Shaxsiy kompyuterlarni takomillashtirish - Informatika va AT - Referatlar

Shaxsiy kompyuterlarni takomillashtirish

Yuklangan vaqt:

20.09.2019

Ko'chirishlar soni:

0

Hajmi:

90.328125 KB

Ko'chirib olish

Shaxsiy kompyuterlarni takomillashtirish Reja: 1. Yangilash strategiyasi 2. Kompyuter komponentlari

Kompyuterni takomillashtirish uni harid qilingan vaqtdan boshlanadi. Global apgreyd (takomillashtirish) – fundamental komponentlarni ommaviy almashtirilishidan iborat. Takomillasht irishning sabablari turlicha bo‘lishi mumkin – tezkor xotiraning hajmi yetarlicha bo‘lmasligi, videoadapter unumdorligining pastligi, qattiq disk hajmining yetarli emasligi va boshqalar. Zamonaviy shaxsiy kompyuterlar modulli tizim asosida qurilgan, bu o‘z navbatida takomillashtirishni olib borishni va natijada katta quvvatga ega kompyuterga erishishni ta’minlaydi. 1. Yangilash strategiyasi Yangilash strategiyasi yanada kuchli tizimlarga o‘tish modelini tanlashdan iborat. Birinchi navbatda ular, kompyuterdan foydalanish ish tartibi, uning yordamida yechiladigan masalalar doirasi va foydalanuvchining texnik tayyorgarligi darajasi bilan belgilanadi. Yangi kompyuterni harid qilish yangi tizimning maksimal ishonch liligini ta’minlaydi, ayniqsa agar kompyuter ish quroli sifatida foydalanishga mo‘ljallangan bo‘lsa. Yangi kompyuterga qo‘yiladigan asosiy talab – barqaror ishlashi. Unga xos bo‘lgan kamchilik hosil qilingan tizim komponentlarining nooptimal muvozanati yuzaga kelishidir. Muntazam takomillashtirish ish tartibi kompyuterni doimiy ravishda eng ilg‘or darajada saqlash imkonini beradi. Foydalanuvchi asosiy samaradorlikni amaliy masalalarni yechilishidagi yuqori unum dorlikdan emas, uning shaxsiy bilim darajasi va malakasini oshi shidan oladi. Bu strategiyani tanlashda kompyuterni yangilash jarayonini oldindan rejalashtirishga to‘g‘ri keladi. Byudjetli takomillashtirish agar kompyuter aniq maqsadga mo‘ljallangan va u o‘z vazifasini to‘laqonli bajarayotgan bo‘lsa, iqtisodiy jihatdan eng samarali yechim hisoblanadi. Bunday takomillashtirishdan maqsad, yangilangan kompyuterning maksimal ishlash muddatini eng minimal iqtisodiy chiqim bilan yetarli darajada unumdorligini ta’minlash.

1-jadvalda kompyuter tizimidan foydalanishning turli xil jihatlarini uni takomillashtirishning tanlangan tamoyiliga bog‘liq bo‘lgan sifatli baholanishi keltirilgan. 1-jadval Turli takomillashtirish ish tartiblarida kompyuterning foydalanish tavsiflari Yangi kompyut er harid qilish Muntazam takomillashti rish Moliyaviy takomillashti rish Unumdorlik + + + + + + Ish barqarorligi + + + + + Komponentlar ning o‘rtacha ishlash muddati + + + + + + Umumiy harajatlar + + + + + + Bir marttalik harajatlar + + + + + + Barqarorlik talabi. Kompyuter tizimining barqarorligi unga qo‘ yiladigan talablarni belgilovchi asosiy omil hisoblansa, standart konfi guratsiyalar orasidan eng optimalini tanlash maqsadga muvofiq bo‘ladi. Kompyuterlar ishlab chiqarilayotganida yuqori haroratli muhitda, katta yuklanish ostida va uzoq vaqt uzluksiz ishlatish davrida sinchiklab testdan o‘tkaziladi. Ko‘pincha, to‘liq moslashuv va yuqori unumdorlikni ta’minlovchi komponentlar yakka tartibda tanlanadi. Agar kompyuter xaridor tomonidan taklif qilingan ro‘yxat bo‘yicha yig‘ilayotgan bo‘lsa, uning testdan o‘tkazilishi shartli ko‘rinishga ega bo‘ladi,

ya’ni faqat uning ishlash xususiyatlari tekshiriladi. Bunday holatda, ya’ni komponentlarning bir-birlariga unchalik mos bo‘lmagan holda o‘rnatilishi oqibatida tizim unumdorligi ko‘pincha qoniqarsiz bo‘ladi. Savdo shahobchasidan harid qilingan kompyuter apparat darajasida mustaqil xizmat ko‘rsatishni talab etmaydi. Bunday kompyuterni mustaqil tarzda yangilashga urinish kutilmagan va noxush natijalarni berishi mumkin. Masalan, ayrim firmalar g‘iloflarning noyob standartlarini ishlatadilar, shuning uchun kengaytirish platalarining format lari ularga mos kelmasligi mumkin. Kompyuterning apparat qism larini yakka tartibda (moslab) tanlamay almashtirish, kutilgan unumdor likning oshish ko‘rsatgichlarini bermasligi mumkin. Unumdorlik talabi. Kompyuter tizimining unumdorligini belgilovchi asosiy (kalit) elementlar – bu, ona plata, protsessor, tezkor xotira va videokartadir. Ona plata, unga o‘rnatilishi mumkin bo‘lgan protsessor, xotira moduli turlari va videoadapter standartlarini aniqlab beradi. Ona platani to‘g‘ri tanlash ushbu kompyuterning bashorat qilingan vaqt davomida kelajakdagi rivojlanish imkoniyatlarini belgilaydi. Protsessorlarning doimiy takomillashtirilib borilishi, ularni o‘rnatish usullariga bo‘lgan standartning muntazam ravishda o‘zgarishi bilan kuzatiladi. 2. Kompyuter komponentlari Kompyuterning apparatli komponentlari butkul mustaqil hisoblanmaydi. Apparat interfeysiga bo‘lgan standart va kompo nentlarni ulovchi razyomlar komponentalarning modellari singari tez rivojlanib bormoqda. Takomillashtirishni rejalashtirish vaqtida kompyuterning barcha elementlarini to‘rtta asosiy toifaga ajratish mumkin. Birinchi toifaga ona plata ta’alluqlidir. U kompyuterning barcha interfeyslarini o‘zida jamlaydi va har qanday komponentlar o‘rtasidagi moslikni belgilab beradi. Ikkinchi toifaga ona plataning imkoniyatlariga qarab tanlanadigan komponentlar kiradi. Bularga protsessor, xotira modullari, tizimli blok g‘ilofi, videokarta kiradi.

Shunday qilib, agar sizga kelajakda kompyuterni takomillashtirishda to‘sqinlik qilmaydigan g‘ilof va elektr ta’minot bloki kerak bo‘lsa, shunday konfiguratsiyani tanlangki, u ATX tizimli platalar konstuksiyasini qo‘llab quvvatlasin. Elektr ta’minot blokini harid qilayotganda, tizimga o‘rnatiladigan qurilmalar sonini hamda is’temol qiladigan kuchlanishni hisobga olish kerak bo‘ladi. Protsessor. Sotuvda protsessorlarning asosiy ikki turi mavjud: Intel va AMD – « zichlangan » va OEM (Original Equipment Manufacturer – original qurilmalar ishlab chiqaruvchi)-protsessorlari. Bir xil texnik ko‘rsatkichlarga ega bo‘lgan turli tipdagi protsessorlar majmualari, masalan, qo‘shimcha komponentlarning bor- yo‘qligi va kafolat muddati bilan farqlanadi. AMD-«zichlangan» va OEM-protsessorlarning asosiy farqi ularning fizik komponovkasidir. Ushbu ikkala turdagi protsessorlar ham sotuvga qadoqlangan ko‘rinishda keladi. «Zichlangan» Intel yoki AMD protsessorlar ulardan tashqari, issiqlikni qaytargich, sovitish ventilatori, o‘rnatilishi bo‘yicha ko‘rsatma, haqiqiyligi haqidagi sertifikat, kafolat majburiyatlari solingan, yorqin bo‘yoqlar bilan bezatilgan qutilarda hamda bu qutining old qismida «Intel inside» yoki «AMD instead» yelimli qog‘oz yopishtirilgan holda (1-rasmda tasvirlangandek) yetkazib beriladi. OEM protsessorlari 10 tadan 10 qator qilib joylashtirilgan katta qutilarda yetkaziladi. Issiqlikni qaytargich, sovitish ventilatori, o‘rnatilishi bo‘yicha ko‘rsatma, sertifikat, kafolat majburiyatlari kabi hech qanday hujjatlar takdim etilmaydi. E’tibor qaratishimiz kerak bo‘lgan tizimli platalarda quyidagi razyom qismlari mavjud bo‘lishi kerak: – Ikkinchi avlod Intel Pentium 4 protsessorlari uchun – Socket 478; – Athlon 64 protsessorlari uchun – Socket 754; – Athlon, Athlon XP va Duron protsessorlari uchun – Socket A.

Tizimli plata. Tizimli platani tanlash g‘ilof turi va plataning hajmlarini aniqlab beruvchi standartlar bilan belgilanadi. Hozirda tizimli platalarda ishlatilayotgan zamonaviy standartlar quyidagilar: 1-rasm. Intel Pentium 4 «zichlangan» protsessori. – ATX; – Micro-ATX; – Flex-ATX; – NLX; – Mini – ITX. Tizimli plata ayni vaqtda o‘rnatilgan protsessornigina emas, kelajakda uning o‘rniga almashtiriladigan protsessorlarni ham qo‘llay olishiga ishonch hosil qilish lozim. Masalan, agar Socket A tizimli plata tanlangan bo‘lsa, u shina chastotasi 333 MHz bo‘lgan Athlon protsessorini hamda Athlon 2800+ va Athlon 3000+ protsessorlarini quvvatlashini tekshiring. Socket 478 razyomli tizimli plata, ishchi chastotasi 3,06 GHz yoki undan ortiq bo‘lgan Pentium 4 protsessorlari singari Hyper-tThreading texnologiyasini ham qo‘llay olishi kerak. Ayrim hollarda tizimli BIOS ni yangilashga to‘g‘ri keladi. Mikrosxemalar to‘plami. Tizimli platani tanlashda ikkinchi muhim (protsessordan keyin) masala, o‘rnatilgan mikrosxemalar to‘plami (chipset) hisoblanadi. Mikrosxemalar to‘plamiga lokal shina kontrollerlari (odatda PCI), kesh-xotira, asosiy xotira, uzilishlar, xotiraga to‘g‘ridan-to‘g‘ri kirish va boshqa kontrollerlar kirishi mumkin. Ishlatilayotgan mikrosxemalar to‘plami tizimli plataning unumdorligiga katta ta’sir ko‘rsatadi va quyidagi parametrlarni belgilaydi: – kesh-xotira hajmi va tezligi; – asosiy xotira hajmi va tezligi; – protsessor tipi va tezligi va hokazo.

Bu mikrosxemalar to‘plami AGP (Accelerated Graphics Port – mukammallashtirilgan grafik port) va USB (Universal Serial Bus – universal ketma-ket shina) qurilmalarining ishlash xususiyatini ta’minlaydi. Mikrosxemalar to‘plami tanlanayotganida quyidagi tavsiflarga e’tibor berish kerak: – shina chastotasi 266 MHz va undan yuqori; – DDR SDRAM yoki RDRAM – xotira; – ECC (xatoliklarni tuzatish kodi) xotirani qo‘llay olishi; – ACPI ta’minotini boshqarishning kengaytirilgan funksiyalari; – AGP 4x/8x; – Ultra – ATA/100 interfeysi yoki Serial – ATA; – USB 2.0 (yuqori tezlikda ishlaydigan USB port) portini qo‘llashi. Ko‘rsatilgan funksiyalar ko‘pgina zamonaviy mikrosxemalar to‘plami tomonidan qo‘llaniladi. Xotira. Eski tizimlarning ko‘pchiligida ikkinchi daraja keshxotira tizimli plataning o‘zida o‘rnatilgan. Yangi tizimlarning barchasida bu xotira protsessorning bir qismi sanaladi. Socket 7 va Super 7 razyomli tizimli platalarda ikkinchi darajali kesh-xotira hali ham tizimli platalarda o‘rnatilmoqda va u yangilanmaydi. Pentium Pro, Pentium II/III/4 va Celeron protsessorlarida ikkinchi darajali kesh-xotira protsessor g‘ilofi ichida o‘rnatiladi. Athlon va Duron protsessorlari tarkibida ham ikkinchi darajali kesh-xotira mavjud, biroq ba’zi tizimli platalarda uchinchi darajali kesh-xotira (L3) deb ataluvchi qo‘shimcha kesh-xotira o‘rnatilmoqda. Asosiy xotira, odatda, SIMM, DIMM yoki RIMM modullari ko‘rinishida o‘rnatiladi. Bugungi kunda ShK moslashuvchi kompyuterlarda asosiy xotiraning uch xil ko‘rinishi ishlatiladi va ularning har biri bir qancha modifikatsiyalarga ega. Quyida shu mikrosxemalar keltirilgan: – 168 kontaktli DIMM (SDRAM);

– 184 kontaktli DIMM (DDR SDRAM); – 240 kontaktli DDR2 DIMM; – 184 kontaktli RIMM (RDRAM). 168 kontaktli DIMM xotira moduli eng ko‘p tarqalgan. Barcha yuqori sinf tizimlarda DIMM qo‘llaniladi, chunki ular 64 razryadli hisoblanadi va xotiraning to‘liq banki sifatida qo‘llanilishi mumkin. Pentium 4 protsessori asosida yaratilgan ba’zi zamonaviy va tezkor tizimlar RDRAM RIMM xotiradan foydalanadilar, ularning ishchi ko‘rsatkichlari SDRAM standart xotira ko‘rsatkichlaridan ustun turadi. DDR (Double Data Rate) SDRAM xotira ma’lumot uzatish tezligi ikkilangan tezkorlikka ega bo‘lib, standart SDRAM xotiraning yangi varianti. Bu model zamonaviy tizimlarda ishlatilayotgan ommaviy tarqalgan xotira tipi sanaladi. 184 kontaktli razyomdan foydalanuvchi DDR DIMM va RDRAM RIMM xotira modullari butkul turlicha joylashgan chiqishlarga ega va bir-birlarining o‘rnini bosa olmaydi. Pentium protsessorli kompyuterda xotiraning to‘liq bankini o‘rnatish uchun ikkita 72 kontakli SIMM yoki bitta 168 kontaktli DIMM xotira kerak bo‘ladi. Xotira modullari juftlikni (chetnosti) tekshirish uchun ishlatiladigan har bir sakkiz razryadga yana bitta qo‘shimcha razryad kirgizishi mumkin. Bir qator ishlab chiqaruvchilar elektr ta’minoti kuchlanishi oshirilganda yuqori natijalarga erishayotgan maxsus xotira modullarini ishlab chiqarmoqdalar, masalan, DDR3 uchun qonuniy 1,5 V o‘rniga 1,9 V kuchlanishdan foydalanishni taklif qildilar. Kiritish-chiqarish portlari . Zamonaviy tizimli platalarning ko‘p chiligida kiritish-chiqarish portlari tizimli plataning o‘ziga joylashtirilgan bo‘ladi. Agarda joylashtirilmagan bo‘lsa, ularni kengayt irish platasiga ulash kerak, bu esa bo‘sh turgan kengaytirish razyomini band qiladi. Ko‘pchilik tizimlar tarkibida quyidagi portlar mavjud bo‘ladi: – klaviaturani ulash (mini – DIN tipli); – sichqonchani ulash (mini – DIN tipli); – ikkita ketma-ket portlar (16550A tipli bufer bilan); – parallel portlar (EPP/ECP tipli);

– ikki yoki to‘rtta USB port (agar siz videoma’lumotlarni tahrirlash bilan shug‘ullanmoqchi bo‘lsangiz, FireWire portlarini ham qo‘shing); – video razyomi (shart emas); – plataning o‘ziga joylashtirilgan (integrallashtirilgan) tarmoq adapteri (10/100 Ethernet yoki 10/100/1000 Ethernet uchun); – audio/o‘yinli razyom (MIDI/djoystik, radiokarnay va mikrofon); – ATA – 100/133 yoki Serial ATA ni qo‘llay oluvchi ikkita ATA port (birlamchi va ikkilamchi); – disk yurituvchi kontrolleri. Ba’zi tizimli platalarda parallel/ketma-ket portlar va sichqoncha porti o‘rniga faqat USB portlar ishlatiladi. Ko‘pgina Micro-ATX tizimli platalarda plataning o‘ziga joylashtirilgan tovush va video adapterlar mavjud bo‘ladi. Tizimli plataning o‘ziga joylashtirilgan barcha portlar bevosita tizimli plata mikrosxemalari to‘plami tomonidan yoki qo‘shimcha Super I/O mikrosxemasi hamda interfeysli komponentlar tomonidan quvvatlanadi. Tizimli plataning o‘ziga joylashtirilgan videoadapter va tovush interfeyslaridan foydalanish kengaytirish slotlarini bo‘shatish va tejash imkoniyatini beradi. Bitta tizimli platada qo‘llanilayotgan to‘rtta va undan ortiq USB port, odatda, ikkita USB shinalari bo‘yicha taqsimlanadi. Bunda bitta razyomlar to‘plami plataning orqa qismida, boshqa to‘plami tizimli platada joylashadi. Bu razyomga ulanadigan kabel, ikkinchi USB shinasidagi portni tizimli blokning old paneliga olib chiqish imkonini beradi. USB portlarining bunday joylashuvi ko‘pchilik zamonaviy g‘iloflarda ishlatilmoqda, bu esa o‘z navbatida MR3, raqamli kameralar kabi qo‘shimcha qurilmalarni ulashni ancha osonlashtiradi. Qattiq diskdagi jamlagichlar. Kompyuter uchun qattiq disk ham kerak bo‘ladi. Yaxshi jihozlangan kompyuterlarda qattiq disk hajmi 80 Gbayt va undan ortig‘ini tashqil etishi kerak. SATA (IDE) interfeysi keng tarqalgan sanaladi. Bir yoki ikkita qattiq diskni o‘rnatish lozim bo‘lganda, aynan shu interfeysni tanlash tavsiya etiladi, chunki u nisbatan yuqori unumdorlikni ta’minlab beradi. Ikkitadan ortiq qattiq disklar yoki ko‘p masalali operatsion tizimlar (Windows 95/98/Me/ NT/2000/XP) bilan ishlashda SCSI interfeysidan foydalanish maqsadga muvofiq

bo‘ladi. SCSI inter feysli qurilmalar bilan kiritish-chiqarish operatsiyalarini bajarish bo‘yicha protsessor ishining bir qismini o‘z ustiga oladi. Bu usul ko‘plab foydalanuvchilarni quvvatlovchi va murakkab faylli so‘rovlarga ishlov beruvchi Windows NT/2000 operatsion tizim larini server sifatida qo‘llashda ayniqsa muhim. SCSI interfeysi ATA ga nisbatan universal hisoblanadi, chunki u skanerlar, magnit tasmali jamlagichlar, optik disk yurituvchilar, qattiq disklar va almashinuvchi tashuvchilardagi jamlagichlar kabi 7 ta dan 15 tagacha turli qurilmalarni ulash imkonini beradi. Ayrim tizimli platalarda ikkita bir xil IDE qattiq diskni ulab (masalan, 2 ta 80 Gbayt hajmli) bitta 160 Gbayt hajmli diskdek foydalanish imkoniyatini beruvchi RAID bilan moslasha oladigan ATA interfeysi qo‘llaniladi. Ko‘pincha zamonaviy tizimli platalar Serial ATA (SATA) interfeysini qo‘llaydi, va ularning ba’zilari RAID massivlari bilan ham moslashgan. SATA interfeyslari ATA ga nisbatan ma’lumotlarni yuqori tezlikda uzatishiga qaramay, amalda SATA jamlagichlarining unumdorligi ATA jamlagichlari bilan bir xil. Shunga qaramay, SATA jamlagichlarini tanlash – optimal qarordir (agar tizimli plata mos bo‘lgan interfeysni qo‘llasa). Bu, ma’lumotlar kabelining o‘lchamini kamaytirish va kelajakda SATA jamlagichlarining unumdorligini oshirish bilan bog‘liq. Deyarli barcha tizimlarda USB 2.0 portlari mavjud. Bundan tashqari ko‘pgina kompyuterlarda tizimli plata yoki RSI plata ichiga joylashtirilgan IEEE – 1394a (FireWire 400) portlari ham bor. FireWire 400 yoki USB 2.0 interfeysli jamlagichlarning unumdorlik darajasi ATA disk yurituvchilari bilan bir xil. Lekin yuqorida keltirilgan qattiq disklarning ikki tipini qo‘shimcha xotira qurilmalari sifatida yoki asosiy qattiq diskning zaxirali nusxasini yaratish uchun qo‘llash ma’qul. Mashhur kompaniyalar ishlab chiqargan qattiq diskdagi jamlagichlari deyarli bir xil unumdorlikka ega va narxi hamda sifati bo‘yicha unchalik katta farq qilmaydi. Aniq bir ishlab chiqaruvchilarning turli ATA va SCSI qattiq disklarining imkoniyatlari va tavsiflari sezilarli darajada o‘xshash. Bu qattiq disklarning bir tipli ishlab chiqaruvchi tomonidan birdaniga ikki interfeys uchun mo‘ljallanganligi bilan bog‘liq. Masalan, mantiqiy sxemaga qo‘shilgan, qo‘shimcha interfeysli SCSI

mikrosxemali ATA qattiq diski ancha yuqori narxdagi SCSI interfeysli qattiq diskka aylanadi. Zamonaviy tizimlarda SATA ketma-ketli interfeys ishlatiladi. CD/DVD-ROM jamlagich. Deyarli barcha dasturiy ta’minotlar kompakt- disklarda, alohida multimediya dasturlar DVD disklarda tarqalayotganligi sababli, bugungi kunda CD/DVD-ROM kompyuterning ajralmas, tashkil etuvchi qismi bo‘lib qolgan. DVD disk yurituvchilar oddiy kompakt disklardan ham, DVD disklardan ham axborot o‘qiy olishi bilan universal hisoblanadi. Zamonaviy tizimlarda ancha vaqtdan beri CD-ROM/ DVD-ROM jamlagichlaridan yuklash imkoniyati mavjud. CD-RW/DVD-ROM kombinatsiyalangan jamlagichlar ham mavjud, ular CD-RW disk yurituvchi hususiyatlaridan tashqari DVD-disklardan axborotlarni 12x tezlikda o‘qish imkoniyatini ta’minlaydi. DVD+R/RW disk yurituvchi optik disklarga asoslangan universal jamlagich hisoblanadi. Katta tezlikda o‘qish/yozishni ta’minlab beruvchi DVD+R/RW formati EasyWrite (Mount Rainier deb ham nomlanuvchi) texnologiyani qo‘llash uchun mo‘ljallangan. Agar DVD-R/RW tashuvchilar bilan moslashuvchanlikni ta’minlash zarur bo‘lsa, DVD±R/RW kombinatsiyalangan jamla gichlardan foydalanish kerak. CD- RW disk yurituvchilari CD-RW (ko‘p marttalik yozish) va CD-R (bir marttalik yozish) jamlagichlariga axborot yozish uchun ishlatiladi. Klaviatura va sichqoncha. Kompyuter uchun klaviatura va kursorni boshqaruvchi qurilma (sichqoncha) kerak bo‘ladi. Bu qurilmalarning aniq modifikatsiyalarini tanlash faqat foydalanuvchining xohishiga bog‘liq. Klaviaturaning zamonaviy interfeysi bo‘lib USB shinasi hisoblanadi. USB klaviaturani ishlatish uchun shu tipdagi boshqa qurilmalar singari BIOS darajasida USB qo‘llanila olishi kerak. Windows ning nografik foydalanuvchi interfeysida USB klaviaturani ishlatish uchun tizimli BIOS Legacy USB yoki USB Keyboard and Mouse texnologiyasini qo‘llay olishi kerak. Bu deyarli barcha zamonaviy BIOS larda qo‘llaniladi. Shu bilan birga an’anaviy portlar bilan ishlaydigan

modelni topishga harakat qilish kerak, bu USB klaviaturani yangi tizimlardagi kabi birmuncha oldingi tizimlarda ham ishlatish imkonini beradi. Bu turdagi klaviatura, odatda, USB porti va mini-DIN 6 kontaktli adapterlari bilan birgalikda yetkazib beriladi. Simsiz kiritish qurilmalari uchun radiochastotali interfeysli klaviatura ishlatiladi. Sichqoncha va klaviatura bitta umumiy qabul qiluvchi/uzatuvchidan foydalangani maqsadga muvofiq bo‘ladi. Radio chastotali xabar berishda, odatda, kichik radiusda ishlovchi hususiy radiochastotalar yoki Bluetooth sanoat standarti tipidagi simsiz aloqa chastotalari qo‘llaniladi. Agar tizimli plata ichiga joylashtirilgan sichqoncha porti o‘rnatilgan bo‘lsa, siz tanlagan razyom shu portga mos tushishiga ishonch hosil qiling. Bunday razyomli sichqonchalar ilk bor IBM kompaniyasining PS/2 tizimlarida qo‘llanilganligi sababli ular odatda PS/2 tipli sichqoncha deb ataladi. Ko‘pgina kompyuterlarda sichqonchani ulash uchun ketmaket portdan foydalaniladi, agar sizda tizimli plataga o‘rnatilgan sichqoncha portidan foydalanish imkoniyati bo‘lsa, shu portdan foydalaning. Ayrim USB sichqonchalar hech qanday muammosiz PS/2 portlari bilan ishlayveradi, biroq bu tipdagi qurilmalar asosan faqatgina USB port uchun mo‘ljallangan bo‘ladi. Biz uchun eng qulay variant har qanday tizimda ishlaydigan ikki ish tartibidagi sichqonchadan foydalanishdir. Simsiz ishlaydigan sichqonchalar ham mavjudligini yodda tuting. Universal ketma-ket shina (USB) asta sekin boshqa standart kiritish/chiqarish portlaridan foydalanishni siqib chiqarmoqda. USB interfeysi Plug and Play texnologiyasini qo‘llay oladi va bitta portga 127 tagacha tashqi qurilmalarni ulash imkoniyatini beradi hamda bunda USB 2.0 shinasining ma’lumot uzatish tezligi 60 Mbayt/s ni tashk il etadi. Odatda, tizimli plata ichiga joylashtirilgan USB-portga USB konsentrator ulanadi, qolgan barcha qurilmalar bevosita unga ula nadi. Hozirgi paytda USB portlar deyarli barcha tizimli platalarda mavjud. USB ga ulanuvchi qurilmalar turi va soni juda ko‘p. Bular ga modemlar, klaviaturalar, sichqonchalar, CD-ROM disk yurituv chilar, akustik tizimlar,

djoystiklar, magnit tasmali va yumshoq diskdagi jamlagichlar, skanerlar, videokameralar, MP3-pleyerlari va ko‘pgina boshqa qurilmalar kiradi. Videoadapter va monitor. Kompyuterni yig‘ishda videoadapter va monitor albatta kerak bo‘ladi. Alohida e’tiborni monitor tanlashga qaratish kerak. Bu qurilma foydalanuvchining tizim bilan muloqatini ta’minlovchi asosiy vosita hisoblanadi. Kompyuterda ishlash maroqli yoki azob bo‘lishi monitorning sifatiga bog‘liq. Odatda, kichik tasvirlar bilan ishlash uchun kamida 17 dyuymli (ekran) monitordan foydalanish tavsiya etiladi, chunki undan kichik o‘lchamdagi monitorlar tasvirning kichik detallarini sifatli (1024×778 da) aks ettirib bera olmaydi va 800×600 ish tartibiga o‘tkazish kerak bo‘ladi. Nuqtalarning joylashish qadami kichik bo‘lgan elektron nurli monitorlarga e’tibor bering (0,28 nuqta 1 dyuymda va undan kichik). Bu ENT soyali niqobida nuqtalar o‘lchamini va orasidagi masofani belgilab beradi. Nuqtalar orasidagi masofa qancha kichik bo‘lsa, ekranning ruxsat berish xususiyati va tasvir sifati shunchalik yuqori bo‘ladi. Agar ishchi stoldagi monitorga ajratilgan joy cheklangan bo‘lsa, yassi panelli suyuq kristalli (LCD) monitorlarga e’tibor bering. Ko‘rinish sohasi bo‘yicha 15 dyuymli suyuq kristalli displey ekrani 17 dyuymli ENT monitoriga ekvivalentdir. Ko‘p hollarda monitorlar oddiy VGA analogli portga ulanadi, biroq zamonaviy modellar yangi videoadapterlar ichiga joylashtirilgan DVI razyomlari bilangina ishlaydi. Agar siz doim monitorning belgilangan ruxsat berish xususiyatidan (bu odatda 1024×768) foydalansangiz, u holda suyuq kristalli (LCD) monitordan foydalanishingiz qulay va mavqsadga muvofiq bo‘ladi. Agarda ekran ruxsat berish xususiyatini doimo o‘zgartirib turishga to‘g‘ri kelsa (masalan, kompyuter o‘yinlari yoki Web-sahifalarini ko‘rish uchun), u holda ENT monitorlardan foydalanganingiz ma’qul bo‘ladi. Videoadapter va monitor regeneratsiyalash chastotasi bo‘yicha bir-birlariga mos kelishi kerak. Tasvir miltillamasligi uchun kadrlar chastotasi 72 Hz dan kam (qancha yuqori bo‘lsa, shuncha yaxshi) bo‘lmasligi kerak. Agar yangi videoadapter 16 mln. rangni 1024×769 ruxsat berish xususiyatida aks ettirsa va

ekranning yangilanish chastotasi 76 Hz bo‘lsa, monitor esa bu ruxsat berish xususiyatida faqatgina 56 Hz ni quvvatlasa, videoadapterning imkoniyatlari to‘liq amalga oshmay qoladi. Monitor qo‘llay olmaydigan signallarni uzatish uchun videoadapterni sozlash uni jismoniy jihatdan nosozlikka olib keladi. Videoadapterlarni ishlab chiqaruvchilarning barchasi PCI-Express standartiga o‘tgan, ayrimlari bir vaqtning o‘zida ikkita monitordan foydalanish imkoniyatini beruvchi PCI videoadapter larini ham ishlab chiqarishmoqda. Ma’lum ilovalar uchun juda foydali bo‘lgan bu funksiya Windows 2000/XP operatsion tizim ida quvvatlanadi. Hozirgi paytda oddiy videoadapterni ikki kallakli grafik plataga almashtirish optimal qaror hisoblanadi, chunki ko‘pgina turli tavsiflarga ega zamonaviy videoadapterlar ikki va undan ortiq monitorlarni quvvatlaydi. Bu bir tizimga ikki videoadapterni o‘rnatishda yuzaga kelishi mumkin bo‘lgan appa ratli, drayverli va BIOS mojarolaridan halos bo‘lish imkonini beradi. Videoadapterni tanlashda videoadapter mikrosxemalari to‘plamiga va grafik protsessorning tipiga e’tibor bering. Eski deb, belgilab qo‘yilgan grafik mikrosxemalar to‘plamidan cheklaning, chunki ular kerakli tezkorlikni bermaydi va Windows ning oxirgi versiyalaridagi funksiyalarni (amallarni) qo‘llay olmasligi mumkin. Tovush platasi va akustik tizimlar. Har qanday multimediyali kompyuterda tovush platasi va tashqi akustik tizimlar bo‘lishi shart. Windows da tovush platasi uchun API DirectX qo‘llanmasi bo‘lishi zarur. PCI – Express interfeysli tovush platasini tanlash tavsiya etiladi. ShK uchun turli kichik va ko‘zga tashlanmaydiganidan to yuqori sifatli ovoz chiqarib beruvchilariga qadar akustik tizimlar uchraydi. Bir qator tizimlar o‘z ichiga quyi chastotali kuchayt irgich va Dolby 5.1/6.1/7/1 hajmli tovush standartli apparatli qo‘llanmalarni oladi. Yordamchi komponentlar. Tizimni to‘liq yig‘ib bo‘lish uchun yordamchi komponentlar, uncha katta bo‘lmagan detallar kerak bo‘ladi. Ular kompyuterning to‘liq jihozlanib bo‘lishiga yordam beradi. Issiqlikni qaytaruvchi elementlar (IQE) . Zamonaviy protsessorl arning ko‘pchiligi o‘zidan katta issiqlik ajratadi. Bu issiqlik bartaraf etilishi kerak, aks

holda kompyuterning bir maromda ishlay olmasligi yoki to‘xtab qolishi yuz berishi mumkin. IKE larning ikki turi mavjud: passiv (PIQE) va aktiv (AIQE). Passiv issiqlikni qaytaruvchi elementlar (PIqE) – bu protsessorga ulanuvchi yoki yopishtiriluvchi (o‘rnatiluvchi) metall (odatda, aluminiy) bo‘laklaridir. Ular protsessor elementlaridan chiqa yotgan issiqlikni tarqatishga yordam berib, radiator vazifasini o‘taydi. PIQE sinmaydi. Ba’zan PIQE va protsessor o‘rtasidagi havo almashinishini yaxshilash uchun issiqlik o‘tkazuvchi surma yordamida havo tirqishlarini bartaraf etish kerak. Bu issiqlikni maksimal darajada qaytarish imkonini beradi. Aktiv issiqlikni qaytaruvchi elementlar (AIQE) – bu ventilatorlardir. Ular PIQEga nisbatan sifatliroq sovitishni ta’minlaydi, biroq qo‘shimcha elektr energiyasini talab etadi va yuqori ishonch lilikka ega emas. Ventilatorlarda ko‘pincha arzon mexanizmlardan foydalaniladi, shuning uchun ham ular tez buzil adi, bu esa protsessorning tez qizib ketishiga va tizimning ishdan chiqishiga olib keladi. Ta’minot blokidagi va protsessordagi ventilatorlar ko‘p hollard a yuqori tezlikdagi tizimlarda yetarli darajadagi sovitishni ta’minlab bera olmaydi. Hech bo‘lmasa bitta qo‘shimcha ventilator bilan jihozlang an tizimli bloklarni olish tavsiya etiladi. Odatda, u blokning old qismiga joylashtirilgan bo‘lib, tashqaridan havoni tortib oladi va uni tizimli plataga yo‘naltiradi. Ayrimlarida diskli jamlagichlar bo‘limining yonida yana bitta ventilator joylashgan bo‘lib, u ham sovitish uchun mo‘ljallangan. Kabellar. Barcha elementlarni kompyuterlarga ulash uchun ma’lum miqdorda kabellar kerak bo‘ladi. Bunda, ta’minot kabellari, magnitli diskli jamlagich kabellari, CD va DVD-ROM jamlagichlari kabellari va ko‘pgina boshqa kabellar nazarda tutiladi.

Foydalanilgan adabiyotlar 1. Скотт Мюллер. Модернизация и ремонт ПК, 18-е издание. : Пер. с англ. – М. : ООО «И.Д. Вильямс», 2009. – 1280 с. 2. Евсеев Г.А., Симонович С.В . Познай свой компьютер – Диагностика, модернизация, настройка. – СПб.: Питер, 2003. – 480 с. 3. Мураховский В.И . Сборка, настройка, апгрейд современного компьютера. Изд. 2-е, дополненное и переработанное. – М.: «ДЕСС КОМ», 2000. – 288 с. 4. Гук М.Ю. Аппаратные средства IBM PC. Энциклопедия. 3-е изд. – СПб.; Питер, 2006. – 1072с. 5. Асмаков С.В., Пахомов С.О. Железо 2010. Компьютер Пресс рекомендует. – СПб.; Питер, 2010. – 1416с. 6. Соломенчук В.Г., Соломенчук П.В . Железо ПК 2010 – СПб.: БХВ – Петербург, 2010. – 448 c. 7. Избачков Ю., Петров В . Информационные системы. Учебник для вузов. 2-изд. СПб.: 2005. – 656с. 8. Бройдо В.Л . Вычислительные системы, сети и телекоммуникации. Учебник для вузов. 2-изд. – СПб.: Питер, 2005 – 703с.

O'xshashlar

Shaxsiy kompyuterlarning interfeyslari

Shaxsiy kompyuterda axborotni tasvirlash

Shaxsiy kompyuter operatsion sistemalari

SHK ( shaxsiy kompyuter ) apparat vositalari

Shaxsiy kompyuterlar va ularning rivojlanish bosqichlari