Магматик тоғ жинсларнинг ётиш шакллари - Geologiya - Referatlar

Магматик тоғ жинсларнинг ётиш шакллари

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Магматик тоғ жинсларнинг ётиш шакллари Режа: 1. Интрузив тоғ жинсларнинг ётиш шакллари 2. Мослашган (конкордант) интрузив жинслар 3. Вулкан жинсларнинг ётиш шакллари

Магматик тоғ жинсларни таснифлашда уларнинг ётиш шакллари, атрофдаги тоғ жинслар билан муносабати катта аҳамиятга эга. Улар қандай чуқурликда пайдо бўлишлигига қараб абиссал (катта чуқурликда), гипабиссал (ўрта чуқурликда) ва вулканик жинслар гуруҳларига бўлинади. Магматик жинслар таснифида энг содда ва энг қулай тасниф Дэли таснифи ҳисобланади. Аввалам Дэли магматик жинсларни интрузив ва эффузив (экструзив) ётиш шаклларига ажратади. Интрузив ва вулканик тоғ жинсларига бўлинишда одатда уларнинг морфологияси ва атрофдаги тоғ жинсларнинг структурасига муносабати асос қилиб олинган. Интрузив тоғ жинсларнинг ётиш шакллари Дэли, интрузив жинсларни икки гуруҳга ажратади: конкордант (атроф жинслар ётиш элементлари билан мослашган) ва дискордант (атроф жинслар қатламларини кесиб ўтувчи, улар билан мослашмаган) интрузив жинслар. Номос (дискордант) интрузив жинслар Дайка (шотландча девор, тўсиқ сўзидан олинган). - ўзига хос геологик шаклдаги катта гуруҳ, у тектоник ёриқларни магматик жинслар билан тўлдириш йўлида ҳосил бўлади (Абдуллаев, 1954- 1957 гг.); - бир-бирига параллел тик ёки қия деворлари билан чегараланган ва атроф жинсларни кесиб ўтган магматик жисм шакли (Дэли, 1936 ва бошқалар). Дайкаларнинг оддий, мураккаб, тирсаксимон, ҳалқасимон турлари мавжуд (Абдуллаев, 1957 й.). Дайкаларнинг қалинлиги бир неча сантиметрдан 1000-1500 метргача, баъзан 712 кмгача, узунлиги эса бирнеча юз метрдан юзлаб километргача етади. Масалан, Зимбабведаги (Жанубий Родезия) Улуғ дайканинг қалинлиги 7-12 км , узунлиги 530 км.

Ўрта Осиёда турли дайкалар Чотқол-+урама тоғ тизмаларида, ғарбий Ўзбекистонда кенг тарқалган. Типик дайкалар ер ёриқ ғовакларини магма билан нисбатан пассив равишда тўлдиришидан ҳосил бўлади. Бошқа пайтларда магманинг фаоллигига ёки тектоник шароитнинг нотинчлигига қараб ёриқдаги интрузиянинг дастлабки шакли мураккаблашади. Томирли жинслар . Шакли дайкага ўхшаб кетади, лекин улар кичиклиги ва нотўғри, линзасимон шакллари билан фарқ қилади. Ер томир жинслари нисбатан ингичка, пластинкасимон кўринишдаги интрузив шакл, одатда улар ёндош жинсларни кесиб ўтади. Ер томир жинслар қалинлиги бир неча миллиметрдан бир неча метргача бўлади. Некк (инглизча - бўйин, бўғиз сўзидан олинган). У цилиндрик, планда думалоқ, эллипсоид шаклда бўлади. Некк деворлари одатда тик ёки бироз энгашкан бўлади. Некк вулкан бўғизининг лава ва пирокластик жинслар билан тўлиши натижасида вужудга келади. Кўпинча некклар геологик емирилишлар натижасида Ер юзига чиқиб қолади. Некклар диаметри бир неча метрдан километргача етади. Шток (немисча таёқ, ҳасса сўзидан олинган). Ернинг чуқур қисмида ҳосил бўлиб вертикал ҳолатда атроф жинсларни кесиб ўтган, кўндаланг кесими изометрик шаклда бўлган, катта интрузив жисмдир. Шток шаклида турли таркибдаги тоғ жинслар учраши мумкин. Унинг умумий майдони 200 км 2 ошмаслиги керак. Батолит (юнонча - чуқурлик, тош сўзидан олинган). Улкан, нотўғри шаклдаги контакти тик, вертикал қалинлиги жуда катта бўлган интрузив жисм. Илгари батолитларни магма ўчоғи билан бевосита боғланиб турган тубсиз интрузив деб ташмин қилганлар. Ҳозирги вақтда батолит деб асосан гранитоидлардан ташкил топган, бурмаланган вилоятлардаги чўкинди жинслар қатламларидаги антиклинориясининг ядро қисмида жойлашган жуда катта интрузив жисмни аташади. Геофизик маълумотларга асосланиб батолит тубли интрузив эканлиги аниқланди. Уларнинг қалинлиги 10 км дан ошмайди. Масалан: Уралда 4-5 км га тенг, Нурота ва Ҳисорда 6-7 км.

Батолитларнинг майдони бир неча юз ва минглаб километр квадрат билан ўлчанади. Масалан: Аляскадаги батолитни кўрсатиш мумкин. Унинг майдони 200000 км 2 тенг. Апофизалар томир шаклида асосий интрузиядан шаҳобчалар каби ажралиб чиққан интрузиядир. Апофизаларнинг асосий интрузиялар билан боғлиқлиги яққол кўриниб туради. Мослашган (конкордант) интрузив жинслар Мослашган интрузияларга силл, лополит, этмолит, лакколит, бисмолит, хонолит, акмолит, факолит ва мигматит плутонлари киради. Силлар (инглизча - остона, дўнг сўзидан олинган). Силлар қатлам шаклида горизонтал ёки қиялама ётади. У атроф тоғ жинслари билан мослашган равишда текис параллел контактлари билан ажралиб туради. Силлар магманинг чўкинди жинслар табақаланиш текислиги бўйлаб оқиб қуйилиб қотишидан ҳосил бўлади. Силлар оддий ва мураккаб, бир фазали ёки кўп фазали бўлади. Кўпинча силлар асос таркибдаги тоғ жинслардан ташкил топган, лекин дифференциация натижасида нордон ва бошқа таркибдаги жинслар ҳам ҳосил бўлади. Лополитлар (юнонча - товоқ сўзидан олинган) - товоқ шаклидаги интрузив жисм. Лополитлар келиб чиқиши ва ундаги жинсларни таркибига кўра силларга яқин. Фарқи лополитларнинг ўрта қисмининг юзи ботиқ бўлиб жуда катта товоқни эслатади. Лополитлар қалинлигининг диаметрига нисбати 1:10 ни ташкил қилади. Унинг ости қисмида магма келиб турадиган канали бўлади. Лополитлар платформаларнинг синклинал депрессияларида жойлашган. Магма келиб турадиган каналининг жойланишига қараб лополитлар симметрик, носимметрик шаклларга эга бўлади. Лополитлар энг катта интрузив жисмлар қаторига киради. Уларнинг майдони 30000 км 2 га (Сёдбери) ва ундан каттароқ бўлиши мумкин. Лопполитлар асос ва ўтаасос

тоғ жинслардан ташкил топган, жуда кам миқдорда нордон жинслар бўлади. Масалан: гранофирлар (Бушвельд лополити). Лакколитлар - унча катта бўлмаган, лекин баъзи бир худудлар учун геологик аҳамияти катта бўлган интрузив. Лакколитлар ясси, думалоқ, қўзи- қорин шаклидаги гипабиссал интрузив. Уларнинг туби горизонтал, шипи эса кўтарилган бўлади. Лакколитлар тузилишига кўра симметрик ва носимметрик (ассиметрик) шаклларда мавжуд. Симметрик хилида магма кўтарилиб оқиб чиқувчи канали лакколит асосининг марказида жойлашган, қанотлари бир хил бурчак остида энкайган бўлади, носимметрик лакколитларда эса магма билан таъминловчи канал лакколит асосининг бир томонига сурилган ва қанотлари эса ҳар хил бурчакда энкайган . Бисмолитлар лакколитларнинг ўзгарган шакли (модификацияси) ҳисобланади, уларнинг устки қисми магманинг таъсири натижасида юқорига кўтарилган бўлади. Гарполит (юнонча - ўроқ, тош сўзидан олинган). Акмолит - пичоқ шаклига эга бўлган, атроф жинсларга нисбатан тик жойлашган интрузив шакл. Ханолит (юнонча - қуйилган шакл, тош). Ҳар хил бўшлиқларга магма кириб тўлиб қолишидан ҳосил бўлган интрузив. Сфенолит (понага, клинга ўхшаган интрузив жисм). Факолитлар (юнонча - ўроқ, линза, тош сўзидан олинган). Антиклинал ва синклинал бурмаларининг ядро қисмида жойлашган линзасимон интрузив жисм. Факолитлар оз миқдордаги магманинг ер пўстига сингиб кириб атроф тоғ жинслар билан бирга пластик ҳаракатга учраши натижасида вужудга келади. Шундай усулда илдизсиз факолит кўринишидаги интрузивлар ҳосил бўлади. Факолит ишғол қилган майдон бир неча минг квадрат километрга тенг. Масалан: Антил оролларидаги факолитнинг майдони 12 минг км 2 етади.

Вулкан жинсларнинг ётиш шакллари Вулкан тоғ жинсларининг ётиш шакллари вулканларининг отилиш ҳилларига ва таркибига боғлиқ. Отилиш характерига кўра вулканик жинслар иккита асосий гуруҳга бўлинади: 1. Ёриқлардан суюқ лаванинг оқиб (отилиб) чиқиб қотишидан ҳосил бўлади. 2. Марказдан отилиш усулида вужудга келади. +опламалар ёпишқоқлиги кам бўлган лаваларнинг ёриқлардан оқиб чиқиб нисбатан текис бўлган ер юзини ёки сув ҳавзаларининг тагини эгаллашдан ҳосил бўлади. +опламалар асосан базальт ёки андезит- базальтлардан ташкил топган. Морфологик жиҳатдан қопламалар платоларни ҳосил қилади. Улар изометрик ёки қисман оқим томон чўзилган бўлади. Тупламаларнинг қалинлиги унча катта эмас, ўртача 6-30 метрга яқин. Кўпинча лаваларнинг қайта оқиб чиқиши натижасида уларнинг қалинлиги бир неча юз метрга етиши мумкин. Энг катта қопламалардан: Лаки вулкани - 565 км 2 , Декан ясси тоғи - 375 минг км 2 , Сибир платоси 270 минг км 2 майдонни эгаллайди. Оқимлар қалинлиги унча катта бўлмаган, бўйига чўзилган, тил кўринишидаги эффузив жинслар шаклидир. Оқимлар базальт таркибидаги лаваларнинг ёриқлардан чиқиб Ернинг нотекис, паст-баланд жойларига оқиб қотишидан ҳосил бўлади. Улар марказдан отилган вулканлардан ҳам ҳосил бўлиши мумкин. Оқимлар Гавай оролларида, Камчаткада, Везувий вулкан районларида маълум. Ундан ташқари океан тупларидаги нотекис жойларида оқиб қотишидан ҳам ҳосил бўлади. Эндоген вулканик гумбазлар оқими ҳар хил морфологияси - игна, чўққилар ва шунга ўхшаш шакллар ёпишқоқ лаванинг кратердан аста секин кўтарилишидан ҳосил бўлади. Бунга мисол қилиб Мартиники оролидаги Мон-Пеле вулканик чўққини (игнани) кўрсатиш мумкин.

АДАБИЁТЛАР 1. Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7.Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча-ўзбекча изоҳли луғат. Т. «Ўзбекистон» 1995.

O'xshashlar

Магматик тоғ жинсларнинг структурали

Магматик тоғ жинсларнинг минералогик таркиби

Магматизм

Тоғ жинслари

Геологик жараёнлар ва уларнинг ер пустини ривожлантиришдаги ахамияти