Oilaning boshqa a`zolariga xos aliment majburiyatlari - Huquqshunoslik - Referatlar

Oilaning boshqa a`zolariga xos aliment majburiyatlari

Yuklangan vaqt:

20.09.2019

Ko'chirishlar soni:

0

Hajmi:

46 KB

Ko'chirib olish

Oilaning boshqa a`zolariga xos aliment majburiyatlari Reja: 1. Voyaga yetmagan va voyaga yetgan mehnatga layoqatsiz shaxslarga ta`minot berish 2. Aliment to`lash to`g`risidagi kelishuv 3. Alimentlarni to`lash va undirish tartibi

Voyaga yetmagan va voyaga yetgan mehnatga layoqatsiz shaxslarga ta`minot berish Oila qonunchiligida agar ota-onalar o`zlarining voyaga yetmagan bolalariga qonunda nazarda tutilgan sabablarga ko`ra moddiy ta`minot berishga qodir bo`lmasalar, voyaga yetmagan bolalarga, shuningdek, voyaga yetgan mehnatga layoqatsiz, yordamga muhtoj shaxslarga ta`minot berish majburiyati sud tomonidan ularning qarindoshlari: bobo, buvi, nevara, aka-uka, opa-singil, shuningdek o`gay ota va o`gay ona, o`gay o`g`il va o`gay qiz, doimiy tarbiyada bo`lgan shaxslar zimmasiga yuklatilishi mumkin. Qonunda bobo va buvilar o`z nevaralariga, nevaralar esa voyaga yetgandan keyin o`z bobo va buvilariga, aka-uka va opa-singillar voyaga yetmagan, muhtoj aka-uka va opa-singillariga yordam berishlarining huquqiy asoslari belgilangan. Undan tashqari doimiy tarbiyada bo`lganlarning o`z tarbiyachilariga ta`minot berish majburiyatlari ham ko`rsatilgan. Aliment to`lash to`g`risidagi kelishuv Aliment to`lash to`g`risidagi kelishuv (aliment miqdori, shartlari va to`lash tartibi) aliment to`lashi shart bo`lgan shaxs bilan aliment oluvchi o`rtasida tuziladi. Agar aliment oluvchi muomalaga layoqatsiz bo`lsa, kelishuv qonuniy vakili bilan tuziladi. Aliment to`lash to`g`risidagi kelishuv yozma shaklda tuzilib, notarial tartibda tasdiqlanishi lozim. Aliment to`lash to`g`risidagi kelishuv taraflarning o`zaro roziligi bilan istalgan vaqtda o`zgartirilishi yoki bekor qilinishi mumkin. Aliment to`lash to`g`risidagi kelishuv qanday shaklda tuzilgan bo`lsa, uni o`zgartirish yoki bekor qilish ham o`sha shaklda amalga oshiriladi.

Aliment to`lash to`g`risidagi kelishuvga binoan to`lanadigan alimentlarning miqdorini taraflar shu kelishuvda belgilaydilar. Aliment to`lovchi va aliment oluvchi taraflar uchun o`zlarining kelishuviga ko`ra, sud qarori bilan belgilanadigan aliment to`lash tartibi va vositalaridan farq qiladigan kengroq tartib va vositalarni tanlash imkoniyatini yaratadi. Alimentni oluvchi shaxs bilan kelishuv asosida uni oyma-oy, haftada yoki boshqa muddatlarda bir yo`la (masalan, bir yilda bir marta, yarim yilda yoki har kvartalda bir marta) amalga oshirishi mumkin. Aliment to`lash haqidagi kelishuvda alimentni to`lashning boshqa usullari (masalan. Moddiy yordam xizmati ko`rsatish, ishlar bajarish yoki xizmatlar ko`rsatish shaklida) ham nazarda tutilishi mumkin. Alimentlarni to`lash va undirish tartibi 1. Aliment to`lashi shart bo`lgan shaxs alimentni ixtiyoriy ravishda shaxsan yoki o`z arizasiga muvofiq ishlab turgan joyida yoxud pensiya, nafaqa, stipendiya va boshqa turdagi mablag` olayotgan joyida to`lanadi. Ixtiyoriy tartibda to`lanayotgan aliment nafaqat bolalarga, qonun bilan belgilangan hollarda, er- xotindan biriga, ota-onalarga, aka-uka, opa-singil va boshqa qarindoshlarga ham berilishi mumkin. Qonun voyaga yetmagan bolalarning manfaatlarini alohida himoya qiladi. Ixtiyoriy tartibda aliment to`lash haqidagi arizada ularga to`lash uchun belgilangan mablag` o`z miqdori jihatidan qonunda belganlangan miqdordan kam bo`lmasligi kerak. 2. Aliment olish huquqiga ega bo`lgan shaxs, aliment talab qilish huquqi vujudga kelgandan so`ng qancha muddat o`tganidan qat`iy nazar, xohlagan vaqtda aliment undirish to`g`risidagi talab bilan sudga murojaat qilishga haqlidir. 3. Aliment undirish aliment to`lashi shart bo`lgan shaxsning ixtiyoriy ravishda aliment to`lash arizasiga yoki aliment to`lash to`g`risida notarial tartibda tasdiqlangan kelishuvga ko`ra yoxud sudning hal qiluv qaroriga asosan, aliment to`lashga majbur bo`lgan shaxsning ish joyidagi ish beruvchi ma`mur yoki

pensiya, nafaqa, stipendiya olayotgan joydagi tashkilot ma`muriyati tomonidan amalga oshiriladi. 4. Sudning hal qiluv qarori yoki aliment to`lash to`g`risidagi notarial tartibda tasdiqlangan kelishuv bo`yicha aliment ushlab qolishi lozim bo`lgan ish beruvchi (tashkilot ma`muriyati) aliment to`lovchi shaxs bilan mehnat shartnomasi bekor qilinganligi haqida, shuningdek uning yangi ish, o`qish joyi yoki turar joyi, unga ma`lum bo`lsa, bu haqda sudning hal qiluv qarori ijro etiladigan joydagi sud ijrochisiga yoki aliment oluvchi shaxsga uch kun muddat ichida xabar berishi shart. 5. Aliment qarzi aliment to`lashi shart bo`lgan shaxsning ish haqi va boshqa daromadidan undiriladi. 6. Aliment qarzining miqdori sud ijrochisi tomonidan sudning hal qiluvchi qarori yoki aliment to`lash to`g`risidagi notarial tartibida tasdiqlangan kelishuvda belgilangan aliment miqdoridan kelib chiqqan holda aniqlanadi. 7. Qonunga asosan aliment miqdori kamaytirilishi yoki aliment to`lashdan ozod qilinishi mumkin. 8. Agar aliment to`lashga mas`ul bo`lgan shaxs chet mamlakatga doimiy yashash yoki uch oydan ortiq muddatga ketsa, aliment to`lashini tartibga solib ketishi lozim. Aliment to`lashga mas`ul shaxs chet elga ketishidan avval aliment talab qilishga haqli bo`lgan oila a`zolari bilan bitim tuzishi mumkin. Agar ixtiyoriy ravishda bitim tuzilmasa manfaatdor taraf sudga murojaat etishga haqli. 9. Qonunda aliment to`lash tugatilish asoslari ko`rsatilgan, sud tartibida aliment to`lash; 10. bola voyaga yetganda yoki voyaga yetmasdan turib to`la muomala layoqatiga ega bo`lganda; 11. foydasiga aliment undirilayotgan bola farzandlikka olinganida; 12. sud aliment oluvchining mehnatga layoqati tiklangan yoki uni yordamga muhtoj bo`lmay qolgan deb topsa; 13. mehnatga layoqatsiz, yordamga muhtoj aliment oluvchi sobiq er yoki xotin yangi nikohga kirganda;

14. aliment oluvchi yoki aliment to`lashi shart bo`lgan shaxs vafot etganda tugatiladi.

Foydalaniladigan adabiyotlar: 1. O`zbekiston Respublikasi Konstitutsiyasi. T., “ O`zbekiston”, 2002. 2. Karimov I.A. –O`zbekiston buyuk kelajag sari. T. , “O`zbekiston”, 1998. 3. Karimov I.A. – Biz kelajagimizni o`z qo`limiz bilan quramiz. T., “O`zbekiston”, 1999. 4. Karimov I.A. – Xavsizlik va arqaror taraqqiyot yo`lida. T., “O`zbekiston”, 1998. 5. O`zbekiston XX1 asrga intilmoqda. T. , “O`zbekiston”, 2000. 6. O`zbekiston Respublikasi oila kodeksi. T., “Adolat”, 2000. 7. O`zbekiston Respublikasining oila kodeksiga sharhlar. T., “Adolat”, 2000. 8. Xotin-qizlar huquqlari kamsitilishining barcha shakllariga barham berish to`g`risida Konvensiya, Toshkent-1998. 9. Bag`rikenglik tamoyillari Deklaratsiyasi. YUNESKO 1995 yil 16 noyabr, Parij. 10. O.A.Karimova. Qonun, oila, farzand va jamiyat. T-2000. 11. O.A.Karimova. Oila huquqi. Ma`ruzalar matni. TDPU. 2002; 12. I.Ovchinnikov. Roditelskoye schastye. M., Iz-vo politicheskoy lit., 1987. 13. Qadriyatlar va ijtimoiy taraqqiyot. T., “O`zbekiston”, 1997. 14. P.Azarov. Semeynaya pedagogika. M., Izd-vo politicheskoy lit.,1985. 15. Gender i razvitiye v Uzbekistane. T., 1998. 16. Polojeniye detey v mire. YUNISEF, 2000. 17. www. akadmvd .uz

O'xshashlar

Aliment majburiyatlari

Ota-ona hamda bolalarning aliment majburiyatlari

Oila huquqi tushunchasi, tamoyillari va manbalari

Oilaviy-huquqiy munosabatlar

Oila huquqi asoslari