Суюқ муҳитларни аралаштириш - Geologiya - Referatlar

Суюқ муҳитларни аралаштириш

Yuklangan vaqt:

20.09.2019

Ko'chirishlar soni:

0

Hajmi:

910.5 KB

Ko'chirib olish

Суюқ муҳитларни аралаштириш Режа: 1. Умумий тушунчалар 2. Механик усул билан аралаштириш 3. Пневматик аралаштириш 4. Аралаштиришнинг бошқа усуллари

1. УМУМИЙ ТУШУНЧАЛАР Суюқлик билан боғлиқ бўлган системалар (суюқлик-суюқлик, суюқлик-қаттиқ жисм, суюқлик-газ) даги аралаштириш энг муҳим гидромеханик жараён бўлиб, муҳитга ташқи куч таъсирида қўшимча импульс беришга асосланган. Суюқлик ёки газнинг ингичка оқими таъсирида ускуна ҳажмидаги оқувчан муҳит заррачаларини бир-бирига нисбатан кўп маротаба силжитишга асосланган жараён аралаштириш деб аталади. Суюқлик муҳитлари, пастасимон ва қаттиқ сочилувчан материалларни аралаштириш қуйидаги мақсадлар учун ишлатилади: а) қаттиқ заррачаларни суюқлик ҳажмида бир текис тарқатиш (суспензия ҳосил қилиш); б) суюқлик заррачаларини тегишли ўлчамларгача майдалаш ва уларни суюқ муҳитда бир текис тарқатиш (эмульсия ҳосил қилиш); в) газ заррачаларини суюқликда бир текис тарқ а тиш (аэрация); г) суюқликни иситиш ёки совитиш жараёнларини жадаллаштириш; д) аралашадиган системалардаги (масалан, қаттиқ материалларни суюқлик ёрдамида эритиш) модда алмашинишини жадаллаштириш. Аралаштириш пайтида чегара қатламнинг қалинлиги камаяди ва ўзаро таъсир қ иладиган фазаларни ажратувчи юза доимо янгиланиб туради. Бунда муҳитнинг турбулентлик даражаси ортиб, фазалар ўртасидаги иссиқлик ёки модда алмашиниш шарт-шароитлари яхшиланади. Оқибат натижада суюқ муҳитлар ни аралаштириш кимёвий, иссиқлик ва модда алмашиниш жараёнлари тезлигининг кўпайишига олиб келади. Суюқликларни аралаштириш мойлар, сурков материаллари, мойлаш- совитиш воситалари ва синтетик ёғ кислоталарини ишлаб чиқариш жараёнларида, нефть хом ашёсини тузсизлантиришда, углеводородларни хлорлашда, лок-бўёқларни совитишда ва бошқа бир қатор жараёнларда кенг қўлланилади. Нефть ва газни қайта ишлаш саноат корхоналарида аралаштиришнинг қуйидаги усулларидан фойдаланилади: 1) механик; 2) пневматик; 3) цирку-

ляцион; 4) турбулизатор ёрдамида. Бу усулларни танлаш пайтида бир неча шарт-шароитлар ҳисобга олинади: аралаштиришнинг мақсади; жараённинг асосий катталиклари (ҳарорат, босим); аралашадиган муҳитнинг хоссалари; ускунанинг иш унумдорлиги. Аралаштирувчи ускуналарнинг энг муҳим катталиклари қаторига самарадорлик ва жадаллаштириш даражаси киради. Ҳар хил жараёнларда аралаштириш самарадорлиги турлича бўлиши мумкин. Масалан, агар қаттиқ модданинг суюқликдаги суспензияси текширилаётган бўлса, аралаштириш самарадорлиги қаттиқ модда заррачаларининг суюқликда бир хил тарқалиш вақти билан белгиланади. Агар аралаштириш иссиқлик алмашинишини тезлатиш учун ишлатса, у ҳолда жараён самарадорлиги муҳитдаги иссиқлик бериш коэффициентининг қанчага кўпайиши билан ифода қилинади. Аралаштиришнинг жадаллаштириш даражаси вақт бирлиги ичида аралашаётган суюқлик ҳажми бирлиги ёки массаси бирлигига сарфланаётган энергия миқдори билан ўлчанади. 2. МЕХАНИК УСУЛ БИЛАН АРАЛАШТИРИШ Нефть ва газни қайта ишлаш технологияларида суюқ муҳитни аралаштириш учун турли тузилишга эга бўлган махсус аралаштирувчи ускуналар ишлатилади. Аралаштирувчилар айланма ҳаракатни (ёки мураккаброқ бўлган бошқача ҳаракатни) электр мотори ва редуктордан иборат бўлган ташқи узатма ёрдамида амалга оширади. 3.1-расмда якорли аралаштиргичнинг тузилиши берилган. Аралаштирувчилар турли хил бўлиб, шартли равишда икки тур (тез ҳаракат қилувчи ва секин ҳаракат қилувчи) га бўлинади (3.2-расм). Тез ҳаракат қилувчи ускуналар қаторига бир парракли, кўп паракли, турбинали ва пропеллерли аралаштиргичлар киритилади. Якорли, рамали, лентали ва шнекли аралаштиргичлар эса секин ҳаракат қилувчи ускуналарни ташкил этади. Парракли аралаштиргичлар бир ёки бир неча парракдан иборат бўлади. Бир парракли оддий аралаштиргичлар қовушоқлиги кичик бўлган

3.1-расм . Якорли аралаштиргичнинг тузилиши: 1-мотор-редуктор; 2-муфта; 3-зичлан-тиргич; 4-қопқоқли туйнук; 5- қопқоқ; 6-вал; 7-якорли аралаштирувчи мослама; 8-қобиқ; 9-ғилоф; 10- таянч; 11-маҳсулот чиқариш қувури. Оқимлар: I-дастлабки аралашманинг кириши; II-иссиқлик (ёки совуқлик) ташувчининг чиқиши; III-иссиқлик (ёки совуқлик) ташувчининг кириши; IV- маҳсулотнинг чиқиши. (µ<0,1 Па·с) суюқликларни аралаштириш учун ишлатилади. Қовушоқлиги катта бўлган суюқликларни аралаштириш учун кўп парракли ва махсус тайёрланган аралаштиргичлардан фойдаланилади. Чўкма ажратувчи система- ларни аралаштириш учун якорли аралаштиргичлар ишлатилади. Агар ара- лаштиргичнинг диаметрини d, унинг диаметрини D , парракнинг кенг-лигини в, ускунанинг тубидан аралаштиргичгача бўлган масофани h билан белгиласак, у ҳолда парракли аралаштиргичлар қуйидаги ўлчамларга эга бўлади: d=(0,6÷0,9)D; в=(0,1÷0,2)D; h≤0,3D. Парракли аралаштиргичлар

минутига 400 гача айланиши мумкин, одатда n=20÷80 айл/мин бўлган аралаштиргичлар кўпроқ ишлатилади. 3.2-расм. Аралаштирувчи мосламалар: а-г-тез ҳаракатланувчи; д-з-секин ҳаракатланувчи; а-парракли; б-олтита қия куракчали; в-очиқ русумли турбинали; г-пропеллерли; д-якорли; е- рамали; ж-лентали; з-шнекли. Пропеллерли аралаштиргичларнинг асосий иш органи ўққа ўрнатилган пропеллер (ёки винт) дан иборат. Ўқ горизонтал, вертикал ёки қия ўрнатилган бўлиши мумкин. Винтлар икки ёки уч қанотли бўлади. Қанотлар суюқликда худди винт каби ҳаракат қилади. Пропеллерли аралаштиргичларни ҳаракатчан ва қовушоқлиги бироз катта бўлган (µ<6 Па·с) суюқликларни аралаштириш учун ишлатиш мақсадига мувофиқдир. Бундай аралаштиргичлар муҳитларни яхши аралаштирганда катта тезлик билан айланади (айрим шароитларда n =40 айл/с гача етади). Винтли аралаштиргичлар қуйидаги катталикларга эга: d =(0,25÷0,33) D ; h =(0,5÷1) D ; n =150÷1000 айл/мин. Парракли аралаштиргичларга қараганда пропеллерли аралаштиргичларнинг самарадорлиги анча юқори, бироқ уларнинг ишлаши учун кўпроқ энергия сарфланади. Винт қия жойлаштирилса аралаштиришнинг самарадорлиги ортади. а б в г д е ж з

Турбинали аралаштиргичларнинг асосий иш органи турбина ғилдираги бўлиб, у вертикал ўққа жойлаштирилган бўлади. Турбина ғилдирагининг ишлаш принципи марказдан қочма кучларнинг таъсирига асосланган. Суюқлик аралаштиргичнинг марказий тешикчаларидан кириб, у ерда марказдан қочма кучлар таъсирида тезланиш олган ҳолда ғилдиракдан радиал йўналишда чиқиб кетади. Ғилдиракда суюқлик вертикал йўналишдан горизонтал йўналишга ўтиб, ундан катта тезлик билан чиқади. Бундай аралаштиргичлар қовушоқлиги кам ва катта бўлган (µ<500 Па·с) суюқликларни аралаштириш учун ишлатилади. Турбинали аралаштиргичлар учун d =(0,15÷0,6) D ; n =200÷2000 айл/мин. Бундай аралаштиргичларнинг самарадорлиги жуда юқори. Турбинали аралаштиргичларни таркибида ўлчами 25 мм гача бўлган заррачаларни ушлаган суюқликларни аралаштириш учун ҳам қўллаш мумкин. Аралашаётган суюқликларнинг гидродинамик режими модификация қилинган Рейнольдс мезонининг қиймати билан аниқланади: Re м =   wd =   2 nd , (3.1) б у ерда n – аралаштиргичнинг айланиш частотаси, айл/с;  – аралашаётган суюқликнинг зичлиги, кг/м 3 ; µ - аралашаётган суюқликнинг қовушоқлиги, Па·с; d – аралаштиргичнинг диаметри, м. Механик аралаштиришдаги қувват сарфи N қуйидаги критериал тенглама асосида топилади: Е u м = C Re R м , (3.2) бу ерда Е u м = 5 3d n N  = K N . (3.3) Ўлчамсиз комплек 5 3d n N  Эйлер мезони (Е u м ) ёки қувват мезони (К N ) деб аталади. Коэффициент С ва даража кўрсатгичи R нинг қийматлари тажриба йўли билан аниқланиб, аралаштиргичнинг турига, ускунанинг тузилишига ва аралаштириш жараёнининг режимига боғлиқ бўлади.

Агар ускунадаги суюқликнинг баландлиги Н унинг диаметри D га тенг бўлмаса, (3.3) тенгламаси бўйича аниқланган қувватнинг қиймати тузатиш коэффициентига кўпайтирилиши керак: f н =D H . (3.4) Аралаштирувчи ускуналарнинг асосий нормаллаштирилган русумлари учун махсус адабиётларда тажриба орқали эришилган K N ва Re М оралиғида график боғлиқлар берилган бўлади. Механик усул билан аралаштириш пайтида икки хил режим (ламинар ва турбулент) бўлиши мумкин. Ламинар (Re М <30) режим суюқлик секин тезлик билан аралаштирилганда юзага чиқади, бундай ҳолатда суюқлик аралаштиргич парракларининг атрофидан бир текисда айланиб оқади ва улар билан биргаликда айланма ҳаракат қилади. Аралаштирувчи мосламанинг тезлиги ортиши билан муҳитнинг қаршилиги кучаяди ва оқибат натижада турбулент режим пайдо бўлади (Re М >100). Турбулентлик даражаси юқори бўлганда (Re М >10 5 ) қувват мезони К N амалий жиҳатдан модификация қилинган Рейнольдс мезони Re М га боғлиқ бўлмай қолади. Бундай ҳолатни автомодел режими деб юритилади, бундай режимда энергия сарфи фақат инерцион кучлар орқали топилади. 3. ПНЕВМАТИК АРАЛАШТИРИШ Қовушоқлиги унча катта бўлмаган (тахминан µ<200 Па·с) суюқлик- ларни аралаштириш учун ҳамда донасимон материалларни сувда ювиш учун пневматик усул (ёки барботажли аралаштириш) қўлланилади. Айрим шароитларда пневматик аралаштириш учун ҳаво ўрнига сув буғи ишлатилади, бундай шароитда аралаштиришдан ташқари суюқликнинг исиши ҳам юз беради. Пневматик аралаштириш учун газ ёки буғ суюқлик таркибига соплодаги тешиклар (ёки барботёр) орқали ўтади. Бунда газ (ёки буғ) нинг ингичка оқимлари пуфакчаларга ажралиб, суюқлик массаси бўйлаб юқорига кўтарилади. Бундай шароитда ҳосил бўлган пуфакчалар ўзи билан

бирга суюқлик заррачаларини эргаштириб кетади, бундан ташқари пуфакчаларнинг ҳаракатига қарама-қарши, суюқликнинг барботаж қилинмаган қисмининг ҳаракати бошланади. Оқибат натижада суюқлик муҳитида аралаштириш юз беради. 3.3-расмда барботажли аралаштириш усули билан ишлайдиган ускуналарнинг схемалари кўрсатилган. Ушбу ускуналарнинг пастки қисмида барботер 1 ўрнатилган (3.3-расм, а). Аралаштиргичнинг пастки қисмида жойлашган барботёр ёрдамида газ ёки буғ оқими ускунанинг кўндаланг кесими бўйича бир текисда тақсимланади. Барботёр сифатида одатда тешиклари бўлган қувурлар ишлатилади. Барботёрдаги газнинг чиқиши учун мўлжалланган тешикнинг диаметри газни ускунага киритадиган коллектор диаметрига нисбатан анча кичик бўлиши керак. Бундай шароитда газ оқими барботёрдаги барча тешиклар бўйича бир текис таркалишига эришилади. Агар барботажли аралаштиргичи бўлган ускуна кимёвий реактор сифатида қўлланилса, ускуна қобиғи 2 совитиш ғилофи 3 билан жиҳозланади. 3.3-расм. Барбатожли аралаштиригичли ускуналарнинг схемалари: а-ичи бўш; б-секцияли; в-газлифтли; 1-барботёр; 2-қобиқ; 3- совитиш ғилофи; 4-секция ҳосил қилувчи тўсиқлар; 5-циркуляция

қувури. Оқимлар: I-дастлабки суюқлик; II-чиқаётган суюқлик; III-чиқаётган газ; IV-кираётган газ. Барботажли ускуналарда газнинг кўндаланг кесимнинг эркин юзасига нисбатан олинган тезлиги 0,1 м/с дан ортмаслиги керак. Газнинг ўта юқори тезликларида аралашмадаги газ миқдорининг кўпайиши, аралаштирилиши лозим бўлган суюқликнинг берилган маълум миқдорида, ускуна умумий ҳажмининг катталашиб кетишига олиб келади. Бундан ташқари, газнинг юқори тезликларида катта ўлчамлардаги пульсациялар пайдо бўлади, оқибат натижада босимнинг пульсацияси ва ускунанинг тебраниши юзага чиқади. Енгил учувчан суюқликларни пневматик усул билан аралаштириш мумкин эмас, чунки бундай шароитда улар аралаштираётган газ билан бирга чиқиб кетади. Сочилувчан донадор жисмларни пневматик аралаштириш учун эрлифт принципидан фойдаланилади (3.4-расм). Ҳаво компрессор ёрдамида марказий қувурга юборилади. Бундай шароитда марказий қувур ичида газ, суюқлик ва қаттиқ жисмнинг аралашмаси пайдо бўлади, бу аралашманинг зичлиги идишнинг бошқа қисмидаги аралашма зичлигидан кам бўлади. Ушбу зичликларнинг айирмаси таъсирида ускунадаги бутун массанинг циркуляцион ҳаракати пайдо бўлади. Эрлифтдаги газнинг келтирилган тезлиги 2 м/с га ча, циркуляцион оқимнинг тезлиги эса 1 м/с гача етади. 3.4-расм. Эрлифтдан фойдаланилган аралаштиргич.

Айниқса газни (масалан, ҳаво кислородини) суюқлик билан кимёвий реакцияга кириши зарур булган пайтда пневматик усулни қўллаш мақсадга мувофиқ бўлади. Бундай аралаштиришни аэрация деб юритилади. Аэрацион ускуналарнинг самарадорлиги суюқ муҳитнинг аралашишидан ташқари кислород билан тўйиниш даражаси орқали ҳам белгиланади. Пневматик аралаштирувчи ускуналарни ҳисоблаш тегишли босимни ва сиқилган ҳаво сарфини аниқлашдан иборатдир. Аралаштириш учун зарур бўлган сиқилган ҳавонинг босими (Р, Па) қуйидаги тенглама орқали аниқланиши мумкин: Р = 1,2 Н ρ с g + Р 0 , (3.5) Бу ерда Н – аралашаётган суюклик устунининг баландлиги, м; ρ с – аралашаётган суюқликнинг зичлиги, кг/м 3 ; Р 0 – суюқлик устидаги босим, Па. Ҳаво линиясидаги босимнинг йўқолишини суюқлик устуни қаршилигининг 20 фоизига тенг деб олинган (коэффициент 1,2). Ускунадаги суюқликнинг 1 м 2 эркин юзасига тўғри келган ҳаво сарфини қуйидагича қабул қилинади: секин аралаштиришда – 0,8 м 3 /м 2 ·мин, жадалл аралаштиришда – 1 м 3 /м 2 · мин (ёки 60 м 3 /м 2 ·соат). Ба р ботёр тешиклардан чиқаётган газнинг тезлиги 20÷40 м/с ни ташкил этади. 4. АРАЛАШТИРИШНИНГ БОШҚА УСУЛЛАРИ Циркуляцион аралаштириш. Суюқ муҳитни жадал аралаштириш учун циркуляцион насосдан фойдаланилади (3. 5 -расм). Суюқлик

3.5-расм . Циркуляцион аралаштиргичнинг схемалари: а, б-циркуляцион насос билан; в-циркуляцион насос ва эжектор билан; 1-ускуна; 2-циркуляцион насос; 3-сочқич; 4- қувур; 5-эжектор. ҳайдаладиган қувурлар горизонтал юзага нисбатан бироз қия қилиб, ускуна деворига урунма ҳолатида бирлаштирилади. Қувурларнинг учлари махсус насадкалар билан таъминланган бўлади. Насадкалар ёрдамида суюқлик ускунанинг ҳажми бўйича сочиб берилади. Циркуляцион насос сифатида марказдан қочма ва ингичка оқимли насослар ишлатилади. Насоснинг иш унумдорлиги кўпайган сари циркуляциянинг самарадорлиги ортади. Турбулизаторлар ёрдамида аралаштириш. Суюқликни оқим бўйлаб кўп маротаба аралаштириш учун қувурларга ёки уларга жойлаштирилган аралаштиргичларга махсус турбулизаторлар ўрнатилади. Турбулизаторлар (бошқача қилиб айтганда статик аралаштиргичлар) қаторига диафрагмалар, оқим кесувчилар, яримта тўсиқлар, винтлар киради (3.6-расм). Турбулизаторларга кирганда оқим ўзининг қиймати ва йўналишини ўзгартиради. Аралаштиришнинг ушбу турида оқимнинг энергияси сарф бўлади. Турбулизаторлар ёрдамида олиб бориладиган аралаштириш кўп энергия талаб қилади. Бу усул суюқликлар ўзаро эрувчанлик хоссаларига эга бўлган ва аралашма компонентларининг қовушоқлиги нисбатан кам бўлган шароитда қўлланилади. Суюқлик оқими катта тезлик билан ҳаракат қилган

3.6-расм . Оқимда аралаштириш учун ишлатиладиган ускуналарнинг схемалари: Киритилган қўшимча: а-диафрагма; б-яримта тўсиқлар; в-винт; г- ингичка оқимли аралаштиргичда винт; 1,2-аралашма компонентларининг кириши; 3 – аралашманинг чиқиши. шароитда ва қувурнинг узунлиги нисбатан катта бўлганда турбулизаторлар ёрдамида аралаштириш мақсадига мувофиқ бўлади. Оқимнинг ўзида аралаштиришни ҳисоблаш пайтида турбулизаторлар маҳаллий қаршиликлар сифатида олинади. Саноатнинг баъзи бир соҳаларида вибрацияли ва пульсацияли аралаштиргичлар ҳам ишлатилмоқда. Вибрацияли аралаштиргич диск шаклида бажарилган бўлиб, қайтарилма-илгарилма ҳаракат қилувчи вертикал ўқга бириктирилган бўлади. Пульсацион аралаштиргич эса газ оқимига импульс бериб турадиган пульсатор билан бириктирилган бўлади. Пульсацион ва вибрацион тебранишлардан фойдаланиш суюқ муҳитларда аралаштириш самарадорлигини оширишга олиб келади.

Адабиётлар рўйхати 1. Скобло А.И., Молоканов Ю.К., Владимиров А.И., Щелкунов В.А. Процессы и аппараты нефтегазопереработки и нефтехимии. – М.: Недра, 200 0 . – 677 с. 2. Молоканов Ю.К. Процессы и аппараты нефтега з опереработки. – М.: Химия, 1980. – 407с. 3. Владимиров А.И., Щелкунов В.А., Щелкунов В.А., Круглов С.А. Основные процессы и аппараты нефтегазопереработки (краткий справочник). – М.: Нефть и газ, 1996. – 155 с. 4. Фарамазов С.А. Оборудование нефтеперерабатывающих заводов и его эксплуатация. – М.: Химия, 1978. – 352 с. 5. Рябов В.Д. Химия нефти и газа. – М.: Техника, 2004. – 287 с. 6. Коннова Г.В. Оборудование транспорта и хранения нефти и газа. – Ростов-на-Дону: Феникс, 2006. – 126 с. 7. Грищенко А.И., Галанин И.А., Зиновьева Л.М. и др. Очистка газов от сернистых соединений при эксплуатации газовых месторождений. – М.: Недра, 1985. – 270 с. 8. Справочник нефтехимика. В двух томах. Том 1. Под редакцией Огородникова С.К. – Л.: Химия, 1978. – 496 с. 9. Справочник нефтехимика. В двух томах. Том 2. Под редакцией Огородникова С.К. – Л.: Химия, 1978. – 592 с. 10. Фукс И.Г., Холодов Б.П. Нефть, газ и продукты их переработки. – М.: Нефть и газ, 1994. – 163 с.

O'xshashlar

Қаттиқ материалларни синфлаш, саралаш ва аралаштириш

Суюқликларни экстракциялаш

Кристалланиш

Нефтдан олинадиган минерал мойлар

Иссиқлик ўтказиш асослари