O’zbekiston Respublikasi adliya vazirligi - Huquqshunoslik - Referatlar

O’zbekiston Respublikasi adliya vazirligi

Yuklangan vaqt:

20.09.2019

Ko'chirishlar soni:

0

Hajmi:

71.5 KB

Ko'chirib olish

O’zbekiston Respublikasi adliya vazirligi REJA: 1.O’zbekiton Respublikasi adliya vazirligi va uning asosiy pirnsiplari. 2.Adliya vazirligi faoliyatining asosiy yo’nalishlari. 3.Adliya vazirligining tuzilishi va adliya vazirligining boshqa huquqni muhofaza qilish organlari bilan hamkorligi

1.O’zbekiton Respublikasi adliya vazirligi va uning asosiy pirnsiplari. O’zbekiston Respublikasining Adliya vazirligini adliya vaziri boshqaradi. U ayni paytda O’zbekiston Respublikasi Prezidenti huzuridagi Milliy xavfsizlik kengashining a’zosi hamdir. Bu mazkur vazirlikning jamiyat va davlat hayoti uchun ahamiyatini ko’rsatadi. U majlislarda Adliya vazirligi faoliyatining asosiy masalalaarini ko’rib chiqadi. Boshqarmalar va bo’limlar rahbarlarining hisobotlarini, O’zbekiston Respublikasi sudlari raislarining ma’ruzalarini tinglaydi, kadrlarni tanlash, o’rniga qo’yish, o’qitish va tarbiyalash, qarorlarni bajarishni tekshirish, muhim buyruqlarning va vazirliklar boshqa hujjatlarining loyihalarini muhokama qiladi, shuningdek vazirliklar, davlat qo’mitalari, idoralar, ijroiya hokimiyati mahalliy organlari, korxonalar, tashkilotlar, muassasalarning rahbarlarinitaklif etgan xolda ulardagi yuridiy xizmatlar huquqiy ishi va faoliyatini tekshirish natijalarini muxokama qiladi. Hay’atning qarorlari vazirning buyruqlari bilan xayotga tatbiq etiladi. O’zbekiston Respublikasi Prezidentining 1992 yil 8 yanvardagi “O’zbekiston Respublikasi Adliya vazirligining faoliyatini takomillashtirish to’g’risida”gi farmoniga ko’ra, adliya organlarining roli va javobgarligini oshirish, qonunchilik faoliyatini takomillashtirish, aholining yuridik himoyasini, fuqarolarning konstitutsiyaviy hsquqlari va qonuniy manfaatlarini himoya qilishni yaxshilash maqsadida Adliya vazirligi huquqiy siyosatni o’tkazish bo’yicha respublika davlat organlarining faoliyatini muvofiqlashtiradi, taraflardan biri O’zbekiston Respublikasi hisoblangan hollarda boshqa davlatlarning sudlarida huquqiy masalalarni hal qilishda Prezidentning vakili sifatida chiqadi. Adliya vazirligi, belgilangan tartibda, boshqa respublika va xorijiy davlatlarning tegishli organlari va yuridik muassasalari bilan, shuningdek, xalqaro tashkilotlar bilan muzokaralar olib borish va shartnomalarni tuzish huquqiga ega. Ushbu farmon bilan Adliya vazirligi zimmasiga quyidagilar yuklangan: davlat va xo’jalik organlari yuridik xizmatlarining xodimlarini tayyorlash, qayta tayyorlash, attestatsiyadan o’tkazishni tashkil qilish, shuningdek, fuqarolarga huquqiy yordam berishga mo’ljallangan tadbirkorlik faoliyatiga litsenziyalar

berish; vazirliklar, davlat qo’mitalari va idoralar o’z vakolatlari doirasida qabul qilayotgan umumiy majburiy tusdagi normativ hujjatlarning huquqiy ekspertizasini o’tkazish va ro’yxatga olish; O’zbekiston Respublikasi Oliy Majlisiga Adliya vazirligi vakolatida bo’lgan qonun hujjatlariga o’zgartirish va qo’shimchalar kiritish to’g’risidagi takliflarni kiritish va ishlab chiqish. Vazirliklar tizimiga quyidagilar kiradi: Qoraqalpog’iston Respublikasi Adliya vazirligi, Toshkent shahar hokimligi adliya boshqarmalari, notariat, fuqarolik holati dalolatnomalarini qayd qilish muassasalari, Toshkent sud ekspertizasi ilmiy-tadqiqot instituti qonunchilik muammaolarini tadqiq qilish instituti, Toshkent davlat yuridik instituti, Toshkent yuridik kolleji, “Adolat” nashriyoti, “Adolat” xo’jalik hisobidagi huquqiy yordam ko’rsatish markazi. Vazirlik O’zbekiston Respublikasining amaldagi qonunchiligiga muvofiq sudlarni (O’zbekiston Respublikasi Oliy sudidan tashqari) tashkiliy jihatdan ta’minlashni va advokaturaga umumiy rahbarlikni amalga oshiradi. Vazirlik “Hayot va qonun” – “Jizn i zakon” jurnalini, “Inson va qonun” – “Chelovik i zakon” gazetasini nashr etadi. Vazirlikning asosiy vazifasi quyidagilar: A) adliya idoralari, sudlar, davlat organlari va respublikaning o’zini o’zi boshqaruvchi mahalliy organlarining huquqiy siyosat sohasidagi faoliyatlarini muvofiqlashtirish va axborot bilan ta’minlash; B) qonunchilik muammolarini tadqiq qilish, respublika qonunchilik va boshqa xil normativ aktlarni tayyorlashda qatnashish, O’zbekiston Respublikasi qonunlari, O’zbekiston Respublikasi Prezidentining farmonlarini, O’zbekiston Respublikasi Prezidenti huzuridagi Vazirlar Maxkamasining qarorlarini tartibga solish, kodifekatsiya qilish; V) jamoat birlashmalarining ustavlarini ro’yxatdan o’tkazish, shuningdek ularning ustavlariga qanday rioya qilayotganliklari ustidan nazoratni amalga oshirish;

G) respublika vazirliklari, davlat qo’mitalari va idoralarining umumiy majburiy tusdagi normativ xujjatlarini davlat ro’yxatidan o’tkazish; D) fuqarolarga va yuridik shaxslarga yordam ko’rsatish bilan bog’liq tadbirkorlik faoliyatini letsinziyalash; Ye) respublika vazirliklari, davlat qo’mitalari, idoralarining yuridik xizmatlariga uslubiy yordam ko’rsatish, respublika muasasasalari va idoralarining tashqi iqtisodiy faoliyatlarini huquqiy ta’minlash; J) O’zbekiston Respublikasining huquqlarini va qonuniy manfaatlarini hiomya qilish, taraflardan biri O’zbekiston Respublikasi bo’lib hisoblanganda boshqa respublikalar, xorijiy davlatlar sudlarida nizolar ko’rib chiqilayotganda vakillik qilish; Z) sudyalarning mustaqilligi va ularning faqat qonunga bo’ysunishlari prinsipiga qat’iy amal qilgan xolda sudlar faoliyatini tashkiliy jihatdan ta’minlash; I) O’zbekiston Respublikasining huquqni muhofaza qilish organlari va davlat boshqaruv organlarining yuridik kadrlarga bo’lgan extiyojlarini aniqlash va ular bilan ta’minlash; K) yuridiy umumiy majburiy ta’limni tashkil etish, Toshkent sud ekspertizasi ilmiy-tadqiqot instituti, Qonunchilik muammolarini tadqiq qilish instituti, Toshkent davlat yuridik instituti, Toshkent yuridik kolleji va tizimning boshqa o’quv muassasalarining faoliyatini takomillashtirish, huquqiy fanlarni rivojlantirishga va ularning yutuqlaridan O’zbekiston Respublikasining davlat, xo’jalik va madaniy qurilishida foydalanishga ko’maklashish; L) vazirlik tizimi xodimlariga zarur mehnat va dam olish sharoitlari yaratib berish to’g’risida g’amxo’rlik ko’rsatish. 2.Adliya vazirligi faoliyatining asosiy yo’nalishlari. Adliya vazirligi faoliyatining asosiy yo’nalishlariga quyidagilar kiradi: 1)huquqiy siyosat o’tkazish bo’yicha Respublika muofiklashtirish Kengashning faoliyatiga raxbavrlik kilishni amalga oshiradi, boshka xuquqni muhofaza qilish organlari va davlat boshqaruvi organlari ishtirokida respublikada

qonunchilik jarayoni qonuniylikni va huquq tartibot mustaxkamlashini ta’minlash, shuningdek huquqiy umumiy ta’limning kompleks davlat dasturi bo’yicha tashkiliy chora-tadbirlarning uzoq muddatli rejalarini ishlab chiqadi va uning ijrosini nazorat qiladi; 2) barcha davlat va boshqa organlardan huquqiy statistika ma’lumotlarni talab qilib oladi, ushbu masalalar bo’yicha statistik hisobotning yuritilishiga va tahlil qilishga uslubiy rahbarlik qilishni ta’minlaydi, O’zbekiston Respublikasi Oliy Majlis va O’zbekiston Respublikasi Prezidentini fuqarolarni huquqiy himoya qilinganligini va ularga yuridik yordam ko’rsatishning axvoli to’g’risida xabardor qilib turadi; 3) O’zbekiston Respublikasi Oliy Majlisi, O’zbekiston Respublikasi Prezidenti, Vazirlar Maxkamasining topshiriqlari bo’yicha va o’z tashabbuslariga ko’ra, qonunchilik va normativ huquq aktlarining loyihalarini ishlab chiqadi va ularni ko’rib chiqish uchun tegishli organlarga kiritadi, yuqorida ko’rsatilgan hujjatlarning loyixalari yuzasidan yuridik xulosalar beradi, respublika qonunchiligini tartibga solish bo’yicha ishlarni olib boradi, ularga o’zgarishlar yoki qo’shimchalar kiritishga oid takliflarni tayyorlaydi; 4) O’zbekiston Respublikasi Oliy Majlisi va O’zbekiston Respublikasi Konstitutsiyaviy nazorat qo’mitasi bilan doimiy amaliy aloqada bo’ladi, O’zbekiston Respublikasi Oliy Majlisiga ko’rib chiqish uchun kiritilgan qonun loyixalariga o’z takliflarini beradi; 5) jamoat birlashmalari ustavlarining, Respublika Vazirliklari, davlat qo’mitalari va idoralarining fuqarolar va respublikaning huquqlari va qonun manfaatlariga daxl qiluvchi normativ hukuqiy aktlarning O’zbekiston Respublikasi Konstitutsiyasiga va boshqa qonunlariga muvofiqligi to’g’risida xulosalar beradi, ushbu xulosalar asosida ularni davlat ro’yxatidan o’tkazadi; 6) fuqarolarga va yuridik shaxslarga huquqiy yordam berish bilan bog’liq tadbirkorlik faoliyati uchun letsinziya (ruxsatnoma) beradi; 7) xalq xo’jaligida huquqiy ishlarni muvofiqlashtirishni amalga oshiradi, uni yaxshilash yuzasidan tavsiyanomalar ishlab chiqadi, ishlarning qo’yilishi

amaliyotini tekshiradi va tahlil qiladi, aniqlangan kamchiliklarni bartaraf etish va respublika vazirliklari, davlat qo’mitalari, idoralari, korxonalar, muassasalar, tashkilotlar yuridik xizmatlarining ijobiy ish tajribalari joriy qilishi chora- tadbirlarini ko’radi, ularning tashqi iqtisodiy faoliyatlarini huquqiy ta’minlashni amalga oshiradi, yurist-maslaxatchilarning malakasini oshirish to’g’risida g’amho’rlik qilish; 8) o’z huquqi doirasida boshqa respublikalarning xorijiy davlatlarning tegishli, yuridik organlari bilan shuningdek xalqaro yuridik tashkilotlar bilan ishlarni muvofiqlashtirish huquqiy yordam ko’rsatish va xamkorlik qilish to’g’risida shartnomalar yoki bitimlar tuzadi; 9) O’zbekiston Respublikasi Prezidentining huquqlarini va qonuniy manfaatlarini huquqiy himoya qilishni, shu jumladan, sudda himoya qilishni amalga oshiradi; 10) sudlarni tashkil etish (joylashtirish, tuzilishi, shtatlari) masalalari bo’yicha takliflar ishlab chiqadi va ularni belgilangan tartibda tegishli organlarga kiritadi, belgilangan tartibda sudyalarni tayyorlashni, tanlashni va lovozimga taqdim etishni respublika sudlarining xalq maslaxatchilarini saylovni o’tkazishni amalga oshiradi, sudyalarning mustaqilligini mustaxkamlash, odil sudlovni amalga oshirish uchun zarur shart-sharoitlar yaratishga qaratilgan chora-tadbirlar ko’radi, belgilangan tartibda O’zbekiston Respublikasi sudlari sudyalarining konferensiyalarini chiqaradi; 11) respublika sudlarining tashkiliy faoliyatlarini o’rganadi va umumlashtiradi, ularni takomillashtirish yuzasidan tavsiyalar ishlab chiqadi, fuqarolik ishlari bo’yicha sudlarning qarorlarini, ajrimlarini jinoiy ishlarning mulkiy jazo berish qismi bo’yicha sudlarning xukmlari jarimalari va qarorlarini, shuningdek, sud ijrochilariga yuklangan boshqa organlarning qarorlarini ijro etish, ishlarni tashkil etadi va nazorat qiladi; 12) Adliya idoralari, sudlar va davlat boshqaruv organlarining huquqiy statistikani yuborish bo’yicha ishlarni muvofiqlashtiradi va umumlashtiradi, tegishli statistik umumlashtirishlarini tayyorlaydi;

13) notariat va fuqarolik xolati davlatnomalarini qayd qilish idoralarini tashkil etadi va ular faoliyatiga raxbarlik qiladi, ularning ishlarini tekshiradi, tahlil qiladi va umumlashtiiradi, fuqarolarga huquqiy xizmat ko’rsatish darajasini oshirish chora-tadbirlarini ko’radi, amalga oshirilgan notarial xarakatlar va fuqarolik xolati davlatnomalari ro’yxatdan o’tkazish statistikasini yuritadi; 14) amaldagi qonunchilik bilan belgilangan doirada va tartibda respublika advatura masalalari faoliyatiga umumiy raxbarlikni yuridik yordam ko’rsatishni ta’minlaydi; 15) davlat organlari va jamoat tashkilotlarini O’zbekiston Respublikasi qonunchiligini targ’ib qilish va tushuntirish ishlarini muvofiqlashtiradi, tizimning o’quv masalalalariga raxbarlikni amalga oshiradi, huquqiy axborot sohasida texnik siyosatni ishlab chiqadi va xayotga tatbiq qiladi, huquqni amalga oshirish muammolarini tatqiq etadi, uni takomillashtirish yuzasidan tavsiyalar ishlab chiqadi, huquq va odil sudlov masalalari yuzasidan jamoatchilik fikrini o’rganadi; 16) kriminologiya, kriminalistika va sud ekspertizasi ilmiy-tadqiqot instituti faoliyatiga raxbarlik qiladi, huquq fanlarini rifojlantirish masalalari bo’yicha ilmiy-amaliy konferensiyalar, kengashlar tashkil etadi; 17) adliya muassasalari organlari va sud kadrlari rezervini yaratadi, ularni tayyorlashni tashkil etadi, kadrlarni tanlashni amalga oshiradi va belgilangan tarkibda ularni joy-joyiga qo’yishda qatnashadi, ularni qayta tayyorlashni uyushtiradi; 18) davlat organlarining yuridik kadrlarga bo’lgan extiyojlarini aniqlaydi, ularni Toshkent davlat yuridik institutida, Toshkent yuridik kollejida va vazirlik tizimining boshqa o’quv muassasalari tayyorlash ishlarini tashkil etadi va raxbarlik qiladi; 19) Respublika oliy va o’rta o’quv muassasalari talablari va o’quvchilari uchun yuridik darsliklar va o’quv qullanmalar rejalarini ishlab chiqadi, shuningdek, kodekslar normaktiv aktlar, to’plamlari ilmiy-ommabop va boshqa yuridik adabiyotlarni nashr etishni tashkil qiladi, adliya idoralari, muassasalari va sudlarni qonunchilik materiallari bilan ta’minlash chora-tadbirlarini ko’radi;

20) fuqarolar korxonalar, muassasalar va tashkilotlarning vazirliklarda va unga qarashli organlarda xamda sudlarda ishning tashkil etilishi bilan bog’liq xatlari, arizalari, shikoyatlarini ko’rib chiqish bilan bog’liq kamchiliklarni bartaraf etish bilan shug’ullanadi; 21) Adliya tizimi va sud xodimlarini moddiy va ijtimoiy ta’minlash to’g’risida takliflar ishlab chiqadi, adliya idoralari va sudlarning moddiy texnik ta’minotini tashkil etadi, sudlar, notariatlar va fuqarolik xolati bo’limlari va boshqa adliya muassasalarining binolari kapital qurilishni amalga oshiradi, ijro xokimiyatining mahalliy organlariga O’zbekiston Respublikasi Vazirlar Maxkamasiga tegishli takliflar kiritadi; 22) belgilangan tartibda o’ziga qarashli organlarning va sudlarni moliyaviy ta’minlaydi, adliya tizimida buxgalteriya hisobi va xisobotlarni tashkil etadi, nazorat qiladi. 3.Adliya vazirligining tuzilishi va adliya vazirligining boshqa huquqni muhofaza qilish organlari bilan hamkorligi O’zbekiston Respublikasi Adilya vaziri Adliya vazirligi faoliyatiga raxbarlik qiladi, vazirlikka yuklatilgan vazifalar va funksiyalarning bajarilishi uchun shaxsan javob beradi. O’zining o’rinbosarlari o’rtasida vazifalarni taqsimlaydi. Vazirlik faoliyatining ayrim uchastkalarida va vazirlikka qarashli organlar ishiga raxbarlik qilishi uchun ularning javobgarligini darajalarini belgilaydi. Vazirlikning notarial xarakatlarini amalga oshirish, fuqarolik xolati dalolatnomalarini ro’yxatdan o’tkazish sud qarorlarini ijro etish, respublikada, xaly xo’jaligidagi yuridik xizmatlarning huquqiy ishlarini va faoliyatini yaxshilash masalalari bo’yicha yo’riqnomalari va ko’rsatmalari O’zbekiston Respublikasi hududidagi barcha vazirliklar, idoralar, ijro etuvchi xokimiyat mahalliy organlari, korxonalar, muassasalar, tashkilotlar, kooperativlar va fuqarolar uchun majburiy hisoblanadi, vazir zarur xolatda boshqa vazifalar, davlat qo’mitalari va idoralar rahbarlari bilan birgalikda qo’shma buyruqlar va yo’riqnomalar chiqaradi, shu bilan birga u:

o’z huquq doirasida huquqiy masalalar bo’yicha boshqa respublikalar va xorijiy davlatlar bilan shrtnomalar va bitimlarni O’zbekiston Respublikasi nomidan imzolaydi; Vazirlar Maxkamasi tomonidan belgilangan xodimlar soni va ish xaqi to’lash fondi doirasida vazirlik markaziy apparati tarkibini belgilaydi va shtat jadvalini tasdiqlaydi; Vazirlar markaziy apparati boshqarmalari va bo’limlari to’g’risidagi nizomlarni, shuningdek, o’ziga qarashli masalalarning nizomlari (ustavlari)ni belgilangan tartibda tasdiqlaydi; Vazirlik markaziy apparatining, shuningdek respublika adliya idoralari, muassasalar, sudlarning xarajatlar smetalarini tasdiqlaydi va h.k. Vazirlar Maxkamasining 1994 yil 24 yanvardagi “O’zbekiston Respublikasi Adliya vazirligining markaziy apparati tizimiga o’zgartirishlar kiritish va O’zbekiston Respublikasi Adliya vazirligi to’g’risida” gi Nizom haqidagi qarorning ilovasiga ko’ra, vazirlikning tuzilishi quyidagi tarkibiy qismlardan iborat: raxbariyat; qonunchilik boshqarmasi; iqtisodiy isloxotlar bo’yicha qonun va normativ hujjatlarning loyixalarini tayyorlash va huquqiy ekspertiza qilish boshqarmasi; fuqarolarga huquqiy yordam ko’rsatish boshqarmasi; jamoat birlashmalari bo’yicha boshqarma; xalq xo’jaligida huquqiy ishlar boshqarmasi; sudlar faoliyatini tashkiliy ta’minlash boshqarmasi; kadrlar boshqarmasi; hujjat ishlarini yuritish boshqarmasi; huquqiy siyosat va xalqaro huquqiy aloqalarni muvofiqlashtirish boshqarmasi; markaziy xisobxona; moliya xo’jalik boshqarmasi;

Bunday tuzilma Adliya vazirligining ishini jumladan, uning boshqa huquqini muhofaza qilish organlariga nisbatan muvofiqlashtiruvchi faoliyatning yo’nalishini xam ta’minlaydi. Adliya vazirligining barcha huquqini muhofaza qilish organlari va yuridik xizmatlar bilan xamkorligi, avvalombor, qonunchilik hujjatlarini ishlab chiqish bilan bog’langan. Qonun loyixalari vazirliklar, idoralarining yuridik xizmatlaridan tayyorlanadi. Lekin Adliya vazirligisiz ular Oliy Majlisga xam Vazirlar Maxkamasita xam taqdim etilmaydi. Adliya vazirligi iqtisodiy isloxotlar bo’yicha qonun va normativ hujjatlarning loyixalarini tayyorlaydi, qonunlarni Prezident farmonlari va Vazirlar Maxkamasining qarorlarini tizimlashtirish va kodefikatsiya qilishda qatnashadi. Tabiiyki, Adliya Vazirligi faoliyatida turli davlat va tijorat tashkiloti bilan doimiy xamkorlik qiladi. Adliya vazirligi xalqaro huquqiy tusdagi hujjatlarga yuiridik xulosa beradi, odatda bu hujjatlarda O’zbekiston Respublikasi tomonidan biri sifatida ishtirok etadi. Natijada u tashqi bozorga chiqadigan va xalqaro munosabatlarda qatnashadigan barcha vazirliklar idoralar bilan xamkorlik qiladi. Adliya vazirligiga quyidagi majburiyatlar yuklangan: vazirliklar, davlat qo’mitalari, idoralar, maxalliy ijroiya xokimiyatlari bo’yicha turdagi korxonalar, tashkilotlardagi huquqiy ishlari xolati va yuridik xizmatlar faoliyati, shuningdek, vazirlikda ro’yxatdan o’tgan xo’jalik birlashmalari, aksiyadorlik jamiyatlari, birjalar, auditorlik firmalarining ustavlariga rioya etilganligini nazorat qilish; ulardan keyingi hujjatlar va ma’lumotlarni talab qilish; aniqlangan qoidabuzarliklarni bartaraf etish to’g’risida ko’rsatilgan organlar va korxonalarning raxbarlariga bir oy muddat ichida bajarishi shart bo’lgan talabnomalar yuborish; amaldagi qonunlarni buzganligi yoki o’z raxbarlari bilan yetkazilgan zararni davlatga yoxud korxonaga to’lamagan mansabdor shaxslarni belgilangan javobgarlikka tortish uchun yuqori turuvchi organlar yoki sudga murojaat etish.

Adliya vazirligi ayniqsa sud organlari bilan katta ishlarni olib boradi. U sudlarning birinchi navbatda, Qoraqalpog’iston Respublikasi Oliy sudi, viloyat, Toshkent shahar sudlari, tuman va shahar sudlarining ishlarini tashkil qiladi. Bunda sudyalarning mustaqilligi va faqat qonunga bo’ysundirish prinsiplariga keng amal qiladi. Vazirlik sudlarining tashkil etish bo’yicha takliflar ishlab chiqadi va ularni Prezident e’tiboriga xavola qiladi, sudyalarga nomzodlarni tanlaydi va tayorlaydigan, sud xodimlarining malakasini oshirish bilan shug’ullanadi, sudlarni moddiy texnik ta’minlaydi, sud ishlarini tashkiliy tomonlarini tekshiradi, xalq maslaxatchilarini saylashni tashkil qiladi, sud amaliyotini umumlashtirishda qatnashadi, sud xisoblari yuritiladi (jumladan sud qarorlarining barchasi bo’yicha), sudlarning mustaqilligini ta’minlashga qaratilgan tadbirlarni ishlab chiqadi va amalga oshiradi.

Foydalanilgan adabiyotlar 1. Karimov I.A. Inson, uning huquq va erkinliklari hamda manfaatlari – eng oliy qadriyat. T., «O’zbekiston», 2005 y. 2.Karimov I.A. Mamalakatimiz taraqqiyotining qonuniy asoslarini mustahkamlash faoliyatimiz mezoni bo’lishi darkor. «Xalq so’zi» gazetasi, 2006 yil 27 fevral. 3. Yu.P.Kuzyakin. Yuridicheskaya slujba. M., MGKU, 2002. 4. Xojiyev Ye..T. Ma’muriy huquq. Adliya sohasini boshqarish. T. «Ilm-ziyo». 2006 y. 417-bet. 5. Otaxonov F.H. O’zbekiston Respublikasida yuridik xizmat. T., «Ilm-ziyo». 2006 y. 6. Mirenskiy B.A., Raxmonqulov A.X. O’zbekiston Respublikasining huquqni muhofaza qiluvchi organlari. T., 2005 y. 77-88 bet. 7.Salomov B. O’ zbеkistonda advokatlik faoliyati. T., «Adolat», 2000 8.O’zbеkiston Rеspublikasi Vazirlar Maxkamasining O’zbеkiston Rеspublikasi Adliya vazirligi faoliyatini takomillashtirish masalalari to’g’risida”gi Qarori. O’zbеkiston Rеspublikasi Xukumati Qarorlari to’plami,1992, 11-son,32-modda. 9. O’zbеkiston Rеspublikasining Notariat to’g’risidagi Qonuni. 10.O’zbеkiston Rеspublikasi Adliya vazirligining 27 avgust 2003 yildagi Nizomi. O’zbеkiston Rеspublikasi Xukumat qarorlari to’plami.

O'xshashlar

O’zbekiston Respublikasi Prezidenti

O’zbekiston Respublikasi Oliy Majlisi

O’zbekiston Respublikasi Konstitutsiyasi – Asosiy Qonun

O’zbekiston Respublikasi Parlamenti – Oliy Majlis

O’zbekiston Respublikasi Konstitutsiyasining asosiy tamoyillari