Интернет тармоғининг тузилиш принципи асосий тушунчалар ва таърифлар - Informatika va AT - Referatlar

Интернет тармоғининг тузилиш принципи асосий тушунчалар ва таърифлар

Yuklangan vaqt:

20.09.2019

Ko'chirishlar soni:

0

Hajmi:

611.5 KB

Ko'chirib olish

Интернет тармоғининг тузилиш принципи асосий тушунчалар ва таърифлар Режа: 1. Интернет тармоғининг тузилиш принципи. 2. Асосий тушунчалар ва таърифлар. 3. Интернет соҳасидаги стандартлар.

1. Интернет тармоғининг тузилиш принципи Интернет (ингл. Internet = internet work) – таркибий тармоқ ёки қуйидаги физик тармоқлар асосида қуриладиган интер тармоқдир: -локал - Local Area Networks (LAN) – катта бўлмаган худудлардаги (радиуси 1-2 км дан ортиқ бўлмаган) компьютер тармоқлари; - глобал - Wide Area Networks (WAN) – турли шаҳар ва мамлакатларда жойлашган, территориал тақсимланган компьютерларни бирлаштирувчи тармоқ; -шаҳар (ёки мегаполислар тармоғи)- Metropolitan Area Networks (MAN) – йирик шаҳарлар- мегаполислар худудларига хизмат кўрсатиш мўлжалланган тармоқлар. Таркибий тармоққа кирувчи тармоқлар, қуйи тармоқлар (subnet), ташкил этувчи тармоқлар ёки оддийгина тармоқлар деб аталади. Таркибий тармоқнинг компонентлари ҳам локал, ҳам глобал тармоқлар бўлиши мумкин. Битта қуйи тармоқ доирасида барча узеллар, улар учун ягона бўлган технологиядан фойдаланиб ўзаро харакатда бўлишади.

2-расм. Интернет тармоғининг таркибий қисмлари 2. Асосий тушунчалар ва таърифлар Интернет – Ер шарининг турли бурчакларидаги миллионлаб ҳисоблаш қурилмаларини ягона бутунликка боғловчи, бутун дунё компьютер тармоғидир: -стол устида турадиган шахсий компьютерлар, серверлар, PDA, телевизорлар, мобил компьютерлар – хост тизимлар ёки охирги тизимлар; - Ишчи станция – компьютер тармоғининг абоненти бевосита ишлайдиган компьютердир; - Сервер – бу компьютер тармоғининг умумий масалаларини бажарувчи ва ишчи станцияларга хизматларни тақдим этувчи компьютердир. Хост – бу IP-адресга эга, Internet тармоғига уланадиган универсал нуқтадир. Бу компьютер бўлиб, у иловаларни бажаради ва TCP/IP протоколини қўллабқувватловчи, битта ёки бирнечта фойдаланувчиларга эга бўлади. Хост коммуникация тармоғининг охирги нуқтаси сифатида ишлайди. IP-адрес қайдланган 4 байт (32 бит) узунликка эга. IP-адреснинг тақдимланиш кенг тарқалган шакли тўртта рақам кўринишида ёзилишидир, хар бир байт қийматини нуқталар билан ажратилган ўнли шаклда тақдимланишидир, масалан: 128.10.2.30. Бу адрес иккилик форматда ҳам тақдимланиши мумкин: 10000000 00001010 00000010 00011110 Тармоқдаги IP-адресларнинг максимал сони 2 32 =4 294 967 296 бўлади. Инсонга рақамли адресни эслаб қолиш анча мушкулдир, шунинг учун исмларнинг домен тизими (DNS) киритилди, у рақамли Интернет – адресга мос ноёб домен исм қўйилади. Домен – бу бир қанча белгилар бўйича бирлаштирилган компьютерлар гуруҳидир. Домен тизими

иерархик структурага эга: юқори (биринчи) даража доменлари; иккинчи даража доменлари; учинчи даража доменлари ва х.к (ўнгдан чапга). 2-расм. Исмларнинг домен тизимига мисол Хост тизимлар орасида боғланиш махсус коммутацияловчи қурилмалар – маршрутизаторлар улайдиган кетма-кет линиялар тўплами ёрдамида амалга оширилади. Маршрутизатор ўзининг кириш алоқа каналидан бирида узатилаётган маълумотлар порциясини қабул қилади ва уни ўзининг чиқиш алоқа каналларидан бирига йўналтиради. Пакетлар – узатилаётган маълумотлар порцияси. Пакет ўтадиган алоқа каналлари ва маршрутизаторлар кетма-кетлиги – маршрут ёки пакетнинг тармоқдаги йўлидир. Пакетнинг йўли аввалдан маълум эмас ва у бевосита узатиш жараёнида аниқланади. Охирги қурилмаларни Интернетга кириши Интернет хизматларини етказиб берувчилар ёки Интернет-провайдерлар орқали амалга оширилади. Интернет-провайдерлар қуйидаги функцияларни бажаради: -маршрутизаторлар ва алоқа линиялари тармоғини тақдим этади ва охирги қурилмаларни тармоққа турли усулда уланиш имкониятларини таклиф этади, масалан -Dial-up, рақамли АЛ ёрдамида кенг полосали уланиш, локал тармоқ орқали юқори тезликли кириш, симсиз кириш; -Web-сайтлар тармоғига бевосита (тўғридан-тўғри) уланиш. Маҳаллий Интернет-провайдерлар миллий ва халқаро звенолар провайдерларига уланишади.

3- расм. Интернет-провайдерларнинг структураси. Магистрал операторлари улкан территорияларда (мамлакат, континент) магистралалоқа каналларига эга бўлишади. Регионал операторлар битта регионда (вилоят, ўлка, штат) хизматларни тақдим этади. Локал операторлар шаҳар чегарасида хизматларни тақдим этади. Ҳар бир Интернет-провайдер маъмурий бирлик бўлиб, IP протоколи бўйича маълумотларнги узатади ва Интернетда қабул қилинган исмлар ва адреслар бўйича келишувларга риоя қилади. Хостлар, маршрутизаторлар ва Интернетнинг бошқа компонентлари тармоқ ичида ахборотни қабул қилиш ва узатишни бошқариш учун протоколлардан фойдаланишади. Протокол – тармоқда ахборотни узатиш қоидалари тўплами, аппарат ва дастурий таъминотни биргаликда ишлашини таъминлаш учун барча компаниялар бу протоколларга амал қилишлари лозим. Протокол - хабарлар тури ва форматини, хабарларни узатилиш тартибини белгилайди. Интернет тармоғи турли қоидалар (протоколлар) бўйича ишлайдиган тармоқларни бирлаштиради. Турли қоидаларни мослаштириш учун шлюзлар (махсус компьютерлар) қўлланади.

Интернет тармоғида протоколларни 2 тури мавжуд – базавий ва амалий. Базавий протоколлар (TCP/IP) маълумотларни тармоқ бўйича физик жўнатилишига жавоб беради. Амалий протоколлар – махсуслаштирилган хизматлар ишлашига жавоб беради, масалан (http – гипертекстли хабарларни узатиш протоколи, ftp – файлларни узатиш протоколи). TCP/IP базасидаги Интернетнинг мижоз/сервер муҳитида, сервер амалий даража (сатх) протоколини ҳисобга олиб портларни белгилайди, у мижоз сатхида бажарилади. Порт номери – бу 0 дан 65 536 гача диапазондаги 16-битли катталикдир. Умум маълум портлар тизим жараёнларида ёки амалий дастурларда ишлатилади. Улар 0дан 1 023 гача диапозондаги сонлар билан номерланади. Мисол, порт 25- SMTP протоколи (Почталарни узатишнинг оддий протоколи), порт 80 - HTTP протоколи. 4- расм. Ўрнашган жой ва функциялар. Браузер (browser ) – (ингл.тилидан to browse – кўриб чиқиш, саҳифалаш) Интернет саҳифаларини кўриш учун дастур, тўғрироғи, Бутун дунё тўри.

5- расм. Браузерга (browser) мисол. Интернетда Web-ҳужжатнинг ҳар бирида (ва ҳар бир объектда) ўзининг мураккабадреси мавжуд — у ресурсни кўрсатувчи URL (Uniformed Resource Locator) дейилади ёки, қисқача, URL-адрес дейилади. 6 - расм. URL-адрес структураси. Узнет (Узнет = uz + net) —Интернет тармоғининг Ўзбекистондаги қисми.Узнетда рус тили кенг тарқалган, бу Узнетни Рунетга “қисман

киритиш” имконини беради. Ўзбек тилидаги сайтлар орасида Ўзбекистон Википедияси мавжуд. Кўп холларда Узнет дейилганда Tas-IX трафикни алмаштириш тармоғи тушунилади, чунки Tas-IX ичидаги ресурсга кира оладиган кўпчилик провайдерлар абонентлари учун у текиндир. .uz домен зонаси 1995 йил 29 апрелда регистрациядан ўтди ва 2001 йил охирига қадар эркин фойдаланишда бўлган, бу вақтда домен зонасини маъмуриятлаш хуқуқи немис компанияси Euracom Equipment GmBH ихтиёрига ўтди, унинг Ўзбекистондаги вакили Tomas компаниясидир. 2002 йил декабрида .uz домен зонасига хуқуқ ЎзААА (хозирги Ўзбекистон республикаси ахборот технологиялари ва коммуникацияларни ривожлантириш вазирлиги) тизимига кирувчи UZINFOCOM марказига берилди, бу марказ хозирги вақтгача бу хуқуққа эга. 2010 йил февралида10 000 домен рўйхатга олинди, 2015 йи августида рўйхатга олинган доменлар 23 000 дан ортиб кетди. Интернет тармоғининг русий забон қисми Руне́т (Рунет = ru + net) фойдаланишга табиий холда 1990 йилларнинг иккинчи ярмида кириб келди, унинг келиб чиқиши аниқ эмас. Изоҳларда бири инглизча network (net) “тармоқ” келиб чиққан бўлиши мумкин ru - домен исми + net. Россия Федерацияси 1993 – 1994 йилларда InterNIC га уланилди ва Россия домени .RU қайдланди. Шу вақтдан бошлаб Россия Федерациясида Интернет мавжудлиги халқаро даражада расман тасдиқланди. 3. Интернет соҳасидаги стандартлар Интернет – тармоқлар ичидаги энг ўзгачасидир. Амалиётда исталган объект ресурсларни ёки уларга кира олишни таклиф қилиши учун Интернетга уланиши мумкин. Интернетда ахборотнинг исталган тури хеч қандай чекланишсиз бемалол айланиб юриши мумкин. Интернет тармоғи ишлашини тартибга солувчи марказий орган мавжуд эмас, лекин маълум бир фундаментал принципларни ўрнатувчи ва тармоқ ишлашини бошқарувчи ташкилотлар мавжуд. Ўз фалсафаси бўйича Интернет тармоғи

автономдир ва хатто анархияликдир; оқибат натижада бу унинг қудрати ва заифлигидир. Бир қатор ташкилотлар мавжудки, улар Интернетни маъмурийлаштириш ва қўллаб-қувватлашда бўйича турли тадбирларда қатнашадилар. Мазкур китоб контекстида бундай ташкилотлар қаторида қуйидагиларни айтиб ўтиш лозим: CERT, IАВ, IETF, IESG, IRTF, ICANN ва The Internet Society (ISOC сифатида маълум бўлган, Интернет жамияти). Компьютер ҳимояси бузилишига эътибор берадиган гуруҳ (CERT) - Карнеги-Меллона Университетининг экспертлар гуруҳи, улар Интернет тармоғида компьютер ҳимояси бузилиши билан боғлиқ масалаларга жавоб беришади. CERT 1998 йилнинг ноябрида ARPA томонида ўз-ўзидан кўпаювчи вирусли дастурларни пайдо бўлиши билан боғлиқ бир қатор инцидентларга реакция сифатида ташкил этилди. Интернет архитектураси бўйича Кенгаш(IAB), дастлаб – Интернет тармоғининг координацион Кенгаши – таркиби 12 экспертдан иборат кўнгилли орган, улар Интернет эҳтиёжларига ёрдам бериш учун ўзларининг компаниялари-спонсорлари ресурсларидан фойдаланишади. IAB иккита муаммоли (ишчи) гуруҳлар: IETF ва IRTF фаолиятини назоратлайди ва координациялайди. Натижада бу ташкилотлар техник сиёсат ва ишчи йўналишни ишлаб чиқаради. Интернетнинг инженерлик муаммолари гуруҳи (IETF) устиворликларни аниқлайди, ўрнатади ва қисқа муддатли масалалар ва муаммолар, жумладан протоколлар, архитектура ва эксплуатация бўйича ечимлар ишлаб чиқади. Таклиф этилган стандартлар Интернетда Сўровлар, комментариялар ва таклифлар (RFC) кўринишида эълон қилинади. Стандартнинг охирги версияси ишлаб чиқилгандан сўнг у тасдиқлаш учун Интернет инженерларини бошқариш гуруҳига(IESG) келиб тушади. Интернетнинг илмий-тадқиқот муаммовий гуруҳи(IRTF) узоқ муддатли масалалар, жумладан адреслаш схемалари ва технологиялар билан шуғулланади.

Исмлар ва номерларни бериш бўйичаИнтернет корпорация (ICANN)- 1999 йилда ташкил этилган нотижорат ташкилот. ICANN портларнинг умумий маълум бўлган номерларини тақсимлаш, IP-адресларни бошқариш ва домен исмларини бериш бўйича IANA федерал органининг ваколатларини ўзига олиш учун ташкил этилди. Портлар номерлари 0 дан 65 536 гача диапазондаги 16-битли катталикларни ташкил этади. Умумий маълум бўлган портлар 0 дан 1 023 гача диапазон ичидаги рақамлар билан номерланади ва тизимий жараёнлар ёки амалий дастурларда фойдаланилади. Умумий маълум бўлган портлар мисоллар кўрсатиш мумкин: SMTP (Почтани узатиш оддий протокол), протоколи учун 25 порт, HTTP (Гипертекстли транспорт протоколи) протокол учун 80 порт Telnet Дистанцион хизмати учун 107 порт. TCP/IP протоколи базазидаги Интернет мижоз/сервер мухитида, сервер амалий даража протоколини ҳисобга олиб, портларни белгилайди, у мижоз даражасида бажарилади.Шунингдек ICANN компьютерларни Интернетга жойлаштиришни хохлаган ташкилотларга IP-адресни белгилайди;IP- адреслар сони ташкилот хажмига боғлиқ. Интернет жамияти (ISOC) – кўнгилли ташкилотдир, у Интернетни маъмуриятлаштириш учун қандайдир формал структурани билдиради. Интернет жамияти стандартлар бўйича қарорлар қабул қилиш ваколатини расмий холда IESG га берган.

АДАБИЁТЛАР РЎЙХАТИ 1.ComputerNetworkingATopDownApproach. James. F. Kuross. Pearson Education 2013. 2.Олифер В.Г., Олифер Н.А. Компьютерные сети.Принципы, технологии, протоколы. 3-е изд. СПб.: Питер,2006- 958 с. 3.Арипов М. ва бошқалар. Ахборот технологиялари. Тошкент: Ношир, 2009368б. 4.Семенов Ю.А. Протоколы Интернет.М.: Горячая линия-Телеком,2001.- 1100 с. 5.Садчикова С.А. IP-ТЕЛЕФОНИЯ. Учебное пособие для студентов специальностей 5А522202, 5А522203, 5А522205, 5А522216. Ташкент. ТУИТ.2008

O'xshashlar

Интернет тармоғининг пайдо бўлиш тарихи

МAТLAB тизими ва муҳити ҳақида асосий тушунчалар

Тизим ва объектларнинг характеристикалари. Асосий тушунчалар ва белгиланишлар

Персонал компютерда кулланадиган баъзи асосий тушунчалар

Жадвал процессорлари (хисоблагичлари) ҳақида асосий тушунчалар