Магматик тоғ жинсларнинг структурали - Geologiya - Referatlar

Магматик тоғ жинсларнинг структурали

Yuklangan vaqt:

20.09.2019

Ko'chirishlar soni:

0

Hajmi:

47.5 KB

Ko'chirib olish

Магматик тоғ жинсларнинг структурали (ички тузилиши) ва текстуралари (ташқи тузилиши) Режа: 1. Структураларнинг бўлиниш тартиблари 2. Магматик жинсларнинг текстуралари 3. Тоғ жинслардаги минералларнинг шакли

Магматик тоғ жинсларни аниқлашда химёвий ва минералогик таркиби билан бир қаторда унинг муҳим диагностик ва таснифий белгилари сифатида жисмларнинг структуралари ва текстуралари ҳисобланади. Шунинг билан бир қаторда структура ва текстурага қараб уларнинг генезиси ва шаклланишидаги термодинамик шароити тўғрисида фикр юритиш мумкин. Тўлиқ кристалланмаган ва шишали жинслар магманинг тез совуши натижасида шаклланади яни унинг Ер устига оқиб чиқишида ёки бўлмаса магматик жисмнинг совуқ ён тоғ жинслар контакти ёнида ҳосил бўлишида юзага келади. Тўлиқ кристалланган жинслар абиссал ва гипабиссал шароитда магманинг секин совушидан ҳосил бўлади. Структура (ички тузилиши) ва текстура (ташқи тузилиши) магманинг химёвий таркибига ҳам боғлиқ. Ундан ташқари учувчи элементларнинг ҳам таъсири катта. Петрографик адабиётларда иккита атама ишлатилади: структура ва текстура. Структура қуйидаги белгилар билан аниқланади: 1. Кристалланиш даражаси. 2. Таркибидаги минералларнинг абсолют (мутлоқ) ўлчами. 3. Таркибий қисмининг нисбий ўлчами. 4. Таркибий қисмининг шакли ва уларнинг бир-бирлари билан муносабати. Текстура қуйидаги белгилар билан аниқланади: 1. Таркибий қисмининг фазода жойланиши. 2. Жинс массасининг (хажмининг) фазони тўлдириш усули.

Структураларнинг бўлиниш тартиблари а). Кристалланиш даражаси асосида бўлиниши. Магматик жинслар кристаллардан, вулканик шишадан ёки ҳам кристаллардан ҳам вулканик шишадан ташкил топган бўлиши мумкин. Кўпчилик вулканик жинсларда жуда майда кристаллар учрайди, уларни микроскоп орқали кўриш мумкин. Бундай кўринишдаги минералларни микролитлар деб аташадилар. Микролитлардан ҳам кичигини кристаллитлар дейишади (кристалл ўсимталари - 0,005 ммга яқин). Вулканик шиша магматик эритманинг тез совушидан ҳосил бўлади ва у метастабиль ҳолатда туради ва вақт ўтиши билан у кристалланиши мумкин (девитрификацияга учрайди). Шундай қилиб кристалланиш даражасига кўра магматик жинслар тўлиқ кристалланган, вулканик шишаси ва микролитлари бўлмаган ва тўлиқ кристалланмаган структураларга бўлинади. Тўлиқ кристалланмаган структуралар уч гуруҳга ажратилади: 1) микролитли, 2) криптокристалли- - кристалл ўсимталаридан (фельзитли, сферолитли - 0,005 мм), 3) шишали ёки гиалинли (витрофирли). б). Структураларни таркибий қисмининг абсолют (мутлоқ) ўлчами асосида бўлиниши: 1) гигант донали (2 см дан катта) ва йирик донали (2 см - 5 мм); 2) ўрта донали. Доналари 1 ммдан катта. Кўпчилик интрузив жинслар учун характерли структура; 3) майда донали структура - 1 ммдан кичик, лекин оддий кўз билан минерал доналарини кўриш мумкин; 4) афанитли, ташқи кўринишидан доналарини кўриш қийин, лекин микроскоп тагида кристалларини ажрата олинади. Бундай структура базальт ва андезитлар ва бошқа вулканик жинслар учун характерли ҳисобланади. в). Структураларни таркибий қисмининг нисбий ўлчамига қараб бўлиниши: 1) доналар ўлчами тенг бўлган структура; 2) доналар ўлчами тенг бўлмаган структура. Булардан энг тарқалгани порфирсимон ва порфирли структуралар ҳисобланади. Порфирсимон структурада тўлиқ кристалланган асосий массасида порфирсимон минераллар борлиги билан ажралиб туради.

Порфирли структуралар порфирсимон структуралардан асосий массасининг тўлиқ кристалланмаганлиги билан фарқланади. Бунда порфирли ажралмалар шишасимон, криптокристалл ва микролитли асосий массаси ичида ажралиб туради. Порфирли структура базальт, риолит ва бошқа вулканик жинслар учун характерли. Тўлиқ кристалланмаган структураларда порфирли ажралмалари бўлмаса бундай структураларни афирли структура дейилади. г). Структураларнинг таркибий қисмининг шакли ва уларнинг бир- бирлари билан муносабати асосида бўлиниши. Бу белги тоғ жинсларни структураларини аниқлашда асосий омиллардан ҳисобланади. Минераллар ўзларининг қирраларининг мукаммаллик даражаси билан ажралади. Кристаллографик кўриниши яхши ривожланган минералларни идиоморфли деб юритишади. +исман ривожланганларини - гипидиоморфли, ва кристалларини шакли бошқа дастлабки минерал шаклига боғлиқ бўлса, яъни ўзига ҳос шакл бўлмаса, бундай минералларни ксеноморф ёки аллотриОморфли дейилади. Тоғ жинслардаги минералларнинг шакли ва унинг идиоморфлик даражаси уларнинг эритмадан ажралиб чиқишини кетма-кетлиги, кристалланиш қобилияти ва эритманинг физик-химик ҳоссаларига боғлиқ. Магматик жинсларнинг текстуралари а). Бир хиллик текстура. Бу текстурада жинснинг ҳамма йўналиши бўйича минерал таркиби ва структураси бир хил. б). Такситли ёки турли хил текстура. Жинснинг ҳар бир қисмида унинг структураси ва минерал таркиби ўзгариб туради. в). Шарсимон текстура. Жинсда минераллар маълум бир марказ атрофида концентрик ҳолда жойлашган бўлади, натижада шарсимон ёки эллипсоидли текстурага эга бўлган жинслар ҳосил бўлади. г). Йўл-йўл (полосатая текстура) - жинсда ҳар-хил таркибдаги минераллар йўлйўл бўлиб жойлашган бўлади.

д). Директив текструктура - минераллари маълум йўналиш бўйича жойлашган бўлади. Бундай текстуралар интрузив ва эффузив жинсларда учрайди. Трахитли текструктура ҳам шунга яқин. е). Флюидал текстура. Бу атама тўлиқ кристалланмаган жинслар учун ишлатилади ва бошқа текстуралар.

АДАБИЁТЛАР 1. Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7.Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча-ўзбекча изоҳли луғат. Т. «Ўзбекистон» 1995.

O'xshashlar

Магматик тоғ жинсларнинг ётиш шакллари

Магматик тоғ жинсларнинг минералогик таркиби

Нордон магматик жинслар

Petrografiya (петрология) фанининг ривожланиш тарихи

Тоғ жинслари