Жазони уташдан озод килиш - Huquqshunoslik - Referatlar

Жазони уташдан озод килиш

Yuklangan vaqt:

20.09.2019

Ko'chirishlar soni:

0

Hajmi:

58 KB

Ko'chirib olish

Жазони ўташдан озод қилиш РЕЖА: 1. Жазони ўташдан муддатидан илгари озод қилиш. 2. Жазо ижросини тугатиш 3. Жазони ижро этиш муассасал а ридан озод қилиш

Жазони ўташдан озод қилиш тушунчаси ва турлари. Жазодан озод қилишларнинг назарий ва амалий аҳамияти. Жазони ўташдан муддатидан олдин озод қилиш тушунчаси ва турлари. Маҳкумни муддатидан илгари шартли озод қилиш тушунчаси шартлари ва асослари. Маҳкумни озод қилишга ёки жазони енгилроғи билан алмаштиришга тақдим этиш тартиби. Рад этиш асослари ва такроран озод этиш учун тақдим этиш тартиби. Муддатидан илгари қўшимча жазолардан озод қилиш. Касаллик туфайли ёки меҳнат қобилиятини йўқотганлиги оқибатида жазодан озод қилиш тушунчаси ва асослари. Касаллиги туфайли ёки меҳнат қобилиятини йўқотганлиги оқибатида жазодан озод қилишга тақдим этиш тартиби. Жиноят кодексида назарда тутилган жазо турларига кўра жазодан озо қилиш тартиблари. Жазони амнистия ёки авф акти асосида муддатидан илгари озод қилиш тартиби ва шартлари. Жазонинг ижросини тугатиш асослари. Жазо ижросини тугатиш вақти. Жазони ижро этувчи муассаса ёки органларнинг вазифалари. Жазо ижроси тугатилиши муносабати билан озод қилинган шахслар билан ҳисоб-китоб қилиш тартиби, ҳужжатларни ва шахсий буюмларни бериш. Маҳкум вафот этганлиги муносабати билан жазо ижросини тугатиш тартиби. Жазони ижро этиш муассасаларидан озод қилиш тартиби. Маҳкумларни озод қилишга тайёрлаш, маҳкумларнинг кейинги режаларини ўрганиб чиқиш, йўл-йўриқ бериш ва уларга моддий ёрдам кўрсатиш. Маҳкумларнинг озод қилиниши тўғрисида хабар бериш ва озод бўлган шахсларни кузатиб бориш. Вояга етмаган маҳкумларни ота-оналарига ёки уларнинг ўрнини босувчи шахслар ихтиёрига ёки ҳомийлар ёхуд интернатларга жўнатиш. Суд томонидан тайинланган жазо муддати тугагунча қадар маҳкум қуйидаги ҳолларда жазони ўташдан озод қилиниши мумкин: 1. Муддатидан илгари шартли озод қилинганида; 2. Жазо енгилроғи билан алмаштирилганда; 3. Касаллиги ёки меҳнат қобилиятини йўқотганлиги; 4. Амнистия ёки авф этилганлиги туфайли.

Жазодан муддатидан илгари шартли озод қилиш, жазони енгилроғи билан алмаштириш суд томонидан Жиноят-процессуал кодексининг 536-моддасида белгиланган тартибда қўлланилади. Маҳкум жазо муддатининг Жиноят кодекси 73,74,89,90- моддаларида (жазони ўташда муддатидан илгари шартли равишда озод қилиш, жазони енгилроғи билан алмаштириш) белгиланган қисмини ўтаб бўлганидан сўнг 1 ойлик муддат ичида жазони ижро этувчи муассаса маъмурияти уни жазони ўташдан муддатидан илгари шартли озод қилиш ёки жазонинг ўталмаган қисмини енгилроқ жазо билан алмаштиришга тақдим этиш масаласини кўриб чиқиши ҳамда тақдим қилиш ёки рад этиш ҳақида қарор чиқариши шарт. Маъмурият маҳкумни жазо муддатидан илгари шартли озод қилишга ёки жазони енгилроғи билан алмаштиришга тақдим этишни рад этган тақдирда маҳкум ёки унинг адвокати судга тегишли илтимоснома билан мурожаат этишга ҳақли. Муайян ҳуқуқдан маҳрум этиш тариқасидаги жазодан озод қилиш жамоат бирлашмаси, жамоа маҳкумнинг ўзи ёки ҳимоячиси илтимосномасига биноан суд томонидан амалга оширилади. Суд жазоданилгари шартли озод қилиш ёки азони енгилроғи билан алмаштиришни рад этган тақдирда, бу ҳақда ажрим чиққан кундан бошлаб камида 6 ой ўтганидан кейин тақдимнома такроран киритилиши ёки илтимоснома такроран берилиши мумкин. Жазони ижро этувчи муассаса маъмурияти маҳкум касал бўлган ёки меҳнат қобилиятини йўқотганда жазони ўташни давом эттиришдан озод қилиш тўғрисида судга тақдимнома киритади. Айни вақтда судга тиббиё комиссия хулосаси ва маҳкумнинг шахсий ҳужжатлар йиғма жилди юборилади. Маҳкумни ОМқ ёки қамоқ тариқасидаги жазодан касаллиги туфайли озод қилиш тўғрисидаги тақдимнома ЎР ИИВнинг махсус тиббий комиссияси хулоса асосида киритилади. Жазони ўташ даврида хомиладаорлик ва туғиш таoтили берилган аёлларни жазодан озод қилиш тўғрисидаги тақдимнома бундай таoтил ҳуқуқини берувчи тиббий ҳужжат асосида киритилади. Ҳарбий хизматчиларни интизомий қисмга жўнатиш ёки хизмат бўйича чеклаш тариқасидаги жазони ўташдан озод қилиш тўғрисидаги тақдимнома тегишли ҳарбий тиббий комиссиянинг уларни ҳарбий хизматга яроқсиз деб топиш ҳақидаги ҳулосаси асосида киритилади. Аёл ҳарбий хизматчилар хизмат бўйича чеклаш тариқасидаги жазони ўташдан хомиладорлик ва туғиш таoтили берилиши муносабати билан ҳам озод қилинади. Жаодан амнистия қонун ҳужжатлари билан белгиланади. қуйидагилар жазо ижросини тугатиш учун асос бўлади:

1. Маҳкумнинг суд тайинланган жазо муддатини ўтаб бўлиши; 2. ЖИКнинг 163-моддасида назарда тутилган ҳолларда маҳкумнинг жазони ўташдан муддатидан илгари озод қилиниши; 3. Суд ҳукмининг бекор бўлиши ва иш юритишнинг тугатилиши; 4. Ҳукмининг назорат тартибида ўзартирилиши ва жазонинг шартли ҳукми билан алмаштирилиши; 5. Маҳкумнинг вафоти Муайян ҳуқуқдан маҳрум қилиш, АТИ, КБЧ, қамоқ, интизомий қисмга жўнатиш, ОМК тариқасидаги жазонинг ижроси мазкур жазо муддатига қонун ҳужжатларига мувофиқ киритилиши мумкин бўлган ўзгартиришларни ҳисобга олган ҳолда. Бу муддатнинг охирги куни тугатиллади. АТИ муддати тугатилаётган куни жазони ижро этиш инспекцияси жазони ўтаган шахсни ва у ишлаётган корхона, ташкилот маъмуриятини иш ҳақидан чегириб қолишни тугатиш ва бошқа чеклашларни олиб ташлаш тўғрисида хабардор қилади. Жазони ижро этиш муассасаси қамоққа ва ОМКга ҳукм қилинган шахслар озод этилаётганда улар билан тўла ҳисоб-китоб қилади, уларнинг шахсий ҳужжатлари, буюмлари ва шахсий ҳисоб варақларида турган пулларни қайтариб беради ҳамда жазони ўтаб бўлганлик ёки жазодан озод қилинганлик тўғрисида белгиланган намунада маoлумотнома беради. Маҳкум вафот этган тақдирда жазони ижро этиш муассасаси маъмурияти бу ҳақда зудлик билан марҳумнинг яқин қариндошларидан бирига телеграф орқали хабар қилади. Марҳумнинг жасади қариндошларига қонун ҳужжатларида назарида тутилган ҳолларда ва тартибда берилади. Маҳкумнинг қариндошларидан жасадни бериш тўғрисида ариза тушмаган тақдирда, муассаса маъмурияти марҳумни Ўзбекистон Республикаси ИИВ томонидан белгиланган тартибда дафн этади. Жазони ижро этиш муассасаси маъмурияти озодликдан маҳрум этишга ҳукм қилинган шахснинг жазони ўташ муддати тугашига узоғи билан 3 ой қолганда уни озодликка чиқаришга тайёрлаш, меҳнат ва турмушда ўрнашишга бўлган эҳтиёжини аниқлаш, унинг муассасадан озод бўлгандан кейинги ҳуқуқлари ва мажбуриятларини тушунтириш мақсадида маҳкум билан тарбиявий иш олиб боради. Жазони ижро этиш муассасаларидан озод қилинаётган шахслар яшашни мўлжалланган жойга етиб олиши учун йўл ҳужжатлари белгиланган норма бўйича озиқ- овқат маҳсулотлари ёки пул билан таъминланадилар.

Озод қилинаётган шахсларда мавсумий кийим ва пойабзал, шунингдек, уларни сотиб олишга пул бўлмаса, улар кийим ва пойабзал билан бепул таъминланадилар. Жазони ижро эитш муассасаси маъмурияти бир ва икки гуруҳ ногиронлари, ҳомиладор аёллар ва ёш боласи бор аёллар шунингдек, вояга етмаган маҳкумларнинг озод қилиниши тўғрисида уларнинг қариндошлари ёки бошқа шахсларнинг олдиндан хабардор қилиши лозим. Соғлиғи ҳолатига кўра доими парваришга мухтож шахслар, 16 ёшгача бўлган вояга етмаган шахслар яшаш жойига қариндошлари ёки бошқа шахслар ёҳуд муассаса маъмурияти вакилининг кузатувида жўнатилади. Ногиронлар ва қариялар, ўз илтимосига кўра, ногиронлар ва қариялар уйига жўнатилади. Вояга етмаган маҳкумлар ота-оналари ёки уларнинг ўрнини босувчи шахслар ихтиёрига жўнатилади. Ота-онаси йўқ вояга етмаган шахслар зарур ҳолларда, интернатларга жўнатилади ёки ҳомийлар қарамоғига берилади.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст. 6. Курс уголовного права Республики Узбекистан Том-2 общая часть учение о наказании . учебник. М.Х. Рустамбоев . - Т.:ТДЮИ, 2009.-394 ст. 7. Курс уголовного права Республики Узбекистан Том-3 особенная часть . учебник. М.Х. Рустамбоев . - Т.:ТДЮИ, 2009.-423 ст. 8. Курс уголовного права Республики Узбекистан Том-4 особенная часть . учебник. М.Х. Рустамбоев . - Т.:ТДЮИ, 2009.-513 ст. 9. Курс уголовного права Республики Узбекистан Том-5 особенная часть . учебник. М.Х. Рустамбоев . - Т.:ТДЮИ, 2009.-401 ст.

O'xshashlar

Жазони ўташдан озод қилиш

Жиноят хукуки тушунчаси. Жиноят конунлари

Колония ва турмаларда жазони ўташ

Жазони ижро этиш муассасаларида режим

Жазони ижро этиш муассасаларида режим