Mahkumlarning moddiy-maishiy ta`minoti va ularga tibbiy xizmat ko`rsatish - Huquqshunoslik - Referatlar

Mahkumlarning moddiy-maishiy ta`minoti va ularga tibbiy xizmat ko`rsatish

Yuklangan vaqt:

20.09.2019

Ko'chirishlar soni:

0

Hajmi:

50.5 KB

Ko'chirib olish

Mahkumlarning moddiy-maishiy ta`minoti va ularga tibbiy xizmat ko`rsatish РЕЖА : 1. Mahkumlarning yashash joyi, ovqati, ust-bosh bilan ta`minlanishi, tibbiy sanitariya ta`minoti. 2. Mahkumlarning mehnatga jalb qilish ish bilan ta`minlash, ish vaqti va dam olish vaqti, mehnatga haq to`lash , mehnat haqi to`lamay ishga jalb qilish, ish haqidan chegirib qolish. 3. Mahkumlarning moddiy javobgarligi, ijtimoiy sug`urtasi va pensiya ta`minoti.

Mahkumlar ozodlikdan mahrum etilganlarida ham ular moddiy-maishiy ta`minot olishga, yashash joylariga ham ega bo`la oladilar. Mahkumlarning yashash joylari va bir mahkum uchun qoida bo`yicha belgilangan maydon sathi. Mahkumlarning ovqati. Har bir mahkumga belgilangan ovqat normasi. Imtiyozli mahkumlarga beriladigan qo`shimcha ovqat normalari. Mahkumlarni ust-bosh bilan ta`minlash. Mahkumlarning tibbiy sanitariya- ta`minotlaridan foydalanishlari tartibi, shartlari va ularga sarflanadigan xarajatlar. Ozodlikdan mahrum etishga hukm qilingan shaxslar saqlash sharoitiga qo`ra umumiy turar joylarda, honalarda yoki kameralarda yashaydilar. Bir mahkumga to`g`ri keladigan yashash maydoni normasi quyidagi miqdordan kam bo`lishi mumkin emas: Umumiy turar joylari – 2kv/m tergov hisbxonalari va turmalarning umumiy kameralarida 2,5 kv/m. Ayollar va voyaga yetmaganlar saqlanadigan koloniyalardagi umumiy turar joylarda 3 kv/m. Bemor mahkumlar saqlanadigan palatalar 4 kv/m. Intizomiy bo`linmalarning kameralarida hamda soqchisi yoki kuzatuvchisiz yurish huquqidan foydalanayotgan mahkumlar yashashi uchun, shuningdek, jazoni manzil koloniyalarda o`tayotgan shaxslar uchun mo`ljallagan xona tipidagi turar joylarda 4,5 kv/m. Mahkumlar yotishi uchun alohida joy, ko`rpa-to`shak, choyshab va kerakli inveltar beriladi. Mahkumlarning ovqati: ovqat normasi O`zbekiston Respublikasi Vazirlar Mahkamasi tomonidan mahkumlarning sog`lig`i holatiga, ularning yoshi va bajarayotgan ishining xususiyati, og`irligiga qarab belgilanadi. Mahkumlar ishlayotgan korxona, muassasa, tashkilot tomonidan qo`shimcha ovqat berilishi mumkin.

Mahkum homilador ayollar, emizikli onalar, voyaga yetmaganlar, birinchi, ikkinchi guruh nogironlariga beriladigan ovqat oshirilgan normada bo`ladi. Mahkumlarga Respublika budjeti hisobidan belgilangan namunada kiyim mavsumiga qarab poyabzal bilan ta`minlanadi. Mahkumlarni mehnatga jalb etishdan asosiy maqsad ularda ijtimoiy foydali faoliyat bilan shug`ullanish etiyojini mustahkamlashdan iborat. Ozodlikdan mahrum qilishga etilgan shaxslar shu muassasalarning kor.da ayrim hollarda kerakli tarzda qo`riqlash va batamom ajratib qo`yish ta`minlangan taqdirda boshqa korxonalarda mehnatga jalb etiladi. Mahkumlarning xususiy shaxslar foydasiga mehnat qilishiga yo`l qo`yilmaydi. 60 yoshdan oshgan erkaklar 55 yoshdan oshgan ayollar birinchi va ikkinchi guruh nogironlari mehnatga o`z hoxishlariga ko`ra jalb etiladi. Mahkuma ayollar homiladorlik va tug`ishi munosabati bilan qonun hujjatlarida belgilangan muddatga ishdan ozod qilinadi. Mehnat to`g`risidagi qonun hujjatlarida bajarish taqiqlangan ishlarda ayol va voyaga mahkumlar mehnatidan foydalanishga yo`l qo`yilmaydi. Mahkumlarni ish bilan ta`minlash O`zbekiston Respublikasi Vazirlar Mahkamasi: Jazoni ijro etish muassasalarida ishlab chiqariladigan muayyan mahsulot turlari uchun buyurtmalarni taqsimlaydi; Ishlab chiqarish korxonalarini moddiy texnika bilan ta`minlash choralarini ko`radi; Ishlab chiqarish quvvatlarini rivojlantirishni, ishlab turgan korxonani texnika bilan qayta jihozlash va rekonstruksiya qilishni, moliyaviy ta`minlaydi; Korxona, muassasa. tashkilotni mahkumlarni mehnatidan foydalanishga jalb etishga imkon yaratib beradi; Korxona, muassasa. tashkilotda mehnat qilayotgan mahkumlarga yoziladigan ish haqi miqdorini belgilab beradi. Mahkumlarni ish vaqti: ozodlikdan mahrum etishga hukm qilingan shaxslar uchun mehnat to`g`risidagi qonun hujjatlarida belgilab qo`yilgan vaqtini eng ko`p normasiga rioya etgan holda odatda 6 kunlik ish haftasi belgilanadi.mahkumlar ish

vaqti rejimini jazoni ijro etish muassasasi ma`muriyati ishlab chiqarish xususiyatiga qarab belgilaydi. Ish vaqtini jamlab hisobga olish joriy etilganda mahkumlar ish vaqtidan tashqari ishlarga dam olish va bayram kunlariga yoki tungi ishlarga jalb etilgan taqdirda mehnat to`g`risidagi qonun hujjatlarida voyaga yetmagan shaxslar shuningdek, birinchi, ikkinchi guruh nogironlariga nisbatan belgilangan cheklashlarga rioya etilishi shart. Mahkumlarning ish vaqtidan tashqari dam olish va bayram kunlaridagi ishlari uchun 2 hissa haq to`lanadi. Mahkumlarning dam olish vaqti: mahkumlar har haftada kamida bir dam olish kuni beriladi. Ular bayram kunlarida ishdan ozod qilinadi. Ozodlikdan mahrum etishga hukm qilingan shaxslarga har yilgi mehnat taotili berilmaydi. Mahkumlar mehnatiga haq to`lash: ozodlikdan mahrum etishga hukm qilingan shaxslar mehnatiga mehnat to`g`risidagi qonun hujjatlariga muvofiq haq to`lanadi. Mehnat normalarini va mehnat vazifalarini bajargan mahkumlar mehnatiga to`lanadigan oylik haq belgilangan eng kam ish haqi miqdoridan kam bo`lishi mumkin emas. Barcha chegirmalaridan qatoiy nazar shaxsiy hisob varag`iga ularga yozilgan ish haqining kamida 25 foizi 60 yoshdan oshgan erkaklarning, 55 yoshdan oshgan ayollarning, birinchi, ikkinchi guruh nogironlarining, homilador ayolllarning hamda jazoni ijro etish muassasalari qoshidagi bolalar uyida bolasi bor ayollarning shuningdek, manzil koloniyalar va tarbiya koloniyalaridagi mahkumlarning hisob varag`iga esa kamida 50 foizi o`tkazib qo`yiladi. Mahkumlarni mehnat haqini to`lamay jazoni ijro etish muassasasini obodonlashtirish, shuningdek, madaniy-maishiy sharoitni yaxshilash ishlarigagina jalb etilishi mumkin. Ozodlikdan mahrum etishga hukm qilingan shaxslarning haqidan davlat ijtimoiy sug`urtasiga ajratmalar ajratilmaydi.

Mahkumlar jazoni o`tab kelganlaridan so`ng qonun hujjatlariga muvofiq davlat pensiya ta`minotiga ega bo`ladi. Moddiy javobgarlik Jinoyat ijroiya kodeksi 95-moddasiga binoan amalga oshiriladi. Mavzu. Ozodlikdan mahrum etishga hukm qilingan shaxslarning moddiy maishiy ta`minoti, tibbiy xizmat ko`rsatish va mehnati, ularga nisbatan qo`llaniladigan rag`batlantirish va intizomiy jazo choralari Ozodlikdan mahrum etilgan mahkumlarning mehnatlarini tashkil qilish tushunchasi, tartibi, shartlari va prinsiplari. Mahkumlarni mehnatga jalb etish qoidalari. Mahkumlar mehnatining majburiyligi. Majburiy mehnatga jalb etiladigan mahkumlar. Mahkumlarni ish bilan ta`minlash vazifasi. Mahkumlarning ish vaqti. Ishdan tashqari vaqtlarida dam olish va bayram (ishlamaydigan) kunlarida, shuningdek, tungi ishlarda mahkumlarni ishlatish qoidalari. Mahkumlarning dam olish vaqtlari. Mahkumlarni kasalligi tufayli ishdan ozod qilish. Mahkumlar mehnatiga haq to`lash tartibi va shartlari. Mahkumlar ish haqlaridan chegirib olish qoidalari. Mahkumlarga haq to`lamay ishga jalb etish. Mahkumlarga qo`llanadigan moddiy javobgarlik. Mahkumlarning ijtimoiy sug`urtasi va nafaqa ta`minoti. Ozodlikdan mahrum etishga hukm qilingan shaxslarga qo`llaniladigan tarbiyaviy ta`sir ko`rsatish tushunchasi, prinsiplari va ahamiyati. Mahkumlarni tarbiyaviy ishlarga jalb qilishning maqsadlari. Mahkumlar bilan olib boriladigan tarbiyaviy ishlarning shakllari. Mahkumlarning tarbiyaviy ishlarida matbuot, radio, televideniye, kinofilmlardan, kutubxona va boshqa vositalardan foydalanish.

Mahkumlarning tarbiyaviy ishlarini tashkil etishda jamoatchilik va ayrim fuqarolar yordamidan foydalanish. Mahkumlar tarbiyaviy ishlarini tashkil etishda huquqiy targ`ibot ishlaridan, qonun normalari bilan tanishtirishdan foydalanish. Mahkumlarni axloqiy tuzatishda mahkumlar ta`limi va kasb tayyorgarligining tushunchasi va ahamiyati. Mahkumlarni umumiy ta`limga jalb etish. Mahkumlar umumta`limining majburiyligi va ixtiyoriyligi. Mahkumlarning oliy va o`rta maxsus bilim yurtlarida ta`lim olish muassasalari. Umumta`lim yoki o`qish jarayonida mahkumlarning mehnati. Mahkumlarni hunar-ta`lim va kasb tayyorgarligiga jalb etish. Ozodlikdan mahrum etishga hukm qilingan shaxslarga nisbatan qo`llaniladigan rag`batlantirish va intizomiy jazo choralarini qo`llash tushunchasi, ahamiyati va asoslari. Rag`batlantirish choralarini qo`llash asoslari. Rag`batlantirish choralarining turlari. Mahkumlarning saqlash sharoitlarini o`zgartirish bilan bog`liq bo`lmagan, intizomiy jazo chorasini bekor qilish tartibida amalga oshiriladigan rag`batlantirish. Mahkumlarning saqlash sharoiti o`zgarishi bilan bog`liq rag`batlantirish choralarini qo`llash tartibi va shartlari. Intizomiy jazo choralari. Intizomiy jazo choralarini qo`llash asoslari. Intizomiy jazo choralarining turlari. Intizomiy jazo choralarini qo`llash tartibi. Intizomiy jazo choralari ustidan shikoyat berish tartibi.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas`ul muharrir-yu.f.n., dots. B.J.Axrorov. –T.: O`qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma`sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat - ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.-526 st. 6. Kurs ugolovnogo prava Respubliki Uzbekistan Tom-2 obshaya chast ucheniye o nakazanii. uchebnik. M.X. Rustamboyev. - T.:TDYUI, 2009.-394 st.

O'xshashlar

Haq evaziga xizmat ko`rsatish

Ozodlikdan mahrum qilishga hukm qilingan shaxslar moddiy-maishiy ta’minoti, tibbiy xizmat ko’rsatish va mehnati

Tadbirkorlik faoliyati sohasida yuridik xizmat ko`rsatish

Harbiy xizmatchilarga nisbatan xizmat bo`yicha cheklash, qamoq va intizomiy qismga jo`natish tariqasidagi jazolarni ijro etish

Ozodlikdan mahrum qilish tariqasidagi jazo ijrosini tashkil qilish ijro etish. Ozodlikdan mahrum qilingan mahkumlarni klassifikatsiyalash tushunchasi