Budjet tashkilotlarini budjetdan tashqari jamg’armalari - Iqtisodiyot - Referatlar

Budjet tashkilotlarini budjetdan tashqari jamg’armalari

Yuklangan vaqt:

14.05.2023

Ko'chirishlar soni:

0

Hajmi:

1625 KB

Ko'chirib olish

Budjet tashkilotlarini budjetdan tashqari jamg’armalari Reja: 1. Budjet tashkilotlarining budjetdan tashqari jamg’armalari daromadlari va xarajatlari 2. Budjet tashkilotlarining budjetdan tashqari jamg’armalari daromadlari 3. Budjet tashkilotlarining budjetdan tashqari jamg’armalari xarajatlari 4. Budjetdan mablag’ oluvchilarning budjetdan tashqari mablag’lari hisobini yuritish uchun shaxsiy g’azna hisobvaraqlarini ochish tartibi

Budjet tashkilotlarining budjetdan tashqari jamg’armalari daromadlari va xarajatlari Budjet tashkilotlarining budjetdan tashqari jamg’armalari haqida tushuncha Budjet tashkilotlarida barcha xarajatlar davlat budjeti mablag’lari hisobidan qoplanadi. Ammo, ayrim tadbirlarni moliyalashtirish uchun budjetdan tashqari mablag’lar foydalaniladi, ya’ni bular davlat budjeti mablag’lari hisobidan emas, balki boshqa manbalar hisobidan tashkil etiladigan mablag’lardir. Budjetdan tashqari mablag’lar jumlasiga maxsus mablag’lar, topshiriqlar bo’yicha summalar va depozit summalar kiradi. Maxsus mablag’lar – bu budjet tashkilotlariga tegishli binolardan, xonalardan, korxonalardan va yordamchi xo’jaliklardan, inventarlardan va uskunalardan foydalanish va ishlatish natijasida paydo bo’lgan budjet tashkiloti daromadlarining summasidir. Maxsus mablag’lar foydalanish xarajatlarini qoplashga, qaysi tadbirlardan olingan bo’lsa, o’sha tadbirlarning faoliyatini kengaytirish va yaxshilashga sarflanadi. Maxsus mablag’larni boshqa maqsadlarga hamda budjetdan moliyalashtiriladigan tadbirlarga sarflashga yo’l qo’yilmaydi. Maxsus mablag’larga barcha budjet tashkilotlari ega bo’lishi mumkin. Maxsus mablag’larning har bir turi bo’yicha kirim-chiqim smetalari tuziladi. Smetaning daromadlarida maxsus mablag’larning kirimi ko’rsatiladi, xarajatlarida esa mablag’larning budjet tasnifi moddalari bo’yicha yo’naltirilishi ko’rsatiladi. Agar budjet tashkiloti maxsus mablag’larning bir nechta turlariga ega bo’lsa, u holda individual smetalar asosida ularning yig’masi tuziladi. Yig’ma smetada maxsus mablag’lar har bir turining daromad va xarajatlari alohida-alohida ko’rsatiladi. Maxsus mablag’larning smetalari bo’yicha xarajatlar daromadlaridan yuqori bo’lishi mumkin emas. Maxsus mablag’larning smetalarini yuqori budjet mablag’larini tasarruf qiluvchilar tomonidan tasdiqlanishi haqida ikki nusxada ma’lumotnoma tuziladi.

Ma’lumotning bir nusxasi bank muassasasiga beriladi, boshqasi esa ma’lumot berilgan tashkilotda qoladi. Bank mazkur tashkilotdagi barcha maxsus mablag’lar smetalarining tasdiqlanishi haqidagi bitta ma’lumotnomani oladi va bank muassasalari Maxsus mablag’lar bo’yicha talab qilib olgunga qadar depozit hisobvaraqlaridan mablag’lar beradi. Budjet tashkilotlarining rahbarlari maxsus mablag’larning tasarruf qiluvchilari hisoblanadi. Ular smetada ko’zda tutilgan daromadlarning tushumini ta’minlashga va maxsus mablag’larning xarajatlarini har bir moddasi bo’yicha tasdiqlangan summalar doirasida smeta bo’yicha maqsadli tayinlanishiga muvofiq sarflashga majburdirlar. Maxsus mablag’larning kelib tushayotgan summalarini, odatda, to’lovchilar to’g’ridanto’g’ri bank muassasasiga ularni budjet tashkilotining maxsus mablag’lar bo’yicha talab qilib olgunga qadar depozit hisobvaraqlariga qo’yish uchun topshirishlari kerak. Topshiriqlar bo’yicha summalarayrim topshiriqlarni bajarish uchun boshqa tashkilotlardan budjet tashkilotiga kelib tushgan mablag’lardir. Bularga, masalan, o’quv yurtlarini tugatib ish joyiga yuborilgan yosh mutaxassislarga to’lash uchun tashkilotlardan olingan summalar, korxonalardan o’qishga yuborilgan talabalarga ular hisobidan stipendiya to’lash uchun olingan summalar, boshqa tashkilotlardan, ular uchun uskunalar, adabiyotlar va boshqa shunga o’xshashlarni sotib olish uchun olingan summalar kiradi. Topshiriqlar bo’yicha kelib tushgan mablag’lar bank muassasalarida Topshiriqlar bo’yicha summalarga doir talab qilib olgunga qadar alohida depozit hisobvarag’ida saqlanadi. Bunday hisobvaraqlar tegishli moliya organining ruxsati bilan ochiladi. Depozit summalar – budjet tashkilotining ixtiyoriga vaqtinchalik kelib tushgan va ma’lum sharoit vujudga kelishi munosabati bilan qaytarilishi yoki tayinlanishi bo’yicha hisobga o’tkazilishi lozim bo’lgan mablag’lardir. Bular jumlasiga, masalan, davolash muassasalaridagi kasallarning, ularni davolash muassasasidan chiqarilganda egalariga qaytariladigan pullari, sud organlari ixtiyorida vaqtinchalik saqlanayotgan va sud qaroriga asosan egasiga qaytariladigan yoki tayinlanishi bo’yicha o’tkaziladigan summalar va boshqalar kiradi. Depozit summalar hukumat tomonidan belgilangan ma’lum muddat davomida bank muassasalarida budjetdan

tashqari mablag’lar bo’yicha talab qilib olgunga qadar depozit hisobvaraqlarida saqlanadi. Bu muddat tugagandan so’ng talab qilib olinmagan summalar tegishli budjetning daromadiga o’tkaziladi. Budjet tashkilotlarining budjetdan tashqari jamg’armalari - qonun hujjatlarida nazarda tutilgan manbalar hisobidan budjet tashkiloti tasarrufiga kelib tushadigan mablag’lardir Germaniya Federativ Respublikasida budjet yili kalendar yili bilan mos keladi. Federal budjet parlament - Dev Bundestag tomonidan tasdiqlanadi. Federal budjetni tuzish, tasdiqlash va ijro etish kutilayotgan daromadlar va xarajatlarni aniqlash hamda buxgalteriya hisobini yuritish, budjet ijrosining haqiqiy aksini ko’zda tutadi. Markaziy budjetni tuzish bosqichida vazirlik va idoralar taxminan 9 oyga mo’ljallangan keyingi yil xarajatlari smetalarini Moliya vazirligiga yuboradi. Moliya vazirligi prognoz qilingan daromadlar asosida budjetning xarajatlar qismini aniqlaydi va budjet loyihasini federal hukumatga topshiradi. Ijro etuvchilar tomonidan ma’qullangan budjet loyihasi qonun chiqaruvchi organlarga tasdiqlash uchun yuboriladi. Avval budjet parlamentining yuqori palatasi - Der Bundesratra yuborilib, u erda uch hafta davomida ko’rib chiqiladi. Undan so’ng quyi palata - Der Bundestagra taqdim etiladi. Qonun loyihasi qabul qilganidan so’ng, u hukumat boshlig’i tomonidan imzolanadi va qonuniy kuchga ega bo’ladi Budjet tashkilotlarining budjetdan tashqari jamg’armalari daromadlari. Budjet tashkilotining rivojlantirish jamg’armasi daromadlari  hisobot choragining so’nggi ish kuni oxirida xarajatlar smetasi bo’yicha tejalgan mablag’lar, kapital qo’yilmalarni moliyalashtirish uchun nazarda tutilgan mablag’lar bundan mustasno;  faoliyat ixtisosligi bo’yicha tovarlarni (ishlarni, xizmatlarni) realizatsiya qilishdan olingan daromadlar;

 budjet tashkiloti balansida turgan mol-mulkni ijaraga berishdan olingan mablag’larning bir qismi;  belgilangan tartibda budjet tashkilotlari tasarrufida qoldiriladigan mablag’lar;  homiylikdan olingan mablag’lar hisobidan shakllantiriladi. Budjet tashkilotining rivojlantirish jamg’armasiga budjet tashkilotlarining tovarlarni (ishlarni, xizmatlarni) realizatsiya qilishdan olingan daromadlari tovarlarni (ishlarni, xizmatlarni) realizatsiya qilishdan tushgan tushumlar va ularni ishlab chiqarish bo’yicha xarajatlar o’rtasidagi ijobiy farq sifatida aniqlanadi. Byudjet tashkilotini rivojlantirish jam g’ armasini shakllanish manbalari hisobot choragining oxirgi ish kuni oxirida byudjet tashkilotlarining Moliya vazirligi G’ aznachiligida va uning hududiy bo’linmalarida ochilgan hisob raqamlarida qolgan tejab qolingan mablag’lar byudjet tashkilotlari faoliyati turiga muvofiq tovarlar (ishlar, xizmatlar) ishlab chiqarish va sotishdan olingan daromadlar vaqtincha foydalanilmayotgan binolarni va davlatning boshqa mol - mulkini boshqa tashkilotlarga ijaraga berishdan olingan mablag’larning 50 foizi yuridik va jismoniy shaxslar tomonidan byudjet tashkilotlariga berilayotgan homiylik yordami (beg’araz yordam)

1-rasm. Budjet tashkilotini rivojlantirish jamg’armasini shakllanish manbalari Tibbiyot tashkilotlarining moddiy rag’batlantirish va rivojlantirish jamg’armasi daromadlari:  tibbiyot tashkilotiga ajratiladigan budjet mablag’lari umumiy hajmining 5 foizigacha bo’lgan miqdorda budjetdan ajratiladigan mablag’lar;  faoliyat ixtisosligi bo’yicha tovarlarni (ishlarni, xizmatlarni) realizatsiya qilishdan olingan daromadlar;  hisobot choragining so’nggi ish kuni oxirida xarajatlar smetasi bo’yicha tejalgan mablag’lar, kapital qo’yilmalarni moliyalashtirish uchun nazarda tutilgan mablag’lar bundan mustasno;  tibbiyot tashkiloti balansida turgan mol-mulkni ijaraga berishdan olingan mablag’larning bir qismi;  belgilangan tartibda budjet tashkilotlari tasarrufida qoldiriladigan mablag’lar;  homiylikdan olingan mablag’lar hisobidan shakllantiriladi. Tibbiyot tashkilotlarining moddiy rag’batlantirish va rivojlantirish jamg’armasiga tibbiyot tashkilotlarining tovarlarni (ishlarni, xizmatlarni) realizatsiya qilishdan olingan daromadlari tovarlarni (ishlarni, xizmatlarni) realizatsiya qilishdan tushgan tushumlar va ularni ishlab chiqarish bo’yicha xarajatlar o’rtasidagi ijobiy farq sifatida aniqlanadi. Vazirliklar, davlat qo’mitalari va idoralarning budjetdan tashqari jamg’armalari daromadlari belgilangan tartibda davlat bojlari, yig’imlar va soliq bo’lmagan to’lovlar, ma’muriy jarimalar hamda moliyaviy sanktsiyalardan ajratmalar hisobidan shakllantiriladi.

Budjet tashkilotlarining budjetdan tashqari jamg’armalari xarajatlari. Budjet tashkilotlari tomonidan budjetdan tashqari mablag’lar  o’quvchilar va tarbiyalanuvchilar davlat maktabgacha ta’lim muassasalarida, umumta’lim maktablarining kuni uzaytirilgan guruhlarida, maktab-internatlarda, olimpiya zaxiralari kollejlari va boshqa ta’lim muassasalarida saqlab turilganligi uchun;  o’quvchilar bolalar musiqa va san’at maktablari hamda maktabdan tashqari ta’lim muassasalarida ta’lim olganligi uchun;  oliy va o’rta maxsus, kasb-hunar ta’limi muassasalarida ta’lim olganlik uchun;  statsionar davolash-profilaktika muassasalarida davolanayotganlar tarkibi ovqatlanishi uchun;  qonun hujjatlariga muvofiq boshqa turdagi undiriladigan to’lovlar hisobidan shakllantiriladi. Undiriladigan to’lovlarning miqdorlari, ularni kiritish va ulardan foydalanish tartibi, shuningdek undiriladigan to’lovlar bo’yicha imtiyozlar qonun hujjatlari bilan belgilanadi.

2-rasm. Budjet tashkilotini rivojlantirish jamg’armasi mablag’larining sarflanishi Byudjet tashkilotini rivojlantirish jamg’armasi mablag’lari quyidagi maqsadlarda sarflanadi: avvalo vaqtincha mehnatga layoqatsizlik bo’yicha nafaqalarni va mavjud kreditorlik qarzlarni to’lashga byudjet tashkilotining moddiy - texnika baza sini mustahkamlash tadbirlariga ijtimoiy rivojlantirish va byudjet tashkilotlarining xodimlarini moddiy rag’batlantirish tadbirlariga

Budjet tashkilotida vaqtincha mehnatga qobiliyatsizlik bo’yicha to’lanmagan nafaqalar va muddati o’tgan kreditorlik qarz mavjud bo’lgan taqdirda, Budjet tashkilotining rivojlantirish jamg’armasi mablag’lari birinchi navbatda ushbu qarzlarni to’lash uchun sarflanadi. Yuridik va jismoniy shaxslar tomonidan budjet tashkilotlariga ko’rsatilgan homiylik mablag’larining jami summasi, agar homiy tomonidan boshqacha qoida belgilanmagan bo’lsa, budjet tashkilotlarining moddiy-texnika bazasini mustahkamlash uchun sarflanadi. Vazirliklar, davlat qo’mitalari va idoralarning budjetdan tashqari jamg’armalari mablag’laridan:  moddiy-texnik bazani mustahkamlash;  xodimlarni moddiy rag’batlantirish;  boshqa xarajatlarni qoplash uchun foydalaniladi . Byudjet tashkilotining rivojlantirish jamg’armasi hamda tibbiyot tashkilotlarining moddiy rag’batlantirish va rivojlantirish jamg’armasi mablag’laridan [ 1 ] : vaqtincha mehnatga qobiliyatsizlik nafaqalarini va mavjud kreditorlik qarzlarini to’lash ; byudjet tashkilotining moddiy - texnika bazasini mustahkamlash tadbirlari ; byudjet tashkiloti xodimlarini moddiy rag’batlantirish tadbirlari uchun foydalaniladi .

Vazirliklar, davlat qo’mitalari va idoralarning budjetdan tashqari jamg’armalari mablag’lari hisobidan xodimlarning qo’shimcha sonini saqlab turish taqiqlanadi, O’zbekiston Respublikasi Vazirlar Mahkamasi tomonidan belgilanadigan hollar bundan mustasno. Vazirliklar, davlat qo’mitalari va idoralarning budjetdan tashqari jamg’armalari mablag’larini shakllantirish va ulardan foydalanish tartibi O’zbekiston Respublikasi Vazirlar Mahkamasi tomonidan belgilanadi. Yuridik shaxs maqomiga ega bo’lgan budjet tashkilotlarining qo’shimcha daromadlari mablag’ bilan ta’minlashning quyidagi manbalari:  faoliyat turi bo’yicha tovarlar (ishlar, xizmatlar) ishlab chiqarish va sotish;  budjet tashkilotlari tomonidan vaqtincha foydalanilmayotgan binolarni va davlatning boshqa mol-mulkini boshqa tashkilotlarga ijaraga berish;  yuridik va jismoniy shaxslar tomonidan budjet tashkilotlariga ko’rsatiladigan homiylik (begaraz) yordami hisobiga olinishi mumkin. Budjet tashkilotini rivojlantirish jamgarmasi:  g’azna ijrosiga o’tmagan budjet tashkilotlari bo’yicha - rejaga muvofiq budjetdan mablag’ bilan ta’minlash hisobiga tushgan va hisobot choragining oxirgi ish kuni oxirida budjet tashkilotlari hisob raqamlarida qolgan tejab qolingan mablag’lar (kapital qo’yilmalarni mablag’ bilan ta’minlash uchun nazarda tutilgan mablag’lar bundan mustasno);  g’azna ijrosiga o’tgan budjet tashkilotlari bo’yicha - hisobot choragining oxirgi ish kuni oxirida budjet tashkilotlarining Moliya vazirligi G’aznachiligida va uning hududiy bo’linmalarida ochilgan hisob raqamlarida qolgan tejab qolingan mablag’lar (kapital qo’yilmalar bo’yicha xarajatlarni to’lash uchun nazarda tutilgan mablag’lar bundan mustasno);  budjet tashkilotlari faoliyati turiga muvofiq tovarlar (ishlar, xizmatlar) ishlab chiqarish va sotishdan olingan daromadlar;  vaqtincha foydalanilmayotgan binolarni va davlatning boshqa molmulkini boshqa tashkilotlarga ijaraga berishdan olingan mablag’larning 50 foizi.

Mablag’larning qolgan 50 foizini budjet tashkilotlari mahalliy budjetlar daromadiga o’tkazadilar;  yuridik va jismoniy shaxslar tomonidan budjet tashkilotlariga berilayotgan homiylik yordami (begaraz yordam) hisobiga shakllantiriladi. Budjet tashkilotini rivojlantirish jamgarmasi mablag’lari faqat:  avvalo vaqtincha mehnatga layoqatsizlik bo’yicha nafaqalarni va mavjud kreditorlik qarzlarni to’lashga;  budjet tashkilotining moddiy-texnika bazasini mustahkamlash tadbirlariga;  ijtimoiy rivojlantirish va budjet tashkilotlarining xodimlarini moddiy rag’batlantirish tadbirlariga sarflanadi. Budjet tashkilotida vaqtincha mehnatga layoqatsizlik bo’yicha to’lanmagan nafaqalar muddati o’tkazib yuborilgan kreditorlik qarz mavjud bo’lsa, Budjet tashkilotini rivojlantirish jamgarmasi mablag’lari tejab qolingan budjet mablag’lari doirasida ushbu qarzlarni to’lashga (ishlar, xizmatlar tovarlar ishlab chiqarish va sotish bo’yicha jami xarajatlar o’rni qoplangandan so’ng) sarflanadi. Agar kreditorlik qarzi budjet tashkilotining xarajatlari vaqtincha etarli miqdorda mablag’ bilan ta’minlanmaganligi munosabati bilan paydo bo’lgan taqdirda, kreditorlik qarzning Budjet tashkilotini rivojlantirish jamgarmasi hisobiga to’langan miqdori joriy moliya yiliga belgilangan xarajatlar limiti doirasida budjetdan qoplanadi. Agar kreditorlik qarzi budjet tashkilotlarining xarajatlar smetasiga ilovada nazarda tutilgan tegishli xarajatlar to’lanmaganligi va (yoki) xarajatlarning har qaysi guruhi bo’yicha belgilangan limitlarning oshib ketganligi munosabati bilan paydo bo’lgan bo’lsa, to’liq hajmda budjetdan mablag’ bilan ta’minlangan taqdirda, Budjet tashkilotini rivojlantirish jamgarmasi mablag’lari (ishlar, xizmatlar, tovarlar ishlab chiqarish va sotish bo’yicha jami xarajatlar o’rni to’ldirilgandan so’ng) avvalo xarajatlarning to’lanmagan qismi va belgilangan limitlarning ortib ketgan miqdori doirasida kreditorlik qarzlarni uzishga yo’naltiriladi.

Budjet tashkilotida vaqtincha mexnatga layoqatsizlik bo’yicha to’lanmagan nafaqalar va kreditorlik qarz mavjud bo’lmasa yoxud ushbu qarzlar mazkur Tartibda belgilangan doirada va shartlarda to’langan taqdirda Budjet tashkilotini rivojlantirish jamgarmasining qolgan mablag’lari (homiylik yordami, begaraz yordam miqdori bundan mustasno):  tushgan barcha mablag’larning kamida 75 foizi (sog’liqni saqlash budjet tashkilotlarida kamida 50 foizi) tovarlar (ishlar, xizmatlar) ishlab chiqarish va sotish bo’yicha jami xarajatlarning o’rnini to’ldirishga va moddiytexnika bazani mustahkamlashga;  tushgan barcha mablag’larning ko’pi bilan 25 foizi (sog’liqni saqlash budjet tashkilotlarida 50 foizdan ortiq bo’lmagan miqdorda) budjet tashkilotlari xodimlarini ijtimoiy himoya qilish va moddiy rag’batlantirish tadbirlariga sarflanadi. Yuridik va jismoniy shaxslar tomonidan budjet tashkilotiga ko’rsatilgan homiylik (begaraz) yordamidan olingan mablag’larning barcha summasi, agar homiy bilan maxsus o’zgacha hol kelishilmagan bo’lsa, moddiy-texnika bazani mustahkamlashga sarflanadi. O’zbekiston Respublikasi Vazirlar Mahkamasining 1999 yil 3 sentyabrdagi 414-sonli «Budjet tashkilotlarini mablag’ bilan ta’minlash tartibini takomillashtirish to’g’risida»gi qaroriga muvofiq budjet tashkilotini rivojlantirish fondi: rejaga muvofiq budjetdan moliyalashtirish hisobiga tushgan va hisobot choragining so’nggi ish kuni oxirida budjet tashkilotining hisobvarag’ida qolgan tejab qolingan (foydalanilmagan) mablag’lar (kapital qo’yilmalarni moliyalashtirish uchun ko’zda tutilgan mablag’lar bundan mustasno); budjet tashkilotining faoliyati turiga muvofiq mahsulot(ish, xizmat)lar ishlab chiqarish va sotishdan olingan daromadlar; davlatning vaqtincha foydalanilmayotgan binolari va mol-mulkini boshqa tashkilotlarga ijaraga berishdan olingan mablag’larning 50 foizi hamda yuridik va jismoniy shaxslar tomonidan budjet tashkilotiga berilayotgan homiylik (beg’araz) yordami hisobiga shakllantiriladi.

Faoliyat turi bo’yicha mahsulot (ish, xizmat) lar ishlab chiqarish va sotishdan, davlatning vaqtincha foydalanilmayotgan binolari va mol-mulkini boshqa tashkilotlarga ijaraga berishdan hamda yuridik va jismoniy shaxslar tomonidan budjet tashkilotiga berilayotgan homiylik (beg’araz) yordamidan qo’shimcha daromad olayotgan budjet tashkilotlari 2005 yil oxirigacha Davlat budjetiga undiriladigan soliqlar va yig’imlarning barcha turlaridan ozod qilingan edi. Shu munosabat bilan bo’shab qolgan mablag’lar budjet tashkilotining moddiy-texnika va ijtimoiy bazasini hamda xodimlarini moddiy rag’batlantirishga yo’naltiriladi. Bunda shuni hisobga olish kerakki, I - guruh «Ish haqi va unga tenglashtirilgan to’lovlar» bo’yicha tejalgan, uning chorakdagi oxirgi oyning ikkinchi yarmiga tegishli mehnat haqini to’lash uchun moliyalashtirilgan mablag’lar, moliyalashtirilmaganligi sababli yoki budjet mablag’lari bo’yicha talab qilib olgunga qadar asosiy depozit hisobvarag’idagi mablag’ning etmaganligi sababli olinmagan deponent qilingan mehnat haqi va stipendiyalar hamda nafaqalarning summalari tejalgan summa deb hisoblanmaydi va budjet tashkilotini rivojlantirish fondi-budjetdan tashqari mablag’lar bo’yicha talab qilib olgunga qadar depozit hisobvarag’iga o’tkazilmaydi. II-guruh «Mehnat haqiga hisoblanishlar» bo’yicha hisoblangan, lekin o’tkazib berilmagan mehnat haqiga hisoblanishlar, hisoblangan, lekin to’lanmagan pensiyalar, vaqtincha mehnatga layoqatsizligi bo’yicha, bola tug’ilganda beriladigan va vafot etganda beriladigan nafaqalar summalari, budjet tashkilotlarini rivojlantirish fondibudjetdan tashqari mablag’lar bo’yicha talab qilib olgunga qadar depozit hisobvarag’iga o’tkazilmaydi. Budjet tashkilotini rivojlantirish fondi mablag’lari faqat avvalo mavjud kreditor qarzlarini to’lashga, budjet tashkilotining moddiy-texnika bazasini mustahkamlash va ijtimoiy rivojlantirish tadbirlariga va budjet tashkilotining xodimlarini moddiy rag’batlantirishga xarajat qilinadi. Budjet tashkilotida muddati o’tkazib yuborilgan kreditorlik qarzi bo’lsa, budjet tashkilotini rivojlantirish fondi mablag’lari tejab qolingan budjet mablag’lari

doirasida ushbu qarzni to’lashga (mahsulot (ish, xizmat) lar ishlab chiqarish va sotish bo’yicha jami xarajatlar o’rni qoplangandan so’ng) xarajat qilinadi. Kreditor qarz budjet tashkilotining xarajatlari vaqtincha etarli miqdorda moliyalashtirilmaganligi munosabati bilan paydo bo’lgan taqdirda, kreditorlik qarzining budjet tashkilotini rivojlantirish fondi mablag’lari hisobidan to’langan miqdori joriy moliya yiliga belgilangan xarajatlar limiti doirasida budjetdan qoplanadi. Vaqtincha to’la moliyalashtirilmaganligi natijasida budjet mablag’lari bo’yicha talab qilib olgunga qadar asosiy budjet depozit hisobvarag’ida mablag’ bo’lmaganda, budjet mablag’lari bo’yicha talab qilib olgunga qadar asosiy depozit hisobvarag’idagi mablag’lar hisobidan keyinchalik to’ldirilishini hisobga olingan holda, budjet hisobidan qilinadigan xarajatlar budjet tashkilotini rivojlantirish fondi-budjetdan tashqari mablag’lar bo’yicha talab qilib olgunga qadar depozit hisob varag’idagi mablag’lar hisobidan ham qilinishi mumkin. Budjetdan mablag’ oluvchilarning budjetdan tashqari mablag’lari hisobini yuritish uchun shaxsiy g’azna hisobvaraqlarini ochish tartibi. Budjet tashkilotlarining Budjet tasnifining mablag’lar manbasi va budjetlar darajasi tasnifining 4 001 – “Budjet tashkilotlarini rivojlantirish jamg’armasi” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda ochilgan shaxsiy g’azna hisobvaraqlarida O’zbekiston Respublikasi Vazirlar Mahkamasining 1999 yil 3 sentyabrdagi 414-son “Budjet tashkilotlarini mablag’ bilan ta’minlash tartibini takomillashtirish to’g’risida”gi qaroriga muvofiq shakllanadigan budjet tashkilotining budjetdan tashqari daromadlari va xarajatlari hisobi yuritiladi. O’zbekiston Respublikasining 1993 yil 3 sentyabrdagi «Fuqarolarning davlat pensiya ta’minoti to’g’risida» gi Qonunga muvofiq budjet tashkilotida ishlovchi xodimlarga pensiya to’lovlarini to’lash bo’yicha mablag’lar manbasi va budjetlar darajasi tasnifining 4 002 – “O’zbekiston Respublikasi Moliya vazirligi huzuridagi

budjetdan tashqari Pensiya jamg’armasining ijtimoiy nafaqalarni to’lash uchun mablag’lari” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Ushbu (4002) shaxsiy g’azna hisobvaraqda budjet tashkilotida ishlovchi pensionerlarning pensiya to’lovlari uchun O’zbekiston Respublikasi Moliya vazirligi huzuridagi budjetdan tashqari Pensiya jamg’armasidan moliyalashtirilgan mablag’lar hisobi va pensiya to’lovi uchun amalga oshirilgan xarajatlar hisobi yuritiladi Ushbu shaxsiy g’azna hisobvarag’idan budjet tashkilotida ishlovchi xodimlarning pensiya to’lovlari bo’yicha xarajatlar, budjetdan mablag’ oluvchilarning ish haqi va unga tenglashtirilgan to’lovlar uchun naqd pul olishga So’rovnoma, pensiya to’lovlarini naqd pulda olish uchun mablag’larni G’aznachilikning bankdagi 23212, 23214 balans raqamli tranzit hisob raqamlariga o’tkazish to’g’risidagi to’lov topshiriqnomalari, ushbu hisob raqamga o’tkazilgan mablag’lar doirasida yozilgan cheklar yoki ishlovchi pensionerlarning roziligi asosida ularning pensiyalarini plastik kartochkalarga o’tkazish bo’yicha to’lov topshiriqnomalari asosida, shaxsiy g’azna hisobvarag’ida mavjud qoldiqlar doirasida amalga oshiriladi. Bunda, ushbu shaxsiy g’azna hisobvaraqdan xarajatlarni amalga oshirishda g’aznachilik bo’linmalari tomonidan, smeta xarajatlarini “G’aznachilik-4” DM ga kiritish yoki qog’oz formatda taqdim etilishi talab qilinmaydi. Ushbu budjetdan tashqari mablag’lar bo’yicha shaxsiy g’azna xisobvarag’idan amalga oshirilgan operatsiyalar bo’yicha shaxsiy g’azna hisobvarag’idan ko’chirmalar budjetdan mablag’ oluvchilarning talabi bo’yicha operatsiyalar amalga oshirilgan kundan keyingi kunda o’rnatilgan tartibda g’aznachilik bo’linmalari tomonidan taqdim etiladi. Ushbu shaxsiy g’azna hisobvarag’iga yuqorida ko’rsatilganidan boshqa tushumlarning tushirilishi va mablag’lardan noo’rin foydalanish bo’yicha

javobgarlik budjetdan mablag’ oluvchilarning rahbarlari va bosh hisobchilariga yuklatiladi. O’zbekiston Respublikasi Vazirlar Mahkamasining 2005 yil 21 dekabrdagi “Tibbiyot xodimlari mehnatiga haq to’lashning takomillashtirilgan tizimini tasdiqlash to’g’risida”gi 276-sonli qaroriga muvofiq Tibbiyot muassasasining moddiy rag’batlantirish va rivojlantirish jamg’armasi mablag’lar manbasi va budjetlar darajasi tasnifining 4 003- “Tibbiyot muassasalarini moddiy rag’batlantirish va rivojlantirish Jamg’armasi” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda alohida shaxsiy g’azna hisobvaraqlar ochiladi. Budjetdan mablag’ oluvchilarning o’tgan yillardagi debitorlik qarzlarning qaytarilgan summalari, o’tkazilgan inventarizatsiya va tekshirishlar natijasida undiriladigan summalardan tushadigan tushumlar bo’yicha mablag’lar manbasi va budjetlar darajasi tasnifining 4 004– “O’tgan yillar debitorlik qarzlarining tushgan summasi” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Budjetdan mablag’ oluvchilarning budjet mablag’lari hisobidan paydo bo’lgan o’tgan yillardagi debitorlik qarzlarning qaytarilgan summalari 4004 shaxsiy g’azna hisobvaraqlarga kirim qilinib, O’zbekiston Respublikasi Vazirlar Mahkamasining 1999 yil 3 sentyabrdagi 414-sonli qaroriga muvofiq, tegishli budjetlar daromadlariga o’tkaziladi. Maktabgacha tarbiya bolalar muassasalari va maktab-internatlari (keyingi o’rinlarda –budjet tashkilotlari deb yuritiladi) da bolalar ta’minoti uchun to’lanadigan mablag’lar va ushbu mablag’larning sarflanishi O’zbekiston Respublikasi Adliya vazirligida 2008 yil 13 fevralda 1768-son bilan ro’yxatga olingan “Maktabgacha tarbiya bolalar muassasalari va maktab-internatlardagi bolalar ta’minotiga haq to’lash tartibi to’g’risida” Nizomga muvofiq amalga oshiriladi.

Budjet tashkilotlarida bolalar ta’minotiga to’langan mablag’lar va ushbu mablag’larning sarflanishi hisobini yuritish uchun Budjet tasnifining mablag’lar manbasi va budjetlar darajasi tasnifining 4 005- “Maktabgacha ta’lim muassasalarida bolalar ta’minoti uchun ota-onalardan tushumlar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. O’zbekiston Respublikasi Adliya vazirligida 2009 yil 5 fevralda 1898-son bilan ro’yxatga olingan “Ota-onalar tomonidan bolalarning musiqa va san’at maktablarida o’qishi uchun haq to’lash va undan foydalanish tartibi to’g’risida Nizom”ga muvofiq amalga oshiriladi. Maktabdan tashqari musiqa va sa’nat maktablarida bolalar ta’minoti uchun ota- onalardan to’langan mablag’lar va ushbu mablag’larning sarflanishi hisobini yuritish uchun Budjet tasnifining mablag’lar manbasi va budjetlar darajasi tasnifining 4 006- “Maktabdan tashqari muassasalarda bolalar ta’minoti uchun ota- onalardan tushumlar (musiqa va san’at maktablari)” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Musiqa va san’at maktablarida o’qish uchun to’lanadigan to’lovlar qonun hujjatlarida belgilanadigan miqdorlarda undiriladi. Budjet tashkilotlarining Budjet tasnifining mablag’lar manbasi va budjetlar darajasi tasnifining 4 007 – “Xodimlardan, ular ishlayotgan joyida ovqatlanganligi bo’yicha hisob-kitoblardan tushadigan tushumlar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda ochilgan shaxsiy g’azna hisobvaraqlarida budjet tashkilotlari xodimlarining, ular ishlayotgan joyida ovqatlanganligi bo’yicha hisob-kitoblardan tushadigan tushumlar va xodimlarni ovqatlantirish uchun qilingan xarajatlar hisobi yuritiladi.

Ushbu budjetdan tashqari mablag’lar bo’yicha daromadlar va xarajatlar smetasi tuzilmaydi. Xodimlarning ovqatlanganligi uchun to’lovlar xodimlarning ish haqlaridan saqlangan holda mablag’larni bir shaxsiy g’azna hisobvarag’idan ikkinchi shaxsiy g’azna hisobvarag’iga o’tkazish bilan yoki xodimlarning o’zlari tomonidan bank muassasalari orqali naqd pulda yoki plastik kartochkalari orqali amalga oshirilishi mumkin. O’zbekiston Respublikasi Vazirlar Mahkamasining 2010 yil 30 iyuldagi 163- sonli “Olimpiya zaxiralari kollejlarida sport zaxirasini tayyorlash tizimini yanada takomillashtirish chora-tadbirlari to’g’risida”gi qaroriga muvofiq, Olimpiya zaxiralari kollejlari hamda Olimpiya zaxiralari sport maktab internatlarida (keyingi o’rinlarda- budjet tashkilotlari deb yuritiladi) tekin (imtiyozli) ovqatlantirish xarajatlarini qisman qoplash uchun ota-onalar to’lovidan tushadigan tushumlar va ushbu mablag’larning xarajati sarfi hisobini yuritish uchun Budjet tasnifining mablag’lar manbasi va budjetlar darajasi tasnifining 4 008- “Maktab-internatlar va litseylarda bolalarning ta’minoti uchun ota-onalardan tushumlar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda ochiladigan tegishli shaxsiy g’azna hisobvaraqlarda yuritiladi. Olimpiya zaxiralari kollejlari o’quvchilari, shu jumladan, umumta’lim bo’g’ini o’quvchilari olimpiya zaxiralari kollejlari o’quvchilari uchun sutkalik oziq-ovqat normasiga muvofiq, ota-onalar to’lovi hisobiga xarajatlarni qisman qoplagan holda, tekin (imtiyozli) oziq-ovqat bilan ta’minlanadilar. Oliy va o’rta maxsus, kasb-hunar ta’limi muassasalarining (keyingi o’rinlarda – budjet tashkilotlari deb yuritiladi) Budjet tasnifining mablag’lar manbasi va budjetlar darajasi tasnifining 4 009- “O’quv muassasalarida o’qishdan tushayotgan mablag’lar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda ochilgan tegishli shaxsiy g’azna hisobvaraqlarida O’zbekiston Respublikasi Adliya vazirligida 2013 yil 26 fevralda 2431-son bilan ro’yxatga

olingan Oliy va o’rta maxsus, kasb-hunar ta’limi muassasalarida o’qitishning to’lov-kontrakt shakli va undan tushgan mablag’larni taqsimlash tartibi to’g’risidagi Nizom”ga muvofiq o’qitishning to’lov-kontrakt shakli bo’yicha tushadigan mablag’lar tushumi va ushbu mablag’larning xarajati sarfi hisobi yuritiladi.. O’qitishning to’lov-kontrakt shakli bo’yicha to’lovlar qonunchilikda beligilangan miqdor va muddatlarda undiriladi. O’zbekiston Respublikasi Vazirlar Mahkamasining 2003 yil 19 noyabrdagi 520-sonli “Vazirliklar va idoralarning budjetdan tashqari jamg’armalariga mablag’lar ajratish va ulardan foydalanishni tartibga solish chora-tadbirlari to’g’risida”gi qaroriga hamda Vazirlar Mahkamasining 2010 yil 2 apreldagi 62sonli qaroriga asosan, Davlat budjetidan mablag’ bilan ta’minlanadigan vazirliklar va idoralarning budjetdan tashqari jamg’armalariga ajratilgan mablag’lar mablag’lar manbasi va budjetlar darajasi tasnifining 4 010- “Ajratmalar hisobiga shakllanadigan vazirlik va idoralarning budjetdan tashqari jamg’armalari” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Davlat budjetidan mablag’ bilan ta’minlanadigan vazirliklar va idoralarning budjetdan tashqari jamg’armalari daromadlari va xarajatlari smetalarini ro’yxatdan o’tkazish O’zbekiston Respublikasi Moliya vazirligi tomonidan, budjet mablag’lari uchun belgilangan tartibda va muddatlarda amalga oshiriladi. O’zbekiston Respublikasi Adliya vazirligida 2010 yil 14 yanvarda 2064son bilan ro’yxatga olingan “Umumta’lim maktablarini darsliklar va o’quvmetodik qo’llanmalar bilan ta’minlash tartibi to’g’risida”gi Nizomga muvofiq Respublika maqsadli kitob jamg’armasiga Darsliklar uchun ijara to’lovlari mablag’lari bo’yicha mablag’lar manbasi va budjetlar darajasi tasnifining 4 011- “Umumta’lim muassasalarida darsliklar ijarasi to’lovidan tushgan budjetdan tashqari mablag’lar” kodi va xarajatlarning vazifa jihatidan tasnifining 7 950 100 – “Budjet

tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Darsliklar va o’quv metodik qo’llanmalarni xarid qilish va etkazib berish xarajatlari, shuningdek qonunchilikda belgilangan Jamg’armaning boshqa xarajatlari to’lovlari belgilangan tartibda O’zbekiston Respublikasi Moliya vazirligining G’aznachiligi tomonidan Jamg’arma mablag’lari hisobidan amalga oshiriladi. Moliya organlari tomonidan Davlat budjeti hisobidan kapital qo’yilmalarga ajratilgan mablag’larning o’tgan yilda foydalanmagan qismiga har bir qurilish ob’ekti uchun mablag’lar manbasi va budjetlar darajasi tasnifining 4 012 – “Kapital qo’yilma mablag’lari bo’yicha depozitlar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda shaxsiy g’azna hisobvaraqalari ochiladi. Ushbu shaxsiy g’azna hisobvaraqalardan keyingi yillarda xarajatlar smetasida nazarda tutilgan mablag’lar doirasida qat’iy belgilangan maqsadlarga ishlatiladi. Vazirlar Mahkamasining 1997 yil 2 dekabrdagi 532-son “Davolashprofilaktika muassasalarini mablag’ bilan ta’minlash tizimini takomillashtirish to’g’risida”gi qaroriga muvofiq turg’un davolash-profilaktika muassasalarida davolanayotgan bemorlardan ovqatlanish uchun undirilgan to’lovlar bo’yicha mablag’lar manbasi va budjetlar darajasi tasnifining 4 013- “Turg’un davolashprofilaktika muassasalarida davolanayotgan bemorlardan ovqatlanish uchun undiriladigan to’lovlar” kodi va xarajatlarning vazifa jihatidan tasnifining 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda tegishli shaxsiy g’azna hisobvaraqlar ochiladi. Ushbu mablag’larni shakllanishi va sarflanishi davolash-profilaktika muassasalari tomonidan yuqorida qayd etilgan Vazirlar Mahkamasining qaroriga muvofiq amalga oshiriladi. Amaldagi qonun xujjatlariga asosan ayrim vazirlik va idoralarda ajratmalar hisobiga shakllanadigan budjetdan tashqari jamg’armalariga kelib tushayotgan

mablag’lardan o’zining yuqori tashkilotiga ham o’tkazib berishi yoki yuqori tashkilotdan quyi tashkilotga ushbu mablag’larni o’tkazib berish nazarda tutilgan. a) Qayta taqsimlash uchun vazirlik va idoralarning budjetdan tashqari jamg’armalariga kelib tushadigan mablag’ uchun ushbu vazirlik va idoralarning quyi bo’linmalarida mablag’lar manbasi va budjetlar darajasi tasnifining quyidagi 4 014 – “Taqsimlanishi ko’zda tutilgan tushumlar” kodi va xarajatlarning vazifa jihatdan tasnifning 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda shaxsiy g’azna hisobvaraqalar ochiladi. Vazirlik va idoralarning tegishli bo’linmalariga ochilgan yuqoridagi shaxsiy g’azna hisobvaraqlarga kelib tushgan mablag’larning tegishli qismi (o’ziga qoladigan qismi) ushbu bo’linmalar tomonidan tegishli shaxsiy g’azna hisobvaraqlarga (4 010...) o’tkaziladi. Mazkur bo’linmalarning shaxsiy g’azna hisobvaraqlarida (mablag’lar manbasi 4 014...) qolgan mablag’lar o’rnatilgan tartibda taqsimlanadi. b) Vazirlar Mahkamasining 2005 yil 21 dekabrdagi 276-son “Tibbiyot xodimlari mehnatiga haq to’lashning takomillashtirilgan tizimini tasdiqlash to’g’risida”gi qaroriga muvofiq tashkil qilingan tibbiyot muassasalarini moddiy rag’batlantirish va rivojlantirish jamg’armasi mablag’larini shakllanish manbalaridan biri pulli davolash va xizmat ko’rsatish hisobiga tushadigan mablag’lar hisoblanadi. Bunda, mazkur tushgan barcha mablag’lardan ushbu amalga oshirilgan davolash va ko’rsatilgan xizmatlarning tannarxini chiqarib tashlagan holda Jamg’armaga yo’naltirish lozimligini nazarda tutish zarur. Ushbu mablag’lar hisobini to’g’ri olib borilishini ta’minlash maqsadida faqatgina pulli davolash va xizmatlar ko’rsatish hisobiga tushayotgan mablag’lar mablag’lar manbasi va budjetlar darajasi tasnifining 4 014 – “Taqsimlanishi ko’zda tutilgan tushumlar” kodini hamda xarajatlarning vazifa jihatdan tasnifning 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda shaxsiy g’azna hisobvaraqalar ochiladi.

Mazkur shaxsiy g’azna hisobvaraqdan (4 014...) belgilangan tartibda davolash va xizmat ko’rsatishning tannarxi qoplangandan so’ng qolgan mablag’lar hozirda mavjud bo’lgan 4 003 – “Tibbiyot muassasalarini moddiy rag’batlantirish va rivojlantirish Jamg’armasi” kodi bilan ochilgan shahsiy g’azna hisobvaraqlarga (xodimlarni moddiy rag’batlantirish va tashkilotni moddiy-texnika bazasini mustahkamlash tadbirlariga alohida o’rnatilgan foizlar bo’yicha) o’rnatilgan tartibda yo’naltiriladi. v) Budjet tashkilotlarining asosiy vositalarni sotish hamda ularni sotishdan tushgan pul mablag’larini taqsimlash tartibi Vazirlar Mahkamasining 2009 yil 31 dekabrdagi 343-son qarori bilan tasdiqlangan “Budjet tashkilotlari va davlat unitar korxonalarining asosiy vositalarini hamda qurilishi tugallanmagan ob’ektlarni sotish, shuningdek ularni sotishdan tushgan pul mablag’larini taqsimlash tartibi to’risida Nizom”ga muvofiq amalga oshiriladi. Budjet tashkilotlarining boshqa asosiy vositalarini sotishdan tushgan mablag’lar budjetdan tashqari mablag’lar bo’yicha budjet tashkilotlarning talab qilib olinguncha depozit hisobraqamlarida (yoki Moliya vazirligi G’aznachiligining tegishli bo’linmalarida ochilgan shaxsiy g’azna hisobvraqlarida) jamlanisha hamda ko’rsatib o’tilgan mablag’lar budjet tashkilotlari tomonidan quyidagi tartibda taqsimlanishi: 50 foizi – tegishli budjet daromadiga o’tkazilishi; 50 foizi – budjetdan tashqari mablag’lari bo’yicha budjet tashkilotlarning talab qilib olinguncha depozit hisobraqamlarida (yoki Moliya vazirligi G’aznachiligining tegishli bo’linmalarida ochilgan shaxsiy g’azna hisobvraqlarida) qolishi belgilangan. Bunda, byudet tashkilotlarning boshqa asosiy vositalarini belgilangan tartibda sotishdan tushgan mablag’lar mablag’lar manbasi va budjetlar darajasi tasnifining 4 014– “Taqsimlanishi ko’zda tutilgan tushumlar” kodi bilan ochilgan shaxsiy g’azna hisobvaraqlarga 100 foiz miqdorida kelib tushadi.

Tegishli budjet tashkilotlarining 4 014– “Taqsimlanishi ko’zda tutilgan tushumlar” kodi bilan ochilgan shaxsiy g’azna hisobvaraqlarga kelib tushgan mablag’lar budjet tashkilotlari tomonidan quyidagicha taqsimlanadi: 50 foizi – tegishli budjet daromadiga; 50 foizi – tegishli budjet tashkilotlarining mablag’lar manbasi va budjetlar darajasi tasnifining 4 999– “Budjet tashkilotlarining boshqa budjetdan tashqari mablag’lari” kodi bilan ochilgan shaxsiy g’azna hisobvaraqlariga o’tkaziladi. O’zbekiston Respublikasi Prezidentining 2010 yil 24 dekabrdagi PQ-1449-son “O’zbekiston Respublikasining 2011 yilgi asosiy makroiqtisodiy ko’rsatkichlari prognozi va davlat budjeti parametrlari to’g’risida”gi qarorining 30-ilovasiga muvofiq umumta’lim muassasalarining kuni uzaytirilgan guruhlarida bolalar ta’minoti uchun ota-onalar tomonidan to’lanadigan to’lovlar mablag’lar manbasi va budjetlar darajasi tasnifining 4 015– “Boshqa ta’lim muassasalarida bolalar ta’minoti uchun ota-onalar to’lovi” kodi va xarajatlarning vazifa jihatdan tasnifning 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda shaxsiy g’azna hisobvaraqalar ochiladi. Mazkur shaxsiy g’azna hisobvaraq bo’yicha xarajatlar smetasi tuziladi va qonunchilikda belgilangan tartibda xarajatlar amalga oshiriladi. Bunda, maktabdan tashqari umumta’lim muassasalari zarur hollarda (bolalarning xaqiqiy qatnov kunlaridan kelib chiqqan holda) ushbu xarajatlar smetasining belgilangan tartibda o’zgartirishlar kiritib borishlari mumkin. Yuqorida keltirilgan budjetdan mablag’ oluvchilarning budjetdan tashqari mablag’lari bo’yicha ochilgan shaxsiy g’azna hisobvaraqlarda ko’zda tutilmagan mablag’lar bo’yicha mablag’lar manbasi va budjetlar darajasi tasnifining 4 999– “Budjet tashkilotlarining boshqa budjetdan tashqari mablag’lari” kodi va xarajatlarning vazifa jihatdan tasnifning 7 950 100 – “Budjet tashkilotlarning budjetdan tashqari mablag’lari” bo’lim va kichik bo’limlarini qo’llagan holda shaxsiy g’azna hisobvaraqalar ochiladi.

Adabiyotlar: 1. Malikov T., Xaydarov N. Budjet (tizimi, tuzilmasi, jarayoni). O'quv qo'llanma. T.: Iqtisod-moliya, TMI-2008, 98b. 2. Srojiddinova Z.X. O'zbekiston Respublikasi budjet tizimi. T.: «infoCOM.UZ». 2010. 500 b. 3. Karimova Z.X., Djamalov X.N., Islamqulov A.X. Budjet tizimi. O'quv qo'llanma. “VORIS-NASHRIYOT”. 2012. 208 b. 4. O. G'aybullaev, U. O'roqov. O'zbekiston Respublikasida budjet tizimi va jarayoni: O'quv qo'llanma. Toshkent: Baktria press, 2015, 168 b. 5. Public budgeting systems / Robert Lee, Ronald Johnson, and Philip Joyce.9th ed. 2013.- 656 pages 6. Makarand A. Paithankar. Public Budgeting theory and practice. CreateSpace Independent Publishing Platform (4 Jun. 2016) USA

O'xshashlar

Budjet tashkilotlarida budjetdan tashqari mablag’lar hisobi

Davlatning budjetdan tashqari maqsadli pul fondlari va davlat krediti. Davlatning budjetdan tashqari maqsadli pul fondlari

Budjet hisobi fanining predmeti va metodi

Davlat budjeti va davlat maqsadli jamg’armalari budjetlari daromad qismi ijrosi hisobi

Moliya organlari, g‘aznachilik va uning xududiy bo‘linmalari, davlat maqsadli jamg‘armalarni taqsimlovchi organlarda budjetlar ijrosi hisobini tashkil etish asoslari