Интернет тармоғининг пайдо бўлиш тарихи - Informatika va AT - Referatlar

Интернет тармоғининг пайдо бўлиш тарихи

Yuklangan vaqt:

20.09.2019

Ko'chirishlar soni:

0

Hajmi:

339.5 KB

Ko'chirib olish

Интернет тармоғининг пайдо бўлиш тарихи . Кириш Компьютер тармоғи – ахборот узатиш линиялари билан боғланган икки ва ундан ортиқ компьютерлар. Локал (махаллий) ва глобал компьютер тармоқлари мавжуд. 1 - расм. Локал тармоқ Ахборот узатиш тезлиги (каналнинг ўтказиш қобилияти) – бир сонияда бит ахборот миқдори (бит/с) ва ўлчов бирликлари (кбит/с, Мбит/с, Гбит/с): 1 кбит/с = 1024 бит/с; 1 Мбит/с = 1024 Кбит/с; 1 Гбит/с = 1024 Мбит/с. Локал компьютер тармоқлари бир хонада жойлашган компьютерларни бирлаштиради. Локал тармоқлар фойдаланувчиларга тармоққа уланган компьютер ресурсларига, хамда периферия қурилмаларига (принтерларга, сканерларга, дискларга, модемларга ва бошқ.) умумий кириш (фойдаланиш) хуқуқини беради.

1 - расм.Компьютерлар коммуникацияси Глобал компьютер тармоқлари – бу бир биридан жуда узоқ жойлашган компьютерларнинг ўзаро боғланган тизими. 2 - расм. Глобал тармоқКомпьютер лар коммуникаци яси К омпьютер тармо қ лари турлари Тармо қ нинг аппарат воситалари Тармо қ нинг дастурий таъминоти Глобал тармо қ хизматлари Локал тармо қ лар Г лобал тармо қ лар Электрон почта Интернет да World Wide Web Электрон почта мижоз - дастури WWW тизимида ахборотни излашни ташкил этиш Глобал Узо қ масофадаабонентларорасидаахбороталмашинувини ташкилэтишгаимконберади Худудий Маълум худуд доирасида компьютерларни бирлаштиради : шахар , вилоят, давлат Г ИНТЕРНЕТ

Интернет – бу глобал компьютер (телекоммуникация) тармоғи – бир биридан жуда узоқ жойлашган кўп локал тармоқлар ва алохида компьютерлар бирлашмаси. Телекоммуникация – глобал тармоқ орқали ахборот алмашиш жараёнидир. Интернет бутун дуне бўйича тақсимланган локал, худудий, корпоратив тармоқлар хамда алохида фойдаланувчилар компьютерларини бирлаштиради. Интернет тармоғининг асосини компьютер тугунлари ва алоқа каналлари ташкил қилади. Тугун – тармоққа доимий уланган кучли компьютердир. Ахборот узатиш учун физик каналлар электрик кабел, толали оптик кабел, радиоалоқа, инфрақизил нурлар, телефон тармоғи линияси кўринишида бўлади. Компьютер тармоғи тугунларига абонентлар – фойдаланувчиларнинг персонал компьютерлари ёки локал тармоқлар боғланади. Фойдаланувчиларга Интернет тармоғига ўз компьютерлари орқали уланишни таклиф этувчи ташкилот тармоқ хизматлари провайдери (provider – етказиб берувчи) дейилади. 4 - расм. Фойдаланувчи ва Интернет провйдер “Интернет” атамаси 1995 йили АҚШ Федерал Тармоқ Кенгаши (FNC ёки Federal Networking Counsil) томонидан берилган эди.

“Интернет – бу глобал ахборот тизимининг қисми бўлиб, у: - IP протоколга ёки унинг кенгайтмаларига асосланган унитар адрес мухити билан мантиқий боғланган; - Transmission Control Protocol/ Internet Protocol (ТСР/IР) ёки унинг кенгайтмаларидан ва/ёки IP билан мос протоколларидан фойдаланган холда алоқани таъминлай олади; - юқорида келтирилган коммуникация ва у билан боғлиқ инфратузилмага асосланган юқори сатхли хизматларни тақдим этади, қўллайди ва кириш хуқуқини (хамма учун ёки чекланган шахсларга) беради”. Уша вақтдаёқ Интернет технологиясининг асосий талаблари баён этилган: – Интернет – бутун дунёни қамраб олган энг катта глобал тармоқ; – Интернет – турли ташкилотлар ва алоқа операторлари тармоқлари бирлашмаси; – Интернетда ягона марказ мавжуд эмас; – Интернетни бошқариш нодавлат ташкилотлар томонидан амалга оширилади. 2. Интернет тармоғининг ташкил бўлиш тарихи Интернет тармоғи ХХ асрнинг 60-70 йилларида атом ёрдамида уруш холатида хам ишлайдиган коммуникация тармоғини ташкил қилишга қаратилган мудофаа лойихасидан келиб чиққан. Ишлаб чиқарувчилар фикрича, тармоқнинг энг мухим сифати – бу хужум объекти бўлиши мумкин бўлган ягона бошқарув марказига эга эмаслигидир. Анархик тузилмага эга бўлган тармоқ яратилган, унда бир хисоблаш машинаси ихтиёрий бошқа хисоблаш машинасидан устун эмас, ва хеч қайси компьютер тармоқни ишлаши учун ўта мухим ахамият касб этмайди. Кейинчалик Интернетни тадқиқот, коммерция ва вақтичоғлик учун қўлланилиши бу лойиханинг кутилмаган натижаси бўлди.

1961 йили Defence Advanced Research Agensy (DARPA) АҚШ нинг мудафаа вазирлиги топшириғига асосан пакетларни узатиш учун мўлжалланган тажрибавий тармоқ яратиш лойихасига қўл урди. Бу тармоқ ARPANET деб аталиб, турли компьютерлар орасида барқарор алоқани таъминлаш усулларини тадқиқ этиш учун мўлжалланган эди. 1972 йилда ARPANET тармоғини биринчи намойиши бўлиб ўтди, унда Р. Томпсон электрон почтани кашф этди. Шу вақтда тармоқда маълумот узатиш протоколи - TCP/IP яратилган эди. TCP/IP – бу турли компьютерлар ўзаро алоқани қандай боғлашини аниқлаб берадиган кўп сонли коммуникация протоколлари йиғиндисидир. 1973 йилда Р. Кан ва В. Серф Интернет тармоғи тузилма ғоясини илгари суришади, ва биринчи марта тармоққа АҚШ ташқарисидан боғланиш амалга оширилади. ARPANET тажрибаси шу қадар мувафаққиятли эдики, жуда кўп ташкилотлар кундалик ахборот алмашинуви мақсадида бу тармоққа уланишни хохлашди. 1975 йили ARPANET тажрибавий тармоқдан ишчи тармоққа айланди. Тармоқни бошқариш маъсулиятини Defence Communication Agency (DCA) хозирда Defence Information Systems Agency (DISA) деб номланувчи ташкилот олди. Лекин ARPANET ривожланиши шу билан тўхтаб қолмади: TCP/IP протоколлари ривожланишда давом этди. 1977 йилда биринчи 100 та тадқиқотчиларга электрон почта хизмати тақдим этилди. 1983 йилда Military Standarts (MIL STD), яъни харбий стандартлар таркибига кирган TCP/IP протоколлари учун биринчи стандарт ишлаб чиқилди, ва шундан кейин хамма тармоқ фойдаланувчилари ушбу янги протоколларга ўтишга мажбур бўлишди. Ушбу йил Интернет тармоғининг туғилган йили деб хисобланади. DARPA ушбу протоколларга ўтишни енгиллаштириш мақсадида Berkley Software Design фирмаси рахбариятига TCP/IP протоколларини Berkeley (BSD) UNIX да тадбиқ этиш таклифи билан мурожаат қилди. Шундай UNIX ва TCP/IP иттифоқи бошланди. Бир қанча

вақтдан сўнг TCP/IP хаммага тушунарли оддий стандартга мослаштирилди, ва Интернет атамаси кенг қўллана бошланди. 1983 йили ARPANET дан АҚШ мудофаа вазирлигининг Defence Data Network (DDN) га тааллуқли бўлган MILNET ажралиб чиқди. Интернет атамаси MILNET ва ARPANET нинг бирлаштирган ягона тармоқ учун қўлланила бошланди. 1984 йилда Интернетга 1000 хисоблаш машинаси уланди, 1989 йилда – 100 минг та, 1992 йилда эса 1 000 000 хисоблаш машинаси уланди. 1992 йилда Тим Бернес-ЛиWWW “Бутун дунё ўргимчак тўри”ни кашф қилди. Интернет ISOS жамияти шакллана бошланди. Интернет тарихида World Wide Web яратилиши мухим ахамият касб этди. Европа ядровий тадқиқотлар ташкилоти (ЦЕРН Женева) физиги томонидан хамма физиклар ва бошқа олимлар томонидан Интернет тармоғида тақсимланган ахборотдан осон усулда фойдаланиш ғояси илгари сурилди. Ўша вақтда мавжуд бўлган Интернет воситалари фойдаланувчилардан тармоқ хақида катта билимга эга бўлишни талаб этарди, шунинг учун ахборотни узатиш ва тақдим этишнинг янги усули ишлаб чиқилди. ЦЕРН томонидан WWW хусусиятлари нашр этилгандан сўнг фойдаланувчилар WWW мижозлари ва серверлари учун дастурий таъминот ёзишни бошлашди, бу эса ўз навбатида “Бутун дунё ўргимчак тўри”ни хозирги кўринишига олиб келди. Интернет тармоғи тарихида учинчи мухим воқеа бу NCSA Миллий компьютер иловалари маркази дастурчилар гурухи томонидан биринчи MOSAIC браузер-дастурини ишлаб чиқилиши бўлди, бу эса Интернет тармоғидан барча истаганлар фойдаланиш имконини берди. MOSAIC браузери фойдаланувчиларга “сичқонча” тугмасидан осонгина фойдаланган холда ахборотларни қабул қилиш ва тақдим этиш имконини берди. Дастурларни ўзаро алмаштириш ва файлларга ўзгартириш хақида ўйлаш зарурияти қолмади. Браузер-дастури хужжатлар, графиклар, расмлар ва овозларни автоматик тарзда қайта ишлаб, WWW да осон ишлашни таъминлади. Асосан қийин топиладиган ресурсли матн кўринишидаги

тармоқдан ранг-баранг ва турли ахборотни осон олиш манбасига айланди, оддий матндан видеотасвиргача ўзгарди. 1991 йили ARPANET ўз фаолиятини тугатди, Интернет тармоғи эса мавжуд, унинг хажми илк хажмидан бир неча баробар катта, чунки у бутун дунё бўйлаб турли тармоқларни бирлаштирди. ARPANET тармоғи бошланғич даврида атиги 4 та катта ЭХМ дан ташкил топган эди. 1995 йили эса 4,5 миллион фаол компьютерларни бирлаштирди. Фойдаланувчиларнинг асосий ўсиш сурати коммуникация инфратузилмаси ривожланаётган ва компьютерлар имкониятлари кенгаётган пайтга ХХ асрнинг 90-йилларига тўғри келади. ARPANET/Internet тармоғининг 25 йиллигида тармоқ маркетинг, савдо-сотиқ, банк операциялари, радиоэшиттириш ва “жонли” концертлар учун қўлланила бошланди. 1995 йили Compuserve, Progidy, America Online порталлари Интернет тармоғига кенг масштабдаги уланиш имкониятини (кириш хуқуқини) тақдим этишни бошлашди. Шу вақтда Netscape Navigator бразуер-дастури яратилда ва кенг миқёсда қўлланила бошланди. 1990 йиллар ўрталаригача Интернет тармоғидан нисбатан тор доирадаги академик уюшмалар фойдалана олар эди. Хозирги вақтда эса Интернетга уланган ўнлаб миллион компьютерларда улкан хажмдаги ахборот сақланади (100 миллионлаб файллар, хужжатлар ва бошқ.) ва юз миллионлаб одамлар глобал тармоқнинг ахборот хизматларидан фойдаланмоқдалар. Интернетнинг асосини, “каркаси”ни тармоққа доимий уланган юз миллиондан ортиқ серверлар ташкил этади. Интернет серверларига локал тармоқлар ёки телефон линиялари орқали юз миллионлаб фойдаланувчилар улана олишади. Хар бир локал ёки корпоратив тармоқда одатда юқори ўтказиш қобилитига эга линиялар орқали Интернет тармоғига доимий уланган (Интернет сервери) камида битта компьютер мавжуд бўлади. Интернет ва МДХ давлатлари 1990 йили физик-олимлар ва дастурчиларни бирлаштирган И.В. Курчатов номидаги атом энергияси институтининг хамда Автопром

вазирлигининг профессионал илмий тармоғи Интернет тармоғига уланди ва замонавий Россия тармоқларига ривожига замин яратди. 1990 йилда InterNIC Халқаро ахборот маркази маълумотлар базасида биринчи даражадаги .su домени рўйхатга олинди. Бунинг натижасида Совет Иттифоқи бутун дунё интернет фойдаланувчиларига кўрина бошлади. Россия Федерацияси Интернет тармоғига 1993 йилда уланди. 1994 йилда InterNIC да .ru рус домени рўйхатга олинди. Шу вақтдан бошлаб Интернет тармоғининг Россия Федерацияда мавжудлиги халқаро даражада тасдиқланди. 1995 йилда .uz домени рўйхатга олинди, лекин компьютер тармоқлари (биринчи навбатда Фидонет) Ўзбекистонда ундан олдин яратилган. Узнетда рус тили кенг тарқалгани Узнетни Рунетга “қисман улаш” имконини беради. Ўзбек тилидаги сайтлар орасида – Ўзбек Википедияси. Кўпинча Узнет атамасида Tas-IX трафик алмашинув тармоғи тушунилади, чунки кўпгина провайдерларда ўз абонентлари учун Tas-IX ичидаги ресурсларга кириш бепулдир. Хисоб китобларга кўра, Ўзбекистонда Интернет фойдаланувчилари сони 2007 йилда 1 миллион атрофида бўлган, 2009 йилда 2,1 миллион, 2011 йилда 7,5 миллион. 2015 йилда эса ахборот технологиялари ва коммуникацияларни ривожлантириш вазирлиги маълумотларига кўра Интернет фойдаланувчилари сони 12 миллиондан ортди.

АДАБИЁТЛАР РЎЙХАТИ 1.ComputerNetworkingATopDownApproach. James. F. Kuross. Pearson Education 2013. 2.Олифер В.Г., Олифер Н.А. Компьютерные сети.Принципы, технологии, протоколы. 3-е изд. СПб.: Питер,2006- 958 с. 3.Арипов М. ва бошқалар. Ахборот технологиялари. Тошкент: Ношир, 2009368б. 4.Семенов Ю.А. Протоколы Интернет.М.: Горячая линия- Телеком,2001.- 1100 с. 5.Садчикова С.А. IP-ТЕЛЕФОНИЯ. Учебное пособие для студентов специальностей 5А522202, 5А522203, 5А522205, 5А522216. Ташкент. ТУИТ.2008

O'xshashlar

Микропроцессорни пайдо бўлиш сабаблари

Интернет тармоғининг тузилиш принципи асосий тушунчалар ва таърифлар

INTERNET тармоғининг ишлаш тамойиллари

Интернет протоколлари

Интернет логистика