Umrbod ozodlikdan mahrum qilish jazosini ijro etish tartibi - Huquqshunoslik - Referatlar

Umrbod ozodlikdan mahrum qilish jazosini ijro etish tartibi

Yuklangan vaqt:

16.09.2022

Ko'chirishlar soni:

0

Hajmi:

35.5 KB

Ko'chirib olish

Umrbod ozodlikdan mahrum qilish jazosini ijro etish tartibi REJA: 1. Umrbod ozodlikdan mahrum qilish jazosiga hukm qilingan shaxsning huquqiy holati. 2. Umrbod ozodlikdan mahrum qilish jazosini ijro etish tartibi va asosi.

Umrbod ozodlikdan mahrum qilish jazosini ijro etish asoslari, shartlari va tartibi. Umrbod ozodlikdan mahrum qilish jazosiga hukm etilgan mahkumlarni saqlash sharoitlari. Umrbod ozodlikdan mahrum qilish jazosiga hukm qilingan shaxslarning huquqiy holatlari. Umrbod ozodlikdan mahrum qilish jazosiga hukm etilgan mahkumning afv etish to`g`risida iltimosnoma berishi va bu iltimosnoma ko`rib chiqilgunga qadar uning huquqiy holatlari. Umrbod ozodlikdan mahrum qilish jazosini ijro etish asosi. Umrbod yoki uzoq muddatga ozodlikdan mahrum qilish jazosini ijro etish tartibi. O`zbekiston Respublikasi Prezidentining umrbod ozodlikdan mahrum qilish jazosini bekor qilish to`g`risidagi farmoni. Jinoiy jazolarni liberallashtirish munosabati bilan o`lim jazosini uzoq muddatga yoki umrbod ozodlikdan mahrum qilish jazosi bilan almashtirish masalalari. Umrbod yoki uzoq muddatga ozodlikdan mahrum qilish jazosi ayolga, oltmish yoshdan oshgan erkakka va 18 yoshga to`lmasdan jinoyat sodir etgan shaxsga nisbatan tayinlanishi mumkin emas. Umrbod ozodlikdan mahrum qilish jazosi avf etish tartibida uzoq muddatga ozodlikdan mahrum qilish bilan almashtirilishi mumkin. Umrbod yoki uzoq muddatga ozodlikdan mahrum qilish jazosiga hukm qilingan shaxs quyidagilarga haqli: qonunda nazarda tutilgan tartibda zarur fuqaroviy-huquqiy va oila nikoh munosabatlarini rasmiylashtirishga; yuridik yordam olish hamda muddati va miqdori cheklanmagan holda advokatlar bilan uchrashishga; cheklanmagan miqdorda xat olish va jo`natishga; yaqin qarindoshlari bilan har oyda bir marta qisqa muddatli uchrashuvga; zarur tibbiy yordam olishga. Umrbod ozodlikdan mahrum qilingan mahkumlar maxsus saqlash sharoitlariga ega bo`lgan maxsus tartibli koloniyalarda saqlanadilar. Umrbod ozodlikdan mahrum qilingan mahkumlar kameralarga ko`pi bilan ikki kishidan joylashtiriladilar. Mahkumlarning iltimosiga ko`ra yoki zarurat taqozo etganda ular bir kishilik kameralarda saqlanishlari ham mumkin. Umrbod ozodlikdan mahrum qilingan mahkumlar jazoni qattiq, odatdagi va yengillashtirilgan saqlash sharoitlarida o`taydilar. Umrbod ozodlikdan mahrum qilingan mahkumlar jazoning dastlabki o`n yilini qattiq saqlash sharoitlarida o`taydilar.

Muddatning kamida o`n yilini o`tagan, belgilangan tartibni buzganlik uchun intizomiy jazo olmagan umrbod ozodlikdan mahrum qilingan mahkumlar qattiq saqlash sharoitlaridan odatdagi saqlash sharoitlariga o`tkazilishlari mumkin. Muddatning kamida o`n besh yilini o`tagan, belgilangan tartibni buzganlik uchun intizomiy jazo olmagan umrbod ozodlikdan mahrum qilingan mahkumlar odatdagi saqlash sharoitlaridan yengillashtirilgan saqlash sharoitlariga o`tkazilishlari mumkin. Umrbod ozodlikdan mahrum qilingan bitta mahkumga to`g`ri keladigan yashash maydonining normasi to`rt kvadrat metrdan kam bo`lishi mumkin emas. Umrbod ozodlikdan mahrum qilinib, jazoni qattiq saqlash sharoitlarida o`tayotgan mahkumlar o`z shaxsiy hisobvarag`ida mavjud bo`lgan mablag`lardan belgilangan eng kam ish haqi miqdorining yetmish besh foizigacha bo`lgan summaga har oyda oziq-ovqat mahsulotlari va eng zarur narsalar sotib olish, yil mobaynida bir marta qisqa muddatli uchrashuv, bir marta telefon orqali so`zlashuv, bitta posilka yoki yo`qlov, bitta banderol olish huquqiga ega. Umrbod ozodlikdan mahrum qilinib, jazoni odatdagi saqlash sharoitlarida o`tayotgan mahkumlar o`z shaxsiy hisobvarag`ida mavjud bo`lgan mablag`lardan qonun hujjatlarida belgilangan eng kam ish haqining bir baravarigacha miqdordagi summaga har oyda oziq-ovqat mahsulotlari va eng zarur narsalar sotib olish, yil mobaynida bir marta uzoq muddatli va bir marta qisqa muddatli uchrashuv, ikki marta telefon orqali so`zlashuv, ikkita posilka yoki yo`qlov, ikkita banderol olish huquqiga ega. Umrbod ozodlikdan mahrum qilinib, jazoni yengillashtirilgan saqlash sharoitlarida o`tayotgan mahkumlar o`z shaxsiy hisobvarag`ida mavjud bo`lgan mablag`lardan belgilangan eng kam ish haqining bir yarim baravarigacha miqdordagi summaga har oyda oziq-ovqat mahsulotlari va eng zarur narsalar sotib olish, yil mobaynida bir marta uzoq muddatli va ikki marta qisqa muddatli uchrashuv, uch marta telefon orqali so`zlashuv, uchta posilka yoki yo`qlov, uchta banderol olish huquqiga ega. Umrbod ozodlikdan mahrum qilingan mahkumlar, saqlash sharoitlaridan qat`i nazar, har kuni bir yarim soatgacha sayr qilish huquqiga ega. Umrbod ozodlikdan mahrum qilingan mahkumlarning mehnati odatdagi va yengillashtirilgan saqlash sharoitlarida saqlanayotgan shaxslar uchun ish kameralarida tashkil etiladi. Umrbod ozodlikdan mahrum qilingan mahkumlarga nisbatan Jinoyat ijroiya kodeksi 102- moddasi birinchi qismining ikkinchi – beshinchi xatboshilarida nazarda tutilgan rag`batlantirish choralari qo`llaniladi. Belgilangan tartibda yengillashtirilgan saqlash sharoitlariga o`tkazilgan mahkumlarga nisbatan rag`batlantirish tartibida qo`shimcha uchrashish yoki telefon orqali so`zlashish imkoniyati ham berilishi mumkin.

Umrbod ozodlikdan mahrum qilingan mahkumlarga nisbatan Jinoyat ijroiya kodeksi 105- moddasi birinchi qismining ikkinchi, uchinchi va beshinchi xatboshilarida nazarda tutilgan intizomiy jazo choralari qo`llaniladi. Umrbod ozodlikdan mahrum qilinib, odatdagi va yengillashtirilgan saqlash sharoitlarida belgilangan tartibni ashaddiy buzuvchi deb topilgan mahkumlar quyidagi tartibda: yengillashtirilgan saqlash sharoitlaridan odatdagi yoki qattiq saqlash sharoitlariga; odatdagi saqlash sharoitlaridan qattiq saqlash sharoitlariga o`tkazilishlari mumkin. Avf etish to`g`risida iltimosnoma berish va uni ko`rib chiqish tartibi qonun hujjatlarida belgilanadi. Avf etish to`g`risidagi iltimosnoma umrbod ozodlikdan mahrum qilishga hukm etilgan shaxs tomonidan u tayinlangan jazo muddatining yigirma besh yilini haqiqatda o`tab bo`lganidan keyin, agar jazoni o`tash davrida mahkum qat`iy tuzalish yo`liga o`tgan, belgilangan tartibni buzganlik uchun intizomiy jazo olmagan, mehnat va o`qishga nisbatan vijdonan munosabatda bo`layotgan, tarbiyaviy tadbirlar o`tkazishda faol ishtirok etayotgan taqdirda esa, tayinlangan jazoning yigirma yilini haqiqatda o`tab bo`lganidan keyin berilishi mumkin. Avf etish to`g`risidagi iltimosnoma uzoq muddatli ozodlikdan mahrum qilingan shaxs tomonidan u tayinlangan jazo muddatining yigirma yilini haqiqatda o`tab bo`lganidan keyin, agar jazoni o`tash davrida mahkum qat`iy tuzalish yo`liga o`tgan, belgilangan tartibni buzganlik uchun intizomiy jazo olmagan, mehnat va o`qishga nisbatan vijdonan munosabatda bo`layotgan, tarbiyaviy tadbirlar o`tkazishda faol ishtirok etayotgan taqdirda esa, tayinlangan jazoning o`n besh yilini haqiqatda o`tab bo`lganidan keyin berilishi mumkin.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas`ul muharrir- yu.f.n., dots. B.J.Axrorov. –T.: O`qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma`sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.- 526 st. 6. Kurs ugolovnogo prava Respubliki Uzbekistan Tom-2 obshaya chast ucheniye o nakazanii. uchebnik. M.X. Rustamboyev. - T.:TDYUI, 2009.-394 st. 7. Kurs ugolovnogo prava Respubliki Uzbekistan Tom-3 osobennaya chast. uchebnik. M.X. Rustamboyev. - T.:TDYUI, 2009.-423 st. 8. Kurs ugolovnogo prava Respubliki Uzbekistan Tom-4 osobennaya chast. uchebnik. M.X. Rustamboyev. - T.:TDYUI, 2009.-513 st. 9. Kurs ugolovnogo prava Respubliki Uzbekistan Tom-5 osobennaya chast. uchebnik. M.X. Rustamboyev. - T.:TDYUI, 2009.-401 st.

O'xshashlar

Uzoq muddatli yoki umrbod ozodlikdan mahrum qilish jazosini ijro etish masalalari

Uzoq muddatli yoki umrbod ozodlikdan mahrum qilish jazosini ijro etish masalalari

Umrbod ozodlikdan mahrum qilish jazosini takomillashtirish muammolari

Ozodlikdan mahrum qilish tariqasidagi jazo ijrosini tashkil qilish ijro etish. Ozodlikdan mahrum qilingan mahkumlarni klassifikatsiyalash tushunchasi

Ozodlikdan mahrum qilish tariqasidagi jazo ijrosini tashkil kilish va ijro etish