Индикатив режалаштиришнинг ташкилий асослари - Iqtisodiyot - Referatlar

Индикатив режалаштиришнинг ташкилий асослари

Yuklangan vaqt:

20.09.2019

Ko'chirishlar soni:

0

Hajmi:

37 KB

Ko'chirib olish

Индикатив режалаштиришнинг ташкилий асослари Режа: 1. Индикатив режалаштиришни ташкил этиш. 2. Индикатив режалаштиришда иқтисодчиларнинг вазифалари ва функциялари. 3. Иқтисодиёт кўрсаткичларини индикатив режалаштиришда ахборот технологияларининг устунликлари.

1. Индикатив режалаштиришни ташкил этиш. Индикатив режалаштиришни ташкил этишда унинг таркибий унсурлари сифатида қуйидагилар иштирок этади: • режани ишлаб чиқиш тартиби ва изчиллиги; • ахборот тизими; • ижрочилар. Режалаштиришни а) давлат (мамлакат, минтақа, тармоқ) даражасида; 6) фирма миқёсида ташкил этиш турлари мавжуд. Ўзбекистон режалаштириш давлат тизимининг вужудга келиши ва ривожланиши кўп жиҳатдан режалаштиришни корхоналар даражасида ташкил этиш амалиёти билан белгиланади. Режа кўрсаткичларини тасдиқлаш жараёни режа лойиҳасининг даставвал манфаатдор тузилмавий бўғинлар томонидан, сўнгра эса юқори раҳбарият томонидан муҳокама этилишини назарда тутади. Расмий режаларнинг тасдиқланиши баённома, буйруқ ёки фармойиш билан қайд этилади. Тасдиқланганидан кейин режалар ижрочиларга, ъни: таркибий бўлинмалар, бўлимлар, хизматлар ва алоҳида ходимларга етказилади . Режаларни бажариш ишлари бошланади ва бунда менежерлар катта рол ўйнайди. Режаларни бажариш жара ни , биринчидан, маблағларнинг сарфланшига қараб, иккинчидан, бажариш вақтига қараб, учинчидан, иқтисодий самара нуқтаи назаридан назорат қилинади. 2. Индикатив режалаштиришда иқтисодчиларнинг вазифалари ва функциялари. Режалаштириш сифати кўп жиҳатдан мутахассисларнинг тайёргарлик даражасига боғлиқ, бу қуйидагилар билан белгиланади: назарий тайёргарлик; уларнинг интеллектуал ривожланганлиги; тажриба ва малака; режа – бу тегишли ҳаракатларни талаб қилувчи онгли равишда қабул

қилинадиган қарорлар тизими эканлигини тушуниш; қўлланиладиган тадбирларнинг оқибатларини олдиндан кўра билиш; асосийсини кўра олиш қобилияти; бизнес шароитида ташқи ва ички омилларнинг мақбул нисбатини топа олиш. Илгари режалаштиришда асосий рол асосан иқтисодчиларга, яъни режа-иқтисодиёт бўлимлари (хизматлари, бошқармалари)нинг ходимларига тегишли эди. Бозор иқтисодиёти шароитида ушбу ҳолат тубдан ўзгарди. Режалаштиришда айниқса кундалик режаларнинг амалга оширилишига бевосита раҳбарлик қилувчи мутахассислар, яъни ўрта ва қуйи бўғин раҳбарлари, менежерларнинг роли ортади. Лекин ҳозирги вақтда ҳам иқтисодчиларнинг роли беқиёс. Бугунги кунда кичик корхонада режалаштириш ишини иқтисодчи, молиячи ёки бухгалтер амалга ошириши мумкин. Катта корхоналарда эса режа кўрсаткичларини иқтисодий жиҳатдан асослаш билан одатда иқтисодий хизматнинг 2-3 нафар ходими шуғулланади. Йирикроқ фирмада, одатда, 4 ёки ундан ортиқ ходимдан иборат иқтисодий бўлим фаолият кўрсатиши мумкин. Янада йирик фирмада ходимларининг умумий сони камида 12 нафардан иборат бўлган бир неча бўлимлар ёки хизматларни ўз таркибига олган иқтисодий бошқарма ташкил этилиши мумкин. 3. Иқтисодиёт кўрсаткичларини индикатив режалаштиришда ахборот технологияларининг устунликлари. Информатиканинг ахборотни олиш ва қайта ишлаш усуллари ва воситалари бўйича амалий даражасини акс эттирувчи, билимларнинг муайян соҳаларида назарияни амалиётда қўллаш соҳасини қамраб олувчи ахборот технологиялари иқтисодий олдиндан кўра билишнинг кўплаб масалаларини оқилона ҳал этиш имконини беради. Ахборот технологиялари – бу бошқарув объектининг оптимал бозор параметрларига эришиш учун бошланғич маълумотларни аппарат ва дастурий воситалар ёрдамида қарор қабул қилиш

механизмининг ишончли ва тезкор ахборотига айлантириш усуллари мажмуидир. Улар компьютерлар, локал ва глобал тармоқлар, мультимедия технологиялари ва ҳоказоларни ўз ичига олади. Мамлакатдаги кўплаб фирмалар ишлашининг самарадорлиги эса якуний истеъмолчининг манфаатларини ҳисобга олган ҳолда давлатнинг бутун иқтисодиёти самрадорлиги учун замин яратади. Лекин, бутун ушбу занжирнинг асосида иқтисодий шахс хўжалик юритишининг самарадорлиги ётади. Фирмадаги ҳар бир операция (битим) ва уларнинг бутун йиғиндиси ўзининг умумий самарадорлигининг бир қисми кўринишида ахборот технологияларини қўллаш самарадорлигини ўз ичига олади.

O'xshashlar

Индикатив режалаштиришнинг ташкилий асослари

Туризмни режалаштиришнинг ташкилий механизми

Ўзбекистон Республикасида ижтимоий - қтисодий ривожланишни индикатив режалаштиришнинг ҳолати

Ўзбекистон Республикасида ижтимоий-иқтисодий ривожланишини индикатив режалаштиришнинг ҳозирги ҳолати

Минтақаларнинг ижтимоий - иқтисодий ривожланишида индикатив режалаштиришнинг мақсади ва вазифалари