Gastronomiya turizmini rivojlantirish istiqbollari - Iqtisodiyot - Referatlar

Gastronomiya turizmini rivojlantirish istiqbollari

Yuklangan vaqt:

31.01.2023

Ko'chirishlar soni:

0

Hajmi:

716.0703125 KB

Ko'chirib olish

Gastronomiya turizmini rivojlantirish istiqbollari Reja: 1. Gastronomiya turizmining turlari, rivojlantirishning maqsadi va vazifalari. 2. O’zbekistonda gastronomiya turizmini shakllantirish xususiyatlari. 1

1. Gastronomiya turizmining turlari, rivojlantirishning maqsadi va vazifalari Hozirgi vaqtda gastronomiya turizmining rivojlanishi «milliy iqtisodiyotga ijobiy ta’siri, bandlikni ta’minlash va madaniy meros sifatida har tomonlama tavsif» asosida BTT ning doimiy nazoratida hisoblanadi. BTT ekspertlarining taqdim etgan ma’lumotlariga binoan, «turizm sohasidagi 30% xarajatlarni gastronomiya turizmi tashkil etib, gastroturizm mahalliy madaniyatning asosiy elementi va ishlab chiqarishning asosini tashkil etadi, bunda asosiy e’tibor Buyuk Ipak yo’lidagi turistik yo’nalishlarning turistik takliflarini takomillashuvini va milliy oshxonalarni rivojlantirishga qaratilgandir» 1 . Sayohatga chiqar ekanmiz, biz o’z oldimizga odatda, qator maqsadlarni qo’yamiz, jumladan, Sinay tog’lariga ko’tarilish, Qadimgi Misr va Rim ehromlarini tomosha qilish yoxud dengiz bo’yida miriqib dam olish kabi maqsadlar bilan birgalikda, muhimi, asrlar davomida saqlanib kelgan mahalliy milliy taomlar ta’midan bahra olish va ularni tayyorlanish madaniyati bilan tanishishdan iborat bo’ladi. Gastronomik turlarning maqsadi – u yoki bu mamlakat oshxonasining xususiyatlari bilan tanishishdan iborat bo’lib, bunda bir necha tansiq taomlarni tatib ko’rish yoxud ko’plab taomlarni iste’mol qilish emas, balki yuqorida ta’kidlaganimizdek, asrlar davomida saqlanib kelgan mahalliy retseptlarni va urf- odatlarni o’zida jamlagan milliy taomlardan bahra olish va ularni tayyorlanish madaniyati bilan tanishishdan iborat bo’ladi. Gastronomik sayohat – bunda sayohatchi u yoki bu mamlakat to’g’risidagi tushunchani izohlash bilan birga, milliy taom orqali shu mamlakat xalqining ruhiyatini o’rganadi va uning mentaliteti haqida ma’lumot oladi. Shunday qilib, gastronomiya turizmi – bu mamlakatlar va qit‟alar bo’ylab sayohat qilish hisoblanib, maqsadi mahalliy oshxona xususiyatlari bilan tanishish hamda kelgan turistlarga antiqa taom va mahsulotlardan tatib ko’rishga imkon yaratadi. Gastronomik tur xizmat sifatida nafaqat sayohat qilish bo’lib hisoblanadi, balki dunyoning boshqa biror joyida takrorlanmaydigan va betakror ta’mga ega bo’lgan 1 Данилов С. Туризм со вкусом yзбекского плова. –Т., 2013. 2

masalliqlardan tarkib topgan, ma’lum bir hududdagina uchrovchi taomlarni tatib ko’rishga qaratilgan tadbirlar majmuiga kiradi. Gastronomiya turizmi turiga qiziqish yildan-yilga oshib bormoqda. Bu qiziqish ko’proq Buyuk Britaniya, Italiya va Peruda keng ommalashib, yildan-yilga gastroturistik marshrutlar ishlab chiqqan mamlakatlar soni tobora ortib bormoqda. Bunday qiziqishning oshishi turizmning boshqa turlarini ham rivojlantirishga zamin yaratmoqda. Insonlar dam olishining bu turini yarim fabrikat mahsulotlarni iste’mol qilish ko’ngliga urganidan so’ng, ko’ngli istagan taomni asl holida tatib ko’rishga intilish, deb ham tushunish mumkin. Gastronomiya turizmi birinchi navbatda gurmanlar, ya’ni mazali taom istovchilar uchun jozibador bo’lib, ularga tansiq taom, bu nafaqat yegulik, balki ko’tarinki kayfiyat bag’ishlovchi lahzalar hisoblanadi. Ikkinchidan, gastronomik sayohatlar ish faoliyati ovqat tayyorlash va tanavvul qilishga bevosita bog’liq bo’lgan kasb egalarini, xususan, restoran boshqaruvchilarini, tatib ko’ruvchilar (degustatorlar), restoran tanqidchilari kabi insonlarni o’ziga jalb qiladi. Bu insonlar o’zlarini kasbiy mahoratlarini, bilimlarini oshirish va ko’nikmalarini mohirona boshqarishga yo’naltirish maqsadida gastroturlarga chiqishadi. Shundan kelib chiqib, gastronomik turlarda eng mohir bosh oshpazlar (shef-povarlar)dan iborat masterklasslar bo’lib, bunda ular o’z kasbiy sirlarini bajonidil baham ko’rishadi. Nihoyat, gastronomik turlarda turistik kompaniya vakillari o’z tijoratini kengaytirish maqsadida ham kulinar sayohatlarga chiqishadi. Bugungi kunda aholi qatlamining quyidagi vakillari gastronomik turistlarni hosil qiladi: 3

1.1-rasm. Gastronomik turistlarning tarkibi. Gastroturlar ikki turga bo’linadi: qishloq («yashil» deb nomlanuvchi) va shahar gastroturlariga bo’linadi. Buning o’ziga xos farqi shundaki, qishloq joyiga sayohatga chiqayotgan turist ekologik toza mahsulotni tatib ko’rishga yo’naltirilgan. Masalan: «yashil» turlarda o’rmonlarda o’sib turgan yovvoyi mevalarni yig’ish, dalalarda o’sib yotgan meva va sabzavotlarni yig’ish, ruxsat berilgan joylarda ov va vino ishlab chiqarish yo’llari bo’ylab sayohatni taklif qiladi. Shahar gastroturlari konditer fabrikasiga sayohatni yoki kichik kolbasa sexi, shu sex qoshida joylashgan restoran va shu yerda tayyorlanadigan tansiq taom sexi mahsulotlari bilan tanishtiriladi. Bundan tashqari, bizlarga bir hududning turli xil taomlari va bir xil taomni turli xil mamlakatlarda tayyorlanishi bilan ham aynan shu gastroturlar tanishtiradi. Bu juda ham mashhur bo’lgan fransuz va bolgar vinolari turi bo’lib, sayyohlarni uzum ishkomlari bo’ylab sayohatga, uzum yig’ishga va vinolar tatib ko’rish (degustatsiyasi)ga chorlaydi. 4 Gastroturistlar Odatiy turizmdan o‗zgachasini istovchilar O‗zining ovqatlanish ratsioniga o‗zgartirish kiritmoqchi bo‗lganlar Gurmanlar ( mazali taom istovchilar ) Ish faoliyati taomni tayyorlash va uni iste‘mol qilish bilan bog‗liq bo‗lganlar O‗zining shaxsiy gastrotur ini tashkil etishga qiziqqan turistik korxonalar vakillari

Gollandiya, Shveytsariya va Italiyaga pishloqli turlarda sayohatchilar pishloqlarni eng sara navini tatib ko’rishi va pishloqli yarmarkalarga tashrif buyurishi mumkin. Germaniya, Avstriya, Chexiya, Belgiya bo’ylab pivo turlarida bu ichimlik ishqibozlariga pivoning turli xilligidan tashqari, pivo tayyorlanish xonalari, mashhur pivo barlari va festivallarga tashrifi bilan ham ajralib turadi. Shuni ta’kidlash joizki, har bir davlatni o’ziga xos gastroturizm salohiyati mavjuddir. Zero, har bir davlatning o’ziga xos milliy oshxonasi va unda boshqa bir mamlakatda takrorlanmaydigan, asrlar osha saqlanib kelayotgan, o’zining takrorlanmas mehmondo’stligi va milliy taomlari bo’lgan oshxonasi mavjuddir. Masalan, Yaponiyada turistlar gid-boshlovchi yordamida ularning milliy taomi bo’lgan «sushi»ni tayyorlash uchun mahsulotlar xarid qilishadi va turistlar ko’z oldida mashhur bosh oshpazlar (shef-povarlar) tomonidan «sushi» tayyorlanadi. Pasta Italiya sarhadlaridan chiqib kelgan juda ham oddiy taom bo’lib ko’ringani bilan, kulinar sayohatda turist bu taomni turli xilligi, uning takrorlanmas ta’mi va bir xil retseptda turli xil oshpazlar tomonidan tayyorlangan pastaning mo’’jizaviy ta’mi bilan tanishadi hamda uni bir-biri bilan qiyoslaydi. O’zbekistonda ham turbiznesning bu yo’nalishi bo’yicha afzalliklarini tushunayotgan turfirmalar soni tobora ko’paymoqda. Bizda asosan «yashil gastroturizm» keng rivojlanadi, chunki O’zbekiston Respublikasi Vazirlar Mahkamasining 2012-yil 10-oktabrda «Umumiy ovqatlanish tashkilotlari faoliyatini takomillashtirish va xodimlar malakasini oshirish bo’yicha» Qarori 2 ga asosan O’zbekiston oshpazlar uyushmasi qoshida milliy oshpazlik san’ati xalqaro Markazi tashkil etildi. Ushbu qaror bilan uning vakolati kengaytirildi hamda mustahkamlandi. Uzoq tarixga ega an’analarning borligi va milliy taomlarning turli-tumanligi o’zbek oshpazchiligining xorijiy mamlakatlarda keng ommalashishiga olib kelishi ushbu hujjatda o’z aksini topgan. Buning uchun bizda mavjud qadimdan shakllangan, 2 "Umumiy ovqatlanish tashkilotlarining faoliyatini yanada takomillashtirish va xodimlarining kasbiy darajasini oshirish chora- tadbirlari to’g’risida" O’zbekiston Respublikasi Vazirlar Mahkamasining 2012yildagi 289-sonli Qarori. 5

ekologik toza va inson organizmini tetik qiladigan milliy taomlarimiz degustatsiyasini tashkil qilish lozim bo’lmoqda. Bunda antiqa milliy taomlarimiz orqali gastronomiya turizmini qishloq turizmi bilan bog’lash imkoniyati yaratilmoqda. Darhaqiqat, viloyatlarda joylashgan qishloqlarda faqat shu joyga xos bo’lgan milliy taomlar mavjud bo’lib, uning mazasi va tarkibi boshqa viloyat qishloqlarida takrorlanmaydi. Aynan shu jihati bilan bunday taomlar xorijiy turistlar va mahalliy aholi uchun ham mazali hisoblanadi. 2. O’zbekistonda gastronomiya turizmini shakllantirish xususiyatlari Pazandachilikda har bir xalqning urf-odatlari, tarixiy an’analari va o’ziga xos xususiyatlari aks etadi. Mana shu o’ziga xoslik milliy oshxonalarda ajoyib taomlarning yuzaga kelishi va turli-tuman bo’lishiga ham sabab bo’ladi. Barcha taomlarimizning mazali va xushta’mlilik darajasiga ko’tarilishida quyoshli o’lkamiz zaminida yetishtiriladigan dehqonchilik mahsulotlarining xilma-xilligi muhim ahamiyat kasb etadi. Dasturxonimizning o’ziga xos xususiyatlarini to’la namoyon etadigan omillardan biri – taomlarimizning turlitumanligidir. Chunonchi, chorvachilik bilangina shug’ullanadigan joylarda go’sht-yog’, sut-qatiq ko’proq iste’mol qilinsa, dehqonchilik rivojlangan hududlarda esa sabzavotli, don-dukkakli ovqatlar asosiy o’rin oladi. Shunday taomlar borki, bularni kundalik iste’mol uchun emas, balki bayram dasturxonlariga mo’ljallab, aziz mehmonlar uchun tayyorlanadi. Qazi-qarta, po’stdumba o’ramasi, tandir kabob, norin, xasip kabi tansiq taomlar shular jumlasiga kiradi. Bir hududda yashayotgan turli millatlar va elatlarning taomlari bir-biriga o’xshashi tabiiy holdir. Masalan, agar o’zbek taomnomasiga nazar tashlaydigan bo’lsak, unda rus, tojik, ukrain, kavkaz, tatar, qozoq, uyg’ur va boshqa xalqlar taomlarining o’nlab xillari uyg’unlashib, tobora takomillashib borayotganligining guvohi bo’lamiz. O’z navbatida, palovlarimiz, suyuq oshlarimiz, xamir taomlarimiz qardosh xalqlarning dasturxonini ham bezab turibdi. 6

Xalqimiz pazandachiligida yilning ma’lum fasllaridagina dasturxonga tortiladigan taomlar ham bor. Masalan, bahorda qaymoq qo’shilgan rediskali gazak, shovul sho’rva, sumalak, xalim, ko’k chuchvara, ko’k somsa, kovatok palov (tok oshi), qovurma gulkaram, yalpizli moshxo’rda iste’mol qilinadi. Yozda esa pomidor kabob, karam do’lma, dumbil sho’rva, qalampir do’lma, lag’mon, qatiqli ugra oshi, suzmali gazak, chalop, go’ja oshi, bug’lama kabob, go’shtli dimlama, sabzavotli dimlamalar, ayron, yaxna choy, meva kompotlari va hokazolar xush keladi. Kuzda qovurma baliq, laqqa kabob, barra go’sht, kalla sho’rva, bedana kabob, behili palov, kartoshkali manti, asalli behi, kesma lag’mon, oshqovoq somsa kabilar ko’proq dasturxonlardan arimaydi. Ayozli kunlarda qaziqarta, po’stdumba, qo’y yog’li palov, kart dumba palov, qazili palov, barra kabob, turpli salat, qovurma sho’rva, moshkichiri, qishga saqlanadigan mevalar, ularning murabbo, kompot, qoqilari, sirkalangan va tuzlangan sabzavotlar iste’mol qilinadi. 2.1-rasm. O’zbek milliy taomlari. 7

O’zbekiston sharoitida gastronomiya turizmini shakllantirishdagi milliy taomlarning turlari quyidagi 2.1-jadvalda berilgan. 2.1-jadval Gastronomiya turizmini shakllantirishdagi milliy taomlarning turlari № TAOM NOMI TAYYORLASH HUDUDLARI IZOH 1. Atala Yurtimizning barcha joylarida, turli usullarda tayyorlanadi. (sut atala, un atala, ko’k atala) Atala – yurtimizdagi eng qadimiy taomlardan biri hisoblanadi. Qadimdan ota-bobolarimiz atalani quvvat bag’ishlovchi darivor taom sifatida iste’mol qilishgan. Bu taom to’yimliligi bilan bir qatorda, oshqozon kasalliklariga davo hisoblanadi. 2. Qurtoba Navoiy, Surxondaryo, Jizzax, Samarqand, Buxoro viloyatlarida tayyorlanadi. Qurtoba – eng qadimiy taomlarimizdan biri hisoblanadi. Bu taom deyarli barcha xonadonlarda tayyorlangan. Chunki qurtoba inson organizmiga nihoyatda foydali, tanani qizdiruvchi va qo’shimcha quvvat beruvchi taom. 3. Shirchoy Bu taom ham yurtimizning barcha viloyatlari dasturxoni nonushtasiga tayyorlanadi. Shirchoy – ham qadimdan xalqimiz orasida eng mashhur taomlardan biridir. Chunki bu taom oson tayyorlanishi bilan birga yengil hazm bo’luvchi taom hisoblanadi. Oshqozon, buyrak va yurak kasalliklariga davo. U o’zining badanga tez singishi, ko’p quvvatliligi bilan mashhur. 8

4. G’ilmindi Surxondaryo va Samarqand viloyatining Bulung’ur, Qo’shrabot tumanlarida, Jizzax viloyatining G’allaorol, G’ilmindi – qadimdan ota-bobolarimiz dalada ishlab holdan toyganlarida, shuningdek, mo’’tabar mehmonlarga tayyorlab berilgan. Chunki xalqimiz orasida juda kuchli taom hisoblanadi. Bu taomni faqatgina ustasigina maromiga yetkazib tayyorlashi mumkin. Tayyorlash usuli murakkabligi 9

ning davomi Baxmal, Zomin tumanlarida maromiga yetkazib tayyorlanadi. bois, xalqimizning barcha xonadonlarida ham tayyorlanmaydi. Taom kam quvvatlilarga tavsiya etiladi. Yengil, ishtahani ochuvchi, kishini uzoq muddat to’q tutish xususiyatiga ega. 5. Yupqa Surxondaryo va Samarqand viloyatining Bulun- g’ur, Qo’shrabot tumanlarida, Jizzax viloyatining G’allaorol tumanlarida maromiga yetkazib tayyorlanadi. Yupqa – xalqimizda qadimda asosan qish oylari juda sovuq kelganda, oiladagilardan biri qattiq shamollaganda tayyorlangan. Janglarda askarlarga ham aynan shu taom ko’pincha tayyorlab berilgan. Bu taom nihoyatda kuchli taom hisoblanadi. Hamma organizm ham bu taomni ko’tara olmaydi. Faqat kuchli organizmli insonlargina bu taomni iste’mol qila oladi. 6. Go’ja Yurtimizning tog’ oldi tumanlarining barchasida tayyorlanadi. Go’ja – xalqimizning yozning issiq oylarida chanqoqbosdi taom sifatida iste’mol qilinadigan taomi hisoblanadi. Sutli go’ja Toshkent va Farg’ona vodiysi tomonlarda tayyorlanadi. Bu taom jo’xori, makkajo’xori va bug’doy yetishtiriladigan joylarda ko’proq tayyorlanadi. Ushbu taom holsizlikning oldini oladi. 7. Tandir kabob Surxondaryo, Qashqadaryo va Jizzax viloyatining tog’li tumanlarida tayyorlanadi. O’zbekistonning barcha viloyatlari aholisining eng sevimli taomi sifatida iste’mol qilinadi. 10

8. Kulchatoy Yurtimizning barcha tumanlarida tayyorlanadi. O’zbekistonning barcha viloyatlari aholisining eng sevimli taomi sifatida iste’mol qilinadi. Ko’pincha mehmonlar taomi deb yuritiladi. ning davomi 9. Mosh- kichiri Yurtimizning barcha tumanlarida ayniqsa, Toshkent viloyatida tayyorlanadi. O’zbekistonning barcha viloyatlari aholisining eng sevimli taomi sifatida iste’mol qilinadi, parhez taomi turiga kiradi. 10. Mosh- xo’rda Yurtimizning barcha tumanlarida ayniqsa, Toshkent viloyatida tayyorlanadi. O’zbekistonning barcha viloyatlari aholisining eng sevimli taom sifatida iste’mol qilinadi. Ayniqsa, Toshkent shahri va Toshkent viloyatlari aholisi sevib iste’mol qiladigan taom hisoblanadi. 11. Ugra palov Samarqand viloyati va unga yaqin joylarda tayyorlanadi. Samarqand viloyati va unga yaqin joylar aholisining eng sevimli taomi sifatida iste’mol qilinadi. 12. Sumalak Yurtimizning barcha tumanlarida tayyorlanadi. O’zbekistonning barcha viloyatlari aholisi bahor faslida pishiradigan milliy taomi sifatida qadrlanadi. Bu taom insonlarga kuch-quvvat bag’ishlaydi. Musulmon dunyosida Navro’z taomi deb yuritiladi. 11

13. Nisholda Yurtimizning barcha joylarida, turli usullarda tayyorlanadi. Nisholda ota-bobolarimizdan qolib kelayotgan, to’y va marakalarda tortiladigan shirinliklardan biri bo’lib, hozir ham iste’mol qilinadi. Nisholda oppoq piyolaga solib qo’yilsa dasturxonni bezatadi, hazm qilish xususiyati kuchli. 14. Xolvaytar Yurtimizning barcha joylarida, turli usullarda tayyorlanadi. O’zbekistonning barcha viloyatlari aholisining sevimli shirinliklari sifatida iste’mol qilinadi. Aholi orasida mashhur shirinlik bo’lib, ko’pincha to’y va ma’rakalarda pishiriladi. ning davomi 15. Qatlama Yurtimizning barcha joylarida, turli usullarda tayyorlanadi. O’zbekistonning barcha viloyatlari aholisining sevimli non mahsuloti sifatida iste’mol qilinadi. Aholi orasida mashhur non mahsuloti bo’lib, ko’pincha to’y va ma’rakalarda pishiriladi. 16. Norin Yurtimizning Toshkent shahri va Toshkent viloyatlari hududlarida tayyorlanadi. Sumalak va xalimdan (xalisa) keyin eng uzoq tayyorlanadigan taomlardan biri, taomdagi turli- tuman maza-ta’m hozirgacha norinning dovrug’ini, sirliligini saqlab kelmoqda. 17. Xasip Yurtimizning barcha joylarida, turli usullarda tayyorlanadi. Bu taom ham xalqimizning eng sevimli taomlaridan bo’lib, asosan so’yilgan molning kalla-oyoqlari, oshqozon va ichaklaridan tayyorlanadi hamda 12

to’yimli, quvvat bag’ishlovchi taom hisoblanadi. 18. Qiyma kabob Yurtimizning barcha joylarida, turli usullarda tayyorlanadi. Bu taomning dovrug’i butun mamlakat va hattoki xorijlik mehmonlarga ham yetib borgan. O’zining pishirilish jarayoni, ta’mi, ko’rinishi har qanday kishining ishtahasini ochadi. 19. Chalop Yurtimizning barcha joylarida, turli usullarda tayyorlanadi. Yurtimizning hamma viloyatlarida, ayniqsa, yoz mavsumida tayyorlanib iste’mol qilinadigan asosiy suyuq taom hisoblanadi. Chalop issiq kunlarda ishtaha ochuvchi va tez hazm qiluvchi taomdir. 20. Tuxum barak (xorazmcha taom) Yurtimizning Xorazm, Buxoro va Navoiy viloyatlarida tayyorlanadi. Tuxum barak asosan Xorazm, Buxoro va Navoiy viloyatlarida tayyorlanadigan taom bo’lib, milliy oshxonamizda qadimiyligiga va muhlisiga ega bo’lgan quvvat bag’ishlovchi mazali taomlardan hisoblanadi. 13

Shuni ham ta’kidlash joizki, hozirgi paytda Go Uzbekistan.uz, Restoran.uz portali bilan hamkorlikda «O’zbekiston gastronomiya turizmi» nomli yangi loyiha faoliyat ko’rsatmoqda. Bu bilan mamlakatimiz oshpazlik mahoratining taomlardagi xilma-xilligi va mahalliy xususiyatlarga tegishli ekanligi, oddiy va qadimiyligi, hududlardagi ilg’or tajribalar bilan xalqaro turizm bozoriga kirib borishiga imkoniyat yaratadi. Tayanch so’z va iboralar: gastronomiya turizmi, «yashil gastroturizm», mahalliy oshxona, mahalliy taom turlari, gastronomiya turizmini rivojlantirish istiqbollari. oshpazlik mahorati, milliy taomlarning turlari. 14

ADABIYOTLAR 1. Абдурахмонов К.Х. Менеджмент туризма. Учебное пособие. –Т.: Филиал ФГБОУ ВПО ―РЕУ им. Г.В. Плеханова‖ в г. Ташкенте, 2013, 248 с. 2. Агзамов С., Ташмуратов Т. Менеджмент международного туризма – Т.: ТашГУ, 1996. 3. Adilova Z.D, Sodiqov T. Xalqaro turizm biznesi. O’quv qo’llanma. – T.: TDIU, 2010. 4. Adilova Z.D, Aliyeva M.T., Norchayev A. Turizm menejmenti. O’quv qo’llanma. – T.: TDIU, 2011. 5. Aliyeva M.T., Umarjonov A. Turistik mamlakatlar iqtisodiyoti. – T:. Moliya, 2005. 6. Asror Mo’min. Dunyo mo’’jizalari. Yangi nashr. – T.: 2012, 8b. 7. Ahmadxo’jayev H. va boshqalar. Marketing tadqiqotlari. – T., 2002. 8. Boltaboyev M.R., Tuxliyev I.S., Muhamadiyev A.N., Abduxamidov S.A. ―Turizm: nazariya va amaliyot‖ fanidan elektron darslik yaratish texnologiyasi. Uslubiy qo’llanma. –S., 2016. 9. Gadoyev K., Berdiyeva S. Jahongashta sayyoh olimlar. – T .: O ’ zbekiston , 2012. 10. Данилов С. Туризм со вкусом узбекского плова. – T., 2013. 11. Ivatov I. Restoran menejmenti. O’quv qo’llanma. – T.: Iqtisodiyot, 2007. 12. Tashmuratov T.T., Saidov A., Umarqulov E. Turizm iqtisodi. – T.: TMI, 2000. 15

O'xshashlar

Xorijda qishloq turizmini rivojlantirish tajribasi

O'zbekiston Respublikasida axborot-kommunikatsiya texnologiyalarini rivojlantirish istiqbollari va bojxona tizimida samarali qo'llanilishining jahon tajribasi

Turizmni rivojlantirish shakllari

O‘zbеkistonda biznеsning rivojlanish istiqbollari

Fond bozorining rivojlantrish istiqbollari