Mahkumlar huquqiy holati - Huquqshunoslik - Referatlar

Mahkumlar huquqiy holati

Yuklangan vaqt:

20.09.2019

Ko'chirishlar soni:

0

Hajmi:

43 KB

Ko'chirib olish

Mahkumlar huquqiy holati REJA: 1. Mahkumlarning huquqiy holatining asoslari 2. Mahkumlarning asosiy huquqlari 3. Mahkumlarning yuridik yordam huquqini ta`minlash 4. Mahkumlarni shaxsiy xavfsizlik huquqi va vijdon erkinligini ta`minlash 5. Mahkumlarni asosiy majburiyatlari

Mahkumlar huquqiy holati tushunchasi va uning ahamiyati. Mahkumlar huquqiy holati bilan fuqarolar huquqiy holatlari o`rtasidagi farq. Shaxsning mahkumlik holatiga ega bo`lish asoslari. Mahkumlarning umumiy va maxsus huquqiy holatlari va ularning ahamiyati. Mahkumlar huquqiy holatidan kelib chiqadigan huquq va majburiyatlar, ularning O`zbekiston Respublikasi fukarolariga yoki fukaroligi bo`lmagan shaxslarga, yoxud ajnabiy shaxslarga ta`siri. Mahkumlar huquqiy holati belgilanishining ahamiyati. Mahkumlarning asosiy huquqlari. Mahkumlarning jazoni ijro etishdan kelib chiqadigan maishiy huquqlari. Mahkumlarning ma`muriyatga, mansabdor shaxs va davlat organlariga murojaat qilish huquqlari. Mahkumlarning mehnat qilish va ta`minot olish huquqlari. Mahkumlarning sog`liqlarini muhofaza qilish va tibbiy yordam olish huquqlari, mahkumlarning huquqiy yordam olish huquqlari. Mahkumlarning shaxsiy xavfsizlik huquqlari. Mahkumlarning vijdon erkinligi huquqlari va uni ta`minlash. Mahkumlarning asosiy majburiyalari va ularni amalga oshirish choralari. Mahkumlar Jinoyat kodeksi va boshqa qonunlarda belgilangan istisno va cheklashlar inobatga olgan holda O`zbekiston Respublikasi fuqarosi uchun nazarda tutilgan huquqlar va erkinliklarga ega bo`ladilar. Mahkumlar ajnabiy fuqarolar va fuqaroligi bo`lmagan shaxslar shuningdek, O`zbekiston Respublikasining xalqaro shartnomalarida belgilangan huquqlar, erkinliklarga ega bo`lishlari va majburiyatlarni bajarishlari mumkin. Mahkumlarni huquqlari va majburiyatlari muayyan jazo turini ijro etish tartibi va shartlaridan kelib chiqqan holda belgilanadi. Mahkumlar quyidagi huquqlarga ega: Jazoni o`tash tartibi va shartlari to`g`risida o`z huquqlari va majburiyatlari haqida axborot olish; Jazoni ijro etuvchi muassasa yoki organ ma`muriyatiga boshqa davlat organlari va jamoat birlashmalariga o`z ona tilida yoki boshqa tilda taklif, ariza va shikoyatlar bilan murojaat etish; O`z taklif va shikoyatlariga murojaat etilgan tilda javob olish. Murojaat etilgan tilda javob berishning iloji bo`lmagan taqdirda javob O`zbekiston Respublikasining Davlat tilida beriladi. Javobni qamoq jazosiga, intizomiy qismga jo`natish va ozodlikdan maxrum etishga hukm qilingan shaxs murojaat etgan tilda tarjima qilib berish jazoni ijro etuvchi muassasa yoki organ tomonidan ta`minlanadi;

Tushuntirish berish hamda yozishmalar olib borish, zarur hollarda tarjimonning xizmatidan foydalanish; O`quv, badiiy yoki boshqa xil axborot materiallaridan foydalanish; Sog`lig`ini saqlash, shu jumladan, tibbiy xulosaga ko`ra ambulatoriya-poliknika va statsionar sharoitda tibbiy yordam olish; Ijtimoiy ta`minot, shu jumladan, qonun hujjatlariga muvofiq pensiyalar olish. Mahkum ajnabiy fuqarolar, shuningdek, o`z davlatlarini diplomati, vakolatxonalari va konsullik muassasalari bilan O`zbekiston Respublikasida diplomatiya va konsullik muassasalari bo`lmagan mamlakatlarning fuqarolari esa, ularning manfaatlarini himoya qilishni o`z zimmasiza olgan davlatni diplomatiya vakolatxonalari bilan aloqa qilib turish huquqiga ega. Mahkumlarni huquqlarini ro`yobga chiqarish tartibi jinoyat-ijroiya kodeksi va boshqa qonun hujjatlari bilan belgilanadi. Mahkumlar advokatlardan malakali yuridik yordam olish huquqiga ega. Yuridik yordam olish uchun advokatlar bilan uchrashuv mahkumlarning arizasiga ko`ra beriladi. Mahkumlarning advokatlar bilan uchrashuvlari JIK da belgilab qo`yilgan uchrashuvlar xisobiga kirmaydi. Bunday uchrashuvlar muddati va miqdori cheklanmaydi. Mahkumlarning advokatlar bilan uchrashuvi tartibi qonun xujjatlari bilan belgilanadi. Mahkumlar shaxsiy xavfsizlik huquqiga ega. qamoq jazosiga , intizomiy qismga jo`natish yoki ozodlikdan mahrum etishga hukm qilingan shaxsning xavfsizligiga tahdidi yuzaga kelgan taqdirda u o`z shaxsiy xavfsizligini taminlash xaqida iltimos bilan jazoni ijro etuvchi muassasa yoki organning xar qanday mansabdor shaxsiga murojaat etishga xaqli. Mahkum murojaat etgan mansabdor shaxs, darxol uning xavfsizligini ta`minlash choralarini qo`rishga majbur. Jazoni ijro etuvchi muassasa yoki organ boshlig`i mahkumning shaxsiy xavfsizligiga bo`lgan taxdidini bartaraf etish yuzasidan zarur choralarni qo`radi. Mahkumlarning vijdon erkinligini ta`minlash . Vijdon erkinligi kafolatlanadi. Ular xar qanday dinga eotiqot qilishga yoki hech qanday dinga eotiqod qilmaslikka xaqli. qamoq yoki ozodlikdan maxrum qilish tariqasidagi jazoni o`tayotgan shaxslar huzuriga, ularning iltimosiga ko`ra belgilangan tartibda ro`xatdan o`tgan diniy birlashmalarning ruhoniylari taklif etiladi. Mahkumlarga diniy rasm-rusumlarni ado etishga ibodat uchun kerakli narsalardan va diniy adabiyotlardan foydalanishga ruxsat etiladi. O`lim jazosiga hukm qilingan shaxslarga hukm ijro etilishi oldidan ruhoniylarni taklif etib, bunday kezlarda diniy takomil taqozo etadigan rasm- rusumlarni ado etish imkoniyati beriladi. Diniy rasm-rusumlarni ado etish ihtiyoriy bo`lib, bu narsa jazoni ijro etuvchi muassasaning ichki tartib qoidalarini buzmasligi shuningdek, boshqa shaxslarning huquqlari va qonuniy manfaatlarini kamsitilmasligi lozim. Mahkumlarni asosiy majburiyatlari:

Jazoni o`tash tartibi va shartlariga rioya etishga; Jazoni ijro etuvchi muassasa yoki organ ma`muriyatini qonunga asoslangan talablarini bajarishga majburdirlar. Mahkumlarning o`z zimmalariga yuklatilgan bajarmasligi qonunda belgilangan javobgarlikka sabab va asos bo`ladi.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas`ul muharrir- yu.f.n., dots. B.J.Axrorov. –T.: O`qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma`sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.- 526 st. 6. Kurs ugolovnogo prava Respubliki Uzbekistan Tom-2 obshaya chast ucheniye o nakazanii. uchebnik. M.X. Rustamboyev. - T.:TDYUI, 2009.-394 st.

O'xshashlar

Jinoyat-ijroiya huquqiga binoan mahkumlar huquqiy holati

Yuridik xizmatning huquqiy holati

Atmosfera havosini mushofaza qilishning huquqiy holati

Suv fondi va zahira yerlarining huquqiy holati

Sanoat, transport, aloqa, mudofaa yerlarining huquqiy holati