида чиқарилган маҳсулотлар миқдори билан аниқланади. Бир сменада ишлаб чиқариш қувватига қараб кондитер цехлари кичик (мингтагача маҳсулот ишлаб чиқарадигани), ўртача (уч мингтагача маҳсулот ишлаб чиқарадигани) ва катта (ўн икки мингтагача маҳсулот ишлаб чиқарадигани) цехларга бўлинади. Ушбу цехнинг ишлаб чиқариш жараёнидаги технологик схемаси қуйидагича: хом ашёни тайёрлаш, элаш, эритиш ва сузиш, юмшатиш,

музлатиш ёки иситиш, дозалаб бўлиш, хамир қориш, хамир ошириш, хамир маҳсулот ясаш, ва хуллас ёпиб пишириш ҳамда қовуриб пиширишдир. Кичик цехларда барча жараён битта хонада ташкил этилади. Ўртача цехларда эса албатта омборхона ҳам бўлиши керак. Катта цехларда хамир қориш ва ошириш учун айрим хона, омборхона учун айрим, тайёрлаш ва дозалаб бўлишга алоҳида хона, ёпиш ва қовуриш учун яна бир хона, идишларни ювиб тозалаш учун тағин битта ва хуллас, тайёр маҳсулотларни сақлаш ва жўнатиш учун алоҳида хона ажратилган бўлади. Омборхона ва полкалар, идиш қўядиган тагликлар, совитиит шкафлари, тарози қўйилган бўлади. Тайёрлаш ва дозалаб бўлиш хонасида иситадиган плита, хамир қориш, ошириш, тиндириш ва ийлаш, ўлчаш ва тортиш машиналари учун айрим иш жойлари ажратилади. Хамир қориш ва ошириш учун ажратилган хонада кондитер цехларига мосланган универсал айлан.тиргичли хамир қорадигаи машиналар ўрнатилган бўлади. Кондитер маҳсулотлари пишириладиган бўлим эса қовуриш шкафлари — духовкалар, ёғ доғлаш электр товалари, иш столлари, сергитадиган полкалар, хамир тақсимловчи, ёювчи машиналар билан жиҳозланади. Пардозлаш бўлимида ярим тайёр масаллиқларни пишириш плитаси, универсал айлантиргич, иш столи бўлади. Столда чиқариладиган маҳсулотларга мўлжалланган асбоб-ускуна, идишлар, ўраш - жойлаш материаллари қўйилган бўлади. Идиш - товоқ ювиладиган хонада иккита ванна ўрнатилган бўлиб унга совуқ ва иссиқ сув резинка шланг билан уланган бўлади, тагликлар ва полкалар билан жиҳозланиб, кондитер халтачаларининг стилизатори ҳам мавжуд бўлади. Маҳсулотлар жўнатиладиган бўлимда эса совутгич полкалар ва катта тарози ўрнатилади. Зарур жиҳозлар чиқариладиган маҳсулот тури ва миқдорига қараб танланади.

Цехга ва иш жойига технологик жадвал ва карталар, турли хил хамир маҳсулотлари учун дозасини кўрсатувчи жадваллар, шунингдеқ техник шартлар ёки Давлат стандартлари акс эттирилган жадваллар ҳам осиб қўйилади. Цехдаги жиҳозлар бир - бирларига халал бермайдиган қилиб жойлаштирилиши керак. расм. Кондитер цехи. 1)Омбор; 2) ун элаш ва қориш бўлими; 3) хамир ошириш камераси; 4) ясаш ва ёпиш бўлими; а)ясаш конвейери; б) ярим тайёр масаллиқ ҳозирлаш, безаш, ва ёпиш конвейери, 5) безаш бўлими; 6)тайёр маҳсулотни жунатиш бўлими; 7) идиш ювиш жойи; 8) хом ашё тушириладиган жой Агар цехда ёки сотиладиган жойда совитиш жиҳозлари бўлмаса кремли маҳсулотларни сотиш ман этилади. Цехдаги бригада ишчиларининг сони ишлаб чиқариш программаси ва нормасига асосан белгиланади. Бригададан маҳсулотнинг айрим турларини ишлаб чиқарадиган группалар ажратиш ва ҳар бир группага эса жараёнлар бўйича меҳнат тақсимлаб бериш тавсия етилади. Хамирни дозалаб бўлиш, пишириш ва безашга V — VI разрядли, ясашга III — IV разрядли ошпаз-кондитерлар қўйилади ёрдамчи ишларни дастёрлар бажаради. Кондитер цехида иш жойини ташкил этишга қўйиладигак талаблар қуйидагилар, яъни асбоб-ускуналар ва қўл механизацияси воситалари муҳайё бўлиши қулай жойда туриши ва булар ишлаб чиқариладиган маҳсулотларга

мос бўлиши зарур. Иш столининг бир ишловчига тўғри келадиган узунлиги 1,2 — 1,5 м бўлиши керак. Кондитер цехида кўлланиладиган асбобларга келганда, булар; ўқловлар, пичоклар, кўракчалар, қолиплар, кондитер халтачалари, ғалвир, қозонлар, хамирга шакл берувчи асбоблар, овоскоп, донандозлар, қисқичлар, пиширув патнислари, ўлчагич идишлар ва ҳ. қ Яна бунда пичоқ, вилкалар, хамирдан кунгура кесадиган асбоблар бўлиши лозим. Қўл механизацияси воситаларидан эса ўлчовли ўқлов, хамир бўлувчи ўқловлар, бурандалар, сироп идишлари, бисквит қолиплари бўлади. Кичик ошхоналарда кондитер цехи алоҳида ташкил қилинмасдан иш столи ажратшшб керакли асбсб-ускуналар ва қўл механизация воситалари билан жиҳозланади. Бунда хамир хампада қорилиб, пиширилиши духовкаларда бажарилади. Кичик ошхоналарда кондитер маҳсулотларининг тури жуда кам бўлиб, хамиртурушсиз хамирдан маҳсулот сира пиширилмайди. Умумий овқатланиш корхоналарида хамирдан тайёрланадитан кондитер маҳсулотларини пишириб сотишни кенгайтиришнинг иқтисодий самаралилиги ахолини талабини тўлароқ қондиришни кўзда тутади, чунки бундай маҳсулотларга талаб тобора ортиб бормоқда. Хамир маҳсулотларни кўпайтириш ишлаб чиқариш майдонидан ва мавжуд жиҳозлардан самарали фойдаланишга имкон беради. Қолаверса, умумий овқатланиш корхоналаридаги кондитер маҳсулотлари ишлаб чиқарилиши ортиши ишни рентабел қилиб, умумий товарооборотда ошхона ўзи ишлаб чиқарган маҳсулот салмоғини ортишига имкон беради.

Адабиётлар: 1. Dr. John R Walke. The Restaurant: From Concept to Operation. Wiley.2013 2. Д.Асланова, Т.Худойшукуров, М.Мўминов «Дунѐ халқларини овқатланишининг ўзига хос хусусиятлари» Ўқув қўлланма ―Зарафшон‖ 2007.-112 б. 3. Тюнков Б.К. Электронная техника предприятий торговли. – М.: КНОРУС, 2006. – 192 с. 4. Қурбонов Ж.М. Овқатланиш корхоналари жиҳозларининг эксплуатацияси. Дарслик. – Т.: «IQTISODIYOT-MOLIYA», 2011. – 376 б. 5. Н.И.Кабущкин, Г.А.Бодаренко «Менеджмент гостиниц и ресторанов». – Минск, ООО ―Новоезнание‖, 2001 г. 6. «Ресторанный сервис. Основы международной практики обслуживания для профессионалов и начинающих». Изд. Центрополиграф. - М.: ЗАО, 2003 г.-188 стр. 7. В.В.Усов. «Организация производство и обслуживания в общественном питании». – М., 2002 г. 8. Каталог контрольно-кассовых машин. – М.: СПб, 2002. 9. Арустамов Э.А. Оборудование предприятий (торговли). – М.: Дашков и К 0 . 2000. 10. Арустамов Э.А., Лефанов В.А., Митрафанова Т.П. Банковское таможенное и офисное оборудование. – М.: Маркетинг. 2000. 11. Применения контрольно-кассовой техники. Серия «Налоги года». Издательский центр «МЫСЛЬ», Новосибирск, 2003.

O'xshashlar

Сабзавот цехи ишини ташкил этиш

Гўшт-балиқ цехи ишини ташкил этиш

Ресторан ишини ташкил этиш

Ресторанларда пиширув цехининг ишини ташкил этиш

Ресторанларда тайёр таомларни сақлаш ва тарқатиш ишини ташкил этиш