Шикоят ва аризалар билан мурожаат қилиш ҳуқуқини таъминлашда прокурорнинг вазифалари - Huquqshunoslik - Referatlar

Шикоят ва аризалар билан мурожаат қилиш ҳуқуқини таъминлашда прокурорнинг вазифалари

Yuklangan vaqt:

20.09.2019

Ko'chirishlar soni:

0

Hajmi:

80.5 KB

Ko'chirib olish

Шикоят ва аризалар билан мурожаат қилиш ҳуқуқини таъминлашда прокурорнинг вазифалари Режа: 1. Прокурорнинг ҳуқуқий ҳужжатлари. 2. Прокурор аризаси 3. Шахсларни ушлаб туриш жойларида( ИВСда), дастлабки қамоқ жойларида ( СИЗОда) қонунчиликка риоя этилиши устидан прокурор назоратини амалга ошириш.

Шикоят ва аризалар билан мурожаат қилиш ҳуқуқини таъминлашда прокурорнинг вазифалари Шахсларни ушлаб туриш, қамоққа олинганларни ва жиноий жазоларни ўташ жойларида қонунларга риоя этилиши устидан, шунингдек жиноят- ҳуқуқий таъсирнинг бошқа чораларини ижро этиш чоғида прокурор ўз ваколатлари доирасида шу шахсларнинг берган шикоят ва аризалари билан батафсил танишиб чиқиши ва тегишли чораларни кўриши лозим бўлади. Бу тоифа шахслардан ариза олинишининг ўзига хос хусусиятлари мавжуд. Чунки, бу шахслар одатда ўзларининг бузилган ҳуқуқ ва эркинликларини ариза ва шикоят билан мурожаат орқали ҳал этиш учун биринчи бўлиб интилмайдилар. Шунинг учун бу тоифа шахсларнинг ҳуқуқ ва эркинликларини тиклаш масаласида прокурорлар ўз ваколатлари доираси яъни, ушлаб турилган ва эҳтиёт чораси сифатида қамоққа олинган шунингдек, қамоқ тариқасидаги жазони ўташ учун хукм қилинган шахсларнинг сақланишининг қонунийлиги устидан назорат вилоят ва унга тенглаштирилган прокурорлар ваколатларига уларнинг катта ёрдамчилари ва ёрдамчилари орқали амалга оширилади. Жазо тариқасида озодликдан маҳрум этилган шахсларнинг сақланишини бевосита махсус(ихтисослаштирилган) прокурорлар амалга оширадилар ва жиноят-ҳуқуқий таъсирнинг бошқа чораларини ижро этиш (тиббий йўсиндаги мажбурлов чораларини ижро этиш муассасалари ва озодликдан маҳрум қилиш билан боғлиқ бўлмаган унданда енгилроқ жазо чоралари- масалан: ахлоқ тузатиш ишлари, манзил колонияларда озодликдан маҳрум этиш жазосини ўташ махсус прокурор ёки ҳудудий прокурор томонидан ҳам амалга оширилиши мумкин. Бу тоифа шахсларни ҳуқуқ ва эркинликларини поймол бўлмаслиги учун бевосита прокурорларнинг ўзлари вақти вақти билан камида ойида бир марта уларнинг сақланиш жойларида маъмурият вакиллари иштирокида ва иштирокисиз қабул уюштиришлари, улар билан бевосита суҳбат қилишлари

ва уларга нисбатан қўлланилган интизомий жазо чораларини қонунийлигини ҳам бира тўла текшириб кетишлари шарт ҳисобланади. Бу тоифа шахслар бевосита прокурорга ариза билан келмайди. Балки, прокурорнинг ўзи ариза олиш учун уларнинг олдига бориши керак бўлади. Прокурорнинг ҳуқуқий ҳужжатлари. Прокурор назорати ҳужжатларининг барча турлари прокуратура фаолиятининг ушбу йўналишида ҳам қўлланиши мумкин. Уларни қўллаш муддатлари, расмийлаштириш тартиби, кўриб чиқиш муддатлари прокуратура фаолиятининг бошқа йўналишларида қўлланадиган прокурор назорати ҳужжатларидан фарқ қилмайди. Лекин ижро масаласига келинганида, албатта бу тоифа прокурор назоратининг ўзига хос хусусиятларидан келиб чиқиб, ҳужжатларни кўриб чиқиш муддатларини прокурорлар томонидан қисқартирилиши яъни, максимал муддатда жавоб олинишини олдини олишлари зарур. Чунки, зудлик билан ҳамда дарҳол қонунбузилишига чек қўйилиши талаб этилади. Қонун бузилишининг даражаси(характери)га қараб, жиноий жазоларни ижро этиш муассасаларида қонунлар ижроси устидан назоратни амалга оширувчи ихтисослашган махсус прокурор тегишли прокурор назорати ҳужжатини қабул қилади. Бу ҳужжатларга: п ротест, қарор, тақдимнома, ариза ва огоҳлантирув киради. Жиноий жазоларни ижро этиш муассасаларида қабул қилинган қ онунга зид бўлган ҳужжатга нисбатан п р о т е с т ни махсус прокурор томонидан ана шу ҳужжатни қабул қилган органга ёки юқори турувчи органига , масалан, Тошкент вилояти Товоқсой қишлоғида жойлашган УЯ 64/ НН рақамли жазони ижро этиш муассасаси раҳбарияти т омонидан қабул қилинган ҳужжатга нисбатан, протестни Тошкент вилояти, Зангиота туманида жойлашган жиноий жазоларни ижро этиш устидан назоратни амалга оширувчи махсус прокурор томонидан шу жазони ижро этиш муассасаси раҳб ари номига киритилади . Ш унингдек, бу протест Ўзбекистон Республикаси ИИВ ЖЖИЭББ номига ҳам киритилиши мумкин.

Мансабдор шахснинг ноқонуний қарорига нисбатан ҳам худди шундай тартибда протест келтирилади. Протест келиб тушган вақтдан бошлаб ўн кунлик муддатдан кечиктирмай кўриб чиқилиши шарт. Қонунбузарликни дарҳол бартараф этиш талаб қилинган алоҳида ҳолларда прокурор протестни кўриб чиқишнинг қисқартирилган муддатини белгилашга ҳақли. Протестни кўриб чиқиш натижалари тўғрисида уч кунлик муддат ичида прокурорга ёзма равишда маълум қилинади. Протест шу ҳужжатни қабул қилган орган (мансабдор шахс) ёки юқори турувчи орган (мансабдор шахс) томонидан рад этилганда, шунингдек протест қонунда белгиланган муддат ичида кўриб чиқилмаган тақдирда, прокурор ана шу ҳужжатни ғайриқонуний деб эътироф этиш тўғрисидаги ариза билан тегишли судга мурожаат этишга ҳақли. Агарда маълумотлар давлат ёки ҳарбий сирга тегишли бўлса, тегишли ҳарбий судга мурожаат қилинади. Умумий асосларга эга бўлган, давлат ёки ҳарбий сирга тегишли бўлмаган тарздаги аризалар тегишли туманлараро фуқаролик судларига берилади. Судга ариза протест рад этилганлиги тўғрисидаги хабар олинган пайтдан бошлаб ёки протестни кўриб чиқиш учун қонунда белгиланган муддат ўтганидан кейин бир ойлик муддат ичида берилиши мумкин. Прокурор томонидан судга ариза берилиши протест келтирилган ҳужжатнинг амал қилишини ариза судда кўриб чиқилганга қадар тўхтатиб қўяди. Прокурор мансабдор шахс ёки маҳбус томонидан содир этилган қонун бузилишининг хусусиятига қараб жиноят иши, маъмурий ёки интизомий жавобгарлик тўғрисидаги иш қўзғатиш ҳақида қ а р о р чиқаради. Прокурор қонунда назарда тутилган бошқа ҳолларда ҳам қарор чиқаради. Ҳар бир чиқариладиган қарор тегишли (жиноят ижроия кодекси, жазоларни ижро этиш муассасалар фаолиятини тартибга солиш бўйича қабул қилинган қонун ости ҳужжатлари, Ички Ишлар Вазирлигининг соҳавий буйруқ, кўрсатма, Низомлари , Ўзбекистон Республикаси Бош прокурорининг буйруғи, кўрсатмаси ва Низомлари талабларига ва бошқа тегишли қонунлар

талабл а р и га мос келиши лозим) қонунчиликда белгиланган талабларга жавоб бериши керак . Агар сўз жиноят ишини қўзғатиш борасида борса бу ерда , Жиноят кодекси, Жиноят процессуал кодекси ва жиноят ижроия кодекси талабларига риоя этиш керак . Қ арорда уни чиқарган шахснинг исми-шарифи ва мансаби ҳамда унвони, ишни қўзғатиш учун сабаб ва асослар жиноят кодексининг моддаси ва жиноят ишининг кейинги йўналиши кўрсатилиши керак . Маъмурий ёки интизомий жавобгарлик тўғрисидаги ишни қўзғатиш ҳақидаги прокурорнинг қарори келиб тушган кундан бошлаб ўн беш кун ичида орган ёки мансабдор шахс томонидан кўриб чиқилиши шарт. Уни кўриб чиқиш натижалари ҳақида уч кунлик муддатда прокурорга ёзма равишда маълум қилинади. Прокурор ўз фаолияти мобайнида қонун бузилиш ҳоллари унинг келиб чиқиш сабаблари ва бунга имконият яратиб бераётган шарт-шароитларни аниқласа, ушбу қонун бузилиш ҳолларини бартараф этиш ваколатига эга бўлган орган ёки мансабдор шахс номига т а қ д и м н о м а киритади. Тақдимнома қоида бўйича қонун билан белгиланган тартибда прокурор ва унинг ўринбосари томонидан имзоланиб, қонун бузилишини бартараф этувчи ва уларнинг олдини олиш чора-тадбирларини кўрувчи жиноий жазоларни ижро этувчи органларга ва шу идораларнинг мансабдор шахсларига ёҳуд уларнинг юқори турувчи органларига юборилади. Аниқланган қонун бузилиши ҳолатлари ҳудди шу текширилган муассасанинг тармоқ идоралари бўйича ҳам аниқланиши мумкин бўлган қонун бузилиш и бўлса, шу ҳолатлар н и бартараф этиш, олдини олиш ва тегишли чора ва тадбирлар белгилаш учун ёки прокурор тақдимномаси рад этилганда ёхуд тақдимнома бўйича нотўғри қарор қабул қилинган бўлса, тақдимнома юқори турувчи органга ёки мансабдор шахсга юборилади. Тақдимнома дарҳол кўриб чиқилиши ва кўрилган чора-тадбирлар тўғрисида бир ойлик муддат ичида прокурорга ёзма равишда маълум қилиниши лозим.

Тақдимномада қонун бузилишида айбдор мансабдор шахсларни интизомий, маъмурий ёки моддий жавобгарликка тортиш ҳақидаги прокурор талаблари баён этилиши мумкин. Бунинг учун жавобгарликнинг ушбу турларини қўзғатиш ҳақидаги махсус қарор чиқарилиши шарт эмас. Тақдимнома коллегиал орган томонидан кўриб чиқиладиган ҳолларда мажлис куни ҳақида прокурорга маълум қилинади ва у мажлисда иштирок этишга ҳақли. Тақдимномани тайёрлашда нафақат унинг чиқарилиши учун аниқ сабаблардан, балки ушбу тақдимнома юбориладиган корхона, муассаса ёки ташкилотдаги қонунийлик ва ҳуқуқ-тартиботнинг ҳолати ҳақидаги хулосалардан фойдаланиш керак Прокурор ўз тақдимномасида йўл қўйилган қонун бузилишлари уларга имконият яратган сабаб ва шароитлардан ташқари ушбу қонун бузилиши ҳолларини бартараф этиш ва уларнинг олдини олувчи шароитларни яратишга имкон берадиган чора-тадбирлар ҳақида кўрсатиб ўтса мақсадга мувофиқдир. Тақдимнома қоида бўйича қонун бузилишини бартараф этувчи ва уларнинг олдини олиш чора-тадбирларини кўрувчи давлат органларига ва мансабдор шахсларига юборилади. Қонун бузилиши тарқалганлик хусусиятига эга бўлганда ёки прокурор тақдимномаси рад этилганда ёхуд тақдимнома бўйича нотўғри қарор қабул қилинган бўлса, тақдимнома юқори турувчи органга ёки мансабдор шахсга юборилади. Тақдимнома ўз шаклига кўра маълум талабларга жавоб бериши керак . Тақдимномада қуйидаги элементлар мавжуд бўлади :  Тақдимнома киритиш учун асос бўлган материаллар (ўтказилган текширув натижалари, қонунийликка риоя этилиши ҳақидаги материалларни умумлаштириш ва таҳлил қилиш жиноятни тергов қилиш натижалари ва ҳ.к);  бузилган қонун номи ва йўл қўйилган қонун бузилишига олиб келган сабаблар ва шароитлар тавсифи;

 қонун бузилишига олиб келган сабаб ва шароитларни бартараф қилиш ва ҳуқуқбузарликларнинг олдини олиш учун тавсия қилинадиган чора-тадбирлари;  қонун бузилишига йўл қўйган аниқ мансабдор шахсларни кўрсатиш;  уларни жавобгарликка тортиш ҳақидаги прокурор таклифлари;  тақдимномани дарҳол кўриб чиқилиши ва кўрилган чора- тадбирлар тўғрисида бир ойлик муддат ичида прокурорга ёзма равишда маълум қилиниши лозимлиги ҳақидаги талаб;  прокурорнинг лавозими ва даражали унвони, тақдимномани киритиш санаси, тақдимнома муаллифи имзоси. Умуман, тақдимнома нафақат қонун бузилиши ҳолларини бартараф қилишга хизмат қилмасдан, балки қонун бузилишини олдини олишда аҳамияти юқоридир. Тақдимнома дарҳол кўриб чиқилиши ва кўрилган чора-тадбирлар тўғрисида бир ойлик муддат ичида прокурорга ёзма равишда маълум қилиниши лозим. Тақдимнома коллегиал орган томонидан кўриб чиқиладиган ҳолларда мажлис куни ҳақида прокурорга маълум қилинади ва у мажлисда иштирок этишга ҳақлидир. Прокурор назорати ҳужжати сифатида а р и з а . Прокурор фуқаролар, юридик шахслар ва давлатнинг ҳуқуқлари ҳамда қонуний манфаатларини ҳимоя қилиш учун судга ариза билан судга ариза билан мурожаат қилиш ҳуқуқига эга. Прокурор аризаси - бу суд муҳокамаси орқали қонунларнинг бир хилда ва аниқ ижро этилиши қонун бузилиши ҳоллари ва суд тартибида бартараф этилиши лозим бўлган ва айбдор шахсларни жавобгарликка тортишнинг самарали воситасидир. Прокурорнинг аризаси суд томонидан қонун ҳужжатларида назарда тутилган тартибда кўриб чиқилади.

Прокурор аризасидан давлат божи олинмайди. Ўзбекистон Республикаси Фуқаролик процессуал кодексининг 46- моддасига кўра, прокурор бошқа шахсларнинг ҳуқуқларини ва қонун билан қўриқланадиган манфаатларини ҳимоя қилиш учун ариза билан судга мурожаат этиш ҳуқуқига эга. Шунингдек, прокурор бошқа шахслар ташаббуси билан қўзғатилган ишни кўришда бошидан иштирок этиш ҳуқуқига эга. Аризада қуйидагилар кўрсатилиши лозим : 1) ариза берилаётган суднинг номи; 2) прокурорнинг лавозими ва фамилияси, номи, шарифи ҳамда ариза кимнинг манфаатини кўзлаб берилганлиги, ўша шахснинг номи (фамилияси, номи ва отасининг исми) ва манзили (даъвогар); 3) жавобгарнинг номи ва манзили; 4) даъвогарнинг талаби; 5) агар даъв о баҳоланиши лозим бўлса, унинг бахоси; 6) даъво талабларига асос бўлган ҳолатлар ва даъво талабларининг асосларини тасдиқловчи далиллар; 7) аризага илова қилинган ҳужжатлар рўйхати. Албатта, ишнинг хусусиятига қараб, аризада кўрсатиладиган маълумотлар ва унинг шакли фарқланиши мумкин. Аммо бу прокурор аризасининг мамлакатимизда фуқаролар ва юридик шахслар, қолаверса, давлат ҳуқуқлари ва қонуний манфаатларини ҳимоя қилишдаги аҳамиятига ҳеч қандай таъсир этмайди. У прокурор таъсир ҳужжатларидан бири сифатида самарали восита бўлиб қолаверади. Прокурор фуқаролар, юридик шахслар ва давлатнинг ҳуқуқлари ҳамда қонуний манфаатларини ҳимоя қилиш учун судга ариза билан мурожаат қилиш ҳуқуқига эга. Прокурорнинг аризаси қонун ҳужжатларида назарда тутилган тартибда кўриб чиқилади. Прокурорнинг аризасидан давлат божи олинмайди.

О г о ҳ л а н т и р у в муҳим прокурор назорати ҳужжати ҳисобланади. Прокурор фуқароларнинг қонун билан қўриқланадиган манфаатларига, ҳуқуқ ва эркинликларига, жамият ҳамда давлат манфаатларига зарар етказиши мумкин бўлган ғайриқонуний хатти- ҳаракатлар тайёрланаётганлиги хусусида ишончли маълумотлар мавжуд бўлганда ҳуқуқбузарликнинг олдини олиш мақсадида мансабдор шахслар ва фуқароларни қонуннинг бузилишига йўл қўймаслик ҳақида ёзма равишда огоҳлантиради ҳамда ҳуқуқбузарлик содир этганлик учун жавобгарликни тушунтиради. Огоҳлантирув тўғрисида прокурор юқори турувчи органга (мансабдор шахсга), шунингдек огоҳлантирувчи эълон қилинган шахснинг иши, ўқиш жойи бўйича иш берувчига (маъмуриятга) ёки яшаш жойидаги фуқароларнинг ўзини-ўзи бошқариш органига маълум қилишга ҳақли. Огоҳлантирув йўлланган шахс ҳужжатдан норози бўлса, юқори туручи прокурорга шикоят қилиши мумкин. Огоҳлантирувда кўрсатилган ҳаракатлар бажарилмаганда, айбдор шахс интизомий, фуқаролик, маъмурий ёки жиноий жавобгарликка тортилиши мумкин. Огоҳлантирилган шахс огоҳлантирув билан таништирилиши ва буни ҳужжатда ўз имзоси билан тасдиқлаши лозим. Шахсларни ушлаб туриш жойларида( ИВСда), дастлабки қамоқ жойларида ( СИЗОда) қонунчиликка риоя этилиши устидан прокурор назоратини амалга ошириш. Шахсларни ушлаб туриш жойларида(ИВСларда) ҳамда дастлабки қамоқ жойларида (СИЗО) қонунчиликка риоя этилиши устидан назоратни вилоят прокурорлари ва уларга тенглаштирилган прокурорлар томонидан амалга оширилади. Ўзбекистон Республикаси Президентининг 2004 йил 11 мартдаги ПФ 3406 сонли Фармонига асосан Ўзбекистон Республикаси прокуратура органларни тизимига ўзгартириш киритилган бўлиб, биз муҳокама этаётган йўналишдаги назоратни “Суд қарорларини ижро этишда ва қамоққа

олинганларни сақлашда қонунларга риоя этилиши устидан назорат бўлими” прокурорлари томонидан амалга оширилади. Ўзбекистон Республикаси Бош прокурорининг “ Суд ҳужжатлари ва бошқа органлар ҳужжатларини ижро этишда ҳамда қамоққа олинганларни сақлашда қонунларга риоя этилиши устидан назоратни янада такомиллаштириш тўғрисида”ги 2004 йил 11 май 24 – сонли буйруғи ҳам қабул қилинган. Буйруқ талабларига кўра, Ўзбекистон Республикаси Бош прокуратурасининг суд қарорларини ижро этишда ва қамоққа олинганларни сақлашда қонунларга риоя этилиши устидан назорат бошқармаси (бундан кейин матнда бошқарма деб юритилади), Қорақалпоғистон Республикаси, Тошкент шаҳар, вилоятлар прокурорлари ва уларга тенглаштирилган прокурорлар, туман-шаҳар прокурорлари ва махсус прокурорлар ҳамкорликда: Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги қонунининг 5-моддасида назарда тутилган фуқаролик ва хўжалик ишлари бўйича судларнинг ҳал қилув қарорлари, ажримлари ва қарорлари, жиноят ишлари бўйича суд ҳукмлари, ажримлари ва қарорларининг мулкий ундиришга оид қисми, маъмурий ҳуқуқбузарликлар тўғрисидаги ишлар бўйича суд қарорларининг мулкий ундиришга тегишли қисми ва шу моддада санаб ўтилган, ижро этилиши лозим бўлган суд ва бошқа органларнинг ҳужжатлари, ижро иши юритиш билан боғлиқ бўлган суд ҳужжатлари, ажрим ҳамда қарорларнинг ижро қилинишида қонунларга риоя этилиши устидан; фуқароларни қамоқда сақланишида қонунийликни таъминловчи, жиноий жазоларнинг ижросини тартибга солувчи қонунчиликни аниқ ва бир хилда қўлланиши устидан доимий ва самарали назорат ўрнатишлари талаб этилади.

Прокурорлик назоратининг бу борадаги устувор йўналишлари сифатида қуйидагилар белгилан ган : Ижро иши юритиш жараёнида фуқароларнинг конституциявий ҳуқуқ ва эркинликларини, жисмоний, юридик шахслар ва давлат манфаатларини ҳимоя қилишга қаратилган қонунларга риоя этилиши устидан назорат; Мансабдор шахслар ва ижро иши юритувчи органлар томонидан Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги қонунининг аниқ ва бир хилда қўлланилиши устидан назорат; Ўзбекистон Республикаси Ички ишлар вазирлигининг жазони ижро этиш Бош бошқармаси тизимлари фаолиятининг барча йўналишларида: - Ҳуқуқбузарликни олдини олиш Бош бошқармасининг озодликдан маҳрум қилиш билан боғлиқ бўлмаган жазоларни ижро этиш фаолиятида; - Тиббиёт бошқармасининг тергов ҳибсхоналари ва жазони ижро этиш жойларида сақланаётган шахсларга тиббий хизмат кўрсатишга оид фаолиятида қонун ижросини таъминлаш, маҳкумларни ахлоқан тузатиш, жиноятлар содир этилишининг олдини олиш, маҳкумларнинг ҳуқуқлари, эркинликлари ва қонуний манфаатларини ҳимоя қилишга қаратилган қонунларнинг ижроси устидан назорат; Ўзбекистон Республикаси Соғлиқни сақлаш вазирлигининг суд қарорлари ижросини таъминловчи махсус шифохоналарида тиббий йўсиндаги мажбурлов чоралари қўлланган шахсларни сақлаш, бундай чораларни қўллаш муддатини узайтириш, ўзгартириш ва бекор қилишда, тиббий, маиший шарт-шароитларни таъминланишида қонунларга амал қилиниши устидан назорат; Халқаро ҳуқуқ нормалари талабларидан келиб чиқиб маҳбус ва маҳкумларга нисбатан тазйиқ ўтказиш, қийнаш ва ғайриинсоний муносабатда бўлиш ҳолатларига йўл қўймаслик, уларнинг ҳуқуқлари ва қонун билан қўриқланадиган манфаатларини ҳимоя қилиш борасидаги

қонунлар ҳамда Ўзбекистон Республикаси қўшилган халқаро шартномалар талабларига риоя этилиши устидан назоратни амалга оширишлари зарур. Прокурор назорати ҳужжатлари орқали ижро иши юритиш соҳасида фуқаролар, жисмоний, юридик шахслар ва давлатнинг ҳуқуқларини камситувчи ҳар қандай қонунбузилиши ҳолатларини бартараф этиш чоралари кўрилсин. Соғлиғи ёки ёшига кўра ҳимояга муҳтож бўлган, ўз ҳуқуқларини ўзлари мустақил амалга ошира олмайдиган шахсларнинг ҳуқуқ ва манфаатларини ҳимоя қилишга алоҳида эътибор қаратилиши талаб этилади.

Адабиётлар рўйхати: 1.Басков В.И. Прокурор назорати (дарслик, рус тилида) М.,”Бек” нашриёти, 1998. 2.Давлетов А. Дж. Прокурор назорати (дарслик, рус тилида). Нукус. Билим.1999. 3.Россия Федерациясида прокурор назорати. (дарслик, рус тилида/ А.А. Чувилёвнинг умумий таҳрири остида/ М., 2000. 4. Иноғомжонова З.Ф. умумий таҳрири остида Жиноят про цесси (умумий қисм, дарслик, ўзбек тилида) Т.: 2002 й., «Янги аср авлоди». 5. Иноғомжонова З.Ф. умумий таҳрири остида Жиноят про цесси (махсус қисм, дарслик, ўзбек тилида) –Т.: ТДЮИ.2003 й.

O'xshashlar

Қонунларга риоя этиш прокурор назоратининг предмети сифатида

Узбекистон Республикаси прокуратура органларининг хукукий макоми

Судларда фуқаролик ишларини ва хўжалик низоларини кўриб чиқишда прокурор ваколатлари

Ички ишлар органлари томонидан жисмоний ва юридик шахсларнинг мурожаат қилиш ҳуқуқини таъминлашнинг ўзига хос хусусиятлари

Судларда фуқаролик ишларини ва хўжалик низоларини кўриб чиқишда прокурор ваколатини таъминлаш