Ўта асос магматик жинслар - Geologiya - Referatlar

Ўта асос магматик жинслар

Yuklangan vaqt:

20.09.2019

Ko'chirishlar soni:

0

Hajmi:

66.5 KB

Ko'chirib olish

Ўта асос магматик жинслар Режа: 1. Ўта асос жинслар ва пироксенитлар 2. Нормал ишқорли интрузив жинслар 3. Ўрта ишқорли интрузив жинслар

Ўта асос магматик жинслар асос, ўрта ва нордон жинсларга қараганда табиатда камроқ тарқалган. Улар ичида кўпроқ аҳамиятга эга бўлгани нормал петрохимик қаторига кирувчи плутоник жинслардир. Бу плутоник ўтаасос жинслар кўпинча асос плутоник жинслар билан бирга учрайди ва улар билан ҳар хил интрузив уюшмалар ҳосил қилади ва турлича тектоник шароитда учрайди. Масалан: эвгеосинклиналь зоналаридаги альпинатипли габбро- перидотит формацияси; миогеосинклиналь зонасидаги пироксен-перидотит формацияси; геосинклинал бурмаланган зоналардаги концентрик-зонал дунит-клинопироксенит-габброли интрузив формацияси; стратиформли перидотит-ортопироксенит-норит интрузивли формацияси; Ўрталиқ океан тизмаси рифт зонасидаги перидотит ва габбро уюшмалари ва бошқалар. Ўта асос Ўта асос жинслар, асосан рангли минеаллардан - оливин ва пироксенлардан иборат. Ундан ташқари баъзан асосий минерал сифатида роговая обманка ва керсутит учрайди. Оз миқдорда хромит, магнетит, титаномагнетит бўлади. Иккиламчи минераллар - серпентин, тальк ва бошқалар. Ўта асосли жинсларда кремний оксидининг миқдори 30-44% тенг. Табиатда ўтаасосли жинслар орасида интрузив, яъни донадор хиллари кўпроқ тарқалган. Улар баъзан катта массивлар ҳосил қилади (Урал, Жанубий Фарғона, +изил-+ум ва бошқалар). Вулканик ўта асосли жинсларни мавжудлиги яқин вақтгача инкор қилинар эди. Аммо ҳозирги вақтда уларнинг анча кенг тарқалганлиги аниқланди. Ўта асосли жинслар баъзан ўзларининг плагиоклазли, нефелинли, калий дала шпатли хиллари орқали габбро, нефелинли габбро ва ниҳоят калий дала шпатли габбролар билан узлуксиз боғланган. Ўта асосли жинслар ишқорларининг (калий, натрий) миқдорига қараб учта асосий қаторга бўлинади: нормал ишқорли, ўрта ишқорли ва ишқори жинслар.

Нормал ишқорли интрузив жинслар (дунитлар, перидотитлар) ва пироксенитлар Бу гуруҳдаги тоғ жинслар таркибидаги оливин ва пироксенларни миқдорига кўра дунитлар, перидотитларга ва пироксенитларга бўлинади. Дунитлар номи Янги Зелландиядиги, Дун тоғи номи билан аталган. Улар тўлиқ кристалланган деярлик якка минералли ўтаасосли магматик тоғ жинсидир. Таркиби асосан оливиндан (90% ва ундан кўп) ташкил қилган. +олган минераллар магнийга бой ромбик пироксен (энстатит, камроқ гиперстен) ва хромшпинелид. Рангги оч кулранг, кўкиш сариқ, сарғиш- яшил, темирга бой хиллари қора рангда бўлади. Оливин кристалли 1 мм дан бир қанча сантиметрга етади, одатда 1-2 мм дан катта бўлмайди. Оливинитлар тўқ яшил рангга эга, одатда майда донали, ўзгарувчан, асосан оливиндан ва бир оз миқдорда титанли магнетитдан иборат бўлган тоғ жинсидир. Дунит ва оливинитлар ўзгармаган ҳолда кам учрайди. Одатда улар бироз серпентинлашган бўлади, лекин табиатда тўлиқ серпентинлашган хиллари кўпроқ учрайди. Оливин ва пироксенлардан ташкил топган тоғ жинсларини перидотитлар деб аталади. Перидотитлар улардаги пироксенларнинг таркибига кўра қуйидаги хилларга бўлинади - гарцбургит – Ol+Opx; лерцолит – Ol+Opx+Cрx; верлит – Ol+Cрx; шрисгеймит – Ol+Hb; кортландит - Ol+Px+Hb. Дунит ва оливинитлар каби перидротитлар ҳам кўпинча серпентинлашган бўлади. Гарцбургитларнинг таркибида оливин (80-90%) ва ортопироксен (одатда энстатит ёки бронзит) бўлади. Ундан ташқари оз миқдорда хромшпинелид учрайди. Ортопироксенлар оливинга нисбатан ксеноморф холда бўлади, оливин кристалларини оралиғини тўлдиради. Баъзан ортопироксенлар порфирли кўринишидаги доналар ҳосил қилиб идиоморф оливин кристалларини ўз ичига олади.

Гарцбургитлар панидиоморф донали ва пойкилитли ички тузилишга эга. Лерцолитлар таркиби, ички тузилиши ва ташқи кўринишидан гарцбургитларга ўхшайди. Фарқи лерцолитларда ортопироксенлар билан бир қаторда жинс ҳосил қилувчи минераллар сифатида клинопироксенлар қатнашади. Лерцолитлар икки ҳил пироксенларнинг миқдорий нисбатларига кўра гарцбургит ва верлитларга ўтиб туради. Верлитлар асосан оливиндан (фаялит қисми 10-15%) ва клинопироксендан (диопсид ёки авгит) дан иборат, ундан ташқари хромшпинелид, титаномагнетит, баъзан ильменит бўлади. Ўтаасосли тоғ жинсларнинг (гарцбургит, лерцолит ва верлит) вулканик муқобилларини (аналогларини) перидотитли коматиитлар деб юритилади. Булар бодом тошли, порфирсимон тоғ жинси бўлиб, ундаги порфирсимон оливин кристаллари серпентинлашган асосий массасида хол-хол доналар ҳосил қилади. Коматиит таркибидаги вулканик шишада оливин минераллари дендрит шаклида бўлган спенифекс турдаги тузилишини ҳосил қилади. Баъзан бундай тоғ жинсларни коматиитли порфиритлари ҳам деб юритилади. Перидотитли коматиитлар вулканик офиолитлар, пикритли порфиритлар, базальтлар уюшмаси билан оқимлар ташкил қилади ёки силлар ва дайкалар кўринишда бўлади. Пироксенитлар тўлиқ кристалланган деярли пироксенлардан иборат бўлган магматик ультрамафитли тоғ жинслардир. Улар таркибидаги пироксенларнинг ҳилига қараб бир қанча турларга бўлинади. Агар пироксенлар асосан моноклин ва ромбик пироксенлардан ташкил топган бўлса вебстерит деб юритилади. Моноклин пироксенлардан иборат бўлган пироксенитлар кўпинча шу ҳил пироксенлар номи билан аталади. Масалан: диопсидит, авгитит ва бошқалар. Ромбик пироксенлардан иборат бўлган пироксенитлар ҳам ўз навбатида - энстатитит, бронзититлар, гиперстенитлар ва бошқалар. Пироксенитлар оролиғидаги ҳиллари орқали перидотитлар, габбролар ва горнблендитлар билан боғланган бўлади. Улар ўтаасосли жинслар ва габбролар билан боғланган ҳолда учрайди. Ўрта ва йирик донали

пироксенитлар кўпроқ тарқалган. Пироксенитлар таркибида 10% оливин учраши мумкин. А.А.Маракушевнинг таснифига асосан пироксенитлар асос таркибли гуруҳлар қаторига киради. Ўрта ишқорли интрузив жинслар (ўрта ишқорли перидотитлар, кимберлитлар, ингилитлар ва меймечитлар) Бу гуруҳга кирувчи ўтаасос жинслар ўз таркибидаги ишқорли металларнинг ва титаннинг ортиқлиги билан ажралиб туради. Агар ишқорли металлардан íàòðèé êûï áûëñà íàòðèéли қàòîðãà, êàëèé êûï áûëñà êàëèéëè қàòîðãà êèðóâ÷è ûòààñîñëè æèíñëàð äåá þðèòèëàäè. Ишқорли металларнинг кўп бўлиши бу тоғ жинсларининг таркибида ишқорли ва титанли клинопироксенларнинг, амфиболларнинг ва флогопит минералларнинг ҳосил бўлишига олиб келади. Биринчи, натрийга бой жинслар - амфиболли перидотитлар, ишқорли ва титанли клинопироксенитлар, амфиболли пироксенитлар; иккинчи калийли жинслар - флогопитли перидотитлар ва ҳар хил вулканик ва субвулканит тоғ жинслар - кимберлитлар, ингилитлар, меймечитлар коматиитлар ва бошқалар. Амфиболли перидотитлар кўпинча маҳсус кортландит ва шрисгеймит деган номлар билан ҳам аталади. Кимберлитли жинслар калийли қаторидаги энг муҳим ҳилларидан бўлиб ҳисобланади. Сўнгги пайтда бу гуруҳга кирувчи жинслар асл кимберлитлар ва кимберлитсимон жинслар - ингилитларга ажратилган. Ундан ташқари Льюис кимберлитли брекчия ва кимберлитли туфларнинг мавжудлигини кўрсатиб ўтади. Кимберлитлар 1887 йили Льюис томонидан Кимберли шаҳри қошида топилган, улар бу ерда вулканик трубка ёки дайка шаклида учрайди. Кимберлитлар порфирли структурага эга, таркибида порфирли минераллардан оливин, баъзан флогопит, апатит, булар серпентин- карбонатдан иборат бўлган жуда майда асосий массада жойлашган бўлади. Кимберлитларда ҳар хил тоғ жинсларнинг бўлаклари учрайди. Шулардан

мантиядан келтирилган, таркибида олмос ва гранати бўлган дунит, перидотит, пироксенит ва эклогитлар. Ундан ташқари платформа пойдевори ва устки қобиқ қисмига хос тоғ жинслар - қумтош, оҳактош, гранит, гилли сланец ва бошқа тоғ жинслар учрайди. Меймечитлар ильменитли перидотитларнинг вулканик муқобиллари ҳисобланади. Меймечитлар таркибида 40-50% порфирли оливин ажралмалари, баъзан авгит, афанитли ёки жуда майда кристалланган асосий массаси ичида ётади. Ундан ташқари серпентин билан тўлган бодомсимон ажралмаларга ҳам бой. Меймечитларнинг шишали, микролитли ва тўлиқ кристалланган хиллари мавжуд. Таркибида оливин (35-55%), авгит (20-40%), титаномагнетит (8-10%) ва акцессор минераллардан - апатит ва биотит бўлади. Вулканик шиша ҳисобига кўпинча серпентин учрайди. Плагиоклазли перидотитлар, пикритлар, пикритли порфиритлар, горнблендитлар Бу гуруҳга кирувчи ўта асосли жинсларда плагиоклазнинг миқдори 5- 20% бўлади. Буларга верлит-лерцолит қаторига кирувчи плагиоклазли перидотитлар ва уларнинг вулканик муқобиллари пикрит ва пикрит- порфиритлар киради. Плагиоклазли перидотитлар ва уларнинг майда доноли хиллари плагиоклазли пикритлар табиатда кам тарқалган тоғ жинслари ҳисобланади. Плагиоклазли перидотитлар ва пикритлар тўлиқ кристалланган донадор жинслар сифатида учрайди. Улар кўпинча интрузияларга ҳос массивлар ҳосил қилади. Ундан ташқари стратиформ массивларида алоҳида қатламлар ҳосил қилади. Порфирсимон минераллар сифатида ксеноморф асосли плагиоклаз ва оливин қатнашади. Тўлиқ кристалланган асосий массаси оливин, авгит,ортопироксен, баъзан роговая обманка ва биотитдан иборат. Пикрит атамаси юнончадан олинган бўлиб(тахир деган маънони англатади) бунга магнийнинг кўплилиги сабабли - магний сульфати - аччиқ туз. Розенбуш бўйича пикритлар бу майда донали, кўпинча порфирсимон тоғ жинси, пикрит-порфиритлар эса порфирли тоғ жинси бўлиб таркибида

вулканик шиша бўлади. Бу борада пикритларнинг ички тузилиши долеритларникига ва пикритпорфиритларники эса базальт ва базальт- порфиритларникига яқин. Пикритпорфиритларда фенокристлар сифатида асосан оливин қатнашади, авгит кам учрайди ёки бўлмайди. Асосий массаси авгит, титан-авгит, оливин микролитларидан ва вулканик шишадан иборат. Пикритлар ва пикрит-порфиритлар кўпинча узоқ масофага чўзилган қалин қатламлар ёки дайкалар ҳосил қилади. Улар Урал (Урал тоғининг ғарбий ёнбағри) Жанубий Тянь-Шаньда (Нурота тоғлари), Жанубий Фарғоналарда (Араван) тарқалган. Ишқорли ўта асосли жинслар (уртитлар, ийолитлар, мельтейгитлар, якупирангитлар) Ишқорли ўта асосли плутоник жинсларга якупирангит, мельтейгит,ийолит, уртит, нефелинит ва турьяитлар киради. Улардан энг кўп тарқалганлари ийолит, мельтейгит, якупирангит ва уртит ҳисобланади. Дала шпатсиз нефелинли тоғ жинслар мустақил интрузив жинслар ҳосил қилмайди, одатда улар мураккаб ўтаасосли, габбро, ишқорли ва нефелинли сиенитлар, карбонатитлар ва бошқа тоғ жинслардан ташкил топган массивларда учрайди. Уртитлар таркибида 80-85% нефелин бўлади.Агар фақат нефелиндан ташкил топган бўлса бундай тоғ жинсларни нефелинолитлар (Маракушев) деб аталади. Уртитларда дала шпатлар жуда кам учрайди (5% гача ёки бўлмайди). Акцессор минераллар - апатит (баъзан уларнинг миқдори 85% етади) сфен, циркон, эвдиалит, ильменит. Ийолитлар кенг тарқалган. Улар таҳминан тенг қисмдан - нефелин ва пироксенлардан иборат. Пироксенлар - эгирин ёки эгирин-авгит, меланократли жинсларда диопсид-геденбергит, титанли авгит сифатида қатнашади. Бу гуруҳдаги жинсларда биотит ва арфведсонит аралашмалари ҳам учраб туради. Акцессор ва иккиламчи минераллар уртитларникига ўхшаш.

Мельтейгитлар - меланократ тўқ кулрангдан қора рангача бўлган ўрта ва йирик донали тоғ жинси. Уларнинг таркибида 65-85% пироксен (эгирин- авгит, титан-авгит, ортоэгирин) ва 15-30% нефелин бўлади. Иккинчи даражали минераллар - биотит, ортоклаз, канкринит, апатит, сфен, титаномагнетит. Агар мельтейгитларда дала шпатларининг миқдори 20% бўлса бундай тоғ жинсларни дала шпатли мельтейгитлар деб аталади. Якупирангитлар (ишқорли пироксенитлар) - бу яшил тўқ кулрангдан то қора ранггача бўлган ўрта ва йирик донадор ички тузилишга эга бўлган пироксенли тоғ жинслардир. Бу тоғ жинслар ўтаасосли фельдшпатоидли жинслар ва карбонатитлар уюшмалари билан бирга учрайди. Якупирангиттлар таркибида 75-90% титан-авгит, 25% магнетит, 15% нефелин бўлади. Иккинчи даражали минераллардан перовскит, апатит, сфен, кальцит, дала шпатлари ва биотит учрайди. Ўта асосли томирли жинслар: микроуртит, микроийолит, микромельтейгит ва бошқалар.

АДАБИЁТЛАР 1.Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7.Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча- ўзбекча изоҳли луғат. Т. «Ўзбекистон» 1995

O'xshashlar

Нордон магматик жинслар

Ўрта таркибли магматик жинслар

Petrografiya (петрология) фанининг ривожланиш тарихи

Магматик тоғ жинсларнинг структурали

Эндоген конларнинг ҳосил бўлиш жараёнлари (Магматик пегматит ва карбонатит)