Бошка жиноят-хукукий таъсир чораларини ижро этиш - Huquqshunoslik - Referatlar

Бошка жиноят-хукукий таъсир чораларини ижро этиш

Yuklangan vaqt:

20.09.2019

Ko'chirishlar soni:

0

Hajmi:

61.5 KB

Ko'chirib olish

Бошқа жиноят-ҳуқуқий таъсир чораларини ижро этиш РЕЖА: 1. Бошқа жиноят ҳуқуқий таoсир чораларини турлари ва ижро этиш. 2. Шартли ҳукм қилинган шахслар хулқ атвори устидан назоратни амалга ошириш тартиби ва уни тугатиш. 3. Рухий касаларга нисбатан тиббий йўсиндаги мажбурлов чораларини қўллаш тартиби.

Бошқа жиноят-ҳуқуқий таъсир чоралар тушунчаси ва уларнинг турлари. Уларни ижро этиш асослари. Шартли ҳукм қилинганлар устидан назорат қилиш тартиби. Назорат қилиш органларининг вазифалари. Шартли ҳукм қилинган шахсларнинг мажбуриятлари. Шартли ҳукм қилинган шахсларнинг чекланишларини қисқартириш ёки бекор қилиш ҳақида судга тақдимнома киритиш. Шартли ҳукм қилинганларнинг синов муддатлари ва уни ҳисоблаш. Шартли ҳукм қилинганлар хулқ-атвори устидан назоратнинг тугатилиши. Тиббий йўсиндаги мажбурлов чораларини ижро этиш тушунчаси ва турлари. Руҳий касалларга нисбатан тиббий йўсиндаги мажбурлов чораларини қўллаш тушунчаси ва тартиби. Беморнинг яшаш жойидаги психоневрология муассасаларида ва беморни жамиятдан батамом ажратилган ҳолда мажбурий даволаш. Алкоголизм, гиёҳвандлик ёки заҳарвандликка йўлиққан маҳкумларга нисбатан тиббий йўсиндаги мажбурлов чораларини қўллаш тушунчаси, тартиби ва улар устидан суд-психиатрия экспертизасини тайинлаш асослари. Касалларни руҳий касалликлар шифохонасига ўтказиш ёки бир касалхонадан иккинчисига кўчириш. Руҳий касалликлар шифохоналарида беморларнинг ҳуқуқ ва мажбуриятлари. Руҳий касалликлар шихоналарида беморларни даволашни ташкил этиш ва уларнинг шароитлари. Беморларни назорат қилиш ва улар касалхонадан қочганида ёки вафот этган тақдирда мас o улият мажбуриятлари. Бемор руҳий касалликлар шифохонасидан чиқариш тартиби, хабар бериш ва яшаш жойига жўнатиш. Беморлар ва руҳий касалликлар шифохонаси ходимлари хавфсизликларини таъминлаш. Руҳий касалликлар шифохоналарида мажбурий даволаш ўтказилиши устидан назорат қилиш. қамоқ жазосига ва озодликдан маҳрум этишга ҳукм қилинган шахсларга нисбатан тиббий йўсиндаги мажбурлов чораларини қўллаш тартиби. Вояга етмаган шахсларга нисбатан мажбурлов чораларини қўллаш тушунчаси ва турлари. Жабрланувчидан узр сўраш ва унинг шартлари. Узр сўраш мажбурлов чорасини ижро этувчи орган вазифалари. Узр сўраш мажбурлов чорасининг ижро этилганлигини расмийлаштириш. Етказилган зарарни тўлаш ёки бартараф этиш тушунчаси, тартиби. Етказилган зарарни тўлаш ёки бартараф этиш мажбурлов чорасини ижро этиш органи ва расмийлаштириш. Вояга етмаган шахсни мажбурий тартибда махсус ўқув-тарбия муассасасига жойлаштириш.

Бошқа жиноят ҳуқуқий таoсир чоралари жумласига: - шартли ҳукм қилиш ; - тиббий йўсиндаги мажбурлов чоралари; -вояга етмаганларга нисбатан мажбурлов чоралари қиради. Бошқа жиноят ҳуқуқий таoсир чораларини ижро этиш учун суднинг қонуний кучга кирган ҳукми ёки ажрими асос бўлади . Бошқа жиноят ҳуқуқий таoсир чоралари Жиноят кодексининг 72,87,94,96 моддаларида назарда тутилган ҳолларда ва тартибда суд томонидан тайинланади. Жазоларни ижро этиш инспекцияси шартли ҳукм қилинган шахсларни рўйхатга олади ва суд белгилаган синов муддати мобайнида уларни зиммасига юкланган мажбуриятлар бажарилишини текшириб боради. Шартли ҳукм қилинган шахс ҳарбий хизматга чақирилган тақдирда жазоларни ижро этиш инспекцияси суд ҳукм (ажрими) нухсасини ҳамда ҳарбий ҳизмат ўташ жойида унинг хулқ-атвори устидан назорат қилиш учун керакли бошқа ҳужжатларни мудофаа ишлари бўйича тегишли бўлимга юборади. Ҳарбий қисм (муассаса) қўмондонлигига 10 кунлик муддат ичида маҳкум рўйхатга олинганлиги тўғрисида,хизматни тугатганидан кейин эса жўнаб кетганлиги тўғрисида жазоларни ижро этиш инспекциясига хабар қилиши шарт. Шартли ҳукм қилинган шахслар суд томонидан зиммаларига мажбуриятларни бажариши,шунингдек чақирувга биноан жазоларни ижро этиш инспекциясида ҳозир бўлиши шарт.Узрли сабабсиз ҳозир бўлмаган маҳкум белгиланган мажбуран келтирилиши мумкин. Шартли ҳукм қилинган шахс хулқ-атвори устидан назоратни амалга оширувчи орган синов муддати мобайнида белгиланган чеклашларни тўлиқ ёки қисман бекор қилиш тўғрисида судга тақдимнома киритишга ҳақлидир. Маҳкум зиммасига юкланган мажбуриятларни бажаришдан бўйин товлаган ёки маoмурий ёҳуд интизомий жавобгарликка тортилган ҳолларда маҳкум ҳулқ-атвори устидан назоратни амалга оширувчи орган жиноят ҳуқуқий таoсир чорасини бекор қилиш ҳамда ҳукмда тайинланган жазони ижро этиш тўғрисида судга тақдимнома киритади. Синов муддати суднинг ҳукми қонуний кучга кирган пайтдан бошлаб ҳисобланади.Руҳий касалларга нисбатан тиббий йўсиндаги мажбурлов чоралари соғликни сақлаш оранлари томонидан суд-психатрия экспертизаси хулосасига мувофиқ қуйидаги тартибда қўлланилади:

- мажбурий амбулатория кузатуви ва психиатрда даволаш беморнинг яшаш жойидаги психонерврология муассасалари томонидан амалга оширилади; - беморни жамиятдан батамом ажратиб мажбурий даволаш унинг руҳий ҳолатига қараб,умумий тартибли руҳий касалликлар шифохоналарида ёки умумий тартибли руҳий касалликлар шифохоналаринин соғлиқни тиклаш бўлимларида ёҳуд кузатиш кучайтирилган руҳий касалликлар шифохоналари ёки бўлинмаларида ўтказилади. Алкоголизм, гиёҳвандлик ёки заҳарвандликка йўлиққан маҳкумларга нисбатан тиббий йўсиндаги мажбурлов чоралари қуйидаги тартибда қўлланилади: - жамиятдан батамом ажратиб қўйиш билан боғлиқ бўлмаган жазоларга ҳукм қилинган шахсларга соғлиқни сақлаш органларининг тиббий муассасалари томонидан умумий асосларда; - қамоқ ёки озодликдан маҳрум этиш тариқасидаги жазога ҳукм қилинган шахсларга-жазони ўташ жойида,озод этилганидан кейин эса даволашни давом эттириш зарурати бўлганда эса соғлиқни сақлаш органларини тиббий муассасаларитомонидан умумий асосларда. Ҳибсда ушлаб турилган шахсларнинг суд психиатрия экспертизаси суриштирув, тергов, прокуратура органининг қарори ёки суднинг ажрими,қамоқ жазосига ёки озодликдан маҳрум этишга ҳукм қилинган шахсларга нисбатан эса- қамоқ уйи ёки жазони ижро муассаси бошлиғининг қарори асосида тайинланади. Касалларни руҳий касалликлар шифохонасига кўчириш,шунингдек бир касалхонадан иккинчисига ўтказиш қонун ҳужжатларида белгилаб қўйилган тартибда давлат ҳисобида амалга оширилади. Рухий касалликлар шифохоналарида мажбурий даволанаётган беморлар: - ҳар куни сайр қилиш қилиш; - хатлар,посилка,йўқлов ва бандероллар,шунингдек пул жўнатмалари олиш ва юбориш; - қариндошлари ва бошқа шахслар билан учрашиш; - диний расм-русмларни адо этиш; - озиқ-овқат маҳсулотлари ваэнг зарур нарсаларни сотиб олиш ҳамда уларни ўз ёнида сақлаш; - -касалхона кутубхонасидан фойдаланиш ҳуқуқига эга. Беморлар адвокат ҳизматидан фойдаланишлари мумкин.Даволаш самарадорлигини ва касаллар ёки бошқа шахслар хавфсизлигини таъминлаш мақсадида қонун ҳужжатларида белгиланган ҳолларда ва тартибда беморларнинг ҳуқуқлари чекланиши

мумкин.Беморлар тайинланган муолажани қабул қилиши ва ички тартиб қоидаларига риоя этиши шарт . Руҳий касалликлар шифохоналарида беморлар касаллик тури,хулқ-атворининг хусусияти,руҳий ва жисмоний ҳолатини ҳисобга олиб, уларни батамом ажратиб қўйишни таъминловчи ҳамда улар томонидан янги ижтимоий хавфли қилмиш содир этиш,сақлаш режимини бузиш эҳтимолининг олдини олишни таъминлайдиган шароити бор палаталарга жойлаштирилади. Эркаклар ва аёллар,катталар ва вояга етмаган шахслар алоҳида-алоҳида сақланади. Бир беморга тўғри келадиган майдон нормаси 5 кв.метрдан кам бўлиши мумкин эмас.Беморларга озиқ-овқат ва касалхона кийими бепул берилади.Беморларни овқат ва уст бош билан таъминлаш нормалари Ўзбекистон Республикаси Вазирлар Маҳкамаси томонидан белгиланади.Рухий касалликлар шифохоналарида беморларга узоқ муддатли учрашув берилмайди.Бемор номига келиб тушган пуллар унинг шахсий ҳисоб варағига ўтказилади.Озиқ-овқат махсулотлари ва энг зарур нарсаларни беморлар пул ўтказиш йўли билан сотиб оладилар. Мажбурий даволашда бўлган бемор кўчиб кетган тақдирда рухий касалликлар шифохонаси маъмурияти зудлик билан уни қидириб топиш чораларини кўриши ҳамда бу ҳақда шифохона жойлашган ердаги ва бемор унинг қариндошлари ёки васийлари яшайдиган жойдаги прокурорни,ИИБ органларини,психоневрология диспансерини,шунинг мажбурий даволаш чорасини тайинланган судни хабардор қилиши шарт.Вафот этган бемор жасадини бериш шартлари ва тартиби Ўзбекистон Республикаси Соғлиқни Сақлаш Вазирлиги томонидан белгиланади. Беморни шифохонадан чиқаришдан 10 кун олдин рухий касалликлар шифохонаси маъмурияти бу ҳақда унинг яшаш жойидаги ИИБ органларига шунингдек унинг қариндошлари васийларига хабар қилади. Мажбурий даволаш суд томонидан бекор қилинганидан кейин 10 сутка ичида даволаш муассасаси маъмурияти беморнинг яшаш жойидаги психоневрология диспансерига амбулатория картасидан кўчирма юборади ҳамда унинг қариндошлари ёки васийларини,шунингдек беморнинг яшаш жойидаги ИИБ органларининг воқеадан хабардор қилади.Беморлари рухий касаликлар шифохонасидан чиқарилган шахсларга даволанишда бўлган вақти тўғрисида маoлумотнома берилади. Беморларни яшаш жойига етиб бориш кузатувчи шахснинг эса бориш келиш ҳаражатлари давлат ҳисобидан тўланади.

Беморлар ва ходимлар хавфсизлигини таъминлаш беморлани руҳий касаликлар шифохонаси доирасидан ташқарига ўзбошимчалик билан чиқиб кетишини олдини олиш мақсадида назорат рухсатнома тизими жорий этилади. Умумий тартибли руҳий касаликлар шифохоналарини қўриқлаш тиббий ходимлар томонидан, суд психиатрия экспертизаси бўлинмалари ва кузатуви кучатирилган руҳий касаликлар шифохоналарида ички ишлар орган томонидан амалга оширилади. Бемор жазавага тушган, шунингдек, тиббий ходимларга итоат этмаган ва уларга жисмоний каршилик кўрсатган тақдирда унга нисбатан қўл кишан, боғлаш воситалари ва бошқа махсус воситалар қонун ҳужжатларида назарда тутилган тартибда қўлланилиши мумкин. Руҳий касаллклар шифохоналарида мажбурий даволаш ўтказилиши устидан назорат соғлиқни сақлаш органлари томонидан қонун ҳужжатлари мувофиқ амалга оширилади. қамоқ жазосига ва озодликдан маҳрум этишга ҳукм қилинган алкоголизм, гиёхвандлик ва заҳарвандликка йўлиққан шахсларга нисбатан тиббий йўсиндаги мажбурлов чораларини қўллаш тартиби Ўзбекистон Республикаси ИИВ томонидан Ўзбекистон Республикаси соғлиқни сақлаш вазирлиги билан келишилган ҳолда белгиланади.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст. 6. Курс уголовного права Республики Узбекистан Том-2 общая часть учение о наказании . учебник. М.Х. Рустамбоев . - Т.:ТДЮИ, 2009.-394 ст. 7. Курс уголовного права Республики Узбекистан Том-3 особенная часть . учебник. М.Х. Рустамбоев . - Т.:ТДЮИ, 2009.-423 ст. 8. Курс уголовного права Республики Узбекистан Том-4 особенная часть . учебник. М.Х. Рустамбоев . - Т.:ТДЮИ, 2009.-513 ст. 9. Курс уголовного права Республики Узбекистан Том-5 особенная часть . учебник. М.Х. Рустамбоев . - Т.:ТДЮИ, 2009.-401 ст.

O'xshashlar

Бошқа жиноий-ҳуқуқий таъсир чораларини ижро этиш

Ушлаб турилганларни қамоққа олинганларни сақлаш жойларида жиноий жазоларни ва жиноят ҳуқуқий таъсирнинг бошқа чораларини ижро этиш

Суд ҳужжатларини ижро этиш

Прокуратура фаолиятининг прокурор таъсир чораларини қўллашдаги ҳуқуқий ҳужжатлар

Жазони ижро этиш муассасаларида режим