Эндоген конларнинг ҳосил бўлиш жараёнлари (Магматик пегматит ва карбонатит) - Geologiya - Referatlar

Эндоген конларнинг ҳосил бўлиш жараёнлари (Магматик пегматит ва карбонатит)

Yuklangan vaqt:

20.09.2019

Ko'chirishlar soni:

0

Hajmi:

2185.5 KB

Ko'chirib olish

Эндоген конларнинг ҳосил бўлиш жараёнлари (Магматик пегматит ва карбонатит) Эндоген конлар ер бағрида бўлиб ўтадиган мураккаб жароёнлар маҳсули бўлиб, уларга магма деб аталувчи, ернинг чуқур қисмларидан кўтарилиб чиқадиган ўтли, суюқ ҳамир-симон модданинг шаклланиши билан боғлиқ. Магма ўз холатига кўра кўпроқ қотишма бўлиб, тоғ жинслари ҳосил қилувчи алюминий, темир, кальций, магний, калий, натрий, кремний, кислород, водород элементларидан ташқари, турли фойдали қазилмаларга , ҳар хил газ ва ўта иссик буғ: Н, ОН, НҒ, H 2 S, HCl, CO,CO 2 , B, S, F ларга бой бўлади. Магма ер қабиғининг устки қисмларига кўтарилиб келаётган пайтда катта босим остида аста-секин совийди ва турли шаклдаги тоғ жинсларини хосил қилади. Баъзан эса қотаётган магманинг атрофидаги жинсларга таъсири кучли бўлиб, улар эриб, магманинг таркибини сезиларли даражада ўзгартириши (ассимиляция)га олиб келади. Магманинг қотиши ва кейинги шаклланиши давомида рудали қазилмалар ўзларини турлича тутади. Асос ва ўта асос магманинг кристалланиб габбро, дунит, перидотит каби тоғ жинслари ҳосил бўлаётган жароёнда рудали минераллар ҳам шаклланиб м а г м а т и к конларни хосил қилади. Минералланинг тўпламлари шу тоғ жинсларининг ичида ёки яқин атрофида жойлашган бўлади. Нордон интрузив жинслардан гранит, гранодиоритлар шакилланиш жароёнида магма очакларида енгил-учувчан бирикмаларга бой бўлган қолдиқ эритма-қотишмалар пайдо бўлиб, п е г м а т и т деб аталувчи томирсимон конлар ҳосил қилади. Кейинги йиллар давомида фойдали қазилма конларининг янги тури к а р б о н а т и т аниқланди. Улар ўта асосий-ишқорий жинсларнинг шаклланиш жароёнида ҳосил бўлади. Магма қотаётган вақтда ёки ундан тоғ жинслари ҳосил бўлгандан сўнг магма манбаидан газ холидаги қайноқ эритмалар ажралиб, атрофдаги тоғ

жинсларига таъсир этиши оқибатида янги конлар вужудга келади. Масалан, ер бағридан кўтарилаб қотаётган магма ўз атрофидаги тоғ жинсларига кимёвий ва физикавий таъсир этади. Сўнгра бу жароёнга ўзидан ажралиб чиқаётган юқорида баён этилган эритмалар келиб қўшилади. Натижада, нордон магматик жинслар гранит, гранодиоритлар билан оҳактош, доломит каби карбонат жинсларнинг туташган ерларида с к а р н конлар ҳосил бўлади. Агар газ симон ва сув холатидаги эритмалар нордон ва ўрта жинсларнинг орасига тарқалиб, юқори ҳароратда уларни таркибидаги минералларни ўзгартириб юборса альбитит - грейзен деб аталувчи конлар ҳосил бўлади. Магматоген конларнинг охирги бўғими г и д р о т е р м а л конлар бўлиб, улар табиатда жуда кенг тарқалган. Бу конлар магма фаолиятининг сўнгги этапларида ажраладиган рудали элементларга сероб бўлган иссиқ сувли эритмаларнинг юқорига кўтарилиб, кичик ва ўрта чуқурликларда турли туман жинслар орасида янги минераллар ҳосил қилишдан пайдо бўлади. Сўнгги даврларда бу серия янги - келгандан конлар (гидратермал- метасаматик, гидротермал-чўкинди ва уларнинг аралашган турлари) группаси ҳам киритилмокда. Фойдали қазилмаларга бой магманинг дифференция-ланиши жароёнларида, ўта асосий, асосий ва ишқорли қотиш-малардан ҳосил бўлган конлар м а г м а т и к конлар деб аталади. Бу конларда титан-магнетит, апатит-магнетит, мис-никель, хромит рудалари, платиноидлар, олтин, олмос, кобальт, ванадий, сийрак ер элементлари, графит каби фойдали қазилмаларнинг йирик запаслари маълум. Магматик конлар 1300 о -1500 о дан ҳам ортиқ ҳароратда, юзлаб атмосфера босим остида сезиларли чуқурликда шаклланиб юқорида айтиб ўтилган тоғ жинсларнинг орасида учрашлиги билан ҳарактерланади. Демак, бу хил конларнинг ва уларни ўраб турган тоғ жинсларнинг ҳосил бўлиши магманинг ер бағридан кўтарилиб чиқиб қотиш жараёни билан чамбарчас боғлиқ..

Кўпинча магматик конларни ўзида жойлаштирувчи тоғ жинслари габбро, норит, пироксенит, дунит каби асосий ва ўта асосий жинслар бўлиб, бу жинсларнинг маълум турлари билан аниқ фойдали қазилмалар боғланган бўлади. Жумладан, асосий жинсларнинг – габбро, норит, анортозит хиллари билан титан, ванадий, мис-никель, кобальт, конлари фазовий ва генетик боғланса, дунит, перидотит, пироксенит каби ўта-асосий жинслар билан платина, хромит, олмос конлари бирга учрайди. Кўпчилик магматик конлар жойлашган массивларнинг йўл-йўл тузилиши (яъни дифференциялашган отқинди жинс-лардан тузилиши) эътиборни жалб қилади. Бу хол асосий жинсларда темир группа металларининг юқори миқдорда ва кремнезёмнинг кам бўлиши билан боғлиқ бўлиб, натижада бундай тоғ жинсларини ҳосил қилувчи магманинг қайишқоқлиги кам, лекин енгил ҳаракатчан бўлишига, яъни унинг дифферен-цияланишига сабаб бўлади. Магманинг сиаль ва фемик қисим-ларга бўлиниш жараёнига рудаларнинг суюлиш температура-сини камайтирувчи ва бирикмаларнининг ҳаракатланишини яхшиловчи турли учувчи компонентлар (H 2 O, Cl, B, F, P)нинг ҳам маълум таъсири бўлади. Бўлиниш натижасида магма эритмасида илгари кристалланиб олган минераллар пастга чўкади, енгиллари эса юқорига кўтарилади, яъни магматик жинсларнинг оч рангли енгил минераллари устки ва қорамтир оғирлари пастки зоналарда жойлашади. Бундай дифференцияланиш даражаси ҳар хил бўлиб, айрим районларда, масалан, Уралдаги интрузив массивларида зонадан зонага ўтиш сезиларсиз бўлса, бошқа ерларда кескин фарқланувчан бўлиши мумкин. Она жинсларни ташкил қилган массивларнинг шакллари лакколит, силла, моноклиналь бўлиб, чўкинди ва метаморфик жинсларни ёриб чиққан, баъзан уларни орасида монан ётган бўлади. Ўлчамлари ҳам турлича бўлади. Масалан, Уралдаги Качканар интрузивини кўриниб турган майдон 100 кв.км.дан ошиқ. Магматик конларнинг ўрганишда рус геологлари М.Годлевский, А.Заварицкий, В.Соболев, Г.Соколов, чет эл олимларидан И.Фонн, П.Вагнер

ва бошқалар муносиб ҳисса қўшдилар. Бу тадқиқотчиларнинг олиб борган ишларига кўра магматик конлар турли йўллар билан ҳосил бўлишлиги аниқланган. 1) Эрта магматик конлар Магманинг кристалланиш дифференцацияси вақтида хромит, платина, олмос, лопарит, монацит, циркон каби сийрак ер минераллари биринчи бўлиб ёки тоғ жинслари ҳосил қилувчи олвин, пироксен минераллари билан бир вақтда ҳосил бўлиш хусусиятларига эгадир. Бу минераллар солиштирма оғирликдари юқори бўлганликлари учун аста-секин қота бошлаган магманинг силикатли қисми остига чўкиб йиғилади ёки ҳосил бўлаётган жинс орасига тарқалади. Ана шундай йўл билан ҳосил бўлган конлар э р т а м а г м а т и к конлар деб аталади. Бу конларнинг ҳосил бўлиш температураси ва босими магматик конлар ичида энг юқори бўлади . Масалан олмос каби қазилмалар ер бағридан юзлаб километр чуқурликда пайдо бўлишлиги мумкин. Эрта магматик конларнинг ўзига хос хусусиятлари – руда гавдаларининг уя, линза, плита, олмос конларида эса труба шаклларидан ташқари кўпинча ноаниқ бўлишлиги, руда билан жинс орасида сезиларли чегара бўлмаслигидир. Рудаларни кўздан кечирсак рудали минералларнинг аниқ формалилиги ва уларни кейин ажралган тоғ жинслари ҳосил қилувчи минераллар ўраб, яъни «цементлар» турганини кўрамиз. Эрта магматик шароитда ҳосил бўлган хромит, перидотит, титан- магматитли руда гавдалари габбро, графит тўплам-лари эса ишқорли жинслар бағрида ётади. Олмос эса ўта-асосий жинсларнинг ўзига хос хили- кимберлит ичида жойлашади. Фойдали қазилма рудаларда алоҳида дона (хол)лар шаклида, баъзан томчига ўхшаш шлир кўринишда жойланиб, фойдали компонентларнинг миқдори катта бўлмайди. Шу типга кирувчи хромит конларида Cr 2 O 3 нинг миқдори 10-20% ва айрим холларда 30-40%гача

бориши мумкин. олмос конларидаги қииматли кристаллар перидотит жинсларнинг 0,00004-0,0009%нигина ташкил қилади. Эрта магматик конлар группасига Жанубий Африкадаги хромит ва платинали машҳур Бушвельд кони, Улардаги Ключевск хромит кони, Африка қитъасининг жанубидаги Кимберли, Ёқутистондаги олмос конлари киради. Уларнинг айримлари билан танишамиз. Жанубий Африканинг Трансвааль ўлкасидаги Бушвельд кони эрта магматик шароитда ҳосил бўлган хромит ва айниқса платинанинг кўплаб тўпланган жойларидан бири. Бу конга хос хусусиятлардан бири рудали интрузивнинг нисбатан тинч тектоник шароитда вужудга келишидир. Шунинг учун бу интрузивларнинг тоғ жинслари бир-бирларини кесмай, қават-қавтат бўлиб жойлашади. Рудали тоғ жинс ҳосил қилиши жароёнлари билан боғлиқ бўлганлиги учун, хосил бўлган руда гавдалари ҳам тоғ жинслари орасида текис ётади. Одатда сорти, кристаллографик кўриниши, ранги, ўлчам-лари турлича бўлган олмос кристаллари ёки синиқлари бутун кимберлит бўйлаб нотекис тарқалиб оливин, диопсид, гранат каби минераллар билан биргаликда учрайди. 5-расм.“Мир” кимберлит трубкасининг схематик геологик картаси ва қ ир қ ими.

1-элювиаль-делювиал қатлам; 2-сариқ рангли ўзгарган кимберлит; 3- байрангли ўзгарган кимберлит; 4- қора байранг кам ўзгарган кимберлит; 5- карбонат жинслар. Баъзан эса бу минералларни олмоснинг ичида ҳам учратиш мумкин. Бу эса олмоснинг кимберлитни ҳосил қилувчи минераллар билан олдинма- кейин ҳосил бўлганлигини кўрса-тади. Бу ва бошқа олмосли трубкаларни ҳар тарафлама ўрганиш олмос устида олиб борилаётган эксперимент натижалари қаттиқлик султони олмос конларни жуда катта босим ва чуқурликда кимберлитли магманинг «портлаб» кўтарилганлиги ва шаклланиши натижасида ҳосил бўлишлигини кўрсатмоқда. 2) Кеч магматик конлар Магма кристалланиш жароёнининг охирларига келиб, ундаги учувчи бирикмалар миқдорининг ортиши туфайли жинс ҳосил қилувчи минераллар кристалланади. Рудали минераллар эса йиғилиб, қолдиқ рудали қотишмаларни вужудга келтиради. Улар эса ўз навбатида ташқи ва ички кучлар, масалан, тектоник ҳаракатларнинг кучайиши ёки ички газ кучланишининг ортиши туфайли силжиши ва қотиб бўлаётган интрузив гавдаларидаги ёриқларни тўлдириши мумкин. Шу усул билан кеч магматик конлар вужудга келади. Бу конлардаги рудани кўздан кечирсак руда эмас минераллар биринчи, рудали минераллар эса иккинчи навбатда ҳосил бўлганини кўрамиз. Эрта магматик конлардан фарқли ўлароқ, бу ерда рудали минераллар кўпинча «цемент» ролини ўйнайди. Бу тоифадаги конларда рудали минераллардан хромит ва платиноидлар перидотит билан, титано- магнетит ва ильменит габбро-дунит билан, апатит, магнетит, нефелин, сийрак ер элементлари эса ишқорий жинслар билан генетик боғланган бўлади. Кечки магматик конлар қолдиқ рудали қотишмаларнинг она жинслардаги ёриқларида шаклланиши сабабли, руда гавдаларининг асосий шакллари томир ва линзасимон бўлади. Шток, уя каби рудалар йиғилган жойлар кўп

учрайди. Руда гавдаларининг узунлиги 400-800 метргача борса, апатит- нефелин линзалари бир-неча километргача етади. Қалинлиги эса ўнлаб метрлар билан ўлчанади. Руда гавдалари билан ўз ичига олган жинсларнинг туташ чегараси кескин бўлади. Рудалар массив, баъзан эса холдор текстурани ташкил қилади. Фойдали компонентларнинг миқдори юқори бўлади. Масалан, юқори сортли хром рудасида Cr 2 O 5 нингмиқдори 45 %дан ортиқ бўлиб, 35-40 % хром оксиди бўлган рудалар паст сортли ҳисобланади. Кечки магматик конлар қора (Fe, Cr, Ti), легирловчи (V), асл (Pt) металлар, фосфор, алюминий олишда муҳим аҳамиятга эга. Таърифлаётган конларнинг хромитли (Кемпирсой, Сарановск) ва платинали хиллари Уралда ва Жанубий Африкада жойлашган. Титаномагнетит ва ильменит конлари эса Урал (Кусинск, Первоуральск, Качканар)дан ташқари тоғли Шория, Саян тоғларида учрайди. Апатит-магнетитли конлар Швецияда (Кирунавара), апатит-нефелинли конлар эса Кольск ярим ороли (Хибир)да топилган.. Кечки магматик конларга мисол тариқасида Уралдаги Кемпирсой хром конини (6-расм) ва Качканар темир конини кўриб чиқиш мумкин . 6-расм.Кемпирсой хромит кони участкаларидан бирининг кундаланг қ иркими (Н.В. Павлов ва И.И.Чупринина б ў йича). 1-гарпбургит; 2-пироксинли дунит; 3-дунит; 4-хромит рудаси. Ушбу жинсларнинг барчаси серпентизация процессига учраган. Руда минераллари хромшпинелидлар, хромдиопсид, хромактинолит, магнетит, гематит, сульфидлардан иборат. Руда гавдалари табақа,

линзасимон бўлиб, узунлиги 800 метр, қалинлиги ўнлаб метрга етади. Рудалар тарқоқ ва зич (туташган) ҳолда учрайди. Иккинчи ҳусусият П.М.Татаринов таъкидлаганидек, рудадан кейинги тектониканинг интенсив ривожланганлиги билан ифодаланади. Оқибатда, кўпгина руда гавдалари ёриқлар билан қайта-қайта сурилиб, блокларга бўлиниб кетган. Ўзбекистонда соф магматик конлари маълум эмас. Аммо И.Х.Ҳамробоев, Р.Назироваларнинг Султан-Увас тоғларида олиб борган илмий тадқиқот ишлари оқибатида шу худуддаги офиалит зоналаридаги (Кахрали-Сой) габброидлари ва Жамон-Сой интрузиви габбро-диоритлари таркибида хром бирикмалари крокоит, беллит минералларини топилиши ва кейинчалик бу далиллар В.Баранов томонидан худуднинг бошқа участкаларида ҳам аниқланиши. И.М.Голованов ва Э.Алиевлар Чаткал тоғи-нинг ғарбий қисмидаги (Шавас-Белятау) сойларидаги габбро массивларида катталиги нўхат доналари ва ундан ҳам катта шаклда пирит, пирротин ва халькопирит уяларининг мав-жудлиги ҳақидаги маълумотлари келажакда республикамизнинг шимолий ва шимолий-шарқий худудларида соф магматик кон-ларни топилиши этимоли борлигидан далолат беради. Кейинги ўн-ўнбеш йиллар давомида Р.Т.Юсупов ва А.Головколар томонидан Чаткал тоғи (Қўшмонсой)да, марказий Қизил-Қумнинг Букантау тоғларидаги вулканик трубкаларини ўрганиши оқибатида Республикамизда ҳам олмос конлари мавжудлигини исботлади. Бу конларда аниқланган олмос доналари майда ва анча сифатсиз бўлишига қарамай, бу намуналар келажакда Букантау, Чаткал тоғларида ката захираларга эга бўлган олмос конлар топилиши мумкинлигидан далолат беради. 3) ликвацион конлар Учинчи ҳил магматик конлар магманинг совиши жароёнида, бири бирига аралашмайдиган сульфидли ва силикатли қисмларга ажралиши оқибатида, рудали қисмнинг қотиши натижасида ҳосил бўлади. Бу конлар шундай икки қисмга ажралиши, яъни ликвация туфайли пайдо бўлганликлари учун

ликвацион кон деб юритилади. Магманинг бундай қисмларга ажралиш сабаблари кўпчилик олим ва мутахасислар: Н.Фогт, П.Рамдор, М.Годлевский, А.Бетехтин, В.Смирнов ва бошқа томонидан ўрганилган. В.Смирнов бўйича ликвация магмадаги олтингугуртнинг тўпланиши, темир, магний, кремний ва суюқ силикатли магманинг таркибида халькофиль элемент-ларнинг бўлиши сабаб. Масалан, силикатли магмада темир бўлса, у сульфидларнинг эришини оширади. Магма қотаёт-ганида темир миқдорининг камайиб бориши эса сульфидли қотишмаларни ажралишига ва бир ерга йиғилиб қолишига олиб келади. Баъзан эса бундай ажралиш ён жинсларнинг магмага таъсири (яъни ассимеляция) туфайли ҳам бўлиши мумкин. Чунки магманинг силикатли ва сульфидли қисмларга бўлиниши тажрибалар асосида ҳам текширилган. Жумладан, Я.И.Ольшанский 1947- 1950 йилларда олиб борган экспери-менталь ишлари 1500 ва ундан ортиқ ҳароратларда, маълум миқдордаги минерализаторларнинг иштироки туфайли, сульфидлар магмада эрувчан бўлишлигини, температуранинг пасайиши сульфидларнинг эрувчанлигини камайишига ва сўнгра уларни силикатли қисмлардан ажралиб кетишини исботлади. Ликвация жароёнининг бошида сульфидли моддалар майда томчиларга ажралади. Улар эса ўз навбатида бошқа томчиларга ўхшаш формадаги сульфидлар билан бирлашиб, аста-секин оғирликлари туфайли пастга қараб туша бошлайди. Сульфид томчилари силикат қисмининг минераллари билан бирга кристалланиб, сингенетик рудаларни ҳосил қилади. Уя, линза, йўл-йўл ётқизиқлар кўринишидаги руда гавдалари липолит шаклидаги кучли дифференцияланган интрузивларнинг тагида жойлашади. Баъзан эса сульфидли қотишмалар қотиб бўлган интрузивдаги турли тектоник ҳаракатлар туфайли пайдо бўлган ёриқларда шаклланади. Айрим ерларда сульфидли қотишмалар интрузивдан ташқарида, масалан, вулканоген жинслар орасида жойланиши ҳам мумкин (Садбери, Норильск). Шунинг учун ҳам, эпигенетик руда деб аталувчи руда гавдалари кесувчи томир кўринишда бўлади. Сингенетик рудалар холланган бўлиб, ўзини ўраб

турган жинслар билан чегараси сезилмайди. Иккинчи рудалар массив текстурага эга бўлиб, ўз атрофидаги жинслар билан кескин чегараланади. Ликвацион конлар асосий жинс вакиллари – габбро, габбро-норит, перидотит, оливинли диабаз билан генетик боғланга-лиги ва рудалари мисс ва никель минералларидан ташкил топганлиги билан бошқа конлардан кескин фарқланади. Шунинг учун бу конлар геологик адабиётларда мисс- никельли конлар деб юритилади. Рудалар, асосан, пирротин, халькопирит, пентландит ва турли миқдордаги магнетит, кубанит, миллерит каби бирикмалардан ташкил топган. Рудаларда платина, олтин ва кобальт ҳам учрайди. Айрим кон рудаларида ,7-1,46 % никель, ,8-1,9 % мисс,,12 % кобальт бўлади (Садбери). Никель ва миснинг нисбати 1:1, 2:1 ёки 1:2 бўлса, никельни кобальтга нисбати 20:1 дан 40:1 ни ташкил қилади. Ликвацион конлар группасига Красноярск ўлкасидаги Норильск, Тальнах, Кольск ярим оролидаги Монче-Тундра, Канададаги Садбери ва Жанубий Африкадаги Инсизва конлари киради. Булардан энг йириклари Канададаги Садбери конидир. Бу кон овал шаклидаги ёлғон стратификацияланган, мураккаб дифференциялашган интрузивга бириккан. Интрузивнинг юқори қавати оливинли норит, пастки қисми эса норитдан тузилган бўлиб, сульфидли мисс-никель минераллари норитнинг остида йиғилган. Пегматит конлар Магматик жараённинг охириги этапларида учувчи компо-нентларга бой бўлган қолдиқ қотишмаларининг шаклланишидан ҳосил бўладиган бирикмалар п е г м а т и т деб юритилади.Пегматитлардан нодир металлар – бериллий, литий, ниобий, тантал, цирконий, қалай, сийрак элементлар – рубидий, цезий, графнийдан тортиб, қиммат тошлар: зумрад, сапфир, берилл, топаз ва руда эмас хом ашёлар – мусковит, дала шпати, кварц, корунд кабилар қазиб олинмади.

Струк тура Боски ч Магматик жинс фармацияси Пегматит типи Тарқалиш даражасиГеосинк линар Эрта Ўрта Кеч Ўрта асосий ва асосий плагиогранит сиенит гранодиорит. Гранит кичик интрузивлар Асосий Ишкорий Гранит Гранит Гранит Жуда кам кам кам жуда кўп тарқалган кам П латфор ма - - - Гранит Асосий Ишқорий Гранит Асосий Ишқорий кам кам кенг тарқалган Кўпчилик пегматитлар юқори температурада (А.Е.Ферсман бўйича 700–400 С интервалда), бир неча минг атмосфера босим остида ва сезиларли чуқурликда (А.Гинзбург бўйича 2–7 км.) бўлиб ўтадиган магматик жараённинг махсулидир. Пегматитлар интрузив жинслар билан чамбарчас боғланган бўлиб, улардан ўлчамларининг кичиклиги, шаклларининг томир ва уясимон, ички тузилиши, тоғ жинси ҳосил қилувчи минералларнинг катталиги, учувчан бирикмали минералларнинг бўлишлиги билан ажралади. Табиатда энг кўп тарқалган пегматитлар нордон магматик жинслар билан боғлиқ бўлиб, гранит пегматитлари деб ном олган. Ишқорий, асосий ва ўта асосий жинс пегматитлари эса камдан - кам учрайди. (3 - жадвал). Гранит пегматитлари

Гранит пегматитлари нордон жинсли массивларнинг ичида хосил бўлганлиги учун, уларнинг минералогик таркиби она жинслар – гранит, гранодиоритникига тўғри келади. Бу пегматитларнинг асосий қисми кварц, дала шпати ва слюдадан тузилади. Пегматит қотишмаларида H 2 O, HCI, HF, H 3 BO 3 , H 3 PO 4 каби учувчан компонентларнинг кўпайиши, нодир ва сийрак элементларнинг йиғилиши туфайли, шундай компонент ва элементлардан тузилган янги минераллар пайдо бўлиб, улар пегматитларда акцессор қўшимчалар сифатида учрайди. Бу минераллар группасига мусковит, топаз, турмалин, берилл, литий липидолит, сподумен, сийрак ер элементли – ортит, циркон, монацит, колумбит, танталит, самарскит, уранитит ва бошқалар киради. Пегматитларни она жинслардан ажратиб турадиган белгилардан бири минералларнинг йирик кристалланишидир. Гранит, пегматитларнинг таркиби, она жинсларнинг таркибига боғлиқ.. Агар пегматит ҳосил қилувчи қотишма-эритмалар она жинси гранит ёки таркиби гранитга яқин гранит- гнейс, кристалли сланец жинслари орасида шаклланса, бу ҳолда гранитнинг таркибига мос келадиган т о з а ч и з и қ л и п е г- м а т и т л а р вужудга келади. Пегматит ҳосил қилувчи қотишма эритма-гранитдан фарқланувчи тоғ жинслари бўлса, ч а л к а ш ч и з и қ л и п е г м а т и т л а р ҳосил бўлади. Гранит пегматитлари таркиблари ва ички тузилишларига кўра оддий (дифференцияланмаган) ва мураккаб (дифферен-цияланган) пегматитларга бўлинади. Оддий пегматитлар дала шпатлари ва кварцдан тузилса, мураккаблари турли минераллардан ташкил топади ва кўпинча зональ тузиллишга эга бўлади. Пегматитлар ўзлари ҳосил бўладиган манбага қараб, иккига бўлинади. (А.И.Гинзбург, 1952), сингенетик ва эпигенетик. Сингенетик ёки шлир пегматитлар қолдиқ-пегматит ҳосил қилувчи қотишмаларнинг йиғилган жойини ўзида шаклланишидан ҳосил бўлади. Тинч теконик шароитда вужудга келувчи томчи, овал шаклларидаги контактлари сезиларсиз бундай

пегматитлар она жинснинг бағрида учрайди. Эпигенетик пегматитлар тектоник шароитга қараб она жинснинг орасида ёки чўкинди-метаморфик жинслар ичида томир шаклида учрайди. Томирларнинг контакти кескин бўлади. Мураккаб (дифференцияланган) пегматитлар шу группага киради. Пегматит конларини ўрганиш борасида А.Е.Ферсман катта ишлар қилган. Ўрта Осиё пегматитларини ҳар тарафлама ўрганишда Ҳ.М. Абдуллаев, Қ.Л.Бобоев, Ҳ.Н.Боймуҳаммедов, С.М.Бобожумаев, Н.К.Джамолитдинов, И.Х.Ҳамробоев ва бошқаларнинг ҳизматлари катта. Оддий (керамик) пегматит конлари Оддий пегматитлар, кўпчилик тадқиқотчиларнинг таъкидлашича, пегматит ҳосил қилувчи қолдиқ қотишмаларнинг шаклланиши туфайли ҳосил бўлиб, кимёвий-минералогик тар-киби ўз бағрига олган она жинсларнинг таркибига тўғри келади. Масалан, оддий гранит-пегматитлар калий-натрийли дала шпатлари ва кварцдан иборат бўлади. Оз миқдорда слюда, турмалин, гранат учраши мумкин бу пегматитларда гранит ё ки «хатли гранит» структураси кўпроқ бўлади. Пегматит гавдалари ва ўлчамлари турлича овал, линзасимон – чўзилган, томчисимон – шлир шаклида бўлиб, она жинслар (гранит, гранодиорит, лейкократ гранит)дан тузилган массивларнинг тепа қисмида ётади. Оддий пегматитлардан кварц ва дала шпатлари ажратиб олиниб, керамика (чини сопол) саноатида ишлатилади. Бу ҳил пегматитларга Жанубий Нурота тоғининг Оқ тоғ даласи пегматитлари мисол бўла олади ( 9 -расм) .

9-расм.Микроклин формациясига кирувчи пегматитнинг морфологияси ва ички тузилиши(П.Т.Азимов буйича). 1-биотитли гранодиорит; 2-“ёзувли” пегматит; 3-блокли микроклин зонаси; 4-блокли кварц зонаси; 5-тектоник бузилиш; 6-геологик қирқим чизиқлари. Бу пегматитлар кўпинча лейкократ гранити, аплит-пегматит жинсларининг дайкаларига, уларнинг биотит гранити билан контакт зоналарига бирикади. Минералогик таркиби микроклин, кварц; баъзан биотит, альбит, мусковитдан иборат. Акцессор минераллар гранат, апатит, циркон, монотит, сфен, ильменорутил, берилл, блометрандин, нитроортит ва бошқалар ҳам учраб туришлиги массивнинг Nb , Ta , TR каби элементларга махсуслашганлигини кўрсатади (П.Азимов). Пегматит гавдаларининг шакллари линза, томир, ноаниқ кўринишда бўлиб, қалинлиги бир неча сантиметрдан 10 – 20 мертга, узунлиги эса 300 метргача боради. Н.К.Жамолитдинов ва бошқа геологлар бўйича, бу керамик пегматитлар гранит ва аплитрарга қолдиқ қотишма (эритма)лар таъсир этиши туфайли ҳосил бўлган. Қайта кристалланган пегматит конлари. Бу пегматитлар пегматит ҳосил қилувчи бирикмалар таркибида тўғри келадиган таркибли иссиқ газ – сув эритмаларни таъсир остида дастлабки моддаларнинг қайта кристалланишидан ҳосил бўлади. Натижада дастлабки майда донадор (пегматит) жинслар қайта кристалланиб, турли донадор, йирик ва улкан кристалланган структураларга эга бўлади. Минералогик таркибида эса кварц, дала шпати ва дала шпатининг бузулишидан ҳосил бўладиган мусковит минераллари бўлади. Текстурани хилма-хил бўлиб, тўғри, тескари зонал, полизонал, ассиметрик - зонал бўлиши мумкин. Пегматит гавдаларининг ўлчовлари ўзгарувчан бўлиб, энг узун гавдалари бир – неча юз метр, хатто 5-6 км.га,

қалинлиги эса ўнлаб метрга етиши мумкин. Улар тўғри қатламси мон, томир, линзасимон ётқизиқ, шток, труба ва тарамланиб кетган гавдалар кўринишида учрайди. Уларнинг ички тузилиши турли – туман, кўпроқ дифференцияланган зонал бўлади. Қайта кристалланган пегматитларнинг кўпчилиги архей ва протерозой даврила ҳосил бўлиб, қадимги платфрма, щитлардаги кристаллли сланец, гнейс, амфиболит, баъзан гранит жинслари орасида учрайди. Қайта кристалланган пегматитлардан мусковит, дала шпати ва комплекс хомашё (кварц – дала шпати) олинмоқда. Мусковитли пегматитлар Сибирьнинг Мамск райони, Карелия, Кольск ярим оролида топилган. Қолган фойдали қазилмалар эса юқорида айтиб ўтилган жойлардан ташқари Украина ва Уралда олинмоқда. Мусковитли пегматитлар ривожланган районлардан бири Сибирдаги Мамск-Чуйск районидир (11-расм). Бу районнинг пегматит майдонлари кембрий метаморфик жинслар орасида жойлашган. Метаморфик қатлам пастдан юқорига мамск, кадликанск, бодайбинск кичик серияларга бўлинади. Демак, бу ҳил пегматитларга кварц ва мусковит ўрин алмашиниши ҳарактерли бўлиб, альбит ва альбитизация жуда оз ривожланади. Пегматитларнинг асосий минераллари – кварц, плагиоклаз, микроклин, мусковит, биотитдир. Баъзан, альбит, апатит, турмалин, магнетит, гематит, гранат, дистен, хлорит, серицит учрайди. Пегматит гавдалари ётиқ қатламларга монанд линза ва штоксимон ётқизиқлар, кесувчи томир кўринишда бўлиб, ўлчамлари турлича бўлади. Метасоматик (ўрин алмашиш) пегматит конлари Бундай пегматитлар қайта кристалланиш ва метаморфик ўрин алмашиш жараёнлари натижасида ҳосил бўлади. Юқорида баён қилинган иккинчи ҳил пегматитлар ҳосил бўлишида қайта кристалланиш жараёни асосий роль ўйнаса, бу пегматитлар мураккаб ўрин алмашиш натижасидир. Иккинчи томондан қайта кристалланган пегматитларда калийли метасоматоз бош

бўлса, бу пегматитлар пайдо бўлишида натрийли метасоматоз муҳим аҳамиятга эга. Шунинг учун ҳам альбитизация, грейзенизация каби ўзгариш ҳамда зонал тузилиши метасоматик ўрин алмашиш пегматитларнинг асосий ҳусусиятларидан бири. Зоналар сони 8-11 тагача етади. Бундай пегматитларнинг минералогик таркиби турлича бўлади. Масалан, микроклин-альбитли пегматитларда 100га яқин минерал турларини учратиш мумкин. Улар ичида кварц, микроклин ва альбит бош минераллар б ўлиб, мусковит, қора турмалин, биотит, гранатлар эса иккинчи даражали ҳисобланади. Нодир металли минераллар сафига эса танталит – колумбит, берилл, сподумен, лепидолит, касситерит ва бошқалар нодир минераллар қаторига киради. Метасоматик ўрин алмашиш пегматитлари қайта кристал-ланган пегматитларга нисбатан кенг тарқалган бўлиб, асосан протерозоидан кейинги даврда ҳосил бўлган. Бу пегматитлардан ҳозирги вақтда тоғ ҳрустали, қимматбаҳо тошлар (топаз, берилл, турмалин, гранат), берилли ва литий, баъзан қалай, вольфрам, уран, торий, нодир ва сийрак ер элементларининг минераллари олинмоқда. Десилицир пегматит конлари Агар пегматит ҳосил қилувчи қотишма - эритма таркибига мос келмайдиган жинслар орасида қота бошласа, у ҳолда юқорида кўриб ўтган пегматитлардан катта фарқланувчи пегматитлар ҳосил бўлади. Бунда пегматит ҳосил қилувчи қотишма - эритма ўзидаги айрим бирикмаларини бериб, ўзида йўқ ёки кам компанентларни эса ўзлаштириб олади. Бу жараён қотишма - эритма билан асосий ва ўта асосий, карбонат жинслар орасида интенсив ўтади. Десилицирлашган пегматитларнинг ҳарактерли хусусият-ларидан бири уларнинг зонал тузилишидир (10-расм). Пегматит гавдаларининг маркази линза, зона кўринишдаги плагиоклаз-итдан тузилади. Оз миқдорда эса апатит, флюорит, турмалин, зумрад, берилл минераллари учрайди. Айрим

томирларда плагиоклазит билан бирга кичик қалинликдаги кварц линзалари бўлади. П лагиоклазит зонасини икала томонидан флогопит (биотит) зонаси ўраб туради. Бу зонанинг асосини флогопит ташкил қилиб, зумрад, берилл, апатит, флюорит, турмалин, актинолит каби иккинчи даражали минераллар ҳам учрайди. 10-расм.Десилицир пегматит гавдаларидан бирининг тузилиши (К.А.Власов буйича). 1-плагиоклазит; 2-флогопит зонаси; 3-тальк зонаси; 4-тальк- доломитлижинс; 5-метаморфлашган дунит. Хлоритдан иборат зона ҳам кўпчилик пегматит гавда - ларида учраб, унинг таркибида финокит, хризоберилл, алексан - дрит, флюорит учрайди. Оҳ ирги зона талькдан иборат бўлиб жуда оз миқдорда хлорит, флогопит, актинолит, доломит, магнетит минераллари учрайди. Шуни таъкидламоқ зарурки, бу умумий ажратилган зоналарнинг ҳаммаси бир ерда ривожланган бўлишлиги қийин. Баъзан бирор зона тушиб қолиши ёки аралашган ҳолда келиши мумкин. К арбонатит конлар Ўта асосий-ишқорий интрузивлар билан фазовий ва генетик боғланган кальцит, доломит каби карбонатларнинг эндоген тўплами к а р б о н а т и т л а р деб аталади (В.И.Смирнов, 1965). Уларда необий, тантал, пикроний каби нодир металлар, сийрак ер элементлари, темир, титан, фосфор, флогопит, вермикулитнинг йирик запаслари учрайди. Кейинги йилларда эса

карбонатитли конларда уран, торий, мисс, молибден, флюорит, асбестнинг йирик тўпламлари аниқланган. Баъзан карбонатитлар оҳак олиш учун ҳам ишлатилади. Карбонатитларнинг ҳосил бўлиш температураси А.А.Кухаренко бўйича 600-800 даражадан 150-100 даражагача боради. Карбонптит гавдалари ер юзасига яқин масофада етади. Лекин айрим массивларда (Гуллинск, Ально) эса рудалар 1500-2000 метр чуқурликда ҳам давом этади. Шунга кўра В.И.Смирнов таъкидлаганидек, карбонатит ҳосил бўлиш жараёни ўзгариб турувчи турли босим остида ўтади. Карбонатитларнинг асосини (80-99 %) карбонат минераллар ташкил қилади. Уларнинг ичида энг кўп тарқалгани кальцит бўлиб, айрим ерларда доломит, анкерит ва сидерит учрайди. Қолган минераллар акцессор бўлиб, жами 70 дан ортиб кетади. Улар ичида муҳимлари флогопит, апатит ниобий ва танталли пирохлор, дизаналит, гатчетоллит, цирконийли бадделенит, ниобоцирконолит, церийва бошқа сийрак ер элементли паразит, баснезит, синхизит ва бошқалардир. Юқорида айтиб ўтганимиздек, карбонатитлар ўтаасосий – ишқорий таркибли мураккаб интрузив массивлврида учрайди. Хозирги вақтда шундай массивлар ўрганилган бўлиб, уларнинг кўпчилиги Жанубий Африканинг Буюк Африка ёриқлари зонасида, қолганлари эса Россияда, Ўзбекистонда (Шовозсой), Швеция, ГРФ, Канада, АҚШ, бразилияда жойлашган. Ўта асосий – ишқорий жинсларнинг массивлари мураккаб тузилган бўлиб, бир неча босқичда пайдо бўлади (Л.Егоров, Т.Гольдбурт, А.И.гинзбург, Е.М.Эйнштейн) чиқаётган магманинг таркиби ўта асосий (перидотит- дунит)дан ишқорий – ўтаасосий (пироксенит, перидотит, мелтейгит)га, ўтаасосий – ишқорий (ийолит, мельтегит) дан ишқорий (ишқорий ва нефелинли сиенит) гача ўзгаради. Биринчи босқичда оливинит, дунит, перидотит каби ўтаасосий жинсларда тузилган ёриқ интрузивлари ҳосил бўлади. Уларда титаномагнетит, перовскит, платиноидлар акцессор минераллари миқдорида учрайди. Иккинчи босқичда пироксенит, биотитли

перидотит, мельтейгит жинслари ҳосил бўлиб, титано-магнетит, апатит каби акцессор минераллари билан учрайди. Учинчи босқичда ийолит, мельтейгит каби ўтаасосий – ишқорий жинслар ва улар ичида перовскит-апатит, сфен кабилар пайдо бўлади. Тўртинчи босқичда нефелинсиенитлари, граносиенитлар ҳосил бўлади. Ҳамма босқичда жинсларнинг контакт зоналарида метаморфик жароёнлар содир бўлиб натижада серпентинизация, биотизация, флогопитизациядан тортиб, целолитизация каби ўнлаб ўзгарган жинслар ва улардан иборат зоналар вужудга келади. Айтишича карбонатитлар 4 босқичда ҳосил бўлади: 1. биринчи босқич–эрта кальцитли карбонацитлар бос-қичи булиб, улар асосан, кальцит (30–70 %), авгитдиопсит ёки форстерит (20–50 %), биотит ёки темирли флогопит (5–20 %), апатит (3–20 %) ва магнетит (1–10 %) дан тузилган. Перовскит группасига кирувчи дизаналит ва кальциртит босқичдаги асосий акцессор минераллардир. 2. кальцитли карбонатитлар босқичидаги минераллар деярли юқоридаги босқичдагидек бўлиб, тўқ рангли минераллар-нинг камайиши (10–30 %), авгитдиохид ва биотитни ўрнига диопсит ва флогопитнинг пайдо бўлиши ва пирохлор, гатчеттолит, апатит каби саноат аҳамиятига эга рудали минералларнинг бўлиши билан ҳарактерланади. 3. кечки кальцит ва доломитли карбонатитлар ўз таркибларининг мураккабланганлиги, карбонат минераллари-нинг сони ошиқлиги ва фойдали қазилмаларни турли – туман бўлишлиги билан ажралиб туради. Аввалги босқичдаги минераллар бўйича ўрин алмашиш жароёнлари ҳам кучаяди. Бу босқичдаги карбонититлар амфибол – кальцит, амфибол – доломит, флогопит – доломит ва доломитли карбонацитлардир. Нодир металли минералнинг асосаий пирохлор бўлиб, баъзан эшинит, линдокит, ферсманит, цикрон ҳам учрайди. 4. кечки доломит ва анкеритли кабонатитларда карбонат минералларнинг умумий миқдори жуда кўп (85–95 %) бўлиб, асосан

доломит, анкерит, баъзан сидеритдан тузилган бўлади. Бу босқичда типик гидротермаль минераллардан флюорит, пирит, галенит, молебденит, сфалерит, барит пайдо бўлади. Нодир металли минераллардан колумбит, пирохлор сийрак ер элементли минераллардан баснезит, паризит, бербанкит ривожланади. Бу босқичлардан сўнг ҳам э ндоген фаолият давом этади. Карбонатитдан кейинги бу босқичда кальцит – эпидот – альбит, кальцит – эпидотли томирлар ҳосил бўлиб, улар билан бир флюорит, гематит, крокидолит учрайди. Карбонатит ҳосил қилувчи ўтаасосий-ишқорлий массивлар шаклланиш шароит-ларига кўра иккига бўлинади 1. «Очиқ» массивларда ўтаасосий-ишқорли магманинг маҳсулотлари ер юзига (отилиб) чиққан бўлади. Тоғ жинслари вулкан плутоник ҳарактерга эга. Бу расмана вулкан бўлиб, бўғзида эффузив, интрузив жинслар ва карбонатитлар жойлашади. Бу хил массивларда карбонатит гавдалари вулкан бўғзининг юқори қисмида жойлашиб, пасига тушган сари, ўлчамлари кичрайиб боради. Иккинчи томондан эса чуқурликнинг ошиши билан ишқорий жинслар камая бориб, ўта асосий (гипербазит) жинсларнинг миқдори эса ортиб боради. (1 1 -расм). 11-расм.“Очик”(а) ва “ёпик”(б) карбонатитлар конларининг вертикал тузилиш схемаси (А.И.Гинзбург ва Е.М.Эпштен буйича).

1-карбонатитлар; 2-вулкан буғизидагижинс; 3-утаасосий-ишкорий эффузивва унинг турлари; 4-ишкорий ва нефенлинли сиенит; 5-ийолит- милтейгит; 6-гипербазит. 2. «Ёпиқ» ёки «кўринмас» массивлар ер юзасига етиб чиқмасдан шаклланган бўлиб, карбонатит гавдалари ер юзидан пстга тушган сари катталашиб боради12-расм. 12-расм.Ўтаасосий-ишқорий массивлардаги тўғри (а) ва тескари гаризонтал зоналликни кўриниши (А.И.Гинзбург ва Е.М.Эпштен бўйича). 1- карбонатитлар; 2-форстерит-магнетит апатит жинс; 3-силикатли метасоматитлар; 4-сиенит; 5-ийолит-мельтейгит; 6-гипербазит. 4 Маъруза: Магмадан кейинги конлар (скарн, албит грейзн) Скарн жинсларининг ва улар билан боғлиқ бўлган кўпгина металлик фойдали қазилма конларининг пайдо бўлишлари таркиби ҳар хил бўлган пневматолит суюқликларни – карбонат (оҳактош) ва силикатли (гранит) жинслари билан бўлган муносабатлари (реакциялари) натижасидир. Скарнлар ўзларининг пайдо бўлиш даврига ва қандай оҳактош жинслари билан боғлиқлигига қараб икки гурухга ажратилади: 1. Магнезиал скарн конлари

2. Оҳакли скарн конлари Бу гурухлар хосил булишида метасаматоз процесси ката роль уйнайди. Бу постмагматик жароён билан боғлиқ бўлиб, магматик жинсларининг, ҳоли қотишга улгурмаган ва «ўчоғ» деб аталувчи қисмларидан кўтарилувчи баланд ҳарорат ва босимга эга бўлган постмагматик суюқликлар турли кимёвий элементлар ўта кимёвий активлик билан атрофидаги тоғ жинсларига таъсир кўрсатиш йўли билан ҳосил бўлади. Демак М е т а с о м а т о з - тоғ жинс ларида, постмагматик суюқликларнинг кимёвий таъсирида рўй берувчи чуқур ўзгариш. Бу ўзгаришлар тоғ жинс ларининг минералларини ўзгартириб-гина қолмай, балки уларнинг кимёвий таркиби ва структура - текстура тузилишларини ҳам кескин ўзгартириб юбориши мумкин. Бу икки ҳил йўл билан содир бўлади: 1. Т оғ жинс ини ташкил этувчи минерал моддаларига суюқликларнинг таъсир этиши туфайли эриш ва ўша суюқлик-лардан ҳосил бўлган минерал уюшмалари билан тоғ жинс и ўз таркибини ўзгартираётганига қарамай, доимо қаттиқ холатини сақлайди; 2. Ходисалар натижасида жинсларнинг таркиби ўзгарса ҳам (бир жинс ўрнига иккинчиси пайдо бўлади) уларнинг ҳажми ўзгармайди. Агар постмагматик суюқликлар икки хил (бири-бирига кимёвий тарафдан яқин бўлмаган) жинслар орасида ҳаракат этиб, улар орасида кескин метасоматик ўзгаришларни вужудга келтирса, ундай метасоматозни к о н т а к т (ч е г а р а) метасоматози деб атаймиз. Бундай ҳодиса кўпинча постмаг-матик суюқликлари ажратаётган гранит массивларини оҳак-тошлар билан бўлган чегара зонасида кузатилади ва скарнлар-нинг пайдо бўлишига олиб келади. С к а р н пайдо бўлиши учун биринчидан баланд ҳароратга ва босимга эга бўлган, аввало пневматолит (флюид) холатидан аста секин гидротермал эритмаларга ўтувчи, турли жинсий компонентлар (SiO 2 , TiO 2 , Al 2 O 3 , P 2 O 5 , CaO, FeO, MgO, O 2 , Na 2 O, K 2 O, S, CO 2 , H 2 O)га ва металлар (W, Mo, Fe, Mn, Cu, Pb, Zn, Au, B) элементларга бой бўлган постмагматик эритмалари мавжуд

бўлиши керак бўлса, иккинчидан шу эритмаларни ўз бағридан ажралиб чиқаётган магматик жинс (гранит, гранодиорит) массивларини оҳактош (оҳактош, доломит, мергель ва бошқа) қатламлари билан билан контакти бўлиши зарур. Сўнгра шу икки хил бир бирларига кимёвий жиҳатдан мос келмайдиган (гранит ва оҳактош) жинс-лар чегарасида ҳаракат этувчи (юқорида айтилган) мураккаб таркибли ва кимёвий активликка эга бўлган постмагматик суюқликлари турли кескин метасоматик ўзгаришлар ҳосил бўлишига олиб келадики, натижада оҳактош скарнлари ҳосил бўлади. 14.1. МАГНЕЗИАЛ СКАРНЛАР Магнезиал скарнларнинг пайдо бўлишлиги нордон ва деярли нордон магманинг ҳаракати, уларнинг магнезиал ёки доломитли оҳактош жинслари қатламларини ёриб ўтиш жароё-нида ундаги баъзибир эритмаларнинг доломит оҳактошлари билан кимёвий реакцияга кириш натижасида ҳосил бўлади. Бу бир неча даврдан иборат: М а г м а т и к д а в р ёки м а г м а т и к э т а п бўлиб, бу магнезиал скарнлари деярли аҳамиятга эга эмас. Бунинг сабаби шуки, бу даврнинг скарнлари магмадан ўтиб кетувчи тоза (стериль) суюқликлари билан боғлиқ . Айрим вақтда форстерит-кальцифирит зонасида 4-10% миқдорда магнетит учрашлиги мумкин бўлса ҳам бу миқдорда учрайдиган темир минераллари саноат аҳамиятига эга бўла олмайди. Магнезиал скарнларни постмагматик даврдаги фойдали қазилмалари оҳактош скарнларидан деярли фарқ қилмайдилар. 14.2. ОҲАКЛИ СКАРН КОНЛАРИ Скарн ҳосил бўлишида энг актив иштирок этувчи жинслар оҳактош ва мергеллар ҳисобланади. Геохимик реакциялари жароёнида оҳактошлардан скарнлар учун энг керак бўлган CaO компоненти олинса, улар билан чегарадош бўлган магматик (гранит) жинслардан асосан SiO 2 ва Al 2 O 3 компонентлари олинади. Оҳактош жинслардан олинувчи бу 3 компонент (SiO 2 , TiO 2 , CaO) жинслари кимёвий парчаланиши вақтида, бошқа компонентлар (CO 2 , K 2 O, Na 2 O)га ўхшаб, постмагматик суюқ-ликларга

қўшилиб эриб кетмасдан, шу жойни ўзида скарн ҳосил қилувчи реакцияларда қатнашади. Уларни Д.С.Коржинский инерт компонентлари деб атайди. Аксинча, постмагматик суюқликлари билан боғлиқ бўлган ва атрофидаги жинслардан эритилиб олинган бошқа компонентлар ўзаро аралашиб ўз жойларидан силжиб кетади. Бу компонентлар с и л ж у в ч а н «подвижный» компонентлари деб аталади. Уларнинг таркибида H 2 O , CO 2 , S, K 2 O, Na 2 O , O 2 , MgO, FeO ва бошқалардан иборат бўлиб, скарн ва скарнлардан сўнг рудаланиш жароёнида ҳам актив иштирок этади. Айрим шароитларда инерт компонентлари «силжувчи» ҳолатга ва «силжувчи» компонентлар эса инерт холатига ҳам ўтишлари мумкин. Умуман, бу элементлар инертлиги билан эмас, балки турли даражадаги силжиш хусусиятлари билан ажралиб турадилар. Табиатда атроф жинслардан олинувчи инерт ва суюқликлар билан келувчи силжиқ компонентларнинг бир-бирлари билан кимёвий реакцияга киришлари н а т и ж а с и д а с к а р н ж и н с л а р и пайдо бўлади. Уларнинг минерал таркиби реакцияга кирувчи элементларнинг кўп-озлигига (ҳисобига) қараб ҳар хил бўлади ва қуйидагича номланади: пироксенли, гранатли ва волластанит скарнлар. Шу йўл билан ташкил топган скарн жинслари б и м е т о с о м а т и к с к а р н л а р деб аталади. Биметасоматик скарнлар ҳосил бўлиш шароитига кўра икки турга ажратилади: оҳактош лар ҳособига пайдо бўлган скарнларни э к з о (ташқи), гранитоидлар ҳисобига пайдо бўлганларини э н д о (ички) скарнлар деб аталади. Бу икки турдаги скарнлар орасида инфильтрацион – метасоматик скарнлар ҳам ҳосил бўлади. Масалан, Чоруҳ–Дайрон инфильтрацион скарнлари гранит массивларининг бағрида жойлашган. Скарнлар ва улар ичидаги рудаларни ҳар тарафлама ўрганишга Ҳ.М.Абдуллаев, В.А.Жариков, Д.С.Коржинский, Л.Н.Овчинников, Л.И.Шабинин ва бошқалар муносиб ҳисса қўшдилар. Скарн жинслари билан кўпинча турли металлик фойдали қазилмалар боғлиқ бўлади. Шу ўринда биз вольфрам, молибден, мис,

қўрғошин, руҳ, олтин, темир, қалай ва баъзи нодир металлар айтиб ўтишимиз кифоя. Акад. Ҳ.М.Абдуллаевнинг тадқиқотларига қараганда, скарн ва улар билан боғлиқ бўлган рудаларнинг пайдо бўлиш жараёнлари 4 стадияларда бўлиб ўтади. 1. Скарнларнинг пайдо бўлиш стадияси. Бу стадия давомида скарн ҳосил қилувчи минераллар ҳосил бўлади. 2. Кварц руда стадияси. Бу стадия давомида скарн жинслари ўзгаради, кам миқдорда рудалар ҳосил бўлади. Бу жароён метасоматик усулда юз беради. Шу даврда скарнларда эпидотланиш, скаполитланиш, кварцланиш ва шунга ўхшаш баланд температурали ўзгаришлар содир бўлади. Шу ўзгаришлар натижасида, суюқликлар даги юқори температурали турли элементларнинг оксидларидан иборат бўлган руда минераллари скарнларга жойлашади. Масалан, шеелит, магнетит, гематит, касситерит, людвигит ва бошқалар. 3. Кварц ва сульфидлар стадияси. Бу стадия давомида маъданлар ташкил этувчи суюқликлар ни босими ва иссиқлик-лари пасайиб, йўқолиб, улар ўрта температура холатларига яқинлашади ва улардан турли сульфидлар (халькопирит, арсенопирит, молибденит, галенит, сфалерит, пирит, пирротин, висмутин ва бошқалар) ажралиб, скарнларга ўрнашади. Шу даврдаги скарнларнинг ўзгаришларидан хлоритланиш, серпентинланиш, претитланиш, кварцланиш ва бошқа метасоматик жароёнлар содир бўлади. 4. Кварц ва карбонатлар стадияси. Бу стадияда суюқ - ликлар энг паст температура ва босимга эга бўлиб, кимёвий активликларини йўқотади, оқибатдакварц ва кальцит томирларини ташкил этишлари мумкин. Оз миқдорда руда минераллари (пирит, анкерит, ошарит каби) ҳам ҳосил бўлади. Шунинг учун бу стадия – рудасиз стадия деб ҳам аталади. Ингичка кон Ғарбий Ўзбекистоннинг Зирабулоқ тоғларни жанубий- шарқий қисмида жойлашган бўлиб, шелитли скарнлар формациясисига киради.

Бу коннинг геологик тузилиши қуйи силлур ва девон даврида юзага келган сланец, роговик, оҳактош ва уланрни ёриб чиққан гранодиорит, гранит жинслари иштирок этади. 16-расм.Ингичка скарн кони кесувчи руда гавдаларининг тузилиши (Н.К.Жамолитдинов буйича). 1-йиғинди жинс; 2-гранит; 3-мармар; 4-скарн руда гавдаси. Рудали минераллар магнетит, гематит ва турли темир ва мис сульфидларидан ташкил топган. Магнетит ва гематит саноат рудаларини ташкил этувчи минераллар бўлиб, сульфидлар деярли аҳамиятга эга бўлмай, йўлдош минераллар сифатида учрайди. Булардан ташқари, чўкинди ва магматик жинсларини кесиш, дайка шаклларига лейкократ гранитлари ҳам учрайди. Рудали скарнлар гранодиорит ва лейкократ гранитларининг оҳактошлар билан бўлган контактида ҳосил бўлган. Улар асосан табақа, линза, тармоқ ва туташ шаклларида бўлиб, геденбергит, салит, гранат, амфибол, везувиан, волластонит ва бошқа скарн минералларидан ташкил топган. Сўнгги стадиялардаги гидротермал ўзгаришлари натижасида оҳак скарнлар кварцлаши брудали минераллардан саноат аҳамиятига эга бўлган шеелитдан ташқари, молибденит, пирит, халькопирит, пирротин ва бошқалар ҳосил бўлган.

А льбитли ва грейзен конлари Бу икки ҳил конларнинг бир группага киришининг асосий сабаблари. Улар битта геологик жароён оқибатида кетма-кет ҳосил бўлишлигидир. Альбитит конларида учрайдиган фойдали қазилма ва минераллар қаторига цирконий, ниобий, тантал, торий, грейзенларда эса бериллий, литий, қалай, вольфрам, флюорит, топаз ва бошқалар киради. Буларнинг ҳосил бўлишида нафақат ишқорий метасоматоз жароёнигина балки маълум даражада бу элементларнинг миқдори она жинслар таркибида юқори бўлганлиги ҳам сабаб. Бу группага кирувчи конлар Қозоғистонда, Байкол йўли атрофида, Узоқ Шарқда, Шарқий Сибирда, Ўзбекистонда ва узоқ хориждан - Кичик Осиё, Индонезия, Хитой, Марказий ва Ғарбий Африка давлатларида маълум. Альбититли конлар геологик нуқтайи назардан аввалам бор бурмаларнинг оҳирги ва кейинги ривожланиш стадияларида, қадимий щит ва платформаларни активлашган қисмларида кўп тарқалган расмона биотитли гранитлар, ишқорий ва ўта нордон гранитлар баъзан эса нефилинли сиенитлар таркибида учрайди. Ёши жихатдан бу конлар кембрий даврларидан тортиб, мезо-кайнозой даврларигача ҳосил бўлади. Структурасида интрузивларнинг юқоридан қоплаб турган чўкинди тоғ жинсларининг қатламлари, физикавий-кимёвий ҳусусиятлари, бурмалари, ёриқлар алоҳида ўрин олади. Бу группа конларининг ҳосил бўлиш жароёни қуйидагича содир бўлади ( 17 - расм). 17-расм.Альбититли ва грейзен конларининг ҳосил бўлиши жароёнини идиаллаштирилган кўриниши.

Шартли белгилари. 1-оддий микрокилинли гранит; 2-альбитлашган гранит; 3-грейзен ҳосил бўлиш қисми; 4-ёриқлар ва элементлар (Be,Nb,K,Na) миқдорининг ўзгариш йўналиши. Альбититли конлари ҳосил бўлишига қараб, кўпроқ пегматит ва скарн конлари билан ёнма-ён содир бўлади. Грейзен конлари юқорида айтганимиздек, бу конлар магматик плутоник тоғ жинсларининг юқори қисмларида ёки улар атрофида алюмосиликат ёки карбонатли жинслар билан қўшилган контакт ва шу атрофлардаги ёриқларда калийлик эритмалар метасоматоз йўли билан таъсири оқибатида ҳосил бўлади (18-расм) 18-расм Альбититли ва г рейзен конларининг идиаллаштирилган зонал схемаси (Г.Шербо). Шартли белгилари; 1-Грейзенлашаган тоғ-жинси; 2-грейзен; 3-пегматит; 4-скарн; 5-кварц томирлари штокверк; 6-грейзенларнинг юқори чегараси. Бу жароён ҳар хил тоғ жинсларида турлича содир бўлади, жумладан, таркиби алюмосиликатли жинсларда горизонтал бўйлаб ўзгарган (грейзенлашган): гранит – мусковит-кальцитли грейзен – кварцли грейзен – топаз-кварцли, соф топазли ва турмалинли грейзенлар. Ўтаасосий ва асосий тоғ жинсларида: ўзгарган амфиболит (серпертирит) – маргарит-флогопит зонаси – кварц-плагиоклаз зонаси – кварц- мусковит зонаси – актинолит-флогопит зоналари; оҳактош тоғ жинсларида: мраморлашган оҳактош -- слюда-флюоритли зона – топаз-флюоритли зона –

микроклин (турмалин) - флюоритли зона – сульфид-кварц- флюоритли зона (18-расм). Ўзбекистонда альбититли грейзен конлар гурухига чаткол тогининг шимолий кисмида жойлашган Баркрак ва Кундил- угали ригионал дарзликлар зонасидаги Саргардон конлари киради. Бу конлар асосан берилл- литий феюорли формация туркумидан булиб, кушимча равишда улар таркибига куп метал, ниобия тантал ва сиерак ер элементларининг менераллари ҳам учрайди. Саргардон кони – геологик тузилишида девон ва куйи карвон охактош қатламлари ва шуларни ёриб чиққан аляскитлар (Р-Т) иштирок этади. Кесмадаги шакли тўнтарилган стаканга ўхшайди. (18-расм). Конни асосий генетик хусусияти гранит магмасининг шакилланишида оҳактош қатламлари ва интрузив марказидаги дарзликларда ҳар-хил Ф.К. элементларига (F,Be,Li) бой флюидларни чўкиши (кансервация жараёни) оқибатида мадан – магматик системаларини хосил бўлиши. Бунда интрузивнинг экзокантак қсмида (300 м.) чунки қатламлар билан флюорит ва береллга бой магнезиал – хондрадит - форстеритли скарнлар хосил бўлади. 19 -расм. Саргардон альбитит-грейзен конининг соддалаштирилган схемаси. Шартли белгилар. 1-қуйи карбон ёшидаги охактош ётқизиқлари; 2- Саргардон гранити; 3-Флюорит-сподумен-слюдали метасоматозлар; 4-

Кварцлашган охактош ётқизиқлари; 5-Кварц-топаз-альбит-циннивальдитли грейзен; 6-L-ли апагранитлар. Бу скарнларда кушимча элементларнинг (W, Bi, Sn, Mo, Cu, Pb) минералларда ҳам маълум. Марказда кварц-далашпати-касситерит- вольфрамит ва сульфидларга бой томирсимон греизенлар хосил бўлади. Бунда қуйдаги зонал ўзгариш аниқланган: греизенлашган пироксенли скарн- кварц-далашпати-флюридли греизен ва греизенлашган оҳактош зонаси. Бу зоналардаги Ф.Қ.лар асосан фтор, берелли ва магний элементларининг менералларидан иборат. Коннинг умумий қалинлиги 250-300м. ни ташкил қилади. Барқироқ кони ҳам кўп жиҳатдан Саргардон конига ўхшаш булиб, фақат майдонларининг микдорининг анча кўплиги билан фарқ қилади. (19 -расм .)

АДАБИЁТЛАР 1. Бетехтин А.Г., Голиков А.С. Курс месторождения полезных ископаемых. Издательство «Недра», 1964 г. 2. Дорохин И.В., Богачева Е.Н. и др. Месторождения полезных ископаемых и их разведка. Издательство «Недра», 1969 г. 3. Вахромеев С.А., Антипин В.Н. и др. Краткий курс месторождений полезных ископаемых. Издательство «Высшая школа», 1967 г. 4. Смирнов В.И. Геология полезных ископаемых. Издательство «Недра», 1969 г. 5. Татаринов П.М.,Карякин А.Е., и др. курс месторождений твёрдых полезных ископаемых. Издательство «Недра», 1975 г. 6. Геология полезных ископаемых Узбекистана. Издательство «Фан», 1998 г. Ташкент. Университет. 7. Рудные местораждения Узбекистана. Издательство «Фан», 2002 Ташкент. ИМР

O'xshashlar

Фойдали қазилма конларининг таснифлаш усуллари

Экзаген конларнинг ҳосил бўлиши нураш жараёнлари

Тоғ жинслари

Гидротермал конлар

Минераллар хакида асосий маълумотлар